ଭୁବନେଶ୍ୱର: କରୋନା ଭାଇରସ୍ ସତର୍କତା ପାଇଁ ଓଡ଼ିଶା ସ୍ୱାସ୍ଥ୍ୟ ବିଭାଗ ପକ୍ଷରୁ ଟୋଲ ଫ୍ରି ନମ୍ବର ଜାରି କରାଯାଇଛି । ଯଦି କେହି ବ୍ୟକ୍ତି କରୋନା ଭାଇରସରେ ଆକ୍ରାନ୍ତ ହୋଇଥିବା ଆଶଙ୍କା କରନ୍ତି, ତାହେଲେ ରାଜ୍ୟ ଜନସ୍ୱାସ୍ଥ୍ୟ ନିୟନ୍ତ୍ରଣ କକ୍ଷ ସହ ଯୋଗାଯୋଗ କରିବା ପାଇଁ ପରାମର୍ଶ ଦିଆଯାଇଛି ।
ରାଜ୍ୟ ଜନସ୍ୱାସ୍ଥ୍ୟ ନିୟନ୍ତ୍ରଣ କକ୍ଷ ପକ୍ଷରୁ ଏଥିପାଇଁ ଦୁଇଟି ଟୋଲ୍ ଫ୍ରି ନମ୍ବର ଜାରି କରାଯାଇଛି । ନମ୍ବର ହେଲା – ୦୬୭୪- ୨୩୯୦୪୬୬୬ ଏବଂ ୯୪୩୯୯୯୪୮୫୭ । ଦୁଇଟି ନମ୍ବର ୨୪ ଘଣ୍ଟା ଖୋଲା ରହିବ । କରୋନା ଭାଇରସ୍ ନେଇ ରାଜ୍ୟ ସରକାରଙ୍କ ପକ୍ଷରୁ ଆଡ୍ଭାଇଜରି ଜାରି କରାଯାଇଥିଲା ।
କରୋନାର ବଢୁଛି କରାଳ ରୂପ । ସାଂଘାତିକ ଭାଇରସର ଡେଞ୍ଜର ଜୋନରେ ରହିଛି ୮ଟି ଦେଶ । ରାତାରାତି ବଢିଚାଲିଛି କରୋନା ଭାଇରସର ଆତଙ୍କ । ଡେଇଁ ଚାଲିଛି ଗୋଟିଏ ପରେ ଗୋଟିଏ ଦେଶ । ୮୦ରୁ ଅଧିକ ଲୋକଙ୍କ ଜୀବନ ଗଲାଣି, ୧୨ଶହରୁ ଅଧିକ ଲୋକ ମେଡ଼ିକାଲରେ ଭର୍ତ୍ତି ହୋଇଛନ୍ତି । ଚୀନରୁ ଥାଇଲାଣ୍ଡ, ଆମେରିକା, ତାଇଓ୍ୱାନ, ଭିଏତନାମ୍, ସିଙ୍ଗାପୁର ପରେ ଏବେ ଇଉରୋପରେ ନିଜର କାୟା ବିସ୍ତାର କଲାଣି ।
ଭାରତରେ ଏହାର ପ୍ରଭାବ ମଧ୍ୟ ଗମ୍ଭୀର ହେଲାଣି । ବିଶେଷ କରି କେରଳରେ ଏହି ଭାଇରସର ଶୀକାର ୮ ଜଣ ଲୋକଙ୍କୁ ଚିହ୍ନଟ କରାଗଲାଣି । ଚୀନରେ କରୋନା ବ୍ୟାପିବା ଭୟରେ ସେମାନେ ଭାରତକୁ ଫେରିଆସିଥିବା ବେଳେ ଡାକ୍ତରୀ ଯାଞ୍ଚରେ ସେମାନଙ୍କ ଶରୀରରେ ଭାଇରସ ଥିବା ଜଣାପଡ଼ିଛି । ସେମାନଙ୍କୁ କେରଳର ବିଭିନ୍ନ ଡାକ୍ତରଖାନାର ସ୍ୱତନ୍ତ୍ର ଓ୍ୱାର୍ଡରେ ରଖାଯାଇଛି ।
