spot_img
Home Blog Page 7556

ଆଜିର ରାଶିଫଳ

ଆଜି ୨୦୧୯ ମସିହା ନଭେମ୍ବର ୨୫ ତାରିଖ, ସୋମବାର,ଚତୁର୍ଦ୍ଧଶୀ ତିଥି,ସୂତୀ ନକ୍ଷତ୍ର, ଦିବା ୧୦/୫୬ ଗତେ ବିଶାଖା, ତୁଳା ଚନ୍ଦ୍ର ରାତ୍ରୀ ୧୦/୪୦ ଗତେ ଅମାବାସ୍ୟା,ଶୋଭନ ଯୋଗ,ବିଷ୍ଟିକରଣ ।

ଚନ୍ଦ୍ର ଶୁଦ୍ଧି- ମେଷ, ବୃଷ, କର୍କଟ, ସିଂହ,  ତୁଳା, ବିଛା, ଧନୁ, ମକର ରାଶିର

ଘାଟବାର- ମିଥୁନ ରାଶିର

ଘଟଚନ୍ଦ୍ର- ନାସ୍ତି

ରହୁକାଳ- ପ୍ରାତଃ ୭/୨୭ ମି. ରୁ ଦିବା ୮/୪୯ମି. ପର୍ଯ୍ୟନ୍ତ

କଳାବେଳା- ପ୍ରାତଃ ୭/୨୭ମି. ରୁ ଦିବା ୮/୪୯ମି. ପର୍ଯ୍ୟନ୍ତ

ଶୁଭବେଳା- ଦିବା ୯/୦ମି. ରୁ ଘ୧୧/୧୧ମି.

ମେଷ- କର୍ମ କ୍ଷେତ୍ର ରେ ପ୍ରସଂଶିତ ହେବେ । ବିଭିନ୍ନ ସୂତ୍ରରୁ ଆୟ ହେବ । ବନ୍ଧୁବର୍ଗଙ୍କ ସହଯୋଗ ପ୍ରାପ୍ତି ହେବେ । ପାରିବାରିକ ଜୀବନ ସୁଖମୟ ହେବ ।

ବୃଷ- ପାରିବାରିକ ଜୀବନ ସୁଖଶାନ୍ତିରେ କଟିବ । କର୍ମଦକ୍ଷତା ବୃଦ୍ଧି ପଇବ । ବକେୟା ଅର୍ଥ ପ୍ରାପ୍ତି ହେବେ । ପୁଞ୍ଜିବିନିଯୋଗ ନିମନ୍ତେ ଦିନଟି ଶୁଭପ୍ରଦ ।

ମିଥୁନ– ନିଷ୍ଠୁର ଭାବ ପ୍ରକାଶ ପାଇବ । ମାନସିକ ଅସ୍ଥିରତା ଦେଖାଦେବ । ଟଙ୍କା ପଇସା କାରବାର ଜଗିରଖି କରନ୍ତୁ । ଦାମ୍ପତ୍ୟ କଳହ ଘଟିପାରେ ।

କର୍କଟ– କର୍ମ କ୍ଷେତ୍ରରେ ସୁନାମ ଅର୍ଜନ କରିବେ । ବନ୍ଧୁବର୍ଗରେ ପ୍ରସଂଶିତ ହେବେ । ଇଚ୍ଛା କରୁଥିବା କାମରେ ସଫଳତା ପ୍ରାପ୍ତି ହେବ । ଆଧ୍ୟାତ୍ମିକ ଭାବନାରେ ଦିନଟି କଟିବ ।

ସିଂହ- ପାରିବାରିକ ଜୀବନ ସୁଖପ୍ରଦ ହେବ । ଚିନ୍ତା କରିଥିବା କାର୍ଯ୍ୟରେ ସମ୍ପୂର୍ଣ୍ଣତା ଆସିବ । ବିବାଦୀୟ ସମସ୍ୟାର ସମାଧାନ ହେବ । ସନ୍ତାନବର୍ଗଙ୍କୁ ନେଇ ଗର୍ବ ଅନୁଭବ କରିବେ ।

