ନୂଆଦିଲ୍ଲୀ: ବିଗତ ମାସରେ ଋଷ ବିଶ୍ୱରେ ସର୍ବପ୍ରଥମେ କରୋନା ଭାଇରସ ଭ୍ୟାକସିନ ପ୍ରସ୍ତୁତ କରିବାର ଦାବି କରିଥିଲା । ଅବଶ୍ୟ ଋଷର ଭ୍ୟାକସିନ ଉପରେ WHO, ଆମେରିକା ଏବଂ ଦୁନିଆର ଅନ୍ୟ ବଡ଼ ବଡ଼ ବିଶେଷଜ୍ଞ ମାନେ ବିଶ୍ୱାସ ରଖୁନଥିଲେ । ବର୍ତ୍ତମାନ ଏକ ନୂଆ ଅଧ୍ୟୟନରେ ଋଷର ସେହି ଭ୍ୟାକସିନକୁ ଆହୁରି ସୁରକ୍ଷିତ ଏବଂ ପ୍ରଭାବଶାଳୀ କରି ପ୍ରସ୍ତୁତ କରିଛି ।
ଶୁକ୍ରବାର ଦିନ ‘ଦ ଲାନସେଟ୍’ରେ ପ୍ରକାଶିତ ଏକ ରିପୋର୍ଟ ଅନୁଯାୟୀ, ପ୍ରାରମ୍ଭିକ ପର୍ଯ୍ୟାୟର ଏକ ଅନିୟମିତ ଟିକା ପରୀକ୍ଷାର ଫଳାଫଳ ଭଲ ଆସିଛି । ଦୁଇଟି ଟୀକାକରଣରେ ୭୬ ଜଣଙ୍କ ଉପରେ ପରୀକ୍ଷା ପରେ ୪୨ ଦିନ ମଧ୍ୟରେ ସେଫ୍ଟି ପ୍ରୋଫାଇଲ୍ ଚିହ୍ନଟ ହୋଇଛି । ୨୧ ଦିନ ମଧ୍ୟରେ, ସମସ୍ତ ସ୍ୱେଚ୍ଛାସେବୀ ମାନଙ୍କ ମଧ୍ୟରେ ଆଣ୍ଟିବଡି ପ୍ରତି ଏକ ଭଲ ପ୍ରତିକ୍ରିୟା ଦେଖିବାକୁ ମିଳିଥିଲା ।
ଅନୁସନ୍ଧାନକାରୀମାନେ ଏହା ମଧ୍ୟ ଦାବି କରିଛନ୍ତି ଯେ, ୨୮ ଦିନ ମଧ୍ୟରେ ଏହି ଟିକା ଶରୀରରେ ଟି-କୋଷିକା ମଧ୍ୟ ସୃଷ୍ଟି କରିଥାଏ, ଯାହା ଶରୀରରେ ଭାଇରସ ସହ ମୁକାବିଲା କରିବା ପାଇଁ ଶକ୍ତି ଦେଇଥାଏ । ଏହି ରିପୋର୍ଟ ୪୨ ଦିନ ଧରି ଚାଲିଥିବା ଦୁଇଟି କ୍ଷୁଦ୍ର ସ୍ତର ପରୀକ୍ଷା ଉପରେ ଆଧାରିତ । ପ୍ରଥମ ପରୀକ୍ଷଣରେ ଟିକାର ଫ୍ରୋଜେନ ଫର୍ମ୍ୟୁଲେସନ ଏବଂ ଦ୍ୱିତୀୟ ପରୀକ୍ଷଣରେ ଲାୟୋଫିଲାଇଜଡ୍ ଫର୍ମ୍ୟୁଲେସନର ଅନୁସନ୍ଧାନ କରାଯାଇଥିଲା ।
