ନନ୍ଦିଘୋଷ ବ୍ୟୁରୋ: ବଲାଙ୍ଗୀର ପାଟଣାଗଡ଼ରେ କଳା ପଲସର ଆତଙ୍କ । ଦିବାଲୋକରେ ବ୍ୟବସାୟୀଙ୍କ ଠାରୁ ୪ ଲକ୍ଷ ଟଙ୍କା ଝାମ୍ପିନେଲେ ୨ ଜଣ ଦୁର୍ବୃତ୍ତ । ଲୁଟର ଶିକାର ବ୍ୟବସାୟୀ ପାଟଣାଗଡ଼ର ପର୍ଶୁରାମ ପଂସାରୀ । ଦୋକାନ ସାମ୍ନାରୁ ଗାଡ଼ି ଡିକିରୁ ଟଙ୍କା ବାହାର କରି ଦୋକାନକୁ ନେଉଥିବା ବେଳେ କଳା ପଲସରରେ ଆସି ଟଙ୍କା ବ୍ୟାଗ୍ ଝାମ୍ପି ନେଇ ଦୃତଗତିରେ ଫେରାର୍ ମାରିଛନ୍ତି ଲୁଟେରା । ପର୍ଶୁରାମଙ୍କର ରାମଜୀ ଛକରେ ମହାବୀର ଷ୍ଟୋର ରହିଛି । କୌଣସି କାମ ପାଇଁ ଷ୍ଟେଟ ବ୍ୟାଙ୍କରୁ ୪ ଲକ୍ଷ ଟଙ୍କା ଉଠାଇ ଦୋକାନ ସାମ୍ନାରେ ଡିକିରୁ ବାହାର କରି ଦୋକାନକୁ ନେଉଥିଲେ । ଏନେଇ ପାଟଣାଗଡ଼ ଥାନାରେ ଅଭିଯୋଗ ପରେ ପୋଲିସର ତନାଘନା ଆରମ୍ଭ କରିଛି ।ଲୁଟର ଫୁଟେଜ ସିସି କ୍ୟାମେରାରେ କଏଦ ହୋଇଛି । ଲୁଟର EXCLUSIVE ସିସିଟିଭି ଫୁଟେଜ ନନ୍ଦିଘୋଷ ଟିଭି ହାତରେ ଲାଗିଛି ।
ବାପା ଚାହୁଁଥିଲେ ପୁଅ ହେଉ ଜର୍ଜୀ, ହେଲେ ହେଇଗଲେ ବଲିଉଡର ଜଣାଶୁଣା କଳାକାର..
ନନ୍ଦିଘୋଷ ବ୍ୟୁରୋ: ସବୁ ବାପା ମାଆମାନେ ପିଲାଙ୍କ ଭବିଷ୍ୟତକୁ ନେଇ ଅନେକ ସ୍ବପ୍ନ ଦେଖିଥାନ୍ତି । ହେଲେ ସମସ୍ତଙ୍କ ସ୍ବପ୍ନ ସତ ହୋଇନଥାଏ । ବେଳେବେଳେ ବାପା ମାଆ ପିଲାଙ୍କୁ ନେଇ ଦେଖିଥିବା ସ୍ବପ୍ନଠାରୁ ଅଧିକ କରି ଦେଖାଇଥାନ୍ତି ପିଲା । ଠିକ ଆଜି ଆମେ ଏମିତି ଜଣେ କଳାକାରଙ୍କ ସମ୍ପର୍କରେ ଜଣାଇବାକୁ ଯାହାଙ୍କ ବାପା ଭାବିଥିଲେ କି, ସେ ଜଣେ ଜର୍ଜୀ ହେବେ ମାତ୍ର ପୁଅ ବଲିଉଡର ଜଣେ ଆଗଧାଡ଼ିର କଳାକାର ହେଲେ । କେବେ କମେଡି ତ ପୁଣି କେବେ ଖଳନାୟକ । ଆଉ ଏବେ ତାଙ୍କ ଝିଅ ଦେଖାଉଛନ୍ତି ଜଲଓ୍ବା ।