ତୁଳା- ଦିନଟି ଶୁଭ ଅଶୁଭ ମିଶ୍ରିତ ଫଳଦାୟକ ହେବ । ମାନସିକ ଶାନ୍ତି ଅବ୍ୟାହତ ରହିବ । ଜୀବନ ସାଥିଙ୍କ କାରଣରୁ ଲାଭାନ୍ୱିତ ହୋଇପାରନ୍ତି । ସାମାନ୍ୟ ସ୍ୱାସ୍ଥ୍ୟଗତ ସମସ୍ୟା ଦେଖାଦେଇପାରେ ।

ବିଛା- ବହୁଦିନରୁ ଭାଙ୍ଗିଯାଇଥିବା ସମ୍ପର୍କ ଯୋଡିହେବ । କର୍ମକ୍ଷେତ୍ରରେ ସଫଳତା ଅର୍ଜନ କରିବେ । ଆର୍ଥିକ କ୍ଷେତ୍ରରେ ଅଭିବୃଦ୍ଧି ଘଟିବ । ପାରିବାରିକ ଜୀବନ ସୁଖମୟ ହେବ ।

ଧନୁ- ଗୃହରେ ମାଂଗଳିକ କାର୍ଯ୍ୟ ସଂଗଠିତ ହୋଇପାରେ । ମିତ୍ରମାନଙ୍କ ଦ୍ୱାରା ପ୍ରସଂଶିତ ହେବେ । ଦୂର ସ୍ଥାନକୁ ଭ୍ରମଣ କରିପାରନ୍ତି । ବ୍ୟବସାୟରେ ଲାଭବାନ ହେବେ ।

ମକର- ବିଭିନ୍ନ ଚିନ୍ତାରେ ମାନସିକ ସ୍ଥିତି ଅସ୍ଥିର ରହିବ । ଅଯଥା କଥାରେ ବିବାଦୀୟ ହୋଇ ପଡିବେ । ଆର୍ଥନୈତିକ ଅସ୍ଥିରତା ବୃଦ୍ଧିପାଇବ । ପାରିବାରିକ ଜୀବନ ସୁଖଦୁଃଖରେ କଟିବ ।

କୁମ୍ଭ- ଅଯଥା ଭ୍ରମଣ ଯୋଗୁଁ ଶାରୀରିକ ପୀଡା ଦେଖାଦେବ । ଆର୍ଥିକ ସମସ୍ୟା ମଧ୍ୟଦେଇ ଗତି କରିବେ । କାର୍ଯ୍ୟଧାରା ବିଳମ୍ବିତ ହେବ । ପାରିବାରିକ ଜୀବନରେ ମିଶ୍ରିତ ଫଳ ଭୋଗ କରିବେ ।

ମୀନ- ଆର୍ଥିକ ସମସ୍ୟା ଯୋଗୁ ଚାପଗ୍ରସ୍ତ ରହିପାରନ୍ତି । କର୍ମକ୍ଷେତ୍ରରେ ବାଧାବିଘ୍ନ ଦେଖାଦେବ । ମାନସିକ ସ୍ଥିତି ଅସ୍ଥିର ରହିବ । ଗୁପ୍ତଶତ୍ରୁ ବୃଦ୍ଧି ହେବେ ।

ଯୋଗାଯୋଗ- ୯୮୬୧୨୭୧୫୫୭

କ୍ୱିଜ୍ ମାଷ୍ଟର ନବୀନ, ଜାଣିଛନ୍ତି କି କେଉଁ ଫଟୋ ଦେଇ କଣ ପଚାରିଥିଲେ ମୁଖ୍ୟମନ୍ତ୍ରୀ ?

