ଭୁବନେଶ୍ୱର: କରୋନା ମୃତ୍ୟୁ ହାରରେ ଭାରତ ଅନ୍ୟ ଦେଶକୁ ପଛରେ ପକାଇବାରେ ସଫଳ ହୋଇଛି ସତ । ଲକଡାଉନ ଯୋଗୁଁ ସଂକ୍ରମିତଙ୍କ ସଂଖ୍ୟାରେ ରୋକ ଲାଗି ପାରିଛି । ତଥାପି ଭାରତରେ କିଲ୍‌ର କରୋନା ତାର ତାଣ୍ଡବ ଜାରି ରଖିଛି । ଏପରି ସ୍ଥିତିରେ ଲକଡାଉନ ପ୍ରକ୍ରିୟା ଆଗକୁ ଜାରି ରହିବ କି ନାହିଁ କେନ୍ଦ୍ର ନିଷ୍ପତ୍ତି ନେଇପାରିନି ।

କାଲି ଦିନ ୧୦ଟାରେ ପ୍ରଧାନମନ୍ତ୍ରୀ ଦେଶବାସୀଙ୍କୁ ସମ୍ବୋଧନ କରିବେ । ଚର୍ଚ୍ଚା ହେଉଛି, କି ବିପର୍ଯ୍ୟସ୍ତ ଅର୍ଥନୀତିକୁ ଦେଖି କିଛି କ୍ଷେତ୍ରରେ କୋହଳ କରି ଲକଡାଉନ୍‌ ନିର୍ଦ୍ଦେଶ ଦେଇପାରନ୍ତି ମୋଦି ।

ଲକଡାଉନ କରୋନା ବ୍ୟାପିବାରେ ଲଗାଇଛି ବ୍ରେକ । କିନ୍ତୁ ଏବେ ବି ପୂରା କଣ୍ଟ୍ରୋଲ ହୋଇପାରିନାହିଁ । ଲକଡାଉନ ଲାଗୁ ହୋଇନଥିଲେ ଏପ୍ରିଲ ୧୪ ସୁଦ୍ଧା ଆକ୍ରାନ୍ତଙ୍କ ସଂଖ୍ୟା ସାଢେ ୮ ଲକ୍ଷରୁ ଅଧିକ ହୋଇଥାନ୍ତା ବୋଲି କେନ୍ଦ୍ର ସ୍ୱାସ୍ଥ୍ୟ ମନ୍ତ୍ର।ଳୟ ସୂଚନା ଦେଇଛି । ପରିସ୍ଥିତି ବିପଜ୍ଜନକ ଥିବାବେଳେ ପୁଣି ଥରେ ଲକଡାଉନ କାର୍ଯ୍ୟକାରୀ କରିବାକୁ ସବୁ ରାଜ୍ୟ ସରକାର ପ୍ରସ୍ତାବ ଦେଇସାରିଛନ୍ତି ।

ଓଡ଼ିଶା ସମେତ ପଞ୍ଜାବ, ମହାରାଷ୍ଟ୍ର ଓ ପଶ୍ଚିମବଙ୍ଗ ଲକଡାଉନ ଅବଧି ବଢାଇସାରିଛନ୍ତି । ଅନ୍ୟପଟେ ଦେଶ ଘୋର ଆର୍ଥିକ ବିପତ୍ତି ଦେଇ ଗତିକରୁଥିବାବେଳେ ରୋଜଗାର ଓ ଅର୍ଥ ବ୍ୟବସ୍ଥା ବିପର୍ଯ୍ୟସ୍ତ ହୋଇପଡିଲାଣି ।

ଏ ନେଇ କେନ୍ଦ୍ର ସରକାର କ’ଣ ନିଷ୍ପତ୍ତି ନେଉଛି ତାକୁ ଅପେକ୍ଷା କରାଯାଇଥିବାବେଳେ ମୃଙ୍ଗଳବାର ୪ର୍ଥ ଥର ପାଇଁ ଦେଶବାସୀଙ୍କୁ ସମ୍ୱୋଧିତ କରିବେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି । ସକାଳ ୧୦ଟାରେ ମୋଦି ଦେଶକୁ ସମ୍ବୋଧନ କରିବେ ।

