ନନ୍ଦନ କାନନରେ ଆନାକୋଣ୍ଡାର ମୃତ୍ୟୁ, ସହିପାରିଲାନି ଓଡ଼ିଶା ଥଣ୍ଡା
ଭୁବନେଶ୍ୱର : ନନ୍ଦନକାନନକୁ ଆସିଥିବା ୮ଟି ଆନାକୋଣ୍ଡା ମଧ୍ୟରୁ ଆଜି ଗୋଟିଏର ମୃତ୍ୟୁ ହୋଇଥିବା ସୂଚନା ଦେଇଛନ୍ତି ନନ୍ଦନକାନନ ଉପ ନିର୍ଦ୍ଦେଶକ । ଗତ କିଛିଦିନ ତଳେ ଚେନ୍ନାଇରୁ ଆସିଥିଲା ୨ ବର୍ଷୀୟ ହଳଦିଆ ଆନାକୋଣ୍ଡା । ୨ ସପ୍ତାହ ହେବ ଖାଦ୍ୟ ଛାଡ଼ିଦେଇଥିବାରୁ ଶୀତରେ ମୃତ୍ୟୁ ହୋଇଥିବା ସୂଚନା ମିଳିଛି।
ଚେନ୍ନାଇର ମାଡ୍ରାସ୍ ଶରୀସୃପ ବ୍ୟାଙ୍କ ଟ୍ରଷ୍ଟରୁ ୮ଟି ଆନାକୋଣ୍ଡାକୁ ନନ୍ଦନ କାନନ ଅଣାଯାଇଥିଲା । ସମସ୍ତଙ୍କୁ ନନ୍ଦନ କାନନର ଶରୀସୃପ ଉଦ୍ୟନରେ ରଖାଯାଇଥିଲା । ଏଥି ମଧ୍ୟରୁ ୪ଟି ମାଇ ଓ ୪ଟି ଅଣ୍ଡିରା ଆନାକୋଣ୍ଡା ଥିଲେ । ସେମାନଙ୍କୁ ଓଡ଼ିଶାର ପାଣି ପବନ ସହିତ କିଛି ଦିନ ଖାପଖୁଆଇବା ପାଇଁ ରଖାଯାଇଥିଲା । ଏହାପରେ, ପର୍ଯ୍ୟଟକଙ୍କ ସାମ୍ନାକୁ ଆଣାଯାଇଥାନ୍ତା । ତେବେ ତା ପୂର୍ବରୁ ଆନାକୋଣ୍ଡାର ମୃତ୍ୟୁ ହୋଇଛି ।
ଏଣିକି ସ୍କୁଲରେ ମଧ୍ୟାହ୍ନ ଭୋଜନ ପରିଚାଳନା କରିବେ ସ୍ୱୟଂ ସହାୟିକା ଗୋଷ୍ଠୀ, ଜାରି ହେଲା ନିର୍ଦ୍ଦେଶନାମା
ଭୁବନେଶ୍ୱର : ମା ମାନଙ୍କୁ ସ୍କୁଲର ହାଣ୍ଡିଶାଳ ଦାୟିତ୍ୱ । ମା ପରଷିବେ ପିଲାଙ୍କୁ ଖାଦ୍ୟ । ରାଜ୍ୟରେ ପ୍ରଥମରୁ ଅଷ୍ଟମ ଶ୍ରେଣୀ ପର୍ଯ୍ୟନ୍ତ ଦିଆଯାଉଥିବା ମଧ୍ୟାହ୍ନ ଭୋଜନ ପରିଚାଳନା ଦାୟିତ୍ୱ ଏଣିକି ସ୍କୁଲ ପରିଚାଳନା କମିଟି କରିବ ନାହିଁ । ପରିଚାଳନା ଦାୟିତ୍ୱ ସ୍ୱୟଂ ସହାୟିକା ଗୋଷ୍ଠୀଙ୍କୁ ପ୍ରଦାନ କରିବାକୁ ରାଜ୍ୟ MDM ନୋଡାଲ୍ ଅଫିସରଙ୍କୁ ଚିଠି କରିଛନ୍ତି ଅତିରିକ୍ତ ଶାସନ ସଚିବ ।
