ପୁରୀ: ରଥଯାତ୍ରାରେ ଆଦାନୀ ଗ୍ରୁପ ସେବାର ଅପୂର୍ବ ନମୁନା ପ୍ରଦର୍ଶନ କରିଛନ୍ତି। ବିଶ୍ୱର ଧନୀ ବ୍ୟକ୍ତି ଭାବେ ଜଣାଶୁଣା ଗୌତମ ଆଦାନୀ ଓ ଆଦାନୀ ଗ୍ରୁପ ଭାରତର ଆଧ୍ୟାତ୍ମିକ ଓ ସାଂସ୍କୃତିକ ଜୀବନରେ ସିଧାସଳଖ ସେବକ ଭାବେ ଉଭା ହୋଇଛନ୍ତି। ସେବା ହିଁ ସାଧନା ରେ ବିଶ୍ୱାସ ରଖୁଥିବା ଗୌତମ ଆଦାନୀଙ୍କ ଆଦାନୀ ଗ୍ରୁପ ପୁରୀ ରଥଯାତ୍ରାରେ ୨୬ ତାରିଖରୁ ଜୁଲାଇ ଆଠ ତାରିଖ ପର୍ଯ୍ୟନ୍ତ ଲକ୍ଷ ଲକ୍ଷ ଜଗନ୍ନାଥ ପ୍ରେମୀ, ଭକ୍ତ ଓ ଶ୍ରଦ୍ଧାଳୁଙ୍କ ସମେତ ଅଧିକାରୀଙ୍କୁ ମଧ୍ୟ ସେବା ଯୋଗାଇ ଦେବାର କାର୍ଯ୍ୟରେ ନିୟୋଜିତ। ଏହି କ୍ରମରେ ରଥଯାତ୍ରା ସମୟରେ ଶ୍ରଦ୍ଧାଳୁଙ୍କୁ ୪୦ ଲକ୍ଷ ପ୍ରସାଦ ବଣ୍ଟନ ସହିତ ପାନୀୟ ମାଗଣାରେ ଯୋଗାଇ ଦିଆଯାଉଛି। ସେହିପରି ସହରରେ ଫୁଡ଼ କାଉଣ୍ଟର ସହ ସ୍ଵଛ ଓ ଗୁଣାତ୍ମକ ଖାଦ୍ୟ ଓ ଗରମରୁ ସୁରକ୍ଷା ଦେବା ପାଇଁ ଥଣ୍ଡା ପାନୀୟ ଉଭୟ ଭକ୍ତ ଓ ଅଫିସିଆଲ ମାନଙ୍କୁ ଯୋଗାଇ ଦିଆଯାଉଛି। ସେହିପରି ସମୁଦ୍ର ବେଳାଭୂମିରେ ଲାଇଫଗାର୍ଡଙ୍କୁ ସହାୟତା ଦେବା ସହ ମନୋବଳ ବଢାଇବାକୁ ଆଦାନୀ ଗ୍ରୁପ ଉଦ୍ୟମ କରିଛି। ସେହିପରି ବେଳାଭୂମିରୁ ପ୍ଲାଷ୍ଟିକ ସଫା କରିବା ସହ ପ୍ଲାଷ୍ଟିକ ବର୍ଯ୍ୟକୁ ସଫା କରିବା କାର୍ଯ୍ୟ କରୁଛନ୍ତି। ସେହିପରି ପୌର କର୍ମଚାରୀ ଓ ଅନ୍ୟ ଅଫିସିଆଲ ଓ ଭକ୍ତ ମାନଙ୍କୁ ଜ୍ୟାକେଟ, ରେନକୋଟ, ଟୋପି ଓ ଛତା ଆଦି ଯୋଗାଇଦେଇଛି ଆଦାନୀ ଗ୍ରୁପ। ଯାହାକୁ ନେଇ ଭକ୍ତ ଓ ଶ୍ରଦ୍ଧାଳୁ ମାନେ ଖୁସି ବ୍ୟକ୍ତ କରିବା ସହ ଆଦାନୀ ଗ୍ରୁପର ସେବା ମନୋଭାବକୁ ପ୍ରଶଂସା କରିଛନ୍ତି।

