ଲଦାଖ୍ : ବାସ୍ତବିକ ସୀମା ରେଖା ବା ଲାଇନ୍ ଅଫ୍ ଆକ୍ୟୁଆଲ୍ କଣ୍ଟ୍ରୋଲ (ଏଲ୍ଏସି)ରେ ଲାଗି ରହିଥିବା ତିକ୍ତତା ମଧ୍ୟରେ ବାୟୁ ସେନା ପ୍ରମୁଖଙ୍କ ବଡ଼ ବୟାନ । ବାୟୁସେନା ଚିଫ୍ କହିଛନ୍ତି, ଭାରତ ଉତ୍ତର ଭାରତରେ ଉଭୟ ପକ୍ଷରୁ ଲଢ଼ିବା ପାଇଁ ପ୍ରସ୍ତୁତ ରହିଛି । ଅର୍ଥାତ ଚୀନ ଏବଂ ପାକିସ୍ତାନ ମଧ୍ୟରୁ ଯେଉଁପଟୁ ଉତ୍ତେଜନା ସୃଷ୍ଟି ହେବ ସେହି ପଟେ ମୁକାବିଲା ନେଇ ପ୍ରସ୍ତୁତ ରହିଛି ଭାରତ । ବାୟୁସେନା ଚିଫ୍ କହିଛନ୍ତି ଯେ, ରାଫେଲ୍ ଆସିବା ପରେ ବାୟୁସେନାର ଶକ୍ତି ବଢ଼ିଯାଇଛି । ଏହା ଦ୍ୱାରା ଖୁବଶୀଘ୍ର ଏବଂ କଡ଼ା ପଦକ୍ଷେପ ଗ୍ରହଣ କରାଯାଇପାରିବ । କମ୍ୱେଟ୍ ହେଲିକେପ୍ଟର, ଟ୍ରେନର ଏୟାରକ୍ରାଫ୍ ସମେତ ଅନ୍ୟ ଶକ୍ତିଶାଳୀ ଅସ୍ତ୍ରଶସ୍ତ୍ର ବାୟୁସେନାର ଶକ୍ତି ବୃଦ୍ଧି କରିବ ।
ଆରକେଏସ୍ ଭଦୋରିଆ କହିଛନ୍ତି ଯେ, ବାୟୁସେନା ଭାରତ ଏବଂ ଚୀନ ସହିତ ଉଭୟ ପକ୍ଷରେ ଲଢ଼େଇ ପାଇଁ ପୂରା ପ୍ରସ୍ତୁତ ରହିଛି । ସେ କହିଛନ୍ତି ଯେ, ଚୀନର ହରକତ ନେଇ ମଇ ମାସରେ ଜଣାପଡ଼ିଥିଲା । ସେବେଠାରୁ ଭାରତୀୟ ସେନା ଏବଂ ବାୟୁସେନା ପକ୍ଷରୁ ଆକ୍ସନ ନିଆଯାଇଛି ।
