ରାଜ୍ୟସଭାରେ ନାଗରିକତ୍ୱ ସଂଶୋଧନ ବିଲ୍, ୨୦୧୯ ଗୃହୀତ ହେବା ପରେ ଏହାର ପ୍ରତିବାଦରେ ଚାକିରି ଛାଡ଼ିଛନ୍ତି ମହାରାଷ୍ଟ୍ରର ବରିଷ୍ଠ ଆଇପିଏସ୍ ଅଧିକାରୀ ଅବ୍ଦୁର ରହମନ। ଏହି ବିଲ୍ ବିରୋଧରେ ଖୋଲାଖୋଲି ଭାବେ ବିକ୍ଷୋଭ କରିବା ପାଇଁ ସେ ଇସ୍ତଫା ଦେଇଥିବା ଜଣାପଡ଼ିଛି।
ସେ କହିଛନ୍ତି, ‘ମୁଁ ବ୍ୟକ୍ତିଗତ କାରଣରୁ ଆଇଜିପି ପାହ୍ୟା ଅଧିକାରୀ ପଦ ଛାଡ଼ିଥିବା ମୋ ଇସ୍ତଫା ପତ୍ରରେ ଉଲ୍ଲେଖ କରିଛି। ତେବେ ମୋ ନିଷ୍ପତ୍ତି ସମ୍ପର୍କରେ ମୁଁ ବିସ୍ତୃତ ଭାବେ ଜଣାଇଛି।’
ରାଇରଙ୍ଗପୁର: ମୟୂରଭଞ୍ଜରେ ପୁଣି ଲଜ୍ୟା । ଜଣେ ନାବାଳିକାକୁ ତାର ଭାଇ ଅସଦାଚର କରିବା ଭଳି ସଙ୍ଗୀନ ଅଭିଯୋଗ ଆସିଛି। ପ୍ରେମ ଓ ଭାତୃତ୍ୱ ବନ୍ଧନରେ ବନ୍ଧା ତଥା ସୁରକ୍ଷା ପାଇଁ ରାକ୍ଷୀ ବାନ୍ଧୁଥିବା ଭଉଣୀକୁ ଛାଡୁ ନାହିଁ ଭାଇ। ଭାଇ ଶବ୍ଦରେ କଳଙ୍କର ଟୀକା ଲଗାଇ ଭଉଣୀକୁ ଅସଦାଚର କରିଛି ରାଇରଙ୍ଗପୁର ଆଦର୍ଶ ଥାନା ଅନ୍ତଗର୍ତ ସାନ ପାଖନା ଗ୍ରାମର ଯୁବକ ।
ନିଜ ଦାଦାଙ୍କ ନାବାଳିକା ଝିଅଙ୍କୁ ଏକୁଟିଆ ଘରେ ପାଇ ଅସଦାଚରଣ କରିଛି ଭାଇ। ଏମିତି ସଙ୍ଗୀନ ଅଭିଯୋଗରେ ଭାଇ ଗିରଫ ହୋଇଛି। ଗିରଫ ଅଭିଯୁକ୍ତ ଭାଇ ହେଲା ସାନ ପାଖନା ଗ୍ରାମର ବାପୁନ ଦାସ। ରାଇରଙ୍ଗପୁର ଟାଉନ ପୁଲିସ ଅଭିଯୁକ୍ତ ବାପୁନକୁ ପୋକ୍ସ ଆକ୍ଟରେ ଗିରଫ କରି ଆଇପିସି ଧାରା ୪୫୧/୨୯୪/୩୨୩/୩୪୧/୩୫୪/୩୫୪(କ)/୫୦୬ ଲଗାଇଛି। ଆସନ୍ତା କାଲି ପୁଲିସ ଅଭିଯୁକ୍ତକୁ କୋର୍ଟ ଚାଲାଣ କରିବାକୁ ଥିବା ଜଣାପଡିଛି।
ଝାଡଖଣ୍ଡ: ଆଜି ଝାଡଖଣ୍ଡ ବିଧାନସଭା ନିର୍ବାଚନର ତୃତୀୟ ପର୍ଯ୍ୟାୟ ମତଦାନ । ତୃତୀୟ ପର୍ଯ୍ୟାୟରେ ୧୭ଟି ଆସନ ପାଇଁ ହେଉଛି ଭୋଟଗ୍ରହଣ । ସକାଳ ୭ଟାରୁ ଭୋଟିଂ ଆରମ୍ଭ ହୋଇଛି । ନକ୍ସଲ ପ୍ରବଣ ଅଞ୍ଚଳରେ ଅପରାହ୍ନ 3ଟା ଯାଏଁ ମତଦାନ ହେବ । ତେବେ ରାଞ୍ଚି, ହଟିଆ, କାଙ୍କେ, ରାମଗଡ଼ ଏବଂ ବରକଠା ରେ ସଂଧ୍ୟା ୫ଟା ଯାଏଁ ମତଦାନ ଅନୁଷ୍ଠିତ ହେବ ।
