spot_img
Home Blog Page 5958

ବିଧାନସଭା ପରିସରରେ ସାମ୍ବାଦିକଙ୍କୁ ବିଜେପି ବିଧାୟକ ବିଷ୍ଣୁଙ୍କ ଦୁର୍ବ୍ୟବହାର

ଭୁବନେଶ୍ୱର: ଗଣତନ୍ତ୍ରର ମନ୍ଦିରରେ ଅଗଣତାନ୍ତ୍ରିକ କାର୍ଯ୍ୟ । ସୀମା ଟପିଲେ ବିଜେପି ବିଧାୟକ । ବାଚସ୍ପତିଙ୍କ ଉପରକୁ ଫିଙ୍ଗିଲେ ହେଡଫୋନ୍, ଡଷ୍ଟବିନ୍ ଓ ଚପଲ । ଏଭଳି କାର୍ଯ୍ୟ ପରେ ବି ଅନୁତପ୍ତ ନୁହଁନ୍ତି ବିଜେପି ବିଧାୟକ ବିଷ୍ଣୁ ସେଠୀ । ଓଲଟା ଗଣମାଧ୍ୟମ ଆଗରେ ଯୁକ୍ତି ବାଢ଼ିଛନ୍ତି ବାଚସ୍ପତିଙ୍କ ଉପରକୁ ଚପଲ ଫିଙ୍ଗିବା  କିଛି ଭୁଲ୍ ନୁହେଁ । ଚପଲ ଫିଙ୍ଗିବା କଣ ଅନ୍ୟ କିଛି ବାଚସ୍ପତିଙ୍କ ସହ କରିବା ଦରକାର ବୋଲି କହିଛନ୍ତି ବିଷ୍ଣୁ । ସେ ନିଜେ ହେଡଫୋନ୍ ଓ ପେନ୍ ଫୋପାଡ଼ିଥିବା କହିଛନ୍ତି । ନିଜ କାଣ୍ଡକାରଖାନାକୁ ନେଇ ଅନୁତପ୍ତ ହେବା ପରିବର୍ତ୍ତେ ବିଧାୟକ ଓଲଟା ସାମ୍ବାଦିକଙ୍କ ଉପରେ ଖପ୍ପା ହୋଇଛନ୍ତି ।

BJP MLA Bishnu Sethi Mis Behaved Nandighosha TV Reporter In Odisha Assembly

ନନ୍ଦିଘୋଷ ଟିଭି ରିପୋର୍ଟରଙ୍କ ପ୍ରଶ୍ନରେ ଉତକ୍ଷିପ୍ତ ହୋଇ ପଡ଼ିଛନ୍ତି ବିଷ୍ଣୁ । ବିଧାୟକଙ୍କ ଏଭଳି କାର୍ଯ୍ୟରୁ ନୂଆ କରି ବିଧାନସଭା ଆସିଥିବା ୬୦ ଜଣ ବିଧାୟକ କଣ ଶିଖିବେ ବୋଲି ଆମ ପ୍ରତିନିଧି ପଚାରିଥିଲେ । ବିଷ୍ଣୁ ନନ୍ଦିଘୋଷ ଟିଭି ସାମ୍ବାଦିକଙ୍କୁ ତୁ ତା କରିବା ସହ ତୁ ଖେଞ୍ଚିକି ଆଉ ବାହାର କରନା ବୋଲି କହିଥିଲେ ।

BJP MLA Bishnu Sethi Mis Behaved Nandighosha TV Reporter In Odisha Assembly

ଏମିତି ତୁ ଉସୁକାନା… ତୋ ଡବଲ ବୟସ ମୋତେ ହେଲାଣି… ମୋତେ ଆଉ ଉସୁକାନାରେ… ଭଳି ଶବ୍ଦ ନନ୍ଦିଘୋଷ ଟିଭି ରିପୋର୍ଟରଙ୍କୁ କହିଛନ୍ତି ବିଜେପି ବିଧାୟକ ବିଷ୍ଣୁ ସେଠୀ ।

BJP MLA Bishnu Sethi Mis Behaved Nandighosha TV Reporter In Odisha Assembly

ବିଧାୟକଙ୍କ ଏଭଳି ଆଚରଣକୁ ସବୁ ମହଲରେ ନିନ୍ଦା କରାଯାଇଛି ।

ବଡ଼ ଦାଣ୍ଡରେ ଅଘଟଣ; ବ୍ୟାରିକେଡରେ ପଶିଗଲା ନାବାଳିକା ମୁଣ୍ଡ

ପୁରୀ: ବଡ଼ ଦାଣ୍ଡରେ ଘଟିଛି ଅଘଟଣ । ପୁରୀ ଶ୍ରୀମନ୍ଦିର ନିକଟରେ ଥିବା ଜୋତା ଷ୍ଟାଣ୍ଡ ନିକଟରେ ଘଟିଛି ଏକ ଅଭାବନୀୟ ଘଟଣା। ଭକ୍ତଙ୍କ ଲାଗି ବଡ଼ ଦାଣ୍ଡରେ ଲଗାଯାଇଥିବା ବ୍ୟାରିକେଡରେ ପଶି ଯାଇଛି ଏକ ଛୋଟ ପିଲାର ମୁଣ୍ଡ । ପରେ ମୁଣ୍ଡ ବାହାର କରିବାକୁ ଶତ ଚେଷ୍ଟା କରିବା ସ୍ୱତେ ପରିବାର ଲୋକେ ବିଫଳ ହୋଇଥିଲେ । ସେପଟେ ଲୁହା ବ୍ୟାରିକେଡରେ ମୁଣ୍ଡ ଭର୍ତ୍ତି ହୋଇଯାଇଥିବାରୁ ବାହାର କରିବା ମଧ୍ୟ କଷ୍ଟକର ହୋଇଥିଲା ।

