କେନ୍ଦ୍ରାପଡ଼ା: ଶ୍ରୀଜଗନ୍ନାଥ ଦର୍ଶନ ହେଲା ଶେଷ ଦର୍ଶନ। ପୁରୀ ଶ୍ରୀମନ୍ଦିର ଦର୍ଶନ ସାରି ଫେରୁଥିବା ବେଳେ ଦୁର୍ଘଟଣାରେ ଗଲା ଜୀବନ । କେନ୍ଦ୍ରାପଡ଼ା ଜିଲ୍ଲା ଦୁହୁରିଆରେ ମର୍ମନ୍ତୁଦ ସଡ଼କ ଦୁର୍ଘଟଣାରେ ୨ଜଣଙ୍କ ମୃତ୍ୟୁ ହୋଇଛି । ଏବଂ ଅନ୍ୟ ୩ଜଣ ଗୁରୁତର ହୋଇଛନ୍ତି ।
ଗତକାଲି ପୁରୀରୁ ଫେରୁଥିବା କାର, ଦୁହୁରିଆ ଛକ ନିକଟରେ ଥିବା ଏକ ଟ୍ରକକୁ ପଛପଟୁ ଧକ୍କା ଦେଇଥିଲା । ଏଥିରେ ୨ଜଣ ପ୍ରାଣ ହରାଇଛନ୍ତି । ମୃତକ ହେଉଛନ୍ତି ପ୍ରଣତି ପଣ୍ଡା ଓ ବିଜୟ ସାହୁ । ଗୁରୁତରଙ୍କୁ ଚିକିତ୍ସା ପାଇଁ କଟକ ବଡ଼ ମେଡିକାଲକୁ ସ୍ଥାନାନ୍ତର କରାଯାଇଛି।
ଯାଜପୁର: ସୁକିନ୍ଦା ଥାନା ଦାମୋଦରପୁର ଗାଁରେ ନିଶାସକ୍ତ ୨ ଯୁବକଙ୍କ ଉନ୍ମତ୍ତ କାଣ୍ଡ । ୨ ଯୁବକଙ୍କ ଆକ୍ରମଣରେ ଜଣେ ନାବାଳକ ସମେତ ୫ ଜଣ ରକ୍ତାକ୍ତ । ଗୁରୁତର ନାବାଳକ କଟକ ସ୍ଥାନାନ୍ତର, ଆହତ ସୁକିନ୍ଦା ମେଡିକାଲାରେ ଭର୍ତ୍ତି । ଜଣକୁ କାବୁ କରି ପୋଲିସରେ ଦେଲେ ଗ୍ରାମବାସୀ ।
ଦିଗପହଣ୍ଡି: କେ.ନୂଆଁଗାଁ ଥାନା ଚିକିଟି ଅଳପୁରରେ ଦୁର୍ଘଟଣା । ଚକା ପାଟିଯାଇ ବାଇକକୁ ଧକ୍କାଦେଲା ଟ୍ରାକ୍ଟର । ଘଟଣାସ୍ଥଳରେ ଚିକିତିପେଣ୍ଠ ଅଞ୍ଚଳର ବାଇକ୍ ଆରୋହୀ ସୁନୀଲ ସାହୁ ମୃତ । ବ୍ରହ୍ମପୁରରୁ ଗାଁକୁ ଫେରୁଥିବା ବେଳେ ଦୁର୍ଘଟଣା ।
ଦିଗପହଣ୍ଡି: ନୂତନ ବର୍ଷର ସନ୍ଧ୍ୟା ଆଣିଦେଇଛି ଦୁଃଖ । ଅକାଳରେ ଝଡ଼ି ଯାଇଛି ୩ ସାଙ୍ଗଙ୍କ ଜୀବନ । ଦିଗପହଣ୍ଡି ଥାନା କୋଟିନଡ଼ା ବ୍ରିଜ୍ ଉପରେ ଦୁର୍ଘଟଣା ହୋଇଛି । ବ୍ରିଜ୍ ତଳେ ଥିବା କୂଅକୁ ଖସି ପଡ଼ି ୩ ଜଣଙ୍କ ମୃତ୍ୟୁ ହୋଇଥିବା ବେଳେ ୨ ସାଙ୍ଗ ଗୁରୁତର ଆହତ ହୋଇଛନ୍ତି । ମୃତକ ହେଉଛନ୍ତି ଜିତେନ୍ଦ୍ର ଗୌଡ଼, ସନ୍ତୋଷ ଗୌଡ଼ । ଅନ୍ୟ ଜଣେ ମୃତକଙ୍କ ପରିଚୟ ମିଳିପାରିନାହିଁ ।