ମଇଦାନ ୩୦୯ ପ୍ରାର୍ଥୀ ପ୍ରତିଦ୍ୱନ୍ଦିତା କରୁଛନ୍ତି । ସେମାନଙ୍କ ମଧ୍ୟରେ ୩୨ ମହିଳା ଏବଂ ୯୯ ନିର୍ଦ୍ଦଳୀୟ ପ୍ରାର୍ଥୀ ଅଛନ୍ତି । ଅନ୍ୟପଟେ ତୃତୀୟ ପର୍ଯ୍ୟାୟରେ ୫୬ଲକ୍ଷ ୧୮ ହଜାର ୨ଶହ ୬୭ ମତଦାତା ମତଦାନ ସାବସ୍ତ୍ୟ କରୁଛନ୍ତି । ସେ ମଧ୍ୟରେ ୨୯ଲକ୍ଷ ୩୭ ହଜାର ୯୭୬ ପୁରୁଷ ଏବଂ ୨୬ ଲକ୍ଷ ୮୦ ହଜାର ୨ଶହ ୫ ମହିଳା ଭୋଟ ଅଛନ୍ତି । ୮୬ ତୃତୀୟ ଲିଙ୍ଗ ଭୋଟ ଥିବା ବେଳେ ୧ଲକ୍ଷ ୪୪ହଜାର ୧୫୩ ନୂଆ ଭୋଟର ଅଛନ୍ତି । ମାଓ ପ୍ରବଣ ଅଞ୍ଚଳ ହୋଇଥିବାରୁ ବୁଥ ଗୁଡିକରେ ସୁରକ୍ଷା ବ୍ୟବସ୍ଥା କଡାକଡି କରାଯାଇଛି । ସିସିଟିଭି ଏବଂ ଡ୍ରୋନ ନଜରେ ରହିଛି ବୁଥ ।
ଅନ୍ୟପଟେ ଦୁର୍ଗମ ଅଞ୍ଚଳ ଗୁଡିକରେ ପୋଲିଂ ଟିମ ପାଇଁ ହେଲିକପଟରର ବ୍ୟବସ୍ଥା କରାଯାଇଛି । ସମସ୍ତ ଚରଣ ମତଦାନ ଶେଷ ପରେ ଆସନ୍ତା ୨୩ ତାରିଖରେ ହେବ ଭୋଟ ଗଣତି ।
ପଇଡ଼ ପାଣି ଆମ ଶରୀର ପାଇଁ ଖୁବ ଲାଭଦାୟକ । ସକାଳୁ ଉଠି ଖାଲି ପେଟରେ ପଇଡ଼ ପାଣି ପିଇବା ଫଳପ୍ରଦ ହୋଇଥାଏ । ଏଥିରେ ଥିବା ପୋଷକ ତତ୍ତ୍ୱ ଶରୀରରେ ରୋଗ ପ୍ରତିରୋକ ଶକ୍ତି ବଢିବା ସହ ଓଜନ କମ ହୋଇଥାଏ । ଯଦି ଆପଣ ବ୍ୟାୟାମ କରୁଛନ୍ତି, ତେବେ ବ୍ୟାୟାମ କରିବା ପୂର୍ବରୁ ପଇଡ ପାଣି ପିଅନ୍ତୁ । ଏହା ଶରୀର ପାଇଁ ଲାଭଦାୟକ ହୋଇଥାଏ ।
ଥାଇରଏଡ ହର୍ମୋନକୁ ସନ୍ତୁଳିତ କରିବାରେ ପଇଡ ପାଣି ବହୁତ ଉପକାରୀ ହୋଇଥାଏ। ସକାଳେ ପଇଡ଼ ପାଣି ପିଇବା ଦ୍ୱାରା ଥାଇରଏଡ ହର୍ମୋନ ସନ୍ତୁଳିତ ହୋଇଥାଏ। କିଡନୀକୁ ସୁସ୍ଥ ରଖିବା ପାଇଁ ପଇଡ଼ ପାଣି ଉତ୍ତମ ଅଟେ। କିଡନୀରେ ଷ୍ଟୋନ ହେବାକୁ ମଧ୍ୟ ଦେଇ ନ ଥାଏ।
ଯଦି ଆପଣ ଓଜନ କମ କରିବାକୁ ଚାହୁଁଛନ୍ତି ତେବେ ପଇଡ଼ ପାଣି ପିଅନ୍ତୁ । ଏଥିରେ କମ ପରିମାଣରେ କ୍ୟାଲୋରୀ ରହିଛି । ପଇଡ ପାଣି ପିଇବା ଦ୍ୱାରା ଭୋକ କମ ହୋଇଥାଏ । ଏହା ଶରୀରର ଓଜନକୁ କମ କରିଥାଏ ।
