କରୋନା ରୋଗୀଙ୍କ ରକ୍ତ ନମୁନାରୁ ବୈଜ୍ଞାନିକମାନଙ୍କୁ ଏକ ନୂଆ ପ୍ୟାଟର୍ନର ସନ୍ଧାନ କରିଛନ୍ତି । କରୋନା ଭୂତାଣୁ ସଂକ୍ରମଣ ରୋଗରେ ଶୀକାର ହୋଇଥିବା ବ୍ୟକ୍ତିମାନଙ୍କ ରୋଗ ପ୍ରତିରୋଧକ ସେଲରେ ଏକ ନିର୍ଦ୍ଦିଷ୍ଟ ମଲିକ୍ୟୁଲ ବିଶିଷ୍ଟ ପ୍ୟାଟର୍ନ ଦେଖିବାକୁ ମିଳିଛି । ବୟସ୍କଙ୍କ କ୍ଷେତ୍ରରେ ଏହି ପ୍ୟାଟର୍ନ ସ୍ୱାଭାବିକ ବୋଲି ମଧ୍ୟ ଅନୁମାନ ହେଉଛି । ଏନେଇ ବ୍ରିଟେନର ଲସନ୍ ନାମକ ଅନୁସନ୍ଧାନକାରୀ ସଂସ୍ଥା ସୂଚନା ଦେଇଛି । ଭୀଷଣ ଭାବେ ସଂକ୍ରମଣରେ ଆକ୍ରାନ୍ତ ଥିବା ବ୍ୟକ୍ତିମାନଙ୍କ ମଧ୍ୟରୁ ୬ଜଣ ରୋଗୀଙ୍କ ରକ୍ତ ନମୁନାରେ ଏହି ପ୍ୟାଟର୍ନ ଦେଖିବାକୁ ମିଳିଛି ।
ଏହି ରୋଗୀମାନଙ୍କର ରୋଗ ପ୍ରତିରୋଧକ ସିଷ୍ଟମ ଭୂତାଣର ମୁକାବିଲା କରିବା ପାଇଁ ଆବଶ୍ୟକତାଠାରୁ ଅଧିକ ପ୍ରତିକ୍ରିୟାଶୀଳ ହେଉଛି । ଯାହା ଫଳରେ ଶରୀର ମଧ୍ୟରେ କରୋନା ଦ୍ୱାରା ପ୍ରଭାବିତ ହୋଇନଥିବା ସୁସ୍ଥ ସେଲ ମଧ୍ୟ କ୍ଷତିଗ୍ରସ୍ତ ହେଉଛି ଓ କ୍ରମାଗତ ଭାବେ ନଷ୍ଟ ହେଉଛି । ଏହି ପ୍ରକ୍ରିୟାକୁ କିଟୋକିନ ଫ୍ରେମ୍ ବୋଲି କୁହାଯାଏ । ସାଧାରଣ ଭାବେ ଇନଫ୍ଲାମେସନକୁ ଶରୀରର ଏକ ସ୍ୱାଭାବିକ ପ୍ରକ୍ରିୟା ଭାବେ ବିଚାର କରଯାଏ । ମାତ୍ର ଏହା ମାତ୍ରାଧିକ ଭାବେ କାର୍ଯ୍ୟକାରୀ ହେବା ଫଳରେ ଶରୀରର ସୁସ୍ଥ ସେଲ ମଧ୍ୟ ପ୍ରଭାବିତ ହୁଏ, ଯାହା ଏବେ କିଛି ରୋଗୀଙ୍କ ଶରୀରରେ ଦେଖିବାକୁ ମିଳିଛି । ଏହା ମଧ୍ୟ ଉଲ୍ଲେଖଯୋଗ୍ୟ ଯେ କେବଳ ବୟୋଜ୍ୟେଷ୍ଠ ଲୋକଙ୍କ ମଧ୍ୟରେ ଏଯାବତ୍ ଏହି ସମସ୍ୟା ଦେଖାଦେଇଛି । ତେବେ ବ୍ରିଟେନର ଏହି ସଂସ୍ଥା ଏକଥା ଚିହ୍ନଟ କରିଥିଲେ ମଧ୍ୟ କିଭଳି ଭାବେ ସମସ୍ୟାକୁ ରୋକାଯିବ ସେନେଇ କୌଣସି ପ୍ରତିକ୍ରିୟା ରଖିନାହିଁ । ଲସନ୍ ଓ ଓ୍ୱେଷ୍ଟର୍ନ ସ୍କୁଲିଚ୍ ସ୍କୁଲ ଅଫ୍ ମେଡିସିନ୍ ଆଣ୍ଡ ଡେଣ୍ଟିଷ୍ଟି ସଂସ୍ଥା ୩୦ ଜଣ ରୋଗୀଙ୍କ ଉପରେ ଏହି ରିସର୍ଚ୍ଚ କରିଥିଲା । ଏମାନଙ୍କ ମଧ୍ୟରୁ ୧୦ ଜଣ କରୋନା ସଂକ୍ରମିତ, ୧୦ ଜଣ ଅଲଗା ରୋଗରେ ସଂକ୍ରମିତ ଥିବା ବେଳେ ୧୦ ଜଣ ସୁସ୍ଥ ଲୋକଙ୍କୁ ସାମିଲ କରାଯାଇଥିଲା । ସେମାନଙ୍କ ରକ୍ତ ନମୁନାରୁ ମିଳିଥିବା ତଥ୍ୟ ଆଧାରରେ କୁହାଯାଇଛି ଯେ ସେମାନଙ୍କ ରକ୍ତରେ ଟ୍ୟୁମର ନେକ୍ରୋସିସ୍, ଗ୍ରାଞ୍ଜାଇମ୍ ବି, ହିଟ୍ ସକ୍ ପ୍ରୋଟିନ୍ ସେଭେଣ୍ଟି, ଇଣ୍ଟର ଲିୟୁକିନ୍-୧୮, ଅଣ୍ଟରଫେରମ-ଗାମା-ଇଣ୍ଡୁଇସିଏବୁଲ ପ୍ରୋଟିନ-୧୦ ଓ ଇଲାଷ୍ଟିଜ୍ ରହିଛି ।
ଏହାପରେ ଆର୍ଟିଫିସିଆଲ୍ ଇଣ୍ଟେଲିଜେନ୍ସି ମାଧ୍ୟମରେ ଅନୁସନ୍ଧାନ କରିବା ପରେ ଜଣାପଡିଛି ଯେ କୋଭିଡ୍-୧୯ ସଂକ୍ରମିତଙ୍କ ମଧ୍ୟରେ ହିଁ ଏହି ମଲିକ୍ୟୁଲ ଦେଖିବାକୁ ମିଳିଛି । ଏଭଳି ଆଣ୍ଟିବଡିରେ ଶରୀରରେ ସ୍ୱାଭାବିକ ଭାବେ ବିକଶିତ ହୋଇନଥାଏ । ଏହାର କୁପ୍ରଭାବ ଏତେ ଯେ ବ୍ୟକ୍ତି ମୃତ୍ୟୁବରଣ କରିଥାଏ । ବିଶେଷ ଭାବେ ହିଟ୍ ସକ୍ ପ୍ରୋଟିନ୍ ସେଭେଣ୍ଟି ମଣିଷ ମୃତ୍ୟୁର ବଡ କାରଣ । ଏଣୁ ରୋଗ ପ୍ରତିରୋଧକ ଶକ୍ତି ମାତ୍ରାଧିକ ଭାବେ ପ୍ରତିକ୍ରିୟାଶୀଳ ହେବା ହେତୁ ହିଁ ବୟସ୍କମାନେ କରୋନା ଭୁତାଣୁ ସଂକ୍ରମିତ ହେବା ପରେ ମୃତ୍ୟୁମୁଖରେ ପଡନ୍ତି ବୋଲି ବ୍ରିଟେନର ଉକ୍ତ ସଂସ୍ଥା ପକ୍ଷରୁ କୁହାଯାଇଛି । ଅନ୍ୟପକ୍ଷରେ ଲସନ୍ ଓ ଓ୍ୱେଷ୍ଟର୍ନ ସ୍କୁଲିଚ୍ ସ୍କୁଲ ଅଫ୍ ମେଡିସିନ୍ ଆଣ୍ଡ ଡେଣ୍ଟିଷ୍ଟିର ବୈଜ୍ଞାନିକ କହିଛନ୍ତି ଯେ ଏବେ ଏହି ମଲିକ୍ୟୁଲଗୁଡିକର ପ୍ରଭାବକୁ ରୋକିବା ପାଇଁ ମେଡିସିନ୍ ପ୍ରସ୍ତୁତ କରିବା ଆମ ନିକଟରେ ସବୁଠାରୁ ବଡ ଆହ୍ୱାନ ।
