ବ୍ରହ୍ମପୁର: ଦକ୍ଷିଣ ଓଡ଼ିଶାର ପ୍ରାୟ ୮ଟି ଜିଲ୍ଲାରେ ବିଦ୍ୟୁତ କାଟ ଅଭିଯାନ ଆରମ୍ଭ କରିଛି ସାଉଥ୍‌-କୋ । ବିଦ୍ୟୁତ ବିଲ୍‌ ବାକି ଥିବା ଗ୍ରାହକଙ୍କ କରାଯାଉଛି ବିଦ୍ୟୁତ କାଟ୍‌ । ପୂର୍ବରୁ ସାଉଥ୍‌-କୋ ପକ୍ଷରୁ ବକେୟା ଥିବା ଗ୍ରାହକଙ୍କୁ ନୋଟିସ୍‌ ଜାରି କରାଯାଇଥିଲା । ସମୟ ସୀମା ଶେଷ ପରେ ବିଭିନ୍ନ ବ୍ୟାବସାୟିକ କେନ୍ଦ୍ର ଏବଂ ଘରୁ ବିଦ୍ୟୁତ୍‌ କାଟ କରାଯାଇଛି । ପ୍ରଥମ ପର୍ଯ୍ୟାୟରେ ବ୍ରହ୍ମପୁରରୁ ଆରମ୍ଭ ହୋଇଛି ବିଦ୍ୟୁତ୍‌ କାଟ ଅଭିଯାନ ।

ବିଦ୍ୟୁତ ବିଲ୍‌ ବାକି ରଖିଥିବା ଲୋକଙ୍କ ଘର ଅନ୍ଧାର । ବ୍ୟାବସାୟିକ ଅନୁଷ୍ଠାନରୁ ବି ବିଦ୍ୟୁ ବିଛିନ୍ନ । ବିଦ୍ୟୁତ ବିଲ୍‌ ବାକି ଥିବା ଲୋକଙ୍କ ଘର ଓ ବ୍ୟାବସାୟିକ ଅନୁଷ୍ଠାନରୁ ବିଦ୍ୟୁତ କାଟ କରିଛି ସାଉଥ୍‌କୋ । ସାଉଥକୋ ଡିଭିଜନ୍‌-୧ ପକ୍ଷରୁ ବାକିଥିବା ଉପଭୋକ୍ତ।ଙ୍କ ବିଦ୍ୟୁତ କାଟ କରାଯାଇଛି । ସହର ପାଇଁ ଗଠନ ହୋଇଛି ୩୬ଟି ସ୍ୱତନ୍ତ୍ର ଟିମ୍‌। ପୂର୍ବରୁ ବିଲ୍‌ ବାକି ରଖିଥିବା ଗ୍ରାହକଙ୍କୁ ନୋଟିସ୍‌ ଜାରି କରାଯାଇଥିଲା । ଫେବ୍ରୁଆରି ୧୫ ପର୍ଯ୍ୟନ୍ତ ଦିଆଯାଇଥିଲା ଡେଡ୍‌ ଲାଇନ୍‌ ।

ବ୍ରହ୍ମପୁର ଡିଭିଜନ୍‌-୧ର ସିଙ୍ଗିଲ୍‌ ଫେଜ୍‌ରେ ପ୍ରାୟ ୩୦ କୋଟି ୩୧ ଲକ୍ଷ ଟଙ୍କା ବିଦ୍ୟୁତ ବିଲ୍‌ ବକେୟା ରହିଛି । ସେହଭିଳି ଥାର୍ଡ ଫେଜ୍‌ରେ ୧୪ କୋଟି ୩୫ ଲକ୍ଷ ଟଙ୍କା ରହିଛି ବକେୟା । ଦକ୍ଷିଣ ଓଡ଼ିଶାର ୮ଟି ଜିଲ୍ଲାରେ ବେକୟା ରହିଛି  ପ୍ରାୟ ୧ ହଜାର ୩ ଶହ ୭୫ କୋଟି ଟଙ୍କା । ଗଞ୍ଜାମ ସମେତ ଗଜପତି, ରାୟଗଡା, ବୌଦ୍ଧ, କନ୍ଧମାଳ, କୋରାପୁଟ, ନବରଙ୍ଗପୁର ଓ ମାଲକାନଗିରି ଜିଲ୍ଲାରେ ବିଦ୍ୟୁଥ ବିଚ୍ଛିନ୍ନ ପ୍ରକିୟା ଚାଲିବ

 ନିୟମ ଅନୁସାରେ ବିଦ୍ୟୁତ୍‌ ବିଚ୍ଛିନ୍ନ କରାଯାଉଛି । ତେବେ ପରୀକ୍ଷା ଋତୁ ଆରମ୍ଭ ହେଉଥିବାରୁ ଛାତ୍ରଛାତ୍ରୀ ଓ ଅଭିଭାବକ ସମସ୍ୟାରେ ପଡ଼ିଛନ୍ତି ।

