ମିଛ ଅଡିଓ ଟେପ୍ ଭାଇରାଲ ପ୍ରସଙ୍ଗ: ଥାନାରେ ହାଜର ହେଲେ ଘରୋଇ ଚ୍ୟାନେଲର ବାର୍ତ୍ତା ସମ୍ପାଦକ
ଭୁବନେଶ୍ୱର: ମିଛ ଅଡିଓ ଟେପ୍ ଭାଇରାଲ ପ୍ରସଙ୍ଗରେ ଶେଷରେ ଥାନାରେ ହାଜର ହେଲେ ସମ୍ପୃକ୍ତ ଚ୍ୟାନେଲର ବାର୍ତ୍ତା ସମ୍ପାଦକ । ସମ୍ପୃକ୍ତ ଚ୍ୟାନେଲର ଇନପୁଟ ହେଡ୍ ଓ ପିଆରଓ ମଧ୍ୟ ଥାନାରେ ହାଜର ହେଲେ । ଓଡ଼ିଶା ରିପୋର୍ଟର ବାର୍ତ୍ତା ସଂପାଦକ ଥାନାରେ ହାଜର ହୋଇଥିବା ସୂଚନା ମିଲିଛି । ହାଜର ପାଇଁ କ୍ୟାପିଟାଲ ଥାନା ପୋଲିସ କରିଥିଲା ନୋଟିସ । ଗତକାଲି ହାଇକୋର୍ଟଙ୍କ ନିର୍ଦ୍ଦେଶ ପରେ ଆଜି ଥାନାରେ ହାଜର ହେଲେ ।
କୋଭିଡ୍ ହସ୍ପିଟାଲ ସଂପର୍କିତ ମିଛ ଅଡିଓ ପ୍ରାସାରଣକୁ ନେଇ ପୋଲିସକୁ ସହଯୋଗ କରିବା ପାଇଁ ସଂପୃକ୍ତ ଚ୍ୟାନେଲକୁ ହାଇକୋର୍ଟ ନିର୍ଦ୍ଦେଶ ଦେଇଥିଲେ । ଉକ୍ତ ଚ୍ୟାନେଲର ଡିଜିଟାଲ ପ୍ଲାଟଫର୍ମରେ କୋଭିଡ୍ ହସ୍ପି୍ଟାଲ ସଂପର୍କରେ ବିଭ୍ରାନ୍ତିକର ଅଡିଓ ପୋଷ୍ଟ ହୋଇଥିଲା । ଏହାକୁ ନେଇ ଚ୍ୟାନେଲ ବିରୋଧରେ କ୍ୟାପିଟାଲ ଥାନାରେ ଏତଲା ଦେଇଥିଲା ଭୁବନେଶ୍ବର ମହାନଗର ନିଗମ ।
କ୍ୟାପିଟାଲ ଥାନା ପକ୍ଷରୁ ହାଜର ହେବା ପାଇଁ ଚ୍ୟାନେଲ କର୍ତ୍ତୃପକ୍ଷଙ୍କୁ ସମନ କରାଯାଇଥିଲା । ସମନ ସତ୍ତ୍ୱେ ହାଜର ହୋଇନଥିଲେ ଚ୍ୟାନେଲ କର୍ତ୍ତୃପକ୍ଷ । PROଙ୍କୁ ପଠାଇ ସମୟ ଗଡ଼ାଇ ଚାଲିଥିଲେ ଓ ଆଗୁଆ ଜାମିନ ପାଇଁ ହାଇକୋର୍ଟରେ ଆବେଦନ କରିଥିଲେ ଚ୍ୟାନେଲ କର୍ତ୍ତୃପକ୍ଷ ।
ସଲମାନଙ୍କୁ ହତ୍ୟା କରିବାକୁ ତିନିଦିନ ଧରି ତାଙ୍କ ଗତିବିଧି ଉପରେ ନଜର ରଖିଥିଲା ସାର୍ପ ସୁଟର ରାହୁଲ
ମୁମ୍ବାଇ: ଅଭିନେତା ସଲମାନ ଖାନଙ୍କୁ ହତ୍ୟା ପାଇଁ ଷଡ଼ଯନ୍ତ୍ର । ହରିୟାଣା ଫରିଦାବାଦରେ ୨ ମାସ ପୂର୍ବରୁ ହୋଇଥିବା ହତ୍ୟାକାଣ୍ଡର ଅଭିଯୁକ୍ତର ଗିରଫଦାରୀ ପରେ ପଚରାଉଚରାରୁ ମିଳିଛି ଏଭଳି ଚାଞ୍ଚଲ୍ୟକର ତଥ୍ୟ । ଲରେନ୍ସ ବିଷୋୟୀ ଗ୍ୟାଙ୍ଗର