ଭାରତର ବିଭିନ୍ନ ବିମାନବନ୍ଦରରେ ଭାଇରସ ଚିହ୍ନଟ ପାଇଁ କଡ଼ାକଡ଼ି ଯାଞ୍ଚ କରାଯାଉଛି । ଚୀନରେ ଥିବା ଆମେରିକୀୟ ମାନଙ୍କୁ ଆଜି ଏକ ସ୍ୱତନ୍ତ୍ର ବିମାନରେ ଆମେରିକା ଫେରାଇ ନେଇଛି । ଏପଟେ ବେଜିଂରେ ଭାଇରସ ବ୍ୟାପିବା ଆଶଙ୍କାରେ ଭାରତୀୟ ମାନଙ୍କୁ ସତର୍କ ରହିବାକୁ ଦୁତାବାସ ତରଫରୁ କୁହାଯାଇଛି ।
ମାଲକାନଗିରି: ଯୋଡ଼ଆମ୍ବରେ ଗ୍ରାମବାସୀ-ମାଓବାଦୀ ମୁହାଁମୁହିଁ ଘଟଣା । କୁକୁତୁପଡେ କ୍ୟାମ୍ପରେ ସୁରକ୍ଷାକର୍ମୀଙ୍କ ମଧ୍ୟରେ ଆଶ୍ରୟ ନେଇଛନ୍ତି ଗ୍ରାମବାସୀ । ଯୋଡ଼ାଆମ୍ବ ଗାଁ ଜନଶୂନ୍ୟ । ପଞ୍ଚାୟତକୁ ଚାରିପଟୁ ଘେରି ରହିଛନ୍ତି ପୋଲିସ, ଏସଓଜି ଓ ବିଏସଏଫ ଯବାନ । କମ୍ବିଂ ଅପରେସନ୍ ଜୋରଦାର୍ ।
କଟକ: ବଦଳିବ ଏସସିବିର ଭିତ୍ତିଭୂମି, ବଢ଼ିବ ପରିସୀମା । ମିଳିବ ଉନ୍ନତ ମାନର ସେବା । ଏମ୍ସ ପ୍ଲସ ହସ୍ପିଟାଲର ରୂପରେଖ ଚିନ୍ତା କରି ରାଜ୍ୟ ସରକାର ଏସସିବି ଲାଗି ନେଉଛନ୍ତି ଗୋଟିଏ ପରେ ଗୋଟିଏ ବଡ଼ ପଦକ୍ଷେପ । ଏସସିବିକୁ ବର୍ଦ୍ଧିତ କରିବା ଲାଗି ଉଚ୍ଛେଦ ହେବ ମେଡିକାଲ ଆଖପାଖ ଓ ପରିସରରେ ଥିବା ବିଭିନ୍ନ ବସ୍ତି, ସରକାରୀ ବାସଭବନ ଓ ଦୋକାନ ଘର । ଯାହାକୁ ନେଇ ବଢ଼ୁଛି ଉଚ୍ଛେଦ ସ୍ଥାନରେ ରହୁଥିବା ଲୋକଙ୍କ ଚିନ୍ତା । ପିଢି ପରେ ପିଢି ବସବାସ କରୁଥିଲେ ମଧ୍ୟ ସରକାରଙ୍କ ନୂଆ ପଦକ୍ଷେପକୁ ସ୍ୱାଗତ କରିଛନ୍ତି । ସରକାର ଘର ବଦଳରେ ଘର ଦେଲେ ହିଁ ନିଜ ଭିଟ୍ଟାମାଟି ଛାଡ଼ିବେ ବୋଲି କହିଛନ୍ତି ସ୍ଥାନୀୟ ଲୋକ ।
ଏସସିବିର ନବ ନିର୍ମାଣ ପାଇଁ ଏହାର ଆଖପାଖରେ ଥିବା ୧୬୦ଟି ସରକାରୀ କ୍ୱାଟର, ୫ଟି ବସ୍ତି ଓ ଅନେକ ବେସରକାରୀ ଘର, ଦୋକାନ ଗୃହ ଏବଂ ମନ୍ଦିରଗୁଡିକୁ ଉଚ୍ଛେଦ କରାଯିବ । ଏହି ଉଚ୍ଛେଦ ଦ୍ୱାରା ପ୍ରାୟ ୮ ଶହ ପରିବାର ପ୍ରଭାବିତ ହେବା ଅନୁମାନ କରାଯାଉଛି । ପିଲାମାନଙ୍କ ପରୀକ୍ଷା ମୁଣ୍ଡ ଉପରେ ଥିବାରୁ କିପରି ସ୍ଥାନାନ୍ତରିତ ହେବେ ତାକୁ ନେଇ ଲୋକଙ୍କ ଚିନ୍ତା ବଢ଼ିଛି ।
