ନୂଆଦିଲ୍ଲୀ: ଦେଶରେ ଏବେ ତୃତୀୟ ପର୍ଯ୍ୟୟ ଲକ୍‌ଡାଉନ୍‌ ନେଇ ଘୋଷଣା କରାଯାଇଛି । ମେ’ ୩ ପରେ ଆଉ ୧୪ ଦିନ ପର୍ଯ୍ୟନ୍ତ ଦେଶରେ ଲକ୍‌ଡାଉନ୍‌ ବଳବତ୍ତର ରହିବ । ତେବେ ଓଡ଼ିଶାରେ ୩ଟି ଜିଲ୍ଲା ରେଡ୍‌ ଜୋନ୍‌ରେ ରହିଛି । ପୂର୍ବରୁ ଖୋର୍ଦ୍ଧା/ଭୁବନେଶ୍ୱର ରେଡ୍‌ ଜୋନ୍‌ରେ ରହିଥିବା ବେଳେ ତାହା ଏବେ ଅରେଞ୍ଜ ଜୋନ୍‌ରେ ରହିଛି । ସରକାରଙ୍କ ଗାଇଡ୍‌ଲାଇନ୍‌ ଅନୁଯାୟୀ ଖୋର୍ଦ୍ଧା ଜିଲ୍ଲାରେ କରୋନା ଆକ୍ରାନ୍ତଙ୍କ ସଂଖ୍ୟା ବଢ଼ିନଥିବାରୁ ଏହାକୁ ରେଡ୍‌ ଜୋନ୍‌ରୁ ହଟାଯାଇଛି ।

ଗୃହମନ୍ତ୍ରାଳୟ ପକ୍ଷରୁ ମିଳିଥିବା ସୂଚନା ଅନୁଯାୟୀ ରାଜ୍ୟରେ ପରିସ୍ଥିତି ଅନୁଯାୟୀ ଜୋନ୍‌ ତାଲିକା ବଦଳିବ । ମହାରାଷ୍ଟ୍ର, ଦିଲ୍ଲୀ, ଗୁଜୁରାଟ, ମଧ୍ୟପ୍ରଦେଶ ଆଦି ରାଜ୍ୟରେ କରୋନା ସଂକ୍ରମଣ ଅଧିକ ରହିଛି । କେବଳ ମହାରାଷ୍ଟ୍ରରେ ୧୦ ହଜାରରୁ ଅଧିକ କରୋନା ଆକ୍ରାନ୍ତ ଥିବା ରିପୋର୍ଟରୁ ଜଣାପଡ଼ିଥିବା ବେଳେ ୪୦୦ ରୁ ଅଧିକ ଜଣକ ମୃତ୍ୟୁ ହୋଇସାରିଛି ।

ସ୍ୱାସ୍ଥ୍ୟ ମନ୍ତ୍ରଣାଳୟ ଦ୍ୱାରା ଜାରି କରାଯାଇଥିବା ନିୟମ ଅନୁଯାୟୀ, ଯଦି ୨୧ ଦିନ ମଧ୍ୟରେ ଜିଲ୍ଲାରେ ନୂଆ ମାମଲା ଦେଖାନଯିବ ତେବେ ତାହା ଗ୍ରୀନ୍‌ ଜୋନ୍‌ରେ ସ୍ଥାନ ପାଇବ । ପୂର୍ବରୁ ଏହି ଅବଧି ୨୮ ଦିନ ପର୍ଯ୍ୟନ୍ତ ଥିଲା ।

କରୋନା ଭାଇରସ୍‌ ଜାଲରେ ଦେଶର ପ୍ରାୟ ସବୁ ଜିଲ୍ଲା ଏବେ ପଡ଼ିସାରିଛି । ଦେଶର ସବୁ ଭାଗରେ କରୋନା ଆକ୍ରାନ୍ତ ଚିହ୍ନଟ ହୋଇଛନ୍ତି । ନୂଆ ତାଲିକାରେ ୧୩୦ ଟି ଜିଲ୍ଲାକୁ ରେଡ୍ ଜୋନ୍, ୨୮୪ ଜିଲ୍ଲାକୁ ଅରେଞ୍ଜ ଜୋନ୍ ଏବଂ ୩୧୯ ଜିଲ୍ଲାକୁ ଗ୍ରୀନ୍ ଜୋନ୍‌ରେ ରଖାଯାଇଛି ।

କିଛି ମୁଖ୍ୟ ପ୍ରସଙ୍ଗ:-

ରାଜ୍ୟରେ କରୋନା ସଂକ୍ରମଣକୁ ଦୃଷ୍ଟିରେ ରଖି ଏହି ଜୋନ୍‌ ତାଲିକା ବଦଳାଯିବ ।

ଗୋଟିଏ ସପ୍ତହର ରିପୋର୍ଟ ଅନୁଯାୟୀ ଏହି ତାଲିକା ବଦଳିବ ।

ରେଡ୍‌ ଜୋନ୍‌ରେ କୌଣସି କ୍ଷେତ୍ରରେ କୋହଳ କରାଯିବାର ଅନୁମତି ନାହିଁ ।

ଅରେଞ୍ଜ ଜୋନ୍‌ରେ ସ୍ଥାନୀୟ ପ୍ରଶାସନ ନିଜ ଇଚ୍ଛା ଅନୁସାରେ କୋହଳ କରିପାରେ ।

ସବୁଜ ଜୋନ୍‌ରେ ଲକଡାଉନ୍‌ର ସାମାନ୍ୟ ନିୟମ ଲାଗୁ ହେବ, ଅର୍ଥାତ୍ ଅତ୍ୟାବଶ୍ୟକୀୟ ଦୋକାନ ଗୁଡ଼ିକ ଖୋଲା ରହିବ । ତେବେ ଏଥିପାଇଁ ମଧ୍ୟ ସ୍ଥାନୀୟ ପ୍ରଶାସନ ସୂଚନା ଦେବ ।

ତେବେ ଆପଣଙ୍କ ଜିଲ୍ଲା କେଉଁ ଜୋନ୍‌ରେ ରହିଛି ଆସନ୍ତୁ ଜାଣିବା :-

Union Health Secry Preeti Sudan writes to Chief Secys of all states/UTs, designating dists across all states/UTs as Red, Orange & Green Zones.