ପୁରୀ ଜିଲ୍ଲା ପ୍ରଶାସନ, ଇସ୍କନ ଓ ସ୍ଥାନୀୟ ସ୍ୱେଚ୍ଛାସେବୀ ସଂସ୍ଥା ସହ ହାତ ମିଳାଇ ପୁରୀରେ ସେବା କାର୍ଯ୍ୟକୁ ତ୍ୱରାନ୍ୱିତ କରିଛି ଆଦାନୀ ଗ୍ରୁପ। ଆଦାନୀ ଫାଉଣ୍ଡେସନ ମାଧ୍ୟମରେ ଓଡ଼ିଶାର ଗ୍ରାମାଞ୍ଚଳରେ ସ୍ୱାସ୍ଥ୍ୟସେବା, ବିଦ୍ୟାଳୟ ଭିତ୍ତିଭୂମି, ଜୀବନଜୀବିକା ପାଇଁ କାର୍ଯ୍ୟ କରି ଆସୁଥିବା ଆଦାନୀ ଗ୍ରୁପ ଏବେ ଆଧ୍ୟାତ୍ମିକ ସେବା କ୍ଷେତ୍ରରେ ନିଜକୁ ନିୟୋଜିତ କରିଛି। ୪୫ ଦିନିଆ ମହାକୁମ୍ଭ ମେଳାରେ ପ୍ରୟାଗରାଜରେ ଶ୍ରଦ୍ଧାଳୁଙ୍କୁ ଖାଦ୍ୟ ବଣ୍ଟନ ସହ ଅନ୍ୟାନ୍ୟ ସେବା ଯୋଗାଇଥିଲେ। ଏହି ସେବାରେ ଗୌତମ ଆଦାନୀ ନିଜେ ସାମିଲ ହୋଇଥିବା ବେଳେ ପୁରୀରେ ମଧ୍ୟ ସେବାରେ ସାମିଲ ହୋଇଛନ୍ତି। ଯାହାକି ଗ୍ରୁପର ସେବା ମନୋଭାବକୁ ଏକ ସାଇଡ଼ଲାଇନ ଆକ୍ଟିଭିଟି ନୁହେଁ ବରଂ ଏକ ପ୍ରମୁଖ ଦାୟିତ୍ୱର ଭୂମିକା ବୋଲି ଦର୍ଶାଇଛି। ଏସବୁକୁ ନେଇ ସବୁ ବର୍ଗ ଆଦାନୀ ଗ୍ରୁପର ଉଦ୍ୟମ ଓ କାର୍ଯ୍ୟକୁ ପ୍ରଶଂସା କରିଛନ୍ତି।

ରଥଯାତ୍ରାରେ ଏହି ସେବା ପ୍ରଦାନ କରିବାକୁ ଆଦାନୀ ଗ୍ରୁପ ଲମ୍ବା ସମୟ ପୂର୍ବରୁ ଅନ୍ୟାନ୍ୟ ସହଯୋଗୀ ମାନଙ୍କ ସହ ଯୋଜନା କରିଥିଲେ। ଗ୍ରୁପର ସ୍ୱେଚ୍ଛାସେବୀଙ୍କ ସମେତ ସ୍ଥାନୀୟ ସ୍ୱେଚ୍ଛାସେବୀଙ୍କୁ ସାମିଲ କରି ଲକ୍ଷ ଲକ୍ଷ ଶ୍ରଦ୍ଧାଳୁଙ୍କୁ ସେବା ଯୋଗାଇ ଦିଆଯାଉଛି। ପ୍ରୟାଗରାଜ ହେଉ କିମ୍ବା ପୁରୀ ଆଦାନୀ ଗ୍ରୁପ ଦ୍ୱାରା ସେବାର ଏହି ନିଦର୍ଶନ ଆଧୁନିକ ଭାରତର ବ୍ୟବସାୟ କିଭଳି ଦେଶର ଆଧ୍ୟାତ୍ମିକ ପରମ୍ପରା କିଭଳି ହାତରେ ହାତ ଧରି ଚାଲିପାରିବେ ତାର ଉଦାହରଣ ସୃଷ୍ଟି କରିଛି।

