ନୂଆଦିଲ୍ଲୀ: ଆଜିଠାରୁ ୨୦୨୦-୨୧ ଆର୍ଥିକ ବର୍ଷର ବଜେଟ ଦସ୍ତାବିଜ ଛାପା କାମ ଆରମ୍ଭ ହେବ । ଏଥିପାଇଁ ପ୍ରଥମେ ହାଲୱା ଉତ୍ସବ ଅନୁଷ୍ଠିତ ହେବ । ଏଥିରେ କେନ୍ଦ୍ରମନ୍ତ୍ରୀ ନିର୍ମଳା ସୀତାରମଣଙ୍କ ସମେତ ଅନ୍ୟମାନେ ଯୋଗଦେବେ । ହାଲୱା ପ୍ରସ୍ତୁତି ପରେ ତାକୁ ନର୍ଥ ବ୍ଲକରେ ଅର୍ଥ ମନ୍ତ୍ରଣାଳୟର ଅଧିକାରୀ ଓ କର୍ମଚାରୀଙ୍କ ମଧ୍ୟରେ ବଣ୍ଟନ ହେବ । ପାରମ୍ପରିକ ଉତ୍ସବ ପରେ ବଜେଟ ଛାପା କାର୍ଯ୍ୟ ଆରମ୍ଭ ହେବ । ଫେବ୍ରୁଆରୀ ୧ରେ ବଜେଟ ଉପସ୍ଥାପନ ହେବ ।

ତେଣୁ ପ୍ରାୟ ୧୦ ଦିନ ଧରି ବଜେଟ ଛାପା ସହ ଜଡିତ ଅଧିକାରୀ ଓ କର୍ମଚାରୀ ମାନେ ନର୍ଥବ୍ଲକର ବେସମେଣ୍ଟରେ ରହିବେ । ସଂସଦରେ ବଜେଟ ଉପସ୍ଥାପନ ପରେ ହିଁ ସେମାନେ ସେଠାରୁ ବାହାରିବେ । ବାର୍ଷିକ ବଜେଟ ପ୍ରସ୍ତାବରେ ରଖାଯାଇଥିବା ବିଷୟ ଗୁଡିକ ଲୋକ ଲୋଚନକୁ ନଆସିବା ପାଇଁ ଏହି ସତର୍କତା ଅବଲମ୍ବନ କରାଯାଏ ।

ନୂଆଦିଲ୍ଲୀ: ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ପରୀକ୍ଷା ପେ ଚର୍ଚ୍ଚା । ତୃତୀୟ ଥର ପାଇଁ ପ୍ରଧାନମନ୍ତ୍ରୀଙ୍କ ସହ ଛାତ୍ରଛାତ୍ରୀ ମାନେ ଆଲୋଚନା କରିବେ । ଏନେଇ ଗତକାଲି ଟ୍ୱିଟ କରି ପ୍ରସ୍ତୁତ ରହିବାକୁ ସୂଚନା ଦେଇଥିଲେ । ପରୀକ୍ଷାରେ ଟାଇମ ମ୍ୟାନେଜମେଣ୍ଟ  ଅତ୍ୟନ୍ତ ଗୁରୁତ୍ୱପୂର୍ଣ୍ଣ ଏବଂ ଏହାଦ୍ଵାରା ସଫଳତା ହାସଲ କରିହେବ ବୋଲି ଟ୍ୱିଟରେ ବାର୍ତ୍ତା ଦେଇଛନ୍ତି । ଆଜି ଦିଲ୍ଲୀର ତାଲକୋଟରା ଷ୍ଟାଡିୟମରେ ପରୀକ୍ଷା ପେ ଚର୍ଚ୍ଚାର ତୃତୀୟ ସଂସ୍କରଣ ଆୟୋଜିତ ହେବ ।

ଏଥିରେ ସମଗ୍ର ଦେଶରୁ ପ୍ରାୟ  ହଜାର ଛାତ୍ରଛାତ୍ରୀ ଅଂଶଗ୍ରହଣ କରିବେ । କାର୍ଯ୍ୟକ୍ରମରେ ଭାଗନେବାକୁ ଓଡ଼ିଶାରୁ ୨୮ ଜଣ ଛାତ୍ରଛାତ୍ରୀ ଦିଲ୍ଲୀ ଯାଇଛନ୍ତି। ପରୀକ୍ଷା ପେ ଚର୍ଚ୍ଚା ମାଧ୍ୟମରେ ପ୍ରଧାନମନ୍ତ୍ରୀ ଛାତ୍ରଛାତ୍ରୀଙ୍କ ଉପରୁ ଚାପ ଦୂର  କରିବାର ଟେକନିକ୍‌ ସମ୍ପର୍କରେ କହିବେ ।

ଏହି କାର୍ଯ୍ୟକ୍ରମରେ ୬୦ଜଣ ଛାତ୍ରଛାତ୍ରୀ ପ୍ରଧାନମନ୍ତ୍ରୀଙ୍କୁ ପ୍ରଶ୍ନ ପଚାରିବେ । ଆଜି ଦିନ ୧୧ଟା ସମୟରେ ହେବାକୁ ଥିବା ଏହି କାର୍ଯ୍ୟକ୍ରମକୁ ସାରା ଦେଶରେ ଦୁରଦର୍ଶନ ସହ ବିଭିନ୍ନ ଟିଭି ଚ୍ୟାନେଲ, ମାନବ ସମ୍ବଳ ବିକାଶ ମନ୍ତ୍ରଣାଳୟର ଫେସବୁକ ଏବଂ ୟୁଟ୍ୟୁବ ଚ୍ୟାନେଲ ସହିତ ଇଣ୍ଡିଆ ରେଡିଓରେ ସିଧାପ୍ରସାରଣ କରାଯିବ ।

ନୂଆଦିଲ୍ଲୀ: ନିର୍ଭୟା ଦୋଷୀ ପୱନ ଗୁପ୍ତା ନାବାଳକ କି ନାହିଁ ? ଆଜି ଏନେଇ ଫଇସଲା କରିବେ ସୁପ୍ରିମକୋର୍ଟ । ନିର୍ଭୟା କାଣ୍ଡ ବେଳେ ୧୮ ରୁ କମ ବୟସ ଥିବା ନେଇ ସୁପ୍ରିମକୋର୍ଟରେ ଆବେଦନ କରିଥିଲା ପୱନ ଗୁପ୍ତା । ଜଷ୍ଟିସ ଆର ବାନୁମତି, ଜଷ୍ଟିସ ଅଶୋକ ଭୂଷଣ ଓ ଜଷ୍ଟିସ ଏ.ଏସ ବୋପାନ୍ନାଙ୍କୁ ନେଇ ଗଠିତ ଖଣ୍ଡପୀଠ ମାମଲାର ଶୁଣାଣି କରିବେ ।

୨୦୧୨ ଡିସେମ୍ବର ମାସରେ ଯେତେବେଳେ ନିର୍ଭୟା କାଣ୍ଡ ଘଟିଥିଲା ସେତେବେଳେ ସେ ନାବାଳକ ଥିଲା । ତେଣୁ ମାମଲାର ବିଚାର ବେଳେ ତାଙ୍କୁ ଜଣେ ନାବାଳକ ଭାବେ ବିଚାର କରିବାକୁ ସେ କୋର୍ଟରେ ଆବେଦନ କରିଥିଲା । ଏହାକୁ ଟ୍ରାଏଲ କୋର୍ଟ ସହ ଦିଲ୍ଲୀ ହାଇକୋର୍ଟ ମଧ୍ୟ ଖାରଜ କରିଥିଲେ ।