ରାଉରକେଲା: କୋଟି କୋଟି ଟଙ୍କା ଟିକସ ଫାଙ୍କି ଅଭିଯୋଗରେ ୨ ଜଣ ବ୍ୟବସାୟୀ ଉଦିତନଗର ଥାନାରେ ଅଟକ । ଜିଏସଟି ବିଭାଗ ପକ୍ଷରୁ ପଚରାଉଚରା ଜାରି ।
ଭୁବନେଶ୍ୱର: ବ୍ରାଉନ୍ ସୁଗର ବେପାରକୁ ବିରୋଧ କରିବାରୁ ଆକ୍ରମଣ । ଗ୍ୟାରେଜ ଛକ ରାଜାରାଣୀ ବସ୍ତିରେ ଦମ୍ପତିଙ୍କ ଆକ୍ରମଣରେ ୨ ଯୁବକ ଆହତ ଅଭିଯୋଗ ।
ଭୁବନେଶ୍ୱର: ବ୍ରାଉନ୍ ସୁଗର ବେପାରକୁ ବିରୋଧ କରିବାରୁ ଆକ୍ରମଣ । ଗ୍ୟାରେଜ ଛକ ରାଜାରାଣୀ ବସ୍ତିରେ ଦମ୍ପତିଙ୍କ ଆକ୍ରମଣରେ ୨ ଯୁବକ ଆହତ ଅଭିଯୋଗ ।
ବର୍ତ୍ତିଗଲା ବଡ଼ ବିପଦ, ୧୦ ସେକେଣ୍ଡ ଯାଇଥିଲେ ରାସ୍ତାଉପରେ ଖେଳିଥାନ୍ତା ମୃତ୍ୟୁ ତାଣ୍ଡବ !
ଗୁଣୁପୁର: ଅଳ୍ପକେ ବର୍ତ୍ତିଗଲା ଲୋକଙ୍କ ଜୀବନ । ରାସ୍ତା ଉପରେ ତାଣ୍ଡବ ପୂର୍ବରୁ ଲୌହଦାନବକୁ ରୋକିଦେଲା ଗାର୍ଡୱାଲ । ଗତକାଲି ବିଳମ୍ବିତ ରାତିରେ ଗୁଣୁପୁର ଷ୍ଟେସନରେ ବଡ଼ ଅଘଟଣ ଅଳ୍ପକେ ଅଟକି ଯାଇଛି । ପୁରୀ-ଗୁଣୁପୁର ଫାଷ୍ଟ ପାସେଞ୍ଜର ରାତି ପ୍ରାୟ ୧୦ଟା ୩୦ରେ ଗୁଣୁପୁର ଷ୍ଟେସନରେ ପହଞ୍ଚିଥିଲା । ଇଞ୍ଜିନ୍ ପରିବର୍ତ୍ତନ କରି ଟ୍ରେନ୍ ଯାତ୍ରୀଙ୍କୁ ନେଇ ବାହାରିଥାନ୍ତା ପଲାସା ।
ହେଲେ, ତା ପୂର୍ବରୁ ଘଟିଗଲା ବଡ଼ ଅଘଟଣ । ଇଞ୍ଜିନ୍ ପରିବର୍ତ୍ତନ ବେଳେ ଇଞ୍ଜିନଟି ଆଗକୁ ମାଡ଼ି ଯାଇ ରାସ୍ତା ନିକଟ ଗାର୍ଡ ୱାଲକୁ ଧକ୍କା ଦେଇଥିଲା । ଫଳରେ ଗାର୍ଡ ୱାଲଟି ଭାଙ୍ଗି ଯାଇଛି । ତେବେ, ଇଞ୍ଜିନର ବେଗ ମନ୍ଥର ଥିବାରୁ ଡ୍ରାଇଭର ଅଟକାଇବାରେ ସମର୍ଥ ହୋଇଥିଲେ । ଇଞ୍ଜିନ୍ ଗାର୍ଡ ୱାଲରେ ଧକ୍କା ହେବା ପରେ ଅଟକି ନଥିଲେ । ରାସ୍ତା ଉପର ଦୋକାନକୁ ମାଡ଼ି ଯାଇଥାନ୍ତା ।
ଭାଙ୍ଗି ଯାଇଥିବା ଗାର୍ଡ ୱାଲରୁ ରାସ୍ତାର ଦୂରତା ମାତ୍ର ୧୦ ମିଟର । ଉକ୍ତ ରାସ୍ତା ଦେଇ ଯାନବାହାନ ଚଳାଚଳ କରେ । ବହୁ ଦୋକାନ ମଧ୍ୟ ରହିଛି । ଇଞ୍ଜିନଟି ରାସ୍ତାଉପରକୁ ମାଡ଼ି ଯାଇଥିଲେ ଧନ ସହିତ ଜୀବନ ମଧ୍ୟ କ୍ଷୟ ହୋଇଥାନ୍ତା । ଗାର୍ଡ ୱାଲକୁ ଧକ୍କା ଦେବା ପରେ ଇଞ୍ଜିନର କିଛି ଅଂଶ ଭାଙ୍ଗି ଯାଇଛି ।
