ଝାଡଖଣ୍ଡ: ମିଳିଲା ଲୁଟ ହୋଇଥିବା ବିସ୍ଫୋରକ । ଝାଡଖଣ୍ଡ ସୀମାନ୍ତ ତିରିଲୋପୋଶରୁ ମିଳିଲା ଲୁଟ ହୋଇଥିବା ବିସ୍ଫୋରକ । ପ୍ରାୟ ୬୦ ପ୍ରତିଶତ ବିସ୍ଫୋରକ ମିଳିଥିବା ସୂଚନା । ଏବେବି ଜାରି ରହିଛି ସରଣ୍ଡା ଜଙ୍ଗଲରେ ପୋଲିସ ମାଓବାଦୀ ଗୁଳି ବିନିମୟ । ମାଓବାଦୀ ଓ ସୁରକ୍ଷାକର୍ମୀଙ୍କ ଗୁଳିବିନିମୟରେ ଜଣେ ଯବାନ ଆହତ ସୂଚନା । ମାଓବାଦୀଙ୍କ କ୍ୟାମ୍ପରେ ପୋଲିସ ପକ୍ଷରୁ ଚଢ଼ାଉ ସମୟରେ ମାଓବାଦୀ ଓ ପୋଲିସ ମଧ୍ୟରେ ଗୁଳି ବିନିମୟ ଜାରି ରହିଛି । ମାଓବାଦୀଙ୍କ କ୍ୟାମ୍ପରୁ ବିପୁଳ ପରିମାଣର ବିଭିନ୍ନ ସାମଗ୍ରୀ ଓ ଅସ୍ତ୍ରଶସ୍ତ୍ର ଜବତ ହୋଇଛି । ଓଡିଶା ଝାଡଖଣ୍ଡ ପୋଲିସ ଓ ସିଆରପିଏଫ ପକ୍ଷରୁ କମ୍ବିଂ ଅପରେସନକୁ ଜୋରଦାର କରାଯାଇଛି । ଦୁଇ ଦିନ ତଳେ କେବଲାଙ୍ଗ ଅଞ୍ଚଳରୁ ୫ ହଜାର କେଜି ବାରୁଦ ଭର୍ତ୍ତି ଟ୍ରକ ଲୁଟି ନେଇଥିଲେ ମାଓବାଦୀ ।

ତିନି ଦିନର ସର୍ଚ୍ଚ ଅପରେସନ ପରେ ଠାବ ହେଲା ବିସ୍ଫୋରକ। ଉଦ୍ଧାର କରିବା ବେଳେ ଜଙ୍ଗଲରେ ମୁହାଁମୁହିଁ ସୁରକ୍ଷା ବାହିନୀ ଓ ମାଓବାଦୀ। ଉଭୟ ପକ୍ଷ ମଧ୍ୟରେ ଆଖିବୁଜା ଗୁଳି ବିନିମୟ। ଝାଡ଼ଖଣ୍ଡ ସୀମାନ୍ତ ତିରିଲୋପୋଷରୁ ବିପୁଳ ପରିମାଣର ବିସ୍ଫୋରକ ସହ ଅସ୍ତ୍ରଶସ୍ତ୍ର ଜବତ। ସୁନ୍ଦରଗଡ଼ କେ. ବଲାଙ୍ଗ ଥାନା ବାଙ୍କୋ ଲଙ୍ଗଳକଟା ପଥର ଖଣି ନିକଟରୁ ୫ ହଜାର କେଜିର ବିସ୍ଫୋରକ ଲୁଟ୍ ପରେ ଚାଲିଛି ତନାଘନା। ୨୦୦ ପେଟିର ବାରୁଦକୁ ମାଓବାଦୀ ଲୁଟି ନେଇଥିବା ଜଣାପଡିବା ପରେ ତଦନ୍ତ ପାଇଁ ଗଠନ ହୋଇଛି ଏସଆଇଟି। ଅତିରିକ୍ତ ଏସପିଙ୍କ ନେତୃତ୍ବରେ ସ୍ଵତନ୍ତ୍ର ପୋଲିସ ଟିମ ଲୁଟ ଘଟଣାର ତଦନ୍ତ କରୁଛନ୍ତି। କିଭଳି ଲୁଟ ବିସ୍ଫୋରକ ସାମଗ୍ରୀ ଜବତ ହେବ, ସେନେଇ ଚାଲିଛି ଖାନତଲାସି। ଏହାସହ ଓଡ଼ିଶା-ଝାଡ଼ଖଣ୍ଡ ସୀମାନ୍ତରେ କମ୍ବିଂ ଅପରେସନକୁ ଜୋରଦାର କରାଯାଇଛି। ପ୍ରଶ୍ନ ଉଠୁଛି, ପଥର ଖଣିକୁ ମିନି ଟ୍ରକରେ କଣ ପାଇଁ ଯାଉଥିଲା ୫ ହଜାର କେଜିର ବିସ୍ଫୋରକ ସାମଗ୍ରୀ। ପୋଲିସ ଅନୁମତି ଓ ସୁରକ୍ଷା ବଳୟରେ କାହିଁକି ଯାଉନଥିଲା ବିସ୍ଫୋରକ ସାମଗ୍ରୀ। ଗୋଦାମ ମାଲିକ, କର୍ମଚାରୀ ଓ ପଥର ଖାଦାନରେ କାର୍ଯ୍ୟ କରୁଥିବା କିଛି କର୍ମଚାରୀ ଓ ପ୍ରତ୍ୟକ୍ଷଦର୍ଶୀଙ୍କୁ ପଚରାଉଚରା କରାଯାଇଛି। କିଛି କର୍ମଚାରୀ ରାଜ୍ୟ ବାହାରର ହୋଇଥିବାରୁ ମାଓବାଦୀଙ୍କ ସହ ସେମାନଙ୍କର ସମ୍ପର୍କ ଅଛି ନା ନାହିଁ ସେନେଇ ମଧ୍ୟ ଖୋଳତାଡ କରାଯାଉଛି।