0

ଭୁବନେଶ୍ୱର: ପ୍ରକୃତିପ୍ରେମୀ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କର ଟ୍ୱିଟ୍‌ ଆଜି ସାରାଦିନ ଚର୍ଚ୍ଚାରେ ଥିଲା । ନବୀନ ଟ୍ୱିଟ୍ କରି ଲେଖିଥିଲେ ଯେ, ମୁଁ ଅନେକ ସ୍ଥାନ ଭ୍ରମଣ କରିଛି । କିନ୍ତୁ ଓଡ଼ିଶାର ସୌନ୍ଦର୍ଯ୍ୟ ମତେ ସବୁବେଳେ ମନ୍ତ୍ରମୁଗ୍ଧ କରଆସିଛି । ଏ ଲେଖା ସହିତ ମୁଖ୍ୟମନ୍ତ୍ରୀ ଏକ ଫଟୋ ମଧ୍ୟ ପୋଷ୍ଟ କରିଥିଲେ । ଲେଖିଥିଲେ, ଏ ସୁନ୍ଦର ପ୍ରାକୃତିକ ଦୃଶ୍ୟ କେଉଁ ଜାଗାର ଆପଣମାନେ ଅନୁମାନ କରିପାରିବେ କି ? ଏ ରାସ୍ତାଟି କେଉଁ ସ୍ଥାନର ? ସନ୍ଧ୍ୟା ୬ଟାରେ ଉତ୍ତର ଦିଆଯିବ । ଠିକ ସନ୍ଧ୍ୟା ୬ଟାରେ ମୁଖ୍ୟମନ୍ତ୍ରୀ ପଚାରିଥିବା ନିଜ ପ୍ରଶ୍ନର ଉତ୍ତର ନିଜେ ରଖିଛନ୍ତି । ଏହି ସୁନ୍ଦର ଫଟୋଟି ହେଉଛି ଜୟପୁର-ମାଲକାନଗିରି ରାସ୍ତାର । ସଠିକ ଉତ୍ତର ଓ ପ୍ରୟାସ କରିଥିବାରୁ ମୁଖ୍ୟମନ୍ତ୍ରୀ ଧନ୍ୟବାଦ ଜଣାଇଛନ୍ତି ।ମୁଖ୍ୟମନ୍ତ୍ରୀଙ୍କ ଏହି ପୋଷ୍ଟକୁ ହଜାର ହଜାର ଲୋକ ରି-ଟ୍ୱିଟ୍ ଓ ଲାଇକ୍ କରିଛନ୍ତି । ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ଏଭଳି ପଦକ୍ଷେପ ଓଡ଼ିଶାର ପର୍ଯ୍ୟଟନ ଶିଳ୍ପକୁ ନୂଆଦିଗ ଦେଖାଇବ ବୋଲି ବିଭିନ୍ନ ମହଲରେ ମତ ପ୍ରକାଶ ପାଇବା ସହ ସବୁ ମହଲରେ ମୁଖ୍ୟମନ୍ତ୍ରୀଙ୍କୁ ପ୍ରଶଂସା କରାଯାଇଛି ।

ଜାପାନ ଓ ଭାରତର ପ୍ରଧାନମନ୍ତ୍ରୀଙ୍କ ପସନ୍ଦର ସ୍ଥାନ କୋଣାର୍କ !

ଭୁବନେଶ୍ୱର: ଆସନ୍ତା ମାସରେ ଭାରତ ଗସ୍ତରେ ଆସିବେ ଜାପାନ ପ୍ରଧାନମନ୍ତ୍ରୀ ସିଞ୍ଜୋ ଆବେ । ଏହି ଅବସରରେ ସେ ପ୍ରଧାନମନ୍ତ୍ରୀ ମୋଦିଙ୍କୁ ଭେଟିବେ । ୨ ଦେଶର ରାଷ୍ଟ୍ର ମୁଖ୍ୟଙ୍କ ସହ ହେବ ଦ୍ୱି-ପାକ୍ଷିକ ଆଲୋଚନା । ତେବେ, କେଉଁଠି ଭେଟିବେ ୨ ରାଷ୍ଟ୍ର ନେତା । ପ୍ରମୁଖ ଭେନ୍ୟୁ ହେବ କି ଓଡ଼ିଶା ? ଏନେଇ ଜାତୀୟ ଗଣମାଧ୍ୟମରେ ଚର୍ଚ୍ଚା ହେଉଛି । ଆସାମର ଗୌହାଟି କିମ୍ବା ଓଡ଼ିଶାର ଭୁବନେଶ୍ୱର, କୋଣାର୍କରେ ଦୁଇ ନେତା ଭେଟିବା ନେଇ ଆଲୋଚନା ହେଉଛି ।