ସାର୍ପ ସୁଟର ରାହୁଲ ସାଙ୍ଗାକୁ ଗିରଫ କରିଛି ପୋଲିସ । ରାହୁଲ ଅଭିନେତା ସଲମାନ ଖାନଙ୍କୁ ହତ୍ୟା ଧମକ ଦେଇଥିଲା । ମୁମ୍ବାଇରେ ସଲମାନଙ୍କ ଘରର ରେକି ବି କରିଥିବା ଜଣାପଡିଛି । ଗତ ଜାନୁଆରୀରୁ ସଲମାନଙ୍କୁ ହତ୍ୟା ଷଡ଼ଯନ୍ତ୍ର କରାଯାଇଥିବା ସୂଚନା ମିଳିଛି । ଗ୍ୟାଙ୍ଗ ମୁଖ୍ୟ ଲରେନ୍ସ ବିଷ୍ଣୋଇ ରାଜସ୍ଥାନ ଭରତପୁର ସେଣ୍ଟ୍ରାଲ ଜେଲରେ ସଜା କାଟୁଛି ।
ସୂଚନା ଅନୁସାରେ, ଫରିଦାବାଦ ପୋଲିସ ୨୭ବର୍ଷିୟ ସାର୍ପ ସୁଟର ରାହୁଲ ସାଙ୍ଗା ଓରଫ ବାବାକୁ ଗିରଫ କରିଛି । ପୋଲିସ କହିବା ଅନୁଯାୟୀ, ରାହୁଲ ଚଳିତ ବର୍ଷ ଜାନୁୟାରୀରେ ମୁମ୍ବାଇର ବାନ୍ଦ୍ରା ଯାଇଥିଲା ଯେଉଁଠାରେ ସଲମାନ ଖାନଙ୍କ ଘର । ରାଜସ୍ଥାନର ଜେଲରେ ଥିବା ଗ୍ୟାଙ୍ଗଷ୍ଟାର ଲାରେନ୍ସ ବିଷ୍ଣୋଇଙ୍କ ନିର୍ଦ୍ଦେଶରେ ସଲମାନ ଖାନଙ୍କ ଘର ଏବଂ ସଲମାନ ଖାନଙ୍କ ଗତିବିଧି ଉପରେ ତିନିଦିନ ଧରି ନଜର ରଖିବା ସହ ତାଙ୍କର ରେକି କରିଥିଲା ।
କୁହାଯାଉଛି ଯେ, ବିଷ୍ଣୋଇ କିଛି ବର୍ଷ ପୂର୍ବରୁ ରାଜସ୍ଥାନରେ ଏକ ହରିଣକୁ ମାରିବା ଘଟଣାରେ ନିର୍ଦ୍ଦୋଶ ସାବ୍ୟସ୍ତ ହୋଇଥିବା ସଲମାନ ଖାନଙ୍କୁ ମାରିବାକୁ ଚାହୁଁଥିଲା । ଯାହାକୁ ନେଇ ଗତବର୍ଷ ଆଉ ଏକ ଗ୍ୟାଙ୍ଗଷ୍ଟାରକୁ ପଠାଇଥିଲା ବିଷ୍ଣୋଇ ।
ଲଦାଖ ସୀମାରେ ନଜର ଆସିବ B-2 ସ୍ପ୍ରିଟ୍ ବୋମାବର୍ଷକ,ଆମେରିକା ଡ୍ରାଗନକୁ ଦେଖାଇବ ଶକ୍ତି
ୱାସିଂଟନ: ଲଦାଖ ସୀମାରେ ଚୀନ୍ ସେନାର ଆକ୍ରାମକ ଆଭିମୁଖ୍ୟ କାରଣରୁ ଆମେରିକା ଭାରତକୁ ସାହାଯ୍ୟ କରିବାକୁ ଆଗଭର ହୋଇଛି । ଆମେରିକା ନିଜର ସବୁଠାରୁ ଉନ୍ନତ ଓ ମାରାତ୍ମକ ପରମାଣୁ ବୋମା ବର୍ଷକ ବି-୨ ସ୍ପ୍ରିଟ୍ ବିମାନକୁ ଲଦାଖ ସୀମାରେ ମୁତୟନ କରିପାରେ । ଆମେରିକାର ଏହି ବିମାନ ଏକାଥରକେ ୧୬ ପରମାଣୁ ବୋମା ସହ ଉଡାଣ ଭରିବାରେ ସକ୍ଷମ । ଏହି ବିମାନ ଖୁବଶୀଘ୍ର ଭାରତୀୟ ବାୟୁସେନା ସହିତ ଫ୍ଲାଇ ଓଭର ମିଶନ,ଯୁଦ୍ଧ ପ୍ରସ୍ତୁତି ଓ ମିଳିତ ଯୁଦ୍ଧ ରଣନୀତି ତିଆରି ଅଭିଯାନରେ ସାମିଲ ହୋଇ ପାରନ୍ତି ।