ପ୍ରଥମେ ଜନତା କର୍ଫ୍ୟୁ, ତା’ପରେ ଲକଡାଉନ ଘୋଷଣା କରିଥିଲେ ମୋଦି । ତେବେ କାଲି ପୁଣି ଲକଡାଉନ ଅବଧି ବଢ଼ାଇବେ କି ନାହିଁ ତା ଉପରୁ ପର୍ଦ୍ଦ। ଉଠାଇପାରନ୍ତି ପ୍ରଧାନମନ୍ତ୍ରୀ । ଏଥର ଲକଡାଉନର ରୂପରେଖ କଣ ହେବ ସେ ନେଇ ସମ୍ବୋଧନରେ ସୂଚନା ଦେବେ ପ୍ରଧାନମୃନ୍ତ୍ରୀ।

ତେବେ ଦ୍ୱିତୀୟ ପର୍ଯ୍ୟାୟ ଲକ୍‌ଡାଉନ୍‌ରେ କରୋନା ସଂକ୍ରମଣ ରୋକିବା ସହ ଆର୍ଥିକ ଅଭିବୃଦ୍ଧି ଉପରେ ଫୋକସ୍‌ ରହିବ ବୋଲି କୁହାଯାଇଛି । ପୂର୍ବାପେକ୍ଷା ଦ୍ୱିତୀୟ ପର୍ଯ୍ୟାୟରେ କିଛି ସର୍ତ୍ତ ସହ କିଛି କ୍ଷେତ୍ରରେ କଟକଣା କୋହଳ କରାଯିବା ନେଇ ଆଶା କରାଯାଉଛି ।

ବନ୍ଦାଓଁ: ଉତ୍ତରପ୍ରଦେଶ ବନ୍ଦାଓଁ ଜିଲ୍ଲାରେ ଜଣେ ବ୍ୟକ୍ତିଙ୍କ ପାଇଁ ୧୪ଟି ଗାଁ ଏବେ କ୍ୱାରାଣ୍ଟାଇନ୍‌ରେ । ଏଥିସହ ଉକ୍ତ ଗାଁର ସୀମାକୁ ମଧ୍ୟ ସିଲ୍‌ କରାଦିଆଯାଇଥିବା ଜଣାପଡ଼ିଛି । ସୋମବାର ଏନେଇ ଜିଲ୍ଲା ମାଜିଷ୍ଟ୍ରେଟ ସୂଚନା ଦେଇଛନ୍ତି। ସୂଚନାଯୋଗ୍ୟ, କରୋନାରେ ସଂକ୍ରମିତ ହୋଇଥିବା ବ୍ୟକ୍ତି ଜଣଙ୍କ ଗତ କିଛି ଦିନ ତଳେ ଆନ୍ଧ୍ରପ୍ରଦେଶରୁ ଆସି ସ୍ଥାନୀୟ ଭବାନୀପୁର ଖଲି ଅଞ୍ଚଳରେ ରହୁଥିଲେ। ଶନିବାର କରୋନା ଭାଇରସ୍‌ ଯାଞ୍ଚର ରିପୋର୍ଟରେ ତାଙ୍କର ପଜିଟିଭ୍‌ ଆସିଥିଲା।