ଶ୍ରୀମନ୍ଦିର ପାଖରେ ଲାଗିଥିବା ବ୍ୟାରିକେଡରେ ଫାଙ୍କା ଅଧିକ ଥିବାରୁ ପିଲାଟିର ମୁଣ୍ଡ ପଶି ଯାଇଥିଲା । ଅସାବଧାନତା ଯୋଗୁଁ ଏପରି ଘଟିଥିବା ଜଣାପଡିଛି । ଖବର ପାଇବା ପରେ ପୋଲିସ ଏବଂ ଅଗ୍ନିଶମ ବାହିନୀ ଘଟଣା ସ୍ଥଳରେ ପହଁଚିଥିଲେ । ଏବଂ କଟର ସାହାଯ୍ୟରେ ଲୁହା ବ୍ୟାରିକେଡ କାଟି ଶିଶୁଟିର ମୁଣ୍ଡକୁ ସୁରକ୍ଷିତ ଭାବେ ବାହାର କରିଥିଲେ ।

ସୂଚନା ମୁତାବକ ଭବାନୀପାଟଣାରୁ ଏକ ପରିବାର ପୁରୀ ଆସିଥିଲେ । ଶ୍ରୀଜୀଉଙ୍କ ଦର୍ଶନ ଲାଗି ଜୋତା ଷ୍ଟାଣ୍ଡ ନିକଟରେ ଜୋତା ରଖୁଥିବାବେଳେ ନାବାଳିକା ସେଠାରେ ଖେଳୁଥିଲା । ଅସାବଧାନତା ବସତଃ ପିଲାଟିର ମୁଣ୍ଡ ବ୍ୟାରିକେଡରେ ପଶି ଯାଇଥିଲା। ପରେ ଅଗ୍ନିଶମ ବାହିନୀ ଓ ପୋଲିସ ସହାୟତା ରେ ବ୍ୟାରିକେଡ କାଟି ପିଲାକୁ ଉଦ୍ଧାର କରାଯାଇଛି। ଏହି ଘଟଣାକୁ ନେଇ ବେସ କିଛି ସମୟ ପାଇଁ ଘଟଣା ସ୍ଥଳରେ ଜନ ସମାଗମ ହୋଇଥିବା ବେଳେ ବ୍ୟାରିକେଡରେ ଥିବା ବ୍ୟାପକ ଫାଙ୍କାକୁ ନେଇ ଅସନ୍ତୋଷ ପ୍ରକାଶ କରିଛନ୍ତି ସାଧାରଣ ଲୋକେ ।

ରାହୁଲଙ୍କ ପ୍ରଶ୍ନ, ଭାରତ ମାମଲାରେ କାହିଁକି ମୁହଁ ଖୋଲୁନି ଆମେରିକା ?

ନୂଆଦିଲ୍ଲୀ: ରାଜନୈତିକ ସ୍ତରରେ ପ୍ରଧାନମନ୍ତ୍ରୀ ମୋଦିଙ୍କ ମୁକାବିଲା କରିବା ପାଇଁ ରାହୁଲ ଗାନ୍ଧୀ ଯେଉଁଭଳି ଭାବେ ଦେଶର ପ୍ରସଙ୍ଗକୁ ଅନ୍ତର୍ଜାତୀୟ ରୂପ ଦେଉଛନ୍ତି ତାହା ତାଙ୍କ ପାଇଁ ବୁମେରାଂ ସାବ୍ୟସ୍ତ ହେବନି ତ ? ଆମେରିକାର ପୂର୍ବତନ କୂଟନୀତିଜ୍ଞ ନିକୋଲସଙ୍କ ସହିତ ଆଲୋଚନା କାଳରେ ରାହୁଲଙ୍କ ଗୋଟିଏ ବକ୍ତବ୍ୟକୁ ନେଇ ଏମିତି ପ୍ରଶ୍ନ ଛିଡ଼ା ହୋଇଛି । ଲଗାତାର ଅନ୍ୟ ଦେଶର ନେତାଙ୍କ ସହ କଥା ହେଉଛନ୍ତି ରାହୁଲ୍ । କଥାରେ କଥାରେ ମୋଦି ସରକାରଙ୍କୁ କାଠଗଡ଼ାରେ ଛିଡ଼ା କରୁଥିବା ରାହୁଲ ଗାନ୍ଧୀ ଭାରତରେ ଗଣତାନ୍ତ୍ରିକ ବ୍ୟବସ୍ଥା ଧ୍ୱଂସ ହୋଇଯାଇଥିବା କହିଛନ୍ତି । ସେତିକି ନୁହେଁ ଗଣମାଧ୍ୟମ ଉପରେ ମୋଦି ସରକାରଙ୍କ ନିୟନ୍ତ୍ରଣ ଥିବା ରାହୁଲ୍ କହିଛନ୍ତି । ରାହୁଲଙ୍କ ଅନୁସାରେ, ୨୦୧୪ ପରେ ନିରପେକ୍ଷ ଗଣତନ୍ତ୍ର ଲାଗି ଜରୁରୀ ସଂସ୍ଥା ସରକାରଙ୍କ ନିୟନ୍ତ୍ରଣକୁ ଚାଲି ଯାଇଛି ।

ଆମେରିକାର ପୂର୍ବତନ କୂଟନୀତିଜ୍ଞ ନିକୋଲସ୍ ବର୍ଣ୍ଣସଙ୍କ ସହ ଅନଲାଇନ ଆଲୋଚନା ବେଳେ ରାହୁଲ୍ କହିଛନ୍ତି- ଯଦି ମୁଁ ପ୍ରଧାନମନ୍ତ୍ରୀ ହୋଇଥାନ୍ତି, ତେବେ ବିକାଶ କୈନ୍ଦ୍ରିକ ନୀତି ଉପରେ ନୁହେଁ ବରଂ ଅଧିକ ନିଯୁକ୍ତି ସୃଷ୍ଟି କରିବାକୁ ଗୁରୁତ୍ୱ ଦେଇଥାନ୍ତି । ଶୁକ୍ରବାର ଏଭଳି ବୟାନ ଦେଇଛନ୍ତି କଂଗ୍ରେସ ନେତା ରାହୁଲ ଗାନ୍ଧୀ । ଅନଲାଇନ ଆଲୋଚନାରେ ତାଙ୍କୁ ପ୍ରଶ୍ନ କରାଯାଇଥିଲା ଯେ, ଆପଣ ପ୍ରଧାନମନ୍ତ୍ରୀ ହୋଇଥିଲେ କ’ଣ କରିଥାନ୍ତେ ? ଯାହାର ଉତ୍ତରରେ ଏଭଳି କହିଛନ୍ତି ରାହୁଲ । ଏଥିସହ ରାହୁଲ କହିଛନ୍ତି- ଆମକୁ ବିକାଶର ଆବଶ୍ୟକତା ରହିଛି । କିନ୍ତୁ ଆମେ ଉତ୍ପାଦନ ବଢାଇବା ସହ ରୋଜଗାର ସୃଷ୍ଟି କରି ଭାଲ୍ୟୁ ଆଡିସନ୍ ପାଇଁ ସବୁକିଛି କରିବା ।