ଆମେରିକା ପତ୍ରିକା ଦ ନ୍ୟାସନାଲ ଇଣ୍ଟ୍ରେଷ୍ଟ୍ ଅନୁସାରେ ଭାରତ-ଆମେରିକା ମଧ୍ୟରେ ହେବାକୁ ଥିବା ଏହି ମିଳିତ ଯୁଦ୍ଧାଭ୍ୟାସକୁ ଭାରତ-ଚୀନ ସୀମାରେ କରିବା ପାଇଁ ସବୁ ପ୍ରକାରର ପ୍ରସ୍ତୁତି ଚାଲିଛି । ଭାରତ ପ୍ରତି ବନ୍ଧୁତ୍ୱକୁ ପ୍ରଦର୍ଶନ କରିବା ସହ ଆମେରିକା ଚୀନର ବାୟୁ ପ୍ରତିରୋଧ ସିଷ୍ଟମକୁ ମଧ୍ୟ ପାଖରୁ ପରଖିବାକୁ ଚାହୁଁଛି । ଭାରତୀୟ ସୀମାରେ ଆମେରିକାକୁ ଏହି ମୌକା ମିଳିବ । ସୂଚନାଯୋଗ୍ୟ ଯେ,ଏବେ ଡିୟାଗୋ ଗର୍ସିଆରେ ୩ଟି ବି-୨ ବିମାନ ମୁତୟନ ଅଛନ୍ତି । ଡିୟାଗୋ ଗର୍ସିଆରୁ ଏହି ବିମାନ ଇରାକ ଓ ଆଫଗାନିସ୍ତାନ ଯାତ୍ରା କରିଥାନ୍ତି । ପ୍ରାୟ ୨୯ ଘଣ୍ଟାର ଯାତ୍ରା କରି ଏହି ତିନି ବିମାନ ଗତ ସପ୍ତାହରେ ଡିୟାଗୋ ଗର୍ସିୟାରେ ପହଂଚିଥିଲେ ।
U.S. Air Force B-2 stealth bombers may soon be conducting fly-over missions, combat preparation drills and interoperability exercises near the Indian-Chinese border. https://t.co/Xl1ef9CyEX
— National Interest (@TheNatlInterest) August 18, 2020
ଆମେରିକା ତ’ ବିମାନର ମାରକ କ୍ଷମତା ପରୀକ୍ଷା କରିବାକୁ ଚାହୁଁଛି
ବି-୨ ସ୍ପ୍ରିଟ୍ ବିମାନ ଗତ ୩୦ ବର୍ଷ ଧରି ଆମେରିକାର ଏକ ନମ୍ବର ପରମାଣୁ ବୋମା ବର୍ଷକ ଭାବେ କାମ କରୁଛନ୍ତି । ଗତ ତିରିଶ ବର୍ଷ ମଧ୍ୟରେ ଆମେରିକା ଏହି ବିମାନର ଅନେକ ଥର ଅପଗ୍ରେଡେସନ୍ ମଧ୍ୟ କରିଛି । ବି-୨ ରେ ଲାଗିଥିବା କମ୍ପ୍ୟୁଟରକୁ ନିକଟରେ ଆମେରିକା ବଦଳାଇଥିଲା । ଏବେ ସେଥିରେ ଯେଉଁ ନୂତନ ସିଷ୍ଟମ ଲାଗିଛି ତାହା ପୁରୁଣା ସିଷ୍ଟମଠାରୁ ୧ ହଜାର ଗୁଣ ଅଧିକ ଗତିରେ କାମ କରିଥାଏ ।
