ଅନୁଗୁଳ : ଭିଜିଲାନ୍ସ ଜାଲରେ ଜିଲ୍ଲା ମୁଖ୍ୟ ଚିକିତ୍ସାଳୟର ପୂର୍ବତନ କିରାଣୀ ସୁବ୍ରତ ବେହେରା। ଅନୁଗୁଳ ଜିଲ୍ଲା ମୁଖ୍ୟ ଚିକିତ୍ସାଳୟର କୋଟି କୋଟି ଟଙ୍କା ହଡପ କରିଥିବା ଅଭିଯୋଗରେ ଭିଜିଲାନ୍ସ ରେଡ କରିଛି। ପୂର୍ବରୁ କର୍ମଚାରୀ ଓ ଡାକ୍ତରଙ୍କ ଦରମା ଟଙ୍କା ହଡପ କରିଥିବା ସିଡିଏମଓ ଅଭିଯୋଗ କରିଥିଲେ । ମାମଲା ହେବା ପରେ ଅଗ୍ରୀମ ଜାମିନରେ ଆସିଥିଲେ ସୁବ୍ରତ । ଗତକାଲି କଟକ ଭିଜିଲାନ୍ସ କାର୍ଯ୍ୟାଳୟରେ ସୁବ୍ରତଙ୍କୁ ଜେରା ହୋଇଥିଲା । ଆଜି କଟକ ଓ ଅନୁଗୁଳର ୧୦ ଜଣିଆ ଟିମ ବିଭିନ୍ନ କାଗଜପତ୍ର, ଆକାଉଣ୍ଟ ଯାଞ୍ଚ କରିବା ସହ ଘରେ ଖାନତଲାସୀ କରୁଛି ।
ପୁରୀ ସମୁଦ୍ରରେ ଡଲଫିନଙ୍କ ଜଳକ୍ରୀଡା ; ପ୍ରବଳ ଲୋକଙ୍କ ସମାଗମ
ପୁରୀ : ପୁରୀ ସମୁଦ୍ରରେ ଡଲଫିନଙ୍କ ଜଳକ୍ରୀଡା। ଗତକାଲି ଜୀବନ୍ତ ଶାମୁକା ସମୁଦ୍ର ବେଳାଭୂମିରେ ଦେଖିବାକୁ ମିଳିଥିବା ବେଳେ ଆଜି ଡଲଫିନ୍ ଙ୍କୁ ଦେଖିବାକୁ ମିଳିଛି। ଗୋଟିଏ କି ଦୁଇଟି ନୁହେଁ ଅନେକ ସଂଖ୍ୟାରେ ଡଲଫିନ୍ ପୁରୀ ସମୁଦ୍ରକୂଳରେ ବୁଲୁଥିବା ଦେଖିବାକୁ ମିଳିଛି। ଚିଲିକା ଆଡୁ ଏହି ଡ଼ଲଫିନ ଗୁଡିକ ଚନ୍ଦ୍ରଭାଗା ଆଡକୁ ଯାଉଥିବା ଦୃଶ୍ୟମାନ ହୋଇଥିଲେ।ତେବେ ସମୁଦ୍ରରେ ଡ଼ଲଫିନ ମାନଙ୍କର ଜଳକ୍ରୀଡା ଏକ ମନୋରମ ଦୃଶ୍ୟ ହୋଇଥିବା ବେଳେ ଏହାକୁ ଦେଖି ପର୍ଯ୍ୟଟକମାନେ ବିମୋହିତ ହୋଇଥିଲେ।
PUCC ପାଇଁ ଚାଲାଣ ଭରିବା ନେଇ ହାଇକୋର୍ଟଙ୍କ ନିଷ୍ପତ୍ତି ; ସରକାରଙ୍କୁ ଘେରିଲେ ଇପ୍ସିତା
ଭୁବନେଶ୍ବର : PUCC ପାଇଁ ଚାଲାଣ ଭରିବା ନେଇ ହାଇକୋର୍ଟଙ୍କ ନିଷ୍ପତ୍ତିକୁ ନେଇ ସରକାରଙ୍କୁ ଘେରିଲେ ଛାତ୍ର ବିଜେଡି ସଭାପତି ଇପ୍ସିତା ସାହୁ। ସେ କହିଛନ୍ତି- ଲୋକଙ୍କ ସରକାର କହୁଥିବା ବିଜେପି ସରକାରଙ୍କ ନୀତି ଓ ନୈତିକତା ନେଇ ଏବେ ପ୍ରଶ୍ନ ଉଠୁଛି । AG ଜଣାଇବାର ଥିଲା ଯେ ଲୋକ କିପରି ମିଛ ଚାଲାଣ ଯୋଗୁଁ ଶୋଷିତ ହେଉଛନ୍ତି । ଲକ୍ଷ ଲକ୍ଷ ଟଙ୍କା ଫାଇନ ଦେବାକୁ ଲୋକ ସକ୍ଷମ ନୁହଁନ୍ତି । ଏ କଥା ଯଦି ସେ କୋର୍ଟଙ୍କୁ ଜଣାଇଥାନ୍ତେ, ତେବେ ନିଷ୍ପତ୍ତି କିଛି ଭିନ୍ନ ହୋଇଥାନ୍ତା ।
ମହାନଦୀ ଶୁଣାଣିରେ AG ଉପସ୍ଥିତ ରହିଲେନି। ହେଲେ PUCC ନାଁରେ ୧୩୦୦ କୋଟି ଆଦାୟ କରିବାକୁ କୌଣସି ସ୍ତରକୁ ଯାଇ ପାରୁଛନ୍ତି ବୋଲି ଟାର୍ଗେଟ କରିଛନ୍ତି ଇପସିତା। PUCC ଓ ଚାଲାଣ ବିରୋଧରେ ଛାତ୍ର ଓ ଯୁବ ବିଜେଡି ଆନ୍ଦୋଳନ କରିଥିଲା। ଲୋକଙ୍କୁ ସମୟ ଦିଆଯାଉବୋଲି ସେ କହିଛନ୍ତି ।
ହ୍ବାଇଟ ହାଉସରେ ନେତାନ୍ୟାହୁ, ସମୁଦ୍ରରେ ଯୁଦ୍ଧଜାହାଜ ; ଇରାନରେ କ’ଣ କାଣ୍ଡ ଘଟାଇବାକୁ ଯାଉଛନ୍ତି ଟ୍ରମ୍ପ !
