spot_img
Home Blog Page 5824

୧୪ଦିନ ଯାଏଁ ତାମିଲନାଡୁରେ ଲକ୍‌ଡାଉନ

ତାମିଲନାଡୁରେ ଲାଗୁ ହେଲା ଲକ୍‌ଡାଉନ୍ । ୧୪ଦିନ ଯାଏଁ ତାମିଲନାଡୁ ସରକାର ଲକ୍‌ଡାଉନ ଘୋଷଣା କରିଛନ୍ତି । କରୋନା ସଂକ୍ରମଣକୁ ନଜରରେ ରଖି ଏହିଭଳି ନିଷ୍ପତ୍ତି ନେଇଛନ୍ତି ତାମିଲନାଡୁର ନୂଆ ମୁଖ୍ୟମନ୍ତ୍ରୀ ଏମକେ ଷ୍ଟାଲିନ । କରୋନା ଭାଇରସର ଦିତ୍ୱୀୟ ଲହରକୁ ଲକ୍ଷ୍ୟ କରି ଏହିଭଳି ପଦକ୍ଷେପ ନେଇଛନ୍ତି ତାମିଲନାଡୁ ସରକାର । ମେ ୧୦ ତାରିଖ ଭୋର ୪ଟାରୁ ମେ ୨୪ ତାରିଖ ଭୋର ୪ଟା ପର୍ଯ୍ୟନ୍ତ ରାଜ୍ୟରେ ‘ସମ୍ପୂର୍ଣ୍ଣ ଲକଡାଉନ୍‌’ ବଳବତ୍ତର ରହିବ। ଶୁକ୍ରବାର ଦିନ ଜିଲ୍ଲାପାଳମାନଙ୍କ ସହ ତାଙ୍କର ଏକ ସମୀକ୍ଷା ବୈଠକ ଅନୁଷ୍ଠିତ ହୋଇଥିଲା। ସେଥିରୁ ମିଳିଥିବା ତଥ୍ୟ ଓ ମତାମତ ଆଧାରରେ ଏଭଳି ନିଷ୍ପତ୍ତି ଗ୍ରହଣ କରାଯାଇଛି। ଡାକ୍ତରୀ ବିଶେଷଜ୍ଞଙ୍କମାନେ ମଧ୍ୟ ଏଥିପାଇଁ ପରାମର୍ଶ ଦେଇଥିଲେ।ଲକଡାଉନ୍ ସମୟରେ ଯେପରି ଅତ୍ୟାବଶ୍ୟକ ସାମଗ୍ରୀ ପାଇଁ ଲୋକ ହଇରାଣ ନ ହୁଅନ୍ତି, ସେଥିପାଇଁ ଆବଶ୍ୟକ ପଦକ୍ଷେପ ନିଆଯାଇଛି। ତେଜରାତି, ପନିପରିବା, ଫଳ, ମାଛ, ମାଂସ ଆଦି ଦୋକାନ ଖୋଲା ରହିବ। ସ୍ବାସ୍ଥ୍ୟ ସେବା, ଜଳଯୋଗାଣ, ବିଦ୍ୟୁତ ସରବରାହ  ଆଦି ସ୍ବାଭାବିକ ଭାବେ ଚାଲୁ ରହିବ।