ବିଶେଷଜ୍ଞଙ୍କ ଅନୁସାରେ ଏହି ବିମାନ ୧୬ ପରମାଣୁ ବୋମା ସହ ମିଶନରେ ଯାଇପାରେ । ଏହା ଶତ୍ରୁ ରାଷ୍ଟ୍ରର ରାଡାରରେ ଧରା ପଡେନାହିଁ । ଏହି ବିମାନରେ ଏକାଥରକେ ୧୬ଟି B61-7 ପରମାଣୁ ବୋମା ନିଆଯାଇ ପାରିବ । ନିକଟରେ ଏଥିରେ ଅଧିକ ଘାତକ ଓ ସଠିକ ଲକ୍ଷ୍ୟଭେଦ କରିପାରୁଥିବା B61-12 ବୋମା ସାମିଲ କରାଯାଇଛି ।
ଏସବିଆଇ ଗ୍ରାହକଙ୍କ ପାଇଁ ଖୁସି ଖବର , ଟଙ୍କା ଜମା କରିବାର ନିୟମ ବଦଳିଲା
ଯଦି ଏସବିଆଇରେ ଆପଣଙ୍କ ଆକାଉଣ୍ଟ ରହିଛି ତେବେ ଏହି ଖବର ଆପଣଙ୍କ ପାଇଁ ଗୁରୁତ୍ୱପୂର୍ଣ୍ଣ । କାରଣ ଏହି ସପ୍ତାହରେ ଏସବିଆଇ ଏକାଧିକ ନିୟମ ବଦଳାଇଛି । ଏହି ନିୟମ ଏଟିଏମ ବ୍ୟବହାର, ସର୍ବନିମ୍ନ ରାଶି ଏବଂ ଏସଏମଏସର ଚାର୍ଜକୁ ନେଇ । ତେବେ ଏହାକୁ ନେଇ ବ୍ୟାଙ୍କ କ’ଣ ସମସ୍ତ ନିୟମ କରିଛନ୍ତି ଆସନ୍ତୁ ଆଲୋଚନା କରିବା ।
୧. ଭାରତୀୟ ଷ୍ଟେଟବ୍ୟାଙ୍କ ୧ ଜୁଲାଇରୁ ଏଟିଏମକୁ ନେଇ ନିଜର କେତେକ ନିୟମରେ ପରିବର୍ତ୍ତନ ଆଣିଛନ୍ତି । ଯଦି ଗ୍ରାହକ ଏହି ନିୟମ ପାଳନ କରୁ ନାହାଁନ୍ତି ତେବେ ତାଙ୍କୁ ଜୋରିମନା ଦେବାକୁ ପଡ଼ିପାରେ । ଏସବିଆଇର ଅଫିସିଆଲ ଓ୍ୱେବସାଇଟ sbi.co.in ରେ ଉପଲବ୍ଧ ଖବର ଅନୁସାରେ ଏସବିଆଇ ମେଟ୍ରୋ ସହରରେ ନିଜ ନିୟମିତ ଜମାକରୀଙ୍କୁ ଏଟିଏମରୁ ୧ ମାସରେ ୮ଟି ମୁକ୍ତ ଦେୟ ରାଶି ଅନୁମତି ପ୍ରଦାନ କରୁଛି । ମୁକ୍ତ ଟ୍ରାଞ୍ଜାକ୍ସନର ଲିମିଟ ଅତିକ୍ରମ କରିବା ପରେ ଗ୍ରାହକଙ୍କ ଠାରୁ ପ୍ରତ୍ୟେକଟି ଏଟିଏମ ବ୍ୟବହାର ପାଇଁ ରାଶି ଦେବାକୁ ପଡ଼ିଥାଏ ।
୨. ଏସବିଆଇ ୧୮ ଅଗଷ୍ଟରୁ ଗ୍ରାହକଙ୍କଠାରୁ କୌଣସି ଏସଏମଏସ ଚାର୍ଜ ନେବ ନାହିଁ । ଏହି ରାଶି ବ୍ୟାଙ୍କ ଛାଡ଼ କରି ଦେଇଛି ।
