ଯାଜପୁର: କୋରାଇ ଥାନା ରଗଡ଼ି ଛକ ନିକଟରେ ସୋମବାର ସନ୍ଧ୍ୟାରେ ଦେଖିବାକୁ ମିଳିଥିଲା ଏକ ଅଭାବନୀୟ ଘଟଣା। ବିଦ୍ୟୁତ୍ ଟ୍ରାନ୍ସଫର୍ମର ଖୁଣ୍ଟି ଉପରେ ଛିଡ଼ା ହୋଇଥିଲେ ଏକ ଶିଶୁ । ଯାହାର ବୟସ ୫ କି ୬ ବର୍ଷ ହେବ। ଏହା ଦେଖି ସେଠାରେ ଲୋକଙ୍କ ଭିଡ଼ ଜମିଥିଲା। ଏପରି ଦୃଶ୍ୟ ଦେଖି ଲୋକଙ୍କ ଲୋମ ଟାଙ୍କୁରି ଉଠିଥିଲା। ଶିଶୁଟି କିପରି ଏଭଳି ବିପଦପୂର୍ଣ୍ଣ ସ୍ଥାନରେ ପହଞ୍ଚିଲା, ତାକୁ ନେଇ ସମସ୍ତେ ଆଶ୍ଚର୍ଯ୍ୟ ହୋଇଯାଇଥିଲେ। ତେବେ ସେଠାରେ ଥିବା ଲୋକେ ଡାକିବା ପରେ ଶିଶୁଟି ତଳକୁ ଓହ୍ଲାଇ ଆସିଥିଲା। ହେଲେ ସୌଭାଗ୍ୟର କଥା ଛୁଆଟି ଟ୍ରାନ୍ସଫର୍ମର ଉପରେ ଛିଡ଼ାହୋଇଥିବା ସମୟରେ କରେଣ୍ଟ ନଥିଲା। ଫଳରେ ଏକ ବଡ଼ ଅଘଟଣରୁ ବର୍ତ୍ତିଯାଇଛି ଛୁଆ ।

https://www.facebook.com/NandighoshaTV/videos/239887297308744/

ତେବେ ଛୁଆଟି କାହିଁକି ଓ କେମିତି ସେଠାକୁ ଗଲା ସେନେଇ ସମସ୍ତଙ୍କ ମନରେ ପ୍ରଶ୍ନ ଉଠିଥିଲା । ପିଲାଟିକୁ ଏନେଇ ପଚାରିବୁଝିବ ପରେ ଯାହା ଉତ୍ତର ମିଳିଥିଲା ତାହା ସମସ୍ତଙ୍କୁ ଆଶ୍ଚର୍ଯ୍ୟ କରିଥିଲା । ପିଲାଟି ନିୟମିତ ଭାବେ ସେହି ଅଞ୍ଚଳରେ ବୁଲାବୁଲି କରୁଥିବା ବେଳେ ଗତକାଲି ରାସ୍ତାରେ ଯାତାୟତ କରୁଥିବା ଗାଡ଼ି ଦେଖିବାକୁ ଟ୍ରାନ୍ସଫର୍ମରରେ ଚଢ଼ି ଯାଇଥିବା ସେ କହିଛି ।

ଫୁଲବାଣୀ: ପୁଣି ପ୍ରବାସୀ ଓଡ଼ିଆଙ୍କ ବସ୍‌ ଦୁର୍ଘଟଣାଗ୍ରସ୍ତ । କନ୍ଧମାଳ, ତୁମୁଡିବନ୍ଧର ମୁଣ୍ଡିଗଡ଼ଠାରେ ମର୍ମନ୍ତୁଦ ସଡ଼କ ଦୁର୍ଘଟଣା। ପ୍ରବସୀ ଓଡ଼ିଆଙ୍କୁ ନେଇ ଗୋଆରୁ ଆସୁଥିବା ବେଳେ ମୁଣ୍ଡିଗଡ଼ରେ ଟ୍ରକ ସହ ମୁହାମୁହି ଧକ୍କା l ୩ ଜଣ ଜଣ ଆହତ ଡ୍ରାଇଭର ଗୁରୁତର ସହ ୧୦ ଜଣ ଆହତ । ୩ ଜଣ ଗୁରୁତରଙ୍କୁ ଫୁଲବାଣୀ ମୁଖ୍ୟ ଚିକିତ୍ସାଳୟରେ  ଭର୍ତ୍ତି କରାଯାଇଛି l  ପ୍ରବାସୀ ଓଡ଼ିଆ ଗୋଆରୁ ଟ୍ରେନ୍ ଯୋଗେ ଭବାନୀପାଟଣାରେ ଓହ୍ଲାଇବା ପରେ ଗୋଟିଏ ବସ ସାହାଯ୍ୟରେ ଗଞ୍ଜାମ ଜିଲ୍ଲା ଅଭିମୁଖେ ଆସୁଥିଲେ କିନ୍ତୁ ତୁମୁଡ଼ିବନ୍ଧର ମୁଣ୍ଡିଗଡ଼ରେ ମୁହାମୁହିଁ ଗୋଟଏ ଟ୍ରକ୍ ସହ ଧକ୍କା ହୋଇଛି । ବସ୍‌ରେ ୪୭ ପ୍ରବାସୀ ଯାତ୍ରୀ ଥିବା ସୂଚନ । ସମସ୍ତଙ୍କୁ ତୁମୁଡିବନ୍ଧ ଡାକ୍ତର ଖାନା ରେ ଭର୍ତି ପରେ ସ୍ଥାନୀୟ ସଙ୍ଗରୋଧ କେନ୍ଦ୍ର କୁ ସ୍ଥାନାନ୍ତର କରାଯାଇଛି ।

ଖୋର୍ଦ୍ଧା: ବାଘମାରୀରେ ରାତି ଅଧରେ ବୋମାମାଡ଼। ବାଘମାରି ଥାନା ଭୋଗଡ଼ା ଗାଁରେ ଜଣଙ୍କ ଘର ଉପରକୁ ବୋମାମାଡ଼ ହୋଇଛି। ଏଥିରେ ସ୍ୱାମୀ, ସ୍ତ୍ରୀ ଓ ପୁଅ ଗୁରୁତର ହୋଇଛନ୍ତି। ପୂର୍ବତନ ସରପଞ୍ଚ ସୁକାନ୍ତ ଜୟସିଂ, ତାଙ୍କ ପତ୍ନୀ ଲାବଣ୍ୟ ଜୟସିଂ ଓ ତାଙ୍କ ପୁଅ ଆହତ ହୋଇଛନ୍ତି। ୩ଜଣଙ୍କୁ ଖୋର୍ଦ୍ଧା ମେଡିକାଲରେ ଭର୍ତ୍ତି କରାଯାଇଛି। ରାତିରେ ଡକାୟତି ଉଦ୍ଦେଶ୍ୟରେ ୮ରୁ ୧୦ଜଣ ଦୁର୍ବୃତ୍ତ ଆସିଥିଲେ। ଲୁଟେରା ଫେରାର ହୋଇଯାଇଥିବା ବେଳେ କେତେ ଲୁଟ୍‌ ହୋଇଛି ତାହା ଅସ୍ପଷ୍ଟ ରହିଛି। ଘଟଣାସ୍ଥଳରେ ବାଘମାରୀ ଥାନା ପୋଲିସର ତଦନ୍ତ କରୁଛି