ଆଖିରେ ସ୍ୱତନ୍ତ୍ର ଚଷମା ଲଗାଇ ପ୍ରଧାନମନ୍ତ୍ରୀ ମୋଦି ଦେଖିଲେ ସୂର୍ଯ୍ୟ ପରାଗ

ନୂଆଦିଲ୍ଲୀ: ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଦେଖିଲେ ସୂର୍ଯ୍ୟ ପରାଗ । ମୋଦି ତାଙ୍କ ବାସଭବନରେ ଥାଇ ଦେଖିଛନ୍ତି ସୂର୍ଯ୍ୟ ପରାଗ । ଭାରତର ସବୁ ବ୍ୟକ୍ତିଙ୍କ ପରି ସେ ମଧ୍ୟ ଏହି ଦୃଶ୍ୟ ଦେଖିବା ପାଇଁ ଖୁବ୍ ଉତ୍ସାହିତ ଥିଲେ । 

କିନ୍ତୁ ଖରାପ ପାଗ ଏବଂ ମେଘ ଢାଙ୍କିରଖିଥିବାରୁ ସେ ସୂର୍ଯ୍ୟପରାଗକୁ ଦେଖି ପାରିନଥିବା ଉଲ୍ଲେଖ କରିଛନ୍ତି । ଏହା ସେ ଟ୍ୱିଟ ମାଧ୍ୟମରେ ଜଣାଇଛନ୍ତି । କୋଝିକୋଡ଼ି ଏବଂ ଭାରତର ଅନ୍ୟ ସ୍ଥାନ ଗୁଡ଼ିକରେ ଏହି ଦୃଶ୍ୟକୁ ଲାଇଭ ଷ୍ଟ୍ରିମ ଯୋଗେ ଦେଖିଛନ୍ତି ବୋଲି ମୋଦି କହିଛନ୍ତି । ଖାଲି ସେତିକି ନୁହେଁ ପ୍ରଧାନମନ୍ତ୍ରୀ ଏହି ସୂର୍ଯ୍ୟ ପରାଗ ନେଇ ବିଶେଷଜ୍ଞଙ୍କ ଠାରୁ ପଚାରି ବୁଝିଥିଲେ ମଧ୍ୟ ଟ୍ୱିଟରରେ ସୂଚନା ଦେଇଛନ୍ତି ।