ଏହାପରେ ଯେଉଁ ଗାଁରେ ସେ ରହୁଥିଲେ ସେଠାରୁ ୩ କିଲୋମିଟର ଦୂରତା ମଧ୍ୟରେ ଥିବା ୧୪ଟି ଗାଁର ସୀମାକୁ ସିଲ୍‌ କରିଦିଆଇଛି। ଏଥିସହ ଉକ୍ତ ଗାଁଗୁଡ଼ିକୁ କ୍ୱାରାଣ୍ଟାଇନ୍‌ରେ ରଖାଯାଇଥିବା ଜଣାପଡ଼ିଛି। ତେବେ ସିଲ୍‌ ହୋଇଥିବା ସମସ୍ତ ଅଞ୍ଚଳଗୁଡିକରେ ଜୋନାଲ ଓ ସେକ୍ଟର ମାଜିଷ୍ଟ୍ରେଟଙ୍କୁ ମୁତୟନ କରାଯାଇଛି। ଆବଶ୍ୟକ ସାମଗ୍ରୀକୁ ପ୍ରଶାସନ ପକ୍ଷରୁ ଲୋକଙ୍କ ପାଖରେ ପହଞ୍ଚାଯାଉଥିବା ବେଳେ ପର୍ଯ୍ୟାୟ କ୍ରମେ ଲୋକଙ୍କ ନମୁନା ଯାଞ୍ଚ କରାଯାଉଥିବା

ନେଇ ଜିଲ୍ଲା ମାଜିଷ୍ଟ୍ରେଟ କୁମାର ପ୍ରଶାନ୍ତ ସୂଚନା ଦେଇଛନ୍ତି। ସୂଚନା ମୁତାବକ ଗତ ମାସ ଦିଲ୍ଳୀ ନିଜାମୁଦ୍ଦିନରେ ତବଲିଗି ଜମାତରେ ଆୟୋଜିତ ହୋଇଥିବା କାର୍ଯ୍ୟକ୍ରମରେ ଉକ୍ତ ସଂକ୍ରମିତ ବ୍ୟକ୍ତି ସାମିଲ ହୋଇଥିଲେ।

ଭୁବନେଶ୍ୱର, ବ୍ୟୁରୋ;  ସେଦିନ ନିଜ ଅସୁସ୍ଥ ପୁଅକୁ ବିଛଣାରେ ଛାଡ଼ି ବନ୍ୟା ପ୍ରପୀଡ଼ିତ ଲୋକଙ୍କୁ ସାହାଯ୍ୟ ପାଇଁ ଆଗେଇ ଆସିଥିଲେ ଉତ୍କଳମଣୀ ଗୋପବନ୍ଧୁ ଦାସ । ଲୋକ ତ ସାହାଯ୍ୟ ପାଇଗଲେ କିନ୍ତୁ ଘରକୁ ଫେରିବାବେଳକୁ ପୁଅ ଆଉ ନଥିଲା ।…. ଆଜି ସେ ନଈବଢ଼ି ନାହିଁ, କିନ୍ତୁ ଅଛନ୍ତି ଗୋପବନ୍ଧୁ, ଅଛି ସେ ଛୁଆ ।

ଜଣେ ମହିଳା ଆଇଏସ୍‌ ଅଫିସରଙ୍କ କର୍ତ୍ତବ୍ୟବୋଧ ଆଗରେ ମଥା ନୁଆଁଇଛି ଭାରତ । କରୋନାର କାଳ ବେଳାରେ ନିଜ ମାସକର ଛୁଆକୁ କାଖରେ ଧରି କର୍ତ୍ତବ୍ୟର ଆହ୍ଵାନରେ ପାଦ ରଖିଛନ୍ତି ବିପଦର ଚହଲାପାଣିରେ । ତାଙ୍କ ଅସୀମିତ ସାହସ ଦେଖିଲେ ଆପଣ ବି କହିବେ ।

କୋଳରେ 22 ଦିନର କଅଁଳା ଛୁଆ । କୁଆଁ କୁଆଁ ଡାକ ଛଡ଼ା ଭଲରେ ମାଆ ମାଆ ବି ଡାକିବା ଜାଣିନି । ତା ମାଆ ତାକୁ ଗୋଟେ ହାତରେ ଧରି ଆର ହାତରେ କଣ କଣ କରିଯାଉଛି ତାହା ବି ସେ ବୁଝିପାରୁନି । କିନ୍ତୁ ଏ ଦେଶ ବୁଝିପାରୁଛି ଜଣେ ମାଆର ତ୍ୟାଗ ଓ ବଳିଦାନକୁ । ଗର୍ବ କରୁଛି ତା ମଣିଷପଣିଆକୁ ନେଇ, ସଲାମ କରୁଛି ତା କର୍ତ୍ତବ୍ୟବୋଧତା ପାଇଁ ।