ଆମେ କହୁଛୁ ବଲିଉଡର ଜଣାଶୁଣା କଳାକାର ଶକ୍ତି କପୁରଙ୍କ କଥା । ଯାହାଙ୍କ ବାପା ଭାବୁଥିଲେ କି, ପୁଅକୁ ଜର୍ଜି କରିବେ ବୋଲି । କିନ୍ତୁ ତାଙ୍କ ଭାଗ୍ୟରେ ଅଲଗା କିଛି ଲେଖା ରହିଥିଲା । ଯାହା ଆଜି ଆପଣମାନେ ପରଦାରେ ଦେଖୁଛନ୍ତି । ୭ ଶହରୁ ଅଧିକ ଫିଲ୍ମରେ ଅଭିନୟ କରି ଦର୍ଶକଙ୍କ ମହଲରେ ଏକ ସ୍ବତନ୍ତ୍ର ସ୍ଥାନ ଅଧିକାର କରିସାରିଛନ୍ତି ଶକ୍ତି କପୁର । ତାଙ୍କର ଖଳନାୟକ ଭୂମିକା ଦର୍ଶକଙ୍କୁ ଏମିତି ଆକୃଷ୍ଟ କରିଥିଲା କି, ଲୋକେ ତାଙ୍କ ଉପରେ ରାଗି ଯାଉଥିଲେ । ଆଉ କେମଡି କଥା ନକହିବା ଭଲ । ଏବେ ତାଙ୍କ ଝିଅ ଶ୍ରଦ୍ଧା କପୁରଙ୍କ ଅଭିନୟର ଯାଦୁ ସମସ୍ତଙ୍କୁ ବେଶ ପସନ୍ଦ ଆସିଛି । ଶ୍ରଦ୍ଧାଙ୍କ ଅନେକ ଗୁଡ଼ିଏ ହିଟ୍ ଫିଲ୍ମ ରହିଥିବାବେଳେ ତାଙ୍କ ବୋଲ୍ଡ ସିନ୍ ମଧ୍ୟ ଦର୍ଶକଙ୍କୁ ମତୁଆଲା କରୁଛି ।
ଇଣ୍ଡି ମେଣ୍ଟକୁ ଧକ୍କା : ଏକା ଲଢ଼ିବାକୁ କହିଲେ ଅରବିନ୍ଦ କେଜରିୱାଲ
ନନ୍ଦିଘୋଷ ବ୍ୟୁରୋ: ବିଧାନସଭା ନିର୍ବାଚନ ପର୍ବ ବେଳେ ଇଣ୍ଡି ମେଣ୍ଟକୁ ଧକ୍କା। ମେଣ୍ଟରେ ସାମିଲ ହେବାକୁ ମନାକଲା ଆପ୍। ଆସନ୍ତା ବିହାର, ଆସାମ ଓ ଗୁଜରାଟ ବିଧାନସଭା ନିର୍ବାଚନଗୁଡିକରେ ଆପ୍ ଏକାକୀ ଲଢିବ ବୋଲି କହିଛନ୍ତି ଦଳର ସୁପ୍ରିମୋ ଅରବିନ୍ଦ କେଜରିୱାଲ। କେଜରିୱାଲ କହିଛନ୍ତି- ଆପ୍ କୌଣସି ମେଣ୍ଟର ବର୍ତ୍ତମାନ ସହଯୋଗୀ ନାହିଁ। ଦଳର ନିଜ ନିକଟରେ ଶକ୍ତି ରହିଛି। ୨୦୨୪ ଲୋକସଭା ନିର୍ବାଚନ ଓ ଦିଲ୍ଲୀ ବିଧାନସଭା ନିର୍ବାଚନ ପରେ ପ୍ରଥମ ଥର ଲାଗି ଦଳର ସୁପ୍ରିମୋ ଖୋଲାଖୋଲି ଏହି ବିଷୟ ଉତଥାପନ କରିଛନ୍ତି। ସଂସଦରେ ଇଣ୍ଡି ମେଣ୍ଟର ସଦସ୍ୟ ଦଳଗୁଡିକ ପକ୍ଷରୁ ଏକାଠି ରଣନୀତି କରୁଥିବା ଦେଖାଯାଇଥିବାବେଳେ ଆପର ଏହି ନିଷ୍ପତ୍ତି ଆଶଙ୍କା ସୃଷ୍ଟି କରିଛି। କିଛି ଦିନ ଦଳେ ପୂର୍ବତନ ଅର୍ଥମନ୍ତ୍ରୀ ପି. ଚିଦାମ୍ବରମ ଇଣ୍ଡି ମେଣ୍ଟର ଭବିଷ୍ୟତ ନେଇ ସନ୍ଦେହ ବ୍ୟକ୍ତ କରିଥିଲେ।
ଆସିଲା ସାଂସଦ ପ୍ରିୟା- ରିଙ୍କୁଙ୍କ ବାହାଘର ତାରିଖ , ଜାଣନ୍ତୁ କାହାର ସମ୍ପତ୍ତି କେତେ ?
