ବହରାଲ: ଘୋଡ଼ାରେ ଚଢ଼ି, ମୁଣ୍ଡରେ ପଗଡ଼ି ବାନ୍ଧି, ହାତରେ ଖଣ୍ଡା ଧରି ଆସନ୍ତି ସ୍ୱପ୍ନର ରାଜକୁମାର ତାଙ୍କ ରାଜକୁମାରୀଙ୍କୁ ନେବାକୁ  । ସାଙ୍ଗରେ ଆସନ୍ତି ତାଙ୍କ ପରିବାର ଓ ସାଙ୍ଗସାଥିମାନେ ପାଛୋଟି ନେବାକୁ ନବବଧୂକୁ । କିନ୍ତୁ ଧାରାରେ ଆଣାଯାଇଛି ସାମାନ୍ୟ ପରିବର୍ତ୍ତନ ଯାହା ଜାଣିଲେ ଆପଣଙ୍କୁ ହୁଏତ କିଛିକ୍ଷଣ ପାଇଁ ଆଶ୍ଚର୍ଯ୍ୟ ହୋଇଯିବେ ନିଶ୍ଚୟ । କାରଣ ଏଥର ରାଜକୁମାର ସ୍ଥାନରେ ଅଛନ୍ତି ରାଜକୁମାରୀ ତାଙ୍କ ସ୍ୱପ୍ନର ରାଜକୁମାରକୁ ବିବାହ କରିବାକୁ  । ଆଉ ଏହା ଦେଖିବାକୁ ମିଳିଛି ବହରାଲର ପଟିଦାର ସମାଜରେ ।

https://www.facebook.com/nandighoshatv/videos/117610519568486/

ଯେଉଁଠି ଦୁଇ ଭଉଣୀ ଘୋଡ଼ାରେ ବସି ମୁଣ୍ଡରେ ପଗଡ଼ି ବାନ୍ଧି, ହାତରେ ଖଣ୍ଡା ତାଙ୍କ ସାଙ୍ଗସାଥିଙ୍କ ବାହାରିଯାଇଛନ୍ତି ତାଙ୍କ ରାଜକୁମାରକୁ ବିବାହ କରିବାକୁ । ଏହାର ଭିଡ଼ିଓ ଏବେ ସୋସିଆଲ ମିଡ଼ିଆରେ ଭାଇରାଲ ହେବାରେ ଲାଗିଛି । ଯେଉଁଠି ଝିଅମାନଙ୍କୁ ଘରର ଏରୁଣ୍ଡି ଡ଼େଇଁବାକୁ ମନା ହେଉଛି ।

ଏକା ବାହାରିବା ଝିଅ ବାହାରିଲେ ସେ ସୁରକ୍ଷିତ ଫେରିବ କି ନାହିଁ ତାହା ଭାବିବାକୁ ପଡ଼ୁଛି । ଏମିତି ସମାଜରେ ଏକ ଉଦାହରଣ ସୃଷ୍ଟି କରିଛନ୍ତି ପଟିଦାର ସମାଜର ଝିଅମାନେ । ପଟିଦାର ସମାଜ ଏମିତି ଏକ ପୂର୍ବ ସଂସ୍କୃତିକୁ ପୂନରଉଥାନ କରିଛି । ଯେଉଁଠି ପୁଅ ଘରକୁ ଝିଅ ତାର ବାରାତ ନେଇକି ଯିବ ।

ଝିଅମାନଙ୍କ ସୁରକ୍ଷା ପାଇଁ ସରକାର ବେଟି ବଚାଓ ବେଟି ପଢାଓ ଭଳି ଯୋଜନା କରୁଛନ୍ତି ସେଠାରେ ଏଭଳି ପଟିଦାର ସମାଜର ଏଭଳି ସଂସ୍କୃତି ସତରେ ପ୍ରସଂଶନୀୟ ।

ବେଙ୍ଗାଲୁରୁ: ବ୍ୟାପକ ସଚେତନତା ପରେ ବର୍ତ୍ତମାନ ସମୟରେ ସମେସ୍ତ ପ୍ରାୟ ସୁରକ୍ଷିତ ଯୌନ ସମ୍ପର୍କ ଉପରେ ଗୁରୁତ୍ୱ ଦେଉଛନ୍ତି । ଯାହା ଦ୍ୱାରା ଅବାଞ୍ଚିତ ଗର୍ଭ ଧାରଣ ସହ ବିଭିନ୍ନ ମାରାତ୍ମକ ରୋଗ ହେବାର ଆଶଙ୍କାକୁ ମଧ୍ୟ ଏଡ଼ାଇ ଦିଆଯାଇପାରୁଛି ।

କିନ୍ତୁ ସୁରକ୍ଷିତ ଯୌନ ସମ୍ପର୍କ ନେଇ ଜଣେ ମହିଳା ନିଜ ପାର୍ଟନରଙ୍କୁ ବାଧ୍ୟ କରିବାରୁ ତାଙ୍କୁ ହତ୍ୟା କରାଯାଇଛି । ଏଭଳି ଏକ ଘଟଣା ଘଟିଛି କର୍ଣ୍ଣାଟକର ପଶ୍ଚିମ ବେଙ୍ଗାଲୁରୁ ଅଞ୍ଚଳରେ ।

