spot_img
Home Blog Page 790

ଭାଇଙ୍କ ସପକ୍ଷରେ ବାହାରିଲେ ଭଉଣୀ, ସୁପ୍ରିମକୋର୍ଟଙ୍କ ମନ୍ତବ୍ୟ ଉପରେ ଟିପ୍ପଣୀ ଦେଲେ ପ୍ରିୟଙ୍କା..

ନନ୍ଦିଘୋଷ ବ୍ୟୁରୋ: ସଂସଦର ମୌସୁମୀ ଅଧିବେଶନ ଜାରି ରହିଛି । ବିଭିନ୍ନ ପ୍ରସଙ୍ଗରେ ସରକାରଙ୍କୁ ବିରୋଧୀମାନେ ଘେରୁଛନ୍ତି । ତେବେ ମଙ୍ଗଳବାର କଂଗ୍ରେସ ସାଂସଦ ପ୍ରିୟଙ୍କା ଗାନ୍ଧୀ ସୁପ୍ରିମକୋର୍ଟ ମନ୍ତବ୍ୟରେ ଦେଇଛନ୍ତି ଟିପ୍ପଣୀ । “ପ୍ରକୃତ ଭାରତୀୟ କେବେ ବି ଏଭଳି ମନ୍ତବ୍ୟ ଦେବ ନାହିଁ।” ଶୁଣାଣି ବେଳେ କଂଗ୍ରେସ ନେତା ରାହୁଲ ଗାନ୍ଧୀଙ୍କୁ ଏଭଳି କହିଥିଲେ ସୁପ୍ରିମକୋର୍ଟ। ଯାହାକୁ ନେଇ ବର୍ଷିଛନ୍ତି ପ୍ରିୟଙ୍କା ।

କୋର୍ଟଙ୍କ ମନ୍ତବ୍ୟକୁ ବିରୋଧ କରି ସେ କହିଛନ୍ତି ଯେ, ‘ମାନ୍ୟବର ବିଚାରପତିମାନଙ୍କ ପ୍ରତି ପୂର୍ଣ୍ଣ ସମ୍ମାନ ସହିତ ମୁଁ କହିବାକୁ ଚାହୁଁଛି ଯେ ସେମାନେ ପ୍ରକୃତ ଭାରତୀୟ କିଏ ତାହାର ନିର୍ଣ୍ଣୟ କରିପାରିବେ ନାହିଁ। ସରକାରଙ୍କୁ ପ୍ରଶ୍ନ କରିବା ବିରୋଧୀ ନେତାଙ୍କ କର୍ତ୍ତବ୍ୟ। ମୋ ଭାଇ କେବେ ସେନା ବିରୋଧରେ କହିବେ ନାହିଁ। ତାଙ୍କ ମନରେ ସେମାନଙ୍କ ପ୍ରତି ବହୁତ ସମ୍ମାନ ଅଛି। ଏହାକୁ ଭୁଲ ବ୍ୟାଖ୍ୟା କରାଯାଇଛି।’

 

ଟାରିଫ ପ୍ରସଙ୍ଗରେ ବଢିଲା ବିବାଦ, ପୁଣି ଧମକ ଦେଲେ ଟ୍ରମ୍ପ

ନନ୍ଦିଘୋଷ ବ୍ୟୁରୋ: ଟାରିଫ ପ୍ରସଙ୍ଗରେ ବଢିଲା ବିବାଦ। ରୁଷଠାରୁ ତୈଳ କ୍ରୟ କରୁଥିବା କାରଣରୁ ଭାରତ ବିରୋଧରେ ଅଧିକ ଟାରିଫ ଲଗାଇବା ପାଇଁ ଆମେରିକା ରାଷ୍ଟ୍ରପତି ଡୋନାଲଡ ଟ୍ରମ୍ପଙ୍କ ଚେତାବନୀ ପରେ ଉତକ୍ଷିପ୍ତ ହୋଇଛି ଭାରତ। ଦୋମୁହାଁ ନୀତି ଲାଗି ଉଭୟ ଆମେରିକା ଓ ୟୁରୋପୀୟ ରାଷ୍ଟ୍ରସଂଘ ଉପରେ କ୍ଷୁବ୍ଧ ହୋଇଛି ଭାରତ। ଆମେରିକାର ଏହି ଧମକ ଅଯୌକ୍ତିକ ଓ ନିରର୍ଥକ ବୋଲି କହିଛି ଭାରତ। ଟ୍ରମ୍ପଙ୍କ ବିରୋଧରେ ବିଷୋଦଗାର କରି ବୈଦେଶିକ ବ୍ଯାପାର ମନ୍ତ୍ରାଳୟ କହିଛି- ୟୁକ୍ରେନ ସହ ବିବାଦ ଆରମ୍ଭରୁ ରୁଷଠାରୁ ଡିସକାଉଣ୍ଟ ଦରରେ ତୈଳ କ୍ରୟ କରିଆସୁଛି ଭାରତ। ସେହି ସମୟରେ ରୁଷଠାରୁ ତୈଳ କ୍ରୟ କରିବା ଘଟଣାରେ ବିଶ୍ବ ଶକ୍ତି ବଜାରରେ ଭାରସାମ୍ୟ ଦର୍ଶାଇ ଭାରତକୁ ପ୍ରୋତ୍ସାହନ ଦେଇଥିଲା ଆମେରିକା। ଭାରତୀୟ ଖାଉଟିଙ୍କ ସ୍ବାର୍ଥକୁ ଦୃଷ୍ଟିରେ ରଖି ରୁଷଠାରୁ ଡିସକାଉଣ୍ଟ ଦରରେ ଭାରତ ତୈଳ କ୍ରୟ କରିଆସୁଛି। ୨୦୨୪ରେ ୟୁରୋପୀୟ ରାଷ୍ଟ୍ରସଂଘ ଓ ରୁଷ ମଧ୍ୟରେ ହେଉଥିବା ଦ୍ବିପାକ୍ଷିକ ବାଣିଜ୍ୟ ପରିମାଣ ରୁଷ ସହ ଭାରତ ବାଣିଜ୍ୟ ପରିମାଣଠାରୁ ଅଧିକ ଥିଲା ବୋଲି କହିଛି ଭାରତ।

