ପ୍ରଧାନମନ୍ତ୍ରୀ ମୋଦି ଓ ଆବେଙ୍କ ଫୋନ ଯୋଗେ କଥାବାର୍ତ୍ତା: ସେନା ମଧ୍ୟରେ ହୋଇଥିବା ବୁଝାମଣାକୁ ସ୍ୱାଗତ

1 min read

ନୂଆଦିଲ୍ଲୀ: ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ସହ ଜାପାନ ପ୍ରଧାନ ମନ୍ତ୍ରୀ ସିଞ୍ଜୋ ଆବେ ଫୋନ୍ ଯୋଗେ କଥା ହୋଇଛନ୍ତି । ସ୍ୱତନ୍ତ୍ର ରଣକୌଶଳର ଉନ୍ନତିକରଣ ଓ ଦୁଇ ପକ୍ଷ ମଧ୍ୟରେ ବୈଶ୍ୱିକ ଭାଗିଦାରୀ ଆଦି ଦ୍ୱି ପାକ୍ଷିକ ସମ୍ପର୍କ ମାଧ୍ୟମରେ ହାସଲ କରାଯାଇଥିବା ପ୍ରମୁଖ ସଫଳତା ବୋଲି ଗୁରୁବାର ଦିନ ଜାପାନର ପ୍ରଧାନମନ୍ତ୍ରୀ ସିଞ୍ଜୋ ଆବେ ଫୋନ୍ କରି ପ୍ରଧାନମନ୍ତ୍ରୀ ମୋଦୀଙ୍କୁ କହିଛନ୍ତି। ଅପରପକ୍ଷରେ ଦୁଇ ଦେଶର ମଧ୍ୟରେ ସମ୍ପର୍କକୁ ସୁଦୃଢ଼ କରିବା ଦିଗରେ ସିଞ୍ଜୋ ଆବେଙ୍କ ବ୍ୟକ୍ତିଗତ ପ୍ରତିବଦ୍ଧତାକୁ ନେଇ କୃତଜ୍ଞତା ଜ୍ଞାପନ କରିଛନ୍ତି । ଏଥିସହିତ ଦେଶ ଦୁଇ ଦେଶର ସେନା ମଧ୍ୟରେ ହୋଇଥିବା ବୁଝାମଣାକୁ ମଧ୍ୟ ସ୍ୱାଗତ କରିଛନ୍ତି । ଏବଂ ଭାରତ-ଜାପାନ ବିଶେଷ ରଣନୀତି ଅନୁଯାୟୀ ମୁମ୍ୱାଇ-ଅହମ୍ମଦାବାଦ ହାଇ ସ୍ପିଡ୍ ରେଳ ଯୋଜନାର ମଧ୍ୟ ସମୀକ୍ଷା କରିଛନ୍ତି  । ଏତଦ୍ ବ୍ୟତୀତ ଦୁଇ ନେତା ଭାରତୀୟ ସଶସ୍ତ୍ର ବଳ ଏବଂ ଜାପାନର ଆତ୍ମରକ୍ଷା ବଳ ମଧ୍ୟରେ ହୋଇଥିବା ବୁଝାମଣାକୁ ମଧ୍ୟ ସ୍ୱାଗତ କରିଛନ୍ତି ।

ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ସହ ୩୦ ମିନିଟ୍‌ କଥାବାର୍ତ୍ତା ସମୟରେ ସ୍ୱାସ୍ଥ୍ୟ ଜନିତ ସମସ୍ୟା ଆବେ କରିଥିବା ଇସ୍ତଫା ଘୋଷଣା ସମ୍ପର୍କରେ ମଧ୍ୟ ଆଲୋଚନା ହୋଇଥିଲା । ଏଥିସହିତ ଜାପାନରେ ନେତୃତ୍ୱ ପରିବର୍ତ୍ତନ ହେଲେ ମଧ୍ୟ ଦ୍ୱିପାକ୍ଷିକ ସମ୍ପର୍କ ପ୍ରଭାବିତ ହେବନାହିଁ ବୋଲି ଦୁଇ ନେତା ସ୍ପଷ୍ଟ କରିଛନ୍ତି ।

 

Opn Commnet Area

Leave a Reply

Your email address will not be published. Required fields are marked *

Close Bitnami banner