ଭୁବନେଶ୍ୱର: ଆଜି ରାଜ୍ୟ କ୍ୟାବିନେଟର ଗୁରୁତ୍ୱପୂର୍ଣ୍ଣ ବୈଠକ ଅନୁଷ୍ଠିତ ହେବ । ସକାଳ ୯ଟା ୪୫ ମିନିଟ୍‌ରେ ମୁଖ୍ୟମନ୍ତ୍ରୀଙ୍କ ଅଧ୍ୟକ୍ଷତାରେ ଲୋକସେବା ଭବନରେ ବୈଠକ ଅନୁଷ୍ଠିତ ହେବ । ବିଧାନସଭା ବଜେଟ୍‌ ଅଧିବେଶନ ଚାଲୁଥିବାରୁ କ୍ୟାବିନେଟ୍‌ ନିଷ୍ପତ୍ତି ସମ୍ପର୍କିତ କୌଣସି ସୂଚନା ଦିଆଯାଇପାରିବନି । ବଜେଟ୍‌ ଅଧିବେଶନ ଥିବାରୁ ବୈଠକରେ କିଛି ଗୁରୁତ୍ୱପୂର୍ଣ୍ଣ ନିଷ୍ପତ୍ତି ନିଆଯିବ ବୋଲି ଜଣାପଡ଼ିଛି ।

ଭୁବନେଶ୍ୱର: ରାଜଧାନୀରୁ ପୁଣି ଥରେ ବ୍ରାଉନସୁଗାର ଜବତ । ସହିଦନଗର ଶାନ୍ତିପଲ୍ଲୀ ବସ୍ତିରେ ଡ୍ରଗ୍ସ ଟାସ୍କ ଫୋର୍ସର ଚଢାଉ । ବ୍ରାଉନସୁଗାର ବିକ୍ରି ଅଭିଯୋଗରେ ୩ ଜଣଙ୍କୁ ଗିରଫ କରିଛି ପୋଲିସ ।

ସେମାନେ ହେଲେ ଶୁଭେନ୍ଦୁ ପଣ୍ଡା ଓରଫ ରିଙ୍କୁ, ଅଜୟ କର ଓରଫ ଅଜୁ ଓ ସତ୍ୟନାରାୟଣ ବେହେରା ଓରଫ ନିଲୁ । ସେମାନଙ୍କ ଠାରୁ ୪୧ ଗ୍ରାମ ବ୍ରାଉନ ସୁଗାର ଜବତ କରିବା ସହ ନଗଦ ୬୪ ହଜାର ଟଙ୍କା, ମୋବାଇଲ ଫୋନ୍‌ ଓ ବାଇକ ମଧ୍ୟ ଜବତ ହୋଇଛି । ୩ ଜଣ କେବେ ଠାରୁ କାରବାର କରିଥିଲେ ପୋଲିସ ଖୋଳତାଡ କରୁଛି ।

ଭୁବନେଶ୍ୱର: ରାଜ୍ୟରେ ଥିବା ପର୍ଯ୍ୟଟନସ୍ଥଳ ଓ ମନଲୋଭା ସ୍ଥାନର ପ୍ରଚାର ପ୍ରସାର ନେଇ ମଙ୍ଗ ଧରିଛନ୍ତି ଖୋଦ୍‌ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ । ଏଥିଲାଗି ସେ ନିଜ ଟ୍ୱିଟ୍‌ରେ ବିଭିନ୍ନ ସ୍ଥାନର ଫଟୋ ପୋଷ୍ଟ କରିବା ସହ ସେହି ସ୍ଥାନ ଟି କେଉଁଠାର ବୋଲି ପ୍ରଶ୍ନ କରିଥାନ୍ତି । ଏଭଳି କରି ପର୍ଯ୍ୟଟକଙ୍କୁ ଆକୃଷ୍ଟ କରାଇବା ସହ ରାଜ୍ୟରେ ଥିବା ବିଭିନ୍ନ ପର୍ଯ୍ୟଟନସ୍ଥଳ ଓ ମନଲୋଭା ସ୍ଥାନ ସମ୍ପର୍କରେ ଅବଗତ କରାଉଛନ୍ତି ମୁଖ୍ୟମନ୍ତ୍ରୀ । 

