ବେଜିଂ: କରୋନା ପରେ ସଜାଗ୍ ହୋଇଛି ଚୀନ । ଚୀନରେ କୁକୁର ମାଂସ ବିକ୍ରି ଉପରେ ରୋକ୍ ଲାଗିପାରେ । ବେଜିଂ ଜଙ୍ଗଲି ଜନ୍ତୁଙ୍କୁ ନେଇ ନୂଆ ନୀତି ଆଣିବାକୁ ଯାଉଛି । ଯାହା ଉପରେ ସେଠାକାର ସରକାର ଲୋକଙ୍କ ମତ ନେବା ଆରମ୍ଭ କରିଛି । ନୂଆ ଯୋଜନା ନିର୍ଦ୍ଦେଶାବଳୀ ଅନୁସାରେ କୁକୁର ଏବେ ପୋଶା ପଶୁ ଭାବେ ଗଣାଯିବ । ଆଉ କେହି କୁକୁର ମାଂସ ବିକ୍ରି କରି ପାରିବେ ନାହିଁ । କେବଳ କୁକୁର ନୁହେଁ ଚୀନରେ ଅନ୍ୟ ୧୩ ଟି ପଶୁଙ୍କ ବିକ୍ରି ନେଇ ମଧ୍ୟ ଜନସାଧାରଣଙ୍କୁ ନିଜ ମତ ରଖିବାକୁ କୁହାଯାଇଛି । ଏହି ଯୋଜନା ଲାଗୁ ହେବା ପରେ ସେଠାରେ ପଶୁ କାରବାର ବନ୍ଦ ହେବ ବୋଲି ଆଶା କରାଯାଉଛି।
ଚୀନର କୃଷି ମନ୍ତ୍ରଣାଳୟ ଦ୍ୱାରା ପ୍ରକାଶିତ ଗାଇଡଲାଇନରେ ସ୍ପଷ୍ଟ କରାଯାଇଛି ଯେ, କୁକୁର ହେଉଛି ପୋଶା ପଶୁ। ମନ୍ତ୍ରଣାଳୟ ସୂଚନା ଅନୁସାରେ, ଏବେ ସେମାନଙ୍କ ବ୍ୟବହାର କ୍ରୀଡା ଏବଂ ସେନା କ୍ଷେତ୍ରରେ କରାଯିବ। ଆନ୍ତର୍ଜାତୀୟ ସ୍ତରରେ କୁକୁରଙ୍କୁ ଖାଦ୍ୟ ପାଇଁ ବ୍ୟବହାର କରାଯାଏ ନହିଁ । ଏବେ ଚୀନରେ ମଧ୍ୟ ଆଉ ଖାଦ୍ୟ ପାଇଁ କୁକୁରକୁ ବ୍ୟବହାର କରାଯିବ ନାହିଁ। ସୂଚନାଯୋଗ୍ୟ ଯେ, ଚୀନ ସରକାର ଘୁଷୁରି, କୁକୁଡ଼ା ଏବଂ ଓଟ ସମେତ ଅନ୍ୟ ୧୮ଟି ପଶୁଙ୍କୁ ନେଇ ଜନସାଧାରଣଙ୍କ ମତାମତ ମାଗିଛନ୍ତି । ଏହା ବ୍ୟତୀତ ରିଣ୍ଡର, ଆଲପାକା, ଫିଜେଟ୍ସ, ଓଟପକ୍ଷୀ ଏବଂ ଠେକୁଆ ସହିତ ଅନ୍ୟ କିଛି ବିଶେଷ ପ୍ରଜାତିଙ୍କ ବିକ୍ରି ନେଇ ବିଚାର କରାଯିବ।