 

କିଡନୀକୁ ସୁସ୍ଥ ରଖିବା ପାଇଁ କେତେ ପାଣି ପିଇବା ଆବଶ୍ୟକ ?

ସାଧାରଣ ଭାବେ, ଜଣେ ସୁସ୍ଥ ବ୍ୟକ୍ତିଙ୍କୁ ୨ରୁ ୨.୫ ଲିଟର ପାଣି ପିଇବାକୁ ପରାମର୍ଶ ଦିଆଯାଇଥାଏ । ଯେଉଁ ଲୋକମାନଙ୍କର ଗୋଟିଏ କିଡନୀ ରହିଥାଏ, ସେମାନେ କେତେ ପାଣି ପିଇବା ଆବଶ୍ୟକ ବୋଲି ମନରେ ପ୍ରଶ୍ନ ଉଠିଥାଏ । ଏମାନଙ୍କ ପାଇଁ ପାଣିର ମାତ୍ରା ସାମାନ୍ୟ ଅଲଗା ହୋଇପାରେ । ଏହି ପ୍ରସଙ୍ଗରେ ତେଲେଙ୍ଗାନାର ଜଣେ ବିଶିଷ୍ଟ ନେଫ୍ରୋଲୋଜିଷ୍ଟ ନିଜର ମତାମତ ଦେଇଛନ୍ତି । ସେ କହିଛନ୍ତି, ଗୋଟିଏ କିଡନୀ ଥିବା ବ୍ୟକ୍ତି ନିଜ ଶରୀରର ଆବଶ୍ୟକତା ଅନୁସାରେ ପାଣି ପିଇବା ଆବଶ୍ୟକ । ମାତ୍ର ଏହା ଦୁଇ ଲିଟରରୁ କମ୍ ନହେବା ଆବଶ୍ୟକ ।

ସେ କହିଛନ୍ତି, କମ୍ ପାଣି ପିଇବା ଫଳରେ କିଡନୀ ଉପରେ ପ୍ରଭାବ ପଡ଼ିଥାଏ । ପାଣିର ଅଭାବ ଫଳରେ ସର୍ବପ୍ରଥମେ ପରିସା ଗାଢ଼ ହୋଇଯାଇଥାଏ । ଫଳରେ କିଡନୀରେ ପଥର ସୃଷ୍ଟି ହେବାର ଆଶଙ୍କା ସୃଷ୍ଟି ହୋଇଥାଏ । ଏହାଛଡ଼ା ପାଣି କମ୍ ହେଲେ ବ୍ୟାକ୍ଟେରିଆ ବଢ଼ିବାର ସୁଯୋଗ ସୃଷ୍ଟି ହୋଇଥାଏ । ଏହାଦ୍ବାରା କିଡନୀ ସଂକ୍ରମଣ ଓ ଗମ୍ଭୀର ମାମଲାରେ କିଡନୀ ଫେଲୁଅର ହୋଇପାରେ ।