ବେଳେବେଳେ ଆପଣଙ୍କ ଶରୀରରେ ଏମିତି କିଛି ପରିବର୍ତ୍ତନ ଆସିଥାଏ ଯାହା ଆପଣଙ୍କ ଖରାପ ସ୍ୱାସ୍ଥ୍ୟକୁ ଦର୍ଶାଇଥାଏ । ଯାହା ସାଧାରଣରେ ଆପଣ ଅନୁମାନ କରିପାରିନ୍ତି ନାହିଁ । ତେବେ ଜାଣନ୍ତୁ ଏମିତି କିଛି ସଙ୍କେତ ବିଷୟରେ ଯାହା ଆପଣଙ୍କ ଶରୀର ଆପଣଙ୍କୁ ସୂଚାଇଥାଏ, ଯେତେବେଳେ ଆପଣଙ୍କ ଶରୀର ଖରାପ ଥାଏ ।
୧. ଶୁଖିଲା ଚର୍ମ/ଓଠ-
ଯଦି ଆପଣଙ୍କ ଓଠ ଏବଂ ଚର୍ମ ସବୁବେଳେ ଶୁଖିଲା ରହୁଛି କିମ୍ବା ଫାଟୁଛି ତେବେ ଏହା ଆପଣଙ୍କ ଅସୁସ୍ଥ ଶରୀରର ସଙ୍କେତ । ଶୁଖିଲା ଓଠ ସାଧାରଣତଃ କମ ପାଣି ପିଇବା ଦ୍ୱାରା ହୋଇଥାଏ କିନ୍ତୁ ଏହା ହାଇପର-ଥାଇରଏଡ ଏବଂ ଡାଇବେଟିକର ମଧ୍ୟ ସଙ୍କେତ ହୋଇଥାଏ । ତେଣୁ ଏହାକୁ ଅଣଦେଥା ନକରି କୁରନ୍ତ ଏହାର ଚିକିତ୍ସା କରାନ୍ତୁ ।
୨. ମୁହଁରେ ଅନାବଶ୍ୟକ ଚୁଟି ରହିବା-
ଯଦି ଆପଣଙ୍କ ଓଠ ଉପରେ, ଥୋଡ଼ିରେ ଏବଂ ଗାଲରେ ଅତିରିକ୍ତ ଚୁଟି ରହିଛି, ତେବେ ଏହା ହରମୋନ ଅସନ୍ତୁଳତା ସଙ୍କେତ । ପୋଲିସିସଟିକ୍ ଓଭାରୀ ସିନଣ୍ଡ୍ରମ ଏକ ହରମୋନ ବିକାଶ । ଏହା ମହିଳା ମାନଙ୍କ ଶରୀରକୁ ପ୍ରଭାବିତ କରିଥାଏ ।
୩. ଆଖି ତଳ କଳା ପଡ଼ିବା-
ଆଖି ତଳ କଳା ପଡ଼ିବା ବା ଆଖି ସିଝିଯିବା ଭଳି ଦେଖାଗଲେ ଏହା ସାଧାରଣତଃ ରାତି ଅନିଦ୍ରାର ପାଇଁ ହୋଇଥାଏ । କିନ୍ତୁ ଡାକ୍ତରଙ୍କ କହିବା ଅନୁଯାୟୀ ଏହା କ୍ରୋନିକ ଆଲର୍ଜିର ଲକ୍ଷଣ ମଧ୍ୟ ହୋଇପାରେ । ତେଣୁ ଏଥିପାଇଁ ଡାକ୍ତରଙ୍କ ସହ ପରାମର୍ଶ କରନ୍ତୁ ।
୪. ଦେହ ହଳଦିଆ ପଡ଼ିଯିବା-
ଯଦି ହଠାତ ଆପଣଙ୍କ ଦେହର ରଙ୍ଗ ହଳଦିଆ ପଡ଼ିଯାଏ ତେବେ ଏହା ଏନାଇମିଆ ( ଦେହରେ ରକ୍ତର ଅଭାବ )ର ଲକ୍ଷଣ । ଦେହରେ ରକ୍ତର ପରିମାଣ କମିଗଲେ ଦେହ ହଳଦିଆ ପଡ଼ିବାକୁ ଲାଗେ । ତେଣୁ ଏପରି ଦେଖିବା ମାତ୍ରେ ସଙ୍ଗେ ସଙ୍ଗେ ଡାଙ୍କରଙ୍କ ସହ ପରାମର୍ଶ କରନ୍ତୁ ।