ଆଜି ମଧ୍ୟ ସମାନଭାବେ ଟ୍ୱିଟ୍‌ରେ ଫଟୋ ପୋଷ୍ଟ କରି ଫୋଟରେ ଥିବା ସ୍ଥାନଟିର ଅବସ୍ଥିତି ନେଇ ପ୍ରଶ୍ନ କରିଥିଲେ ମୁଖ୍ୟମନ୍ତ୍ର । ଆଉ ଏହାପରେ ବହୁ ଲୋକେ ସ୍ଥାନଟିର ଅବସ୍ଥିତି ନେଇ ଟ୍ୱିଟ୍‌ରେ  ଉତ୍ତର ରଖିଥିଲେ ।

                ପ୍ରତିଥର ପରି ଏଥର ମଧ୍ୟ ଠିକ୍ ସନ୍ଧ୍ୟା ୬ଟାରେ ସ୍ଥାନଟିର ଅବସ୍ଥିତି ନେଇ ଉତ୍ତର ରଖିଥିଲେ  ମୁଖ୍ୟମନ୍ତ୍ରୀ । ଏଥିସହ ବହୁ ସଂଖ୍ୟାରେ ଲୋକ ଏଥିରେ ଭାଗ ନେଇଥିବାରୁ ଧନ୍ୟବାଦ ଜଣାଇବା ସହ ସଠିକ୍‌ ଉତ୍ତର ଦେଇଥିବା ଲୋକଙ୍କୁ ଶୁଭେଚ୍ଛା ଜଣାଇଥିଲେ ମୁଖ୍ୟମନ୍ତ୍ରୀ । ଟ୍ୱିଟ୍‌ରେ ପଚାରିଥିବା ସୁନ୍ଦର ସ୍ଥାନଟି ହେଉଛି ଗଜପତି ଜିଲ୍ଲାର ମୁନିସିଙ୍ଗ -ସେରାଙ୍ଗ ରୋଡ୍‌ ।

ଚିତ୍ରକୋଣ୍ଡା: ମାଓବାଦୀଙ୍କ ଶକ୍ତିଶାଳୀ ବିସ୍ଫୋରଣ । ସିଆର୍‌ପିଏଫ୍‌ ଜାତୀୟ ସୁରକ୍ଷା ପରାମର୍ଶଦାତା କେ. ବିଜୟ କୁମାର ମାଲକାନଗିରି ଜିଲ୍ଲା ସ୍ୱାଭିମାନ ଅଞ୍ଚଳ ଗସ୍ତ କରି ଯିବାର କିଛି ଘଣ୍ଟା ପରେ ମାଓବାଦୀମାନେ ବିସ୍ଫୋରଣ ଘଟାଇଛନ୍ତି ।

ସ୍ୱାଭିମାନ ଅଞ୍ଚଳରେ ସିଆର୍‌ପିଏଫ୍‌ ଜାତୀୟ ସୁରକ୍ଷା ପରାମର୍ଶଦାତା କେ. ବିଜୟ କୁମାର ଗତକାଲି ସୁରକ୍ଷା ସ୍ଥିତି ଅନୁଧ୍ୟାନ କରିବା ସହିତ ମାଓବାଦୀଙ୍କ ମୁକାବିଲା ପାଇଁ ନୂଆ ରଣନୀତି ସଂପର୍କରେ ବରିଷ୍ଠ ଅଧିକାରୀମାନଙ୍କ ସହ ଆଲୋଚନା କରିଥିଲେ । ଏହାର କିଛି ଘଣ୍ଟା ପରେ ମାଓବାଦୀମାନେ ସ୍ୱାଭିମାନ ଅଞ୍ଚଳର ହନ୍ତାଳଗୁଡ଼ା ପାଖରେ ବିସ୍ଫୋରଣ କରିଛନ୍ତି ।

ଏଥିରେ କାହାର କିଛି କ୍ଷତି ହୋଇ ନଥିଲେ ମଧ୍ୟ ଅଞ୍ଚଳରେ ଆତଙ୍କ ଖେଳି ଯାଇଛି । ବିସ୍ଫୋରଣର କିଛି ସମୟ ପୂର୍ବରୁ ସୁରକ୍ଷାକର୍ମୀ ସେହି ରାସ୍ତା ଦେଇ ଯାଇଥିଲେ ମଧ୍ୟ ବିସ୍ଫୋରକ ଖଞ୍ଜା ଯାଇଥିବା ନେଇ କୈାଣସି ସୁରାକ୍‌ ପାଇନଥିଲେ । ବିସ୍ଫୋରଣ ଏତେ ଶକ୍ତିଶାଳୀ ଥିଲା ଯେ ସେଠାରେ ୫ ଫୁଟ୍‌ ଗଭୀରର ଗାତ ହୋଇଯାଇଛି । ସୁରକ୍ଷାକର୍ମୀଙ୍କ ପକ୍ଷରୁ କମ୍ବିଂ ଅପରେସନକୁ ଜୋରଦାର କରାଯାଇଛି ।