ରାହୁଲ କହିଛନ୍ତି- ଏବେ ବିକାଶ, ରୋଜଗାର ଏବଂ ଉତ୍ପାଦନ ମଧ୍ୟରେ ଯେଭଳି ସମ୍ବନ୍ଧ ରହିବା କଥା ନାହିଁ । ଭ୍ୟାଲୁ ଆଡିସନରେ ଚୀନ୍ ଆଗରେ ରହିଛି… ମୁଁ କୌଣସି ଚୀନ ନେତାଙ୍କୁ ଭେଟିନାହିଁ ଯିଏ କି ମୋତେ କହିଛନ୍ତି ‘ରୋଜଗାର ସୃଷ୍ଟିରେ ସମସ୍ୟା ମୋର ରହିଛି ।’
ଏଥିସହ ରାହୁଲ କରୋନା ସଂକଟ ଓ ଲକଡାଉନକୁ ନେଇ କେନ୍ଦ୍ରକୁ ଟାର୍ଗେଟ୍ କରିଛନ୍ତି । କହିଛନ୍ତି- ‘ମୁଁ ଲକଡାଉନ୍ ଆରମ୍ଭରୁ କହିଥିଲି କ୍ଷମତାର ବିକେନ୍ଦ୍ରୀକରଣ କରାଯାଉ… କେନ୍ଦ୍ର ସରକାରଙ୍କୁ ଏହା କିଛି ମାସ ପରେ ବୁଝା ପଡ଼ିଥିଲା । ସରକାର ସବୁ ବୁଝିବା ବେଳକୁ ବହୁତ କ୍ଷତି ହୋଇ ସାରିଥିଲା ।’ ଅର୍ଥ ବ୍ୟବସ୍ଥା ସୁଧାରିବା ଲାଗି ଏବେ ଗୋଟିଏ ବିକଳ୍ପ ହେଉଛି ଲୋକଙ୍କ ହାତରେ ଟଙ୍କା ଦେବା । ଏଥିପାଇଁ ଆମ ପାଖରେ ନ୍ୟାୟ ବିଚାର ଥିବା କହିଛନ୍ତି ରାହୁଲ ।

ଘଣ୍ଟାଏ ଧରି ଚାଲିଥିବା ଅନଲାଇନ୍ ଆଲୋଚନାରେ ରାହୁଲ ଅଭିଯୋଗ କରିଛନ୍ତି କ୍ଷମତାଧାରୀ ଭାରତର ସଂଗଠନାତ୍ମକ ଢାଞ୍ଚା ଉପରେ ସମ୍ପୂର୍ଣ୍ଣ କବଜା କରି ନେଇଛନ୍ତି । ୨୦୧୪ ପୂର୍ବରୁ ଯେଭଳି ଭାବେ ବିରୋଧୀ ଦଳ କାମ କରୁଥିଲେ ସେ ଆଦର୍ଶରେ ପରିବର୍ତ୍ତନ ଆସିଛି । ଏପରିକି ବିରୋଧୀଙ୍କ ରାଜନୀତିକ ଲଢ଼େଇକୁ ଯେଉଁ ସଂସ୍ଥା ସମର୍ଥନ କରିବା ଆବଶ୍ୟକ ସେମାନେ କରୁନାହାଁନ୍ତି ।

ଅଭିଯୋଗର ଲମ୍ବା ଫର୍ଦ୍ଦ ବାଢ଼ିବା ଭିତରେ ରାହୁଲ୍ କହିଛନ୍ତି- ଭାରତରେ କଣ ହେଉଛି ? ଏହା ଉପରେ ମୁଁ ଆମେରିକା ସରକାରଙ୍କ କୌଣସି ପ୍ରତିକ୍ରିୟା ଶୁଣୁନାହିଁ । ମୋର କହିବା କଥା ଏଠାରେ ଯାହା ହେଉଛି ତାହା ଉପରେ ଆପଣଙ୍କ ରାୟ କଣ ? ରାହୁଲ୍ କହିଛନ୍ତି- ମୁଁ ମାନୁଛି ଆପଣଙ୍କ ସମ୍ବିଧାନରେ ସ୍ୱତନ୍ତ୍ରତା ବିଚାର ରହିଛି । ଏହା ବେଶ୍ ଶକ୍ତିଶାଳୀ ଅଟେ । କିନ୍ତୁ ଆପଣଙ୍କୁ ଉକ୍ତ ବିଚାରର ରକ୍ଷା କରିବା ଦରକାର, ଏହା ହିଁ ମୁଖ୍ୟ ପ୍ରଶ୍ନ ବୋଲି ରାହୁଲ କହିଛନ୍ତି ।

ଫେରିଲା ନାଇଟ କର୍ଫ୍ୟୁ, ସୋମବାର ଠାରୁ ୧୦ ଜିଲ୍ଲାରେ ଲାଗୁ

ଭୁବନେଶ୍ବର: ଗ୍ରାଷ୍ମ ଅବକାଶ ସହ ବଢିବାରେ ଲାଗିଛି କରୋନା କେସ । କୋଭିଡ ସଂକ୍ରମଣ ବଢୁଥିବାରୁ ରାଜ୍ୟ ସରକାର ପୁନର୍ବାର ନାଇଟ କର୍ଫ୍ୟୁ ଲାଗୁ କରୁଛନ୍ତି । ଫଳରେ ରାଜ୍ୟର ୧୦ ଜିଲ୍ଲାରେ ପୁନର୍ବାର ନାଇଟ କର୍ଫ୍ୟୁ ଲଗାଯିବାକୁ ନେଇ ସୂଚନା ଦେଇଛନ୍ତି ଏସଆରସି । ରାତି 10ରୁ ସକାଳ 5ଟା ଯାଏ ଏହି ନାଇଟ୍ କର୍ଫ୍ୟୁ ଲାଗୁ ହେବ । ତେବେ ଏହି ସମୟରେ ଜରୁରୀକାଳିନ ସେବା ଜାରି ରହିବ ବୋଲି କୁହାଯାଇଛି । ସମସ୍ତ କାରଖାନା ଓ ନିର୍ମାଣ କାମ ଜାରି ରହିବ ।