ସୋସିଆଲ ମିଡ଼ିଆରେ ଘୁରି ଘୁରି ପ୍ରଶଂସା ସାଉଁଟୁଥିବା ଏ ଚିତ୍ର ବର୍ଣ୍ଣନା କରୁଛି ଦେଶ ଭକ୍ତିର ଏ ରଙ୍ଗ କେତେ ଗାଢ଼ । ଦେଶ ସେବାର ରାଣ ଖାଇଥିବା ଏ ଅଧିକାରୀ ଜଣକ ସାଧାରଣ ଅଫିସ୍‌ର କିରାଣୀ କି ବଡ଼ବାବୁ ନୁହନ୍ତି । ଏ ହେଉଛନ୍ତି ୨୦୧୩ ବ୍ୟାଚ୍‌ର ଆଇଏସ୍‌ ଶ୍ରୀଜନା ଗୁମ୍ମାଲା । ଗ୍ରେଟର ବିଶାଖପାଟଣା ମୁନସିପାଲଟି ନିଗମର କମିଶନର । କିନ୍ତୁ କାହିଁକି ଚର୍ଚ୍ଚାରେ ଏ ମହିଳା ? କାହିଁକି ଦେଶ କହୁଛି ସାବାସ୍‌ ଶ୍ରୀଜନା ? ତାଙ୍କ କାହାଣୀ ଜାଣିଲେ ଆପଣ ବି ଏ ମାଆକୁ କରିବେ ଶତ ସଲାମ ।

ବ୍ୟକ୍ତିଗତ ସୁଖକୁ ପଛ କରି ଦେଶ ମାତୃକାର ସେବାକୁ ଆଗକୁ ଆଣିଥିବା ଏ ମହିଳାଙ୍କ ପାଇଁ ପ୍ରାଶାସନିକ ସେବାରେ ଥିବା ଅଧିକାରୀଙ୍କ ପାଇଁ ବଦଳିଯିବ ଆପଣଙ୍କ ଭାବନା । ନିଜ ପ୍ରସୂତିକାଳୀନ ଛୁଟିକୁ ଅଧାରୁ ଛୁଟି କରି କର୍ତ୍ତବ୍ୟର ଡାକରେ ଚାଲି ଆସିଛନ୍ତି ଅଫିସକୁ । ୬ ମାସର ସରକାରୀ ଛୁଟି ମିଳିଥିଲା । ଘରେ ଆରାମରେ ଅୟସ କରିଥାନ୍ତେ । କିନ୍ତୁ ଘରେ ଅଟକାଇପାରିଲାନି କର୍ତ୍ତବ୍ୟର ଡାକ । କେମିତି ବା ବସିଥାନ୍ତେ ।