ଅନ୍ୟ ଏକ ଇଞ୍ଜିନ୍ ଆସି ଟ୍ରେନଟିକୁ ପଲାସା ଅଭିମୁଖେ ନେଇ ଯାତ୍ରା କରିଥିଲା । ଘଟଣାରେ ରେଳବାଇ ପକ୍ଷରୁ ଏ ପର୍ଯ୍ୟନ୍ତ କୌଣସି କାର୍ଯ୍ୟାନୁଷ୍ଠାନ ହୋଇନାହିଁ । ଆଜି ଏକ ଉଚ୍ଚସ୍ତରୀୟ ଟିମ୍ ତଦନ୍ତ ପାଇଁ ଆସିବ ।
ସୁବାଷ ଚନ୍ଦ୍ର ବୋଷ ଏବଂ ବୀର ସୁରେନ୍ଦ୍ର ସାଏଙ୍କ ଜୟନ୍ତୀ ଅବସରରେ କଟକର ନେତାଜୀ ମ୍ୟୁଜିୟମରେ ପୁଷ୍ପ ମାଲ୍ୟା ଅର୍ପଣ କରିବେ ମୁଖ୍ୟମନ୍ତ୍ରୀ
ଆଜି ଦେଶର ଦୁଇ ମହାନ ବରପୁତ୍ରଙ୍କ ଜୟନ୍ତୀ । ସ୍ୱାଧିନତା ସଂଗ୍ରାମୀ ନେତାଜୀ ସୁବାଷ ଚନ୍ଦ୍ର ବୋଷ ଏବଂ ବୀର ସୁରେନ୍ଦ୍ର ସାଏଙ୍କ ଜନ୍ମଦିନ ଅବସରରେ ରାଜ୍ୟରେ ବିଭିନ୍ନ ସ୍ଥାନରେ କାର୍ଯ୍ୟକ୍ରମ ଆୟୋଜନ ହେଉଛି । କଟକରେ ନେତାଜୀ ମ୍ୟୁଜିୟମରେ ବିଭିନ୍ନ କାର୍ଯ୍ୟକ୍ରମ ଆୟୋଜନ କରାଯାଇଛି ।
ଗୋଟିଏ ସମୟରେ ସମଗ୍ର ବିଶ୍ୱର ଶ୍ରଦ୍ଧା ଆଉ ସମ୍ମାନ ସାଉଁଟି ଥିବା ନେତାଜୀ ସୁଭାଷ ଚନ୍ଦ୍ର ବୋଷ । ସେ ଥିଲେ ଓଡ଼ିଶା ଆଉ କଟକ ମାଟିର ପୁଅ। ଜୀବନର ପ୍ରଥମ ତଥା ଗୁରୁତ୍ୱପୂର୍ଣ୍ଣ ୧୬ ବର୍ଷ ବିତାଇଥିଲେ ଏହି କଟକର ମାଟି, ପାଣି, ପବନରେ । ୧୮୯୭, ଜାନୁଆରି ୨୩ରେ କଟକ ଓଡ଼ିଆବଜାର ଜାନକୀନାଥ ଭବନରେ ଭୂମିଷ୍ଠ ସୁଭାଷଙ୍କ ଶୈଶବ ଓ କିଶୋର ଅବସ୍ଥାର ମୂକସାକ୍ଷୀ ଏହି ସହର । ଷ୍ଟିୱାର୍ଟ ସ୍କୁଲ (ପ୍ରୋଟେଷ୍ଟାଣ୍ଟ ୟୁରୋପିୟାନ୍ ସ୍କୁଲ), ରେଭେନ୍ସା କଲିଜିଏଟ୍ ସ୍କୁଲ ରହିଛି ନେତାଜୀଙ୍କ ମେଧା ଆଉ ପ୍ରତିଭାର ସାକ୍ଷୀ । ବଙ୍ଗାଳୀସାହି ରାମକୃଷ୍ଣ କୁଟୀର, ପୁରୀଘାଟ ରହାସବିହାରୀ ମଠ, ଓଡ଼ିଆବଜାର ସଚ୍ଚିଦାନନ୍ଦ ମଠ, ଯାଜପୁର ମହାମାରୀ ସମୟରେ ସେବା ନେତାଜୀଙ୍କ ସେବାପରାୟଣତା ଭଳି ଅନେକ ଘଟଣାର ସ୍ମୃତି ସଜାଡି ରଖିଛି କଟକ ଆଉ ଓଡ଼ିଶା ମାଟି ।