୩. ଏସବିଆଇରୁ ୧୦ ହଜାରରୁ ଅଧିକ ରାଶି ଉଠାଇବାକୁ ନେଇ ନିୟମ ପରିବର୍ତ୍ତନ କରିଛି । ଯଦି ଆପଣ ୧୦ ହଜାରରୁ ଅଧିକ ରାଶି ଉଠାଉଛନ୍ତି ତେବେ ଆପଣଙ୍କୁ ଓଟିପିର ଆବଶ୍ୟକତା ପଡ଼ିବ ନାହିଁ । ତେବେ ଏହି ସୁବିଧା ଗ୍ରାହକଙ୍କୁ ରାତି ୮ଟାରୁ ଆରମ୍ଭ କରି ସକାଳ ୮ଟା ପର୍ୟ୍ୟନ୍ତ ମିଳିବ । ଏହି ସମୟରେ ୧୦ ହଜାରରୁ ଅଧିକ ରାଶି ଉଠାଇଲେ ଓଟିପିର ଆବଶ୍ୟକତା ପଡ଼ିବ ନାହିଁ । ଏହା କେବଳ ଏସବିଆଇ ଏଟିଏମ ପାଇଁ ପ୍ରଜୁଯ୍ୟ ।
୪. ଜମାକାରୀ ନ୍ୟୁନତମ ରାଶି ନରଖିଲେ ଜୋରିମନା ନେବ ନାହିଁ ଏସବିଆଇ । ଏସବିଆଇର ୪୪ କୋଟିରୁ ଅଧିକ ଖାତା ଧାରକଙ୍କୁ ଏହି ସୁବିଧା ମିଳିବ । ଏହି ସୁବିଧା ବ୍ୟାଙ୍କ ତରଫରୁ ମିଳିବ ବୋଲି ଗତ ମାର୍ଚ୍ଚ ମାସରେ ଘୋଷଣା କରିଥିଲା ଏସବିଆଇ । ତେବେ ସମସ୍ତ ଖାତା ଧାରୀଙ୍କୁ ଜିରୋ ବାଲାନ୍ସର ସୁବିଧା ମିଳିବ ।
ଦୁଇ ଖଣ୍ଡ ହୋଇପାରେ ପୃଥିବୀ, ସୁରକ୍ଷା କବଚରେ ବଢିବାରେ ଲାଗିଛି ଫାଟ
ନୂଆଦିଲ୍ଲୀ: ପୃଥିବୀ ଦୁଇ ଭାଗରେ ବିଭକ୍ତ ହେବାକୁ ଯାଉଛି । ଏହା ଏକ ଏମିତି ଖବର ଯାହା ସାରା ବିଶ୍ୱ ପାଇଁ ଚିନ୍ତାର ବିଷୟ । ଆପଣମାନେ ମଧ୍ୟ କିଛି କ୍ଷଣ ପାଇଁ ଭାବିବାକୁ ନିଶ୍ଚୟ ବାଧ୍ୟ ହେବs । କାରଣ ସୂର୍ଯ୍ୟଙ୍କ ମାରାତ୍ମକ କିରଣରୁ ରକ୍ଷା କରୁଥିବା ପୃଥିବୀର ସୁରକ୍ଷା କବଚରେ ଫାଟ ଦିନକୁ ଦିନ ବଢିବାରେ ଲାଗିଛି । ଯଦି ଆମେ ଏବେଠୁ ନ ଚେତିବା ତେବେ ପୃଥିବୀର ସୁରକ୍ଷା କବଚ କୁହାଯାଉଥିବା ଚୁମ୍ବକୀୟ କ୍ଷେତ୍ର ୨ ଭଗରେ ଭାଙ୍ଗିଯିବାର ଆଶଙ୍କା ରହିଛି ।
ଆମେରିକାର ସ୍ପେସ୍ ଏଜେନ୍ସି ନାସା ଏଭଳି ଆଶଙ୍କା ବ୍ୟକ୍ତ କରିଛି । ନାସା ଅନୁଯାୟୀ, ଏହି କବଚ କ୍ରମାଗତ ଭାବରେ ଦୁର୍ବଳ ହେବାରେ ଲାଗିଛି। ଏହି କବଚ ବା ଚୁମ୍ଭକୀୟ କ୍ଷେତ୍ର ଦକ୍ଷିଣ ଆମେରିକା ଏବଂ ଦକ୍ଷିଣ ଆଟଲାଣ୍ଟିକ୍ ସମୁଦ୍ର ମଧ୍ୟରେ ହିଁ ଦୁର୍ବଳ ହେଉଛି । ବିଶେଷଜ୍ଞମାନେ ଏହି ପ୍ରକ୍ରିୟାକୁ ଦକ୍ଷିଣ ଆଟଲାଣ୍ଟିକ୍ ବିସଙ୍ଗତିର ନାଁ ଦେଇଛନ୍ତି ।