ଆଗକୁ ଛାତ୍ରଛାତ୍ରୀଙ୍କ ପରୀକ୍ଷା ଥିବାରୁ ଉଚ୍ଛେଦ ବାବଦରେ ଜିଲ୍ଲା ପ୍ରଶାସନ ସତର୍କ ରହିଥିବା କହିଛନ୍ତି ଜିଲ୍ଲାପାଳ । ନିର୍ଦ୍ଦେଶ ଆସିବା ପରେ ଉଚ୍ଛେଦ ଲାଗି ସମସ୍ତ ପକ୍ରିୟା ଆରମ୍ଭ ହୋଇଛି । ତେବେ, ଆସନ୍ତାକାଲି କୌଣସି ଉଚ୍ଛେଦ କରାଯିବ ନାହିଁ । କେବଳ ଉଚ୍ଛେଦ ସ୍ଥାନ ମାନଙ୍କରେ ମାଇକ୍ ଯୋଗେ ପ୍ରଚାର କରାଯିବ । ସ୍ୱତଃପବୃତ ଭାବେ ସ୍ଥାନ ଛାଡ଼ିବା ଲାଗି କୁହାଯିବ । ସେହି ପରିବାରଙ୍କୁ କଟକ ନିମପୁର ଓ ଯୋବ୍ରା ଅଞ୍ଚଳରେ ଥଇଥାନ କରାଯିବ ବୋଲି କହିଛନ୍ତି ଜିଲ୍ଲାପାଳ ।
ମୁଖ୍ୟମନ୍ତ୍ରୀଙ୍କ ବଡ଼ ଘୋଷଣା, ମାର୍ଚ୍ଚରୁ ଆରମ୍ଭ ହେବ SCB ଦ୍ୱିତୀୟ କ୍ୟାମ୍ପସ୍ କାମ
ଏସସିବି ସମ୍ପ୍ରସାରଣ ପାଇଁ ପ୍ରାୟ ୨୫ ଏକର ଜମି ଆବଶ୍ୟକ । ତେଣୁ, ମେଡିକାଲର ଉଭୟ ପାର୍ଶ୍ୱରେ ଥିବା ଜମି ସମେତ ଆଖପାଖ ଜମି ଏପରିକି ବୋଷ ଖେଳ ପଡ଼ିଆ ମଧ୍ୟ ସ୍ଥାନାନ୍ତର ହୋଇପାରେ ।
https://www.facebook.com/nandighoshatv/videos/652473211985093/
ପିପିଲି: ପୁରୀ ସତ୍ୟବାଦୀ ସୁଆଣ୍ଡୋ ଗାଁରେ 5-T ସଚିବ ଭି.କେ ପାଣ୍ଡିଆନ । ଗୋପବନ୍ଧୁଙ୍କ ଜନ୍ମମାଟିର ବିକାଶ ନେଇ ଅନୁଧ୍ୟାନ କରିବା ସହ ଗୋପବନ୍ଧୁଙ୍କର ଷଠି ଘର ବୁଲି ଦେଖିଲେ 5-T ସଚିବ । ତାଙ୍କ ସହିତ ପୁରୀ ଜିଲ୍ଲାପାଳ ବଲୱନ୍ତ ସିଂହ ମଧ୍ୟ ଉପସ୍ଥିତ ଥିଲେ ।