ସୁରେନ୍ଦେର ସାଏଙ୍କ ବୀରତ୍ୱଗାଥା ମଧ୍ୟ କହିଲେ ନସରେ । ସେ ୨୩ ଜାନୁଆରୀ ୧୮୦୯ ମସିହାରେ ସମ୍ବଲପୁର ସହରର ଉତ୍ତରକୁ ପ୍ରାୟ ୨୧ ମାଇଲ ଦୂରରେ ଥିବା ବରଗାଁରେ ଜନ୍ମ ଗ୍ରହଣ କରିଥିଲେ । ବାପାଙ୍କ ମୃତ୍ୟୁପରେ ସେ ତାଙ୍କ କାକାଙ୍କ ତତ୍ୱାବଧାନରେ ଘୋଡାଚଢା, ଖଣ୍ଡା ଓ ତୀର ଚାଳନା ସମେତ ଅନ୍ୟାନ୍ୟ ପ୍ରଶିକ୍ଷଣ ନେଇଥିଲେ । ଭାରତରେ ସେ ଜଣେ ଅଗ୍ରଣୀ ସ୍ୱାଧିନତା ସଂଗ୍ରାମୀ ଥିଲେ । ଇଂଗ୍ରେଜ ମାନଙ୍କ ବିରୋଧରେ ଆନ୍ଦୋଳନ କରି ସେ ତାଙ୍କ ଜୀବନର ମୋଟ ୭୫ ବର୍ଷ ମଧ୍ୟରୁ ୩୬ ବର୍ଷକାଳ ସେ କାରାଗାରରେ କାଟିଥିଲେ । ତାଙ୍କର ଅଦ୍ଭୁତ ସଂଗଠନ ଶକ୍ତି, ଅସୀମ ପରାକ୍ରମ, ଅସାଧାରଣ ରଣକୌଶଳ ବ୍ରିଟିଶ ଶାସକ ଓ ସୈନ୍ୟବାହିନୀଙ୍କୁ ଆଶ୍ଚର୍ଯ୍ୟାନ୍ୱିତ କରିଥିଲେ । ଇଂରେଜମାନଙ୍କୁ କଡା ଜବାବ ଦେବାପାଇଁ ୭ ଅକ୍ଟୋବର ୧୮୫୭ରେ ବାରଶହ ଲୋକଙ୍କ ସହ ସମ୍ବଲପୁର ସହରରେ ପ୍ରବେଶ କରିଥିଲେ । ବିଶ୍ୱାସଘାତକତାର ଶିକାର ହୋଇ ସେ ବନ୍ଦୀ ହୋଇଥିଲେ ଓ ଜୀବନର ଶେଷ ନିଶ୍ୱାସ ପର୍ଯ୍ୟନ୍ତ ବନ୍ଦୀ ଜୀବନ କାଟିଥିଲେ ସୁରେନ୍ଦ୍ର ସାଏ । ୧୮୮୪ ଫେବୃଆରୀ ୨୮ ତାରିଖରେ ମଧ୍ୟପ୍ରଦେଶର ଅସୁରଗଡ ଦୁର୍ଗରେ ହିଁ ତାଙ୍କର ପରଲୋକ ହୋଇଥିଲା ।
ଏହି ଅବସରରେ ଆଜି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ କଟକରେ ସୁବାସ ବୋଷଙ୍କ ପ୍ରତିମୂର୍ତ୍ତିରେ ପୁଷ୍ପ ମାଲ୍ୟା ଅର୍ପଣ କରିବେ । ଜାତୀୟ ପତାକା ଉତ୍ତୋଳନ କରିବାର କାର୍ଯ୍ୟକ୍ରମ ରହିଛି । କଟକ ଗସ୍ତ ପୂର୍ବରୁ ବିଧାନସଭା ପରିସରରେ ଥିବା ବୀର ସୁରେନ୍ଦ୍ର ସାଏଙ୍କ ପ୍ରତିମୂର୍ତ୍ତିରେ ମାଲ୍ୟର୍ପଣ କରିବେ ନବୀନ । ଇଂରେଜ ଶାସନ ବିରୋଧରେ ଲଢିଥିବା ଏହି ଦୁଇ ବୀର ପୁରୁଷଙ୍କୁ ଜୟନ୍ତୀ ଅବସରରେ ତାଙ୍କୁ ମନେ ପକାଉଛି ସାରା ଦେଶ ।
କଟକ: ବାଦାମବାଡ଼ିର ଏକ ଇଲେକ୍ଟ୍ରୋନିକ୍ସ ଗୋଦାମରେ ଅଗ୍ନିକାଣ୍ଡ । ନିଆଁରେ ଲକ୍ଷାଧିକ ଟଙ୍କାର ସାମଗ୍ରୀ ପୋଡ଼ି ପାଉଁଶ । ନିଆଁ ଆୟତ୍ତ କଲା ଅଗ୍ନିଶମ ବାହିନୀ ।
କଟକ: ବାଦାମବାଡ଼ିର ଏକ ଇଲେକ୍ଟ୍ରୋନିକ୍ସ ଗୋଦାମରେ ଅଗ୍ନିକାଣ୍ଡ । ନିଆଁରେ ଲକ୍ଷାଧିକ ଟଙ୍କାର ସାମଗ୍ରୀ ପୋଡ଼ି ପାଉଁଶ । ନିଆଁ ଆୟତ୍ତ କଲା ଅଗ୍ନିଶମ ବାହିନୀ ।