ବିଶେଷଜ୍ଞଙ୍କ ଅନୁଯାୟୀ, ଏହି ଫାଟ ପ୍ରତି ସେକେଣ୍ଡରେ ବୃଦ୍ଧି ପାଉଥିବାରୁ ଏହା ଦୁଇଟି ଖଣ୍ଡରେ ଭାଙ୍ଗିବାର ସମ୍ଭାବନା ରହିଛି । ବୈଜ୍ଞାନିକଙ୍କ ଅନୁଯାୟୀ, ଏହି ଫାଟ ପୃଥିବୀ ଭିତରେ ସୃଷ୍ଟି ହେଉଛି, କିନ୍ତୁ ଏହାର ପ୍ରଭାବ ପୃଥିବୀ ପୃଷ୍ଠରେ ପରିଲକ୍ଷିତ ହେଉଛି । ଏହି କାରଣରୁ, ପୃଥିବୀରେ ଏକ ଦୁର୍ବଳ ଚୁମ୍ବକୀୟ କ୍ଷେତ୍ର ସୃଷ୍ଟି ହେଉଛି, ଯାହା ସୂର୍ଯ୍ୟଙ୍କଠାରୁ ମାରାତ୍ମକ ବୀକିରଣକୁ ପୃଥିବୀ ପୃଷ୍ଠକୁ ଯିବାକୁ ରୋକି ପାରିବାରେ ସକ୍ଷମ ହୋଇ ପାରିବ ନାହିଁ ।
୨୦୦ବର୍ଷରେ ସୃଷ୍ଟି ହୋଇଛି ଏହି ଫାଟ
ବୈଜ୍ଞାନିକଙ୍କ ଅନୁଯାୟୀ, ଚୁମ୍ବକୀୟ କ୍ଷେତ୍ର ଥିଲେ ମଧ୍ୟ କବଚରେ ଫାଟ ତ ସୃଷ୍ଟି ହେଉଛି । ପୃଥିବୀର ଉତ୍ତର ଭାଗରେ ଏହା ଦୁର୍ବଳ ଚୁମ୍ବକୀୟ କ୍ଷେତ୍ର ସମଗ୍ର ମେରୁ ପର୍ଯ୍ୟନ୍ତ ବ୍ୟାପିଛି । ମେ ମାସରେ, ୟୁରୋପୀୟ ସ୍ପେସ୍ ଏଜେନ୍ସି ରିପୋର୍ଟରେ ସ୍ପଷ୍ଟ କରିଛି ଯେ, ଦୁଇଶହ ବର୍ଷରେ ଚୁମ୍ବକୀୟ କ୍ଷେତ୍ର ହାରାହାରି ୯ ପ୍ରତିଶତ କ୍ଷମତା ହରାଇଛି । ୧୯୭୦ ପରଠାରୁ, କବଚ ଦୁର୍ବଳ ହେବାରେ ଲାଗିଛି ଏବଂ ବର୍ତ୍ତମାନ ଏହା ୮ପ୍ରତିଶତ ଦୁର୍ବଳ ହୋଇଯାଇଛି । ଯଦିଓ, ଦୁଇ ଭାଗରେ ବିଭକ୍ତ ହେବା ନେଇ କୌଣସି ପ୍ରମାଣ ମିଳି ପାରିନାହିଁ ।
ତେବେ କୁହାଯାଉଛି ଯେ, ଯେତେବେଳେ ବି କୌଣସି ସାଟେଲାଇଟ ଏହି ପ୍ରଭାବିତ ଅଞ୍ଚଳ ଦେଇ ଗତି କରିବ, ସେତେବେଳେ ତାକୁ ସୂର୍ଯ୍ୟଙ୍କଠାରୁ ଉତ୍ପନ୍ନ ଉଚ୍ଚ ଶକ୍ତି ବିଶିଷ୍ଟ ପ୍ରୋଟାନ୍ କଣିକାର ସମ୍ମୁଖୀନ ହେବାକୁ ପଡ଼ିବ । ତାହା ବି ଏମିତି ସମୟରେ ଯେଉଁ ସମୟରେ ଚୁମ୍ବକୀୟ କ୍ଷେତ୍ର ତା ଶକ୍ତିର ସମ୍ପୂର୍ଣ୍ଣ ବ୍ୟବହାର କରିପାରିବ ନାହିଁ । ଏପରି ପରିସ୍ଥିତିରେ ସାଟେଲାଇଟର କମ୍ପ୍ୟୁଟର ଖରାପ କିମ୍ବା ସଂପୂର୍ଣ୍ଣ ନଷ୍ଟ ହେବାର ସମ୍ଭାବନା ରହିଛି ।