ବାଲେଶ୍ୱର: ଉତ୍ତର ବାଲେଶ୍ୱରରେ ଲାଗି ରହିଛି ବନ୍ୟା ସ୍ଥିତି। ବିପଦ ସଂକେତ ଉପରେ ପ୍ରବାହିତ ସୁବର୍ଣ୍ଣରେଖା। ସୁବର୍ଣ୍ଣରେଖା ନଦୀର ବିପଦ ସଂକେତ ରାଜଘାଟ ଠାରେ ୧୦.୩୬ ମିଟର ଥିବାବେଳେ ସକାଳ ୯ଟାରେ ୧୦.୭୧ ମିଟରରେ ପ୍ରବାହିତ ହେଉଛି। ଜଳକାରେ ବିପଦ ସଙ୍କେତ ୬. ୫ ମିଟର ଥିବାବେଳେ ୬.୪୮ ମିଟରରେ ଜଳ ପ୍ରବାହିତ ହେଉଛି। ଜାମଶୋଲାଘାଟରେ ବିପଦ ସଙ୍କେତ ୪୯.୧୬ ମିଟର ଥିବାବେଳେ ୪୯.୮ ମିଟରରେ ପ୍ରବାହିତ ହେଉଛି। ଏବେବି ୩୦ରୁ ଅଧିକ ପଞ୍ଚାୟତ ପାଣି ଘେରରେ ରହିଛନ୍ତି । ସୁବର୍ଣ୍ଣରେଖାର ବନ୍ୟା ଜଳ ପାଇଁ ଜଳେଶ୍ଵର, ବସ୍ତା, ବାଲିଆପାଳ, ଭୋଗରାଇ, ରେମୁଣା, ସଦର ବ୍ଳକର ୪୬ଟି ପଞ୍ଚାୟତ ପ୍ରଭାବିତ ହୋଇଛି । ଗାଁ ରାସ୍ତାରେ ଚାଲୁଛି ଆଣ୍ଠୁଏ ଉଚ୍ଚର ପାଣି । ଚାଷ ଜମି ଜଳମଗ୍ନ ହୋଇଛି ।  ଚାରିଆଡେ ସୃଷ୍ଟି ହୋଇଛି ନଦୀର ଭ୍ରମ । ଗାଲୁଡି ବ୍ୟାରେଜର ଗେଟ ଖୋଲିବା ଫଳରେ ନଦୀରେ ବନ୍ୟା ପାଣି ଆସି ଉତ୍ତର ବାଲେଶ୍ବରକୁ ଜଳମଗ୍ନ କରିଚି । ଉପରେ ମୁଣ୍ଡରେ ଅଧିକ ବର୍ଷାରେ ଭୟାବହ ସ୍ଥିତି ଉପୁଜିବାର ଆଶଙ୍କା କରାଯାଇଛି । ସେପଟେ ବୁଢାବଳଙ୍ଗ ନଦୀର ବନ୍ୟା ଜଳ ବି କିଛି ଅଞ୍ଚଳରେ ପ୍ରବେଶ କରିଛି । ଜିଲ୍ଲାରେ ପ୍ରାୟ ୩ ହଜାର ଲୋକଙ୍କୁ ଆଶ୍ରୟସ୍ଥଳୀକୁ ସ୍ଥାନାନ୍ତର କରାଯାଇଛି । ସବୁ ସ୍ଥାନରେ ଓଡ୍ରାଫର ୪  ଓ ଅଗ୍ନିଶମ ବିଭାଗର ୮ ଟି ଟିମ ମୁତୟନ ରହିଛନ୍ତି । ବିଛିନ୍ନ ଅଞ୍ଚଳକୁ SRC ବୋଟ ମାଧ୍ୟମରେ ଲୋକଙ୍କୁ ଯିବା ଆସିବା ସୁବିଧା ଯୋଗାଇ ଦିଆଯାଉଛି। ଏଥିସହିତ ୨୪ ଘଣ୍ଟିଆ ଜରୁରୀକାଳୀନ ନମ୍ବର ଜାରି କରାଯିବା ସହିତ ବରିଷ୍ଠ ଅଧିକାରୀମାନଙ୍କୁ ବିଭିନ୍ନ ବ୍ଲକ ଦାୟିତ୍ୱ ଦେଇଛନ୍ତି ଜିଲ୍ଲାପାଳ।…

ଭୁବନେଶ୍ବର: ବିଏମସି ଅତିରିକ୍ତ କମିଶନରଙ୍କୁ ଆକ୍ରମଣ ଘଟଣା। ଅନିର୍ଦ୍ଦିଷ୍ଟ କାଳ ପାଇଁ ସମୂହ ଛୁଟିରେ ଯିବାକୁ ଓଏଏସ୍ ସଂଘର ନିଷ୍ପତ୍ତି ସାମୟିକ ସ୍ଥଗିତ। କଳା ବ୍ୟାଜ୍ ପିନ୍ଧି କାର୍ଯ୍ୟରେ ଯୋଗ ଦେଲେ ବିଏମସି କର୍ମଚାରୀ । ସମସ୍ତ ଅଭିଯୁକ୍ତ ଗିରଫ ନହେବା ପର୍ଯ୍ୟନ୍ତ ପ୍ରତିବାଦ ଜାରି ରଖିବାକୁ ଦେଇଥିଲେ ଚେତାବନୀ। ମୁଖ୍ୟ ଶାସନ ସଚିବ, ପୋଲିସ ଡିଜିଙ୍କ ସହ ଆଲୋଚନା ପରେ ସମୂହ ଛୁଟିରେ ଯିବାକୁ ନିଷ୍ପତ୍ତି ସାମୟିକ ସ୍ଥଗିତ ରହିଛି।  ଏହା କେବଳ ଗୋଟିଏ ଘଟଣା ନୁହେଁ, ବର୍ଷକ ଭିତରେ ସରକାରୀ ଅଧିକାରୀଙ୍କ ଉପରେ ଆକ୍ରମଣ ବଢିବାରେ ଲାଗିଛି। ଯାହାକି ସରକାରୀ ଅଧିକାରୀଙ୍କୁ ବିଚଳିତ କରିବା ସହ ଆତ୍ମସମ୍ମାନକୁ ଆଘାତ ଦେଉଛି। ଜଣେ କର୍ତ୍ତବ୍ୟରତ ଅଧିକାରୀଙ୍କୁ ଆକ୍ରମଣ ପ୍ରାଶାସନିକ ବ୍ୟବସ୍ଥାକୁ ଆକ୍ରମଣ ସହ ସମାନ। ଏଣିକି ସମସ୍ତ ସରକାରୀ କାର୍ଯ୍ୟାଳୟରେ ଅଧିକାରୀଙ୍କ ସୁରକ୍ଷା ସୁନିଶ୍ଚିତ କରିବାକୁ ଦାବି କରିଛନ୍ତି ଓଏଏସ ଅଧିକାରୀ। ଯେପର୍ଯ୍ୟନ୍ତ ସୁରକ୍ଷା ସୁନିଶ୍ଚିତ କରିନାହାନ୍ତି, ସେ ପର୍ଯ୍ୟନ୍ତ ଅନିର୍ଦ୍ଦିଷ୍ଟ କାଳ ପାଇଁ ସମୁହ ଛୁଟିରେ ରହିବେ କହିଥିଲେ। ମୁଖ୍ୟ ଶାସନ ସଚିବ ଓ ପୋଲିସ ଡିଜିଙ୍କୁ ଭେଟିବା ପରେ ନିଷ୍ପତ୍ତି ସ୍ଥଗିତ ରହିଛି। ସେପଟେ ଆଜି କଳା ବ୍ୟାଜ୍ ପିନ୍ଧି ଅଫିସରେ ଯୋଗ ଦେଇଛନ୍ତି  ବିଏମସି କର୍ମଚାରୀ।