କିଡନୀକୁ ବ୍ଲଡ ଫିଲ୍ଟର କରିବାରେ ଅଧିକ ପରିଶ୍ରମ କରିବାକୁ ପଡ଼ିଥାଏ । ଏହାଦ୍ବାରା ତା’ର କାର୍ଯ୍ୟକ୍ଷମତା ପ୍ରଭାବିତ ହୋଇଥାଏ । ପର୍ଯ୍ୟାପ୍ତ ପାଣି ନ ମିଳିଲେ ଶରୀରରୁ ବିଷାକ୍ତ ପଦାର୍ଥ ବାହାରି ପାରେ ନାହିଁ ଓ ତାହା କିଡନୀରେ ଜମା ହୋଇ ରୁହେ । ଯାହାକି କିଡନୀ ସ୍ବାସ୍ଥ୍ୟ ପାଇଁ ବହୁତ କ୍ଷତିକାରକ ହୋଇଥାଏ । କମ୍ ପାଣି ପିଇଲେ ମେଟାବୋଲିଜିମ୍ ଧୀମା ହୋଇପାରେ, ଯାହାଦ୍ବାରା ମୋଟାପା ବଢ଼ିବାର ଆଶଙ୍କା ସୃଷ୍ଟି ହୋଇଥାଏ । ଏଥିପାଇଁ କିଡନୀକୁ ସୁସ୍ଥ ରଖିବା ପାଇଁ ଦୈନିକ ପର୍ଯ୍ୟାପ୍ତ ପାଣି ସେବନ କରିବା ଆବଶ୍ୟକ । ଗୋଟିଏ କିଡନୀ ଥିବା ଲୋକମାନେ ଶରୀରକୁ ହାଇଡ୍ରେଟ ରଖିବା ପାଇଁ ୨.୫ ଲିଟର ପାଣି ପିଇବା ଜରୁରୀ । ଜଣେ ସୁସ୍ଥ ବ୍ୟକ୍ତିଙ୍କୁ ଦିନକୁ ୩-୪ ଲିଟର ପାଣି ବା ୮-୧୦ ଗ୍ଲାସ୍ ପାଣି ପିଇବା ଆବ୍ୟକ । ଏହାଦ୍ବାରା କିଡନୀ ୟୁରିନକୁ ପତଳା କରି ଶରୀରରୁ ବିଷାକ୍ତ ପଦାର୍ଥ ବାହାର କରିଦେଇଥାଏ ।

ସଂସଦ ଭବନ ବାହାରେ ପୁଣି ବିରୋଧୀଙ୍କ ନାରାବାଜି

ନନ୍ଦିଘୋଷ ବ୍ୟୁରୋ: ସଂସଦ ଭବନ ବାହାରେ ପୁଣି ନାରାବାଜି। ବିହାର ସ୍ବତନ୍ତ୍ର ଭୋଟର ତାଲିକା ସଂଶୋଧନ ପ୍ରସଙ୍ଗରେ କଂଗ୍ରେସ ସମେତ ଇଣ୍ଡିମେଣ୍ଟ ସାଂସଦ କରିଛନ୍ତି ପ୍ରତିବାଦ। ତୁରନ୍ତ ଏହି ଏସଆଇଆରକୁ ବାତିଲ ଲାଗି ଦାବି କରିଛନ୍ତି ସାଂସଦ। ପ୍ରତିବାଦରେ ସାମିଲ ହୋଇଛନ୍ତି କଂଗ୍ରେସ ନେତ୍ରୀ ପ୍ରିୟଙ୍କା ଗାନ୍ଧି। ଭୋଟ ହେଉଛି ନାଗରିକଙ୍କ ଅଧିକାର। ଏହି ଅଧିକାରକୁ କେହି ଛଡ଼ାଇ ନେଇ ପାରିବେ ନାହିଁ। ଭୋଟ ଅଧିକାର ଲାଗି ଲଢେଇ ଜାରି ରହିବ ବୋଲି କହିଛନ୍ତି ସାଂସଦ। ସଂସଦ ଅଧିବେଶନ ଆରମ୍ଭ ଦିନ ଠାରୁ ବିହାର ଏସଆଇଆର ପ୍ରସଙ୍ଗରେ ସାଂସଦମାନେ ଜାରି ରଖିଛନ୍ତି ବିକ୍ଷୋଭ। ବିହାରରେ ବହୁ ସଂଖ୍ୟକ ଭୋଟର ବାଦ୍ ପଡିବା ଆଶଙ୍କା ଥିବାରୁ ଏସଆଇଆର ବାତିଲ କରିବା ଲାଗି ଦାବି କରୁଛନ୍ତି ସାଂସଦ। ସଂସଦର ମକର ଦ୍ବାରରେ ଏକତ୍ରିତ ହୋଇ ସାଂସଦମାନେ କରିଛନ୍ତି ବିକ୍ଷୋଭ। ଏସଆଇଆର ଅର୍ଥ ସାଇଲେଣ୍ଟ ଇନଭିଜିବଲ ରିଗିଂ ଲେଖାଥିବା ବ୍ୟାନର ଦରି ପ୍ରତିବାଦ କରିଛନ୍ତି ବିରୋଧୀ। ଏହି ବିକ୍ଷୋଭରେ କଂଗ୍ରେସ, ଡିଏମକେ, ଟିଏମସି ଓ ବାମପନ୍ଥୀ ଦଳର ସାଂସଦମାନେ ସାମିଲ ହୋଇଥିଲେ।

୩ ପ୍ରତିଶତ ବଢ଼ିବ ମହଙ୍ଗା ଭତ୍ତା ! କେନ୍ଦ୍ରୀୟ କର୍ମଚାରୀଙ୍କୁ କେବେ ମିଳିବ ବଡ଼ ଖୁସିଖବର ?

