ଟିଟଲାଗଡ଼: ଲକ୍ଡାଉନ ପାଇଁ ସାରା ଦେଶରେ ତାଲା ପଡ଼ିଛି । ଏହି ଭିତରେ ଗାଡ଼ି ଚଳାଚଳ ଦେଶରେ ବନ୍ଦ ରହିଥିବାରୁ ଅନ୍ୟ ରାଜ୍ୟରେ ଫଶି ରହିଛନ୍ତି ପ୍ରବାସୀ ଶ୍ରମିକ । ତେବେ ଏମାନଙ୍କୁ ନିଜ ନିଜ ରାଜ୍ୟକୁ ଫେରାଇ ଆଣିବା ପାଇଁ ଦେଶରେ ଶ୍ରମିକ ଟ୍ରେନ ସେବା ଆରମ୍ଭ ହୋଇଛି । କିନ୍ତୁ ଏହି ଟ୍ରେନ ଚାଲିଥିବା ବେଳେ କେତେ ଘଟଣା ମାନ ଘଟିଯାଉଛି । କିଏ ଟ୍ରନ୍ ଚେନ ଟାଣି ଅଧା ରାସ୍ତାରୁ ଓହ୍ଲାଇ ଲାଣିତ ପୁଣି କେଉଁଠି ଷ୍ଟେସରେ ଖାଦ୍ୟ ପାଇଁ ମାଡ଼ ପିଟ ହେଲେଣି ପ୍ରବାସୀ । କିନ୍ତୁ ଆଜି ଟ୍ରେନରେ ଶ୍ରମିକଙ୍କର କୋଳାହଳ ଭିତରେ ସୁଭିଛି କୁଆଁ କୁଆଁ ଶବ୍ଦ । କାରଣ ଶ୍ରମୀକ ଟ୍ରେନରେ ହୋଇଛି ସନ୍ତାନ ପ୍ରସବ । ପ୍ରସବ ପରେ ଉଭୟ ପ୍ରସୂତି ଓ ନବଜାତକୁ ଟିଟିଲାଗଡ ଡାକ୍ତରଖାନାରେ ଭର୍ତ୍ତି କରାଯାଇଛି ।
ସୂଚନା ଅନୁଯାୟୀ, ତେଲେଙ୍ଗାନାର କାଜୁପେଟାରୁ ବଲାଙ୍ଗୀର ଆସୁଥିବା ସ୍ୱତନ୍ତ୍ର ଶ୍ରମିକ ଟ୍ରେନରେ ଜଣେ ଗର୍ଭବତୀ ମହିଳା ହେମକାନ୍ତି ବିଶ୍ୱକର୍ମା ଏକ କନ୍ୟା ସନ୍ତାନ ଜନ୍ମ କରିଛନ୍ତି । ମହିଳାଙ୍କ ଘର ଛତିଶଗଡ ଗାଜିଆବାନ୍ଧ ଜିଲ୍ଲା ଛୁରା ଥାନା ଅନ୍ତର୍ଗତ କାତେଲପରା ଗଁ।ର ହୋଇଥିବା ବେଳେ ଦୁଇ ସନ୍ତାନ ଏବଂ ସ୍ୱାମୀଙ୍କ ସହ କାଜିପେଟରୁ ବଲାଙ୍ଗିର ଷ୍ଟେସନ ଅଭିମୁଖେ ଆସୁଥିବା ବେଳେ ଟିଟଲାଗଡ ଷ୍ଟେସନରେ ମହିଳା ଜଣକ ପ୍ରସବ କରିଥିଲେ । ଏହାପରେ ଆମ୍ବୁଲାନ୍ସ ଯୋଗେ ଟିଟିଲାଗଡ ଉପଖଣ୍ଡ ଡାକ୍ତରଖାନାରେ ସ୍ୱତନ୍ତ୍ର ଭାବେ କ୍ୱାରେଣ୍ଟାଇନ ରେ ରଖାଯାଇ ଚିକିତ୍ସା କରାଯାଉଛି । ଉଭୟ ପ୍ରସୂତୀ ମହିଳା ଓ ନବଜାତ ଶିଶୁକନ୍ୟା ସୁସ୍ଥ ରହିଥିବା କହିଛନ୍ତି ବଲାଙ୍ଗିର ସିଡିଏମଓ ।
ଏବେ ଚତୁର୍ଥ ପର୍ଯ୍ୟାୟ ଲକ୍ଡାଉନ୍ ଚାଲିଛି । ଗତ ମାର୍ଚ୍ଚ ୨୪ରୁ ପ୍ରଥମ ପର୍ଯ୍ୟାୟ ଲକ୍ଡାଉନ୍ ଆରମ୍ଭ ହୋଇଥିଲା । ସେବେଠାରୁ ସବୁ ଜନଗହଳିପୂର୍ଣ୍ଣ ସ୍ଥାନଗୁଡ଼ିକୁ ଲକ୍ କରାଯାଇଥିଲା । ଲୋକଙ୍କୁ ଘରୁ ବାହାରିବାକୁ ମନା କରାଯାଇଥିଲା । ତେବେ ଦ୍ୱିତୀୟ ପର୍ଯ୍ୟାୟ ଲକ୍ଡାଉନ୍ରେ ମଧ୍ୟ ଏହି ନିୟମ କାନୁନ୍ କଡ଼ା କଡ଼ି ପାଳନ କରାଯାଇଥିଲା । ହେଲେ ତୃତିୟ ପର୍ଯ୍ୟାୟ ଲକ୍ଡାଉନ୍ ବେଳେ କିଛି ମାତ୍ରାରେ ନିମୟ କୋହଳ କରାଯାଇଥିଲା ଏବଂ ଚତୁର୍ଥ ପର୍ଯ୍ୟାୟ ଲକ୍ଡାଉନ୍ ବେଳେ ଅର୍ଥାତ୍ ମେ’ ୧୮ ତାରିଖଠାରୁ ଅଧିକାଂଶ କ୍ଷେତ୍ରରେ କୋହଳ କରାଯାଇଛି । ତେବେ ସବୁ ସ୍ଥାନରେ ସାମାଜିକ ଦୂରତା ନିୟମ ମାନିବାକୁ ଗୁରୁତ୍ୱ ଦିଆଯିବା ସହ ମାସ୍କ ପିନ୍ଧିବା ବାଧ୍ୟତାମୂଳକ କରାଯାଇଛି ।