ନନ୍ଦିଘୋଷ ବ୍ୟୁରୋ: ଆମେରିକା ଏବଂ ଇରାନ ଭିତରେ ବଢ଼ୁଥିବା ଉତ୍ତେଜନା ମଧ୍ୟରେ ଇସ୍ରାଏଲୀ ପ୍ରଧାନମନ୍ତ୍ରୀ ବେଞ୍ଜାମିନ୍ ନେତାନ୍ୟାହୁ ୱାଶିଂଟନରେ ପହଞ୍ଚିଛନ୍ତି। ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପଙ୍କ ସହ ତାଙ୍କର ସାକ୍ଷାତ ଇରାନର ପରମାଣୁ କାର୍ଯ୍ୟକ୍ରମ, ବାଲିଷ୍ଟିକ୍ କ୍ଷେପଣାସ୍ତ୍ର ଉପରେ କଟକଣା ଏବଂ ଇରାନ ସମର୍ଥିତ ଗୋଷ୍ଠୀଗୁଡ଼ିକୁ ସମର୍ଥନ ବନ୍ଦ କରିବା ଉପରେ ପ୍ରଭାବ ପକାଇବ। ଆଶ୍ଚର୍ଯ୍ୟକର କଥା ହେଉଛି, ନେତାନ୍ୟାହୁଙ୍କ ଆମେରିକାରେ ପହଞ୍ଚିବା ସହିତ ଡୋନାଲ୍ଡ ଟ୍ରମ୍ପ ଇରାନ ନିକଟରେ ଦ୍ୱିତୀୟ ଏୟାରଷ୍ଟ୍ରାଇକ୍ ଗ୍ରୁପ୍ ମୁତୟନ କରିଛନ୍ତି। ଏହା ପରିସ୍ଥିତିକୁ ଆହୁରି ବିଗାଡୁଛି।
ନେତାନ୍ୟାହୁ ସୂଚିତ କରିଛନ୍ତି ଯେ ସେ ଟ୍ରମ୍ପଙ୍କ ସମ୍ମୁଖରେ ଇରାନ ସହିତ ଚାଲିଥିବା ଆଲୋଚନାର ଅତ୍ୟାବଶ୍ୟକ ନୀତିଗୁଡ଼ିକୁ ଉପସ୍ଥାପନ କରିବେ, ଯାହା କେବଳ ଇସ୍ରାଏଲର ସୁରକ୍ଷା ପାଇଁ ନୁହେଁ ବରଂ ସମଗ୍ର ମଧ୍ୟପ୍ରାଚ୍ୟ ପାଇଁ ଗୁରୁତ୍ୱପୂର୍ଣ୍ଣ। ଇସ୍ରାଏଲ ଦୀର୍ଘ ଦିନ ଧରି ଚାହୁଁଛି ଯେ ଯେକୌଣସି ଚୁକ୍ତିରେ ଇରାନର ବାଲିଷ୍ଟିକ୍ କ୍ଷେପଣାସ୍ତ୍ର କ୍ଷମତା ଏବଂ ଆଞ୍ଚଳିକ ନେଟୱାର୍କ ଅନ୍ତର୍ଭୁକ୍ତ ହେଉ। ଇସ୍ରାଏଲ ଇରାନର ପଡ଼ୋଶୀ ଏବଂ ଇରାନର ପରମାଣୁ କାର୍ଯ୍ୟକ୍ରମର ଏକ ପ୍ରମୁଖ ବିରୋଧୀ।
ଆମେରିକୀୟ ଗଣମାଧ୍ୟମ ରିପୋର୍ଟ ଅନୁସାରେ, ରାଷ୍ଟ୍ରପତି ଟ୍ରମ୍ପ ଇରାନ ନିକଟରେ ଦ୍ୱିତୀୟ ଏୟାରଷ୍ଟ୍ରାଇକ୍ ଗ୍ରୁପ୍ ମୁତୟନ କରିବାକୁ ବିଚାର କରୁଛନ୍ତି। ୟୁଏସଏସ ଆବ୍ରାହମ ଲିଙ୍କନ ଏବଂ ଏହାର ଷ୍ଟ୍ରାଇକ୍ ଗ୍ରୁପ୍, ଯେଉଁଥିରେ ଲଢ଼ୁଆ ଜେଟ୍, ଟୋମାହକ୍ ମିସାଇଲ୍ ଏବଂ ଅନେକ ଯୁଦ୍ଧଜାହାଜ ଅନ୍ତର୍ଭୁକ୍ତ, ପୂର୍ବରୁ ଏହି ଅଞ୍ଚଳରେ ଅଛନ୍ତି । ତଥାପି ସାମରିକ ଚାପ ସହିତ କୂଟନୈତିକ ପ୍ରୟାସ ଜାରି ରହିଛି। ଗତ ଶୁକ୍ରବାର ଜୁନ୍ ସଂଘର୍ଷ ପରେ ପ୍ରଥମ ଥର ପାଇଁ ଆମେରିକା ଏବଂ ଇରାନ ଅଧିକାରୀମାନେ ଓମାନରେ ସିଧାସଳଖ ଆଲୋଚନା କରିଥିଲେ। ଟ୍ରମ୍ପ କହିଥିଲେ ଯେ ଆସନ୍ତା ସପ୍ତାହରେ ଦ୍ୱିତୀୟ ପର୍ଯ୍ୟାୟ ଆଲୋଚନା ହୋଇପାରେ। ସେ ଏହା ମଧ୍ୟ ଚେତାବନୀ ଦେଇଥିଲେ ଯେ “ଆମେ ଏକ ଆପୋଷରେ ପହଞ୍ଚିବୁ ନଚେତ୍ ଗତ ଥର ପରି ଆମକୁ ବହୁତ କଠୋର କାର୍ଯ୍ୟାନୁଷ୍ଠାନ ଗ୍ରହଣ କରିବାକୁ ପଡିବ।”
