ସିଓଲ: ଉତ୍ତର କୋରିଆର ଏକଛତ୍ରବାଦୀ ଶାସକ କିମ୍ ଜୋଙ୍ଗ୍ ଉନ୍ ଗମ୍ଭୀର ଭାବେ ଅସୁସ୍ଥ । ଦକ୍ଷିଣ କୋରିଆ ମିଡିଆ ଅନୁସାରେ ଏହି ମୋଟା,ଭୟାନକ ଓ ସନ୍ଦେହୀ ସୈରଶାସକର ଚିକିତ୍ସା ଏମିତି ଗୋଟିଏ ହସ୍ପିଟାଲରେ ହେଉଛି ଯାହା କୌଣସି ଦୁର୍ଗଠାରୁ କମ ନୁହେଁ । ଏହି ହସ୍ପିଟାଲକୁ କେବଳ କିମ୍ ପରିବାର ପାଇଁ ତିଆରି କରାଯାଇଥିଲା । ହୟାଙ୍ଗ୍ ସୈନ୍ ହସ୍ପିଟାଲକୁ ଅନେକ ଦିନ ଧରି ହୃଦରୋଗ ସମ୍ବନ୍ଧିୟ ଚିକିତ୍ସା ପାଇଁ ପ୍ରସ୍ତୁତ କରାଯାଉଥିଲା ବୋଲି ଦକ୍ଷିଣ କୋରିଆ ମିଡିଆର ଦାବି ।

୧୯୯୪ରେ ତିଆରି ହୋଇଥିଲା ହସ୍ପିଟାଲ

୧୯୯୪ ମସିହାରେ କିମ୍ ଜୋଙ୍ଗ-ଉନଙ୍କ ଜେଜେବାପା କିମ୍ ଇଲ-ସୁଙ୍ଗଙ୍କ ମୃତ୍ୟୁ ପରେ ଏହାକୁ ତିଆରି କରାଯାଇଥିଲା । ଇଲ ସୁଙ୍ଗ୍ ସେତେବେଳେ ହୟାଙ୍ଗ୍ ସୈନରେ ଥିଲେ । ଇଲ ସୁଙ୍ଗଙ୍କ ଠିକ୍ ସମୟରେ ହସ୍ପିଟାଲ ନିଆ ଯାଇପାରିନଥିଲା  । ତେଣୁ କିମଙ୍କ ବାପା ହୟାଙ୍ଗରେ ହସ୍ପିଟାଲ ତିଆରି କରିଥିଲେ । ଏହାସହ ରାଜଧାନୀଠାରୁ ଦୁରରେ ଡାକ୍ତରଖାନା ରହିବା ଦ୍ୱାରା କିମ୍ ପାରିବାର ଉପରେ କାହାରି ନଜର ରହିବନି,ସେଥିପାଇଁ ମଧ୍ୟ ଏହିସ୍ଥାନକୁ ବଛାଯାଇଛି ବୋଲି କୁହାଯାଏ ।

କିମଙ୍କ ଡାକ୍ତର ୨୪ ଘଣ୍ଟା ସୁରକ୍ଷାଘେରରେ ରୁହନ୍ତି

କିମଙ୍କ ଚିକିତ୍ସା କରୁଥିବା ଡାକ୍ତର ୨୪ ଘଣ୍ଟା ସୁରକ୍ଷା ଘେର ଭିତରେ ରୁହନ୍ତି । ସେମାନଙ୍କୁ କେଉଁଠିକୁ ମଧ୍ୟ ଏକାକୀ ଯାଇପାରନ୍ତି ନାହିଁ । ସବୁବେଳେ ସେମାନଙ୍କ ସହ ସୁରକ୍ଷାକର୍ମୀ ରହିଥାନ୍ତି । ଜେଜେଙ୍କ ୧୦୮ତମ ଜନ୍ମଦିନରେ କିମ୍ ହୟାଙ୍ଗ ସୈନକୁ ଆସିଥିଲେ । କିନ୍ତୁ ଜନ୍ମଦିନ ସମାବେଶରେ ତାଙ୍କୁ ଦେଖିବାକୁ ମିଳିନଥିଲା । ତେଣୁ ଅନୁମାନ କରାଯାଉଥିଲା ଯେ, ସେ ହୟାଙ୍କକୁ ଚିକିତ୍ସା ପାଇଁ ଆସିଛନ୍ତି ।

ଲାଇଫ୍ ଷ୍ଟାଇଲ ରୋଗର ଶିକାର

କିମ୍ ଜୋଙ୍ଗ୍ ଲାଇଫ୍ ଷ୍ଟାଇଲ ରୋଗର ଶିକାର । ମେଦବହୁଳତା ଓ ଅତ୍ୟଧିକ ମଦ୍ୟାପାନ ଯୋଗୁ ସେ ହୃଦୟ ସମ୍ବନ୍ଧିତ ରୋଗର ଶିକାର । କିମ୍ ଉତ୍ତର କୋରିଆରେ ନିଜ ଆତଙ୍କ ପାଇଁ କୁଖ୍ୟାତ । ୨୦୧୧ ମସିହାରେ କିମ୍ ଜୋଙ୍ଗ୍ ଇଲଙ୍କ ମୃତ୍ୟୁ ପରେ କିମ୍ ଜୋଙ୍ଗ୍ ଉନ୍ କ୍ଷମତାକୁ ଆସିଥିଲେ ।