୫. ଦେହ କୁଣ୍ଡେଇ ହେବା-
ହଜମ ପ୍ରକ୍ରିୟାରେ ଅସୁବିଧା ଦେଖାଦେଲେ ଦେହ କୁଣ୍ଡେଇ ଦେବାର ସମ୍ଭାବନା ରହିଛି । ମୁହଁ, ପିଠି, ଗୋଡ଼ ଆଦି କୁଣ୍ଡେଇ ହେଉଥିଲେ Inflammatory Bowel Disease (IBD) ଆପଣଙ୍କ ହଜମ ପ୍ରକ୍ରିୟାକୁ ପ୍ରଭାବିତ କରିଥାଏ ଯାହା ସିଧାସଖଳ ଆପଣଙ୍କ କୁଣ୍ଡିଆ ରୋଗକୁ ବଢ଼ାଇଥାଏ ।
୬. ଦେହରେ ନୂଆ କଳା ଜାଇ ବାହାରୁ ଥିଲେ-
ଆଜନ୍ମ କଳା ଜାଇ କୌଣସି ଚିନ୍ତାର କାରଣ ହୋଇନଥାଏ, କିନ୍ତୁ ଦେହରେ ଯଦି ନୂଆ କଳା ଯାଇ ବାହାରୁଛି ତେବେ ତୁରନ୍ତ ଡାକ୍ତରଙ୍କ ସହ ପରାମର୍ଶ କରନ୍ତୁ । ଏହା ସହ ପୂର୍ବରୁ ଥିବା କଳା ଜାଇ ପ୍ରତି ମଧ୍ୟ ଧ୍ୟାନ ଦିଅନ୍ତୁ, ଯେପରି ସେଗୁଡ଼ିକ ଆକାର, ରଙ୍ଗ ଏବଂ ଚାରିପାଖରୁ ରକ୍ତ ନ ବାହାରୁଥାଏ ।
୭. ଚୁଟି ଝଡ଼ିବା-
ପ୍ରତିଦିନ ମୁଣ୍ଡରୁ ଅଳ୍ପ ବହୁତେ ଚୁଟି ଝଡ଼ିଥାଏ । କିନ୍ତୁ ସେହି ଚୁଟି ଯଜି ଆଖି ପତା ଏବଂ ଆଇବ୍ରୋରୁ ଝଡ଼ିଥାଏ ତେବେ ଏହା ଚିନ୍ତାଜନକ । ଅଧିକ ଷ୍ଟ୍ରେସ୍ ବା ଚିନ୍ତାରେ ରହିଲେ ସାଧାରଣତଃ ଚୁଟି ଝଡ଼ିଥାଏ । Autoimmume Disorder ଏଥିପାଇଁ ଦାୟୀ ହୋଇପାରେ । ଆଲୋପେସିଆ ଆରେଟିଆ ଏକ ରୋଗ ଯାଗା କାରଣରୁ ମାତ୍ରାଧିକ ଚୁଟି ଝଡ଼ିଥାଏ ।
୮. ଆଖି ଡୋଳା ହଳଦିଆ ଦେଖାଦେବା-
ଶରୀରରେ କୋଲେଷ୍ଟ୍ରୋଲ ଅଧିକ ପରିମାଣରେ ପଢ଼ିଯାଇଥିଲେ ଆଖି ଡୋଲା ହଳଦିଆ ଦେଖାଦେଇଥାଏ । ଯେଉଁ ବ୍ୟକ୍ତି ମାନଙ୍କ ଆଖି ଡୋଳା ସାମାନ୍ୟ ହଳିଦିଆ ଦେଖାଦେଇଥାଏ ସେମାନଙ୍କ ଧମନୀ ଧିରେ ଧିରେ କଠିନ ହେବାକୁ ଲାଗିଥାଏ ।
ନୂଆଦିଲ୍ଲୀ: ରାଜ୍ୟସଭାରେ ପାରିତ ହେଲା ନାଗରିକତ୍ୱ ସଂଶୋଧନ ବିଲ୍ ୨୦୧୯ । ବିଲ୍ ସପକ୍ଷରେ ୧୨୫ ଭୋଟ ପଡ଼ିଥିବା ବେଳେ ବିପକ୍ଷରେ ପଡ଼ିଥିଲା ୧୦୫ ଭୋଟ୍ । ଗତ କାଲି ଲୋକସଭାରେ ପାରିତ ହୋଇଥିଲା ବିଲ୍ ।