ଏହି ପ୍ରସଙ୍ଗରେ ତେହେରାନର ମତ ସ୍ପଷ୍ଟ। ଇରାନ କହିଛି ଯେ ସେ କେବଳ ତାର ପରମାଣୁ କାର୍ଯ୍ୟକ୍ରମ ଉପରେ ଆଲୋଚନା କରିବ ଏବଂ ୟୁରାନିୟମ ସମୃଦ୍ଧ କରିବାର ଅଧିକାରକୁ ଛାଡିବ ନାହିଁ। ତଥାପି, ଏହା ମଧ୍ୟ କହିଛି ଯେ ଯଦି ଆମେରିକା ସମସ୍ତ କଟକଣା ପ୍ରତ୍ୟାହାର କରେ, ତେବେ ସେ ତାର ୟୁରାନିୟମ ସମୃଦ୍ଧି କାର୍ଯ୍ୟକ୍ରମକୁ 60 ପ୍ରତିଶତ ହ୍ରାସ କରିପାରିବ। ଇରାନର ସର୍ବୋଚ୍ଚ ନେତାଙ୍କ ପରାମର୍ଶଦାତା ଅଲି ଲାରିଜାନି ଓମାନର ସୁଲତାନ ଏବଂ ବୈଦେଶିକ ମନ୍ତ୍ରୀଙ୍କ ସହ ସାକ୍ଷାତ କରିଛନ୍ତି। ଲାରିଜାନି ସୋସିଆଲ ମିଡିଆରେ ଇସ୍ରାଏଲର ଭୂମିକାକୁ ବିନାଶକାରୀ ବୋଲି ବର୍ଣ୍ଣନା କରିଛନ୍ତି ଏବଂ ଆମେରିକାକୁ ସତର୍କ ରହିବାକୁ ପରାମର୍ଶ ଦେଇଛନ୍ତି।
ଏସବୁ ମଧ୍ୟରେ, ଆମେରିକା ଏହାର ପତାକାଧାରୀ ବାଣିଜ୍ୟିକ ଜାହାଜଗୁଡ଼ିକୁ ଇରାନ ଜଳସୀମାରୁ ଦୂରେଇ ରହିବା ପାଇଁ ଏକ ପରାମର୍ଶ ଜାରି କରିଛି, ଯାହା ଏହି ଅଞ୍ଚଳରେ ସାମରିକ ସତର୍କତାର ସ୍ତରକୁ ଆହୁରି ବୃଦ୍ଧି କରିଛି। ସାମଗ୍ରିକ ଭାବରେ, ଗୋଟିଏ ପଟେ ଆମେରିକା-ଇରାନ ପ୍ରସଙ୍ଗରେ କୂଟନୈତିକ ପ୍ରୟାସ ଚାଲିଛି, ଅନ୍ୟ ପଟେ ସାମରିକ ଚାପ ମଧ୍ୟ ବୃଦ୍ଧି କରାଯାଉଛି। ଆଗାମୀ ଦିନଗୁଡ଼ିକ ନିର୍ଣ୍ଣୟ କରିବ ଯେ ଏହି ମାମଲା ଆପୋଷ କିମ୍ବା ମୁକାବିଲା ଆଡ଼କୁ ଅଗ୍ରସର ହେଉଛି କି ନାହିଁ।
ସ୍କୁଲରେ ଆଖିବୁଜା ଗୁଳିମାଡ଼ ; ଚାଲିଗଲା ୧୦ ନିରୀହ ଜୀବନ
ନନ୍ଦିଘୋଷ ବ୍ୟୁରୋ: କାନାଡାର ଏକ ସ୍କୁଲରେ ଆଖିବୁଜା ଗୁଳିମାଡ଼। ଗୁଳିମାଡରେ ୧୦ ମୃତ, ୨୫ରୁ ଅଧିକ ଆହତ। କାନାଡାର ତୁମ୍ବେଲର ରିଜରେ ଘଟିଛି ଗୁଳିକାଣ୍ଡ। ଗୁଳିକାଣ୍ଡ ପରେ ସ୍ଥାନୀୟ ଅଞ୍ଚଳରେ ସୁରକ୍ଷା ହୋଇଛି କଡ଼ାକଡ଼ି। ପୋଲିସ ଇନିସିଏଟେଡ ପବ୍ଲିକ ଆଲର୍ଟ ପକ୍ଷରୁ ଜାରି ରହିଛି ତଦନ୍ତ। ଘଟଣାରେ ମୃତକଙ୍କ ସଂଖ୍ୟା ଅଧିକ ହେବା ଆଶଙ୍କା କାରାଯାଉଛି। ଗୁଳିକାଣ୍ଡ ପରେ ଅଭିଯୁକ୍ତ ପ୍ରାଣ ହରାଇଥିବା ସୂଚନା ମିଳିଛି। ଘଟଣାର ତଦନ୍ତ କରୁଛି ପୋଲିସ।