ସୋମବାର ଅର୍ଥାତ ୫ ତାରିଖରୁ ବରଗଡ, ବଲାଙ୍ଗୀର, ନୂଆପଡ଼ା, କଳାହାଣ୍ଡି, ମାଲକାନଗିରି ନବରଙ୍ଗପୁର, ସୁନ୍ଦରଗଡ, ଝାରସୁଗୁଡା, ସମ୍ବଲପୁର, କୋରାପୁଟ ଜିଲ୍ଲାରେ ରାତ୍ରିକାଳୀନ କର୍ଫ୍ୟୁ ବଳବତ୍ତର କରିବାକୁ ନିଷ୍ପତି ନେଇଛନ୍ତି ରାଜ୍ୟ ସରକାର । ସୀମାନ୍ତ ବର୍ତ୍ତି ରାଜ୍ୟ ଗୁଡିକରେ କୋଭିଡ ସଂକ୍ରମଣ ବଢୁଥିବାରୁ ସେହି ନିକଟବର୍ତ୍ତୀ ଜିଲ୍ଲାରେ କର୍ଫ୍ୟ ଲଗାଯାଇଛି   । ଗତ କିଛିଦିନ ହେବ ଛତିଶଗଡ, ଝାଡଖଣ୍ଡ, ଆନ୍ଧ୍ରପ୍ରଦେଶରେ କୋଭିଡ ସଂକ୍ରମଣ ବୃଦ୍ଧି ଘଟୁଛି   । ଫଳରେ ସୀମାନ୍ତବର୍ତ୍ତୀ ଜିଲ୍ଲା ଗୁଡିକରେ ନାଇଟ କର୍ଫ୍ୟୁ  ଲାଗୁ କରିଛନ୍ତି ରାଜ୍ୟ ସରକାର  ।

ଏସଆରସିଙ୍କ ସୂଚନା ମୁତାବକ ଏହି ୧୦ ଜିଲ୍ଲାରେ ଜାରି ରହିବ ରାତ୍ରି କାଳୀନ କର୍ଫ୍ୟୁ  । କୋଭିଡ କେସ ବଢୁଥିବାରୁ ରାଜ୍ୟ ସରକାର ଏହି ନିଷ୍ପତି ନେଇଛନ୍ତି  । ର୍ତି ୧୦ରୁ ସକାଳ ୫ ପର୍ଯ୍ୟନ୍ତ କର୍ଫ୍ୟୁ ବଳବତତ୍ତର ରହିବ  । ଯଦ୍ୱାରା ସମସ୍ତ ଜରୁରୀ କାଳୀନ ସେବାକୁ ଏଥିରୁ ବାଦ ଦିଆଯିବ  । ସେପଟେ ଦୋକାନ ବଜାର ବନ୍ଦ ରହିବ, ସାଧାରଣରେ ବୁଲାବୁଲି ଏବଂ ସାଧାରଣ ଲୋକଙ୍କ ଚଳ ପ୍ରଚଳ ମଧ୍ୟ ବାଦ ଦିଆଯିବ  ।

ସେହିପରି ଦୋକାନ, ବାଣିଜ୍ୟିକ ପ୍ରତିଷ୍ଠାନ, ଅଫିସ, ଅନୁଷ୍ଠାନ ବନ୍ଦ ରହିବ । ତେବେ ଜିଲ୍ଲା ଓ ମ୍ୟୁନିସପାଲ କର୍ମଚାରୀ, ପୋଲିସ, ସରକାରୀ କର୍ମଚାରୀଙ୍କୁ ଛାଡ଼ । ତେବେ ଏହି ସମୟରେ ହୋମ ଡେଲିଭରୀ, ପେଟ୍ରୋଲ ପମ୍ପ, ଜାତୀୟ ରାଜପଥ କଡରେ ଥିବା ଢାବା, ପ୍ରିଣ୍ଟ ଓ ଇଲୋକ୍ଟ୍ରୋନିକ ମିଡିଆ, ଏଲପିଜି ବିତରଣ କଟକଣାରୁ ବାଦ ଦିଆଯିବ ବୋଲି କୁହାଯାଇଛି । ରାଜ୍ୟରେ କରୋନା ସଂକ୍ରମଣକୁ ଦେଖି ଏପରି ନିଷ୍ପତ୍ତି ନେଇଛନ୍ତି ରାଜ୍ୟ ସରକାର ।

୬ ଜିଲ୍ଲାକୁ ବିଜୁଳି-ଘଡ଼ଘଡ଼ି ସହ ବର୍ଷା ଆଲର୍ଟ

ଭୁବନେଶ୍ୱର: ବିଜୁଳି-ଘଡ଼ଘଡ଼ି ସହ ବର୍ଷା ନେଇ ୬ ଜିଲ୍ଲାକୁ ସତର୍କ କରାଇଛି ଆଞ୍ଚଳିକ ପାଣିପାଗ ବିଜ୍ଞାନ କେନ୍ଦ୍ର । ସାଟେଲାଇଟରୁ ମିଳିଥିବା ତଥ୍ୟ ଅନୁଯାୟୀ ଆଗାମୀ ୨ଘଣ୍ଟା ମଧ୍ୟରେ ମୟୁରଭଞ୍ଜ, କନ୍ଧମାଳ, କଳାହାଣ୍ଡି, ରାୟଗଡ଼ା, ନୂଆପଡ଼ା, କେନ୍ଦୁଝର ଜିଲ୍ଲାରେ ବିଜୁଳି-ଘଡ଼ଘଡ଼ି ସହ ବର୍ଷା ସମ୍ଭାବନା ରହିଛି ।