ପୁରୀ: ଆଜିଠୁ ମେରାଇନ୍ ଡ୍ରାଇଭ୍ ଇକୋ ରି-ଟ୍ରିଟରେ ପର୍ଯ୍ୟଟନ ମନ୍ତ୍ରୀଙ୍କ ସମ୍ମିଳନୀ । ୨ ଦିନ ଧରି ସମ୍ମିଳନୀ ଚାଲିବ । ଯୋଗଦେବେ ସବୁ ରାଜ୍ୟର ପର୍ଯ୍ୟଟନ ମନ୍ତ୍ରୀ ଓ ସଚିବ ।
ପୁରୀ: ଆଜିଠୁ ମେରାଇନ୍ ଡ୍ରାଇଭ୍ ଇକୋ ରି-ଟ୍ରିଟରେ ପର୍ଯ୍ୟଟନ ମନ୍ତ୍ରୀଙ୍କ ସମ୍ମିଳନୀ । ୨ ଦିନ ଧରି ସମ୍ମିଳନୀ ଚାଲିବ । ଯୋଗଦେବେ ସବୁ ରାଜ୍ୟର ପର୍ଯ୍ୟଟନ ମନ୍ତ୍ରୀ ଓ ସଚିବ ।
ସାହସି ବାଳିକାଙ୍କ ବିଦ୍ୟାଳୟରେ ହେବ ବାତ୍ୟା ଆଶ୍ରୟସ୍ଥଳୀ: ୧ କୋଟି ୨୦ ଲକ୍ଷ ଟଙ୍କା ମଞ୍ଜୁର କଲେ ମୁଖ୍ୟମନ୍ତ୍ରୀ
ଭୁବନେଶ୍ୱର: ଜାତୀୟ ସାହସିକତା ପୁରସ୍କାର ପାଇବାକୁ ଯୋଗ୍ୟ ବିବେଚିତ କେନ୍ଦ୍ରାପଡ଼ା ଜିଲ୍ଲାର ସବିତା ଗିରି ଓ ପୂର୍ଣ୍ଣିମା ଗିରିଙ୍କୁ ଅଭିନନ୍ଦନ ଜଣାଇଛନ୍ତି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ । ଏହି ଦୁଇ ଭଉଣୀଙ୍କ ସାହସିକତାର ପ୍ରଶଂସା କରି ସେମାନେ ପଢୁଥିବା ହାଇସ୍କୁଲରେ ଏକ ବାତ୍ୟା ଆଶ୍ରୟସ୍ଥଳୀ ନିର୍ମାଣ କରିବାକୁ ମଧ୍ୟ ଘୋଷଣା କରିଛନ୍ତି ମୁଖ୍ୟମନ୍ତ୍ରୀ । ଏଥିପାଇଁ ୧କୋଟି ୨୦ ଲକ୍ଷ ଟଙ୍କା ଅନୁମୋଦନ କରିଛନ୍ତି ମୁଖ୍ୟମନ୍ତ୍ରୀ । ଖୁବଶୀଘ୍ର ଏହାର କାମ ଆରମ୍ଭ କରିବାକୁ ମୁଖ୍ୟମୁନ୍ତ୍ରୀ ନିର୍ଦ୍ଦେଶ ଦେଇଛନ୍ତି । ପୂର୍ଣ୍ଣିମା ଓ ସବିତା ଏହାର ଭିତ୍ତିପ୍ରସ୍ତର ଦେବେ ବୋଲି ନିଷ୍ପତ୍ତି ହୋଇଛି । କେନ୍ଦ୍ରାପଡ଼ାର ନିପାଣିଆ ଘାଟରେ ଡଙ୍ଗା ବୁଡ଼ି ଘଟଣାରେ ଏହି ଦୁଇ ଭଉଣୀ ଅନେକ ଲୋକଙ୍କ ଜୀବନ ବଞ୍ଚାଇଥିଲେ । ଏଥିପାଇଁ ଲୋକସେବା ଭବନରେ ମୁଖ୍ୟମନ୍ତ୍ରୀ ମଧ୍ୟ ସମ୍ମନିତ କରିସାରିଛନ୍ତି ।
ନକଲି ଓ୍ୱେବସାଇଟ୍ ଖୋଲି ଲୁଟୁଥିଲେ କୋଟି କୋଟି ଟଙ୍କା: ଓ୍ୱାର୍ଣ୍ଣିଂ ମେଲ୍ ଜାରି କଲା IRCTC
ଭୁବନେଶ୍ୱର: ବେଆଇନ ଇ-ଟିକେଟିଂ ରାକେଟର ପର୍ଦ୍ଦାଫାସ କରିଛି ରେଳବାଇ ସୁରକ୍ଷା ବାହିନୀ । ନକଲି ଓ୍ୱେବସାଇଟ୍ ଖୋଲି ଲୋକଙ୍କୁ ଠକୁଥିଲେ । ଏହା ପରେ ରେଳବାଇ ପକ୍ଷରୁ ତାହାର ପଞ୍ଜିକୃତ ଗ୍ରାହଙ୍କୁ ଜାରି କରାଯାଇଛି ଓ୍ୱାର୍ଣ୍ଣିଂ ମେଲ୍ ।