ନୟାଗଡ: ନୟାଗଡ ଜିଲ୍ଲା ମୁଖ୍ୟ ଚିକିତ୍ସାଳୟରେ ଅଭାବନୀୟ ଘଟଣା । ମୋବାଇଲ ଟର୍ଚ୍ଚ ଲାଇଟରେ ଚିକିତ୍ସା କରାଯାଇଛି । ୪ ଘଣ୍ଟା ଧରି ବିଦ୍ୟୁତ ନଥିବାରୁ ମୋବାଇଲ୍ ଟର୍ଚ୍ଚ ଲାଇଟରେ ଚିକିତ୍ସା ଚାଲୁଥିବା ଦେଖିବାକୁ ମିଳିଛି । ଅପରାହ୍ନ ୪ଟାରୁ ଜିଲ୍ଲା ମୁଖ୍ୟ ଚିକିତ୍ସାଳୟର ଜରୁରୀକାଳୀନ ଚିକିତ୍ସା ୱାର୍ଡ, ମେଡିସିନ୍ ଏବଂ ସର୍ଜରୀ ୱାର୍ଡରେ ଏହି ଅସୁବିଧା ଦେଖିବାକୁ ମିଳିଥିଲା । ଏପରିକି ଏହି ସମୟରେ ଦୁର୍ଘଟଣାର ଶିକାର ହୋଇ ମେଡିକାଲ ଆସିଥିବା ଦୁଇଜଣ ରୋଗୀଙ୍କୁ ମଧ୍ୟ ମୋବାଇଲ ଟର୍ଚ୍ଚ ଲାଇଟରେ ଡ୍ରେସିଂ କରାଯାଇଥିଲା । ସେହିପରି ଡାକ୍ତର ମଧ୍ୟ ମୋବାଇଲ୍ ଟର୍ଚ୍ଚ ଲାଇଟରେ ୱାର୍ଡ ବୁଲି ରୋଗୀ ଦେଖୁଥିବା ଦେଖିବାକୁ ମିଳିଥିଲା । ରୋଗୀମାନେ ଗରମରେ ସିଝୁଥିବା ବେଳେ ସାଲାଇନ୍, ଇଞେକସନ୍ ବନ୍ଦ କରାଯାଇଥିବା ଅଭିଯୋଗ ହୋଇଛି । ପ୍ରାୟ ୩ଘଣ୍ଟା ପରେ ଜରୁରୀକାଳୀନ ଚିକିତ୍ସା ୱାର୍ଡରେ ବିଦ୍ୟୁତ ଆସିଥିଲେ ମଧ୍ୟ  ଅନ୍ୟ ୱାର୍ଡ ଗୁଡିକରେ ଲାଇଟ୍ ଆସିନଥିଲା । ଯାହାକୁ ନେଇ ମେଡିକାଲରେ ଉତ୍ତେଜନା ଦେଖାଦେଇଥିଲା ।

ପୁରୀ: ଶ୍ରୀମନ୍ଦିରରେ ଅନୁଷ୍ଠିତ ହେବ ହେରାପଞ୍ଚମୀ ନୀତି । ସାରା ବିଶ୍ୱ ଆଜି ଦେଖିବ ସ୍ୱାମୀ ସ୍ତ୍ରୀ ମଧ୍ୟରେ କଳହ। ଶ୍ରୀଜଗନ୍ନାଥ ସଂସ୍କୃତି ପରମ୍ପରାରେ ଏହାକୁ ସ୍ଥାନ ଦେଇଛନ୍ତି