FILE PHOTO

ସମ୍ମିଳନୀ ପାଇଁ କୋଣାର୍କର ସୂର୍ଯ୍ୟ ମନ୍ଦିର ଏକ ଭଲ ସ୍ଥାନ ହୋଇପାରେ । ଐତିହାସିକ ସୂର୍ଯ୍ୟ ମନ୍ଦିରକୁ ସମ୍ମିଳନୀରେ ପ୍ରମୁଖ ସ୍ଥାନ ହିସାବରେ ସ୍ଥାନିତ କରାଯାଇପାରେ । ଯେମିତି ଗତ ଅକ୍ଟୋବରରେ ଚୀନ ରାଷ୍ଟ୍ରପତି ସି ଜିନପିଙ୍ଗଙ୍କ ଗସ୍ତ ବେଳେ ମହାବଳୀପୁରମରେ ହୋଇଥିଲା । ଠିକ୍ ସେମିତି କିଛି ଅନୁଭବ ଓ ଅନୁଭୂତି ଦେଇପାରେ କୋଣାର୍କ । ସିଞ୍ଜୋ ଆବେଙ୍କ ଗସ୍ତ ଓ ଦ୍ୱି-ପାକ୍ଷିକ ସ୍ଥାନ ଚୂଡ଼ାନ୍ତରେ କେନ୍ଦ୍ର ସରକାର ଲାଗି ପଡ଼ିଛନ୍ତି ।

Konark Sun Temple

ଜାପାନ ପ୍ରଧାନମନ୍ତ୍ରୀ ସିଞ୍ଜୋ ଆବେ ଡିସେମ୍ବର ୧୩ରୁ ୧୭ ମଧ୍ୟରେ ଭାରତ ଗସ୍ତରେ ଆସିବେ । ପ୍ରଧାନମନ୍ତ୍ରୀ ମୋଦିଙ୍କୁ ଭେଟି ବିଭିନ୍ନ ପ୍ରସଙ୍ଗରେ ଦ୍ୱିପାକ୍ଷିକ ଆଲୋଚନା କରିବାର କାର୍ଯ୍ୟକ୍ରମ ରହିଛି । ୨୦୧୭ରେ ସିଞ୍ଜୋ ଆବେ ଦ୍ୱି-ପାକ୍ଷିକ ଆଲୋଚନା ପାଇଁ ଭାରତ ଆସିଥିଲେ । ଅହମଦାବାଦରେ ପିଏମ୍ ମୋଦିଙ୍କୁ ଭେଟିଥିଲେ । ୨୦୧୮ରେ ମୋଦି ଜାପାନ ଯାଇଥିଲେ ।

FILE PHOTO

ତେବେ, ଭାରତର ଉତ୍ତର-ପୂର୍ବ ରାଜ୍ୟରେ ଜାପାନର କେତକ ପ୍ରକଳ୍ପ ଚାଲୁଥିବାରୁ ଏହି ଅଞ୍ଚଳକୁ ଫୋକସ କରାଯାଉଛି ।

ରଙ୍ଗବତୀ ଗୀତରେ ଝୁମିଲା ନାଇଜେରିଆର ଆବୁଜା

0

ଭୁବନେଶ୍ୱର: ବିଦେଶ ମାଟିରେ ରଙ୍ଗବତୀ ଧୂନ୍ । ମଞ୍ଚ ଦୁଲୁକିଲା, ସମସ୍ତେ ଝୁମିଲେ । ସୁଦୂର ନାଇଜେରିଆର ଆବୁଜାରେ ପ୍ରବାସୀ ଓଡ଼ିଆ ରଙ୍ଗବତୀ ଗୀତର ତାଳେ ତାଳେ ନୃତ୍ୟ ପରିବେଷଣ କରିଛନ୍ତି । ଭାରତୀୟ ସଂସ୍କୃତି ଆସୋସିଏସନ ପକ୍ଷରୁ ଆୟୋଜିତ କାର୍ଯ୍ୟକ୍ରମରେ ନୃତ୍ୟ ମାଧ୍ୟମରେ ପ୍ରବାସୀ ଓଡ଼ିଆ, ଓଡ଼ିଶାର ଲୋକକଳାକୁ ନାଇଜେରିଆ ମାଟିରେ ପ୍ରଦର୍ଶନ କରିଛନ୍ତି ।ଏହାକୁ ମନଭରି ଉପଭୋଗ କରିଛନ୍ତି ପ୍ରବାସୀ ଓଡ଼ିଆ ଓ ନାଇଜେରିଆବାସୀ । ସୁରେନ୍ଦ୍ର, ବିଘ୍ନରାଜ, ଅମିତ, ସତ୍ୟ, ସୁନୀଲ, ଦିବ୍ୟା, ପିଙ୍କି ଓ ଅନିତା ପ୍ରମୁଖ ପ୍ରବାସୀ ଓଡ଼ିଆଙ୍କ ପ୍ରତିନିଧିତ୍ୱ କରି ନୃତ୍ୟ ପରିବେଷଣ କରିଥିଲେ । ଏହାକୁ ସମସ୍ତେ ପ୍ରଶଂସା କରିଛନ୍ତି ।

