ଆସନ୍ତା ୨୦ ତାରିଖ ଅପରାହ୍ନ ୫:୩୦ ସମୟରେ ନିର୍ଭାୟା ହତ୍ୟା ମାମଲାରେ ଦୋଷୀମାନଙ୍କୁ ଫାଶୀ ଦେବା ପାଇଁ ଦିଲ୍ଲୀ କୋର୍ଟ ଆଦେଶ ଦେଇଛନ୍ତି। ଏହି ପ୍ରସଙ୍ଗକୁ ନେଇ ନିକଟରେ ରବିନା ଟଣ୍ଡନ୍ ନିଜ କ୍ଷୋଭ ପ୍ରକାଶ କରିଛନ୍ତି । ଟ୍ୱିଟ୍ କରି ରଭିନା ଟଣ୍ଡନ୍ ଲେଖିଛନ୍ତି ଯେ, ନ୍ୟାୟ ବିଳମ୍ବ କରିବା ପାଇଁ ଏହା ଏକ ଭଲ ରଣନୀତି । ଅକ୍ଷୟଙ୍କ ପତ୍ନୀ ଛାଡପତ୍ର ଆବେଦନ କରିବା ପରେ ରବିନା ଏଭଳି ଟ୍ୱିଟ୍ କରି ଲେଖିଛନ୍ତି ।

ଦୋଷୀମାନଙ୍କ ମଧ୍ୟରେ ଅକ୍ଷୟ ଠାକୁରଙ୍କ ପତ୍ନୀ ଛାଡପତ୍ର ପାଇଁ ଆବେଦନ କରିଛନ୍ତି। ସେ କହିଛନ୍ତି ଯେ, ସେ ଅକ୍ଷୟଙ୍କ ବିଧବା ଭାବରେ ବଞ୍ଚିବାକୁ ଚାହାଁନ୍ତି ନାହିଁ, ତେଣୁ ତାଙ୍କୁ ଛାଡପତ୍ର ଦିଆଯିବା ଉଚିତ୍। ଏହି ମାମଲା ଆଣିଲେ ଫାଶୀ ଦେବାରେ ବିଳମ୍ବ ହୋଇପାରେ ବୋଲି ଅକ୍ଷୟଙ୍କ ପତ୍ନୀ ଏହି ଆବେଦନ କରିଛନ୍ତି । କାରଣ ତାଙ୍କ ବିଶ୍ୱାସ ଯେ ଏହି ମାମଲାରେ ସ୍ୱାମୀ ଅକ୍ଷୟ ନିର୍ଦ୍ଦୋଷ। ପୂର୍ବରୁ ମଧ୍ୟ ଫାଶୀରୁ ବର୍ତ୍ତିବା ପାଇଁ ଅକ୍ଷୟ ସବୁ ପ୍ରକାରର ଚେଷ୍ଟା କରିଥିଲେ ।

ସୂଚନାଯୋଗ୍ୟ ଯେ, ଅଭିଯୁକ୍ତଙ୍କ ବିରୋଧରେ ଏଯାଏଁ ୪ଟି ମୃତ୍ୟୁ ୱାରେଣ୍ଟ ଜାରି କରାଯାଇଛି। କିନ୍ତୁ ଦୋଷୀମାନେ ସେମାନଙ୍କର ଆଇନଗତ ଅଧିକାରକୁ ତିନିଥର ଉପଯୋଗ କରି ଫାଶି ଏଡାଇବାରେ ସଫଳ ହୋଇଥିଲେ। ‘ନିର୍ଭୟା’ ଦୋଷୀଙ୍କୁ ମାର୍ଚ୍ଚ ୨୦ରେ ଫାଶୀ ଦିଆଯିବ ନା ନାହିଁ । ଏହାକୁ ନେଇ ପୁଣି ସନ୍ଦେହ ଦେଖାଦେଇଛି । ଗତ କାଲି ଜହ୍ଲାଦ ପବନ ସକାଳେ ଡମି ଫାଶୀ ପ୍ରସ୍ତୁତ କରି ପ୍ରକ୍ରିୟା ଆରମ୍ଭ କରିସାରିଛନ୍ତି ।