ମିଳିଥିବା ସୂଚନା ମୁତାବକ ମୃତ ମହିଳା ଜଣଙ୍କ ବିବାହ ବିଚ୍ଛେଦ ପରେ ନିଜ ନାବାଳକ ପୁଅ ସହ ଗାୟତ୍ରୀନଗର ଅଞ୍ଚଳରେ ରହୁଥିଲେ । ଆର୍ଥିକ ଅବସ୍ଥା ସ୍ୱଚ୍ଛଳ ନଥିବାରୁ ଦେହ ବ୍ୟବସାୟରେ ଲିପ୍ତ ଥିଲେ ମହିଳା । ଗତ ଜାନୁଆରୀ ୧୧ ତାରିଖରେ ନିଜ ଗାଁକୁ ଫେରିବା ନେଇ ବସ୍‌ ପାଇଁ ଅପେକ୍ଷାରେ ଥିବା ସମୟରେ ଜଣେ ସିକ୍ୟୁରିଟି ଗାର୍ଡଙ୍କ ସହ ଦେଖାହୋଇଥିଲା ।

ସିକ୍ୟୁରିଟିଗାର୍ଡ ଜଣଙ୍କ ମହିଳାଙ୍କ ସହ ଶାରିରୀକ ସମ୍ପର୍କ ରଖିବା ନେଇ ଇଚ୍ଛା ପ୍ରକାଶ କରିଥିଲେ । ବଦଳରେ ଏନେଇ ୨୫୦୦ ଟଙ୍କା ସିକ୍ୟୁରିଟିଗାର୍ଡଙ୍କୁ ମାଗିଥିଲେ ମହିଳା । ପରେ ମହିଳା ଜଣଙ୍କ ୧୫୦୦ ଟଙ୍କାରେ ରାଜି ହୋଇଯାଇଥିଲେ । ଏବଂ ଆଡଭାନ୍ସ ବାବଦକୁ ୫୦୦ ଟଙ୍କା ନେଇଥିଲ । ଟଙ୍କା ପାଇବା ପରେ ମହିଳା ଜଣଙ୍କ ସିକ୍ୟୁରିଟିଗାର୍ଡଙ୍କୁ ନେଇ ସେ ରହୁଥିବା ଗାୟତ୍ରୀନଗର ସ୍ଥିତ ଘରେ ପହଞ୍ଚିଥିଲେ । ସେଠାରେ ଡିଲ୍‌ ମୁତାବକ ମହିଳାଙ୍କୁ ବାକି ୧ ହଜାର ଟଙ୍କା ଦେଇଥିଲେ ସିକ୍ୟୁରିଟିଗାର୍ଡ ।

ତେବେ ସମ୍ପର୍କ ରଖିବା ପୂର୍ବରୁ କଣ୍ଡୋମ ବ୍ୟବହାର କରିବାକୁ ସିକ୍ୟୁରିଟିଗାର୍ଡଙ୍କୁ କହିଥିଲେ ମହିଳା । କିନ୍ତୁ ଗ୍ରାହକ ଜଣଙ୍କ ପିନ୍ଧିବାକୁ ମନା କରିବା ସହ ଟଙ୍କା ଫେରସ୍ତ ମାଗିଥିଲେ । ମହିଳା ଜଣଙ୍କ ଟଙ୍କା ଫେରସ୍ତ କରିବାକୁ ମନା କରିବା ସହ ପାଟିକରିବେ ବୋଲି କହିଥିଲେ । ଏନେଇ ଉଭୟଙ୍କ ମଧ୍ୟରେ ବଚସା ହୋଇଥିଲା । ଏଥିରେ ଉତ୍‌କ୍ଷିପ୍ତ ହୋଇ ଗ୍ରାହକ ଜଣଙ୍କ ନିଜ ବ୍ୟାଗ୍‌ରୁ ଛୁରୀ ବାହାର କରିବା ସହ ଭୂଷିଦେବେ ବୋଲି ଧମକାଇଥିଲେ । ନ ଶୁଣିବାରୁ ସେ ମହିଳାଙ୍କ ପେଟକୁ ଛୁରିରେ ଭୂଷିଥିଲେ । ସେଠାରୁ ଯିବା ପୂର୍ବର ଗ୍ରାହକ ଜଣଙ୍କ ମହିଳାଙ୍କ ନକଲି ସୁନା ଚେନ୍‌ ଓ ୨ଟି ମୋବାଇଲ ନେଇଯାଇଥିଲେ । ମହିଳାଙ୍କ ପୁଅ ସ୍କୁଲରୁ ଫେରି ଘରେ ପହଞ୍ଚିବା ପରେ ଘଟଣା ସମ୍ପର୍କରେ ଜଣାପଡ଼ିଥିଲା । ଏନେଇ ପୋଲିସ ମାମଲା ରୁଜୁ କରିବା ସହ ସମ୍ପୃକ୍ତ ସିକ୍ୟୁରିଟିଗାର୍ଡଙ୍କୁ ଗିରଫ କରିଛି ।

