ଭୁବନେଶ୍ବର : ମହିଳା ଶିଶୁଙ୍କ ଉପରେ ହେଉଥିବା ଅତ୍ୟାଚାରକୁ ନେଇ ବିଧାନସଭା ଷ୍ଟାଣ୍ଡିଂ କମିଟିର ଉଦବେଗ। ଆଜି ଅନୁଷ୍ଠିତ ବୈଠକରେ ଗୃହ ବିଭାଗ ସହିତ ଆଲେଚନା ହୋଇଛି। ଗୃହ ବିଭାଗ ବି ମାମଲା ବଢିଥିବା ସ୍ବୀକାର କରିଛି।ଏ ଦିଗରେ ପଦକ୍ଷେପ ନିଆଯିବ ବୋଲି କମିଟି ଆଗରେ ଗୃହ ବିଭାଗ ପ୍ରତିଶ୍ରୁତି ଦେଇଥିବା ପ୍ରମିଳା ମଲ୍ଲିକ କହିଛନ୍ତି। ବିଧାୟିକା ସୀମାରାଣି ନାଏକ କହିଛନ୍ତି ଶିଶୁ ଶ୍ରମିକ ଏବଂ ଭିକାରୀ ସଂଖ୍ୟା ଅଧିକ ରହିଛି। ତାକୁ ଉଦ୍ଧାର କରାଯିବ। E-FIR ଉପରେ ସଚେତନତା କରିବା ପାଇଁ ଗୃହ ବିଭାଗକୁ ନିର୍ଦ୍ଦେଶ ଦିଆଯାଇଛି। କମିଟିର ସମସ୍ତ ସଦସ୍ୟ ଆଲୋଚନା କରିଛନ୍ତି। ଆସନ୍ତା ୧୮ ତାରିଖରେ କମିଟି କ୍ଷେତ୍ର ପରିଦର୍ଶନ କରିବ।ଫାଷ୍ଟଟ୍ରାକ ମୋଡରେ ଦଣ୍ଡ ବିଧାନ କରାଯାଉ। ପୋଲିସର ଢିଲାପଣ ପାଇଁ ମହିଳା ଓ ଶିଶୁଙ୍କ ଉପରେ ନିର୍ଯାତନା ବଢୁଛି। ଲୋକଙ୍କ ଭିତରେ ଭୟନାହଁ।ତେଣୁ ନିକଟରେ ଘଟିଥିବା ଘଟଣା ହିନ୍ଦୋଳ ଏବଂ ତାଳଚେର ମାମଲାରେ ତୁରନ୍ତ ଚାର୍ଜସିଟ୍ କରି କାର୍ଯ୍ୟାନୁଷ୍ଠାନ ନେବା ପାଇଁ ଦାବି କରିଛନ୍ତି ବିଧାୟକ ସୋଫିଆ ଫିର୍ଦ୍ଦୋସ।
ଭୁବନେଶ୍ଵର ବିମାନବନ୍ଦର ଘରୋଇକରଣ ପ୍ରସଙ୍ଗ, ନିଷ୍ପତ୍ତିର ପୁନର୍ବିଚାର କରିବାକୁ ବିଜେଡିର ଦାବି
ଭୁବନେଶ୍ୱର : ଭୁବନେଶ୍ୱର ବିମାନବନ୍ଦରର ଘରୋଇକରଣ ପ୍ରସଙ୍ଗର ପୁନର୍ବିଚାର କରନ୍ତୁ କେନ୍ଦ୍ର ସରକାରl ସରକାରୀ ସମ୍ପତ୍ତିକୁ ଆଖିବୁଜି ଘରୋଇକରଣ କରିବା ଉଚିତ୍ ନୁହେଁ। ସବୁ ସମ୍ପତିର ସଠିକ ପରିଚାଳନା କରିବା ପାଇଁ ଘରୋଇକରଣ ଏକ ଭ୍ରାନ୍ତ ଧାରଣା ବୋଲି ବିଜେଡି ବିଧାୟକ ଗଣେଶ୍ୱର ବେହେରା କହିଛନ୍ତି। ବିଜୁ ପଟ୍ଟନାୟକ ବିମାନବନ୍ଦର ଲାଭଦାୟକ ହୋଇଥିବାରୁ ଏହାକୁ ଘରୋଇକରଣ କରିବା ଠିକ୍ ନୁହେଁ ବୋଲି ବିଜେଡି କହିଛି। ସେହିପରି କଂଗ୍ରେସ ବିଧାୟିକା ସୋଫିଆ ଫିର୍ଦୋସ କିହିଛନ୍ତି କେନ୍ଦ୍ର ସରକାର ନିର୍ଦ୍ଦିଷ୍ଟ ଶିଳ୍ପପତିଙ୍କ ପାଇଁ ସବୁ ସରକାରୀ ସଂସ୍ଥାକୁ ଘରୋଇକରଣ କରୁଛନ୍ତି କେନ୍ଦ୍ର ସରକାରl ଦେଶର ୧୧ଟି ବିମାନବନ୍ଦରକୁ ଘରୋଇକରଣ କରିବେl ହେଲେ ଲାଭଦାୟକ ବିଜୁ ପଟ୍ଟନାୟକ ବିମାନ ବନ୍ଦରକୁ ଘରୋଇକରଣ କାହିଁକି କରାଯାଉଛି ବୋଲି କଂଗ୍ରେସ ପ୍ରଶ୍ନ କରିଛି l ବିଜେପି କିନ୍ତୁ ଏ ପ୍ରସଂଗରେ ଭିନ୍ନ ଯୁକ୍ତି ବାଢିଛିl ବିଜେପି ବିଧାୟକ ସରୋଜ ପାଢ଼ୀ କହିଛନ୍ତି ଦେଶ ଓ ରାଜ୍ୟର ଉନ୍ନତି ପାଇଁ ଘରୋଇକରଣ କରାଯାଉଛି।
କାଉଣ୍ଟର ଡ୍ରୋନ ସିଷ୍ଟମ ଭାର୍ଗବାସ୍ତ୍ରର ସଫଳ ପରୀକ୍ଷା
ନନ୍ଦିଘୋଷ ବ୍ୟୁରୋ : ସଫଳତାର ସହ ଭାରତ ପରୀକ୍ଷା କଲା କମ ମୂଲ୍ୟର କାଉଣ୍ଟର ଡ୍ରୋନ ସିଷ୍ଟମ ଭାର୍ଗବାସ୍ତ୍ର। ଡ୍ରୋନ ହମଲାର ବିପଦ ବଢୁଥିବାବେଳେ ଭାରତ ଏହି ସଫଳତା ହାସଲ କରିଛି। ଗୋପାଳପୁରସ୍ଥିତ ସିୱାର୍ଡ ଫାୟାରିଂ ରେଞ୍ଜରୁ ଏହି ପରୀକ୍ଷା କରାଯାଇଛି। ଏହି ଅସ୍ତ୍ର ଅଢେଇ କିଲୋମିଟର ଦୂରରୁ ଡ୍ରୋନର ସନ୍ଧାନ କରିପାରିବ ଓ ଏହାକୁ ହଟାଇପାରିବ। ସୋଲାର ଡିଫେନ୍ସ ଆଣ୍ଡ ଏରୋସ୍ପେସ ଲିମିଟେଡ ବା ଏସଡିଏଏଲ ପକ୍ଷରୁ ପ୍ରସ୍ତୁତ ହୋଇଛି କମ ମୂଲ୍ୟର କାଉଣ୍ଟର ଡ୍ରୋନ ସିଷ୍ଟମ । ଡ୍ରୋନ ହମଲାର ମୁକାବିଲା ଲାଗି ଏହାର ସଦୁପଯୋଗ କରାଯିବ ବୋଲି ସୂଚନା ମିଳିଛି। ଗତ ୧୩ ତାରିଖରେ ଗୋପାଳପୁରରେ ଏହାର ୩ଟି ଟ୍ରାଏଲ ପରୀକ୍ଷଣ ହୋଇଛି। ଏହି ଅବସରରେ ସେନାର ବହୁ ବରିଷ୍ଠ ଅଧିକାରୀ ଉପସ୍ଥିତ ଥିଲେ। ପ୍ରୟୋଗ କରାଯାଇଥିବା ସମସ୍ତ ୪ଟି ରକେଟ ସମ୍ପୂର୍ଣ୍ଣ ସଫଳ ହୋଇଥିବା କୁହାଯାଇଛି। ସମୁଦ୍ର ପତ୍ତନଠାରୁ ୫ ହଜାର ମିଟର ଉପରେ କିମ୍ବା ଦୁର୍ଗମ ଅଞ୍ଚଳରେ ବି ଏହାର ପ୍ରୟୋଗ କରାଯାଇପାରିବ। ଏହି ମାଇକ୍ରୋ ମିସାଇଲ ବି ୟୁଏଭିକୁ ନଷ୍ଟ କରିପାରିବ। ଏହି ସିଷ୍ଟମରେ ରହିଛି ମଡୁଲାର, ରାଡାର, ଇଓ, ଆରଏଫ ରିସିଭର ଓ ଶୁଟର। ଏଥିରେ ଅତ୍ୟାଧୁନିକ କମାଣ୍ଡ ଆଣ୍ଡ କଣ୍ଟ୍ରୋଲ ସେଣ୍ଟର ରହିଛି।
ମହାରାଷ୍ଟ୍ରର ମୁଖ୍ୟମନ୍ତ୍ରୀ ଦେବେନ୍ଦ୍ର ଫଡନାବିସଙ୍କ ସହ ମିଶିଲେ ରୋହିତ, ଅବସର ପରେ ରାଜନୀତି ପାଇଁ ପ୍ରସ୍ତୁତି ?