ନୂଆବର୍ଷରେ ମସ୍ତି ପାଇଁ ରାଇଝୋଳ ଗାଁର ୫ ଜଣ ସାଙ୍ଗ ମିଶିକରି ପଦ୍ମତୋଳା ଗାଁକୁ ଯାଇଥିଲେ । ସାଙ୍ଗଘରେ ହସ ମଜା, ଖିଆପିଆ ପରେ ସନ୍ଧ୍ୟାରେ ୨ଟି ବାଇକରେ ରାଇଝୋଳ ଫେରୁଥିଲେ । ହଠାତ୍ କୋଟିନଡ଼ା ବ୍ରିଜ୍ ଉପରୁ ତଳକୁ ଖସି ପଡ଼ିଥିଲା ୨ଟି ବାଇକ୍ । ଆଉ ୫ ଜଣ ସାଙ୍ଗ ବ୍ରିଜ୍ ତଳେ ଥିବା କୂଅ ଭିତରକୁ ଖସି ପଡ଼ିଥିଲେ ।
ଘଟଣାସ୍ଥଳରୁ ୩ ସାଙ୍ଗଙ୍କ ମୃତଦେହ ଉଦ୍ଧାର କରାଯାଇଛି । ଅନ୍ୟ ୨ ଜଣଙ୍କୁ ପୋଲିସ, ଅଗ୍ନିଶମ ବାହିନୀ ଓ ସ୍ଥାନୀୟ ଲୋକ ଉଦ୍ଧାର କରି ମେଡିକାଲରେ ଭର୍ତ୍ତି କରିଛନ୍ତି । ତେବେ, କେମିତି ଏତେ ବଡ଼ ଦୁର୍ଘଟଣା ଘଟିଲା ଜଣାପଡ଼ିନାହିଁ ।ତେବେ, ନୂଆବର୍ଷରେ ମଉଜ ପାଇଁ ମଦପିଇ ଗାଡ଼ି ଚାଳନା ବେଳେ ବ୍ରିଜରୁ ଖସିଥାଇ ପାରନ୍ତି ବୋଲି ସନ୍ଦେହ କରାଯାଉଛି ।
ଭୁବନେଶ୍ୱର: କଟକ ସ୍ଥିତ ଜାତୀୟ ଆଇନ୍ ବିଶ୍ୱବିଦ୍ୟାଳୟ କୁଳପତିଙ୍କୁ ଉଚ୍ଚଶିକ୍ଷା ସଚିବ ଶ୍ୱାଶତ ମିଶ୍ରଙ୍କ ଚିଠି । ସ୍ନାତକ ପାଠ୍ୟକ୍ରମରେ ଓଡ଼ିଶାର ପିଲାଙ୍କ ଲାଗି ୨୫ ପ୍ରତିଶତ ସିଟ୍ ସଂରକ୍ଷଣ ବ୍ୟବସ୍ଥା କରିବାକୁ ଚିଠିରେ ଉଲ୍ଲେଖ ।
ଦିଗପହଣ୍ଡି: କୋଟିନଡ଼ା ବ୍ରିଜରେ ଦୁର୍ଘଟଣା । ନୂଆବର୍ଷରେ ସାଙ୍ଗ ଘରୁ ଫେରିବା ବେଳେ ଅଘଟଣ । ୨ ଜଣ ମୃତ, ୨ ଗୁରୁତର । ଅନ୍ୟ ଜଣଙ୍କୁ ଉଦ୍ଧାର ପାଇଁ ସ୍ଥାନୀୟ ଲୋକଙ୍କ ଉଦ୍ୟମ ।
ନୂଆଦିଲ୍ଲୀ: ପଶ୍ଚିମବଙ୍ଗ ବିଧାନସଭା ନିର୍ବାଚନକୁ ଆଉ ବର୍ଷେ ବାକି । ତା’ପୂର୍ବରୁ ଟିଏମସିର ଏହି ଗଡ଼ ଭାଙ୍ଗିବାକୁ ବ୍ଲୁ ପ୍ରିଣ୍ଟ ପ୍ରସ୍ତୁତ କଲାଣି ବିଜେପି । ହିନ୍ଦୀ ହାର୍ଟ ଲ୍ୟାଣ୍ଡରେ କ୍ରମାଗତ ପରାଜୟ ପରେ ଏବେ ଗେରୁଆ ଦଳର ଫୋକସରେ ପଶ୍ଚିମବଙ୍ଗ । କଳେବଳେ କୌଣସିମତେ ବଙ୍ଗଳାକୁ କବଜା କରିବା ପାଇଁ ବିଜେପି ଅଧ୍ୟକ୍ଷ ତଥା କେନ୍ଦ୍ର ଗୃହମନ୍ତ୍ରୀ ଅମିତ ଶାହ ରଣନୀତି ଆରମ୍ଭ କରିଛନ୍ତି ।
ଭାଷାକୁ ଢାଲ କରି ଶାହ ପ୍ରସ୍ତୁତ କରୁଛନ୍ତି ନୂଆ ଷ୍ଟ୍ରାଟେଜି । ଜେଲରେ ଥାଇ ହିନ୍ଦୀ ଶିକ୍ଷିଥିବା ଅମିତ ଶାହ ଏବେ ବଙ୍ଗଳା ଶିଖୁଛନ୍ତି । ନିର୍ବାଚନୀରେ ରାଲିରେ ଲୋକଙ୍କୁ ଶାହ ବଙ୍ଗଳାରେ ସମ୍ବୋଧନ କରିବେ । ଯାହା ସ୍ଥାନୀୟ ଲୋକଙ୍କୁ ବିଜେପି ପ୍ରତି ଆକର୍ଷଣ କରିବ ବୋଲି ଆଶା ରଖିଛି ଦଳ ।