କରୋନା ଭୟରେ ଅଧିକାଂଶ ଦେଶର ଲୋକେ ଘରୁ ବାହାରିବା ବନ୍ଦ କରିଦେଲେଣି। କରୋନା ପୂରା ଦେଶକୁ ଭୟଭୀତ କରି ରଖିଥିବା ବେଳେ । ଏବେ ଏହି ଭୟକୁ ଦୂର କରିବାକୁ ଗ୍ରୀସର ଜଣେ ମହିଳା ମାଧୁରୀଙ୍କୁ ଜରିଆ ବନେଇଛନ୍ତି । ମାଧୁରୀଙ୍କ ଲୋକପ୍ରିୟ ଗୀତ ଏକ-ଦୋ-ତିନ୍ ରେ ନାଚି ସେ କରୋନା ଚିନ୍ତାରୁ ମୁକ୍ତି ପାଇବାକୁ ପ୍ରୟାସ କରିଛନ୍ତି ।

https://twitter.com/Mr_Belutsch/status/1239548508367192064

ଗ୍ରୀସର ଏହି ମହିଳା କରୋନା ଚିନ୍ତାରୁ ମୁକୁଳିବା ପାଇଁ ଏକ ଖାସ୍‌ ଉପାୟ ବାଛିଛନ୍ତି। ସେ ରୋଷେଇ ଘରେ କାମ କରିବା ସମୟରେ ଅଭିନେତ୍ରୀ ମାଧୁରୀ ଦୀକ୍ଷିତଙ୍କ ‘ଏକ୍‌ ଦୋ ତିନ୍‌…’ ଗୀତରେ ନାଚୁଛନ୍ତି। ଉକ୍ତ ମହିଳାଙ୍କର ଜଣେ ବନ୍ଧୁ ଏହି ଭିଡିଓ ସୋସିଆଲ ମିଡିଆରେ ଶେୟାର କରିଛନ୍ତି। ଏଥିସହ ନୃତ୍ୟ କରୁଥିବା ମହିଳା ମାଧୁରୀ ଦୀକ୍ଷିତଙ୍କର ଜଣେ ବଡ଼ ପ୍ରଶଂସକ ବୋଲି ସେ ଲେଖିଛନ୍ତି। ମହିଳାଙ୍କ ଏହି ଭିଡିଓ ଭାଇରାଲ ହେବାରେ ଲାଗିଛି। ନିଜେ ମାଧୁରୀ ମଧ୍ୟ ଏହି ଭିଡିଓକୁ ଶେୟାର କରି ଏକ ଖାସ୍‌ ମେସେଜ୍‌ ଦେଇଛନ୍ତି।

Loved this video… There are soo many things that we can do at home, spend time with our loved ones, learn & discover new things, workout, dance, sing & do whatever you never got to do because of your busy schedule. Let's make the most of this time, stay safe & stay home! https://t.co/4LJMEVyKqx

— Madhuri Dixit Nene (@MadhuriDixit) March 17, 2020

ତାଙ୍କୁ ଏହି ଭିଡିଓଟି ପସନ୍ଦ ଆସିଥିବା ସେ ଲେଖିଛନ୍ତି। ଏଥିସହ ସେ ଲେଖିଛନ୍ତି ଏମିତି ଅନେକ କିଛି ଉପାୟ ରହିଛି ଯାହାକରି ଆମେ କରୋନା ଚିନ୍ତାଠାରୁ ଦୂରେଇ ରହିପାରିବା। ଯେମିତିକି, ନୃତ୍ୟ, ଗୀତ ଆଦି ବୋଲି ସେ ଲେଖିଛନ୍ତି।