ମଙ୍ଗଳବାର ଦିନ କାନାଡାର ଉତ୍ତର-ପୂର୍ବ ବ୍ରିଟିଶ କଲମ୍ବିଆର ଏକ ସ୍କୁଲରେ ଗୁଳିକାଣ୍ଡ ଘଟିଛି । ଟୁମ୍ବର୍ ରିଜ୍ ମାଧ୍ୟମିକ ବିଦ୍ୟାଳୟରେ ସ୍ଥାନୀୟ ସମୟ ଅପରାହ୍ନ ୧.୨୦ ରେ ଏହି ଘଟଣା ଘଟିଥିଲା । ପୁଲିସ ଏହି ଘଟଣାରେ ସେହି ସନ୍ଦିଗ୍ଧ ବ୍ୟକ୍ତି ସମ୍ପୃକ୍ତ କି ନାହିଁ ଏବଂ ସମ୍ଭାବ୍ୟ ପୀଡିତଙ୍କ ସଂଖ୍ୟା ନିର୍ଣ୍ଣୟ କରିବା ଜାରି ରଖିଛି । ଆକ୍ରମଣକାରୀଙ୍କ ବ୍ୟତୀତ, ସ୍କୁଲ ଭିତରେ ଅନ୍ୟ ୬ ଜଣ ଲୋକ ମୃତ ଅବସ୍ଥାରେ ପଡ଼ିଥିଲେ । ଗୁରୁତର ଅବସ୍ଥାରେ ୨ଜଣ ଆହତଙ୍କୁ ହେଲିକପ୍ଟର ଯୋଗେ ହସ୍ପିଟାଲକୁ ନିଆଯାଇଥିଲା । ହସ୍ପିଟାଲକୁ ନେବା ବାଟରେ ଆଉ ଜଣେ ବ୍ୟକ୍ତିଙ୍କର ମୃତ୍ୟୁ ହୋଇଥିଲା । ପ୍ରାୟ ୨୫ ଜଣଙ୍କୁ ସାମାନ୍ୟ ଆହତ ଅବସ୍ଥାରେ ଚିକିତ୍ସା ପାଇଁ ସ୍ଥାନୀୟ ମେଡିକାଲକୁ ନିଆଯାଇଥିଲା । ସ୍କୁଲର ଅନ୍ୟ ସମସ୍ତ ଛାତ୍ର ଏବଂ କର୍ମଚାରୀଙ୍କୁ ସୁରକ୍ଷିତ ଭାବରେ ସ୍ଥାନାନ୍ତର କରାଯାଇଛି ।
ଉତ୍ତର ଜିଲ୍ଲା କମାଣ୍ଡର, RCMP ସୁପରିଣ୍ଟେଣ୍ଡେଣ୍ଟ କେନ୍ ଫ୍ଲଏଡ୍ କହିଛନ୍ତି ଯେ ସେମାନେ ଗୁଳି ଚଳାଇଥିବା ବ୍ୟକ୍ତିଙ୍କୁ ଚିହ୍ନଟ କରିଛନ୍ତି କିନ୍ତୁ ବର୍ତ୍ତମାନ ତାଙ୍କ ପରିଚୟ ପ୍ରକାଶ କରୁନାହାଁନ୍ତି। ସେ ମୃତକଙ୍କ ମଧ୍ୟରୁ କେତେ ଜଣ ଶିଶୁ କିମ୍ବା ବୟସ୍କ ତାହା ସ୍ପଷ୍ଟ କରିନାହାଁନ୍ତି, କିମ୍ବା ବ୍ୟବହୃତ ଅସ୍ତ୍ରଶସ୍ତ୍ର ବିଷୟରେ କୌଣସି ସୂଚନା ଦେଇନାହାଁନ୍ତି। ଏହାସହିତ ଲାରି ନ୍ୟୁଫେଲ୍ଡ କହିଛନ୍ତି ଯେ, ପରିସ୍ଥିତିକୁ ନିୟନ୍ତ୍ରଣ କରିବା ପାଇଁ ବହୁ ସଂଖ୍ୟକ ପୁଲିସ ଏବଂ ଆମ୍ବୁଲାନ୍ସ ଦଳ ପଠାଯାଇଛି । ସେ କହିଛନ୍ତି ଯେ, ସେ ଅଧିକ ବିବରଣୀ ଲୁଚାଉଛନ୍ତି କାରଣ ଏହା ଚାଲୁଥିବା ଅପରେସନର ସୁରକ୍ଷାକୁ ବିପଦରେ ପକାଇପାରେ । ସେ କହିଛନ୍ତି ଯେ, କିଛି ଲୋକ ନିଜ ପରିବାର ସଦସ୍ୟଙ୍କୁ ଖୋଜିବା ପାଇଁ ବାହାରକୁ ଆସିଛନ୍ତି । କିନ୍ତୁ ସମସ୍ତଙ୍କୁ ଅନୁରୋଧ କରାଯାଇଛି ଯେ, ସେମାନେ ନିଜ ଘରକୁ ଫେରିଯାଆନ୍ତୁ ଏବଂ ସେଠାରେ ସୁରକ୍ଷିତ ରୁହନ୍ତୁ ।
ଜଣେ ୯ମ ଶ୍ରେଣୀ ଛାତ୍ର ସ୍ଥାନୀୟ ୱେବସାଇଟ୍ ଗ୍ଲୋବାଲ୍ ନ୍ୟୁଜ୍ କୁ କହିଛନ୍ତି ଯେ ତାଙ୍କୁ ତାଙ୍କ ଶ୍ରେଣୀଗୃହରେ ଅନ୍ୟ ପିଲାମାନଙ୍କ ସହିତ ଏକ ୱାର୍ଡରୋବ୍ ପଛରେ ଲୁଚିବାକୁ ପଡିଲା କାରଣ ସେମାନେ ଜାଣି ନଥିଲେ ଯେ କ’ଣ ଘଟୁଛି। ସନ୍ଦିଗ୍ଧ ଆକ୍ରମଣକାରୀଙ୍କୁ ପ୍ରଥମେ ମାଟିଆ କେଶ ଥିବା ଡ୍ରେସ୍ ପିନ୍ଧିଥିବା ଜଣେ ମହିଳା ଭାବରେ ବର୍ଣ୍ଣନା କରାଯାଇଥିଲା।