ଶ୍ରୀଜଗନ୍ନାଥ ହେଉଛନ୍ତି ବଡ଼ ଠାକୁର, ତାଙ୍କର ଦେଉଳ ବଡ଼ ଦେଉଳ, ତାଙ୍କ ସିଂହାସନ ରତ୍ନ ସିଂହାସନ, ତାଙ୍କର ଦାଣ୍ଡ ବଡ଼ ଦାଣ୍ଡ, ତାଙ୍କ ସେବାୟତ ବଡ଼ ପଣ୍ଡା, ତାଙ୍କର ଯାତ୍ରା ବଡ଼ ଯାତ୍ରା । ମହାପ୍ରସାଦର ମାହାତ୍ମ୍ୟ ବଡ଼ ବିଚିତ୍ର । ଏଠି ସବୁ ଏକାକାର । ମହା ବା ବଡ଼ ଶବ୍ଦ ଯେମିତି ମିଶିଯାଇଛି ଏ କ୍ଷେତ୍ରର ପ୍ରତିଟି ଧୂଳିକଣାରେ । ତେଣୁ ତାଙ୍କର ପ୍ରସାଦକୁ ବଡ଼ ବା ମହା ପ୍ରସାଦ କୁହାଯାଏ । ଅବଢ଼ା ମଧ୍ୟ କୁହାଯାଏ କାରଣ ଏହାକୁ ବଢ଼ାଯାଇନଥାଏ । ସୂର୍ଯ୍ୟବଂଶର ରାଜତ୍ୱ କାଳରେ ଏହି ଅବଢ଼ା ଶବ୍ଦ ଆସିଥିବା ଗବେଷକଙ୍କ ମତ । ଗୋଟିଏ ମାଟି ହାଣ୍ଡିରେ ଥିବା ଅନ୍ନ ଓ ବ୍ୟଞ୍ଜନକୁ ସମସ୍ତେ ଏକାଠି ଖାଇଥାନ୍ତି । ପରିବାରର ବାପା, ମା, ପିଲା ଛୁଆ, ଭାଇ, ଭଉଣୀ ସମସ୍ତେ ଏକାଠି ଖାଆନ୍ତି । ଏହା ବଣ୍ଟାଯାଇନଥାଏ କିମ୍ବା ବଢ଼ା ଯାଇ ନଥାଏ । ତେଣୁ ଏହାକୁ ଯଥାର୍ଥରେ ଅବଢ଼ା କୁହାଯାଏ । ସେପଟେ ବିମଳାଙ୍କ ନିକଟରେ ଏହା ସମର୍ପଣ ହେବା ପରେ ମହାପ୍ରସାଦ କୁହାଯାଇଥାଏ । ପ୍ରସାଦ ମଧ୍ୟ ୨ ପ୍ରକାରର ହୋଇଥାଏ ମହାପ୍ରଭୁଙ୍କର । ପ୍ରଥମଟି ଅନ୍ନ ପ୍ରସାଦ ଏବଂ ଦ୍ୱିତୀୟଟି ଶୁଖିଲା ମହାପ୍ରସାଦ ।
ଉଲ୍ଲେଖଯୋଗ୍ୟ ଯେ ସାରା ଦେଶରେ ବହୁଳ ଭାବେ ସଂକ୍ରମିତ ରାଜ୍ୟଗୁଡିକ ନିଜ ଟେଷ୍ଟିଂର ସଂଖ୍ୟା ବଢାଇବା ପରେ ସଂକ୍ରମକଙ୍କ ଚିହ୍ନଟର ସଂଖ୍ୟା ମଧ୍ୟ ବଢୁଛି । ଲକଡାଉନକୁ ସଂପ୍ରସାରଣ ନକରି କେବଳ ଟେଷ୍ଟିଂ କରିବା ଦ୍ୱାରା ସଂକ୍ରମକ ଚିହ୍ନଟ ହେବା ସହଜ ହୋଇ ପାରେ ସତ, ମାତ୍ର ସଂକ୍ରମକଙ୍କ ବୃଦ୍ଧି ହାରକୁ ରୋକି ହେବ ନାହିଁ । ଏଣୁ ରାଜ୍ୟ ନିଜ ସ୍ତରରେ ସଂକ୍ରମଣ ରୋକିବା ପାଇଁ କଡା ଆଇନଯୁକ୍ତ ଲକଡାଉନ୍ ଲଗାଇବା ସତ୍ତ୍ୱେ ମଧ୍ୟ କେନ୍ଦ୍ର ସରକାର ଏନେଇ ପଦକ୍ଷେପ ନେବା ଆବଶ୍ୟକ ବୋଲି ସାଧାରଣ ଚର୍ଚ୍ଚା ଜୋର ଧରିଛି । ଯେଉଁ ହାରରେ ସଂକ୍ରମିତଙ୍କ ସଂଖ୍ୟା ବଢିବାରେ ଲାଗିଛି ତାକୁ ନେଇ ଆଶଙ୍କା ପ୍ରକାଶ ପାଇଲାଣି ଯେ,ହୁଏତ ଲକଡାଉନ୍ ନୂଆ ରୂପରେ ଫେରିପାରେ ।