ନିଜ ପିଉସାଙ୍କ ହତ୍ୟାକାରୀ

କିମ୍ ଜୋଙ୍ଗ ଉନ୍ ନିଜ ଜେଜେବାପା ଓ ବାପାଙ୍କ ଭଳି ଆତଙ୍କକୁ ଅସ୍ତ୍ର କରି ଉତ୍ତର କୋରିଆ ଉପରେ ରାଜ୍ କରୁଛନ୍ତି । ୧୯୪୮ ମସିହା ପରଠାରୁ କିମ୍ ପରିବାର ଉତ୍ତର କୋରିଆ ଉପରେ ଶାସନ କରି ଆସୁଛି । କିମଙ୍କ ଜେଜେବାପା ଓ ବାପା ନିଜ ବିରୋଧୀଙ୍କୁ ବରଦାସ୍ତ କରୁନଥିଲେ କି ନିଜେ କିମ୍ । କିମ୍ କେତେଦୁର ସନ୍ଦେହୀ ଓ କ୍ରୁର ତାହା ଏହି କଥାରୁ ଜଣା ପଡେ ଯେ, ସେ ନିଜ ପିଉସା ଓ ତାଙ୍କ ପରିବାରକୁ କ୍ଷମତାକୁ ଆସିବାର କିଛି ଦିନ ପରେ ହତ୍ୟା କରିଥିଲେ । କିମ୍ ଜୋଙ୍ଗଙ୍କୁ କ୍ଷମତାକୁ ଆସିବାରେ ତାଙ୍କ ପିଉସା ସାହାଯ୍ୟା କରିଥିଲେ । କିନ୍ତୁ ଧିରେ ଧିରେ କିମ୍ ଅନୁଭବ କରିଥିଲେ ଯେ, ତାଙ୍କ ପିଉସା ସମାନ୍ତରାଳ ସରକାର ଚଳାଉଛନ୍ତି । ଏଥିରେ ଉତକ୍ଷିପ୍ତ ହୋଇ କିମ୍ ନିଜ ପିଉସାଙ୍କ ହତ୍ୟା ଆଦେଶ ଦେଇଥିଲେ । ପିଉସାଙ୍କୁ ଭୋକିଲା କୁକୁରଙ୍କ ଆଗକୁ ଫୋପାଡି ଦିଆଯାଇଥିଲା  । ଏହାପରେ କିମ୍ ତାଙ୍କ ପିଉସୀଙ୍କୁ ମଧ୍ୟ ହତ୍ୟା କରିଥିଲେ । ଏମିତିକି ସେ ନିଜ ପିଉସୀ ପୁଅ ଭାଇ ଓ ତାଙ୍କ ପରିବାରକୁ ମଧ୍ୟ ହତ୍ୟା କରିଥିଲେ ।

ଗର୍ଲଫ୍ରେଣ୍ଡକୁ କରିଥିଲେ ହତ୍ୟା

କିମ୍ ଶାସନକୁ ଆସିବା ପରେ ନିଜ ପୂର୍ବତନ ପ୍ରେମିକାଙ୍କ ହତ୍ୟା କରିଥିଲେ । ପ୍ରେମିକାଙ୍କ ବିରୋଧରେ ବେଶ୍ୟାବୃତ୍ତିର ଅଭିଯୋଗ ଆଣି ସେ ଏପରି କରିଥିଲେ । କେବଳ ପ୍ରେମିକା ନୁହନ୍ତି ତାଙ୍କ ଡ୍ୟାନ୍ସ ଟ୍ରୁପର ବାକି ସଦସ୍ୟଙ୍କୁ ମଧ୍ୟ ଗୁଳି କରି ମାରି ଦିଆଯାଇଥିଲା ।