ସୁଆଣ୍ଡୋର ବିକାଶ ନେଇ ବିଭିନ୍ନ ସମୟରେ ଦାବି ହୋଇ ଆସୁଥିବା ବେଳେ ଆଜି 5-T ସଚିବଙ୍କର ସୁଆଣ୍ଡୋକୁ ଅଚାନକ ଗସ୍ତ ସୁଆଣ୍ଡୋର ବିକାଶ ନେଇ ଲୋକଙ୍କ ମନରେ ନୂଆ ଆଶା ସଞ୍ଚାର କରିଛି ।
ପିପିଲି: ସୁଆଣ୍ଡୋରେ 5T ସଚିବ ଭି କାର୍ତ୍ତିକେୟନ ପାଣ୍ଡିଆନ୍ ।ଗୋପବନ୍ଧୁଙ୍କ ଜନ୍ମମାଟିର ବିକାଶ ନେଇ ଅନୁଧ୍ୟାନ । ଗୋପବନ୍ଧୁଙ୍କ ଷଠି ଘର ବୁଲି ଦେଖିଲେ 5T ସଚିବ ଓ ପୁରୀ ଜିଲ୍ଲାପାଳ ।
ଭୁବନେଶ୍ୱର: ଭୁବନେଶ୍ୱର ଇଡ୍କୋ ପ୍ରଦର୍ଶନୀ ପଡ଼ିଆରେ ଆଜିଠାରୁ ଆରମ୍ଭ ହେଲା ଆଦିବାସୀ ମେଳା- ୨୦୨୦ । ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଏହାକୁ ଉଦ୍ଘାଟନ କରିଛନ୍ତି । ଆଦିବାସୀ ମେଳା ଫେବ୍ରୃଆରୀ ୯ ତାରିଖ ପର୍ଯ୍ୟନ୍ତ ଚାଲିବ । ଅନୁସୂଚିତ ଜାତି ଓ ଜନଜାତି କଲ୍ୟାଣ ବିଭାଗ ପକ୍ଷରୁ ଏହି ମେଳା ଆୟୋଜନ କରାଯାଇଛି ।
ଚଳିତବର୍ଷ ଆଦିବାସୀ ମେଳାରେ ମୋଟ ୨୬୨ଟି ଷ୍ଟଲ ନିର୍ମାଣ କରାଯାଇଛି । ବିଭିନ୍ନ ଜନଜାତିଙ୍କର ୨୪ ଗୋଟି ପାରମ୍ପରିକ ଗୃହ ଉପକରଣ, ଚଳଣୀ ଓ ପରମ୍ପରାର ଝଲକ ପ୍ରଦର୍ଶିତ ହୋଇଛି । ଆଦିବାସୀ ଚିତ୍ରକଳା ଓ କଳା ସାମଗ୍ରୀ, ହସ୍ତତନ୍ତ ଶିଳ୍ପ ସାମଗ୍ରୀର ବିକ୍ରୟ ପାଇଁ ସ୍ୱତନ୍ତ୍ର ୪୨ ଗୋଟି ଷ୍ଟଲ କରାଯାଇଛି । ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଆଦିବାସୀ ମେଳା ଓ ହସ୍ତତନ୍ତ ମେଳା ବୁଲି ପରିଦର୍ଶନ କରିଛନ୍ତି ।
ଭୁବନେଶ୍ୱର: ପ୍ରଦର୍ଶନୀ ପଡିଆରେ ଆରମ୍ଭ ହେଲା ଆଦିବାସୀ ମେଳା । ଉଦଘାଟନ କଲେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ । ମେଳାରେ ମୋଟ ୨୬୨ଟି ଷ୍ଟଲ, ବିଭିନ୍ନ ଜନଜାତିଙ୍କର ୨୪ଟି ପାରମ୍ପରିକ ଗୃହ ଉପକରଣ, ଚଳଣୀ ଓ ପରମ୍ପରାର ଝଲକ ପ୍ରଦର୍ଶିତ ।