୧୦୦ରୁ ଅଧିକ ପିଲାଥିବା ସ୍କୁଲ ଗୁଡ଼ିକର ମଧ୍ୟାହ୍ନ ଭୋଜନ ପରିଚାଳନା ଦିୟିତ୍ୱ ନେବେ ସ୍ୱୟଂ ସହାୟିକା ଗୋଷ୍ଠୀ । ଜିଲ୍ଲା ଶିକ୍ଷା ଅଧିକାରୀ ଏଭଳି ସ୍କୁଲ ଚିହ୍ନଟ କରି ଜିଲ୍ଲାପାଳଙ୍କୁ ଜଣାଇବା ପରେ WSHG ମାନଙ୍କୁ ଏହାର ଦାୟିତ୍ୱ ଦିଆଯିବ । ସେପଟେ ସବୁ ଜିଲ୍ଲାରେ ଥିବା DSWO ମାନେ କେଉଁ କେଉଁ ସ୍ୱୟଂ ସହାୟିକା ଗୋଷ୍ଠୀ ମଧ୍ୟାହ୍ନ ଭୋଜନ ପରିଚାଳନା କରିପାରିବେ ତାର ଏକ ତାଲିକା ମଧ୍ୟ ଜିଲ୍ଲାପାଳଙ୍କୁ ପ୍ରଦାନ କରିବେ । ସେହି ଆଧାରରେ ସ୍କୁଲ ଆବଣ୍ଟନ କରାଯିବ । ଏମଡିଏମ୍ ଟ୍ରାନ୍ସପୋର୍ଟ କଣ୍ଟ୍ରାକ୍ଟର ଏସଏଚଜିମାନଙ୍କୁ ଚାଉଳ ହସ୍ତାନ୍ତର କରିବେ । ଏ ପ୍ରକ୍ରିୟାକୁ ସୁରୁଖୁରୁରେ ସମାପ୍ତ କରିବାକୁ ଜିଲ୍ଲାପାଳମାନଙ୍କୁ ଦାୟିତ୍ୱ ଦିଆଯାଇଛି ।
ବିଡିଓମାନେ ସ୍କୁଲକୁ ଅଚାନକ ପରିଦର୍ଶନରେ ଯିବେ । ମଧ୍ୟାହ୍ନ ଭୋଜନ ପରିଚାଳନା ଠିକ୍ ଠାକ୍ ହେଉଛି କି ନାହିଁ ତାର ରଦାରଖ କରିବାକୁ ନିର୍ଦ୍ଦେଶ ହୋଇଛି । ସେପଟେ ଶିକ୍ଷକମାନଙ୍କୁ ଚାପମୁକ୍ତ କରିବା ଏବଂ ମହିଳା ସ୍ୱୟଂ ସହାୟିକା ଗୋଷ୍ଠୀଙ୍କୁ ଅଧିକ ଶସକ୍ତ କରିବାକୁ ସରକାର ଏଭଳି ଏକ ନିଷ୍ପତ୍ତି ଗ୍ରହଣ କରିଛନ୍ତି । ବିଇଓମାନେ ଏସଏଚଜି ମାନଙ୍କୁ ୩ ମାସିଆ ବ୍ୟାଙ୍କ ଗ୍ୟାରେଣ୍ଟି ସଂପର୍କିତ କାଗଜପତ୍ର ପ୍ରସ୍ତୁତିରେ ସହାୟତା କରିବେ । ସିଡିପିଓଙ୍କୁ ସେମାନେ ସହାୟତା କରିବାକୁ ନିର୍ଦ୍ଦେଶ ରହିଛି । ସିଡିପିଓମାନେ ବିଇଓ ଏବଂ ଏସଏଚଜିଙ୍କ ମଧ୍ୟରେ ଚୁକ୍ତି ସ୍ୱାକ୍ଷର କରାଇବେ ।
ମଧ୍ୟାହ୍ନ ଭୋଜନକୁ ନେଇ ଯଦି କୌଣସି ସମସ୍ୟା ସୃଷ୍ଟି ହୁଏ ତେବେ ଜିଲ୍ଲାପାଳମାନେ ୧୫ ଦିନ ମଧ୍ୟରେ ଜିଲ୍ଲା ଶିକ୍ଷାଧିକାରୀଙ୍କ ସହ ପରାମର୍ଶ କରି ସମାଧାନ କରିବେ ।