ଏନେଇ ପାଣିପାଗ ବିଭାଗ ୬ ଜିଲ୍ଲାକୁ ଚେତାବନୀ ଜାରି କରିଛି । ସ୍ଥାନୀୟ ଅଞ୍ଚଳର ପାଣିପାଗ ସହିତ ଅବଗତ ରହିବା ସହ ବିଜୁଳି-ଘଡ଼ଘଡ଼ି ସମୟରେ ନିରାପଦ ସ୍ଥାନକୁ ଯାଇ ନିଜକୁ ସୁରକ୍ଷିତ ରଖନ୍ତୁ ବୋଲି ପାଣିପାଗ ବିଭାଗ କହିଛି ।

‘ଓଡ଼ିଶାକୁ ବଦନାମ୍ କରିବାକୁ ବିଜେପିର ଅପଚେଷ୍ଟା’

ଭୁବନେଶ୍ୱର: ଭାରତୀୟ ଜନତା ପାର୍ଟି ବିଧାୟକଙ୍କ ଅଶୋଭନୀୟ ଆଚରଣକୁ ତୀବ୍ର ନିନ୍ଦା କରିଛନ୍ତି ବିଜୁ ଜନତା ଦଳ ମୁଖପାତ୍ର ଲେନିନ୍ ମହାନ୍ତି ।  ବିଜେପି ସଦସ୍ୟଙ୍କ ଆଚରଣ ଅତ୍ୟନ୍ତ ଅଶୋଭନୀୟ ଓ ନିନ୍ଦନୀୟ । ଅଭଦ୍ରାମୀର ଚରମ ସୀମା ଟପିଛନ୍ତି  ବିଜେପି ସଦସ୍ୟ । ଓଡ଼ିଶା ରାଜନୈତିକ ଇତିହାସରେ ଏହା ଅତି ନିନ୍ଦନୀୟ କାର୍ଯ୍ୟ,ବିଜେପି ସଦସ୍ୟ ହତାସ୍, ବିଳିବିଳେଇବା ଆରମ୍ଭ କଲେଣି, କୌଣସି ଓଡ଼ିଆ ସେମାନଙ୍କ ଆଚରଣକୁ ଗ୍ରହଣ କରିବେନି, ଓଡ଼ିଶାକୁ ବଦନାମ କରିବା ପାଇଁ ବିଜେପିର ଅପଚେଷ୍ଟା, ବିଜେପିର ଅସଲ ଚେହେରା ଓଡ଼ିଶାବାସୀ ଜାଣିସାରିଲେଣି, ଓଡ଼ିଶାବାସୀ ଏଭଳି ଲୋକଙ୍କୁ ଘୃଣା କରନ୍ତି ବୋଲି ଲେନିନ୍ କହିଛନ୍ତି ।

ଅପରପକ୍ଷରେ ବିଜେଡି ବିଧାୟିକା ପ୍ରମିଳା ମଲ୍ଲିକଙ୍କ ମଧ୍ୟ ଘଟଣାକୁ ନେଇ ପ୍ରତିକ୍ରିୟା ରଖିଛନ୍ତି । ସେ କହିଛନ୍ତି ଅଶୋଭନୀୟ ଓ ନିନ୍ଦନୀୟ କାମ କରିଛନ୍ତି ବିଜେପି ବିଧାୟକ, ଜୟ ନାରାୟଣ ମିଶ୍ର ଓ ବିଷ୍ଣୁ ସେଠୀ ଚପଲ ଫିଙ୍ଗିଛନ୍ତି, ବିଜେପି ବିଧାୟକ ମୋହନ ମାଝୀ ଡଷ୍ଟବିନ୍ ଫିଙ୍ଗିଛନ୍ତି । ତର୍ଜମା କରି କାର୍ଯ୍ୟାନୁଷ୍ଠାନ ନେବେ ବାଚସ୍ପତି । ପ୍ରମିଳା , ଉତକ୍ଷିପ୍ତ ହୋଇ ପ୍ରଥମେ ଇୟର ଫୋନ୍ ଫିଙ୍ଗିଲେ, ଇୟର ଫୋନ୍ ମାଡ଼ରେ ସିକ୍ୟୁରିଟିଙ୍କ ମୁଣ୍ଡ ଫାଟିଛି, ବାଚସ୍ପତି ପକ୍ଷପାତ କରିନାହାନ୍ତି , ବିରୋଧୀଙ୍କୁ ଗୁରୁତ୍ୱ ଦେଇଛନ୍ତି ।

ଏଥିସହିତ ପଢ଼ନ୍ତୁ: ବାଚସ୍ପତିଙ୍କ ଉପରକୁ ବିଧାନସଭାରେ ଚପଲ ଫିଙ୍ଗିଲେ ବିଜେପି ବିଧାୟକ

ବାଚସ୍ପତିଙ୍କ ଉପରକୁ ବିଧାନସଭାରେ ଚପଲ ଫିଙ୍ଗିଲେ ବିଜେପି ବିଧାୟକ

ଭୁବନେଶ୍ୱର: ଓଡ଼ିଶା ବିଧାନସଭାରେ ଅଶୋଭନୀୟ ଘଟଣା । ବାଚସ୍ପତିଙ୍କ ଉପରକୁ ଚପଲ ଫିଙ୍ଗିଲେ ବିଜେପି ବିଧାୟକ । ବିଜେପି ବିଧାୟକ ଜୟନାରାୟଣ ମିଶ୍ର ଓ ବିଷ୍ଣୁ ସେଠୀ ବିଧାନସଭା ଭଳି ପବିତ୍ର ଗୃହରେ ଏଭଳି ଅଶୋଭନୀୟ ନିନ୍ଦନୀୟ କାର୍ଯ୍ୟ କରିଛନ୍ତି । ବିଷ୍ଣୁ ସେଠୀ ବାଚସ୍ପତିଙ୍କ ଉପରକୁ ଚପଲ ଫୋପାଡ଼ିବା କଥାକୁ ଅସ୍ୱୀକାର କରିଥିବା ବେଳେ ହେଡଫୋନ୍ ଓ ଫେନ୍ ଫୋପାଡ଼ିଥିବା କହିଛନ୍ତି ।