ନନ୍ଦିଘୋଷ ବ୍ୟୁରୋ : ଟି-୨୦ ଫର୍ମାଟରୁ ଅବସର ନେଇଥିବା କ୍ରିକେଟର ରୋହିତ ଶର୍ମା ଏବେ ଟେଷ୍ଟ ଫର୍ମାଟରୁ ମଧ୍ୟ ଅବସର ନେଇଛନ୍ତି । ଅବସର ନେବା ପରେ ସେ ମହାରାଷ୍ଟ୍ରର ମୁଖ୍ୟମନ୍ତ୍ରୀ ଦେବେନ୍ଦ୍ର ଫଡନାବିସଙ୍କ ସରକାରୀ ବାସଭବନରେ ଯାଇ ତାଙ୍କୁ ଦେଖା କରିଛନ୍ତି । ଏହି ସାକ୍ଷାତକାରକୁ ନେଇ ଏବେ ଚର୍ଚ୍ଚା ଜୋର ଧରିଛି । ରୋହିତ କ‘ଣ ରାଜନୀତିରେ ପାଇଁ ପ୍ରସ୍ତୁତି ଚଳାଇଛନ୍ତି କି ?
ଆଜିକା ଦିନରେ କ୍ରିକେଟରୁ ସନ୍ୟାସ ନେବା ପରେ ରାଜନୀତି କରିବା କିଛି ନୂଆ କଥା ନାହିଁ । ବହୁ କ୍ରିକେଟର ଅବସର ନେବା ପରେ ରାଜନୀତି କରୁଛନ୍ତି । ପୂର୍ବତନ ଅଧିନାୟକ ମହମ୍ମଦ ଅଜହରୁଦ୍ଦିନ ଠାରୁ ଆରମ୍ଭ କରି ବିନୋଦ କାମ୍ବଲି ଓ ନବଜୋତ ସିଂ ସିଦ୍ଧୁ ପର୍ଯ୍ୟନ୍ତ ବହୁ କ୍ରିକେଟର ରାଜନୀତିରେ ପାଦ ଦେଇଛନ୍ତି ।
ସାକ୍ଷାତ ପରେ ମୁଖ୍ୟମନ୍ତ୍ରୀ ଦେବେନ୍ଦ୍ର ଫଡନାବିସଙ୍କ ତାଙ୍କ ସୋସିଆଲ ମିଡିଆ ଆକାଉଣ୍ଟରେ ଫଟୋକୁ ସେୟାର କରିଛନ୍ତି । ଆଉ ଲେଖିଛନ୍ତି, ଭାରତୀୟ କ୍ରିକେଟର ରୋହିତ ଶର୍ମାଙ୍କୁ ସରକାରୀ ବାସଭବନକୁ ସ୍ବାଗତ ଜଣାଉଛି । ତାଙ୍କ ସହ ସାକ୍ଷାତ କରିବା ପରେ ମତେ ବହୁତ ଖୁସି ଲାଗିଲା । ଟେଷ୍ଟରୁ ସନ୍ୟାସ ନେବା ପରେ ତାଙ୍କ ପରବର୍ତ୍ତୀ କ୍ୟାରିୟର ପାଇଁ ତାଙ୍କୁ ଶୁଭେଚ୍ଛା ଜଣାଉଛି ।
ମଇ ୭ ତାରିଖ ଦିନ କ୍ରିକେଟର ରୋହିତ ଟେଷ୍ଟ ଫର୍ମାଟରୁ ଅବସର ଘୋଷଣା କରିଥିଲେ । ରୋହିତ ଶର୍ମା ୬୭ଟି ଟେଷ୍ଟ ମ୍ୟାଚରେ ୧୨ଟି ଶତକ ଓ ୧୮ଟି ଅର୍ଦ୍ଧଶତକ ସହ ୪୩୦୧ ରନ୍ ସଂଗ୍ରହ କରିଛନ୍ତି । ଅଷ୍ଟ୍ରଲିଆ ବିପକ୍ଷରେ ବିଶ୍ବ ଟେଷ୍ଟ ଚାମ୍ପିଅନସିପରେ ଅଧିନାୟକ ଥିଲେ ରୋହିତ । ଅଧିନାୟକ ଭାବରେ ତାଙ୍କର ପ୍ରଦର୍ଶନ ପ୍ରଭାବଶାଳୀ ଥିଲା। ଏବେ ଭାରତୀୟ ଦଳକୁ ଇଂଲଣ୍ଡ ଗସ୍ତ ପାଇଁ ନୂତନ ଅଧିନାୟକ ବାଛିବାକୁ ପଡିବ।
ପାକିସ୍ତାନକୁ ତୁର୍କୀର ଖୋଲା ସମର୍ଥନ, ଅପରେସନ ସିନ୍ଦୂର ବେଳେ ଯୋଗାଇଥିଲା ଡ୍ରୋନ୍