ନନ୍ଦିଘୋଷ ବ୍ୟୁରୋ: ଭାରତୀୟ କ୍ରିକେଟ ଦଳର ଉଦୀୟମାନ ତାରକା ରିଙ୍କୁ ସିଂ ସାଂସଦ ପ୍ରିୟା ସରୋଜାଙ୍କୁ ବିବାହ କରିବାକୁ ଯାଉଛନ୍ତି । ଦୀର୍ଘଦିନ ଧରି ହେଉଥିବା ଚର୍ଚ୍ଚାର ଘଟିବାକୁ ଯାଉଛି ଅନ୍ତ । ଉଭୟ ନଭେମ୍ବର ମାସରେ ବିବାହ ବନ୍ଧନରେ ବାନ୍ଧିହେବାକୁ ଯାଉଛନ୍ତି । ପ୍ରିୟା ସରୋଜ ସମାଜବାଦୀ ପାର୍ଟିର ସାଂସଦ ହୋଇଥିବାବେଳେ ରିଙ୍କୁ ସିଂ ହେଉଛନ୍ତି ଭାରତୀୟ କ୍ରିକେଟ ଦଳର ସଦସ୍ୟ । ତେବେ ଉଭୟଙ୍କ ବିବାହ କେବେ ହେବ ବୋଲି ଚର୍ଚ୍ଚା ଲାଗି ରହିଥିଲା । ତେବେ ଆସନ୍ତା ୮ ତାରିଖରେ ସେମାନଙ୍କ ନିର୍ବନ୍ଧ ହେବାକୁ ଯାଉଥିବା ଖବର ଆସିଛି । ତେବେ ଏମାନଙ୍କ ମଧ୍ୟରୁ କାହା ପାଖରେ ରହିଛି ଅଧିକ ସମ୍ପତ୍ତି ।
eଭେମ୍ବର ୧୮ ତାରିଖରେ ସେମାନଙ୍କ ବିବାହ ହେବ ବୋଲି ଜଣା ପଡ଼ିଛି । ତେବେ ଉଭୟଙ୍କ ମଧ୍ୟରୁ ପ୍ରିୟା ଅଧିକ ଧନୀ । ତାଙ୍କ ବାପା ତିନିଥର ସାଂସଦ ରହିଥିବାବେଳେ ଚଳିତ ନିର୍ବାଚନରେ ପ୍ରିୟା ବିଜୟୀ ହୋଇଛନ୍ତି । ସେ ଦେଇଥିବା ନିର୍ବାଚନ ସମୟରେ ଦେଇଥିବା ତଥ୍ୟ ମୁତାବକ ତାଙ୍କ ସମ୍ପୂର୍ଣ୍ଣ ସମ୍ପତ୍ତିର ମୂଲ୍ୟ ରହିଛି ୧୧.୨୫, ୭୧୯ ଟଙ୍କା । କେବଳ ୟୁନିୟନ ବ୍ୟାଙ୍କରେ ୧୦,୧୦, ୦୦୦ ଟଙ୍କାର ଜମା ରହିଛି । ଏହାସହ ତାଙ୍କ ପାଖରେ ୫ ଗ୍ରାମର ସୁନା ରହିଥିବା ମଧ୍ୟ କୁହାଯାଉଛି । ଯଦି ଆମେ ରିଙ୍କୁ ସିଂଙ୍କ ସମ୍ପତ୍ତି କଥା କହିବା ତାହେଲେ ଶେଷ ଖବର ସୁଦ୍ଧା ତାଙ୍କର ୭ରୁ ୮ କୋଟି ଟଙ୍କା ରହିଛି । ସେ ବିସିସିଆଇଠାରୁ ବାର୍ଷିକ ୬୦ରୁ ୭୦ ଲକ୍ଷ ଟଙ୍କାର ଦରମା ପାଆନ୍ତି । ଚଳିତ ବର୍ଷ କେକେଆର ତାଙ୍କୁ ୧୩ କୋଟି ଟଙ୍କାରେ ରିଟେନ୍ କରିଛି । ଆଲିଗଡ଼ରେ ତାଙ୍କର ୩ କୋଟି ଟଙ୍କାର ଏକ ଘର ମଧ୍ୟ ରହିଛି । ଯଦି ଦେଖିବା ତାହେଲେ ପ୍ରିୟାଙ୍କ ଅପେକ୍ଷା ରିଙ୍କୁ ସମ୍ପତ୍ତି ଅଧିକ ରହିଛି ।