ଗତ ଲୋକସଭାରେ ବିଲ୍ ପାସ୍ ହେବା ପରେ ଆଜି ରାଜ୍ୟସଭାରେ ଆଗତ ହୋଇଥିଲା ନାଗରିକତ୍ୱ ସଂଶୋଧନ ବିଲ୍ ୨୦୧୯ । ମଧ୍ୟାହ୍ନ ୧୨ ଟାରେ ରାଜ୍ୟସଭାରେ ବିଲ୍ ଉପସ୍ଥାପାନ କଲେ କେନ୍ଦ୍ର ଗୃହମନ୍ତ୍ରୀ ଅମିତ୍ ଶାହା । ଏହା ପରେ ବିଲ୍ ଉପରେ ଦୀର୍ଘ ୮ ଘଣ୍ଟା ଧରି ବିତର୍କ ହୋଇଥିଲା । ଅପରପକ୍ଷରେ ଗତକାଲି ଲୋକସଭାରେ ବିଲ୍କୁ ସମର୍ଥନ କରିଥିବା ଶିବସେନା ଆଜି ରାଜ୍ୟସଭାରେ ନିଜକୁ ଭୋଟିଂ ପ୍ରକ୍ରିୟାରୁ ଦୁରେଇ ରଖିଥିଲା ।
ବିଲ୍ ପାସ୍ ନେଇ ହୋଇଥିବା ଭୋଟିଂ ପ୍ରକ୍ରିୟାରେ ମୋଟ ୨୩୦ ଜଣ ସଦସ୍ୟ ଭୋଟିଂ କରିଥିଲେ । ୧୨୫ ଜଣ ବିଲ୍ ସପକ୍ଷରେ ଭୋଟ କରିଥିବା ବେଳେ ୧୦୫ ଜଣ ବିଲ୍ ବିପକ୍ଷରେ ଭୋଟିଂ କରିଥିଲେ । ଏବେ ସଂସଦର ଉଭୟ ଗୃହରେ ବିଲ୍କୁ ମଞ୍ଜରୀ ମିଳିସାରିଛି । ଏହାପରେ ବିଧେୟକକୁ ରାଷ୍ଟ୍ରପତିଙ୍କ ସ୍ୱୀକୃତି ନେଇ ପଠାଯିବା । ରାଷ୍ଟ୍ରପତିଙ୍କ ସ୍ୱୀକୃତି ପରେ ଏହା ଆଇନରେ ପରିଣତ ହେବ ।
ଅମିତ୍ ଶାହା ବିଲ୍ ଆଗତ କରି କହିଛନ୍ତି, ସେ ଗୃହରେ ଐତିହାସିକ ବିଲ୍ ଉପସ୍ଥାପନ କରିବାକୁ ଆସିଛନ୍ତି । ଏହି ବିଲ୍ରେ ଥିବା ପ୍ରାବଧାନ ଅନୁଯାୟୀ ଲକ୍ଷ ଲକ୍ଷ ଲୋକେ ଉପକୃତ ହେବେ । ଅଫଗାନିସ୍ତାନ, ପାକିସ୍ତାନ, ବାଂଲାଦେଶରୁ ଆସି ରହୁଥିବା ଅଳ୍ପ ସଂଖ୍ୟକଙ୍କୁ ସେମାନଙ୍କ ଅଧିକାର ମିଳିପାରିବ । ସେମାନଙ୍କୁ ସେମାନଙ୍କ ଦେଶରେ ସମାନତା ଅଧିକାର ନମିଳିଥିବାରୁ ସେମାନେ ଭାରତକୁ ଆସିଛନ୍ତି । ପାକିସ୍ତାନରେ ପୂର୍ବରୁ ୨୦% ଅଳ୍ପ ସଂଖ୍ୟକ ରହୁଥିବା ବେଳେ ଏବେ ୩% ରହିଛନ୍ତି । ଏହି ବିଲ୍ ଜରିଆରେ ହିନ୍ଦୁ, ଜେନୖ, ଶିଖ୍, ଇସାଇ, ପାରସି ଶରଣାର୍ଥୀଙ୍କୁ ଉପଯୁକ୍ତ ନ୍ୟାୟ ମିଳିପାରିବ ।
ବିଲ୍ ପାସ୍ ହୋଇଥିବାରୁ ଟ୍ୱିଟ୍ କରି ଖୁସି ବ୍ୟକ୍ତ କରିବା ସହ ସମର୍ଥନ କରିଥିବା ସଦସ୍ୟଙ୍କୁ ଧନ୍ୟବାଦ ଜଣାଇଲେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି । ଏହା ଦେଶ ପାଇଁ ଲ୍ୟାଣ୍ଡ୍ମାର୍କ ଦିନ ବୋଲି କହିଛନ୍ତି ପ୍ରଧାନମନ୍ତ୍ରୀ ।
