ବେରୁତ୍: ଲେବାନନ୍ର ରାଜଧାନୀ ବେରୁତ୍ରେ ମଙ୍ଗଳବାର ସନ୍ଧ୍ୟାରେ ଯେଉଁ ବିସ୍ଫୋରଣ ଘଟିଥିଲା ତାହା ଏକ ଛୋଟ ପରମାରୁ ବୋମା ସଦୃଶ୍ୟ । ଯାହାଫଳରେ ସହରର ଅଧା ଅଂଶ ଛାରଖାର ହୋଇଯାଇଛି । ପାଖାପାଖି ୧୦ କିଲୋମିଟର ପରଧି ଅଞ୍ଚଳରେ ଏହାର ଭୟଙ୍କର ପ୍ରଭାବ ଦେଖିବାକୁ ମିଳିଛି । ସଡ଼କରେ ମୃତଦେହର ଖଣ୍ଡ ବିଖଣ୍ଡିତ ହୋଇପଡ଼ିଥିବା ଦେଖିବାକୁ ମିଳିଛି । ଫଟୋ ଦେଖାଯାଉଥିବା ବହୁ ତଳ କୋଠା କେତେ ସୁନ୍ଦର ଦେଖାଯାଉଥିଲା କିନ୍ତୁ ବିସ୍ଫୋରଣ ପରେ ସବୁ କିଛି ଏବେ ଛାରଖାର୍ ।
ବେରୁତର ପୋର୍ଟ ଅଞ୍ଚଳ ନିକଟରେ ନିର୍ମିତ ଏହି ବହୁତଳ କୋଠା, ଘର ସପିଂ କମ୍ପ୍ଳେକ୍ସ ସବୁ ଭାଙ୍ଗି ଚୁରମାର୍ ହୋଇଯାଇଛି । ସେପଟେ ଆହତଙ୍କ ଚିକିତ୍ସା କରିବା ଭି ଅସମ୍ଭବ ହୋଇପଡ଼ିଛି କାହିଁକି ନାଁ ହସ୍ପିଟାଲ ମଧ୍ୟ କ୍ଷତିଗ୍ରସ୍ତ ହୋଇଛି । ତେବେ ଏଭଳି ଭୟଙ୍କର ବିସ୍ଫୋରଣର କାରଣ ଏଯାଏଁ ସ୍ପଷ୍ଟ ହୋଇପାରିନି । ଏହା ଆତଙ୍କୀ ଆକ୍ରମଣ ଅବା ଦୁର୍ଘଟଣା ଏ ନେଇ ସସପେନ୍ସ ଲାଗି ରହିଛି ।
ହସ୍ପିଟାଲରେ ଏତେ ସଂଖ୍ୟକ ରୋଗୀ ଭର୍ତ୍ତି ହେଲେଣି ଯେ, ଶଯ୍ୟାର ଅଭାବ ରହିଛି । ଭୂକମ୍ପ ବିଜ୍ଞାନୀଙ୍କ କହିବା ହେଲାରେ ଯେ, ବେରୁତରେ ଯେଉଁ ବିସ୍ଫୋରଣ ହେଲା ଏହାର ପ୍ରଭାବରେ ୪.୫ ତୀବ୍ରତାର ଭୂକମ୍ପ ଅନୁଭୁତ ହୋଇଛି । ଯେଉଁଠାରେ ବିସ୍ଫୋରଣ ହୋଇଛି ସେଠାରେ ୨୭୫୦ ଟନ୍ରୁ ଊର୍ଦ୍ଧ୍ୱ ଆମୋନିୟମ୍ ନାଇଟ୍ରେଟ୍ ରଖାଯାଇଥିଲା । ଫଳରେ ଯେଉଁ ବିସ୍ଫୋରଣ ହୋଇଥିଲା ତାହା ଏକ ଛୋଟ ପରମାଣୁ ବିସ୍ଫୋରଣ ସଦୃଶ୍ୟ ।
“It is a catastrophe, I’ve never seen something like that.”
Lebanon is in a state of emergency following a massive explosion in Beirut that killed at least 100 people and injured thousands.
Follow our LIVE coverage on the #BeirutBlast: https://t.co/8qEDq3qL5R pic.twitter.com/kSrpNt4oGf
— Al Jazeera English (@AJEnglish) August 5, 2020
ସୂଚନା ଯୋଗ୍ୟ ଯେ, ଆମୋନିୟମ୍ ନାଇଟ୍ରେଟର ବ୍ୟବହାର ଚାଷ କାମ ସହ ଖଣି ଖାଦାନରେ ବିସ୍ଫୋରଣ କରି ଉଡ଼ାଇବାକୁ ବ୍ୟବହାର କରାଯାଏ । ଚିଲିର ଅଟାକାମା ମରୁଭୂମି ଅଞ୍ଚଳରେ ଏହା ସବୁଠାରୁ ଅଧିକ ପରିମାଣରେ ମିଳିଥାଏ । ତେବେ ଏହି ବିସ୍ଫୋରଣର ଶଦ୍ଦ ଯେତେବେଳେ ପୂରା ସହରରେ ଖେଳିଯାଇଥିଲା ଗାଡ଼ିଗୁଡ଼ିକ ଜଳିଯାଇଥିଲା । ଫ୍ଳାଏ ଓଭର ବ୍ରିଜ ଉପରେ ଚାଲୁଥିବା ଗାଡ଼ିଗୁଡ଼ିକ ପରସ୍ପର ମଧ୍ୟରେ ଧକ୍କା ହୋଇଥିଲା । ଘରର ଝରକା କାଚ ଭାଙ୍ଗି ରାସ୍ତାରେ ପଡ଼ିଥିଲା । ସାରା ସହର ଅଳିଆ ଗଦା ପାଲଟିଥିଲା ।