ପଶ୍ଚିମବଙ୍ଗ ମୁଖ୍ୟମନ୍ତ୍ରୀ ମମତା ବାନାର୍ଜୀ ‘ମାଆ, ମାଟି ଓ ମାନୁଷ’ର ନାରା ଦେଉଛନ୍ତି । ଏପରିକି ବଙ୍ଗାଳି ଅସ୍ମିତାର କଥା କହୁଛନ୍ତି ଦିଦି । ବିଭିନ୍ନ ନିର୍ବାଚନୀ ସଭାରେ ଶାହଙ୍କୁ କଡ଼ା ସମାଲୋଚନା ମଧ୍ୟ କରୁଛନ୍ତି । ଦିଦିଙ୍କ ଶାଣିତ ଆକ୍ରମଣକୁ ପ୍ରତିହତ ଓ ବଙ୍ଗାଳିଙ୍କ ହୃଦୟକୁ ଜିତିବାକୁ ଶାହ ବଙ୍ଗଳା ଭାଷା ଶିଖୁଥିବା କୁହାଯାଉଛି ।
କେବଳ ବଙ୍ଗଳା ନୁହେଁ ଶାହ ତାମିଲ ସହିତ ଅନ୍ୟ ୪ଟି ରାଜ୍ୟର ଭାଷା ଶିଖୁଥିବା ସୂଚନା ମିଳିଛି । ଗୁଜରାଟୀରେ ଦଖଲ ଥିବା ଶାହ ଜେଲରେ ଥିବାବେଳେ ହିନ୍ଦୀ ଶିଖିଥିଲେ ।
ଦେଶର ରାଜନୀତିକ ମାନଚିତ୍ରରୁ ଲିଭୁଛି ଗେରୁଆ ରଙ୍ଗ: ବିଜେପି ହାତରୁ ଖସିଲା ଆଉ ଏକ ରାଜ୍ୟ
ଭୁବନେଶ୍ୱର: ୨ରୁ ୪ ତାରିଖ ମଧ୍ୟରେ ଆଭ୍ୟନ୍ତରୀଣ ଓଡ଼ିଶା ସହ ଉପକୂଳର କିଛି ସ୍ଥାନରେ ଘଡ଼ଘଡ଼ି ସହ ବର୍ଷା ସମ୍ଭାବନା । ସୁନ୍ଦରଗଡ଼, କେନ୍ଦୁଝର ଓ ଝାରସୁଗୁଡ଼ା ଜିଲ୍ଲାର କେତକ ସ୍ଥାନରେ ହୋଇପାରେ ପ୍ରବଳ ବର୍ଷା । ୮ଟି ଜିଲ୍ଲାକୁ ଅରେଞ୍ଜ ୱାର୍ଣ୍ଣିଂ ଜାରି ।
ନୂଆପଡ଼ା: ସିନାପାଲି ଥାନା ମଖାପଦର ଗାଁରେ ଅଘଟଣ ଘଟିଛି । ପୋଖରୀରୁ ଗାଧୋଇ ଘରକୁ ଫେରୁଥିବା ସମୟରେ ଚାଲିଯାଇଛି ମାଆ ଓ ପୁଅଙ୍କ ଜୀବନ । ଘରକୁ ଫେରିବା ବାଟରେ ସେମାନଙ୍କ ଉପରେ ୧୧ କେଭି ବିଦ୍ୟୁତ୍ ତାର ଛିଡ଼ି ପଡ଼ିଥିଲା ।
ସେହିଠାରେ ହିଁ ଉଭୟଙ୍କ ମୃତ୍ୟୁ ହୋଇଛି । ମୃତକ ମାଆ ତରୁ ଚଣ୍ଡୀ, ୮ ବର୍ଷର ପୁଅ ଦୁଷିଲା ଚଣ୍ଡୀ । ଘର ନିର୍ମାଣ କାର୍ଯ୍ୟ ସାରି ପୋଖରୀରେ ଗାଧୋଇ ଫେରୁଥିବା ବେଳେ ଏହି ଅଘଟଣ ଘଟିଛି ।
ଭୁବନେଶ୍ୱର: ୪ ମାସରେ ରେକର୍ଡ ସଂଖ୍ୟକ ଲର୍ଣ୍ଣର୍ସ ଲାଇସେନ୍ସ ଇସ୍ୟୁ । ବିଭିନ୍ନ ଆରଟିଓରୁ ୮ ଲକ୍ଷ ଏଲ୍ଏଲ୍ ଇସ୍ୟୁ । ୨୦୧୮ ବର୍ଷରେ ଇସ୍ୟୁ ହୋଇଥିଲା ୩ ଲକ୍ଷ ୪୮ ହଜାର ଲର୍ଣ୍ଣର୍ସ ଲାଇସେନ୍ସ ।
