ଦୀର୍ଘ ଦିନର ଦାବି ପୂରଣ ହେବ । ଆଜିଠୁ ଭୁବନେଶ୍ୱର ଓ ନୟାଗଡ଼ ଟାଉନ ମଧ୍ୟରେ ଗଡିବ ସେବା ଏକ୍ସପ୍ରେସ ଟ୍ରେନ୍  । ଏହି ଟ୍ରେନ୍ ପ୍ରତିଦିନ ଭୁବନେଶ୍ୱରରୁ ସନ୍ଧ୍ୟା ୬ଟା ୪୦ ମିନିଟରେ ଛାଡି ନୟାଗଡ଼ ଟାଉନରେ ରାତି ୮ଟା ୪୦ ମିନିଟରେ ପହଞ୍ଚିବ  ।

ଫେରିବା ବେଳେ ଏହି ଟ୍ରେନ୍ ନୟାଗଡ ଟାଉନଠାରୁ ସକାଳ ୬ଟା ୩୦ ମିନିଟରେ ଛାଡି ଭୁବନେଶ୍ୱରରେ ପୂର୍ବାହ୍ନ ୯ଟାରେ ପହଞ୍ଚିବ । ଆଜି ପୂର୍ବାହ୍ନରେ କେନ୍ଦ୍ର ରେଳ ମନ୍ତ୍ରୀ ପିୟୁଷ ଗୋଅଲ ନୂଆଦିଲ୍ଲୀରୁ ଭିଡିଓ କନଫରେନସିଙ୍ଗ ମାଧ୍ୟମରେ ଓଡିଶାର ସେବା ଏକ୍ସପ୍ରେସ ସହିତ ଅନ୍ୟ ରାଜ୍ୟ ପାଇଁ ୯ଟି ସେବା ଏକ୍ସପ୍ରେସର ଶୁଭାରମ୍ଭ କରିବେ  ।

ମିଳିଥିବା ସୂଚନା ଅନୁସାରେ,ସେବା ଟ୍ରେନ୍ ପ୍ରଚଳନ ଯୋଗୁଁ ପରିଚାଳନାଗତ ସୁବିଧାକୁ ଦୃଷ୍ଟିରେ ରଖି ଏହି ମାର୍ଗରେ ପୂର୍ବରୁ ଚଳାଚଳ କରୁଥିବା ପାସେଞ୍ଜର ଟ୍ରେନ ଗୁଡିକର ସମୟ ସାରଣୀରେ ପରିବର୍ତ୍ତନ କରାଯାଇଛି  । ')}