ଯେଉଁଥିରେ ଏଭଳି ନକଲି ଓ୍ୱେବସାଇଟ୍ ସମ୍ପର୍କରେ ଅବଗତ କରାଯାଇଛି । ମେଲ୍ରେ କୁହାଯାଇଛି www.irctctour.com ନାଁରେ ଆଇଆରସିଟିସିର ଏକ ଅବିକଳ ନକଲ ଓ୍ୱେବସାଇଟ୍ ଖୋଲଯାଇଛି । ଯେଉଁଥିରେ ଲୋକଙ୍କୁ ବିଭିନ୍ନ ଟୁର୍ ପ୍ୟାକେଜ ଅଫର୍ କରାଯାଉଛି । ସେଥିରେ ନେଣ ଦେଣ କରୁଥିବା ଯାତ୍ରୀଙ୍କୁ ନକଲି ଟିକଟ୍ ଦେବା ସହ ସେମାନଙ୍କୁ ଠକୁଥିବା କୁହାଯାଇଛି । ଏଥିସହ ଏହି ନକଲି ଓ୍ୱେବସାଇଟ୍ ନାଁରେ ଆଇଆରସିଟିସି ପକ୍ଷରୁ ଅଫିସିଆଲ୍ ଅଭିଯୋଗ ମଧ୍ୟ କରାଯାଇଛି ।
ସୂଚନା ଯୋଗ୍ୟ ଯେ, ଗତ କାଲି ଏହି ବଡ଼ ଧରଣ ବେଆଇନ୍ ଇ-ଟିକେଟିଂ ରାକେଟ୍ର ପର୍ଦ୍ଦାଫାସ କରାଯାଇଥିବା ନେଇ ଗଣମାଧ୍ୟମକୁ ସୂଚନା ଦେଇଥିଲେ ଆରପିଏଫ୍ ଡିଜି ଅରୁଣ କୁମାର ସାହୁ । ଏହି ମାଷ୍ଟର ମାଇଣ୍ଡ ଗୁଲାମ ମୁସ୍ତାଫାକୁ ଗିରଫ କରି ପଚରାଉଚରା କରୁଛି ଆରପିଏଫ୍ । ଗିରଫ ଅଭିଯୁକ୍ତ ଝାଡଖଣ୍ଡର ଏକ ସଫ୍ଟଓ୍ୱେୟାର ଇଞ୍ଜିନିୟର । ଏଭଳି ଜାଲିଆତି କରି ମାସିକ ପ୍ରାୟ ୧୦ରୁ ୧୫ କୋଟି ଆୟ କରୁଥିବା ପଚରାଉଚରା ବେଳେ ଆରପିଏଫ୍ ଜାଣିବାକୁ ପାଇଛି । ଏହି ଟଙ୍କାକୁ ମନି ଲର୍ଣ୍ଡିଂ ଓ ଟେରର୍ ଫଣ୍ଡିରେ ବ୍ୟବହାର କରୁଥିବା ସୂଚନା ରହିଛି । ତା’ ପାଖରୁ ଏଏନ୍ଏମ୍ଏସ୍ ନାମକ ସପ୍ଟଓ୍ୱେୟାର ଏବଂ ୨ଟି ଲାପଟପ୍ ଜବତ କରାଯାଇଛି । ଏଥିସହ ୫୬୩ ଆଇଆରସିଟିସି ଆଇଡି, ୨୪୦୦ ଏସ୍ବିଆଇ ଏବଂ ୬୦୦ ଗ୍ରାମୀଣ ବ୍ୟାଙ୍କର ଖାତା ଜବତ କରିଛି ଆରପିଏଫ୍ । ୨୦୧୯ରେ ଉତ୍ତରପ୍ରଦେଶର ଏକ ବିଦ୍ୟାଳୟରେ ଘଟିଥିବା ଏକ ବିସ୍ଫୋରଣ ମାମଲାରେ ସାମିଲ ଥିବା ମଧ୍ୟ ଜଣାପଡ଼ିଛି ।
ମୃତ୍ୟୁର ଆଭାସ ପାଇସାରିଥିଲେ ନିର୍ଭୟା ! ବାପା-ମାଆଙ୍କୁ ଡାକି କହିଥିଲେ କିଛି ଏମିତି କଥା