୫ ହଜାର କେଜିର ବିସ୍ଫୋରକ ସାମଗ୍ରୀ ଲୁଟ ପରେ ସଜାଗ ହୋଇଥିଲା ପୋଲିସ। ଏନଆଇଏ ଡିଆଇଜିଙ୍କ ନେତୃତ୍ବରେ ଏସପି ଓ ଅତିରିକ୍ତ ଏସପି ମଧ୍ୟ ଘଟଣାର ଅନୁସନ୍ଧାନ ଜାରି ରଖିଛନ୍ତି। ସରଣ୍ଡା ଜଙ୍ଗଲରେ ପୋଲିସ ପକ୍ଷରୁ କୁମ୍ବିଂ ଅପରେସନକୁ ଜୋରଦାର କରାଯିବା ସହ ମାଓବାଦୀଙ୍କ ଆଡ୍ଡାସ୍ଥଳୀ ଉପରେ ଚଢାଉକୁ ଜୋରଦାର କରାଯାଇଛି। ପଶ୍ଚିମାଞ୍ଚଳ ପୋଲିସ ଡିଆଇଜି ଓ ରାଉରକେଲା ଏସପି ମଧ୍ୟ ବିଭିନ୍ନ ସ୍ଥାନ ଗସ୍ତ କରି ତଦନ୍ତ ଅଗ୍ରଗତିକୁ ଅନୁଧ୍ୟାନ କରିଛନ୍ତି। ବିସ୍ଫୋରକ ସାମଗ୍ରୀକୁ ବ୍ୟବହାର କରି ମାଓବାଦୀମାନେ କିଛି ଅଘଟଣ ଘଟାଇ ପାରନ୍ତି ବୋଲି ଆଶଙ୍କା ପ୍ରକାଶ କରିଛନ୍ତି ସ୍ଥାନୀୟ ବାସିନ୍ଦା। ଜଙ୍ଗଲରୁ ବିପୁଳ ପରିମାଣର ବିସ୍ଫୋରକ ଲୁଟ୍ ପରେ ହଜିଯାଇଥିଲା ପୋଲିସର ନିଦ। ଘଟଣା ପଛରେ ମାଓବାଦୀଙ୍କର ସିଧାସଳଖ କନେକ୍ସନ ଥିବାରୁ ଜୋରଦାର ହୋଇଥିଲା ସର୍ଚ୍ଚ ଅପରେସନ। ଏବେ ତିରିଲୋପୋଷରୁ ବିପୁଳ ମାତ୍ରାରେ ଲୁଟ୍ ବିସ୍ଫୋରକ ଜବତ କରିଛନ୍ତି ସୁରକ୍ଷାବାହିନୀ।

ଓଡିଶା ଝାଡଖଣ୍ଡ ସୀମାରେ ହାଇ ଆଲର୍ଟ ଜାରି କରାଯିବା ସହ କମ୍ବିଂ ଅପରେସନକୁ ଜୋରଦାର କରାଯାଇଛି । ଓଡିଶା ଝାଡ଼ଖଣ୍ଡ ପୋଲିସ ଓ ସିଆରପିଏଫ ପକ୍ଷରୁ କମ୍ବିଂ ଅପରେସନକୁ ଜୋରଦାର କରାଯାଇଛି । ୫ ହଜାର କେଜି ଓଜନର ୨ଶହ ପେଟି ବିସ୍ଫୋରକ ସାମଗ୍ରୀ ଲୁଟ ହେଵା ପରେ ବିସ୍ପୋରକ ସାମଗ୍ରୀ ଜଵତ କରିବା ଓ ଲୁଟ କରିଥିବା ମାଓବାଦୀଙ୍କୁ ଗିରଫ କରିବା ପୋଲିସ ପକ୍ଷରୁ ଉଦ୍ୟମ ଜାରି ରହିଛି। ଏହାସହ NIA ଡ଼ିଆଇଜିଙ୍କ ନେତୃତ୍ବରେ ଏସପି ଓ ଆଡିସନାଲ ଏସପି ମଧ୍ୟ ଘଟଣାର ଅନୁସନ୍ଧାନ ଜାରି ରଖିଛନ୍ତି ।