ମହାକାଶ ଏଜେନ୍ସିଗୁଡ଼ିକ ସ୍ୱତନ୍ତ୍ର ବ୍ୟବସ୍ତା ଦ୍ୱାରା ନିଜର ସାଟେଲାଇଟକୁ ବଞ୍ଚାଇ ପାରିବେ
ନାସା ଅନୁଯାୟୀ, ନିଜ ସାଟେଲାଇଟକୁ ବଞ୍ଚାଇବା ପାଇଁ ଅଧିକାଂଶ ମହାକାଶ ଏଜେନ୍ସି ସ୍ୱତନ୍ତ୍ର ବ୍ୟବସ୍ତା ବ୍ୟବହାର କରୁଛନ୍ତି । ଯେତେବେଳେ ସାଟେଲାଇଟ୍ ଦୁର୍ବଳ ଚୁମ୍ବକୀୟ କ୍ଷେତ୍ର ଅଞ୍ଚଳ ଦେଇ ଗତି କରିବ ସେତେବେଳେ ସେମାନେ ସେତେବେଳେ ସାଟେଲାଇଟ୍ ତାର ଶକ୍ତିକୁ ହ୍ରାସ କରିବେ । ସେମାନେ ଏମିତି କରିବା ଦ୍ୱାରା ତାଙ୍କ ସାଟେଲାଇଟକୁ ସୂର୍ଯ୍ୟଙ୍କ କ୍ଷତିକାରକ ରଶ୍ମିରୁ ନିଜ ସାଟେଲାଇଟକୁ ରକ୍ଷା କରିପାରିବେ ।
Sushant Singh Rajput case: ସୁପ୍ରିମକୋର୍ଟଙ୍କ ରାୟ ପରେ ନରମ ପଡିଲା ସଂଜୟଙ୍କ ସ୍ୱର
ମୁମ୍ବାଇ: ସୁଶାନ୍ତ ସିଂହ ରାଜପୁତ ମୃତ୍ୟୁ ମାମଲାରେ ତଦନ୍ତ ସିବିଆଇ କରିବ । ସୁପ୍ରିମକୋର୍ଟଙ୍କ ଏହି ଦୁଇ ପଦ ରାୟ ପରେ ଶିବସେନାର ବାକ୍ୟବୀର ସଂଜୟ ରାଉତଙ୍କ ପାଟି ଏବେ ଅଠାଅଠା । ଆଗରୁ ଗରମ ଦେଖାଉଥିବା ସଂଜୟ ଏବେ ପୁରା ନରମ । ସୁପ୍ରିମକୋର୍ଟଙ୍କ ରାୟ ସଂଜୟଙ୍କୁ ଥଣ୍ଡା କରିଦେଇଛି । ଅନ୍ୟପକ୍ଷରେ ବିଜେପି ନେତାଙ୍କୁ ସଂଜୟଙ୍କ ଉପରେ ଗରମ ହେବାର ମୌକା ଦେଇଛି ।
ସୁପ୍ରିମକୋର୍ଟଙ୍କ ସିବିଆଇକୁ ତଦନ୍ତ ପାଇଁ ସବୁଜ ସଂକେତ ପରେ ସଂଜୟ ସ୍ୱର ବଦଳାଇ କହିଛନ୍ତି, ମହାରାଷ୍ଟ୍ର ଏମିତି ଗୋଟିଏ ରାଜ୍ୟ ଯେଉଁଠି ଆଇନ୍ ସର୍ବୋପରି । ସୁପ୍ରିମକୋର୍ଟଙ୍କ ନିଷ୍ପତ୍ତିକୁ ନେଇ ରାଜନୀତି କରିବା ଠିକ୍ ନୁହେଁ । ସର୍ବୋଚ୍ଚ ନ୍ୟାୟାଳୟ ଏହି ମାମଲାରେ ନିଜ ନିଷ୍ପତ୍ତି ଶୁଣାଇଛନ୍ତି ଓ ପୁରା ତଥ୍ୟ ଯେତେବେଳେ ଆମ ପାଖକୁ ଆସିବ ସେତେବେଳେ ସରକାରୀ ମୁଖପାତ୍ର ଏହି ମାମଲାରେ ବକ୍ତବ୍ୟ ରଖିବେ । ତେବେ ସଂଜୟ ରାଉତଙ୍କୁ ସୁପ୍ରିମକୋର୍ଟଙ୍କ ନିଷ୍ପତ୍ତି କେମିତି ଝଟକା ଦେଇଛି ତାହା ଏଥିରୁ ଜଣା ପଡୁଛି ଯେ, ସେ ଅନେକ ପ୍ରଶ୍ନକୁ ଏଡାଇ ଯାଇଥିଲେ ।