ଅନ୍ତର୍ଜାତୀୟସ୍ତରର ଷ୍ଟାଡିୟମ୍ ନିର୍ମାଣରୁ ଇଣ୍ଟରନ୍ୟାସନାଲ ମ୍ୟାଚ୍ : ଜାଣନ୍ତୁ କିଏ ଦେଇଥିଲେ ପ୍ରସ୍ତାବ, କେମିତି ହେଇଥିଲା କାର୍ଯ୍ୟକାରୀ
୨୦୧୮ ହକି ବିଶ୍ୱକପକୁ ସୁରଖୁରୁରେ ଏବଂ ସଫଳତାର ସହ ଆୟୋଜନ କରିବାର ଫଳ ମିଳିଛି କଳିଙ୍ଗ ଷ୍ଟାଡ଼ିୟମକୁ। ଯେଉଁଥିପାଇଁ ପୁଣିଥରେ ୨୦୨୩ ହକି ବିଶ୍ୱକପ ଆୟୋଜନ କରିବାର ଅଧିକାର କଳିଙ୍ଗ ଷ୍ଟାଡ଼ିୟମ ସହ ରାଉରକେଲାକୁ ମିଳିଛି। ହକି ଇତିହାସରେ ଲଗାତର ଗୋଟିଏ ଭେନ୍ୟୁରେ ଦୁଇ ଦୁଇ ଥର ବିଶ୍ୱକପ ଆୟୋଜନ ପ୍ରଥମ ଘଟଣା ହେବାକୁ ଯାଉଛି। ହେଲେ ଆପଣ ଯେଉଁ କଳିଙ୍ଗ ଷ୍ଟାଡ଼ିୟମ ଏବେ ଦେଖୁଛନ୍ତି ତାହା କେମିତି ତିଆରି ହୋଇଥିଲା। ଏହା ପଛରେ କେଉଁମାନଙ୍କର ଭୂମିକା ରହିଥିଲା। କିଭଳ ଏକ ଛୋଟିଆ ଦ୍ରୁମରୁ ବିଶାଳ ବର ଗଛରେ ପରିଣତ ହୋଇପାରିଲା କଳିଙ୍ଗ ଷ୍ଟାଡ଼ିୟମ। ପଢ଼ନ୍ତୁ ନନ୍ଦିଘୋଷ ଟିଭିର ସ୍ୱତନ୍ତ୍ର ରିପୋର୍ଟ…
୨୦୦୩ ମସିହା, ସେତେବେଳେ ଭାରତୀୟ ପୁୁରୁଷ ହକି ଦଳର ଅଧିନାୟକ ଥାନ୍ତି ଦିଲ୍ଲୀପ ତିର୍କୀ। ଏହି ସମୟରେ ଭୁବନେଶ୍ୱର କଳିଙ୍ଗ ଷ୍ଟାଡ଼ିୟମ ପରିସରରେ ଅନୁଷ୍ଠିତ ଏକ ୟୁଥ ଫେଷ୍ଟିଭାଲ୍ରେ ଯୋଗଦେବାା ପାଇଁ ଭୁବନେଶ୍ୱର ଆସିଥାନ୍ତି ଦୀଲ୍ଲୀପ ତିର୍କୀ । ଏହି ସଭାରେ ଦିଲ୍ଲୀପ ତିର୍କୀ ଅତିଥି ଭାବେ ଯୋଗଦେଇଥିବା ବେଳେ ମୁଖ୍ୟଅତିଥି ଭାବେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଯୋଗଦେଇଥିଲେ। ସଭାରେ ପାଖାପାଖି ବସିଥିବା ବେଳେ ହଠାତ ଦିଲ୍ଲୀପ ତିର୍କୀଙ୍କ ମୁଣ୍ଡରେ ହକି ଷ୍ଟାଡ଼ିୟମ କଥା ଜୁଟିଥିଲା, ଏହି ସମୟରେ ସେ ମୁଖ୍ୟମନ୍ତ୍ରୀଙ୍କୁ ଅନୁରୋଧ କରିଥିଲେ, କଲିଙ୍ଗ ଷ୍ଟାଡ଼ିୟମ ପରିସରରେ ଏକ ହକି ଷ୍ଟାଡ଼ିୟମ ନିର୍ମାଣ କରିବା ପାଇଁ। ମୁଖ୍ୟମନ୍ତ୍ରୀ ଦିଲ୍ଲୀପଙ୍କ ଠାରୁ ଏହି କଥା ଶୁଣି ସଙ୍ଗେ ସଙ୍ଗେ କହିଥିଲେ, ‘ଏକ ପ୍ରପୋଜାଲ୍ ବନାକେ ଲିଖ୍ କେ ଦିଜିଏ’।