ବିଷ୍ଣୁ କହିଛନ୍ତି ମୁଁ ନୁହେଁ ଅନ୍ୟ କେହି ନୂଆ ବିଧାୟକ ବାଚସ୍ପତିଙ୍କ ଉପରକୁ ଚପଲ ଫିଙ୍ଗିଛନ୍ତି । ବିଧାନସଭାରେ ବିଜେପି ବିଧାୟକଙ୍କ ଏଭଳି ଅଶୋଭନୀୟ ଆଚରଣ ପରେ ବାଚସ୍ପତି ଗୃହକୁ ଅପରାହ୍ଣ ୪ଟା ଯାଏ ମୁଲତବି ରଖିଛନ୍ତି । ସଂଶୋଧିତ ଲୋକାୟୁକ୍ତ ବିଲ୍ ବିଧାନସଭାରେ ପାରିତ ପରେ ବିଜେପି ବିଧାୟକ ବାଚସ୍ପତିଙ୍କ ଉପରକୁ ଚପଲ ଫିଙ୍ଗିଛନ୍ତି ।

ଏଥିସହିତ ପଢ଼ନ୍ତୁ: ‘ଓଡ଼ିଶାକୁ ବଦନାମ୍ କରିବାକୁ ବିଜେପିର ଅପଚେଷ୍ଟା’

 

ଦାଉ ସାଧୁଛି ଦରବୃଦ୍ଧି, ସୋରିଷ ତେଲରୁ ନେଇ ଡାଲି ସବୁର ବଢ଼ିଛି ଦାମ୍

ନୂଆଦିଲ୍ଲୀ (ସୁଶାନ୍ତ କୁମାର ସାହୁ): ଦରବୃଦ୍ଧି ଭାଙ୍ଗିଦେଲାଣି ଜନତାଙ୍କ ମେରୁଦଣ୍ଡ । ନିତ୍ୟ ବ୍ୟବହାର୍ଯ୍ୟ ଖାଦ୍ୟ ସାମଗ୍ରୀର ଦର ହୁ ହୁ ହୋଇ ବଢ଼ି ଚାଲିଛି । ଗୋଟିଏ ପଟେ କରୋନା ପାଇଁ ବର୍ଷେ ହେଲା ଲୋକଙ୍କ ହାତରେ ରୋଜଗାର ନାହିଁ । ଅନ୍ୟପଟେ ଖାଦ୍ୟ ସାମଗ୍ରୀର ଦରରେ ଲଗାମ ବି ନାହିଁ । ଯେଉଁଥିପାଇଁ ସାଧାରଣ ଲୋକଙ୍କ ଘରର ବଜେଟ୍ ବିଗିଡ଼ିବାରେ ଲାଗିଛି । ଚାଉଳରୁ ନେଇ ଡାଲି, ସୋରିଷ ତେଲ, ରିଫାଇନଡ୍ ତେଲ, ଚା’, ଲୁଣ ଦର ଗୋଟିଏ ବର୍ଷ ଭିତରେ ଏତେ ବଢ଼ିଛି ଯେ ଘର ଚଳାଇବା କଷ୍ଟକର ହୋଇ ପଡ଼ିଲାଣି ।

Inflation Report Increase The Price Of Mustard Oil Refined Tea Milk Salt

ଉପଭୋକ୍ତା ମନ୍ତ୍ରଣାଳୟ ୱେବସାଇଟରେ ଦିଆଯାଇଥିବା ତଥ୍ୟ ଅନୁସାରେ, ୧ ଏପ୍ରିଲ୍ ୨୦୨୦ ତୁଳନାରେ ୨୦୨୧ ଏପ୍ରିଲ୍ ୧ ସୁଦ୍ଧା ଖାଦ୍ୟ ତେଲର ମୂଲ୍ୟ ୪୭ ପ୍ରତିଶତ, ଡାଲିର ମୂଲ୍ୟ ୧୭ ପ୍ରତିଶତ ଓ ଖୋଲା ଚା’ର ଦାମ୍ ୩୦ ପ୍ରତିଶତ ଯାଏ ବୃଦ୍ଧି ଘଟିଛି । ଚାଉଳ ଦର ୧୪.୬୫ ପ୍ରତିଶତ ବଢ଼ିଥିବା ବେଳେ ଗହମରୁ ପ୍ରସ୍ତୁତ ଅଟା ଦର ୩.୨୬ ପ୍ରତିଶତ ବଢ଼ିଛି । ଯେତେବେଳେ କି ପୂର୍ବାପେକ୍ଷା ଶସ୍ତା ହୋଇଛି ଚିନି ।

ରିପୋର୍ଟ ଅନୁସାରେ, ବିଗତ ଏକ ବର୍ଷ ମଧ୍ୟରେ ଖାଇବା ତେଲର ଦାମ ପ୍ଲେଟରୁ ଖାଦ୍ୟ ସରିବା ଭଳି ବଢ଼ିଛି । ପାମ୍ ଅଏଲ୍ ଦର ୮୭ ଟଙ୍କାରୁ ବଢ଼ି ୧୨୧ ଟଙ୍କା ହୋଇଥିବା ବେଳେ ସୂର୍ଯ୍ୟମୂଖି ତେଲ ଦାମ ୧୦୬ରୁ ବଢ଼ି ୧୫୭ ଟଙ୍କା ହୋଇଛି । ସେହିଭଳି ବନସ୍ଫତି ତେଲ ୮୮ଟଙ୍କାରୁ ବଢ଼ି ଲିଟର ପିଛା ୧୨୧ ଟଙ୍କା ଓ ପ୍ୟାକେଟ୍ ସୋରିଷ ତେଲ ଦାମ ୧୧୭ଟଙ୍କାରୁ ବୃଦ୍ଧି ପାଇ ୧୫୧ ଟଙ୍କାରେ ପହଞ୍ଚିଛି । ବାଦାମ ତେଲ ଦାମ ୧୩୯ରୁ ୧୬୫ଟଙ୍କାକୁ ବଢ଼ିଥିବା ବେଳେ ସୋୟା ତେଲ ୯୯ଟଙ୍କାରୁ ବଢ଼ି ୧୩୩ ଟଙ୍କା ଲିଟର ପିଛାରେ ବିକ୍ରି ହେଉଛି ।

Inflation Report Increase The Price Of Mustard Oil Refined Tea Milk Salt (3)