ଏକଦିବସୀୟ କ୍ରିକେଟରୁ ଅବସର ଘୋଷଣା କଲେ ମ୍ୟାକ୍ସୱେଲ
ନନ୍ଦିଘୋଷ ବ୍ୟୁରୋ: ଅଷ୍ଟ୍ରେଲିଆର ଷ୍ଟାର ଅଲରାଉଣ୍ଡର ଗ୍ଲେନ୍ ମ୍ୟାକ୍ସୱେଲ ଏକଦିବସୀୟ କ୍ରିକେଟରୁ ଅବସର ଘୋଷଣା କରିଛନ୍ତି। ସେ ଟି-୨୦ରେ ଖେଳିବା ଜାରି ରଖିବେ। କ୍ରିକେଟ୍ ଅଷ୍ଟ୍ରେଲିଆ ସୂଚନା ଦେଇଛି ଯେ ସେ ୨୦୨୬ ଟି-୨୦ ବିଶ୍ୱକପ୍ ପାଇଁ ପ୍ରସ୍ତୁତି ପାଇଁ ଏକଦିବସୀୟ ଫର୍ମାଟରୁ ଅବସର ଘୋଷଣା କରିଛନ୍ତି।
ମ୍ୟାକ୍ସୱେଲଙ୍କ ଏକଦିବସୀୟ କ୍ୟାରିୟର ୨୦୧୨ରେ ଆରମ୍ଭ ହୋଇଥିଲା। ୧୪୯ଟି ଏକଦିବସୀୟ ମ୍ୟାଚ୍ରେ ଅଷ୍ଟ୍ରେଲିଆର ପ୍ରତିନିଧିତ୍ୱ କରି, ଏହି କିମ୍ବଦନ୍ତୀ ଖେଳାଳି ୫.୪୬ ଇକୋନୋମି ହାରରେ ବୋଲିଂ କରିବା ସମୟରେ ମୋଟ ୩୯୯୦ ରନ କରିଥିଲେ ଏବଂ ୭୭ ୱିକେଟ୍ ନେଇଥିଲେ। ସେ ୨୦୧୫ ଏବଂ ୨୦୨୩ ବିଶ୍ୱକପ୍ ବିଜେତା ଦଳରେ ମଧ୍ୟ ଥିଲେ। ମ୍ୟାକ୍ସୱେଲ ଏହି ଫର୍ମାଟରେ ଚାରିଟି ଶତକ ଏବଂ ୨୩ଟି ଅର୍ଦ୍ଧଶତକ ହାସଲ କରିଛନ୍ତି।
୩୬ ବର୍ଷୀୟ ଖେଳାଳି ୨୦୨୩ ବିଶ୍ୱକପ୍ ସମୟରେ ଆଫଗାନିସ୍ତାନ ବିପକ୍ଷରେ ୨୦୧ ରନର ଅପରାଜିତ ଇନିଂସ ଖେଳିଥିଲେ। ଏହା ଏହି ଫର୍ମାଟରେ ତାଙ୍କ କ୍ୟାରିୟରର ସର୍ବୋତ୍ତମ ଇନିଂସ ମଧ୍ୟରୁ ଗୋଟିଏ ଥିଲା। ବୋଲିଂରେ ମଧ୍ୟ ସେ ବିପକ୍ଷ ବ୍ୟାଟସମ୍ୟାନଙ୍କ ପାଇଁ ସମସ୍ୟା ପାଲଟିଛନ୍ତି। ସେ ଚାରିଥର ଗୋଟିଏ ଇନିଂସରେ ଚାରିଟି ୱିକେଟ ନେଇଥିଲେ। ଫିଲ୍ଡିଂରେ ମଧ୍ୟ ତାଙ୍କର କେହି ସମକକ୍ଷ ନଥିଲେ। ଏହି ଫର୍ମାଟରେ ତାଙ୍କ ନାମରେ ୯୧ଟି କ୍ୟାଚ୍ ଅଛି।
ସିକିମରେ ବର୍ଷା ଓ ଭୂସ୍ଖଳନ, ୩ ମୃତ, ୯ ଯବାନ ନିଖୋଜ