ଏକ କୋଟିରୁ ଅଧିକ କେନ୍ଦ୍ରୀୟ କର୍ମଚାରୀ ଓ ପେନସନଧାରୀଙ୍କ ପାଇଁ ଏକ ଖୁସି ଖବର । ଜୁଲାଇ-ଡିସେମ୍ବର ପାଇଁ ମହଙ୍ଗା ଭତ୍ତା (ଡିଏ)ର ଘୋଷଣା ଦିପାବଳୀ ସୁଦ୍ଧା କରାଯିବ । ଡିଏରେ ୩ ପ୍ରତିଶତ ବୃଦ୍ଧି ହେବ । ଏପରି ସ୍ଥିତିରେ ବର୍ତ୍ତମାନର ଡିଏ ୫୫ ପ୍ରତିଶତରୁ ବୃଦ୍ଧି ପାଇ ୫୮ ପ୍ରତିଶତରେ ପହଞ୍ଚିଯିବ । ଗତ ଜାନୁଆରୀରେ କେନ୍ଦ୍ର ସରକାର ମାତ୍ର ୨ ପ୍ରତିଶତ ଡିଏ ବଢ଼ାଇଥିଲେ । ଫଳରେ ଡିଏ ୫୩ ପ୍ରତିଶତରୁ ବଢ଼ି ୫୫ ପ୍ରତିଶତ ହୋଇଯାଇଥିଲା । ସେ ସମୟରେ କର୍ମଚାରୀଙ୍କ ମଧ୍ୟରେ ସାମାନ୍ୟ ନିରାଶା ଦେଖିବାକୁ ମିଳିଥିଲା ।

ଗତ ୧୨ ମାସର ମୁଦ୍ରାସ୍ଫୀତିର ତଥ୍ୟ ଓ ସୂତ୍ର-ଆଧାରିତ ଗଣନା ଆଧାରରେ ଡିଏ ବର୍ଷକୁ ଦୁଇଥର (ପ୍ରତି ୬ ମାସରେ) ସଂଶୋଧନ କରାଯାଇଥାଏ । ଶ୍ରମ ବ୍ୟୁରୋ ତଥ୍ୟ ଅନୁସାରେ, ଚଳିତ ବର୍ଷ ଜୁନ ମାସ ପାଇଁ ଅଖିଳ ଭାରତୀୟ CPI-IW ୧ ଅଙ୍କ ବଢ଼ି ୧୪୫ ରହିଛି । ନିକଟରେ ଶ୍ରମ ବ୍ୟୁରୋ ଜୁନ ମାସ ପାଇଁ ଉଦ୍ୟୋଗିକ ଶ୍ରମିକଙ୍କ ପାଇଁ ଅଖିଳ ଭାରତୀୟ ଉପଭୋକ୍ତା ମୂଲ୍ୟ ସୂଚକାଙ୍କ (CPI-IW) ଜାରି କରିଥିଲା, ଯାହାକି ୧୪୫ ଥିଲା । ଏଥିସହିତ ୨୦୨୪ ମସିହା ଜୁଲାଇ ଓ ୨୦୨୫ ଜୁନ ମଧ୍ୟରେ ୧୨ ମାସର ଆଭରେଜ ସୂଚକାଙ୍କ ୧୪୩.୬ ହୋଇଯାଇଛି ।

ଚଳିତ ବର୍ଷ ଜୁଲାଇ ୧ ତାରିଖକୁ ନୂଆ ଡିଏ ପାଇଁ ପ୍ରଭାବୀ ଭାବେ ଗ୍ରହଣ କରାଯିବ । ଉତ୍ସବର ଠିକ୍ ପୂର୍ବରୁ ସେପ୍ଟେମ୍ବର ବା ଅକ୍ଟୋବରରେ କେନ୍ଦ୍ର ସରକାର ଏହାର ଘୋଷଣା କରିଥାନ୍ତି । ଡିଏ/ଡିଆରର ଔପଚାରିକ ଘୋଷଣା ଦିପାବଳୀ ପାଖପାଖି ସମୟରେ କରାଯାଇଥାଏ । ଜୁଲାଇ-ଡିସେମ୍ବର ୨୦୨୫ରେ ହେବାକୁ ଥିବା ଡିଏ ଡିଏ ବୃଦ୍ଧି, ସପ୍ତମ ବେତନ କମିଶନ ଅନୁସାରେ ବୃଦ୍ଧି କରାଯିବ । ଚଳିତ ବର୍ଷ ଡିସେମ୍ବର ୩୧ରେ ଏହି ଆୟୋଗର କାର୍ଯ୍ୟକାଳ ସମାପ୍ତ ହେଉଛି । ଜାନୁଆରୀରେ ସରକାର ୮ମ ବେତନ ଆୟୋଗର ଘୋଷଣା କରିଥିଲେ । ମାତ୍ର ଏହାର ଅଧ୍ୟକ୍ଷ ଓ ସଦସ୍ୟଙ୍କ ନାମ ଘୋଷଣା କରିନାହାନ୍ତି ।