ଲାଗୁ ହୋଇଛି ନୂଆ ନିୟମ, ଆଗକୁ ଶସ୍ତା ହେବ ବିଦ୍ୟୁତ୍ !

0

ନୂଆଦିଲ୍ଲୀ: ବଢ଼ୁଥିବା ବିଦ୍ୟୁତ୍ ଦରକୁ ନେଇ ଚିନ୍ତାରେ ଅଛନ୍ତି କି ? ଭାବିବା ଛାଡ଼ି ଦିଅନ୍ତୁ । ଖୁବଶୀଘ୍ର ବିଦ୍ୟୁତ୍ ଦର ହ୍ରାସ ହେବାକୁ ଯାଉଛି । ଉପଭୋକ୍ତା ମାନଙ୍କୁ ଶସ୍ତାରେ ବିଦ୍ୟୁତ୍ ଦେବାକୁ କେନ୍ଦ୍ର ସରକାର ପଦକ୍ଷେପ ନେଇଛନ୍ତି । ବିଦ୍ୟୁତ୍ ଶୁଳ୍କ କମାଇବା ନେଇ ଶକ୍ତି ମନ୍ତ୍ରଣାଳୟ ରେଗୁଲେଟ୍ରି ଅଥୋରିଟିକୁ ଚିଠି ଲେଖିଛି । ନୂଆ ନିୟମ ଲାଗୁ ହେବା ପରେ ବିଜୁଳି ଉତ୍ପାଦନ ପାଇଁ ପୂର୍ବାପେକ୍ଷ କମ୍ ଅର୍ଥ ଖର୍ଚ୍ଚ ହେଉଛି ।

ଯାହାର ଲାଭ ଉପଭୋକ୍ତାଙ୍କୁ ଦେବା ପାଇଁ ବିଭାଗ ଦର କମାଇବାକୁ ଚିଠି ଲେଖିଛି । ଯାହାର ପୁରା ଫାଇଦା ଏବେ ଗ୍ରାହକ ମାନଙ୍କୁ ମିଳିବ । ପ୍ରତି ୧୦୦ ୟୁନିଟରେ ୧୦ ଟଙ୍କା ଉପଭୋକ୍ତାଙ୍କୁ କମ୍ ଦେବାକୁ ପଡ଼ିବ ।

ଖାଲି ସେତିକି ନୁହେଁ ବିଜୁଳି କିଣୁଥିବା କମ୍ପାନୀମାନେ ମଧ୍ୟ କମ୍ ମୂଲ୍ୟରେ ବିଜୁଳି ପାଇବେ । ଅଗଷ୍ଟ ୧ ତାରିଖରୁ ଲାଗୁ ହୋଇଥିବା ନିୟମ ବିଦ୍ୟୁତ୍ ବିତରଣ କମ୍ପାନୀ ଗୁଡ଼ିକୁ ମଧ୍ୟ ଲାଭ ଦେବ । କିନ୍ତୁ ନୂଆ ନିୟମ ଅନୁଯାୟୀ ବଡ଼ ବଡ଼ କମ୍ପାନୀ ପ୍ରଥମେ ଆଡଭାନ୍ସ ଟଙ୍କା ଡିପୋଜିଟ କଲେ ହିଁ  ଏହି ଲାଭ ପାଇ ପାରିବେ । ଏହା ଦ୍ୱାରା ବିଦ୍ୟୁତ୍ ବିତରଣ କମ୍ପାନୀ ଗୁଡ଼ିକୁ ୪,୦୦୦ ରୁ ୪,୫୦୦ କୋଟି ଟଙ୍କାର ଫାଇଦା ହେବ ।