ଦେଶରେ ଡରାଉଛି ମହାମାରୀ ,ଗତ ୨୪ ଘଣ୍ଟାରେ ୪ଲକ୍ଷ ୧ହଜାର ୭୮

ଦେଶରେ କମୁନି କରୋନା ସଂକ୍ରମଣ । ୨୪ ଘଣ୍ଟାରେ ୪ଲକ୍ଷ ହଜାରେ ୭୮ ସଂକ୍ରମିତ ଚିହ୍ନଟ ହୋଇଥିବା ବେଳେ ୪ହଜାର ୧୮୭ଜଣଙ୍କ ଜୀବନ ନେଇଛି ମହାମହାମାରୀ । ଦିନକରେ ୩ଲକ୍ଷ ୧୮ହଜାର ୬୦୯ଜଣ ଆକ୍ରାନ୍ତ ସୁସ୍ଥ ହୋଇ ଘରକୁ ଫେରିଛନ୍ତି । ଦେଶରେ ମୋଟ୍ ସଂକ୍ରମିତଙ୍କ ସଂଖ୍ୟା ୨କୋଟି ୧୮ଲକ୍ଷ ୯୨ହଜାର ୬୭୬ ସଂକ୍ରମିତ ଥିବା ବେଳେ ଆକ୍ଟିଭ କେସ୍ ରହିଛି ୩୭ଲକ୍ଷ ୨୩ହଜାର ୪୪୬ । ମେଡିକାଲରୁ ସୁସ୍ଥ ଫେରିଛନ୍ତି କୋଟିଏ ୭୯ଲକ୍ଷ ୩୦ହଜାର ୯୬୦ଜଣ ଆକ୍ରାନ୍ତ । ଦେଶରେ ମୋଟ୍ କରୋନା ମୃତ୍ୟୁସଂଖ୍ୟା ୨ଲକ୍ଷ ୩୮ହଜାର ୨୭୦କୁ ବୃଦ୍ଧି ହୋଇଛି । ସେପଟେ କରୋନା ଚେନ୍ ବ୍ରେକ୍ କରିବାକୁ ବିଭିନ୍ନ ରାଜ୍ୟ ଲକଡାଉନ ଘୋଷମା କରୁଛନ୍ତି । ଆଜି ତାମିଲନାଡୁରେ ସଂକ୍ରମିତଙ୍କ ସଂଖ୍ୟା ବୃଦ୍ଧି ଯୋଗୁ ୨ସପ୍ତାହ ଲକଡାଉନ ଘୋଷଣା କରିଛନ୍ତି ତାମିଲନାଡୁ ସରକାର । ଆସନ୍ତା ମେ ୧୦ ଅର୍ଥାତ୍ ସୋମବାରଠାରୁ ୨୩ ତାରିଖ ଯାଏଁ ଏହି ଲକଡାଉନ ଜାରି ହେବ । କରୋନା ଚେନ୍ ବ୍ରେକ୍ ପାଇଁ ଏହି ନିଷ୍ପତ୍ତି ନେଇଛନ୍ତି ତାମିଲନାଡୁ ସରକାର । ଗତକାଲି କର୍ଣ୍ଣାଟକ ସରକାର 14ଦିନିଆ ଲକଡାଉନ ଘୋଷଣା କରିଥିଲେ ।

 

ରାଜ୍ୟରେ ବଢୁଛି ଦୈାନିକ ସଂକ୍ରମଣ

ରାଜ୍ୟରେ ଉପରମୁହାଁ କରୋନା ସଂକ୍ରମଣ । ଗତ ୨୪ ଘଣ୍ଟାରେ ପୁଣି ଚିହ୍ନଟ ହୋଇଛନ୍ତି ୧୧ ହଜାର ୮୦୭ ଆକ୍ରାନ୍ତ । କ୍ବାରେଣ୍ଟାଇନରୁ ୬ ହଜାର ୬୧୩, ଲୋକାଲ କେସ୍ ୫ ହଜାର ୧୯୪ ରହିଛି । ତେବେ ଆଜି ଆଉ ୨୧ ଜଣଙ୍କ ଜୀବନ ନେଇଛି ମହାମାରୀ କରୋନା । ଚିହ୍ନଟ ହୋଇଥିବା ଆକ୍ରାନ୍ତଙ୍କ ମଧ୍ୟରୁ ସୁନ୍ଦରଗଡ଼ରୁ ସର୍ବାଧିକ ସଂକ୍ରମିତ ଚିହ୍ନଟ ହୋଇଛନ୍ତି । ଜିଲ୍ଲାରେ ୧୯୨୨ ଜଣ ପଜିଟିଭ୍ ଚିହ୍ନଟ ହୋଇଥିବା ବେଳେ, ଖୋର୍ଦ୍ଧାରୁ ୧୫୧୦ ଓ କଟକରୁ ୧୦୫୨ ଆକ୍ରାନ୍ତ ଚିହ୍ନଟ ହୋଇଛନ୍ତି । ସେହିପରି ଅନୁଗୁଳରୁ ୫୬୦, ସମ୍ବଲପୁରରୁ ୫୩୩, ପୁରୀରୁ ୪୫୪, ବଲାଙ୍ଗୀରରୁ ୪୩୭, ବରଗଡ଼ରୁ ୪୨୮, ଝାରସୁଗୁଡ଼ାରୁ ୪୨୧, ନବରଙ୍ଗପୁରରୁ ୪୧୯, କଲାହାଣ୍ଡିରୁ ୪୦୨, ଗଞ୍ଜାମରୁ ୩୪୧, ଯାଜପୁରରୁ ୩୦୨, ଷ୍ଟେଟ୍ ପୁଲରୁ ୩୦୧, ନୂଆପଡ଼ାରୁ ୨୮୬, ବାଲେଶ୍ବରରୁ ୨୬୦ ଜଣ ସଂକ୍ରମିତ ଅଛନ୍ତି । ସେହିପରି କେନ୍ଦୁଝରରୁ ୨୩୧, ସୋନପୁରରୁ ୨୧୦, ନୟାଗଡ଼ରୁ ୨୦୪, ବୌଦ୍ଧରୁ ୧୭୮, ଢେଙ୍କାନାଳରୁ ୧୭୭, ମୟୂରଭଞ୍ଜରୁ ୧୭୫, କେନ୍ଦ୍ରାପଡ଼ାରୁ ୧୪୫, ରାୟଗଡ଼ାରୁ ୧୩୮, ଜଗତସିଂହପୁରରୁ ୧୩୪, କୋରାପୁଟରୁ ୧୨୨, ଦେବଗଡ଼ରୁ ୧୧୫, ଗଜପତିରୁ ୧୦୫, କନ୍ଧମାଳରୁ ୯୨, ଭଦ୍ରକରୁ ୮୩ ଓ ମାଲକାନଗିରିରୁ ୭୦ ଜଣ ଅଛନ୍ତି ।