ଏହାସହ ମୁଖ୍ୟମନ୍ତ୍ରୀ ଦିଲ୍ଲୀପ ତିର୍କୀଙ୍କୁ ଏହା ମଧ୍ୟ କହିଥିଲେ ‘ଏ ଷ୍ଟାଡ଼ିୟମ ଦେଶକା ସବସେ ଆଛା ଷ୍ଟାଡ଼ିୟମ୍ ହୋନା ଚାହିହେ’ । ଏହାଶୁଣି ଦିଲ୍ଲୀପଙ୍କ ଭିତରେ ଖୁସିର ସୀମା ରହିନଥିଲା। ମାତ୍ର ଏକ ସପ୍ତାହ ଭିତରେ ହକି ଷ୍ଟାଡ଼ିୟମ ପାଇଁ ପ୍ରପୋଜାଲ ବନେଇକି ମୁଖ୍ୟମନ୍ତ୍ରୀଙ୍କୁ ହସ୍ତାନ୍ତର କରାଯାଇଥିଲା। ଏହାର ମାତ୍ର ଏକ ମାସ ମଧ୍ୟରେ କଳିଙ୍ଗ ଷ୍ଟାଡ଼ିୟମ ପରିସରରେ ଏକ ହକି ଷ୍ଟାଡ଼ିୟମ ନିର୍ମାଣ ପାଇଁ ମୁଖ୍ୟମନ୍ତ୍ରୀ ଘୋଷଣା କରିବା ସହ ସଙ୍ଗେସଙ୍ଗେ ୧ କୋଟି ଟଙ୍କା ମଞ୍ଜୁର କରିଥିଲେ।
ଏହାଥିଲା ୨୦୦୩ ମସିହାର କଥା, ଏହାରି ମଧ୍ୟରେ ୧୬ ବିତିଗଲାଣି। କଳିଙ୍ଗ ଷ୍ଟାଡ଼ିୟମ ଗୋଟିଏ ବିଶ୍ୱକପ ସହ ଅନେକ ବିଶ୍ୱସ୍ତରୀୟ ହକି ପ୍ରତିଯୋଗିତା ସଫଳତାର ସହ ଆୟୋଜନ କରି ସାରା ବିଶ୍ୱରେ ନିଜ ପାଇଁ ସ୍ୱତନ୍ତ୍ର ପରିଚୟ ସୃଷ୍ଟି କରିସାରିଛି। ଏହାସହ ୨୦୨୩ ବିଶ୍ୱକପ ମଧ୍ୟ ମଧ୍ୟ ହୋଷ୍ଟ କରିବାକୁ ଯାଉଛି। ଦିନେ ମୁଖ୍ୟମନ୍ତ୍ରୀ କହିଥିଲେ କଳିଙ୍ଗ ଷ୍ଟାଡ଼ିୟମ ଦେଶର ସବୁଠୁ ଭଲ ଷ୍ଟାଡିୟମ ହେବା ଦରକାର। ହେଲେ କଳିଙ୍ଗ ଷ୍ଟାଡ଼ିୟମ ଏବେ କେବଳ ଦେଶ ଭିତରେ ନୁହେଁ ସାରା ବିଶ୍ୱର ଏକ ଭଲ ଷ୍ଟାଡ଼ିୟମ ରୂପରେ ଗଣା ହେଉଛି। ୨୦୧୮ ହକି ବିଶ୍ୱକପ ଯେଉଁଭଳି ଆୟୋଜନ ହେଲା ଏହା ଦେଖି ବିଶ୍ୱ ହକି ସଂଘ ମଧ୍ୟ ପ୍ରଶଂସା ନ କରି ରହିପାରିନଥିଲା। ପୂର୍ବରୁ କେବେ ବି ଏଭଳି ଲୋକପ୍ରିୟ ଏବଂ ରଙ୍ଗାରଙ୍ଗ ହକି ବିଶ୍ୱକପ କେବେ କେହି ଦେଖିନଥିବା କଥା କହିଥିଲା ବିଶ୍ୱ ହକି ସଂଘ।