ନୂଆଦିଲ୍ଲୀ: ନିର୍ଭୟା ଗଣ ଦୁଷ୍କର୍ମ ମାମଲାର ଦୋଷୀଙ୍କୁ ୧ ଫେବୃୟାରୀ ସକାଳ ୬ଟାରେ ଫାଶୀ ଦେବାକୁ କୋର୍ଟ ନିର୍ଦ୍ଦେଶ ଦେଇଛନ୍ତି । ପୂର୍ବରୁ ଫେବୃଆରୀ ୨୨ରେ ଫାଶୀ ଦେବାନେଇ ଡେଥ୍ ୱାରେଣ୍ଟ ଜାରି କରିଥିଲେ ମାନ୍ୟବର କୋର୍ଟ । ଡେଥ୍ ୱାରେଣ୍ଟ ଜାରି ହେବା ପରେ ମୁକେଶଙ୍କ ପକ୍ଷରୁ ରାଷ୍ଟ୍ରପତିଙ୍କ ନିକଟରେ ହୋଇଥିଲେ ରାଜକ୍ଷମା ଆବେଦନ । ରାଷ୍ଟ୍ରପତିଙ୍କ ପକ୍ଷରୁ ଆବେଦନ ଖାରଜ ପରେ ନୂଆ ଡେଥି ୱାରେଣ୍ଟ ଜାରି କରିଥିଲେ କୋର୍ଟ । ଏଥି ମଧ୍ୟରେ ଘଟଣା ସମୟରେ ନାବାଳକ ଥିବା ନେଇ ପୱନ ଗୁପ୍ତାଙ୍କ ତରଫରୁ ହୋଇଥିବା ଦଲିଲକୁ ମଧ୍ୟ ଖାରଜ କରିଛନ୍ତି ସୁପ୍ରିମକୋର୍ଟ ।
ଏହାପରେ ଜାନୁଆରୀ ୨୨ ବଦଳରେ ଫେବ୍ରୁଆରୀ ୧ ତାରିଖରେ ନିର୍ଭୟା ମାମଲାର ଦୋଷୀଙ୍କୁ ଫାଶୀ ଦିଆଯିବାକୁ ନିଷ୍ପତି ନିଆଯାଇଥିଲା । ନୂଆ ତାରିଖ ଘୋଷଣା କରିଥିଲେ ଦିଲ୍ଲୀର ପଟିଆଲା ହାଉସ୍ କୋର୍ଟ । ରାଜକ୍ଷମାକୁ ଖାରଜ କରିବା ପରେ ସାଧାରଣତଃ ଆଇନ ଅନୁସାରେ ଦୋଷୀକୁ ମାନସିକ ସ୍ଥରରେ ଦୃଢ ହେବା ପାଇଁ କିଛି ସମୟ ଦିଆଯାଇଥାଏ । ତେଣୁ ଫାଶୀ ତାରିଖକୁ ୨୨ରୁ ୧କୁ ଘୁଞ୍ଚାଇ ଦିଆଯାଇଥିଲା । ଏହିପରି ଆବେଦନ ଅନ୍ୟ ୩ ଜଣ ଦୋଷୀ ଆଉ କରିପାରିବେ ନାହିଁ ବୋଲି ମଧ୍ୟ କୁହାଯାଇଥିଲା । ତେବେ ବର୍ତ୍ତମାନ ଏହି ଦୋଷୀ ମାନେ ଦିନ ଗଡ଼ାଇବାକୁ ଅନ୍ୟ କେଉଁ ବିକଳ୍ପ ଆପଣାଉଛନ୍ତି ତାହା ଦେଖିବା ବାକି ରହିଲା ।
ଅନ୍ୟପଟେ ଦିନ ଯେତିକି ଗଡ଼ି ଚାଲିଛି ନିର୍ଭୟାଙ୍କ ମା’, ବାପାଙ୍କ ମନ ସେତିକି ଅସ୍ଥିର ହେଉଛି । ଆଖିରୁ ନିଦ ହଜାଇ ଦେଇଛି ଏହି ତାରିଖ । ନିର୍ଭୟାଙ୍କ ବାପା ଏହାକୁ ନେଇ କହିଛନ୍ତି ଯେ, ଝିଅର ନିଶ୍ୱାସ ଛଡ଼ାଇ ନେଇଥିବା ଏହି ଦୋଷୀଙ୍କ ଆଳାପ ତାଙ୍କ ହୃଦୟ ସ୍ପନ୍ଦନକୁ ଦ୍ରୁତ କରାଇ ଦେଉଛି । ସେହି ରାତିର ଘଟଣା ଆଜିବି ମନେପଡ଼ । ୧୩ ଦିନ ଧରି ମୃତ୍ୟୁ ସହ ଲଢ଼େଇ କରିଥିଲା ନିର୍ଭୟା । ଶେଷରେ ହାର ମାନିଯାଇ ମୃତ୍ୟୁକୁ ସାଥି କରି ଚାଲି ଯାଇଥିଲା ପଶୁ ସଦୃଶ ଲୋକଙ୍କ ଭିଡ଼ରୁ ବହୁ ଦୂରକୁ ।