ଅନ୍ୟପକ୍ଷରେ କଂଗ୍ରେସର ଅନ୍ତରୀଣ ଅଧ୍ୟକ୍ଷ ସୋନିଆ ଗାନ୍ଧି ଏହାକୁ ଭାରତୀୟ ସମ୍ୱିଧାନ ଇତିହାସର କଳାଦିନ ବୋଲି କହିଛନ୍ତି ।
ନୂଆପଡ଼ା: ମହିଳାଙ୍କ ପ୍ରତି ବୃଦ୍ଧି ପାଉଥିବା ହିଂସାକୁ ନେଇ ସମଗ୍ର ଦେଶରେ ଉଦ୍ବେଗ ପ୍ରକାଶ ପାଉଥିବା ବେଳେ ମହିଳାଙ୍କ ପ୍ରତି ଅତ୍ୟାଚାର ଦିନକୁ ଦିନ ବଢ଼ିଚାଲିଛି । ଆଉ ଏଭଳି ପରିସ୍ଥିତିରେ ମିହଳାଙ୍କ ସୁରକ୍ଷା ପୋଲସ ପ୍ରଶାସନ ପାଇଁ ବଡ଼ ଚ୍ୟାଲେଞ୍ଜ ଭାବେ ଉଭା ହୋଇଛି । ଝିଅ ହେଉ ବା ମହିଳା କେହିଁ ଘରୁ ଏକାକୀ ବାହାରିବା ସୁରକ୍ଷିତ ମଣୁନାହାନ୍ତି । ଘର ବାହାରେ ଥିବା ଝିଅର ଫେରିବା ବାଟକୁ ଚାହିଁ ରହିଥାଉଛନ୍ତି ବାପା ମା’ । ଏଭଳି ସମୟରେ ନାରୀଙ୍କ ସୁରକ୍ଷା କବଚ ତିଆରି କରି ଚର୍ଚ୍ଚାକୁ ଆସିଛନ୍ତି ଜଣେ କଲେଜ ଛାତ୍ର ।
ନାରୀ ସୁରକ୍ଷା ପାଇଁ କରିଛନ୍ତି ନୂଆ ଉଦ୍ଭାବନ । ତିଆରି କରିଛନ୍ତି ସୁରକ୍ଷା କବଚ୍ । ଏହି ବ୍ୟାଣ୍ଡକୁ ପିନ୍ଧିଥିବା ଯେ କୌଣସି ଝଅ କିମ୍ୱା ମହିଳା ବଟନ୍ ଚିପିଲେ ଆକ୍ରମଣକାରୀଙ୍କ ଲାଗିବ ୨୨୦ ଭୋଲଟ୍ର ଝଟକା । ଏହା ଦ୍ୱାରା ନିଜ ସୁରକ୍ଷା ନିଜେ କରିପାରିବେ ବୋଲି କହିଛନ୍ତି ବ୍ୟାଣ୍ଡ୍ ତିଆାରି କରିଥିବା ଛାତ୍ର ଲଛମନ୍ ଦୁଣ୍ଡି ।
ନୂଆପଡ଼ା ଜିଲ୍ଲା ଖଡ଼ିଆଳ ଠାରେ ଥିବା ଲୋକଦୃଷ୍ଟି କଲେଜ ପଦାର୍ଥ ବିଜ୍ଞାନର ଛାତ୍ର ଲଛମନ୍ ପୂର୍ବରୁ ଅଚଳ ୫୦୦ ଟଙ୍କିଆ ନୋଟରୁ ବିଦ୍ୟୁତ ଉତ୍ପର୍ଣ୍ଣ କରି ବଲପ୍ ଜଳାଇବା ପରେ ଚର୍ଚ୍ଚାକୁ ଆସିଥିଲେ । ଏବେ ନାରୀଙ୍କ ସୁରକ୍ଷାକୁ ନେଇ ଏକ କବଚ ତିଆରି କରି ପୁଣି ଚର୍ଚ୍ଚାକୁ ଆସିଛନ୍ତି ।