କଲ୍ୟାଣସିଂହପୁର: ନିୟମଗିରି ପାହାଡ଼ ଆମ୍ବଧନି ଜଙ୍ଗଲ ଗାଁ ନିକଟରେ ଯବାନ-ମାଓବାଦୀ ଗୁଳିବିନିମୟ । ମାଓବାଦୀଙ୍କ ଛତ୍ରଭଙ୍ଗ, ଆଇଡି ବମ୍ ବିସ୍ଫୋରଣ କଲେ ମାଓବାଦୀ । କାହାରି କିଛି କ୍ଷତି ହୋଇନଥିବା ସୂଚନା ।
ମାଲକାନଗିରି: ଲାଲଗଡ଼ରେ ରକ୍ତଛିଟା । ମାଓବାଦୀଙ୍କୁ ଗ୍ରାମବାସୀଙ୍କ ବିରୋଧ, ଜଣେ କ୍ୟାଡରଙ୍କୁ ହତ୍ୟା ପରେ ରକ୍ତ ଚାଉଳ ଚୋବାଉଛି ଲାଲବାହିନୀ । ୧୦୦ରୁ ଅଧିକ ସଶସ୍ତ୍ର ମାଓବାଦୀ ଫାଙ୍କା ଗୁଳି ଚାଳନା କରିଛନ୍ତି । ପୋଡ଼ି ଦେଇଛନ୍ତି ୧୫ଟି ଘର ସହ ୬ଟି ଗାଡ଼ି ।
ଏହାକୁ ନେଇ ସ୍ୱାଭିମାନ ଅଞ୍ଚଳରେ ଯୋଡ଼ାଆମ୍ବ, ଜନ୍ତୁରାଇ, ଟିକରପଡ଼ାରେ ଉତ୍ତେଜନା ଲାଗି ରହିଛି । ୩ଟି ଗାଁର ଗ୍ରାମବାସୀ ଏକତ୍ରିତ ହୋଇଛନ୍ତି । ଘଟଣାସ୍ଥଳରେ ଏକ ପ୍ଲାଟୁନ୍ ବିଏସଏଫ ଯବାନ ପହଞ୍ଚିଥିବା ଜଣାପଡ଼ିଛି । ମାଓବାଦୀମାନେ ଜନ୍ତୁରାଇ ଗାଁକୁ ଆସି ଉନ୍ନୟନ କାର୍ଯ୍ୟକୁ ବିରୋଧ କରିବାକୁ ଲୋକଙ୍କୁ ପ୍ରବର୍ତ୍ତାଇ ଥିଲେ । ଯାହାକୁ ନେଇ ମାଓବାଦୀଙ୍କ ସହ ଗ୍ରାମବାସୀଙ୍କ ବଚସା ହୋଇଥିଲା ।
https://www.facebook.com/nandighoshatv/videos/285307759093997/
ଏଥିରେ ଉତକ୍ଷିପ୍ତ ମାଓବାଦୀ ଫାଙ୍କା ଗୁଳିଚାଳନା କରିବା ପରେ ଗାଁ ଲୋକ ଟେକା ପଥର ସହ ପାରମ୍ପରିକ ଅସ୍ତ୍ରଶସ୍ତ୍ରରରେ ଆକ୍ରମଣ କରିଥିଲେ । ଘଟଣାସ୍ଥଳରେ ଜଣେ ମାଓବାଦୀର ମୃତ୍ୟୁ ହୋଇଥିବା ବେଳେ ଜଣକୁ ଗୁରୁତର ଅବସ୍ଥାରେ ଗାଁ ଲୋକ କାବୁ କରିଥିଲେ । ପରେ ହାନ୍ତାଳଗୁଡା ବିଏସଏଫ୍ କ୍ୟାମ୍ପକୁ ହସ୍ତାନ୍ତର କରାଯାଇଛି । ସ୍ୱାଭିମାନ ଅଞ୍ଚଳରେ ମାଓବାଦୀଙ୍କୁ ସ୍ଥାନୀୟ ଲୋକଙ୍କ ଆକ୍ରମଣ ଘଟଣା ପ୍ରଥମ କରି ସାମ୍ନାକୁ ଆସିଛି ।