ଖାଲି ଖାଇବା ତେଲ ଦର ବଢ଼ିଛି ତା’ନୁହେଁ । ଚା’ ଓ ଦୁଗ୍ଧ ଜାତୀୟ ସାମଗ୍ରୀର ଦର ମଧ୍ୟ ବଢ଼ିଛି । ବର୍ଷକ ଭିତରେ ଖୋଲା ଚା’ ଦାମ୍ ୨୧୭ ଟଙ୍କାରୁ ୨୮୧ ଟଙ୍କାକୁ ବୃଦ୍ଧି ପାଇଛି । ଚା’ ଦର ପ୍ରାୟ ୨୯ ପ୍ରତିଶତ ବଢ଼ିଛି ବର୍ଷକ ଭିତରେ । ଲୁଣ ଦର ଗୋଟିଏ ବର୍ଷ ଭିତରେ ୧୦ ପ୍ରତିଶତ ବଢ଼ିଥିବା ବେଳେ କ୍ଷୀର ଦର ୭ ପ୍ରତିଶତ ବୃଦ୍ଧି ପାଇଛି ।

Inflation Report Increase The Price Of Mustard Oil Refined Tea Milk Salt (3)

ରୋଷେଇ ଘରେ ପ୍ରତିଦିନ ବ୍ୟବହାର ହେଉଥିବା ଡାଲି ମଧ୍ୟ ମହଙ୍ଗା ହୋଇଛି । ହରଡ଼ ଡାଲି ଦର ୯୧ ଟଙ୍କାରୁ ବଢ଼ି ୧୦୬ ଟଙ୍କା ହୋଇଥିବା ବେଳେ ବିରି କେଜି ପିଛା ୯୯ ଟଙ୍କାରୁ ୧୦୯ ଟଙ୍କାକୁ ବୃଦ୍ଧି ପାଇଛି । ମସୁରୀ ଡାଲି ଦର ୬୮ ଟଙ୍କାରୁ ୮୦ ଟଙ୍କାକୁ ବଢ଼ିଥିବା ବେଳେ ମୁଗ ଡାଲି ୧୦୩ ଟଙ୍କାରୁ ୧୦୫ ଟଙ୍କାକୁ ବଢ଼ିଛି । ଦେଶବ୍ୟାପୀ ୧୩୫ଟି ଖୁଚୁରା କେନ୍ଦ୍ର ମଧ୍ୟରୁ ୧୧୧ଟି କେନ୍ଦ୍ରରେ ବିକ୍ରି ଦରକୁ ନେଇ ଏହି ତଥ୍ୟ ଦେଇଛି ଉପଭୋକ୍ତା ମନ୍ତ୍ରଣାଳୟ ।

କଇଁଫୁଲିଆ ହାଇଲେବଲ୍ ସେତୁକୁ ଉଦ୍‌ଘାଟନ୍ କଲେ ମୁଖ୍ୟମନ୍ତ୍ରୀ

ଆସିକା: କଇଁଫୁଲିଆ ହାଇଲେବଲ୍ ସେତୁ ଉଦ୍‌ଘାଟିତ । ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଏହାକୁ ଉଦ୍‌ଘାଟନ କରିଛନ୍ତି । ବ୍ରିଟିଶ ସମୟରେ ଦୁଇଟି ପୁରୁଣା ସେତୁ ସ୍ଥାନରେ ନୂଆସେତୁ ନିର୍ମାଣ କରାଯାଇଛି  ।  ଏହି ସେତୁ ଗଞ୍ଜାମ ଜିଲ୍ଲାର ବିଭିନ୍ନ ଅଞ୍ଚଳକୁ ଗୁରୁତ୍ବପୂର୍ଣ୍ଣ ସଂଯୋଗ ପଥ ଭାବେ କାର୍ଯ୍ୟ କରିବ । ଆସିକା, ଭଞ୍ଜନଗର, ଛତ୍ରପୁର ଓ ଅନ୍ୟ ସହରରୁ ଭୁବନେଶ୍ବରକୁ ଦୂରତା ମଧ୍ୟ କମିବ । ଏହାଦ୍ବାରା ସାଢେ ତିନି ଲକ୍ଷରୁ ଅଧିକ ଲୋକଙ୍କ ଯାତାୟାତରେ ସୁବିଧା ହେବ ବୋଲି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ  କହିଛନ୍ତି । ନୂଆ ସେତୁ ଦ୍ବାରା ଗଞ୍ଜାମ ଜିଲ୍ଲାର ବାଣିଜ୍ୟ କାରବାର, ପର୍ଯ୍ୟଟନ ଏବଂ ଅନ୍ୟାନ୍ୟ କ୍ଷେତ୍ରରେ ଆହୁରି ଉନ୍ନତି ଆସିବ । ଚଳିତବର୍ଷ ରାଜ୍ୟରେ ହଜାରେ କିଲୋମିଟର ରାସ୍ତା ଓ ୩୦ ସେତୁ ନିର୍ମାଣ କରାଯିବ ବୋଲି ମୁଖ୍ୟମନ୍ତ୍ରୀ ଏହି ଅବସରରେ ଘୋଷଣା କରିଛନ୍ତି ।  ଏଥିପାଇଁ ୨୩ ଶହ କୋଟି ଟଙ୍କା ଖର୍ଚ୍ଚ କରାଯିବ । ଏହାସହିତ ବିଜୁ ସେତୁ ଯୋଜନାରେ ପ୍ରାୟ ୧ ହଜାର କୋଟି ଟଙ୍କା ଓ ଗ୍ରାମ୍ୟ ସଡ଼କ ପାଇଁ ୨ହଜାର କୋଟି ଟଙ୍କା ଖର୍ଚ୍ଚ କରାଯିବାକୁ ଲକ୍ଷ୍ୟ ରଖାଯାଇଛି । ରାଜ୍ୟବାସୀ ଏହି ରାସ୍ତା ସମ୍ପତ୍ତିର ସୁରକ୍ଷା ଉପରେ ଧ୍ୟାନ ଦେବାକୁ ମୁଖ୍ୟମନ୍ତ୍ରୀ ନିବେଦନ କରିଛନ୍ତି  । ଗଞ୍ଜାମ ଜିଲ୍ଲା କୋଭିଡ ପରିଚାଳନା କ୍ଷେତ୍ରରେ ସାରା ଦେଶରେ ସୁନାମ ଅର୍ଜନ କରିଛି । ଏଥିପାଇଁ ଜିଲ୍ଲାର ଜନସାଧାରଣଙ୍କୁ ଧନ୍ୟବାଦ ଜଣାଇଛନ୍ତି ନବୀନ  । କହିଛନ୍ତି, ବିପଦ ଏବେ ବି ଯାଇନାହିଁ । ଦ୍ବିତୀୟ ଲହରର ଭୟ ରହିଛି । ତେଣୁ ସମସ୍ତେ କୋଭିଡ ନିୟମ ପାଳନ କରନ୍ତୁ । ମାସ୍କ ପିନ୍ଧୁନ୍ତୁ, ହାତ ଧୁଅନ୍ତୁ ଓ ଭିଡ଼ ଜାଗାରେ ସାମାଜିକ ଦୂରତା ରଖିବାକୁ ମୁଖ୍ୟମନ୍ତ୍ରୀ ନିବେଦନ କରିଛନ୍ତି  ।