ନନ୍ଦିଘୋଷ ବ୍ୟୁରୋ: ଭାରତର ପ୍ରତିବାଦ ସତ୍ତ୍ବେ ପାକିସ୍ତାନକୁ ଖୋଲାଖୋଲି ସମର୍ଥନ ଜଣାଇଛି ତୁର୍କୀ। ଅପରସେନ ସିନ୍ଦୂର ବେଳେ ପାକିସ୍ତାନକୁ ସମର୍ଥନ କରିଥିବାରୁ ତୁର୍କୀ ବିରୋଧରେ ବୟକଟ ଆହ୍ବାନ ଦେଇଥିଲା ଭାରତ। ଏହା ସତ୍ତ୍ବେ ଇସଲାମାବାଦକୁ ଆଙ୍କାରା ସବୁ ସମୟରେ ସହଯୋଗ କରିଆସିବ ବୋଲି କହିଛନ୍ତି ତୁର୍କୀ ରାଷ୍ଟ୍ରପତି ରିସେପ ତାୟିପ ଏର୍ଡୋଗାନ। ଅପରେସନ ସିନ୍ଦୂର ବେଳେ ପାକିସ୍ତାନକୁ ତୁର୍କୀ ୩୫୦ ଡ୍ରୋନ ଯୋଗାଇଥିବା ସୂଚନା ମିଳିଛି। ସମର୍ଥନ ଲାଗି ଏର୍ଡୋଗନଙ୍କୁ ପାକ୍ ପ୍ରଧାନମନ୍ତ୍ରୀ ଶେହବାଜ ସରିଫ ଧନ୍ୟବାଦ ଜଣାଇବା ପରେ ପରେ ପାକିସ୍ତାନକୁ ନିଜର ସମର୍ଥନ ଦୋହରାଇଛନ୍ତି ଏର୍ଡୋଗାନ। ନିଜ ବିବୃତିରେ ଏର୍ଡୋଗାନଙ୍କୁ ଭାଇ ବୋଲି ସମ୍ବୋଧନ କରିଥିଲେ ସରିଫ। ଅପରେସନ ସିନ୍ଦୂର ବେଳେ ପାକିସ୍ତାନକୁ ତୁର୍କୀ ଡ୍ରୋନ ଯୋଗାଇଥିଲା ଯାହାକି ଭାରତର ସାମରିକ ପ୍ରତିଷ୍ଠାନ ବିରୋଧରେ ବ୍ୟବହୃତ ହୋଇଥିଲା।
ଅପରେସନ ସିନ୍ଦୂର ବେଳେ କରାଚୀ ବନ୍ଦର ନିକଟରେ ମୁତୟନ ହୋଇଥିଲା INS ବିକ୍ରାନ୍ତ ସହ ୩୬ ଜାହାଜ
ନନ୍ଦିଘୋଷ ବ୍ୟୁରୋ: ଅପରେସନ ସିନ୍ଦୂର ବେଳେ କରାଚୀ ବନ୍ଦର ନିକଟରେ ମୁତୟନ ହୋଇଥିଲା ଆଇଏନଏସ ବିକ୍ରାନ୍ତ, କେତେକ ବୁଡ଼ାଜାହାଜ ସମେତ ୩୬ଟି ନୌସେନା ଜାହାଜ। ୧୯୭୧ ଭାରତ-ପାକିସ୍ତାନ ଯୁଦ୍ଧ ବେଳେ ପାକିସ୍ତାନ ବିରୋଧରେ ଭାରତ ମୁତୟନ କରିଥିଲା ମୋଟ ୬ଟି ଯୁଦ୍ଧଜାହାଜ। ଅପରେସନ ସିନ୍ଦୂର ବେଳେ ଭାରତୀୟ ନୌସେନା ହାଇଆଲର୍ଟରେ ଥିଲା ବୋଲି ଜଣାଯାଇଛି। କ୍ୟାରିୟର ବ୍ୟାଟଲ ଗରୁପ ଆଇଏନଏସ ବିକ୍ରାନ୍ତକୁ ସହଯୋଗ କରୁଥିଲେ ୮ରୁ ୧୦ଟି ଯୁଦ୍ଧଜାହାଜ। ଭାରତୀୟ ନୌସେନାର ଏହା ଥିଲା ଏକ ସର୍ବବୃହତ ରିଅଲଟାଇମ ଅପରେସନାଲ ମୁଭମେଣ୍ଟ। ପାକିସ୍ତାନ ବିରୋଧରେ ମୁତୟନ ହୋଇଥିଲା ୭ଟି ଡ୍ରେଷ୍ଟ୍ରୟର ଯେଉଁଥିରେ ରହିଥିଲା ବ୍ରହ୍ମୋସ ମିସାଇଲ, ମଧ୍ୟମଦୂରଗାମା ଭୂପୃଷ୍ଠରୁ ଆକାଶମାର୍ଗକୁ ନିକ୍ଷେପ ହୋଇପାରୁଥିବା ମିସାଇଲ, ବରୁଣାସ୍ତ୍ର ଟର୍ପେଡୋ।