ନୂଆଦିଲ୍ଲୀ: ଦେଶରେ କରୋନା ପାଇଁ ଅର୍ଥନୀତିରେ ପ୍ରଭାବ ପଡିଛି । ଏନେଇ ଗୁରୁବାର ଦିନ ଭାରତ ସରକାର ଏକ ବଡ ନିଷ୍ପତ୍ତି ନେଇଛନ୍ତି । ନିଷ୍ପତ୍ତି ଅନୁଯାୟୀ, କେନ୍ଦ୍ରୀୟ କର୍ମଚାରୀଙ୍କୁ ମିଳିବାକୁ ଥିବା ଡିଏ ଉପରେ ପ୍ରତିବନ୍ଧକ ଲଗାଯାଇଛି । ଏହାସହ ମହଙ୍ଗା ଭତ୍ତା ବୃଦ୍ଧି ଉପରେ ଏହି ପ୍ରତିବନ୍ଧକ ୧ ଜୁଲାଇ ୨୦୨୧ ପର୍ଯ୍ୟନ୍ତ ଜାରି ରହିବ । ଅର୍ଥ ମନ୍ତ୍ରଣାଳୟ ଦ୍ୱାରା ଜାରି କରାଯାଇଥିବା ନିର୍ଦ୍ଦେଶ ଅନୁଯାୟୀ, ୧ ଜାନୁୟାରୀ ୨୦୨୦ରୁ କେନ୍ଦ୍ରୀୟ କର୍ମଚାରୀ ଓ ପେନସନଭୋଗୀଙ୍କୁ ଯେଉଁ ଡିଏର କିସ୍ତି ମିଳିବାକୁ ଥିଲା ଏବେ ତାହା ଉପରେ ପ୍ରତିବନ୍ଧକ ଲଗାଇ ଦିଆଯାଇଛି ।

ଅନ୍ୟପଟେ ୧ ଜୁଲାଇ ୨୦୨୦, ୧ ଜାନୁୟାରୀ ୨୦୨୧ରେ ମିଳିବାକୁ ଥିବା ଅତିରିକ୍ତ କିସ୍ତି ଉପରେ ପ୍ରତିବନ୍ଧକ ଲଗାଯାଇଛି । ଏହି କିସ୍ତି ଉପରେ ପ୍ରତିବନ୍ଧକ ଲଗାଇ ସରକାର ପ୍ରାୟ ୩୭ ହଜାର କୋଟି ଟଙ୍କା ସଞ୍ଚୟ କରିବେ । ଏହି ଆଦେଶ କେନ୍ଦ୍ରୀୟ କର୍ମଚାରୀ ଏବଂ କେନ୍ଦ୍ର ସରକାରଙ୍କ ଦ୍ୱାରା ପେନ୍‌ସନ୍‌ ପାଇବାକୁ ଥିବା କର୍ମଚାରୀଙ୍କ ପାଇଁ ଲାଗୁ ହେବ ।

କରୋନା ସଙ୍କଟ ଯୋଗୁଁ କେନ୍ଦ୍ର ସରକାରଙ୍କ ଦ୍ୱାରା ଅନେକ ପ୍ରକାରର ଯୋଜନାକୁ କାଟି ଦିଆଯାଉଛି । ଏହାପୂର୍ବରୁ ଗୁରୁବାର ଦିନ ପ୍ରତିରକ୍ଷା ବଜେଟରେ କଟକଣା ନେଇ ଚର୍ଚ୍ଚା ଚାଲିଛି । କିଛି  ଅସ୍ତ୍ରଚୁକ୍ତିକୁକିଛି ସମୟ ପାଇଁ ବନ୍ଦ କରାଯିବା ନେଇ ଚିନ୍ତା କରାଯାଉଛି ବୋଲି କୁହାଯାଉଛି । ଯଦି ଏଭଳି ନିଷ୍ପତି ନିଆଯାଏ ତେବେ ଏହାର ପ୍ରଭାବ ରାଫାଲ୍ ବିମାନ କ୍ରୟ, ଏସ-400 ମିସାଇଲ ସିଷ୍ଟମର କ୍ରୟ ଉପରେ ପଡିପାରେ । ଏହାପୂର୍ବରୁ ଭାରତ ସରକାର ପ୍ରଧାନମନ୍ତ୍ରୀ, ରାଷ୍ଟ୍ରପତି, ସାଂସଦ ଏବଂ ମନ୍ତ୍ରୀମାନଙ୍କ ଦରମା ୩୦% ପର୍ଯ୍ୟନ୍ତ ହ୍ରାସ କରିବାକୁ ଘୋଷଣା କରିଥିଲେ । କେବଳ ସେତିକି ନୁହେଁ, ସାଂସଦ ନିଧି ପାଣ୍ଠିକୁ ମଧ୍ୟ ଦୁଇ ବର୍ଷ ପାଇଁ ରଦ୍ଦ କରାଯାଇଥିଲା।ଆପଣଙ୍କୁ କହି ରଖୁଛୁ ଯେ, କରୋନା  କାରଣରୁ ଦେଶରେ ୪୦ ଦିନିଆ ଲକଡାଉନ୍ କରାଯାଇଛି । ଯେଉଁଥିପାଇଁ ଅର୍ଥନୀତି ସଂପୂର୍ଣ୍ଣ ରୂପେ ପ୍ରଭାବିତ ହୋଇଛି । ଜିଡିପି ଏବଂ ରାଜସ୍ୱ ଉପରେ ଏହାର ପ୍ରତ୍ୟକ୍ଷ ପ୍ରଭାବ ପଡ଼ୁଥିବାର ଦେଖାଯାଇଛି ।