ନାରୀଙ୍କ ପାଇଁ ଏପରି ସୁରକ୍ଷା କବଚ ତିଆରି କରିଥିବା ଛାତ୍ର ବିଭିନ୍ନ କଲେଜକୁ ଯାଇ ଛାତ୍ରଛାତ୍ରୀଙ୍କ ଗହଣରେ ଏହାକୁ ପ୍ରଦର୍ଶନ କରିବା ସହ ଏହାର ବ୍ୟବହାର ସମ୍ପର୍କରେ ବୁଝାଉଛନ୍ତି । ଲଛ୍ମନ୍ ଏପରି ଉଦ୍ୟମକୁ ନେଇ ସମସ୍ତେ ଭୂରି ଭୂରି ପ୍ରଶଂସା କରୁଛନ୍ତି ।
ନୂଆଦିଲ୍ଲୀ : ନାଗରିକତା ସଂଶୋଧନ ବିଲକୁ ନେଇ ସାରା ଦେଶରେ ଜୋରଦାର ବିରୋଧ ଜାରି ରହିଛି । ବିଶେଷ କରି ଉତ୍ତରପୂର୍ବ ରାଜ୍ୟ ଗୁଡ଼ିକରେ ହିଂସା ଅଧିକ ହୋଇଛି । ଗୌହାଟୀର ୧୦ଟି ଜିଲ୍ଲାରେ ବିରୋଧ ପ୍ରଦର୍ଶନ ଖୁବ୍ ଜୋର ହୋଇଛି । କେଉଁଠି ଛାତ୍ରଛାତ୍ରୀ ବିଲକୁ ବିରୋଧ କରି ହାତ କାଟିଛନ୍ତି ତ ଆଉ କେଉଁଠି ପୋଡ଼ାଜଳା, ଭଙ୍ଗାରୁଜା ହୋଇଛି ।
ଗୌହାଟୀକୁ ୨ କଂପାନୀ ଫୋର୍ସ ପଠାଯାଇଛି । ଆଜି ଗୌହାଟୀରେ ମୁଖ୍ୟମନ୍ତ୍ରୀଙ୍କୁ ଏୟାରପୋର୍ଟ ଯିବାବେଳେ ହଟହଟ୍ଟା ହେବାକୁ ପଡ଼ିଛି । ପୋଲିସ ପକ୍ଷରୁ ଲୁହ ବୁହା ଗ୍ୟାସ ଓ ପାଣିମାଡ଼ କରାଯାଇଛି । ଗୌହାଟୀର ୧୨ ଜିଲ୍ଲାରେ ମୋବାଇଲ୍ ଏବଂ ଇଣ୍ଟରନେଟ୍ ସେବାକୁ ସାମୟିକ ପାଇଁ ବନ୍ଦ ରଖାଯାଇଛି ।
ଏପଟେ ରାଜ୍ୟସଭାରେ ବିଲକୁ ନେଇ ଜୋରଦାର ଆଲୋଚନା ହୋଇଛି । ଗୃହମନ୍ତ୍ରୀ ଅମିତ ଶାହା ବିଲ୍ ପ୍ରସଙ୍ଗରେ ଆଲୋଚନା କରି କଂଗ୍ରେସକୁ କଡ଼ା ସମାଲୋଚନା କରିଛନ୍ତି ।
ଭୁବନେଶ୍ୱର : ସ୍ଥାନୀୟ ପ୍ରଦର୍ଶନୀ ପଡ଼ିଆରେ ଚାଲିଥିବା ମିଶନ ଶକ୍ତି ମେଳା ପରିଦର୍ଶନ କରିଛନ୍ତି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ । ବିଭିନ୍ନ ଷ୍ଟଲ ବୁଲି ଦେଖିଛନ୍ତି ମୁଖ୍ୟମନ୍ତ୍ରୀ । ମିଶନ ଶକ୍ତି ମେଳାରେ ଅଂଶଗ୍ରହଣ କରିଥିବା ସ୍ୱୟଂ ସହାୟକ ଗୋଷ୍ଠୀର ମହିଳାଙ୍କ ସହିତ ଆଲୋଚନା କରିବା ସହ ମାଣ୍ଡିଆରୁ ପ୍ରସ୍ତୁତ ବିଭିନ୍ନ ଖାଦ୍ୟ ସାମଗ୍ରୀ ‘ମଲଟି କାଫେ’, ଗୁଆ ବାହୁଙ୍ଗାରୁ ପ୍ରସ୍ତୁତ ଥାଳି, ଢୋକ୍ରା ଶିଳ୍ପ, ସବାଇ ଶିଳ୍ପ, ଟେରାକୋଟା, ବାଉଁଶ ଜାତ ଦ୍ରବ୍ୟ, ଖାଦ୍ୟ ଓ ମସଲା ସାମଗ୍ରୀର ପ୍ରଶଂସା ମଧ୍ୟ କରିଛନ୍ତି ।