ଭ୍ୟାକସିନର ଉଭୟ ଅଂଶ ଯେଉଁଥିରେ ‘ହ୍ୟୁମାନ ଏଡିନୋଭାଇରସ ଟାଇପ-୨୬’ ( rAd26-S) ଏବଂ ‘ହ୍ୟୁମାନ ଏଡିନୋଭାଇରସ ଟାଇପ-୫ (rAd5-S) ର ରିକମ୍ବାଇନାଣ୍ଟ ସାମିଲ ରହିଛି, SARS-CoV-2ର ସ୍ପାଇକ ପ୍ରୋଟିନ ରୂପରେ ମୋଡିଫାଇ କରାଯାଇଥିଲା । ଉଭୟ ଷ୍ଟେଜର ଟ୍ରାୟଲରେ ଦାବି କରାଯାଇଛି ଯେ, ଯୋଗାଣ ଏବଂ ଏହାର ଷ୍ଟୋରେଜରେ ମଧ୍ୟ ସମ୍ପୂର୍ଣ୍ଣ ଧ୍ୟାନ ଦିଆଯାଉଛି ।
ଏହି ଭ୍ୟାକସିନ ହାତର ସାଂସ ପେଶୀ ଜରିଆରେ ଶରୀର ମଧ୍ୟରେ ପ୍ରବେଶ କରାଯାଇଥାଏ । ଯାହା ପରେ ଇମ୍ୟୁନ ସିଷ୍ଟମ ଉପରେ ଏହାର ପ୍ରଭାବ ଦେଖାଦେବା ଆରମ୍ଭ ହୋଇଯାଇଥାଏ । ଆଣ୍ଟିବଡ଼ୀ ଏବଂ ଟି- ସେଲ୍ସ ଜେନେରେଟ ହେବା ପରେ ତାହା ଶରୀରରେ ଥିବା ଭାଇରସ ଏବଂ SARS-CoV-2 ର ସଂକ୍ରମିତ ସେଲ ଗୁଡ଼ିକ ଉପରେ ଗୁରୁତ୍ୱ ଦେଇଥାଏ ।
ଋଷର ଏହି ଟିକାର ନାମ ହେଉଛି Sputnik V, ଯାହା ‘ଗମାଲେୟା ନ୍ୟାସନାଲ ରିସର୍ଚ୍ଚ ସେଣ୍ଟର ଫର ଏପିଡେମୋଲୋଜି ଏବଂ ମାଇକ୍ରୋବିଓଲୋଜି’ ଦ୍ୱାରା ବିକଶିତ ହୋଇଛି । ଏହି ଅନୁସନ୍ଧାନର ମୁଖ୍ୟ ଲେଖକ ଡେନିସ୍ ଲୋଗୁନୋଭ କହିଛନ୍ତି ଯେ, ଥରେ ଆଡିନୋଭାଇରସ୍ ଟିକା ମାନବ କୋଷରେ ପ୍ରବେଶ କରିବା ମାତ୍ରେ ଏହା SARS-CoV-2 ର ସ୍ପାଇକ୍ ପ୍ରୋଟିନ୍ ଜେନେଟିକ୍ କୋଡ୍ ବିତରଣ କରିବା ଆରମ୍ଭ କରେ, ଯାହା କୋଷଗୁଡ଼ିକର ସ୍ପାଇକ୍ ପ୍ରୋଟିନ୍ ଉତ୍ପାଦନ କରିବାର କାରଣ ଅଟେ ।
ଲୋଗୁନୋବ କହିଛନ୍ତି ଯେ, ଏହି ଟିକା ରୋଗ ପ୍ରତିରୋଧକ ଶକ୍ତି ଏବଂ ଜୀବାଣୁ ଚିହ୍ନଟ କରିବାରେ ସାହାଯ୍ୟ କରିଥାଏ। ଏହି ପରୀକ୍ଷା ଋଷର ଦୁଇଟି ଡାକ୍ତରଖାନାରେ ହୋଇଛି । ଏହି ଦୁଇଟି ନନ୍- ରାଣ୍ଡମାଇଜଡ୍ ପରୀକ୍ଷଣରେ ସ୍ୱେଚ୍ଛାସେବୀମାନେ ପୂର୍ବରୁ ଜାଣିଥିଲେ ଯେ ସେମାନଙ୍କୁ ଟୀକାକରଣ କରାଯାଉଛି । ଏହି ପରୀକ୍ଷଣରେ କେବଳ ୧୮ ରୁ ୬୦ ବର୍ଷ ବୟସର ସୁସ୍ଥ ବ୍ୟକ୍ତି ଅନ୍ତର୍ଭୁକ୍ତ ହୋଇଥିଲେ ।