ସେ ପରା ପିଲାବେଳେ ଗୀତାରେ ପଢ଼ିଛନ୍ତି କର୍ତ୍ତବ୍ୟ ଆଗ, ବାକି ସବୁ ପଛ । ମାଆ ହେବାର ଦାୟିତ୍ୱ ବାଦ୍‌ ତାଙ୍କ ପାଇଁ ବଡ଼ ଦାୟିତ୍ୱ ତାଙ୍କ ପଦର । କାୟା ମେଲାଇ କରୋନା ଜଣେ ପରେ ଜଣକୁ ନିଜ ଆଡ଼କୁ ଟାଣିନେଉଛି । ଲକ୍‌ଡାଉନ୍‌ର ଲକ୍‌ ଖୋଲି ବାହାରେ ସ୍ୱାଧୀନ ଭାବେ ବୁଲିବା ପାଇଁ ଲୋକଙ୍କ ପାଖରେ ଜୁ ନାହିଁ । ଏମିତି ସମୟରେ ଘରେ ଥିବା ଲୋକଙ୍କ ପାଖରେ କେମିତି ପହଁଚିବ ଜରୁରୀକାଳିନ ସେବା ସେ ଚିନ୍ତା ଘାରିଲା ଶ୍ରୀଜନାଙ୍କୁ । କାଖରେ ଧରିଲେ ଛୁଆକୁ ସିଧା ଚାଲିଆସିଲେ ଅଫିସ । ନିଜେ ମାଆ ହେବାର କର୍ତ୍ତବ୍ୟକୁ ପଛ କରି ଏଭଳି ଏକ ଘଡ଼ିସନ୍ଧି ମୁ୍ହୂର୍ତ୍ତରେ ଭାରତ ମାତାର ସେବାକୁ ବ୍ରତ ବୋଲି ମାନିଛନ୍ତି । ଏଥିପାଇଁ କିଏ ତାଙ୍କୁ ବାଧ୍ୟ କରିନି । ବରଂ ନିଜ ହୃଦୟର ଅନ୍ତସ୍ୱରକୁ ନିଜେ ଶୁଣିପାରିଛନ୍ତି ସେ । ଲୋକଙ୍କୁ କେମିତି ଅନବରତ ସ୍ୱଚ୍ଛ ପିଇବା ପାଇଁ ମିଳିପାରିବ ତାକୁ ଦେଇଛନ୍ତି ଅଗ୍ରାଧିକାର । ଏଥିସହ ଫୋନ୍‌ଯ଼ୋଗେ ବୁଝୁଛନ୍ତି ଲୋକଙ୍କ ଭଲମନ୍ଦ ହାନିଲାଭ । ଜନସାଧାରଣଙ୍କ କଥା ବୁଝିବା ସହ ପ୍ରତି ୪ ଘଣ୍ଟାରେ ନିଜ ପିଲାକୁ କ୍ଷୀର ଦେବାକୁ ବି ଭୁଲିନାହାନ୍ତି । ନିଜ ଛୁଆ ପାଇଁ ଡର ନାହିଁ । ବରଂ ଜଣେ ପ୍ରଶାସକ ଭାବେ ଜନତାଙ୍କ ଭିତରେ ଥିବା କରୋନା ଡର ତାଙ୍କୁ କର୍ତ୍ତବ୍ୟର ଡୋରୀରେ ଟାଣିଆଣିଛି । ଯାହାକୁ ଦେଖି ଅଭିଭୂତ ହୋଇଛି ଭାରତ । ସଲାମ କରିଛି ଜଣେ ମାଆର ମଣିଷପଣିଆକୁ । ସାଉଁଟିଛି ଉତ୍ସାହର ଇନ୍ଧନ ।

ଭୁବନେଶ୍ୱର, ବ୍ୟୁରୋ;  ସେଦିନ ନିଜ ଅସୁସ୍ଥ ପୁଅକୁ ବିଛଣାରେ ଛାଡ଼ି ବନ୍ୟା ପ୍ରପୀଡ଼ିତ ଲୋକଙ୍କୁ ସାହାଯ୍ୟ ପାଇଁ ଆଗେଇ ଆସିଥିଲେ ଉତ୍କଳମଣୀ ଗୋପବନ୍ଧୁ ଦାସ । ଲୋକ ତ ସାହାଯ୍ୟ ପାଇଗଲେ କିନ୍ତୁ ଘରକୁ ଫେରିବାବେଳକୁ ପୁଅ ଆଉ ନଥିଲା ।…. ଆଜି ସେ ନଈବଢ଼ି ନାହିଁ, କିନ୍ତୁ ଅଛନ୍ତି ଗୋପବନ୍ଧୁ, ଅଛି ସେ ଛୁଆ ।