ତେଜସ୍ବୀଙ୍କ ପାଖରେ ୨ଟି ଭୋଟର କାର୍ଡ ଥିବା ଘଟଣା : ନୀତିଶ ସରକାରଙ୍କୁ କହିଲେ…

ନନ୍ଦିଘୋଷ ବ୍ୟୁରୋ: ବିହାରର ନିର୍ବାଚନ ତାରିଖ ଯେତିକି ପାଖଉଛି ରାଜନୈତିକ ମାହୋଲ ସେତିକି ସରଗରମ ହେବାରେ ଲାଗିଛି । ବିରୋଧୀ ଏବଂ ସରକାରଙ୍କ ମଧ୍ୟରେ ବିଭିନ୍ନ ପ୍ରସଙ୍ଗକୁ ନେଇ ବୟାନବାଜି ଜାରି ରହିଛି । ଯାହାକି ଗଣମାଧ୍ୟମରେ ଶିରୋନାମା ପାଲଟିଛି । ଅନ୍ୟପଟେ ବିରୋଧୀ ଦଳ ତେଜସ୍ବୀ ଯାଦବଙ୍କ ପାଖରେ ୨ଟି ଭୋଟର କାର୍ଡ ରହିଥିବା ଘଟଣାକୁ ନେଇ ଏବେ ବିହାର ରାଜନୀତିରେ ଚର୍ଚ୍ଚା ଜୋର ଧରିଛି । ଯାହାର ଉତ୍ତର ଗଣମାଧ୍ୟମ ସମ୍ମୁଖରେ ରଖିଛନ୍ତି ତେଜସ୍ବୀ ।

ମଙ୍ଗଳବାର ଶିବୁ ସୋରେନ ଅନ୍ତିମ ଦର୍ଶନ ପାଇଁ ପାଟନାରୁ ଝାଡ଼ଖଣ୍ଡ ବାହାରୁଥିବା ଗଣମାଧ୍ୟମ ପ୍ରତିନିଧିଙ୍କ ପ୍ରଅଶ୍ନର ଉତ୍ତର ରଖିଛନ୍ତି ତେଜସ୍ବୀ । ସେ କହିଛନ୍ତି କି, ମୋ ପାଖରେ ରହିଥିବା ଦୁଇଟି ଭୋଟର କାର୍ଡ ସମ୍ପର୍କରେ ମୁଁ ଆପଣଙ୍କୁ ଜଣାଇବି । ଆଗାମୀ ଦିନରେ କୋର୍ଟରେ ଏହାର ଉତ୍ତର ମଧ୍ୟ ରଖାଯିବ ବୋଲି କହିଛନ୍ତି । ଏହାସହ ସେ କହିଛନ୍ତି କି, ବିହାରରେ ବୁଥ ଅନୁସାରେ ଭୋଟରଙ୍କ ନାମ ତାଲିକାରେ ନାହିଁ । ଯାହାକି ଆମେ ନିର୍ବାଚନ କମିଶନଙ୍କ ଜଣାଇଛୁ । ଏନେଇ ମଧ୍ୟ ଆମେ ଅଭିଯୋଗ କରିଥିବାବେଳେ କୋର୍ଟରେ ବିଚାର କରାଯିବ ।

କେବଳ ଏତିକି ନୁହେଁ ବିଭିନ୍ନ ପ୍ରସଙ୍ଗ ସମ୍ପର୍କରେ ମଧ୍ୟ ନୀତିଶ ସରକାରଙ୍କ ଟାର୍ଗେଟ କରିଛନ୍ତି ତେଜସ୍ବୀ । ବିରୋଧୀମାନେ ନିର୍ବାଚନ ପୂର୍ବରୁ ଜନତାଙ୍କୁ ଯେଉଁ ପ୍ରତିଶୃତି ଦେଉଛନ୍ତି ସରକାର ଏହାକୁ କାର୍ଯ୍ୟକାରୀ କରୁଛନ୍ତି । ଏପରିକି ପୂର୍ବ ନିର୍ବାଚନ ପୂର୍ବରୁ ଦେଇଥିବା ପ୍ରତିଶୃତି ଶେଷ ସମୟରେ ପୂରଣ କରୁଛନ୍ତି । ବିରୋଧୀଙ୍କୁ ଫଲୋ କରୁଛନ୍ତି ସରକାର । ଆଗକୁ ଆମେ କହିଥିବା କିଛି ଯୋଜନା ମଧ୍ୟ କାର୍ଯ୍ୟକାରୀ ମଧ୍ୟ କରିପାରନ୍ତି ।

ଓଭାଲରେ ଭାରତର ବିଜୟ ପଛର ୫ଟି ବଡ଼ କାରଣ: କିପରି ଐତିହାସିକ ବିଜୟ ହାସଲ କଲା ଟିମ୍ ଇଣ୍ଡିଆ ?

ଓଭାଲ ଟେଷ୍ଟରେ ଭାରତ ୬ ରନର ଐତିହାସିକ ବିଜୟ ହାସଲ କରିଛି । ତେବେ ଏହି ସଂଘର୍ଷପୂର୍ଣ୍ଣ ବିଜୟ ପଛରେ ୫ଟି ବଡ଼ କାରଣ ରହିଛି । ଟେଷ୍ଟ କ୍ରିକେଟ ଇତିହାସରେ ଏହା ହେଉଛି ଭାରତର ସବୁଠାରୁ କମ୍ ରନର ବିଜୟ । ଆଣ୍ଡରସନ-ତେନ୍ଦୁଲକର ଟ୍ରଫି ୨-୨ରେ ସମାପ୍ତ ହୋଇଛି । ପ୍ରଥମ ପାଳିରେ ଭାରତ ୨୨୪ ରନରେ ସୀମିତ ରହିଥିବା ବେଳେ ୬ ରନରେ ଜିତିବା ପର୍ଯ୍ୟନ୍ତ ଅନେକ କିଛି ଘଟିଯାଇଛି । ଏହି ବିଜୟ ପଛରେ କିଛି କାରଣ ରହିଛି ।

ମହମ୍ମଦ ସିରାଜଙ୍କ ବଳିଷ୍ଠ ନେତୃତ୍ବ?