ଏହି ଅବସରରେ ମୁଖ୍ୟମନ୍ତ୍ରୀ ଏକ ସବାଇ ଘାସର ବ୍ୟାଗକୁ ୨୫୦ ଟଙ୍କାରେ କିଣିଥିଲେ । ଏକ ଅଳଙ୍କାର ବାକ୍ସ ମଧ୍ୟ ୨୫୦ ଟଙ୍କା ଦେଇ କିଣିଥିଲେ ମୁଖ୍ୟମନ୍ତ୍ରୀ । ମେଳାକୁ ଗସ୍ତ ଅବସରରେ ମୁଖ୍ୟମନ୍ତ୍ରୀଙ୍କୁ ମହିଳାମାନେ ଉପହାର ସ୍ୱରୂପ ମସଲା ପ୍ରଦାନ କରିଥିଲେ । ବ୍ୟାଗ୍ କିଣିବା ପରେ ମୁଖ୍ୟମନ୍ତ୍ରୀ ମହିଳା ସ୍ୱୟଂ ସହାୟିକା ଗୋଷ୍ଠୀଙ୍କ ଖାତାରେ ଏକ୍ସଲେଣ୍ଟ ଲେଖିଥିଲେ ।
ସାମାଜିକ ଓ ଅର୍ଥନୈତିକ ସଶକ୍ତିକରଣ ଦିଗରେ ମହିଳା ଗୋଷ୍ଠିଙ୍କର ସାମୁହିକ ଅବଦାନକୁ ମୁଖ୍ୟମନ୍ତ୍ରୀ ଅଭିନନ୍ଦନ ଜଣାଇଛନ୍ତି । ବାର୍ଷିକ 0% ସୁଧରେ ରାଜ୍ୟ ସରକାର ମିଶନ ଶକ୍ତି ୠଣ ପ୍ରଦାନ କରୁଥିବାରୁ, ଏ ଆର୍ଥିକ ସହାୟତା ଲାଗି ମୁଖ୍ୟମନ୍ତ୍ରୀଙ୍କୁ ସ୍ୱୟଂ ସହାୟକ ଗୋଷ୍ଠୀର ମହିଳାମାନେ ଧନ୍ୟବାଦ ଦେଇଥିଲେ । ମୁଖ୍ୟମନ୍ତ୍ରୀଙ୍କ ସହିତ ମହିଳା ଏବଂ ଶିଶୁ ବିକାଶ ମନ୍ତ୍ରୀ ଟୁକୁନି ସାହୁ, ମିଶନ ଶକ୍ତି ଉପଦେଷ୍ଟା ଲୋପାମୁଦ୍ରା ବକ୍ସିପାତ୍ର, ବିଭାଗୀୟ ସଚିବ ଅନୁ ଗର୍ଗ, ମିଶନ ଶକ୍ତି କମିଶନର/ନିର୍ଦ୍ଦେଶିକା ସୁଜାତା.ଆର କାର୍ତିକେୟନ ପ୍ରମୁଖ ଉପସ୍ଥିତ ଥିଲେ ।
ପ୍ରଦର୍ଶନୀ ପଡିଆରେ ଡିସେମ୍ବର ୫ରୁ ଆରମ୍ଭ ହୋଇଥିବା ମେଳା ଆସନ୍ତା ୧୬ରେ ଉଦଯାପନ ହେବ । ୨୦୨ ଷ୍ଟଲ ମାଧ୍ୟମରେ ବିଭିନ୍ନ ପ୍ରକାର ହସ୍ତତନ୍ତ, ହସ୍ତଶିଳ୍ପ, ଜଙ୍ଗଲ ଜାତ ଦ୍ରବ୍ୟ, ଖାଦ୍ୟ ଜାତୀୟ ଦ୍ରବ୍ୟ, ମସଲା ଏବଂ ଅଣ କୃଷି ଜାତୀୟ ଦ୍ରବ୍ୟ ପ୍ରଦର୍ଶନ ଓ ବିକ୍ରୟ କରାଯାଉଛି । ଏହାବ୍ୟତୀତ ୧୨ଟି ଷ୍ଟଲରେ ମହିଳା ଉଦ୍ୟୋଗୀଙ୍କ ଦ୍ୱାରା ପ୍ରସ୍ତୁତ ଖାଦ୍ୟ ସାମଗ୍ରୀ ବିକ୍ରୀ ହେଉଛି । ଅଦ୍ୟାବଧି ସ୍ୱୟଂ ସହାୟକ ଗୋଷ୍ଠୀ ଦ୍ୱାରା ପ୍ରସ୍ତୁତ ୨.୩ କୋଟି ଟଙ୍କାର ସାମଗ୍ରୀ ବିକ୍ରୀ ହୋଇସାରିଥିବା ସୂଚନା ଦେଇଛନ୍ତି ମିଶନ ଶକ୍ତି ଅଧିକାରୀ ।