‘ମୋ ପକ୍ଷରେ ଏହା ଉପରେ କିଛି କହିବା ଠିକ୍ ନୁହେଁ’
ସୁଶାନ୍ତଙ୍କ ପିତାଙ୍କ ଦୁଇ ବିବାହକୁ ନେଇ ବୟାନ ଦେଇ ପାରୁଥିବା ସଂଜୟ ରାଉତ ଆଜି କହିଛନ୍ତି ଯେ,ଏହା ଉପରେ ମୁମ୍ବାଇ ପୋଲିସ କମିଶନର କିମ୍ବା ଆଡଭୋକେଟ୍ ଜେନରାଲ କିଛି କହିପାରିବେ,ମୋ ପକ୍ଷରେ ଏହା ଉପରେ କିଛି କହିବା ଠିକ୍ ହେବ ନାହିଁ ।
‘କଥା ଦିଲ୍ଲୀ ପର୍ଯ୍ୟନ୍ତ ଯିବ’
ସଂଜୟ ନରମ ପଡିଛନ୍ତି କିନ୍ତୁ ବିଜେପିର କିରିଟ୍ ସୋମେୟା ଗରମ ଅଛନ୍ତି । ସୁପ୍ରିମକୋର୍ଟଙ୍କ ନିଷ୍ପତ୍ତି ଆସିବା ପରେ କିରିଟ୍ ମହାରାଷ୍ଟ୍ର ଗୃହମନ୍ତ୍ରୀ ଅନିଲ ଦେଶମୁଖଙ୍କ ଇସ୍ତଫା ଦାବି କରିଥିଲେ । ଏହା ଉପରେ ସଂଜୟ କହିଛନ୍ତି ଯେ, ’’ ଇସ୍ତଫା କଥା ଉଠାଇବା ଠିକ୍ ନୁହେଁ । ଇସ୍ତଫା ପ୍ରସଙ୍ଗ ଉଠିଲେ କଥା ଦିଲ୍ଲୀ ପର୍ଯ୍ୟନ୍ତ ଯିବ’’
‘ରାଜନୀତି ବନ୍ଦ ହେଉ’
ସୁଶାନ୍ତ ସିଂହ ମୃତ୍ୟୁ ପ୍ରସଙ୍ଗରେ ଏଣୁତେଣୁ ବୟାନ ଦେଇଥିବା ସଂଜୟ ଏବେ ସୁପ୍ରିମକୋର୍ଟଙ୍କ ନିଷ୍ପତ୍ତି ଉପରେ ରାଜନୀତି ନକରିବାକୁ ବିରୋଧୀଙ୍କୁ ଗୁରୁଜ୍ଞାନ ଦେଇଛନ୍ତି । ସେ କହିଛନ୍ତି ଯେ,ସୁଶାନ୍ତ ସିଂହ ରାଜପୁତ ମାମଲାରେ ଆରମ୍ଭରୁ ରାଜନୀତି ଚାଲୁଛି । ଏବେ ଏହା ଉପରେ ରାଜନୀତି ବନ୍ଦ ହେବାର ଆବଶ୍ୟକତା ରହିଛି । ସରକାର ସର୍ବୋଚ୍ଚ ଅଦାଲତଙ୍କ ଆଦେଶ ପଢିବା ପରେ ନିଜ ପକ୍ଷ ରଖିବେ’
ସୁଶାନ୍ତଙ୍କ ପରିବାରକୁ ଧମକ ଦେଇ ଚୁପଚାପ ବସିବାକୁ କହିଥିଲେ
ସୁଶାନ୍ତଙ୍କ ପିତାଙ୍କୁ ନେଇ ସଂଜୟ ରାଉତ ବିବାଦୀୟ ବୟାନ ଦେଇଥିଲେ । ଏହାକୁ ନେଇ ବିରୋଧ ମଧ୍ୟ ହୋଇଥିଲା । ତେବେ କ୍ଷମା ମାଗିବା ବଦଳରେ ସଂଜୟ ଧମକ ଦେଲାଭଳି ସ୍ୱରରେ ଚୁପ ବସିବାକୁ କହିଥିଲେ । ନିକଟରେ ସେ କହିଥିଲେ ଯେ, ମୁମ୍ବାଇ ପୋଲିସ ମାମଲାର ତଦନ୍ତ ପ୍ରାୟ ଶେଷ କରିସାରିଲାଣି । ଏମିତିରେ ସୁଶାନ୍ତଙ୍କ ପରିବାର କ’ଣ ଚାହୁଁଛନ୍ତି ? ସେମାନେ ଚୁପଚାପ୍ ବସନ୍ତୁ ।