ବାଲିଆପାଳ ଥାନା ଅନ୍ତର୍ଗତ କଟ୍ରାମହଲ ଗାଁରେ ଗଣ୍ଡଗୋଳ ଭୀଷଣ ରୂପ ନେଇଛି । କଟ୍ରାମହଲ ପ୍ରାଥମିକ ବିଦ୍ୟାଳୟ ପରିସରରେ ବ୍ୟକ୍ତିଗତ ଗୃହ ନିର୍ମାଣକୁ ନେଇ ଗଣ୍ତଗୋଳ ଓ ମାରପିଟ୍ ଉଗ୍ରରୂପ ଧାରଣ କରିଛି । ସେହି ଗାଁର ଭାନୁଚରଣ ଦଳେଇ କଟ୍ରାମହଲ ସ୍କୁଲ ପାଖରେ ସ୍କୁଲ ଜମିରେ ଘର ନିର୍ମାଣ କରିବାକୁ ଗାଁ ଲୋକ ବିରୋଧ କରିଥିଲେ । ଏହାକୁ ନେଇ ପୂର୍ବରୁ ବହୁବାର ଗାଁ ଲୋକଙ୍କ ସହ ଭାନୁଙ୍କର ମତାନ୍ତର ହୋଇଥିଲା । ଆଜି ସକାଳେ ଭାନୁଚରଣ ସ୍କୁଲ ଜମିରେ ଘର ତିଆରି କରୁଥିବା ବେଳେ ଏହାକୁ ବିରୋଧ କରିଥିଲେ ଗାଁ ଲୋକ । ମାତ୍ର ଭାନୁ ବିରୋଧକୁ ଖାତିର ନକରି ଗାଁ ଲୋକଙ୍କ ସହ ବଚସା କରିଥିବା ଅଭିଯୋଗ ହୋଇଛି । ଏପରିକି ଗାଁ ଲୋକେ ଆସିବା ଜାଣି ପୂର୍ବରୁ ପ୍ରସ୍ତୁତ କରି ରଖିଥିବା କଞ୍ଚାଲଙ୍କା ପାଣିକୁ ଗାଁ ଲୋକଙ୍କ ଉପରେ ଫିଙ୍ଗିଥିଲେ । ଗାଁ ଲୋକଙ୍କ ସହ ଭାନୁ ଓ ତାଙ୍କ ଭାଇଙ୍କର ଜୋରଦାର ହୋଇଥିଲା ମାରପିଟ୍  । କିଛି ଭଡ଼ାଟିଆ ଗୁଣ୍ଡାଙ୍କୁ ଆଣି ଗାଁ ଲୋକଙ୍କୁ ମାଡ଼ ମାରିଥିବା ମଧ୍ୟ ଅଭିଯୋଗ ହୋଇଛି ।  ଉଭୟ ପକ୍ଷର ମାରପିଟରେ ଗାଁର ରାମଚନ୍ଦ୍ର ଗିରି ନାମକ ଜଣେ ବ୍ୟକ୍ତିଙ୍କର ମୃତ୍ୟୁ ହୋଇଛି । ଏଥିରେ ୭ ଜଣ ଆହତ ହୋଇଛନ୍ତି । ସମସ୍ତଙ୍କୁ ବାଲେଶ୍ବର ଜିଲ୍ଲା ମୁଖ୍ୟ ଚିକିତ୍ସାଳୟରେ ଭର୍ତ୍ତି କରାଯାଇଛି । ସ୍ଥିତି ଅଣାୟତ୍ତ ହେବାରୁ ବସ୍ତା ଏସଡିପିଓ ଘଟଣା ସ୍ଥଳରେ ପହଞ୍ଚିଥିଲେ । ପରିସ୍ଥିତି ନିୟନ୍ତ୍ରଣ ପାଇଁ ୧ ପ୍ଲାଟୁନ୍ ପୋଲିସ ଫୋର୍ସ ମୁତୟନ କରାଯାଇଛି । ଭାନୁଚରଣଙ୍କୁ ପୋଲିସ ଗିରଫ କରିଥିବା ବେଳେ ୧୨୫/୧୯ରେ ବାଲିଆପାଳ ଥାନାରେ ଏକ ମାମଲା ରୁଜୁ ହୋଇଛି । ଏ ଘଟଣାରେ ୪ ଜଣଙ୍କୁ ଅଟକ ରଖିଛି ପୋଲିସ । ଏବେବି ସ୍ଥାନୀୟ ଅଞ୍ଚଳରେ ଚାପା ଉତ୍ତେଜନା ଲାଗି ରହିଛି । ')}

ଆତଙ୍କୀଙ୍କ ଟାର୍ଗେଟରେ ରେଳ ଷ୍ଟେସନ । ଦେଶର ବିଭିନ୍ନ ରେଳ ଷ୍ଟେସନ ଆତଙ୍କବାଦୀଙ୍କ ଟାର୍ଗେଟରେ ଥିବା ବେଳେ ଓଡ଼ିିଶାର ୬ଟି ଷ୍ଟେସନକୁ କମ୍ପୋଜିଟ୍‌ ଇଣ୍ଟରନାଲ ସକ୍ୟୁରିଟି ସ୍କିମ୍‌ରେ ଅନ୍ତର୍ଭୁୁକ୍ତ କରାଯାଇଛି । ଦ୍ୱିତୀୟ ରାଜ୍ୟସ୍ତରୀୟ ରେଳବାଇ ସୁରକ୍ଷା ବୈଠକରୁ ମିଳିଛି ଏହି ସୂଚନା ।