Since recovery rates have gone up, distritcs are now being designated across various zones duly broad-basing the criteria: Preeti Sudan pic.twitter.com/WjVZPJXl5q

— ANI (@ANI) May 1, 2020

All States are accordingly requested to delineate the containment zones and buffer zones in the identified red and orange zone districts and notify the same: Union Health Secretary Preeti Sudan pic.twitter.com/Vz3f4xbs6h

— ANI (@ANI) May 1, 2020

ନୂଆଦିଲ୍ଲୀ: କେନ୍ଦ୍ର ସରକାର କରୋନା ଭାଇରସ ଲକଡାଉନ୍ କାରଣରୁ ଅନ୍ୟ ରାଜ୍ୟରେ ଫସି ରହିଥିବା ଶ୍ରମିକଙ୍କୁ ନିଜ ରାଜ୍ୟରେ ପହଂଚାଇବା ପାଇଁ ଆଜିଠାରୁ ଶ୍ରମିକ ସ୍ପେଶାଲ ଟ୍ରେନ ସଂଚାଳନ ଅନୁମତି ଦେଇଛନ୍ତି । ଏହି ଟ୍ରେନ୍ ଦ୍ୱାରା ଅନ୍ୟ ରାଜ୍ୟରେ ଅଟକି ରହିଥିବା ଛାତ୍ର ଓ ଶ୍ରମିକ ନିଜ ରାଜ୍ୟକୁ ଫେରି ପାରିବେ । ଏହି କ୍ରମରେ ପ୍ରଥମ ଟ୍ରେନ୍ ତେଲେଙ୍ଗାନାରୁ ଝାଡଖଣ୍ଡ ଯାତ୍ରା କରିଛି ।

କାହାକୁ ମିଳିବ ଯାତ୍ରା ଅନୁମତି ?

କେବଳ ସେହି ଯାତ୍ରୀ ଏହି ସବୁ ଟ୍ରେନରେ ଯାତ୍ରା କରିପାରିବେ ଯେଉଁମାନେ କାଶ,ଥଣ୍ଡା କିମ୍ବା ଜ୍ୱର ଦ୍ୱାରା ପୀଡିତ ନଥିବେ । ଯେଉଁ ରାଜ୍ୟରୁ ଶ୍ରମିକ ଯାତ୍ରା ଆରମ୍ଭ କରିବେ ସେହି ରାଜ୍ୟ ସାମାଜିକ ଦୂରତାକୁ କଡାକଡି ଭାବେ ଲାଗୁ କରିବେ । ସାନିଟାଇଜ୍ କରାଯାଇଥିବା ବସରେ ଷ୍ଟେଶନକୁ ଯାତ୍ରୀଙ୍କୁ ନେବା ମଧ୍ୟ ସେହି ରାଜ୍ୟର ଦାୟୀତ୍ୱ ହେବ । ଗନ୍ତବ୍ୟସ୍ଥଳୀରେ ପହଂଚିବା ପରେ ସେଠାକାର ରାଜ୍ୟ ସରକାର ଯାତ୍ରୀଙ୍କ ଦାୟୀତ୍ୱ ନେବେ ।

୧ ମେ’ରୁ ଏହି ସବୁ ସ୍ଥାନରୁ ଆରମ୍ଭ ହେଉଛି ଟ୍ରେନ..

ଲିଙ୍ଗମପଲ୍ଲୀରୁ ହଟିଆ- ଶ୍ରମିକ ସ୍ପେଶାଲ ଟ୍ରେନ୍ ତେଲେଙ୍ଗାନାର ରାଜ୍ୟର ହାଇଦ୍ରାବାଦର ଲିଙ୍ଗମପଲ୍ଲୀରୁ ଝାଡଖଣ୍ଡର ହଟିଆ ରେଳ ଷ୍ଟେଶନ ପର୍ଯ୍ୟନ୍ତ ଯାତ୍ରା କରିବ । ଏହି ଟ୍ରେନ୍ ଆଜି ଯାତ୍ରା ଆରମ୍ଭ କରିଛି ।

ଅଲୁବାରୁ ଭୁବେନେଶ୍ୱର- କେରଳର କୋଚ୍ଚି ନିକଟସ୍ଥ ଅଲୁବା ଷ୍ଟେଶନରୁ ଆଜି ଓଡ଼ିଶା ଅଭିମୁଖେ ଏକ ଟ୍ରେନ୍ ଯାତ୍ରା ଆରମ୍ଭ କରିବ । ଏହି ଟ୍ରେନରେ ଓଡ଼ିଶାର ଶ୍ରମିକ କେରଳରୁ ନିଜ ରାଜ୍ୟକୁ ଫେରିବେ ।

ସେହିଭଳି ନାସିକରୁ ଭୋପାଳ ଓ ନାସିକରୁ ଲକ୍ଷ୍ନୌ,ଜୟପୁରରୁ ପାଟନା ଓ କୋଟାରୁ ହଟିଆ ମଧ୍ୟରେ ସ୍ପେଶାଲ ଟ୍ରେନ୍ ଚାଲିବ ।