ନନ୍ଦିଘୋଷ ବ୍ୟୁରୋ: ସିକିମରେ ବର୍ଷା ଓ ଭୂସ୍ଖଳନ ଯୋଗୁଁ ହାହାକାର ସ୍ଥିତି। ସିକିମ ଆର୍ମି କ୍ୟାମ୍ପରେ ଭୂସ୍ଖଳନ ଯୋଗୁଁ ୩ ଜଣଙ୍କର ମୃତ୍ୟୁ ଘଟିଛି। ୯ ଯବାନ ଏବେ ବି ନିଖୋଜ ଅଛନ୍ତି। ଉଦ୍ଧାର ପାଇଁ ଜୋରଦାର ସର୍ଚ୍ଚ ଅପରେସନ ଜାରି ରହିଛି। ଉତ୍ତର ସିକିମରେ ରବିବାର ସନ୍ଧ୍ୟା ପ୍ରାୟ ୭ଟା ସମୟରେ ଏହି ଭୂସ୍ଖଳନ ହୋଇଥିଲା। ତେବେ ମୃତକଙ୍କ ପରିଚୟ ମିଳିପାରିନାହିଁ। ସେପଟେ ଅବିଶ୍ରାନ୍ତ ବର୍ଷା, ଭୂସ୍ଖଳନ ଓ ଖରାପ ପାଗ ଯୋଗୁଁ ବିଭିନ୍ନ ସ୍ଥାନରେ ପ୍ରାୟ ୧୫ଶହରୁ ଅଧିକ ପର୍ଯ୍ୟଟକ ଫସି ରହିଛନ୍ତି। ଲାଚେନ ଓ ଲାଚୁଙ୍ଗ ଅଞ୍ଚଳରେ ଫସିରହିଛନ୍ତି ଏହି ପର୍ଯ୍ୟଟକ। ଭୂସ୍ଖଳନ ଯୋଗୁଁ ଉଭୟ ପଟରୁ ରାସ୍ତା ବନ୍ଦ ହୋଇଯାଇଛି। ସେମାନଙ୍କୁ ଉଦ୍ଧାର କରିବା ପାଇଁ ଉଦ୍ୟମ ଜାରି ରହିଛି।.. ସେପଟେ ଅରୁଣାଚଳ ପ୍ରଦେଶରୁ ୧୪ ଯୁବକଙ୍କୁ ଉଦ୍ଧାର କରିଛନ୍ତି ଭାରତୀୟ ବାୟୁସେନାର ଯବାନ। ହେଲିକପ୍ଟର ଯୋଗେ ସମସ୍ତ ଯୁବକଙ୍କୁ ଉଦ୍ଧାର କରାଯାଇଛି। ବୋମଜିର ନଦୀର ଜଳସ୍ତର ବଢିଥିବାବଳେ ଫସି ଯାଇଥିଲେ ୧୪ ଜଣ। ସେମାନଙ୍କୁ ବାୟୁସେନାର ହେଲିକପ୍ଟରରେ ଉଦ୍ଧାର କରାଯାଇଥିବା ଗୌହାଟି ପ୍ରତିରକ୍ଷା ବିଭାଗ ପକ୍ଷରୁ ସୂଚନା ଦିଆଯାଇଛି।…
ଛତିଶଗଡ଼ ସୁକମାରେ ୧୬ ମାଓବାଦୀଙ୍କ ଆତ୍ମସମର୍ପଣ
ସୁକମା: ଛତିଶଗଡ଼ ସୁକମାରେ ୧୬ ମାଓବାଦୀଙ୍କ ଆତ୍ମସମର୍ପଣ। ପିଏଲଜିଏ ବାଟାଲିୟନର ୨ ଜଣ ହାର୍ଡକୋର ମାଓବାଦୀ ସମେତ ୧୬ ମାଓବାଦୀ ଆତ୍ମସମର୍ପଣ କରିଛନ୍ତି। ମାଓବାଦୀଙ୍କ ମଧ୍ୟରେ ଜଣେ ମହିଳା ଓ ପୁରୁଷ ମାଓବାଦୀଙ୍କ ନାଁରେ ୮ ଲକ୍ଷ ଲେଖାଏଁ ଟଙ୍କା ପୁରସ୍କାର ଥିଲା। ସେହିପରି ୬ ମାଓବାଦୀ ନାଁରେ ମୋଟ ୨୫ ଲକ୍ଷ ଟଙ୍କା ପୁରସ୍କାର ଘୋଷଣା ଥିଲା। ସମସ୍ତ
ଙ୍କୁ ସରକାରୀ ନିୟମ ଅନୁଯାୟୀ ଥଇଥାନ କରାଯିବ ବୋଲି ପୋଲିସ ପକ୍ଷରୁ କୁହାଯାଇଛି। ଆତ୍ମସମର୍ପଣ ଯୋଜନାରେ ପ୍ରଭାବିତ ଏମାନେ ଆତ୍ମସମର୍ପଣ କରିଛନ୍ତି। ଏସ୍ପି କିରଣ ଚୌହାନ, ଅତିରିକ୍ତ ଏସ୍ପି ଉମେଶ ଗୁପ୍ତା ଏବଂ ସିଆରପିଏଫ ଏବଂ ପୋଲିସ ଅଧିକାରୀଙ୍କ ଆଗରେ ମାଓବାଦୀ ମାନେ ଆତ୍ମସମର୍ପଣ କରିଛନ୍ତି।