ବୈଠକରେ ଯାତ୍ରୀଙ୍କ ସୁରକ୍ଷା, ଆଇନଶୃଙ୍ଖଳା, ମାଓବାଦୀ ଓ ଆତଙ୍କବାଦୀଙ୍କ ମୁକାବିଲା ଏବଂ ଭିତ୍ତିଭୂମି ବିକାଶ ଉପରେ ଗୁରୁତ୍ୱପୂର୍ଣ୍ଣ ନିଷ୍ପତ୍ତି ନିଆଯାଇଛି । ଆତଙ୍କବାଦୀଙ୍କ ଟାର୍ଗେଟରେ ଓଡ଼ିଶାର ରେଳ ଷ୍ଟେସନ। ଦେଶର ୨୦୦ ଓ ଓଡ଼ିଶାର ୬ଟି ରେଳ ଷ୍ଟେସନ ଆତଙ୍କୀଙ୍କ ଟାର୍ଗେଟରେ ଅଛି । ମୁକାବିଲା ପାଇଁ ଓଡ଼ିଶା ପୋଲିସ ଓ ରେଳବାଇ ପୋଲିସର ମାନସମନ୍ଥନ । କମ୍ପୋଜିଟ ଇଣ୍ଟରନାଲ ସକ୍ୟୁରିଟି ସ୍କିମ ସୂଚନା ଅନୁସାରେ ଓଡ଼ିଶାର ୬ଟି ଷ୍ଟେସନକୁ ସିକ୍ୟୁରିଟି ଥ୍ରେଟ୍‌ ରହିଛି । ଏହି ଷ୍ଟେସନଗୁଡ଼ିକ ହେଲା ରାଉରକେଲା, ଝାରୁସୁଗୁଡା, କଟକ, ଭୁବନେଶ୍ୱର, ବ୍ରହ୍ମପୁର ଓ ପୁରୀ ବୋଲି ସୂଚନା ମିଳିଛି । ଏଥିଲାଗି ସୁରକ୍ଷା ବ୍ୟବସ୍ଥ। ବଢାଇବାକୁ କୁହାଯାଇଛି । ଜିଆର୍‌ପି ଏବଂ ଆର୍‌ପିଏଫ୍‌ ମଧ୍ୟରେ ଉତ୍ତମ ସମନ୍ୱୟ, ନକ୍ସଲ ପ୍ରଭାବିତ ଅଞ୍ଚଳରେ ଯାତ୍ରୀ ଓ ଟ୍ରେନ୍‌ ଟ୍ରାକ୍‌ର ସୁରକ୍ଷା, ଚୋରି ଉପରେ ରୋକ୍‌, ସିସିଟିଭି ଓ ବ୍ୟାଗେଜ ସ୍କାନର ଆଦି ଲଗାଇବା ନେଇ ହୋଇଛି ଆଲୋଚନା । ଷ୍ଟେସନରେ ଭେଣ୍ଡରଙ୍କ ପରିଚୟପତ୍ର ଯାଞ୍ଚ କରାଯିବ । ଏହାସହ ପ୍ଳାଟଫର୍ମ, କଲୋନୀ ଓ ବସ୍ତି ଉପରେ ନଜର ରଖିବ ପୋଲିସ ।ଏନେଇ ପ୍ରତିକ୍ରିୟା ଦେଇଛନ୍ତି ରେଳୱେ ଏଡିଜି ପ୍ରଣବିନ୍ଦୁ ଆଚାର୍ଯ୍ୟ ଏବଂ ପୋଲିସ ଡିଜି ବିଜୟ କୁମାର ଶର୍ମା ।

ଓଡ଼ିିଶାର ସବୁ ଷ୍ଟେସନରେ ଫାୟାର ସେଫ୍ଟି ସାର୍ଟିଫିକେଟ ବାଧ୍ୟତାମୂଳକ । ଅଗ୍ନିଶମ ବିଭାଗ ଅଡିଟ୍‌ କରି ସାର୍ଟିଫିକେଟ ଦେବ । ବ୍ୟାଗେଜ ସ୍କାନର କାମ କରୁନଥିବା ସ୍ଥାନରେ ଓ ଆଉ କିଛି ଷ୍ଟେସନରେ ନୂଆ କରି ସ୍କାନର ଲାଗିବ । ବାଉଣ୍ଡାରି ନିର୍ମାଣ, ଆଲୋକୀକରଣ ସହିତ ପ୍ରମୁଖ ରେଳ ଷ୍ଟେସନରେ ଲାଗିବ ସିସିଟିଭି । ଏଲ୍‌ଇଡି ବୋର୍ଡ ଦ୍ୱାରା ଯାତ୍ରୀମାନଙ୍କୁ ସଚେତନ କରାଯିବ । ଅନ୍ୟପଟେ ଓଡ଼ିଶାରେ ଆତଙ୍କୀ ଲିଙ୍କ୍‌ ନେଇ ଏଏନ୍‌ଆଇ ସୂଚନା ଦେବା ପରେ ଆତଙ୍କୀ କାର୍ଯ୍ୟକଳାପକୁ ପ୍ରତିହତ କରିବା ପାଇଁ ପୋଲିସ ପ୍ରସ୍ତୁତ ବୋଲି ଡିଜି କହିଛନ୍ତି।

ପୋଲିସ ଡିଜିଙ୍କ ଅଧ୍ୟକ୍ଷତାରେ ଦ୍ୱିତୀୟ ରାଜ୍ୟସ୍ତରୀୟ ରେଳବାଇ ସୁରକ୍ଷା ବୈଠକରେ ରେଲୱେ ଏଡିଜି, ଗୁଇନ୍ଦା ବିଭାଗର ଆଇଜି, କଟକ-ରାଉରକେଲା ରେଲଓ୍ୱେ ଏସ୍‌ପି ଓ କେନ୍ଦ୍ର ସରକାରଙ୍କ ରେଳ ବିଭାଗର ଯୁଗ୍ମ ସମ୍ପାଦକ ଉପସ୍ଥିତ ଥିଲେ । ')}