ଉତ୍କଳ ବିଶ୍ୱବିଦ୍ୟାଳୟର ପ୍ଲାଟିନମ୍ ଜୁବଲି ଉତ୍ସବରେ ଯୋଗଦେବେ ରାଷ୍ଟ୍ରପତି

ଭୁବନେଶ୍ୱର(ଶତ୍ରୁଘ୍ନ ବିଶ୍ୱାଳ): ଓଡ଼ିଶା ଆସିବେ ରାଷ୍ଟ୍ରପତି ରାମନାଥ କୋବିନ୍ଦ । ଆସନ୍ତା ଡିସେମ୍ବର ୮ ତାରିଖରେ ରାଷ୍ଟ୍ରପତି କୋବିନ୍ଦ ଓଡ଼ିଶା ଗସ୍ତରେ ଆସିବେ । ଉତ୍କଳ ବିଶ୍ୱବିଦ୍ୟାଳୟର ପ୍ଲାଟିନମ୍ ଜୁବଲି ଉତ୍ସବରେ ଯୋଗଦେବେ । ରାଷ୍ଟ୍ରପତିଙ୍କ ବାଣୀବିହାର ଗସ୍ତ ନେଇ ଉଚ୍ଚଶିକ୍ଷା ମନ୍ତ୍ରୀ ଡକ୍ଟର ଅରୁଣ ସାହୁ ସୂଚନା ଦେଇଛନ୍ତି । ରାଷ୍ଟ୍ରପତିଙ୍କ ସମେତ ରାଜ୍ୟପାଳ, ମୁଖ୍ୟମନ୍ତ୍ରୀ ଏବଂ କେନ୍ଦ୍ରମନ୍ତ୍ରୀ ବିଶ୍ୱବିଦ୍ୟାଳୟର ପ୍ଲାଟିନମ୍‌ ଜୁବଲି ଉତ୍ସବରେ ଯୋଗଦେବେ ।

FILE PHOTO
FILE PHOTO

ଶନିବାର ଏହି ଉତ୍ସବକୁ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଉଦ୍‌ଘାଟନ କରିଥିଲେ । ଆଜି ଉତ୍ସବର ଦ୍ୱିତୀୟ ଦିନରେ କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ ମୁଖ୍ୟ ଅତିଥି ଭାବେ ଯୋଗ ଦେଇଥିଲେ । ସେ ମଧ୍ୟ ଏହି ବିଶ୍ୱବିଦ୍ୟାଳୟର ପୁରାତନ ଛାତ୍ର । ଉତ୍କଳ ବିଶ୍ୱବିଦ୍ୟାଳୟକୁ ବିଶ୍ୱସ୍ତରୀୟ କରିବାକୁ ଆଲୁମନି କର୍ପସ ଫଣ୍ଡ ଗଠନ ପାଇଁ ଧର୍ମେନ୍ଦ୍ର ପରାମର୍ଶ ଦେଇଛନ୍ତି । ଏଥିସହ କେନ୍ଦ୍ରମନ୍ତ୍ରୀ ତାଙ୍କର ବର୍ଷକର ଦରମା ଦେଇଛନ୍ତି ।ବିଶ୍ୱବିଦ୍ୟାଳୟର ଭିତ୍ତିଭୂମି ବିକାଶ ପାଇଁ ମୁଖ୍ୟମନ୍ତ୍ରୀ ୧୦୦ କୋଟି ଟଙ୍କା ଘୋଷଣା କରିଛନ୍ତି । ଏକାଡେମିକ୍‌ ଏବଂ ରିସର୍ଚ୍ଚ ପାଇଁ ଆହୁରି ୧୦୦ କୋଟି ଟଙ୍କା ଯୋଗାଡ଼ କରିବେ ବୋଲି କେନ୍ଦ୍ରମନ୍ତ୍ରୀ କହିଛନ୍ତି । ବିଶ୍ୱବିଦ୍ୟାଳୟର ପ୍ଲାଟିନମ ଜୁବଲି ଉତ୍ସବକୁ ରାଷ୍ଟ୍ରପତି ଆସୁଥିବାରୁ ଛାତ୍ରଛାତ୍ରୀଙ୍କ ମଧ୍ୟରେ ଉତ୍ସାହ ଦେଖିବାକୁ ମିଳିଛି ।