୨୦୦୩ରୁ ୨୦୨୩ ଏକ ଲମ୍ବା ସମୟ। କିଏ ଜଣିଥିଲା ଏହି କଳିଙ୍ଗ ଷ୍ଟାଡ଼ିୟମ ଦୁଇ ଦୁଇଟି ବିଶ୍ୱ କପ ସହ ଅନେକ ଅନ୍ତର୍ଜାତୀୟ ପ୍ରତିଯୋଗିତା ଆୟୋଜନ କରିବ ବୋଲି। ମୁଖ୍ୟମନ୍ତ୍ରୀଙ୍କ କ୍ରୀଡ଼ା ପ୍ରତି ଥିବା ଭଲପାଇବା ଯୋଗୁ ଆଜି ଓଡ଼ିଶା ସାରା ବିଶ୍ୱରେ ସ୍ପାେର୍ସ ଡେଷ୍ଟିନେସନ ହୋଇପାରିଛି।
ଆଉ ୩ ମାସ କୋହଳ ହେଲା ଆରଟିଓ ଯାଞ୍ଚ, ବିଧାନସଭାରେ ପରିବହନ ମନ୍ତ୍ରୀଙ୍କ ଘୋଷଣା
ଭୁବନେଶ୍ୱର : ଆଉ ୩ ମାସ ବଢ଼ିଲା ଡେଡଲାଇନ୍ । ଆରଟିଓ ଯାଞ୍ଚ ୩ ମାସ କୋହଳ କରିଛନ୍ତି ସରକାର । ପରିବହନ ମନ୍ତ୍ରୀ ପଦ୍ମନାଭ ବେହେରା ବିଧାନସଭାରେ ଏ ନେଇ ସୂଚନା ଦେଇଛନ୍ତି । ଗାଡ଼ି କାଗଜପତ୍ର ପ୍ରସ୍ତୁତ ପାଇଁ ଲୋକଙ୍କୁ ଅଧିକ ୩ ମାସର ସମୟ ଦିଆଯାଇଛି । ତେବେ ମଦ ପିଇଥିବା ବ୍ୟକ୍ତିଙ୍କୁ ପୂର୍ବଭଳି ଧରାଯିବ । ବିନା ହେଲମେଟ୍ ଲୋକଙ୍କୁ ମଧ୍ୟ ଧରପଗଡ଼ ହେବ । ଲାଇସେନ୍ସ, ଫିଟନେସ୍ ଓ ପ୍ରଦୂଷଣ ସାର୍ଟିଫିକେଟ୍ ପାଇଁ ସମୟ ଦିଆଯାଇଛି । ଗତ କିଛିଦିନ ଧରି ଆରଟିଓ ଅଫିସ ଆଗରେ ପ୍ରବଳ ଭିଡ଼ ଦେଖିବାକୁ ମିଳୁଥିଲା । ଲୋକେ କାଗଜପତ୍ର ପ୍ରସ୍ତୁତ କରିବାକୁ ଭିଡ଼ ଜମାଉଥିଲେ ।
ଡିସେମ୍ୱର ୧ ତାରିଖରୁ ଲାଗୁ ହେବାର ଥିଲା ନୂଆ ନିୟମ । ଆଜି ବିଧାନସଭାରେ ଏହାକୁ ବୃଦ୍ଧି କରିବାକୁ ଦାବି କରିଥିଲେ ବରିଷ୍ଠ ବିଧାୟକ ଦେବୀ ପ୍ରସାଦ ମିଶ୍ର । ସବୁ ଦଳର ବିଧାୟକ ଆଜି ଅବଧି ବଢ଼ାଇବାକୁ ଦାବି କରିଥିଲେ । ଅସମ୍ଭବ ଭିଡ଼କୁ ଦୃଷ୍ଟିରେ ରଖି ସରକାର ଏଭଳି ନିଷ୍ପତ୍ତି ନେଇଛନ୍ତି ।
କେବଳ ଗାଡ଼ିର କାଗଜପତ୍ର ପ୍ରସ୍ତୁତିକୁ ଛାଡ଼ି କିଛି ନିୟମରେ ହୋଇନି ପରିବର୍ତ୍ତନ, ପୂର୍ବଭଳି ଏହା ଲାଗୁ ହେବ