କେବଳ ପଞ୍ଚମ ଟେଷ୍ଟରେ ନୁହେଁ, ମହମ୍ମଦ ସିରାଜ ଭାରତର ଜଣେ ଅଭିଜ୍ଞ ପେସର । ସେ ଭାରତର ପେସ ଆଟାକର ନେତୃତ୍ବ ନେଇ ଅନ୍ତିମ ଟେଷ୍ଟରେ ମୋଟ ୯ଟି ଓ୍ବିକେଟ ଅକ୍ତିଆର କରିଥିଲେ । ସିରାଜ ମାନସିକ ଭାବେ ଦୃଢ଼ ଥିବା ଜଣାପଡ଼ୁଥିଲେ । ତାଙ୍କର ପ୍ରତ୍ୟେକ ବଲ ଇଂଲଣ୍ଡ ବ୍ୟାଟ୍ସମ୍ୟାନଙ୍କୁ ପ୍ରଶ୍ନ ପଚାରୁଥିଲା । ତାଙ୍କର ଏହି ଶାରୀରିକ ଭାଷାନୁ ଅନୁସରଣ କରି ପ୍ରସିଦ୍ଧ କ୍ରିଷ୍ଣା ଓ ଆକାଶଦୀପ ମଧ୍ୟ ବୋଲିଂର ଲାଇନ୍ ପାଇ ପାରିଥିଲେ ।

ସଫଳ ବ୍ୟାଟିଂ ରଣନୀତି

ପୂରା ସିରିଜରେ ଭାରତୀୟ ଟିମ୍ ମ୍ୟାନେଜମେଣ୍ଟ ବ୍ୟାଟିଂ ରଣନୀତି ଆପଣାଇଥିଲା । ପ୍ରଥମ ପାଳିରେ ଭାରତର ୧୫୩ ରନରେ ୬ଟି ଓ୍ବିକେଟ ପଡ଼ିଥିଲା । ମାତ୍ର ଅନ୍ତିମ ୪ଟି ଓ୍ବିକେଟରେ ଭାରତ ୭୧ ରନ୍ ସଂଗ୍ରହ କରିପାରିଥିଲା । ଦ୍ବିତୀୟ ପାଳିରେ ଓ୍ବାଶିଂଟନ ସୁନ୍ଦର ୫୩ ରନର ଇନିଂସ ଖେଳିଥିଲେ । ଫଳରେ ଭାରତର ପାଖାପାଖି ୪୦୦ ସ୍କୋର କରିପାରିଥିଲା । ସୁନ୍ଦର ଏହି ପାଳି ଖେଳିନଥିଲେ ବୋଧହୁଏ ଇଂଲଣ୍ଡକୁ କମ୍ ଟାର୍ଗେଟ୍ ମିଳିଥାନ୍ତା ।

ବୋଲିଂରୁ ମିଳିଲା ସହାୟତା

ସାଧାରଣ ଭାବେ ଭାରତର ଲିଡ୍ ବୋଲର ଭଲ ପ୍ରଦର୍ଶନ କରୁଥିବା ବେଳେ ତାଙ୍କୁ ସହଯୋଗ ମିଳିନଥାଏ । ମାତ୍ର ଓଭାଲରେ ଗୋଟିଏ ପଟେ ସିରାଜ ୯ଟି ଓ୍ବିକେଟ ନେଇଥିବା ବେଳେ ପ୍ରସିଦ୍ଧ ମଧ୍ୟ ୮ଟି ଓ୍ବିକେଟ ନେଇଥିଲେ ।

ପଞ୍ଚମ ଦିନରେ ନୂଆ ବଲ ନେଇନଥିଲେ

ପଞ୍ଚମ ଦିନରେ ଇଂଲଣ୍ଡ ପାଖରେ ୪ଟି ଓ୍ବିକେଟ ଥାଇ ଜିତିବା ପାଇଁ ୩୫ ରନ ଆବଶ୍ୟକ ଥିଲା । ୮୦ ଓଭର ବୋଲିଂ ପରେ ଭାରତ ପାଇଁ ନୂଆ ବଲ୍ ଉପଲବ୍ଧ ଥିଲା । ଭାରତର ନୂଆ ବଲ ନେଇଥିଲେ ପୁରୁଣା ବଲ ଅପେକ୍ଷା ଅଧିକ ବାଉନ୍ସ ହୋଇଥାନ୍ତା । ଏପରି ସ୍ଥିତିରେ ବ୍ୟାଟ୍ସମ୍ୟାନଙ୍କ ପାଇଁ ବ୍ୟାଟ ଓ ବଲର କନେକ୍ସନ କରିବା ସାମାନ୍ୟ ସହଜ ହୋଇଥାନ୍ତା ।