ଏହା ସହ ୭ଟି ଷ୍ଟିଲଥ ଗାଇଡେଡ ମିସାଇଲ ଫ୍ରିଗେଟ, ଆଇଏନଏସ ତ୍ରିଶୂଳ ଆଦି ବି ଖଞ୍ଜାଯାଇଥିବା ସୂଚନା ମିଳିଛି। ପାକିସ୍ତାନ ପକ୍ଷରୁ ମୋଟ ୩୦ଟି ଯୁଦ୍ଧଜାହାଜ ମୁତୟନ ହୋଇଥିଲା ବୋଲି କୁହାଯାଇଛି। ପହଲଗାଓଁ ହମଲା ପରେ ଗତ ମେ ୭ରୁ ଆରମ୍ଭ ହୋଇଥିଲା ଅପରେସନ ସିନ୍ଦୂର। ଏହି ଅଭିଯାନରେ ଭାରତର ଦର୍ପ ନିକଟରେ ମୁଣ୍ଡ ନୁଆଁଇଥିଲା ପାକିସ୍ତାନ ।
ସୋପିଆନରେ ବିପୁଳ ଅସ୍ତ୍ରଶସ୍ତ୍ର ଜବତ, ତିନି ଲସ୍କର ଆତଙ୍କୀବାଦୀଙ୍କୁ ସୁରକ୍ଷାକର୍ମୀଙ୍କ ଏନକାଉଣ୍ଟର
ଜାମୁ କାଶ୍ମୀର: ଜାମୁ ଓ କାଶ୍ମୀର ସୋପିଆନରେ ବିପୁଳ ଅସ୍ତ୍ରଶସ୍ତ୍ର ଜବତ। ଗତକାଲିଠାରୁ ସେଠାରେ ଜାରି ରହିଥିବା ଅପରେସନରେ ଯବାନଙ୍କୁ ମିଳିଛି ବିପୁଳ ସଫଳତା। ବିଭିନ୍ନ ସ୍ଥାନରେ ଚଢାଉ କରଯାଇ ଜବତ ହୋଇଛି ବିପୁଳ ଅତ୍ୟାଧୁନିକ ଅସ୍ତ୍ରଶସ୍ତ୍ର। ଏନକାଉଣ୍ଟର ପ୍ରଥମେ କୁଲଗାମରୁ ଆରମ୍ଭ ହୋଇଥିଲା। ପରେ ସୋପିଆନକୁ ଏହି ଅଭିଯାନ ଯାଇଥିଲା। ଅପରେସନରେ ନିୟୋଜିତ ହୋଇଥିଲେ ସେନା ଓ ଅର୍ଦ୍ଧସାମରିକ ବାହିନୀ। ରାଷ୍ଟ୍ରୀୟ ରାଇଫଲ୍ସର ୟୁନିଟର ଗୁଇନ୍ଦା ସୂଚନା ଆଧାରରେ ଏହି ଅପରେସନ କରାଯାଇଥିଲା।
କାଶ୍ମୀରର ସୋପିଆନରେ ତିନି ଲସ୍କର ଆତଙ୍କୀବାଦୀଙ୍କୁ ସୁରକ୍ଷାକର୍ମୀଙ୍କ ଏନକାଉଣ୍ଟର । ଦକ୍ଷିଣ କାଶ୍ମୀରର ସୋପିଆନ ଜିଲ୍ଲାର କେଲର ଅଞ୍ଚଳରେ ଏହି ଏନକାଉଣ୍ଟର ଘଟଣା ଘଟିଛି । ଯେଉଁଥିରେ ଲସ୍କର-ଏ-ତୋଇବାର ତିନି ଆତଙ୍କବାଦୀଙ୍କୁ ନିପାତ କରିଛନ୍ତି ସୁରକ୍ଷାକର୍ମୀ । ସ୍ଥାନୀୟ ଶୁକ୍ରୁ ଜଙ୍ଗଲରେ ଆତଙ୍କୀବାଦୀଙ୍କ ଉପସ୍ଥିତି ନେଇ ଖବର ପାଇବା ପରେ ସର୍ଚ୍ଚ ଅପରେସନ କରି ତିନି ଆତଙ୍କୀଙ୍କୁ ନିପାତ କରିବାରେ ସଫଳ ହୋଇଥିଲେ ସୁରକ୍ଷାକର୍ମୀ । ଏହି ଅଭିଯାନରୁ ପ୍ରବଳ ଗୁଳିଗୋଳା ଓ ଅସ୍ତ୍ରଶସ୍ତ୍ର ଜବତ କରାଯାଇଛି ।
ଓଡ଼ିଶା ଆଦର୍ଶ ବିଦ୍ୟାଳୟର ସିବିଏସଇ ମାଟ୍ରିକ ଓ ଦ୍ବାଦଶ ପରୀକ୍ଷାରେ ଭଲ ପ୍ରଦର୍ଶନ