ଏଥିସହିତ ପଢ଼ନ୍ତୁ: ପିପିଲିରେ ବଢ଼ୁଛି ବିଜେଡି ଲୋକପ୍ରିୟତା: ଶତାଧିକ ବିଜେପି ନେତା ଓ କର୍ମୀ ସାମିଲ

ଆଇପିଏଲ୍ ପୂର୍ବରୁ ଷ୍ଟାଡ଼ିୟମରେ ପଶିଲା କରୋନା

ମୁମ୍ବାଇ: ଆଉମାତ୍ର ଦିନ କେଇଟା ପରେ ଆରମ୍ଭ ହେବ କ୍ରିକେଟ ମହାକୁମ୍ଭ ଆଇପିଏଲ୍ ସିଜିନେ ୧୪ । ଏଥିପାଇଁ ପ୍ରସ୍ତୁତି ମଧ୍ୟ ଶେଷ ପର୍ଯ୍ୟାୟରେ ପହଞ୍ଚିଛି ।  ହେଲେ ଏହା ପୂର୍ବରୁ ଷ୍ଟାଡିୟମ ଭିତରେ ବି କୋରନା କାୟା ମେଲାଇବା ଆରମ୍ଭ କଲାଣି ।  ମୁମ୍ବାଇର ୱାଙ୍ଖେଡ଼େ ଷ୍ଟାଡିୟମର ୮ ଜଣ ଗ୍ରାଉଣ୍ଡଷ୍ଟାଫ କରୋନା ସଂକ୍ରମିତ ହୋଇଛନ୍ତି । ତେବେ ଏହାପରେ ଟୁର୍ଣ୍ଣାମେଟକୁ ନେଇ ଚିନ୍ତା ବଡ଼ିଛି।

ସୂଚନା ଅନୁଯାୟୀ, ଗତ ସପ୍ତାହରେ ୱାଙ୍ଖଡ଼େ ଷ୍ଟାଡିୟମର ୧୯ ଜଣ ଗ୍ରାଉଣ୍ଡ ଷ୍ଟାଫଙ୍କ କରୋନା ଟେଷ୍ଟ ହୋଇଥିଲା। ଏଥିରୁ ଗତ ୨୬ ତାରିଖରେ ୩ ଜଣଙ୍କ ରିପୋର୍ଟ ପଜିଟିଭ ଆସିଥିଲା। ଏହାପରେ ଏପ୍ରିଲ ୧ ତାରିଖ ଆଉ ୫ଜଣଙ୍କ ରିପୋର୍ଟ ପଜିଟିଭ ଆସିଥିବା ନେଇ ସୂଚନା ମିଳିଛି।

ଆସନ୍ତା ୯ ତାରିଖଦିନ ଆଇପିଏଲର ପ୍ରଥମ ମ୍ୟାଚ୍ ଚେନ୍ନାଇରେ ଖେଳାଯିବ । ପ୍ରଥମ ମୁକାବିଲା ରୟାଲ୍ ଚ୍ୟାଲେଞ୍ଜର ବ୍ୟାଙ୍ଗଲୋର ଓ ମୁମ୍ବାଇ ଇଣ୍ଡିଆନ୍ସ ମଧ୍ୟରେ ଦେଖିବାକୁ ମିଳିବ। ହେଲେ ଚେନ୍ନାଇ ସୁପର କିଙ୍ଗସ୍ ଓ ଦିଲ୍ଲୀ କ୍ୟାପିଟାଲ୍ସରେ ମଧ୍ୟରେ ହେବାକୁ ଥିବା ଦ୍ୱିତୀୟ ଆଇପିଏଲ୍ ମ୍ୟାଚ୍ ମୁମ୍ବାଇରେ ହିଁ ଖେଳାଯିବ । ତେବେ ଏଭଳି ସ୍ଥିତିରେ ଷ୍ଟାଡିୟମରେ କରୋନା ପଶିବାରୁ ବିସିସିଆଇର ଚିନ୍ତା ବଢ଼ିଛି। ତେବେ ଏହି ଷ୍ଟାଡିୟମର ସମସ୍ତ ପ୍ରବେଶ ଦ୍ୱାରକୁ ସିଲ୍‌ କରି ମ୍ୟାଚ୍‌ ଖେଳାଯିବାକୁ ଯୋଜନା ଚାଲିଛି।

ସେପଟେ ମୁମ୍ବାଇରେ ବଢ଼ୁଥିବା କରୋନା ମାମଲାକୁ ଦୃଷ୍ଟିରେ ରଖି ମୁମ୍ବାଇ କ୍ରିକେଟ ଆସୋସିଏସନ୍‌ ଆଇପିଏଲ୍‌କୁ ନେଇ ବ୍ୟାପକ ପ୍ରସ୍ତୁତି କରିଛି ଏବଂ ଅତି କମ୍‌ ଗ୍ରାଉଣ୍ଡ ଷ୍ଟାଫ୍‌ଙ୍କୁ ଷ୍ଟାଡିୟମରେ ରଖିବା ପାଇଁ ଯୋଜନା କରିଛି।