ନନ୍ଦିଘୋଷ ବ୍ୟୁରୋ: ମମି, ପାପା, ସରି…ଏହା ଥିଲା ବାପା ମାଙ୍କ ଉଦ୍ଦେଶ୍ୟରେ ୩ ନାବାଳିକା ଭଉଣୀଙ୍କ ଜୀବନର ଶେଷ ବାର୍ତ୍ତା । ଏକ ଅନଲାଇନ ଗେମିଂ ଆପ ସାରିଦେଲା ୩ ଭଉଣୀଙ୍କ ଜୀବନ । ଘଟଣାଘଟିଛି ଗାଜିଆବାଦରେ । ଏକ ୯ ମହଲା କୋଠାରୁ ଡେଇଁ ଜୀବନ ହାରିଛନ୍ତି ୩ ଭଉଣୀ । ଏହି ମର୍ମନ୍ତୁଦ ଘଟଣା ଘଟିବା ପରେ ବିଭିନ୍ନ ଦିଗକୁ ନେଇ ପୋଲିସ କରୁଛିତ ତଦନ୍ତ । ରାତି ୨.୧୫ରେ ଘଟିଛି ଏହି ଘଟଣା । ମୃତକମାନେ ହେଲେ ୧୬ ବର୍ଷ ବୟସ୍କ ନିଶିକା, ୧୪ ବର୍ଷୀୟ ପ୍ରାଚୀ ଓ ୧୨ ବର୍ଷୀୟ ପାଖୀ। ଏନେଇ ସୂଚନା ଦେଇଛନ୍ତି ଗାଜିଆବାଦ ଏସପି ଅତୁଲ କୁମାର ସିଂ ।

ପୋଲିସ ସୂଚନା ଅନୁସାରେ ଏହି ୩ ଉଭଣୀ କୋରିଆର ଏକ ଅନଲାଇନ ଗେମିଂ ଆପ୍ ସହ ଜଡିତ ଥିଲେ । ସେମାନେ କିନ୍ତୁ କାହିଁକି ଆତ୍ମହତ୍ୟା କଲେ ତାହାର କାରଣ ଜଣାପଡ଼ିନାହିଁ । ସେମାନେ ଡେଇଁବା ପରେ ପ୍ରବଳ ଶବ୍ଦ ହେବାରୁ ଲୋକେ ଏହି ବିଷୟ ଜାଣିଥିଲେ। ଘରୁ ପୋଲିସ ଏକ ପୃଷ୍ଠା ସମ୍ବଳିତ ନୋଟ ଜବତ କରିଛି। ସେମାନଙ୍କୁ ତୁରନ୍ତ ଲୋନିସ୍ଥିତ ହସ୍ପିଟାଲକୁ ନିଆଯାଇଥିଲା। ମାତ୍ର ସେଠାରେ ଡାକ୍ତର ସମସ୍ତଙ୍କୁ ମୃତ ଘୋଷଣା କରିଥିଲେ। ପୋଲିସ ବାପା, ମାଆଙ୍କୁ ମଧ୍ୟ ଜେରା କରିଛି । ସେପଟେ ଗେମ ଖେଳିବାକୁ ବାପା ମାଆ ମନା କରିବାରୁ ସେମାନେ ଆତ୍ମହତ୍ୟା କଲେ ବୋଲି ଚର୍ଚ୍ଚା ହେଉଛି ।