ଉଡ଼ାଣ ଆରମ୍ଭ କରିବାର ୧୫ ମିନିଟ ପରେ ବିମାନ ଦୁର୍ଘଟଣାଗ୍ରସ୍ତ, ସମସ୍ତ ଯାତ୍ରୀ ସୁରକ୍ଷିତ
ନନ୍ଦିଘୋଷ ବ୍ୟୁରୋ: ସୋମାଲିଆ ମୋଗାଡିସୁ ବିମାନ ବନ୍ଦରରେ ବଡ଼ ଅଘଟଣ। ବିମାନ ବନ୍ଦରର ଜରୁରୀ ଅବତରଣ କରୁଥିବାବେଳେ ରନୱେରୁ ବାହାରି ଯାଇ ଦୁର୍ଘଟଣାର ସମ୍ମୁଖୀନ ହୋଇଛି ବିମାନ। ବିମାନରେ ୫୦ ଯାତ୍ରୀ ଥିବା ସୂଚନା ମିଳିଛି। ବିମାନଟି ମୋଗାଡିସୁରୁ ସୋମାଲିଆର ଗୁରିଏଲ୍ ସହରକୁ ଯାତ୍ରା କରୁଥିଲା। ବିମାନଟି ଉଡ଼ାଣ ଭରିବାର କିଛି ସମୟ ପରେ ଯାନ୍ତ୍ରିକ ତ୍ରୁଟି ଦେଖାଦେଇଥିଲା। ପରେ ବିମାନଟି କ୍ରାସ ଲ୍ୟାଣ୍ଡିଂ କରିବା ବେଳେ ଦୁର୍ଘଟଣା ଘଟିଥିଲା। ତେବେ ଦୁର୍ଘଟଣାରେ କେହି ମୃତାହତ ହୋଇ ନଥିବା ସୂଚନା ମିଳିଛି । ପାଇଲଟ୍ ବିମାନଟିକୁ ବିମାନବନ୍ଦରକୁ ଫେରାଇ ଆଣିବାକୁ ଚେଷ୍ଟା କରିଥିଲେ କିନ୍ତୁ ସମ୍ପୂର୍ଣ୍ଣ ନିୟନ୍ତ୍ରଣ ହରାଇଥିଲେ। ପରେ ବିମାନଟି ବିମାନବନ୍ଦରର ପଶ୍ଚିମ ପାର୍ଶ୍ୱ ନିକଟରେ ସମୁଦ୍ରରେ ଖସି ପଡ଼ିଥିଲା।
ଭାଇରାଲ ଭିଡିଓରେ ବିମାନଟି ତଳେ ପଡ଼ିଥିବାର ଦେଖାଯାଇଥିଲା, ଯାତ୍ରୀମାନେ ନିଜେ ବିମାନରୁ ବାହାରକୁ ବାହାରି ଆସୁଥିବା ପରି ମନେ ହେଉଥିଲା। ଘଟଣାସ୍ଥଳରେ ସୁରକ୍ଷା କର୍ମୀ ଏବଂ ସ୍ଥାନୀୟ ବାସିନ୍ଦା ଉପସ୍ଥିତ ଥିଲେ। ବିମାନର ଗୋଟିଏ ଦ୍ୱାର ଖୋଲା ଥିଲା। ବିମାନଟି ସୋମାଲିଆର ପ୍ରମୁଖ ବିମାନ ଏବଂ ପର୍ଯ୍ୟଟନ କମ୍ପାନୀ ମଧ୍ୟରୁ ଗୋଟିଏ, ଷ୍ଟାରସ୍କାଇ ଏୟାରଲାଇନ୍ସ ଦ୍ୱାରା ପରିଚାଳିତ ହେଉଥିଲା।
Update from AV Herald:
– Aircraft [Reg. "6O-YAS"] had tech issue on climbout, opted to turn back. After landing, on rollout, plane "veered off runway, went down a cliff, and came to a stop at the beach". Again, no injuries reported. Enquiry ongoing. https://t.co/w5paQYqqaq pic.twitter.com/USaKd1gQ4J
— Air Safety #OTD by Francisco Cunha (@OnDisasters) February 10, 2026