ରାଜ୍ୟରେ ବିଜେପି ସରକାର ଆସିଲା ପରେ ବହୁ ଅନୁଷ୍ଠାନ ପଙ୍ଗୁ: କଂଗ୍ରେସ
ଭୁବନେଶ୍ବର: ରାଜ୍ୟରେ ନାବାଳିକା ଓ ମହିଳା ନିର୍ଯାତନା ବୃଦ୍ଧି ପାଇଛି । ରାଜ୍ୟରେ ବିଜେପି ସରକାର ଆସିଲା ପରେ ବହୁ ଅନୁଷ୍ଠାନ ପଙ୍ଗୁ ହୋଇଯାଇଛି । ଓଡ଼ିଶା ଲୋକାୟୁକ୍ତ ପଦବୀ ବର୍ଷେ ହେବ ଖାଲି ପଡିଛି । ଶିଶୁ ସୁରକ୍ଷା କମିଶନ, ମହିଳା କମିଶନ ପଦବୀ ମଧ୍ୟ ଖାଲି ପଡ଼ିଛି l ବିଜେପି ରାଜ୍ୟରେ ଏକଛତ୍ରବାଦ ଶାସନ କରିବା ପାଇଁ ଏହି ପଦବୀକୁ ଖାଲି ରଖିଛି ବୋଲି ଅଭିଯୋଗ କରିଛି କଂଗ୍ରେସ । ଏକ ସାମ୍ବାଦିକ ସମ୍ମିଳନୀ କରି ରାଜ୍ୟ ସରକାରଙ୍କ ଉପରେ ବର୍ଷିଛି କଂଗ୍ରେସ । କଂଗ୍ରେସ ମୁଖପାତ୍ର ନିଶିକାନ୍ତ ମିଶ୍ର ପ୍ରଶ୍ନ କରିଛନ୍ତି, କେଉଁ ଆଧାରରେ ରାଜ୍ୟ ସରକାର ମହିଳା କମିଶନ ଓ ଏହାର ସମସ୍ତ ସଦସ୍ୟଙ୍କୁ କଢାଗଲା ? ରାଜ୍ୟ ସରକାର ଆଇନକୁ ସମ୍ମାନ ଦେଉଥିଲେ ତୁରନ୍ତ ଏହି ପଦବୀ ପୂରଣ କରନ୍ତୁ l ୪ ସପ୍ତାହ ମଧ୍ୟରେ ଖାଲି ପଡ଼ିଥିବା ପଦବୀ ପୂରଣ ନକଲେ କଂଗ୍ରେସ ଆନ୍ଦୋଳନକୁ ଓହ୍ଲାଇବ ବୋଲି ଚେତାବନୀ ଦେଇଛି l ସେହିପରି ସାମ୍ବାଦିକ ସମ୍ମିଳନୀରେ ଯୁବ କଂଗ୍ରେସ ସଭାପତି ରଞ୍ଜିତ ପାତ୍ର କହିଛନ୍ତି, ଓଡ଼ିଆ ଅସ୍ମିତା କଥା କହି ବିଜେପି ସରକାରକୁ ଆସିଥିଲା l ନିର୍ବାଚନୀ ପ୍ରତିଶ୍ରୁତି ଦେଇଥିଲା ବର୍ଷକୁ ୭୦ ହଜାର ନିଯୁକ୍ତି ଦିଆଯିବ । ହେଲେ ମାତ୍ର ୭ ହଜାର ନିଯୁକ୍ତି ଦେଇଛନ୍ତି l ଓଡିଆ ଯୁବକ ଓ ଯୁବତୀମାନେ ବାହାର ରାଜ୍ୟକୁ ଯାଇ ଦାଦନ ଖଟୁଛନ୍ତି l ବର୍ଷ ପୂର୍ତ୍ତି ରେ ଆମେ ଜବାବ ମାଗୁଛୁ ମୁଖ୍ୟମନ୍ତ୍ରୀ ଜବାବ ଦିଅନ୍ତୁ l ନହେଲେ ଯୁବ କଂଗ୍ରେସ ରାଜ୍ୟବ୍ୟାପୀ ଆନ୍ଦୋଳନ କରିବ l ବାହାର ରାଜ୍ୟର କମ୍ପାନୀମାନେ ଏଠାରେ କାମ କରୁଛନ୍ତି l ହେଲେ ଓଡ଼ିଶାକୁ ନିଯୁକ୍ତି ନାହିଁ l ଏହା ଚଳିବନି ବୋଲି କହିଛନ୍ତି ରଞ୍ଜିତ । ବିଜେପି ସରକାରରେ ଅଣ ଓଡ଼ିଆ ନିଯୁକ୍ତି ବଢ଼ିଛି l ଏହା କଣ ବିଜେପି ସରକାରର ଓଡ଼ିଆ ଅସ୍ମିତା l ଓଡ଼ିଶାରେ ଓଡ଼ିଆ ମାନେ ଆଜି କାନ୍ଦୁଛନ୍ତି l ଅଣ ଓଡ଼ିଆ ଠିକାସଂସ୍ଥା ଆଜି ଓଡ଼ିଶାରେ କାମ କରୁଛନ୍ତି l ଓଡ଼ିଆ ଠିକାଦାର ମାନେ କାମ ପାଉନାହାଁନ୍ତି l ଏହା କଣ ଓଡିଆମାନଙ୍କ ପ୍ରତି ସ୍ୱାଭିମାନ l ୯୦ ପ୍ରତିଶତ କାମ ଏବେ ଅଣ ଓଡିଆ ଠିକାଦାର କାମ କରୁଛନ୍ତି l ରାଜ୍ୟରେ କଣ ଓଡିଆ ଠିକାଦାର ନାହାନ୍ତି କି ? ଓଡ଼ିଶାକୁ ବିକ୍ରି କରିଦେବାକୁ ସରକାର ଯୋଜନା କରିଛନ୍ତି l ଖଣିଖାଦାନକୁ ଅଣ ଓଡ଼ିଆ କମ୍ପାନୀ ମାନେ ଉତ୍ତୋଳନ କରୁଛନ୍ତି l ହେଲେ ଓଡିଆ ଠିକାଦାର ମାନେ କାମ ପାଉନାହାଁନ୍ତି l ଓଡ଼ିଆ ଲୋକଙ୍କୁ ସରକାର କାମ ଦିଅନ୍ତୁ ବୋଲି ଦାବି କରିଛନ୍ତି ଯୁବ କଂଗ୍ରେସ ନେତା ୟାସିର ନୱାଜ ।
ମିଳିଲା ଅଢ଼େଇ ଟନ୍ ବିସ୍ଫୋରକ, ମାଟି ତଳେ ଲୁଚାଇ ରଖିଥିଲେ ମାଓବାଦୀ
ରାଉରକେଲା: ୫ ଟନ ବିସ୍ଫୋରକ ମାଓବାଦୀ ଲୁଟି ନେବା ମାମଲାରେ ଆଜି ମିଳିଲା ଅଢ଼େଇ ଟନ୍ ବିସ୍ଫୋରକ । ସରଣ୍ଡା ଜଙ୍ଗଲରୁ ଅଢେଇ ଟନ ବିସ୍ଫୋରକ ଜବତ ହୋଇଛି । ସୁରକ୍ଷା ବାହିନୀ ଏହି ବିସ୍ଫୋରକ ଜବତ କରିଛି । ଓଡ଼ିଶା–ଝାଡଖଣ୍ଡ ପୋଲିସର ସର୍ଚ୍ଚ ଅପରେସନ ବେଳେ ମିଳିଲା ବିସ୍ଫୋରକ ।
ଗତ ମଙ୍ଗଳବାର ରାତିରେ ଲୁଟ ହୋଇଥିଲା ବିସ୍ଫୋରକ । ବାଙ୍କୋ ଅଂଚଳରୁ ଲୁଟ୍ ହୋଇଥିଲା ଏହି ବିସ୍ଫୋରକ । ୪୦ରୁ ଅଧିକ ମାଓବାଦୀ ବିସ୍ଫୋରକ ଲୁଟି ନେଇଥିଲେ । ସୁନ୍ଦରଗଡ଼ କେ-ବଲାଙ୍ଗ ବାଙ୍କୋ ପଥର ଖଣି ନିକଟରୁ ୫ ହଜାର କେଜି ଓଜନର ବିସ୍ଫୋରକ ସାମଗ୍ରୀ ମାଓବାଦୀ ଲୁଟି ନେଇଥିଲେ । ଲୁଟ ବିସ୍ଫୋରକ ଜବତ ପାଇଁ କମ୍ବିଂ ଓ ସର୍ଚ୍ଚ ଅପରେସନକୁ ଜୋରଦାର କରାଯାଇଥିଲା ।