ମହାପ୍ରଭୁ। ବିଧି ପରମ୍ପରା ପୂର୍ବକ ଆଡପ ମଣ୍ଡପରେ ବିରାଜିତ ମହାପ୍ରଭୁଙ୍କୁ ଦର୍ଶନ କରିବା ପାଇଁ ମହାଲକ୍ଷ୍ମୀ ଶ୍ରୀଗୁଣ୍ଡିଚା ମନ୍ଦିରକୁ ବିଜେ କରିବେ । ରୁକ୍ମଣୀ ହରଣ ଏକାଦଶୀ ଦିନ ମହାପ୍ରଭୁ ଶ୍ରୀଜଗନ୍ନାଥଙ୍କ ସହ ମହାଲକ୍ଷ୍ମୀଙ୍କ ବିବାହ ଯଥା ବିଧି ଆଧାରରେ ସମ୍ପର୍ଣ୍ଣ ହୋଇଥିଲା । ଗଇଁଠାଳ ଫିଟି ନଥିବା ବେଳେ ମହାପ୍ରଭୁ ଅସୁସ୍ଥ ହୋଇ ଅଣସର ପିଣ୍ଡିରେ ଚିକିତ୍ସିତ ହେଉଥିଲେ । ସୁସ୍ଥ ହେବା ପରେ ବଡଭାଇ ଓ ଭଉଣୀଙ୍କ ସାଙ୍ଗରେ ନେଇ  ଜନ୍ମବେଦୀକୁ ଯାତ୍ରା କରିଛନ୍ତି ମହାପ୍ରଭୁ । ଦୀର୍ଘଦିନ ଧରି ମହାପ୍ରଭୁଙ୍କ ସହ ମହାଲକ୍ଷ୍ମୀଙ୍କ ସାକ୍ଷାତ ହୋଇନାହିଁ । ମହାଲକ୍ଷ୍ମୀ ବ୍ଯସ୍ତ ବିବ୍ରତ ହୋଇପଡିଛନ୍ତି । ହେରାପଞ୍ଚମୀ ଦିନ ଅର୍ଥାତ ଆଜି ମହାପ୍ରଭୁଙ୍କୁ ଦର୍ଶନ କରିବା ପାଇଁ ଶ୍ରୀଗୁଣ୍ଡିଚା ମନ୍ଦିର ଅଭିମୁଖେ ଯାତ୍ରା କରିବେ ମହାଲକ୍ଷ୍ମୀ । ସେପଟେ ମହାଲକ୍ଷ୍ମୀଙ୍କ ଆଗମନ ଖବର ପହଞ୍ଚିବା ପରେ ମହାପ୍ରଭୁ  ଦତ୍ତମହାପାତ୍ର ସେବକଙ୍କ ଦ୍ୱାରା ବନକଲାଗି ହୋଇଛନ୍ତି । ଆଜି ସଂଧ୍ୟା ଆଳତୀ ପରେ ବିମାନରେ ପଟୁଆରରେ ମହାଲକ୍ଷ୍ମୀ ଶ୍ରୀମନ୍ଦିରରୁ ବାହାରି ଗୁଣ୍ଡିଚା ମନ୍ଦିର ଅଭିମୁଖେ ଯାତ୍ରା କରିବେ। ନନ୍ଦିଘୋଷ ରଥ ନିକଟରେ ମହାଲକ୍ଷ୍ମୀ ପହଞ୍ଚିବା ପରେ ପତ୍ତିମହାପାତ୍ର ସେବାୟତ କର୍ପୂର ବନ୍ଦାପନା,ବଳିତା ବନ୍ଦାପନା,ଚାଉଳ ବନ୍ଦାପନା ଇତ୍ୟାଦି କରିବେ। ସେପଟେ ଗୁଣ୍ଡିଚା ମନ୍ଦିରକୁ ମହାଲକ୍ଷ୍ମୀ ଯିବାବେଳେ ମହାପ୍ରଭୁଙ୍କ ଠାରୁ ମୁଖଚୁମ୍ବିତ ଅଧରମାଳା ମହାଲକ୍ଷ୍ମୀଙ୍କୁ ପ୍ରଦାନ କରାଯିବ। ସେହି ସମୟରେ ସଂଧ୍ୟାଧୂପ ଚାଲିଥିବା ବେଳେ ଟେରା ପଡିଥିବ। ମହାପ୍ରଭୁଙ୍କ ଭେଟ ନପାଇ ରାଗରେ ଅଭିମାନ କରିବେ ମା ମହାଲକ୍ଷ୍ମୀ। ସେପଟେ ରାଗ ଜର୍ଜରିତ ଅଭିମାନୀନି ମହାଲକ୍ଷ୍ମୀ ନାକଚଣା ଦ୍ୱାର ଦେଇ ପ୍ରସ୍ଥାନ କରିବା ସମୟରେ ଭିତରଚ୍ଛ ମହାପାତ୍ର ଦହିପଟି ମଣୋହି ନୀତି କରିବେ। ଏହାପରେ ଅଭିମାନୀନି  ମହାଲକ୍ଷ୍ମୀ   ନନ୍ଦିଘୋଷ ରଥର ଚକ ଭାଙ୍ଗି ବଡଦାଣ୍ଡ ଦେଇ ହେରାଗୋହିରୀ ସାହି ଦେଇ ଶ୍ରୀମନ୍ଦିର ଭିତରକୁ ପ୍ରସ୍ଥାନ କରିବେ। ଏହାପରେ ତିନିରଥକୁ ଦକ୍ଷିଣମୋଡ କରି ମହାପ୍ରଭୁ ବାହୁଡାଯାତ୍ରା ପାଇଁ ନିର୍ଦ୍ଦେଶ ଦେବେ।…..

ଭୁବନେଶ୍ବର: ବିଏମସିର ଓଏଏସ ଅଫିସର ରତ୍ନାକର ସାହୁଙ୍କୁ ବିଜେପି ନେତାଙ୍କ ଆକ୍ରମଣ ମାମଲା। ପ୍ରତିବାଦରେ ବିଏମସି ସଫେଇ କର୍ମଚାରୀମାନେ ଝାଡୁ ଛାଡ଼, ସଫେଇ ବନ୍ଦ ଆନ୍ଦୋଳନ କରିଛନ୍ତି । ଅତିରିକ୍ତ କମିଶନର ରତ୍ନାକର ସାହୁଙ୍କୁ ନ୍ୟାୟ ଦାବି କରିଛନ୍ତି ସଫେଇ କର୍ମଚାରୀ । ସେହିଭଳି ବଡଗଡ଼ ୫୭ ନମ୍ବର ୱାର୍ଡରେ ସ୍ୱଚ୍ଛ ସାଥୀ ମାନେ ହାତରେ କଳାବ୍ୟାଚ ବାନ୍ଧି ଧାରଣାରେ ବସିଛନ୍ତି । ଯେତେବେଳେ ବିଏମସି ବରିଷ୍ଠ ଅଧିକାରୀ ସୁରକ୍ଷା ନାହାନ୍ତି, ଆମେ କେମିତି ସୁରକ୍ଷିତ ରହିବୁ ବୋଲି ପ୍ରଶ୍ନ କରିଛନ୍ତି । କେବଳ ୩ ଜଣଙ୍କୁ ନୁହେଁ ମୁଖ୍ୟ ଷଡଯନ୍ତ୍ରକାରୀକୁ ଗିରଫ କରିବାକୁ ସେମାନେ ଦାବି କରିଛନ୍ତି । ଏ ନେଇ ଅଧିକ ଆଲୋଚନା କରିଛନ୍ତି ଆମ ପ୍ରତିନିଧି ଅରୁଣ ସାହୁ।।