୧- ମଦ ପିଇ ଗାଡ଼ି ଚାଳାଇବେ ଦେବେ ଜୋରିମାନା
୨- ଟ୍ରିପଲ୍ ରାଇଡିଂ ( ତିନି ଜଣ ଗାଡ଼ିରେ ଗଲେ ପଡ଼ିବ ଫାଇନ୍ )
୩- ଦ୍ରୁତ ଗତିରେ ଗାଡ଼ି ଚଳାଇଲେ ଦେବେ ଫାଇନ୍
୪- ଗାଡ଼ି ଚଳାଇବା ବେଳେ ମୋବାଇଲ୍ ବ୍ୟବହାର କଲେ ଫାଇନ୍ ଲାଗିବ
୫- ରେଡ୍ ଲାଇଟ୍ ଜମ୍ପ କଲେ ଦେବେ ଜୋରିମାନା
୬- ହେଲମେଟ୍ କିମ୍ୱା ସିଟବେଲ୍ଟ ପିନ୍ଧି ନଥିଲେ ଦେବେ ଫାଇନ୍
୭- ଆବଶ୍ୟକତା ଠାରୁ ଅଧିକ ଲୋଡ୍ ନେଲେ ଲାଗିବ ଫାଇନ୍
୮- ରାସ୍ତାର ବିପରୀତ ପାର୍ଶ୍ୱରେ ଗାଡ଼ି ଚଳାଇଲେ ଦେବେ ଫାଇନ୍
ତେବେ ଗତ ୩ ମାସରେ ୧ ଲକ୍ଷରୁ ଅଧିକ ଲାଇସେନ୍ସ ଲାଗୁ ହୋଇଥିବା ବିଧାନସଭାରେ ମନ୍ତ୍ରୀ କହିଛନ୍ତି । ଲୋକଙ୍କ ସମସ୍ୟାକୁ ବୁଝିବାକୁ ବହୁ ସ୍ଥାନରେ ନୂଆ କାଉଣ୍ଟର ଓ ଅତିରିକ୍ତ କାଉଣ୍ଟର ଖୋଲାଯାଇଥିଲା । ଆରଟିଓଙ୍କ କାର୍ଯ୍ୟକୁ ପ୍ରଶଂସା କରିଛନ୍ତି ମୁଖ୍ୟମନ୍ତ୍ରୀ । ଆଗକୁ ଆଉ ୩ ମାସ ନିୟମ କୋହଳ ନେଇ ମୁଖ୍ୟମନ୍ତ୍ରୀଙ୍କ ସମୀକ୍ଷା ପରେ ଆଜି ବିଧାନସଭାରେ ପରିବହନ ମନ୍ତ୍ରୀ ସୂଚନା ଦେଇଛନ୍ତି । ଦେଶରେ ନୂଆ ନିୟମ ଲାଗୁ ହେବା ପରେ ଓଡ଼ିଶାରେ ୯.୫ ଲକ୍ଷ ଲୋକ ଡ୍ରାଇଭିଂ ଲାଇସେନ୍ସ ପାଇଁ ଆବେଦନ କରିଥିବା ସୂଚନା ଦିଆଯାଇଛି ।
https://nandighoshatv.comnew-traffic-rules-to-be-implemented-after-4-days/
ମାହିଙ୍କ ଅବିସ୍ମରଣୀୟ ସ୍ମୃତି
ମହେନ୍ଦ୍ର ସିଂ ଧୋନୀ ବା ମାହି…ଏମିତି ଏକ ପରିଚିତ ନାମ ଯାହା କ୍ରିକେଟପ୍ରେମୀଙ୍କ ହୃଦୟରେ ଏକ ବିରାଟ ସ୍ଥାନ ଅକ୍ତିଆର କରିପାରିଛି , ସେ ଫିଲ୍ଡ଼କୁ ଓହ୍ଲାଇଲେ ଦେଖିବାକୁ ମିଳେ ଜବରଦସ୍ତ କ୍ରେଜ୍ ,ତାଙ୍କ କ୍ରୀଡ଼ା ଦକ୍ଷତା ହେଉ ଅବା ନମ୍ର ବ୍ୟବହାର ସବୁଥିରେ ଆକୃଷ୍ଟ ହୁଅନ୍ତି ପ୍ରଶଂସକ ।
