ନନ୍ଦିଘୋଷ ବ୍ୟୁରୋ: ଭାରତ – ପାକିସ୍ତାନ ଉତ୍ତେଜନା ମଧ୍ୟରେ ଆଇପିଏଲ ୨୦୨୫ ସ୍ଥଗିତ ରହିଥିଲା । ପୁଣିଥରେ ୧୭ରୁ ମ୍ୟାଚ ଆରମ୍ଭ ହୋଇଥିବାବେଳେ ବର୍ଷା ପାଇଁ ଆରସିବି ଏବଂ କେକେଆର ମ୍ୟାଚରେ ପଏଣ୍ଟ ଭାଗ ହୋଇଥିଲା । ତେବେ ଆଜି ଅର୍ଥାତ ୧୮ ମେରେ ଖେଳାଯିବାକୁ ଥିବା ମ୍ୟାଚ ଆରସିବି ପାଇଁ ବେଶ ଲାଭଦାୟକ ହେବାକୁ ଯାଉଛି । ଏପରିକି ଆରସିବି ଏବେ ପଏଣ୍ଟ ଟେବୁଲରେ ଉପରେ ଥିଲେ ସୁଦ୍ଧା ପ୍ଲେଅଫ ରାସ୍ତାରେ ଆଜିର ମ୍ୟାଚ ମଧ୍ୟ କଣ୍ଟା ସାଜିପାରେ ।
ଆଜି ୨ଟି ମ୍ୟାଚ ଖେଳାଯିବାକୁ ଯାଉଛି । ପ୍ରଥମ ମ୍ୟାଚଟି ପଞ୍ଜାବ କିଙ୍ଗ୍ସ ଏବଂ ରାଜସ୍ଥାନ ରୟାଲ୍ସ ମଧ୍ୟରେ ଖେଳାଯିବ । ସେପଟେ ଦ୍ବିତୀୟ ମ୍ୟାଚରେ ଗୁଜୁରାଟ ଏବଂ ଦିଲ୍ଲୀ କ୍ୟାପିଟାଲ୍ସ ମଧ୍ୟରେ ଖେଳାଯିବ । ପ୍ରଥମ ମ୍ୟାଚରେ ଯଦି ପଞ୍ଜାବ ବଡ଼ ରନ ବ୍ୟବଧାନରେ ଜିତେ ତାହେଲେ ପଏଣ୍ଟ ଟେବୁଲରେ ଆରସିବି ଉପରକୁ ଯିବ । ସେପଟେ ଦ୍ବିତୀୟ ମ୍ୟାଚରେ ଗୁଜୁରାଟ ଯଦି ଦିଲ୍ଲୀ କ୍ୟାପିଟାଲ୍ସଠାରୁ ଜିତେ ତାହେଲେ ୧୮ ପଏଣ୍ଟ ସହ ଟେବୁଲ ଟପ୍ପର ହେବ । ଆରସିବି ସିଧାସଳଖ ୩ ନମ୍ବରକୁ ଖସି ଆସିବ । ବାକି ମ୍ୟାଚରେ ନିଜେ ଜିତିବା ସହ ଅନ୍ୟମାନଙ୍କ ବିଜୟ ହାରିବା ଉପରେ ନିର୍ଭର କରିବ । ଗତବର୍ଷ ୧୮ ମେରେ ଆରସିବି ପ୍ଲେଅଫରେ ଟିକେଟ ହାତେଇଥିଲା । ଏବେ ପ୍ଲେଅଫ ରେସରେ ୬ଟି ଟିମ ରହିଥିବାବେଳେ ବାକି ମ୍ୟାଚ ଗୁଡିକ ବେଶ ରୋମାଞ୍ଚକର ହେବାକୁ ଯାଉଛି ।