ସରଣ୍ଡା ଜଙ୍ଗଲରେ ମାଓବାଦୀଙ୍କ କ୍ୟାମ୍ପ ଚାଲିଥିବା ସୂଚନା ପାଇ ଓଡିଶା-ଝାଡଖଣ୍ଡ ପୋଲିସ ପକ୍ଷରୁ ଚଢ଼ାଉ କରାଯାଇଥିଲା । ଚଢ଼ାଉ ସମୟରେ ପୋଲିସ ମାଓବାଦୀଙ୍କ ମଧ୍ୟରେ ଗୁଳି ବିନିମୟ ହୋଇଥିଲା । ଏହି ସମୟରେ ମାଓବାଦୀଙ୍କ ବ୍ୟବହୃତ ବିଭିନ୍ନ ସାମଗ୍ରୀ ଜବତ କରାଯିବା ସହ ଏକ କ୍ଵିଣ୍ଟାଲରୁ ଅଧିକ ଜିଲୋଟିନ ବିସ୍ଫୋରକ ସାମଗ୍ରୀ ଜବତ ହୋଇଥିଲା । ଏହାସହ ଲୁଟ ହୋଇଥିବା ବିପୁଳ ପରିମାଣର ବିସ୍ଫୋରକ ସାମଗ୍ରୀ ମଧ୍ୟ ଜଵତ କରାଯାଇଥିଲା ।
ରାଜୀବ ଶୁକ୍ଳା ହେବେ ବିସିସିଆଇର ନୂଆ ସଭାପତି
ନୂଆଦିଲ୍ଲୀ: ରାଜୀବ ଶୁକ୍ଳା ହେବେ ବିସିସିଆଇର ନୂଆ ସଭାପତି । ସେ ଆସନ୍ତା ମାସରେ ବର୍ତ୍ତମାନର ଅଧକ୍ଷ ରୋଜର ବିନିଙ୍କ ସ୍ଥାନ ନେବେ । ସମ୍ବାଦ ସରବରାହ ସଂସ୍ଥା ପିଟିଆଇ ସୂତ୍ରରୁ ଏହି ଖବର ପ୍ରକାଶ ପାଇଛି । ୭୦ ବର୍ଷିୟ ବିନିଙ୍କ ଆସନ୍ତା ଜୁଲାଇ ୧୯ ତାରିଖରେ କାର୍ଯ୍ୟକାଳ ସରୁଛି । ଶୁକ୍ଳାଙ୍କୁ ପ୍ରଥମ ୩ ମାସ ପାଇଁ BCCIର କାର୍ଯ୍ୟକାରୀ ସଭାପତି କରାଯିବ । ତାଙ୍କୁ ୬୫ ବର୍ଷ ବୟସ ହୋଇଛି । ସେପ୍ଟେମ୍ବରରେ ବିସିସିଆଇର ବାର୍ଷିକ ସାଧାରଣ ବୈଠକ ଅନୁଷ୍ଠିତ ହେବା ପରେ ଶୁକ୍ଳାଙ୍କୁ ପୂର୍ଣ୍ଣକାଳୀନ କରାଯିବ ।
ରୋଜର ବିନି ଅକ୍ଟୋବର ୨୦୨୨ରେ BCCIର ମୁଖ୍ୟ ଭାବେ ଦାୟିତ୍ବ ଗ୍ରହଣ କରିଥିଲେ । ସେ ପୂର୍ବତନ ଅଧ୍ୟକ୍ଷ ସୌରଭ ଗାଙ୍ଗୁଲିଙ୍କ ସ୍ଥାନ ନେଇଥିଲେ । ଜୁଲାଇ ୧୯ ତାରିଖରେ ତାଙ୍କୁ ୭୦ ବର୍ଷରେ ପଦାର୍ପଣ କରୁଛନ୍ତି । ଏଥିପାଇଁ ତାଙ୍କ କାର୍ଯ୍ୟକାଳ ଶେଷ ହେଉଛି । ଜଷ୍ଟିସ ଲୋଧା କମିଟି ସୁପାରିଶ ଉପରେ ସୁପ୍ରିମକୋର୍ଟଙ୍କ ନିଷ୍ପତ୍ତି ଅନୁସାରେ ବିସିସିଆଇର ଅଧିକାରୀ ୭୦ ବର୍ଷରୁ ଅଧିକ ବୟସର ହୋଇ ପାରିବେ ନାହିଁ ।