ଠିକଣା ସମୟରେ ଜୟଓ୍ବାଲଙ୍କ ଶତକ

ଯଶସ୍ବୀ ଜୟସ୍ବାଲ ଓଭାଲ ଟେଷ୍ଟ ପୂର୍ବରୁ ୮ଟି ପାଳିରେ ୩୨୩ ରନ୍ ସଂଗ୍ରହ କରିଥିଲେ । ସେ କ୍ରମାଗତ ଭାବେ ଫ୍ଲପ୍ ହୋଇଆସୁଥିଲେ ହେଁ ଓଭାଲରେ ଶତକ ହାସଲ କରିଥିଲେ । ପ୍ରଥମ ପାଳିରେ ଇଂଲଣ୍ଡ ୨୩ ରନରେ ଅଗ୍ରଣୀ ରହିଥିବା ବେଳେ ଯଶସ୍ବୀ ଶତକ ମାରିବା ଟିମ୍ ଇଣ୍ଡିଆକୁ ବଡ଼ ସହଯୋଗ ମିଳିଥିଲା । ଫଳରେ ଭାରତ ଦ୍ବିତୀୟ ଇନିଂସରେ ୩୯୬ ରନ୍ ସଂଗ୍ରହ କରିପାରିଥିଲା ।

ମାଓବାଦୀ ରେଳଧାରଣା ଉଡ଼ାଇବା ଘଟଣା: ଅତିରିକ୍ତ ଡିଜି ସଂଜୀବ ପଣ୍ଡାଙ୍କ ସ୍ଥିତି ଅନୁଧ୍ୟାନ

ନନ୍ଦିଘୋଷ ବ୍ୟୁରୋ: ମାଓବାଦୀମାନେ ରେଳ ଲାଇନ ଉଡାଇବା ଘଟଣା। ଅତିରିକ୍ତ ଡିଜି ସଞ୍ଜିଵ କୁମାର ପଣ୍ଡା ରାଉରକେଲା ଏସପି ଓ ପଶ୍ଚିମାଞ୍ଚଳ ପୋଲିସ ଡ଼ିଆଇଜିଙ୍କ ସହ ଘଟଣାସ୍ଥଳରେ ସ୍ଥିତି ଅନୁଧ୍ୟାନ। ରାଉରକେଲା ପୋଲିସ ଜିଲ୍ଲାରେ ମାଓବାଦୀ କାର୍ଯ୍ୟକଳାପ ବୃଦ୍ଧି ପାଇଛି ବୋଲି କହିଛନ୍ତି ଅତିରିକ୍ତ ଡିଜି। 2018 ମସିହା ପରେ ମାଓବାଦୀ କାର୍ଯ୍ୟକଳାପ ହ୍ରାସ ପାଇଥିଲା। ଏଵେ ଗତ କିଛି ଦିନ ହେଲା ମାଓବାଦୀ କାର୍ଯ୍ୟକଳାପ ବୃଦ୍ଧି ପାଇଛି। ମାଓବାଦୀ ମୁକାବିଲା କରିବା ପାଇଁ ପୋଲିସ ପକ୍ଷରୁ ସ୍ବତନ୍ତ୍ର ବ୍ଲୁ ପ୍ରିଣ୍ଟ ପ୍ରସ୍ତୁତ। ଅଧିକ ପୋଲିସ କ୍ୟାମ୍ପ ସ୍ଥାପନ ସହ ଅଧିକ ଏସ ଓ ଜି ମୃତୟନ ହେଵେ। ସମସ୍ତ ରେଳ ଲାଇନରେ ଵମ ଡିସପୋଜାଲ ଟିମ ଯାଞ୍ଚ କରିଛନ୍ତି। ମାଓବାଦୀ ମୁକାବିଲା ପାଇଁ ଓଡିଶା ଓ ଝାଡ଼ଖଣ୍ଡ ପୋଲିସ ପକ୍ଷରୁ ମିଳିତ ମୁକାବିଲା କରାଯିବ। ସରଣ୍ଡା ଜଙ୍ଗଲରେ ମାଓବାଦୀ ରହୁଥିବାରୁ ମାଓବାଦୀ ମୁକାବିଲା ପାଇଁ ଗୁଇନ୍ଦା ବିଭାଗକୁ ଆଧିକ ସୁଦୃଢ କରାଯିବ ବୋଲି କହିଚନ୍ତି ଏଡିଜି ସଞ୍ଜିଵ ପଣ୍ଡା ।

କୋହଲି କହିଲେ ଇଂଲଣ୍ଡ ବିପକ୍ଷ ବିଜୟରେ କିଏ ହିରୋ ?