ପୁର୍ବ ଘଟଣା ଅନୁଯାୟୀ ୧୬ ଡିସେମ୍ବର, ୨୦୧୨ ରାତିରେ ୨୩ ବର୍ଷିୟା ନିର୍ଭୟାଙ୍କୁ ଚଳନ୍ତା ବସରେ ୬ ଜଣ ଦୁର୍ବୃତ୍ତ ମିଶି ଗଣଦୁଷ୍କର୍ମ କରିବା ପରେ ରାସ୍ତାକୁ ଫୋପାଡ଼ି ଦେଇଥିଲେ । ସାଙ୍ଗରେ ଥିବା ପୁରୁଷ ବନ୍ଧୁ ମଧ୍ୟ ଦୁର୍ବୃତ୍ତ ମାନଙ୍କ ଆକ୍ରମଣର ଶିକାର ହେଇଥିଲେ । ଘଟଣା ସ୍ଥଳରେ ନିର୍ଭୟା ଗୁରୁତର ଭାବେ ଆହତ ହୋଇଥିଲେ ଓ ୨୯ ଡିସେମ୍ବର ଦିନ ସିଙ୍ଗାପୁରର ଏକ ହସ୍ପିଟାଲରେ ଶେଷ ନିଶ୍ୱାସ ତ୍ୟାଗ କରିଥିଲେ ନିର୍ଭୟା ।
୧୬ ତାରିଖରୁ ୨୯ ତାରିଖ ପର୍ଯ୍ୟନ୍ତ ନିର୍ଭୟା ଜୀବନ ସହ ପ୍ରତ୍ୟେକ ମୁହୁର୍ତ୍ତ ଲଢ଼ି ଚାଲିଥିଲେ । ଆଉ ସେହି ମୁହୁର୍ତ୍ତରେ ତାଙ୍କସହ ସ୍ତମ୍ଭ ପରି ଠିଆ ହୋଇଥିଲେ ତାଙ୍କ ମାଆ ବାପା । ଝିଅର ପ୍ରତିଟି ନିଶ୍ୱାସକୁ ସେଠାରେ ଅନୁଭବ କରିପାରୁଥିଲେ ସେମାନେ ।
ମୃତ୍ୟୁଦିନ ନିର୍ଭୟା ନିଜେ ତାଙ୍କ ମାଆଙ୍କୁ ଶୀଘ୍ର ଖାଇସାରି ଫେରିବାକୁ ପଠାଇ ଦେଇଥିଲେ ଆଉ ଫେରି ଆସିଲା ବେଳକୁ ଆଖି ବୁଜିସାରିଥିଲେ ନିର୍ଭୟା ।
‘ନିର୍ଭୟା’ ରିଭ୍ୟୁ ପିଟିସନରୁ ନିଜକୁ ଦୂରେଇ ରଖିଲେ ପ୍ରଧାନ ବିଚାରପତି, ଜାଣନ୍ତୁ କାହିଁକି ?
ମୃତ୍ୟୁ ନେଇ ବୋଧେ ଆଗରୁ ଜାଣିପାରିଥିଲା ନିର୍ଭୟା ଏଣୁ ସେହି ଦିନ ତାଙ୍କ ବାପାଙ୍କୁ ଡାକି Sorry କହିଥିଲା ବୋଲି କହିଛନ୍ତି ନିର୍ଭୟାଙ୍କ ମାଆ । ‘ମୁଁ ତମ ଦୁଇ ଜଣଙ୍କୁ ବହୁ କଷ୍ଟ ଦେଇ ସାରିଲିଣି’ ଏହା କହି ତାଙ୍କ ମା’ଙ୍କ ହାତ ଆଣି କୁଣ୍ଢେଇ ପକାଇଥିଲେ । ତା’ଙ୍କ ମା’ଙ୍କ କହିବାନୁସାରେ ନିର୍ଭୟା ପ୍ରତ୍ୟେକ ଦିନ ସିଙ୍ଗାପୁରରେ ନିଜ ହାତରେ କିଛି ଗୋଟେ ଗଣୁଥିବାର ସେ ଅନୁଭବ କରିଛନ୍ତି । ସତେ ଯେମିତି ସେ ମୃତ୍ୟୁ ଦିନକୁ ଗଣୁଥିଲା । ଏହା ସହ ସେ ମା’ଙ୍କୁ ସବୁବେଳେ ଆଜି କଉଦିନ ହେଲା ବୋଲି ମଧ୍ୟ ପଚାରୁଥିଲେ । ଆଉ ଶୀଘ୍ର ଘରକୁ ଯିବାକୁ ଇଚ୍ଛା ପ୍ରକାଶ କରୁଥିଲେ । ଆଉ ଯେବେ ନର୍ସ ତାଙ୍କ ଦେହ ଠିକ୍ ନାହିଁ ବୋଲି କହୁଥିଲେ ସେତେବେଳେ ହତାଶ ହେଇଯାଉଥିବା ଆଶାଦେବୀ କହିଛନ୍ତି ।
ଲୋକଙ୍କୁ ଭକୁଆ ବନାଉଛନ୍ତି ଆମାଜନ୍ ଓ ଫ୍ଳିପ୍କାର୍ଟ !: ତଦନ୍ତ ନିର୍ଦ୍ଦେଶ ଦେଲେ ସିସିଆଇ
ନୂଆଦିଲ୍ଲୀ: ଦେଶରେ ସର୍ବାଧିକ ବ୍ୟବହୃତ ଇ-କମର୍ସ ଓ୍ୱେବ୍ସାଇଟ ଆମାଜାନ୍ ଓ ଫ୍ଳିପ୍କାର୍ଟ ପକ୍ଷରୁ ଦିଆଯାଉଥିବା ଡିସ୍କାଉଣ୍ଟର ହେବ ତଦନ୍ତ । ଏନେଇ ନିର୍ଦ୍ଦେଶ ଦେଇଛି କମ୍ପିଟିସନ୍ କମିଶନ ଅଫ୍ ଇଣ୍ଡିଆ ବା ସିସିଆଇ ।
ଏହି ୨ ଓ୍ୱେବସାଇଟ୍ ନିର୍ଦ୍ଦିଷ୍ଟ ଭାବେ କିଛି ସେଲରଙ୍କୁ ସେମାନଙ୍କ ପ୍ରଡକ୍ଟ ବିକ୍ରି ନିମନ୍ତେ ସହଯୋଗ କରିବା ସହ ସେମାନଙ୍କ ସାମଗ୍ରୀଙ୍କୁ ଅଧିକ ପ୍ରମୋଟ୍ କରୁଥିବା ନେଇ ଅଭିଯୋଗ ହୋଇଛି । ଦିଲ୍ଲୀ ବ୍ୟବସାୟୀ ମହାସଂଘ ପକ୍ଷରୁ ଅଭିଯୋଗ ପରେ ସିସିଆଇ ପକ୍ଷରୁ ତଦନ୍ତ ଏଭଳି ନିର୍ଦ୍ଦେଶ ଦିଆଯାଇଛି ।
ସିସିଆଇ ପକ୍ଷରୁ ଦିଆଯାଇଥିବା ୧୧ ପୃଷ୍ଠା ବିଶିଷ୍ଟ ନିର୍ଦ୍ଦେଶନାମାରେ ଆମାଜନ୍ ଓ ଫ୍ଳିପ୍କାର୍ଟ ଦ୍ୱାରା ୪ଟି ଆଣ୍ଟି କମ୍ପିଟିସନ୍ ପ୍ରାକ୍ଟିସ୍ ହୋଇଥିବା ଦେଖାଯାଇଛି । ଏକ୍ସକ୍ଳୁସିଭ୍ ମୋବାଇଲ୍ ଫୋନ୍ ବିକ୍ରି ବେଳେ କିଛି ନିର୍ଦ୍ଦିଷ୍ଟ ସେଲରଙ୍କୁ ପ୍ରମୋଟ କରାଯାଉଥିବା କୁହାଯାଉଛି ।
ଅପରପକ୍ଷରେ ସେମାନଙ୍କ ବିରୋଧରେ ଆସିଥିବା ଅଭିଯୋଗର ତଦନ୍ତକୁ ସ୍ୱାଗତ କରିଛି ଆମାଜନ୍ । ସେହିପରି ସିସିଆଇ ପକ୍ଷରୁ ଜାରି ନିର୍ଦ୍ଦେଶର ସମୀକ୍ଷା କରାଯାଉଥିବା କହିଛିନ୍ତି ଫ୍ଳିପ୍କାର୍ଟର ସିନିୟର ଭାଇସ୍ ପ୍ରେସିଡେଣ୍ଟ ।
ସିସିଆଇ କ’ଣ: ୨୦୦୨ରେ ସଂସଦରେ ଦି କମ୍ପିଟସନ୍ ଆକ୍ଟ-୨୦୦୨ ପାସ୍ କରାଯାଇଥିଲା । ତଦ୍ନୁଯାୟୀ ୧୪ ଅକ୍ଟୋବର ୨୦୦୩ରେ କମ୍ପିଟିସନ୍ କମିଶନ୍ ଅଫ୍ ଇଣ୍ଡିଆ ଗଠନ ହୋଇଥିଲା । ଯାହା ମାର୍କେଟରେ କମ୍ପିଟିସନ୍ ବଜାୟ ରଖିବା ନେଇ ଧ୍ୟାନ ଦେବ । ଯାହା ଦ୍ୱାରା ଦେଶର ଜନସାଧାରଣର କମରୁ କମ୍ ଦାମରେ ସେମାନଙ୍କ ଆବଶ୍ୟକ ସାମଗ୍ରୀ ପାଇପାରିବେ । ଗ୍ରାହକଙ୍କୁ ହାନି ପହଞ୍ଚାଇଲା ଭଳି ପ୍ରଡକ୍ଟକୁ ମାର୍କେଟରୁ ହଟାଇବା ଦିଗରେ ମଧ୍ୟ କାର୍ଯ୍ୟ କରେ ସିସିଆଇ ।