ତେବେ କୁଲ୍ କ୍ୟାପଟାନର ଟ୍ୟାଗ ପାଇସାରିଥିବା ଧୋନୀଙ୍କ କ୍ରିକେଟ କ୍ୟାରିୟରରେ ଅନେକ ଅବିସ୍ମରଣୀୟ ମୁହୂର୍ତ୍ତ ରହିଛି । ଆଜ୍ଞା ହଁ ତାଙ୍କ ସ୍ମୃତିପଟୁରେ ଏମିତି କିଛି ଖାସ୍ ଅନୁଭୂତି ଅଛି ଯାହା ମନେପଡ଼ିଗଲେ ତାଙ୍କ ଓଠରେ ସ୍ୱତଃସ୍ପୃତ ଭାବରେ ହସ ଚାଲିଆସେ ଆଉ ସେ କୁହନ୍ତି ତାଙ୍କ ଜୀବନରେ ତାହା ହେଉଛି ସବୁଠୁ ମୂଲ୍ୟବାନ ସ୍ମୃତି ।
ନିକଟ ଅତୀତରେ ଜଣେ ଗଣମାଧ୍ୟମ ପ୍ରତିନିଧି ଧୋନୀଙ୍କୁ ପ୍ରଶ୍ନ କରିଥିଲେ “ମାହି..ଆପକେ ଜୀନ୍ଦେଗିକେ ସବସେ ଖାସ ପଲ୍ କ୍ୟାହୈ?” ଆଉ ତାପରେ ଧୋନୀ କହିଥିଲେ ଏ ଦୁଇଟି ଘଟଣା …..
୨୦୦୭ର ଟି-ଟ୍ୱେଣ୍ଟି ଓ୍ୱାର୍ଲଡ କପ ସାରି ଆମେ ଫେରୁଥାଉ, ଭାରତୀୟ ଦଳର ବିଜୟ ହୋଇଥିବାରୁ ଖୁବ ଖୁସିଥିଲୁ ଆମେ,ଭାରତ ଫେରିବା ପରେ ବସରେ ମୁମ୍ବାଇ ପହଞ୍ଚିଲୁ ଆଉ ତା ପରେ ମେରାଇନ ରୋଡ଼ରେ କିଛି ସମୟ ଛିଡ଼ା ହୋଇ ଥକା ମେଣ୍ଟୁଥାଉ, ହଠାତ ବଢିଚାଲିଲା ଭିଡ଼, ଟ୍ରାଫିକ ଜାମ କଥା ନକହିବା ଭଲ ,ରାସ୍ତାରେ ସେମିତି କାର ଠିଆକରି ଲୋକ ଦଉଡ଼ିଆସିଥିଲେ ପାଖକୁ ଛୁଟୁଥିଲା ଶୁଭେଚ୍ଛାର ସୁଅ ।
ଦ୍ୱିତୀୟ ଘଟଣା ତ ଆହୁରି ଖାସ୍ ୨୦୧୧ ଓ୍ୱାଙ୍ଖଡେ ଷ୍ଟାଡିୟମ୍ରେ ଖେଳାହେଉଥାଏ ଫାଇନାଲ ମ୍ୟାଚ୍, ଖେଳଟିକୁ ନିଜ ଅକ୍ତିଆରକୁ ଆଣିବାକୁ ଆଉ ୧୫/୨୦ରନ ଆବଶ୍ୟକ ଥିଲା,ଗ୍ୟାଲେରୀର ଦର୍ଶକ ହଠାତ ମିଳିତ ସ୍ୱରରେ ଗାଇଚାଲିଲେ ବନ୍ଦେ ମାତରମ୍ ସେ ସ୍ୱର୍ଣିମ ମୂହୁର୍ତ୍ତ ଆଜିବି ମନେପଡ଼ିଗଲେ ଗର୍ବରେ ଲୋମ ଟାଙ୍କୁରିଉଠେ ବୋଲି କହିଥିଲେ ମାହି ।
-ସ୍ମୃତିଲଗ୍ନା ନନ୍ଦ