ଜଣେ ମହିଳା ଆଇଏସ୍‌ ଅଫିସରଙ୍କ କର୍ତ୍ତବ୍ୟବୋଧ ଆଗରେ ମଥା ନୁଆଁଇଛି ଭାରତ । କରୋନାର କାଳ ବେଳାରେ ନିଜ ମାସକର ଛୁଆକୁ କାଖରେ ଧରି କର୍ତ୍ତବ୍ୟର ଆହ୍ଵାନରେ ପାଦ ରଖିଛନ୍ତି ବିପଦର ଚହଲାପାଣିରେ । ତାଙ୍କ ଅସୀମିତ ସାହସ ଦେଖିଲେ ଆପଣ ବି କହିବେ ।

କୋଳରେ 22 ଦିନର କଅଁଳା ଛୁଆ । କୁଆଁ କୁଆଁ ଡାକ ଛଡ଼ା ଭଲରେ ମାଆ ମାଆ ବି ଡାକିବା ଜାଣିନି । ତା ମାଆ ତାକୁ ଗୋଟେ ହାତରେ ଧରି ଆର ହାତରେ କଣ କଣ କରିଯାଉଛି ତାହା ବି ସେ ବୁଝିପାରୁନି । କିନ୍ତୁ ଏ ଦେଶ ବୁଝିପାରୁଛି ଜଣେ ମାଆର ତ୍ୟାଗ ଓ ବଳିଦାନକୁ । ଗର୍ବ କରୁଛି ତା ମଣିଷପଣିଆକୁ ନେଇ, ସଲାମ କରୁଛି ତା କର୍ତ୍ତବ୍ୟବୋଧତା ପାଇଁ ।

ସୋସିଆଲ ମିଡ଼ିଆରେ ଘୁରି ଘୁରି ପ୍ରଶଂସା ସାଉଁଟୁଥିବା ଏ ଚିତ୍ର ବର୍ଣ୍ଣନା କରୁଛି ଦେଶ ଭକ୍ତିର ଏ ରଙ୍ଗ କେତେ ଗାଢ଼ । ଦେଶ ସେବାର ରାଣ ଖାଇଥିବା ଏ ଅଧିକାରୀ ଜଣକ ସାଧାରଣ ଅଫିସ୍‌ର କିରାଣୀ କି ବଡ଼ବାବୁ ନୁହନ୍ତି । ଏ ହେଉଛନ୍ତି ୨୦୧୩ ବ୍ୟାଚ୍‌ର ଆଇଏସ୍‌ ଶ୍ରୀଜନା ଗୁମ୍ମାଲା । ଗ୍ରେଟର ବିଶାଖପାଟଣା ମୁନସିପାଲଟି ନିଗମର କମିଶନର । କିନ୍ତୁ କାହିଁକି ଚର୍ଚ୍ଚାରେ ଏ ମହିଳା ? କାହିଁକି ଦେଶ କହୁଛି ସାବାସ୍‌ ଶ୍ରୀଜନା ? ତାଙ୍କ କାହାଣୀ ଜାଣିଲେ ଆପଣ ବି ଏ ମାଆକୁ କରିବେ ଶତ ସଲାମ ।

ବ୍ୟକ୍ତିଗତ ସୁଖକୁ ପଛ କରି ଦେଶ ମାତୃକାର ସେବାକୁ ଆଗକୁ ଆଣିଥିବା ଏ ମହିଳାଙ୍କ ପାଇଁ ପ୍ରାଶାସନିକ ସେବାରେ ଥିବା ଅଧିକାରୀଙ୍କ ପାଇଁ ବଦଳିଯିବ ଆପଣଙ୍କ ଭାବନା । ନିଜ ପ୍ରସୂତିକାଳୀନ ଛୁଟିକୁ ଅଧାରୁ ଛୁଟି କରି କର୍ତ୍ତବ୍ୟର ଡାକରେ ଚାଲି ଆସିଛନ୍ତି ଅଫିସକୁ । ୬ ମାସର ସରକାରୀ ଛୁଟି ମିଳିଥିଲା । ଘରେ ଆରାମରେ ଅୟସ କରିଥାନ୍ତେ । କିନ୍ତୁ ଘରେ ଅଟକାଇପାରିଲାନି କର୍ତ୍ତବ୍ୟର ଡାକ । କେମିତି ବା ବସିଥାନ୍ତେ ।