ସୋମାଲି ସିଭିଲ ଏଭିଏସନ୍ ଅଥରିଟି (SCAA)ର ନିର୍ଦ୍ଦେଶକ ଅହମଦ ମୁଆଲ୍ଲୀମ୍ ହାସନ କହିଛନ୍ତି ଯେ ବିମାନଟିରେ ୫୫ ଜଣ ଲୋକ ଥିଲେ, ଯେଉଁଥିରେ ୫୦ ଜଣ ଯାତ୍ରୀ ଏବଂ ୫ ଜଣ କ୍ରୁ ସଦସ୍ୟ ଥିଲେ ଏବଂ ସମସ୍ତଙ୍କୁ ସୁରକ୍ଷିତ ଭାବରେ ବାହାର କରାଯାଇଥିଲା। ସେ ଆହୁରି ମଧ୍ୟ କହିଛନ୍ତି ଯେ ଉଡ଼ାଣ ଆରମ୍ଭ ହେବାର କିଛି ସମୟ ପରେ ଯାନ୍ତ୍ରିକ ସମସ୍ୟା ଦେଖା ଦେଇଥିଲା।
ଜଣେ ବିମାନବନ୍ଦର ଅଧିକାରୀ କହିଛନ୍ତି ଯେ ଦୁର୍ଘଟଣା ପରେ ସବୁଠାରୁ ବଡ଼ ଚିନ୍ତାର ବିଷୟ ହେଉଛି ଯେ ବିମାନଟି ସମୁଦ୍ର ନିକଟରେ ଦୁର୍ଘଟଣାଗ୍ରସ୍ତ ହୋଇଥିବାରୁ ଏଥିରେ ନିଆଁ ଲାଗିପାରେ। ତେଣୁ ତୁରନ୍ତ ରିଲିଫ୍ ଏବଂ ଉଦ୍ଧାର କାର୍ଯ୍ୟ ଆରମ୍ଭ କରାଯାଇଥିଲା। ଦୁର୍ଘଟଣା ପରେ ଆଡେନ୍ ବିମାନବନ୍ଦରକୁ କିଛି ସମୟ ପାଇଁ ବନ୍ଦ କରିଦିଆଯାଇଥିଲା ଯାହା ଦ୍ୱାରା ଜରୁରୀକାଳୀନ ଦଳଗୁଡ଼ିକ ଘଟଣାସ୍ଥଳରେ ପହଞ୍ଚିପାରିବେ। ପରେ ବିମାନବନ୍ଦରରେ ବିମାନ ଚଳାଚଳ ସ୍ୱାଭାବିକ ହୋଇଥିଲା। SCAA ଦୁର୍ଘଟଣାର ତଦନ୍ତ ଆରମ୍ଭ କରିଛି।
ରାଜଧାନୀରେ ‘ଲଭ୍-ମର୍ଡର-ଆକ୍ସିଡେଣ୍ଟର ଖୋଲୁଛି ଗୁମର ; ଆତ୍ମସମର୍ପଣ କଲା ଅଭିଯୁକ୍ତ ଦିନେଶ କାଣ୍ଡି
ଭୁବନେଶ୍ବର : ଭୁବନେଶ୍ୱର ନୀଳାଦ୍ରି ବିହାରରେ ସତ୍ୟବ୍ରତ ପ୍ରଧାନ ହତ୍ୟାକାଣ୍ଡ ଘଟଣା। ଜଗତସିଂହପୁର ଥାନାରେ ଆତ୍ମସମର୍ପଣ କଲା ଅଭିଯୁକ୍ତ ଦିନେଶ କାଣ୍ଡି । ଭୁବନେଶ୍ୱର କମିଶନରେଟ ପୋଲିସ ଜଗତସିଂହପୁର ଥାନାରେ ପହଞ୍ଚି ଅଭିଯୁକ୍ତ ଦିନେଶକୁ ନିଜ ହେପଜାତକୁ ନେଇଆସିଛି । ଭୁବନେଶ୍ୱର ଚନ୍ଦ୍ରଶେଖରପୁର ଥାନା ଅନର୍ଗତ ନୀଳାଦ୍ରି ବିହାର ସେକ୍ଟର ୨ ଅଂଚଳରେ ପ୍ରେମ ସପ୍ତାହରେ ତ୍ରିକୋଣୀୟ ପ୍ରେମରୁ ଯୁବକକୁ ଅତି ବୀଭତ୍ସ ଭାବେ ତଣ୍ଟି କାଟି ହତ୍ୟା କରାଯାଇଥିଲା । ଏହାକୁ ପୂର୍ବତନ ପ୍ରେମିକ ଓ ପ୍ରେମିକା ଦ୍ବିତୀୟ ପ୍ରେମିକର ତଣ୍ଟି କାଟିଥିବା ନେଇ ଅଭିଯୋଗ ହେଇଥିଲା । ହତ୍ୟାକାଣ୍ଡ ପରେ ପୂର୍ବତନ ପ୍ରେମିକ ତଥା ମୁଖ୍ୟ ଅଭିଯୁକ୍ତ ଦିନେଶ କାଣ୍ଡି ଫେରାର ହୋଇଯାଇଥିଲା ।