ଭୁବନେଶ୍ବର: ନବୀନଙ୍କ ହାତ ତିଆରି ଅନୁଷ୍ଠାନ ଓଡ଼ିଶା ଆଦର୍ଶ ବିଦ୍ୟାଳୟ ସିବିଏସଇ ମାଟ୍ରିକ ଓ ଦ୍ବାଦଶ ପରୀକ୍ଷାରେ ଭଲ ପ୍ରଦର୍ଶନ କରିଛି । ଦଶମ ଶ୍ରେଣୀରେ ପାସ ହାର ୯୧.୮ପ୍ରତିଶତକୁ ବୃଦ୍ଧି ପାଇଛି । ୧୦୬୨ ଜଣ ୯୦ ପ୍ରତିଶତରୁ ଅଧିକ ନମ୍ବର ରଖି ଉତ୍ତୀର୍ଣ୍ଣ ହୋଇଛନ୍ତି । ସେହିପରି ଦ୍ବାଦଶ ଶ୍ରେଣୀରେ ବିଜ୍ଞାନରେ ୭୨.୦୫ ପ୍ରତିଶତକୁ ବୃଦ୍ଧି ପାଇଥିବାବେଳେ ବାଣିଜ୍ୟରେ ପାସ ହାର ୭୭.୬୦ ପ୍ରତିଶତକୁ ବୃଦ୍ଧି ପାଇଛି । ଏହାକୁ ନେଇ ବିରୋଧୀ ଦଳ ନେତା ତଥା ବିଜେଡି ସୁପ୍ରିମୋ ନବୀନ ପଟ୍ଟନାୟକ ସମସ୍ତ କୃତି ଛାତ୍ରଛାତ୍ରୀଙ୍କୁ ଅଭିନନ୍ଦନ ଜଣାଇଛନ୍ତି । ଅନ୍ୟପଟେ ଓଡ଼ିଶା ଆଦର୍ଶ ବିଦ୍ୟାଳୟ ଯୋଜନାର ଭୂୟସୀ ପ୍ରଶଂସା କରିଛନ୍ତି ବିଜେଡି ନେତ୍ରୀ ତଥା ବିରୋଧୀ ଦଳ ମୁଖ୍ୟ ସଚେତକ ପ୍ରମିଳା ମଲ୍ଲିକ । ଏହା ପୂର୍ବତନ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ଅଭିନବ ଯୋଜନା ବୋଲି ସେ କହିବା ସହ ପ୍ରତି ବ୍ଲକରେ ଏହା କରାଯାଉଛି । ଓଏଭିରେ ଭଲ ପାଠ ପଢ଼ାଯାଉଛି । ଗାଁ ଗହଳିରେ ଯେଉଁ ପିଲା ଓ ଅଭିଭାବକ ଭଲ ପଢ଼ାର ସୁଯୋଗ ପାଇଛନ୍ତି ସେମାନେ ଭଲ ଫଳାଫଳ କରିଛନ୍ତି । ଯାହା ତତ୍କାଳୀନ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ଆଶା ଥିଲା, ତାହା ଆଜି ପୂରଣ ହୋଇଛି ବୋଲି ପ୍ରମିଳା କହିଛନ୍ତି ।
ଲୋକ ପ୍ରତିନିଧି ମାନେ ଶିକ୍ଷକ ବଦଳି ପାଇଁ କରି ପାରିବେ ସୁପାରିସ, ସମାଲୋଚନା କଲା ବିଜେଡି, କଂଗ୍ରେସ, ଓଷ୍ଟା
ଭୁବନେଶ୍ବର: ଯୋଗ୍ୟତା ଭିତ୍ତିରେ ଲୋକ ପ୍ରତିନିଧି ମାନେ ଏଣିକି ଶିକ୍ଷକ ବଦଳି ପାଇଁ ସୁପାରିସ କରି ପାରିବେ। ପ୍ରତି ସାଂସଦ ଓ ବିଧାୟକ ଗୋଟିଏ ଶିକ୍ଷା ବର୍ଷରେ ନିଜ ନିର୍ବାଚନ ମଣ୍ଡଳୀର ସର୍ବୋଚ୍ଚ ୧୫ ଜଣଙ୍କ ଜିଲ୍ଲା ଭିତରେ ବଦଳି ପାଇଁ ସୁପାରିସ କରିପାରିବେ । ଅନେକ ଶିକ୍ଷକ ବଦଳି ପାଇଁ ଲୋକ ପ୍ରତିନିଧିମାନଙ୍କ ପାଖକୁ ଯାଇଥାନ୍ତି । ସେମାନଙ୍କ ଅସୁବିଧାକୁ ବିଚାରକୁ ନେଇ ବଦଳି ପାଇଁ ସୁପାରିଶ କରି ପାରିବେ। ଏଥିରେ କୌଣସି ଦୁର୍ନୀତି ହେବ ନାହିଁ। ୬ବର୍ଷରୁ ଉର୍ଦ୍ଧ ସମୟ ଧରି ଥିବା ଶିକ୍ଷକମାନଙ୍କ ବଦଳି ପାଇଁ ସୁପାରିଶ କରାଯାଇପାରିବ। ୧୫ ମେ ରୁ ୧୫ ଜୁନ୍ ଭିତରେ ଲୋକସଭା ସାଂସଦ ଓ ବିଧାୟକ ଜିଲ୍ଲାପାଳଙ୍କୁ ତାଲିକା ଦେବେ । ମାତ୍ର ରାଜ୍ୟ ସଭା ସାଂସଦ ମାନେ ମାଧ୍ୟମିକ ଶିକ୍ଷା ନିର୍ଦ୍ଦେଶକଙ୍କୁ ତାଲିକା ଦେବେ ବୋଲି ଗଣ ଶିକ୍ଷା ମନ୍ତ୍ରୀ ନିତ୍ୟାନନ୍ଦ ଗଣ୍ଡ କହିଛନ୍ତି।
ଅନ୍ୟପଟେ ବିରୋଧୀ ଦଳର ମୁଖ୍ୟ ସଚେତକ ପ୍ରମିଳା ମଲ୍ଲିକ କହିଛନ୍ତି, ବଦଳି ପାଇଁ ସୁପାରିଶ କରିବୁ ନାହିଁ। ଏହାକୁ ଅଫିସିଆଲ କରାଯାଇଥିବା ସତ୍ୱେ ସୁପାରିଶ କରିବୁ ନାହିଁ। ସେଥିପାଇଁ BEO, ସ୍କୁଲ କମିଟି, ସ୍କୁଲ ଅଧ୍ୟକ୍ଷ ଅଛନ୍ତି। ଯେଉଁଠି ସେମାନେ ଅନୁଭବ କରିବେ, ବଦଳି କରିବେ କି ଶିକ୍ଷକ ନଥିବା ସ୍କୁଲକୁ ଶିକ୍ଷକ ଦେବେ। ଅତି ଜରୁରୀକାଳୀନ କି ମେଡିକାଲ କେଶରେ ଆମେ କହି ପାରୁ। ହେଲେ ସୁପାରିଶ କରିବୁ ନାହିଁ। ଶିକ୍ଷକ କିଛି ଭୁଲ କରୁ ନାହାନ୍ତି। ସେମାନେ ଭୟଭୀତ ନ ହୁଅନ୍ତୁ। ସରକାର ତ କହିଥିଲେ, ଶିକ୍ଷକ ଅଭାବ ପୂରଣ କରିବେ। ହେଲେ କେତେ କଲେ? ସରକାର କଣ କରିବେ, ସମୟ କହିବ। ଶିକ୍ଷକମାନେ ତାଙ୍କ କାମ କରୁଛନ୍ତି। ତାଙ୍କୁ ହଇରାଣ ନ କରାଯାଉ। ଦଳୀୟ ଭିତ୍ତିରେ ଶିକ୍ଷକଙ୍କୁ ହଇରାଣ ନ କରାଯାଉ ବୋଲି ପ୍ରମିଲ୍ଲା ମଲ୍ଲିକ କହିଛନ୍ତି।
ଶିକ୍ଷକ ବଦଳିରେ ବିଧାୟକ, ସାଂସଦଙ୍କ ସୁପାରିଶ ନିଷ୍ପତ୍ତି ବିରୋଧରେ ବର୍ଷିଲେ କଂଗ୍ରେସ ବିଧାୟକ ତାରା ବାହିନୀପତି। ସେ ପ୍ରଶ୍ନ କରିଛନ୍ତି, ଗଣଶିକ୍ଷା ମନ୍ତ୍ରୀ ନିତ୍ୟାନନ୍ଦ ଗଣ୍ଡ କଣ ନିଜେ ସ୍ୱଚ୍ଛ ? ସେ ତ ନିଜେ ସ୍ୱଚ୍ଛ ନୁହଁନ୍ତି। ସେ ଆସିବା ଦିନଠାରୁ ୩୦୦୦ ବଦଳି କରି ସାରିଲେଣି। ନବରଙ୍ଗପୁର, କୋରାପୁଟରୁ ବଦଳି କରି କରି ଶିକ୍ଷକ ଖାଲି କରି ଦେଇଛନ୍ତି। ସେ ଟଙ୍କା ଖାଇବା ମୁଁ ଦେଖିନି। ହେଲେ ଲୋକ ଯାହା କହୁଛନ୍ତି ସେ ବୁଝିବା ଦରକାର। ଗଣଶିକ୍ଷା ମନ୍ତ୍ରୀ କେବେ ବି ବିରୋଧୀଙ୍କ କାମ କରନ୍ତି ନାହିଁ। ବଦଳି ପାଇଁ ଯଦି ବିରୋଧୀ ବିଧାୟକ ସୁପାରିଶ କରିବେ, ତାହା ସେ କରିବେ ନାହିଁ ବୋଲି କହିଛନ୍ତି ତାରା ବାହିନୀପତି।
ଶିକ୍ଷକ ବଦଳିରେ ବିଧାୟକ, ସାଂସଦଙ୍କ ସୁପାରିଶ ବିରୋଧରେ ପ୍ରଶ୍ନ ଉଠାଇଛି ଓଷ୍ଟା। କେବଳ ଅଫଲାଇନରେ କାହିଁକି ଆବେଦନ ହେବ, ଅନଲାଇନ ଆବେଦନ ବି ହେଉ। କେବଳ ଅଫଲାଇନ ହେଲେ ମେଡିକାଲ ବା ସ୍ପାଉସ ସ୍ତରରେ ବଦଳି ହେବନି। ଦଳୀୟ ଭିତ୍ତିରେ ବଦଳି ନ ହେଉ। ସବୁ ଦଳର ବିଧାୟକମାନଙ୍କ ସୁପାରିଶକୁ ଅଗ୍ରାଧିକାର ଦିଆଯାଉ। କାରଣ ବିଜ୍ଞପ୍ତିରେ ଲେଖାଯାଇଛି ଯେ ଆବଶ୍ୟକତା ଭିତ୍ତିକୁ ଅଗ୍ରାଧିକାର ଦିଆଯିବ। ଶିକ୍ଷକ ଅଭାବ ଅଛନ୍ତି। ରାସନାଲାଇଜେସନକୁ ଗୁରୁତ୍ୱ ଦିଆଯାଇ ଶିକ୍ଷକ ଅଭାବ ଥିବା ସ୍କୁଲକୁ ଶିକ୍ଷକ ବଦଳି ହେଉ। ହେଲେ ଯେଉଁ ନିୟମ କରାଯାଇଛି ଯେ, ଗାଁରୁ ସହର ବଦଳି ହୋଇ ପାରିବ ନାହିଁ, ତାହା ପରିବର୍ତ୍ତନ କରାଯାଉ। ନ ହେଲେ ମେଡିକାଲ କି ସ୍ପାଇଜ୍ କ୍ଷେତ୍ରରେ ଏହା ବି ଅସୁବିଧା ଆଣିବ। ଯେଉଁମାନେ ଜିଲ୍ଲା ବାହାରକୁ ଯିବାକୁ ଚାହିଁବେ, ସେମାନଙ୍କୁ ଯିବାକୁ ଦିଆଯାଉ ବୋଲି ଓଷ୍ଟା କହିଛି।
ପିପିଲି ଦୁଷ୍କର୍ମ ମାମଲା ନେଇ ପୁରୀ ଏସପିଙ୍କୁ ଭେଟିଲା ବିଜେଡି
ପୁରୀ: ପୁରୀରେ ବିଜେଡି ଟିମ। ଟୁକୁନି ସାହୁଙ୍କ ଅଧ୍ୟକ୍ଷତାରେ ବିଜେଡିର ଏକ ଫ୍ୟାକ୍ଟ ଫାଇଣ୍ଡିଙ୍ଗ ଟିମ ପୁରୀ ଏସପି ଙ୍କୁ ଭେଟିଛି। ଟିମରେ ସାଂସଦ ସୁଭାଶିଷ ଖୁଣ୍ଟିଆ, ସତ୍ୟବାଦୀର ପୂର୍ବତନ ବିଧାୟକ ଉମା ସାମନ୍ତରାୟ,ପିପିଲିର ପୂର୍ବତନ ବିଧାୟକ ରୁଦ୍ର ମହାରଥୀ, ଜଗତସିଂହପୁର ପୂର୍ବତନ ସାଂସଦ ରାଜଶ୍ରୀ ମଲ୍ଲିକ ରହିଅଛନ୍ତି। ପିପିଲି ଦୁଷ୍କର୍ମ ମାମଲା ନେଇ ବିଜେଡି ଟିମ ଏସପି ଙ୍କୁ ଭେଟି ଦାବିପତ୍ର ପ୍ରଦାନ କରିଛନ୍ତି।