ମାଲକାନାଗିରି: ମାଆ ଡ଼ାକ ଶୁଣିବା ଆଗରୁ ସବୁ ଛଡ଼ାଇ ନେଲା ରାକ୍ଷସ ବନ୍ୟା । ଭରା ନଦୀ ପାଇଁ ହାର ମାନିଲା ଗର୍ଭରୁ ବାହାରକୁ ଆସିବା ପାଇଁ ଚେଷ୍ଟା କରୁଥିବା କୋମଳ ଜୀବନ । ଅନ୍ଧାରୀ ଗର୍ଭରୁ ବାହାରି ଆଲୋକର ଦୁନିଆ ଦେଖିବା ଆଗରୁ କୁନି ଜୀବନକୁ ଭସାଇ ନେଇଛି ଭରା ନଦୀ । ଆଉ ସେପଟେ ନିଜ ସନ୍ତାନକୁ ହରାଇ ମାଆର ଆଖିରେ ଭରିଯାଇଛି ଅସରା ଅସରା ଲୁହ । ଏଭଳି ଏକ ଦୃଦୟ ବିଦାର ଦୃଶ୍ୟ ଦେଖିବାକୁ ମିଳିଛି ମାଲକାନଗିରି ଜିଲ୍ଲା ସୀମାନ୍ତ ଛତିଶଗଡ଼ର ବିଜାପୁର ଜିଲ୍ଲାରୁ । ବିଜ।ପୁର ଜିଲ୍ଲା ଲଙ୍କାପଲ୍ଲୀ ଗାଁର କରୁଣା ନାମକ ଜଣେ ମହିଳା ଗର୍ଭ ଯନ୍ତ୍ରଣାରେ ଛଟପଟ ହେଉଥିବା ବେଳେ ମେଡିକାଲ ଯାଇପାରୁ ନଥିଲେ । କାରଣ ବାଧକ ସାଜିଥିଲା ଭରାନଦୀ ।

ଲଗାଣ ବର୍ଷାରେ ନଦୀ ଫୁଲିବା ସହ ପ୍ରଖର ସ୍ରୋତ ଥିଲା । ମହିଳା ଜଣଙ୍କ ୪ଦିନ ଯନ୍ତ୍ରଣାରେ ଛଟପଟ ହେବାପରେ ଗ୍ରାମବାସୀ ଉପାୟ ଚିନ୍ତା କରିଥିଲେ । ଶେଷରେ ଜୀବନକୁ ବାଜି ଲଗାଇ ମାନବ ଶୃଙ୍ଖଳା କରିବା ସହ ନଦୀର ଉଭୟ ପାର୍ଶ୍ୱରେ ରଶି ବାନ୍ଧି ମହିଳାଙ୍କୁ ନଦୀ ପାର୍‌ କରାଇଥିଲେ । ଗ୍ରାମବାସୀଙ୍କ ହାତ ବନି ଥିଲା ଷ୍ଟ୍ରେଚର ।  ମହିଳାଙ୍କ ନଦୀ ପାର କରାଇ ନିକଟସ୍ଥ ଇଡ଼ିମାଡି ପ୍ରାଥମିକ ସ୍ୱାସ୍ଥ୍ୟକେନ୍ଦ୍ରକୁ ନିଆଯାଇଥିଲା  ।

ସେଠାରେ ମହିଳାଙ୍କ ଅବସ୍ଥା ଗୁରୁତର ହେବାରୁ ତାଙ୍କୁ ଜିଲ୍ଲା ଚିକିତ୍ସାଳୟ ନିଆଯାଇଥିଲା । କିନ୍ତୁ ସେଠାରେ ମହିଳାଙ୍କ ଜୀବନ ବଞ୍ଚି ଯାଇଥିଲେ ମଧ୍ୟ ଶିଶୁଟିର ଜୀବନ ବଞ୍ଚି ନଥିଲା ।ଜନ୍ମ ହୋଇଥିଲା ମୃତଶିଶୁ । ମାଓବାଦୀଙ୍କ ଯୋଗୁ ସେହି ଅଞ୍ଚଳରେ ପୋଲ ନିର୍ମାଣ ହୋଇପାରୁ ନାହିଁ । ଫଳରେ ଏଭଳି ସମସ୍ୟା ସୃଷ୍ଟି ହେଉଛି  ।

ଭୁବନେଶ୍ୱର: ଲଘୁଚାପ ଯୋଗୁ ଉତ୍ତର ଓଡ଼ିଶାରେ ମଧ୍ୟମ ଧରଣର ବର୍ଷା ହୋଇପାରେ । ବର୍ଷା ହେବ କିନ୍ତୁ ଏବେ ବନ୍ୟା ପରିସ୍ଥିତି ଦେଖା ଦେବ ନାହିଁ । ନଦୀ ମାନଙ୍କରେ ନିଶ୍ଚିତ ଭାବରେ ପାଣି ବଢ଼ିବ । ଫଳରେ ସୁବର୍ଣ୍ଣରେଖା, ବୁଢ଼ାବଳଙ୍ଗ, ବୈତରଣୀ ନଦୀରେ ପାଣି ବଢ଼ିବାର ଆଶଙ୍କା ରହିଛି । ଏବେ କିନ୍ତୁ ସବୁ ନଦୀ ବିପଦ ସଂକେତ ତଳେ ଅଛି ପାଣି ପ୍ରବାହିତ ହେଉଛି । କେବଳ ଜଳକା ନଦୀରେ ଅଛି ୬.୨୧ ଫୁଟରେ ପାଣି ପ୍ରବାହିତ ହେଉଛି ।

ହେଲେ କିଛି ସମସ୍ୟା ନାହିଁ ବୋଲି ଜଳସଂପଦ ବିଭାଗର ସର୍ବୋଚ୍ଚ ଯନ୍ତ୍ରୀ ଜ୍ୟୋତିର୍ମୟ ରଥ କହିଛନ୍ତି । ସବୁ ନଦୀବନ୍ଧ ଠିକ ଅଛି । ଯଦି ବର୍ଷା କଥା ଦେଖିବା ତେବେ ଗତକାଲି ମୟୂରଭଞ୍ଜ, କେନ୍ଦୁଝର, ଖୋର୍ଦ୍ଧା, ଭୁବନେଶ୍ୱର ଓ କଟକ ଜିଲ୍ଲାରେ ୧୦ରୁ ୧୫ ମିଲିମିଟର ବର୍ଷା ହୋଇଛି । କେବଳ ଭୁବନେଶ୍ୱରରେ ୩୬, ବୋଲଗଡ଼ରେ ୪୦, କଟକ ସଦର ବ୍ଲକରେ ୬୯ ମିଲିମିଟର ବର୍ଷା ହୋଇଛି । ସପେଟେ ହୀରାକୁଦର ୧୮ଟି ଗେଟ୍‌ ଖୋଲା ରହିଛି । ହିରାକୁଦରେ ବର୍ତ୍ତମାନ ୬୧୯.୪୧ ଘନ ଫୁଟ ଜଳ ରହିଛି । ପ୍ରତି ସେକେଣ୍ଡରେ ୩ ଲକ୍ଷ କ୍ୟୁସେକ୍ ଜଳ ପ୍ରବେଶ କରୁଥିବା ବେଳ ନିଷ୍କାସନ ହେଉଛି ୩ ଲକ୍ଷ କ୍ୟୁସେକ୍‌ ପାଣି  ।

ଭୁବନେଶ୍ୱର: ନୟାପଲ୍ଲୀ ରିଙ୍କୁ ସ୍ୱାଇଁ ହତ୍ୟା କାଣ୍ଡ ମାମଲା । ଏହି ଘଟଣାରେ ୫ ଜଣଙ୍କୁ ଗିରଫ କଲା ନୟାପଲ୍ଲୀ ଥାନା ପୋଲିସ । ୨୦୧୯ରେ ସାଲିଆସାହି ସୁନାମି କ୍ଳବ ଆଗରେ ବୋମାମାଡ଼ କରିଥିଲେ ଏମାନେ । ଆକ୍ରୋଶ ମୂଳକ ଭାବେ ଜୀବନରୁ ମାରିବା ପାଇଁ ହୋଇଥିଲା ବୋମା ମାଡ଼ । ବୋମାମାଡ଼ରେ ରିଙ୍କୁ ସ୍ୱାଇଁ ଙ୍କ ମୃତ୍ୟୁ ହୋଇଥିଲା । ତେବେ ଏହି ମୃତ୍ୟୁ ମାମଲାରେ ୧୦ ଜଣ ଅଭିଯୁକ୍ତ ସଂମ୍ପୃକ୍ତ ଥିଲେ ।

ପୂର୍ବରୁ ପୋଲିସ ୩ ଜଣଙ୍କୁ ଗିରଫ କରି କୋର୍ଟ ଚାଲାଣ କରିଥିଲା । ଏବେ ୫ ଜଣଙ୍କୁ ଗିରଫ କରିଛି । ଅନ୍ୟ ଦୁଇ ଜଣ ଏବେ ଫେରାର ଅଛନ୍ତି । ଏହି ଘଟଣାର ମୁଖ୍ୟ ଅଭିଯୁକ୍ତ ଶୋଭରାଜ  ମହାରଣା ଓରଫ ସିକନ । ଗିରଫ ହେବା ପରେ ସେମାନଙ୍କ ଠାରୁ ଏୟାର ଗନ୍ ଓ ବାଇକ ଜବତ କରିଛି ପୋଲିସ । ଆଠଗଡରେ ୬୦ ହଜାର ଲୁଟ ଓ ଗୁରୁଡିଝାଟିଆ ରେ ମଦ ଦୋକାନ ଠାରୁ ଲୁଟ ଉଦ୍ଦେଶ୍ୟରେ ଗୁଳିମାଡ କରିଥିଲା ଶୋଭରାଜ । ବୋମାମାଡ଼ କରିବା ମାଡ୍ରାସ ଫେରାର ହୋଇ ଯାଇଥିଲା । ଲକଡାଉନ ଯୋଗୁ ଓଡିଶା ଫେରି ବରୁଣେଇରେ ଥିବା ଏକ ଧାନ ମିଲରେ କାମ କରୁଥିଲେ ।

(ଭୁବନେଶ୍ୱରରୁ ଅରୁଣ କୁମାର ସାହୁ)