ଦିନେଶ କାଣ୍ଡି ମଙ୍ଗଳବାର ବିଳମ୍ବିତ ରାତ୍ରିରେ ଜଗତସିଂହପୁର ଥାନାରେ ଆତ୍ମସମର୍ପଣ କରିଥିଲା। ଦିନେଶର ଘର ବାଲିକୁଦା ଥାନା ଅରିଲ ଗ୍ରାମରେ ବୋଲି ସୂଚନା ମିଳିଛି । ଦିନେଶ ନାଁରେ ପୂର୍ବରୁ ଅନେକ ମାମଲା ରହିଛି ବୋଲି ପ୍ରକାଶ ପାଇଛି । ଦୀର୍ଘ ଆଠ ମାସରୁ ଉର୍ଦ୍ଧ୍ବ ହେବ ଦିନେଶ ଲିଜା ସ୍ୱାମୀ ସ୍ତ୍ରୀର ପରିଚୟ ଦେଇ ଭଡାରେ ରହୁଥିଲେ । ଲିଜା ନନ୍ଦନକାନନ ଅଂଚଳରେ ଏକ ସ୍ପାରେ କାର୍ଯ୍ୟ କରୁଥିଲା । ସତ୍ୟବ୍ରତ ଭୁବନେଶ୍ୱରରେ ଏକ ଟ୍ୟାକ୍ସି ଡ୍ରାଇଭର ଥିଲା । ସତ୍ୟବ୍ରତ ସଂସ୍ପର୍ଶରେ ଲିଜା ଆସିଥିଲା । ଉଭୟଙ୍କ ମଧ୍ୟରେ ପ୍ରେମ ସମ୍ପର୍କ ନିବିଡ଼ ହୋଇଥିଲା। ଉଭୟ ମିଳା ମିଶା ମଧ୍ୟରେ ଲିଜ଼ାର ପୂର୍ବରୁ ଦିନେଶ ସହ ସମ୍ପର୍କ ଥିବା ସତ୍ୟବ୍ରତ ଜାଣିବାକୁ ପାଇଥିଲା। ଏହାକୁ ନେଇ ଲିଜା ଓ ସତ୍ୟବ୍ରତ ମଧ୍ୟରେ ପାଟିତୁଣ୍ଡ ହୋଇଥିଲା। ସେପଟେ ଲିଜା ସହ ସତ୍ୟବ୍ରତର ସଂପର୍କ କଥା ମଧ୍ୟ ଦିନେଶ ଜାଣି ପାରିଥିଲା। ତ୍ରିକୋଣୀୟ ପ୍ରେମରେ ଲିଜା ଫସି ଯାଇଥିଲା। ଆଉ ଟ୍ୟାକ୍ସି ଟ୍ରାଇଭର ସତ୍ୟବ୍ରତକୁ ରାସ୍ତାରୁ ହଟେଇବା ଲାଗି ଲିଜା ଓ ଦିନେଶ ମିଶି ଯୋଜନା କରିଥିଲେ। ରବିବାର ରାତିରେ ସତ୍ୟବ୍ରତକୁ ଡାକିଥିଲେ ଏବଂ ସେଠାରେ ସତ୍ୟବ୍ରତର ତଣ୍ଟି କାଟି ହତ୍ୟା କରାଯାଇଥିଲା।
ରଣବୀର ସିଂଙ୍କ ନିକଟକୁ ହ୍ବାଟସ ଆପରେ ଧମକ ; ଦୁର୍ବୃତ୍ତ ୧୦ କୋଟି ଟଙ୍କା ମାଗୁଥିବା ସୂଚନା
ନନ୍ଦିଘୋଷ ବ୍ୟୁରୋ: ବଲିଉଡ ଅଭିନେତା ରଣବୀର ସିଂଙ୍କ ନିକଟକୁ ହ୍ବାଟସ ଆପରେ ଧମକ। ଅଜଣା ବ୍ଯକ୍ତିଙ୍କ ନିକଟରୁ ଧମକ ମିଳିବା ପରେ ମୁମ୍ବାଇ ବାସଭବନରେ ସୁରକ୍ଷା ବ୍ୟବସ୍ଥା କଡ଼ାକଡ଼ି କରାଯାଇଛି। ଧମକର କାରଣ ଜଣା ପଡ଼ି ନଥିବାବେଳେ ପୋଲିସ ପକ୍ଷରୁ ଅନୁସନ୍ଧାନ ଜାରି ରହିଛି। ହ୍ବାଟସଆପ ଭଏସ ମେସଜରେ ରଣବୀରଙ୍କୁ ଅଜଣା ଦୁର୍ବୃତ୍ତ ୧୦ କୋଟି ଟଙ୍କା ମାଗୁଥିବା ସୂଚନା ମିଳିଛି। ଏହି ଧମକ ପଛରେ ବହୁଚର୍ଚ୍ଚିତ ଲରେନ୍ସ ବିଷ୍ଣୋଇ ଗ୍ୟାଙ୍ଗର ହାତ ଥିବା ପୋଲିସ ଆଶଙ୍କା କରୁଛି। ନିର୍ଦ୍ଦେଶକ ରୋହିତ ସେଟ୍ଟୀଙ୍କ ବାସ ଭବନ ବାହାରେ ଗୁଳିମାଡ ଘଟଣା ପରେ ରଣବୀରଙ୍କୁ ଧମକ ମିଳିଛି।
ନିରାପତ୍ତା ନେଇ ଉଭୟ ରଣବୀର ଓ ଦୀପିକା ପାଦୁକୋନ ତାଙ୍କ ଘରେ ୬ ଜଣ ସଶସ୍ତ୍ର ନିରାପତ୍ତା କର୍ମୀଙ୍କୁ ମୁତୟନ କରିଛନ୍ତି। ସେମାନେ ରହୁଥିବା ସୋସାଇଟିର କର୍ମକର୍ତ୍ତା ବି ନିରାପତ୍ତା ପ୍ରସଙ୍ଗରେ ଦାଦର ପୋଲିସ ଷ୍ଟେସନକୁ ଅବଗତ କରାଇଛନ୍ତି । ରଣବୀର ଅଭିନୀତ ଧନୁର୍ଦ୍ଧର ବର୍ତ୍ତମାନ ସୁଦ୍ଧା ବିଶ୍ବବ୍ୟାପୀ ୧୩୦୦ କୋଟି ଟଙ୍କାର ଆୟ କରିସାରିଲାଣି।