ନନ୍ଦିଘୋଷ ବ୍ୟୁରୋ: ଓଭାଲ ଟେଷ୍ଟରେ ଭାରତର ରୋମାଞ୍ଚକର ବିଜୟ । ୫ ମ୍ୟାଚ ବିଶିଷ୍ଟ ଟେଷ୍ଟ ସିରିଜକୁ ୨-୨ରେ ଡ୍ର କରିଛି ଗିଲ୍ ବାହିନୀ । ବିଦେଶ ମାଟିରେ ଅନ୍ତିମ ଟେଷ୍ଟରେ ବିଜୟ ପରେ ଚାରିଆଡ଼ୁ ଛୁଟିଛି ପ୍ରଶଂସାର ସୁଅ । ଏଥିରେ ଯୋଡ଼ି ହୋଇଛନ୍ତି ପୂର୍ବତନ ଭାରତୀୟ ଅଧିନାୟକ ବିରାଟ କୋହଲି । ସେ ଏହି ମ୍ୟାଚ ବିଜୟ ଶ୍ରେୟ ୨ ଜଣ ଖେଳାଳିଙ୍କୁ ଦେଇଛନ୍ତି । ନିଜର ଟ୍ବିଟରରେ ପ୍ରଂଶସା କରିଛନ୍ତି ।

ଗିଲ୍ କିମ୍ବା ଜୟସ୍ବାଲ ନୁହେଁ ପ୍ରିସିଦ୍ଧ କ୍ରିଷ୍ଣା ଏବଂ ମହମ୍ମଦ ସିରାଜଙ୍କ ମ୍ୟାଚ ବିଜୟ ପ୍ରକୃତ ହିରୋ ବୋଲି କହିଛନ୍ତି କୋହଲି । ସେ ପ୍ରଂଶସା କରିବା ସହ ଏକ ଟ୍ବିଟ୍ କରିଥିବା ଦେଖିବାକୁ ମିଳିଛି । ଓଭାଲ ଟେଷ୍ଟରେ ବୁମରାଙ୍କ ଅନୁପସ୍ଥିତିରେ ଦୁଇ ଦ୍ରୁତ ବୋଲରଙ୍କ ଘାତକ ବୋଲିଂ ପାଇଁ କୋହଲି କହିଛନ୍ତି କି, ଦୃଢ଼ ଇଛାଶକ୍ତି ପାଇଁ ମ୍ୟାଚ ବିଜୟୀ ହୋଇ ପାରିଛି ଭାରତ । ସିରାଜ ଏବଂ ପ୍ରସିଦ୍ଧ କ୍ରିଷ୍ଣାଙ୍କ ଘାତକ ବୋଲିଂ ଭାରତକୁ ବିଜୟର ସ୍ବାଦ ଚଖାଇଛି । ରୁଟ୍ ଶତକୀୟ ପାଳି ଖେଳିଥିଲେ । ସେ କ୍ରିଜରେ ମହଜୁଦ ସମୟରେ ଇଂଲଣ୍ଡକୁ ବିଜୟ ପାଇଁ ମାତ୍ର ୩୭ ରନର ଆବଶ୍ୟକତା ରହିଥିଲା । ଇଂଲଣ୍ଡ ଏକତରଫା ଜିତିବ ବୋଲି ସମସ୍ତେ କହୁଥିଲେ । ମାତ୍ର ସିରାଜ ଏବଂ ପ୍ରସିଦ୍ଧ କ୍ରିଷ୍ଣାଙ୍କ ଉଚ୍ଚକୋଟିର ପ୍ରଦର୍ଶନ ଇଂଲଣ୍ଡ ହାତରୁ ମ୍ୟାଚକୁ ଛଡ଼ାଇ ଆଣିଥିଲା ।

ପୁଣି ଶ୍ରୀମନ୍ଦିର ଭିତରକୁ ଯାଉଥିଲା ହିଡେନ୍ କ୍ୟାମେରା, ଆଗୁଆ ଧରି ପକାଇଲେ..

ନନ୍ଦିଘୋଷ ବ୍ୟୁରୋ: ପୁଣି ଶ୍ରୀମନ୍ଦିର ଭିତରକୁ ହିଡେନ୍ କ୍ୟାମେରା ଯିବା ପୂର୍ବରୁ ଅଟକ। ପଶ୍ଚିମଦ୍ବାର ଦେଇ ଶ୍ରୀମନ୍ଦିର ଭିତରକୁ ହିଡେନ୍ କ୍ୟାମେରା ଯିବା ପୂର୍ବରୁ ଜଣେ  ଭକ୍ତଙ୍କୁ ଅଟକ ରଖିଲେ ସୁରକ୍ଷାକର୍ମୀ। ଅଟକ ଭକ୍ତ ହେଉଛନ୍ତି ପଶ୍ଚିମବଙ୍ଗର ପ୍ରୀତୀଶ ପାଲ୍। ସିଂହଦ୍ଵାର ଥାନାରେ ଅଟକ ଅଛନ୍ତି ଜନୈକ ଭକ୍ତ। ଚଷମା ସହ ଫିଟିଂ କରିଥିଲେ ହିଡେନ୍ କ୍ୟାମେରା। ଗତକାଲି ଗୁଜୁରାଟର ଜଣେ ଭକ୍ତ ଶ୍ରୀମନ୍ଦିର ଭିତରକୁ ହିଡେନ୍ କ୍ୟାମେରା ନେଇ ଧରାପଡିଥିଲେ।୧୦ ଦିନ ମଧ୍ୟରେ ତିନିଜଣଙ୍କ ଠାରୁ ହିଡେନ୍ କ୍ୟାମେରା ଜବତ ହୋଇଛି ।