ସେ ପରା ପିଲାବେଳେ ଗୀତାରେ ପଢ଼ିଛନ୍ତି କର୍ତ୍ତବ୍ୟ ଆଗ, ବାକି ସବୁ ପଛ । ମାଆ ହେବାର ଦାୟିତ୍ୱ ବାଦ୍‌ ତାଙ୍କ ପାଇଁ ବଡ଼ ଦାୟିତ୍ୱ ତାଙ୍କ ପଦର । କାୟା ମେଲାଇ କରୋନା ଜଣେ ପରେ ଜଣକୁ ନିଜ ଆଡ଼କୁ ଟାଣିନେଉଛି । ଲକ୍‌ଡାଉନ୍‌ର ଲକ୍‌ ଖୋଲି ବାହାରେ ସ୍ୱାଧୀନ ଭାବେ ବୁଲିବା ପାଇଁ ଲୋକଙ୍କ ପାଖରେ ଜୁ ନାହିଁ । ଏମିତି ସମୟରେ ଘରେ ଥିବା ଲୋକଙ୍କ ପାଖରେ କେମିତି ପହଁଚିବ ଜରୁରୀକାଳିନ ସେବା ସେ ଚିନ୍ତା ଘାରିଲା ଶ୍ରୀଜନାଙ୍କୁ । କାଖରେ ଧରିଲେ ଛୁଆକୁ ସିଧା ଚାଲିଆସିଲେ ଅଫିସ । ନିଜେ ମାଆ ହେବାର କର୍ତ୍ତବ୍ୟକୁ ପଛ କରି ଏଭଳି ଏକ ଘଡ଼ିସନ୍ଧି ମୁ୍ହୂର୍ତ୍ତରେ ଭାରତ ମାତାର ସେବାକୁ ବ୍ରତ ବୋଲି ମାନିଛନ୍ତି । ଏଥିପାଇଁ କିଏ ତାଙ୍କୁ ବାଧ୍ୟ କରିନି । ବରଂ ନିଜ ହୃଦୟର ଅନ୍ତସ୍ୱରକୁ ନିଜେ ଶୁଣିପାରିଛନ୍ତି ସେ । ଲୋକଙ୍କୁ କେମିତି ଅନବରତ ସ୍ୱଚ୍ଛ ପିଇବା ପାଇଁ ମିଳିପାରିବ ତାକୁ ଦେଇଛନ୍ତି ଅଗ୍ରାଧିକାର । ଏଥିସହ ଫୋନ୍‌ଯ଼ୋଗେ ବୁଝୁଛନ୍ତି ଲୋକଙ୍କ ଭଲମନ୍ଦ ହାନିଲାଭ । ଜନସାଧାରଣଙ୍କ କଥା ବୁଝିବା ସହ ପ୍ରତି ୪ ଘଣ୍ଟାରେ ନିଜ ପିଲାକୁ କ୍ଷୀର ଦେବାକୁ ବି ଭୁଲିନାହାନ୍ତି । ନିଜ ଛୁଆ ପାଇଁ ଡର ନାହିଁ । ବରଂ ଜଣେ ପ୍ରଶାସକ ଭାବେ ଜନତାଙ୍କ ଭିତରେ ଥିବା କରୋନା ଡର ତାଙ୍କୁ କର୍ତ୍ତବ୍ୟର ଡୋରୀରେ ଟାଣିଆଣିଛି । ଯାହାକୁ ଦେଖି ଅଭିଭୂତ ହୋଇଛି ଭାରତ । ସଲାମ କରିଛି ଜଣେ ମାଆର ମଣିଷପଣିଆକୁ । ସାଉଁଟିଛି ଉତ୍ସାହର ଇନ୍ଧନ ।