ପୋଲିସ କହିବାନୁଯାୟୀ, ମାମଲାର ତଦନ୍ତ ବେଳେ ପ୍ରାୟ ୧୫୦ ସିସିଟିଭିର ଫୁଟେଜ ଯାଞ୍ଚ କରାଯାଇଛି । ଫୁଟେଜରେ ଉଭୟେ ଅଟୋ ଧରୁଥିବା ଦେଖିବାକୁ ମିଳିଥିଲା । ଏଥିସହ ଚୋରି ହୋଇଥିବା ମହିଳାଙ୍କ ମୋବାଇଲ ନମ୍ୱର ଟ୍ରାକ୍‌ କରାଯାଇଥିଲା । ଯାହାର ଲୋକେସନ୍‌ ମାଜେଷ୍ଟିକ୍‌ ଅଞ୍ଚଳରେ ଦେଖାଉଥିଲା । ସେଠାରେ କିଛି ସାଦା ପୋଷକଧାରୀ ପୋଲିସଙ୍କୁ ମୁତୟନ କରିବା ସହ ସିକ୍ୟୁରିଟିଗାର୍ଡଙ୍କୁ ଗିରଫ କରିଥିଲା ପୋଲିସ ।

ନୂଆଦିଲ୍ଲୀ: ପାଖେଇ ଆସିଲାଣି ଫାଶୀ ତାରିଖ। ଆଉ ମାତ୍ର ୭ଦିନ, ଫେବ୍ରୁଆରୀ ପହିଲା ସକାଳ ୬ଟାରେ ଫାଶୀ ଖୁଣ୍ଟରେ ଝୁଲିବେ ନିର୍ଭୟା ଦୋଷୀ। ଏହାପୂର୍ବରୁ ସେମାନଙ୍କୁ ଭେଟିବା ପାଇଁ ତାଙ୍କ ପରିବାର ଲୋକଙ୍କୁ ଚିଠି ଲେଖିଛନ୍ତି ତିହାର ଜେଲ୍‌ କର୍ତ୍ତୃପକ୍ଷ। ଫାଶୀ ତାରିଖ ପାଖେଇଥିଲେ ମଧ୍ୟ ସେମାନଙ୍କ ପରିବାର ଲୋକଙ୍କ ପକ୍ଷରୁ କୈାଣସି ଜବାବ ଆସିନି। ତେବେ ଜେଲ୍‌ ମାନୁଆଲ୍‌ ଅନୁସାରେ ସପ୍ତାହକୁ ୨ଦିନ ହେଉଥିବା ସାକ୍ଷାତକାରରେ ଦୋଷୀଙ୍କୁ ସେମାନଙ୍କ ପରିବାର ସଦସ୍ୟ ଭେଟୁଛନ୍ତି।

ତିହାର ଜେଲରେ ବନ୍ଦୀ ଥିବା ନିର୍ଭୟା ଦୋଷୀଙ୍କୁ ଫାଶୀ ଦେବା ପାଇଁ ଡେଥ୍‌ ୱାରେଣ୍ଟ ଜାରି ହୋଇସାରିଛି। ଏହାପରଠୁ ଫାଶୀ ସଂପର୍କିତ ସମସ୍ତ ପ୍ରକ୍ରିୟା ଆରମ୍ଭ କରିଛନ୍ତି ଜେଲ୍‌ ପ୍ରଶାସନ। ତିହାର ଜେଲ୍‌ର ହାଇସିକ୍ୟୁରିଟି ସେଲ୍‌ରେ ନିର୍ଭୟା ଦୋଷୀଙ୍କୁ ରଖାଯାଇଛି। ଜେଲ୍‌ ମାନୁଆଲ ଅନୁସାରେ ସୁରକ୍ଷା ବ୍ୟବସ୍ଥା କରାଯାଇଛି। ସୁରକ୍ଷା ଦୃଷ୍ଟିରୁ ବାରମ୍ବାର ସେମାନଙ୍କ ସେଲ୍‌ ବଦଳାଯାଉଛି। ସୁରକ୍ଷାକର୍ମୀ ଓ ସିସିଟିଭି ନଜରରେ ରହିଛନ୍ତି ଦୋଷୀ। ନିୟମିତ ସେମାନଙ୍କ ସ୍ୱାସ୍ଥ୍ୟ ପରୀକ୍ଷା ସହ ଜେଲ୍‌ ମାନୁଆଲ୍‌ ଅନୁସାରେ ଖାଦ୍ୟ ଦିଆଯାଉଛି। ୪ ଦୋଷୀ ବିନୟ ଶର୍ମା, ଅକ୍ଷୟ  ସିଂହ, ମୁକେଶ ସିଂହ ଓ ପବନ ଗୁପ୍ତାଙ୍କ ସୁରକ୍ଷା ପାଇଁ ପ୍ରତ୍ୟେକ ଦିନ ୫୦ ହଜାର ଟଙ୍କା ଖର୍ଚ୍ଚ ହେଉଛି ।