ନରୱାଣେଙ୍କ ଫୋର ଷ୍ଟାରସ ଅଫ ଡେଷ୍ଟିନୀ ପୁସ୍ତକ ବିବାଦ ପ୍ରସଙ୍ଗ ; FIR ରୁଜୁ
ନୂଆଦିଲ୍ଲୀ : ପୂର୍ବତନ ସେନାମୁଖ୍ୟ ଜେନେରାଲ ମନୋଜ ମୁକୁନ୍ଦ ନରୱାଣେଙ୍କ ଫୋର ଷ୍ଟାରସ ଅଫ ଡେଷ୍ଟିନୀ ପୁସ୍ତକ ବିବାଦ ପ୍ରସଙ୍ଗ। ପେଙ୍ଗୁଇନ ରାଣ୍ଡମ ହାଉସ ଇଣ୍ଡିଆ ପକ୍ଷରୁ ଟୁଇଟ ପ୍ରସଙ୍ଗରେ ମନୋଜ ଦେଇଛନ୍ତି ନିଜର ପ୍ରତିକ୍ରିୟା। ସେ କହିଛନ୍ତି ଦିସ ଇଜ ଦ ଷ୍ଟାଟସ। ପେଙ୍ଗୁଇନ ପକ୍ଷରୁ କୁହାଯାଇଥିଲା- ଏହି ପୁସ୍ତକ ପ୍ରକାଶ ପାଇନାହିଁ ଏବଂ ଏହାର କୌଣସି ସ୍ବୀକୃତିପ୍ରାପ୍ତ କପି ନାହିଁ। ଏହାକୁ ନେଇ ମନୋଜ କହିଛନ୍ତି- ଏହା ହିଁ ବର୍ତ୍ତମାନର ସ୍ଥିତି ରହିଛି। ପୂର୍ବରୁ ସୋମବାର ପେଙ୍ଗୁଇନ ପକ୍ଷରୁ କୁହାଯାଇଥିଲା- ଫୋର ଷ୍ଟାରସ ଅଫ ଡେଷ୍ଟିନୀର ପ୍ରକାଶନ ଲାଗି ଅଧିକାର ହାସଲ କରିଛି ସଂସ୍ଥା। ତେବେ ପୁସ୍ତକର ପ୍ରକାଶନ ହୋଇନାହିଁ। ପେଙ୍ଗୁଇନ ବି କହିଛି- ଏହି ପୁସ୍ତକକୁ ନା ଛପାଯାଇଛି ନା ଡିଜିଟାଲ ଫର୍ମରେ ଏହା ଉବଲବ୍ଧ ରହିଛି ।
ଯଦି ପୁସ୍ତକଟି କୌଣସି ଫର୍ମାଟ ବା ପ୍ଲାଟଫର୍ମରେ ଉପଲବ୍ଧ ଥାଏ ତେବେ ତାହା କପିରାଇଟ ଉଲ୍ଲଂଘନ ବୋଲି ପରିଗଣିତ ହେବ। ସେପଟେ ନରୱାଣେ ଏହି ଅପ୍ରକାଶିତ ପୁସ୍ତକର ଏକ ନକଲ ଉପଲବ୍ଧ ହେବା ଅଭିଯୋଗ କ୍ରମେ ଦିଲ୍ଲୀ ପୋଲିସ ପକ୍ଷରୁ ମାମଲା ରୁଜୁ ହୋଇଛି। ଏହି ପୁସ୍ତକର କିଛି ଅଂଶକୁ ଲୋକସଭା ବିରୋଧୀ ଦଳ ନେତା ରାହୁଲ ଗାନ୍ଧୀ ଉପସ୍ଥାପନ କରିବା ପରେ ସଂସଦ ଓ ସାରା ଦେଶରେ ଝଡ଼ ସୃଷ୍ଟି ହୋଇଛି।
ଆଜି ଶ୍ରୀମନ୍ଦିରରେ ଶ୍ରୀବିଗ୍ରହମାନଙ୍କ ବନକଲାଗି ନୀତି : ୪ଘଣ୍ଟା ଧରି ସର୍ବସାଧାରଣ ଦର୍ଶନ ବନ୍ଦ
ପୁରୀ: ଆଜି ଫାଲଗୁନ ମାସ କୃଷ୍ଣ ପକ୍ଷ ଦଶମୀ । ଶ୍ରୀମନ୍ଦିରରେ ଶ୍ରୀବିଗ୍ରହମାନଙ୍କ ବନକଲାଗି ନୀତି ଅନୁଷ୍ଠିତ ହେବ । ଦ୍ଵିତୀୟ ଭୋଗ ମଣ୍ଡପ ପରେ ମହାପ୍ରଭୁଙ୍କ ଶ୍ରୀମୁଖ ଶୃଙ୍ଗାର କରିବେ ସେବାୟତ । ଏହାକ ଏକ ଗୁପ୍ତ ସେବା ଥିବାରୁ ଦ୍ୱିତୀୟ ଭୋଗମଣ୍ଡପ ଭୋଗ ଶେଷ ହେବା ପରେ ଆପାତତଃ ସନ୍ଧ୍ୟା ୬ ଘଟିକା ଠାରୁ ରାତ୍ର ୧୦ ଘଟିକା ପର୍ଯ୍ୟନ୍ତ ସର୍ବସାଧାରଣ ଦର୍ଶନ ବନ୍ଦ ରହିବ । ଏନେଇ ଶ୍ରୀମନ୍ଦିର ପ୍ରଶାସନ ପକ୍ଷରୁ ସୂଚନା ପ୍ରଦାନ କରାଯାଇଛି ।