ଅଗଷ୍ଟ ସୁଦ୍ଧା ବ୍ରିଟେନ ହେବ କରୋନାମୁକ୍ତ.

କରୋନା ଭାଇରସ୍‌କୁ ନେଇ ସବୁଠି ବଢୁଛି ଚିନ୍ତା । ବିଶ୍ୱବ୍ୟାପୀ କରୋନା କବଳରୁ କେହି ବି ପାରୁନାହାନ୍ତି ମୁକୁଳି । ତେବେ କରୋନାର ଭୟାବହତ ଯୋଗୁଁ ସବୁଠି ଭୟ ଓ ଡରର ମାହୋଲ । କାହିଁକି ନା ଗତ ବର୍ଷ ଠାରୁ ଆହୁରୀ ମାରାତ୍ମକ ହେଉଛି ଏହି କରୋନା ଭାଇରସ୍ । ନୂଆ ନୂଆ ଧରଣର ଲକ୍ଷଣ ଦେଖାଯାଉଛି ଏହି ଭାଇରସ୍‌ରେ । କିନ୍ତୁ ଏହାରି ଭିତରେ ଆଉ ଏକ ଖବର ସବୁଠି ଅଧିକ ଚର୍ଚ୍ଚାର ବିଷୟ ପାଲଟିଛି । ଅଗଷ୍ଟ ସୁଦ୍ଦା ବ୍ରିଟେନରେ ଆଉ ନୂତନ ପ୍ରଜାତିର କରୋନା ଭାଇରସ୍ ସଂକ୍ରମଣ ହେବ ନାହିଁ ବୋଲି ସୂଚନା ମିଳୁଛି ।

ବ୍ରିଟେନର ଭ୍ୟାକସିନ୍ ଟାକ୍ସ ଫୋର୍ସର ମୁଖ୍ୟ କ୍ଲାଇଭ୍ ଡିକ୍ସ ଦୈାନିକ ଟେଲିଗ୍ରାଫ୍ କୁ ଏ ସଂକ୍ରାନ୍ତରେ ସୂଚନା ଦେଇଛନ୍ତି । ସଂକ୍ରମିତ ହେବେ ବୋଲି ଆଶଙ୍କା କରାଯାଉଥିବା ଲୋକମାନଙ୍କୁ ଏ ବର୍ଷ ଶେଷ ଆଡକୁ କେଉଁ ଟିକା ସର୍ବୋତ୍ତମ ବୁଷ୍ଟର ଭାବେ ଦିଆଯିବ ତାହା ସରକାର ଅନୁଧ୍ୟାନ କରୁଛନ୍ତି । ଟେଲିଗ୍ରାଫ୍‌କୁ କ୍ଲାଇଭ୍ ଡିକ୍ସ କହିଛନ୍ତି ଯେ ଜୁଲାଇ ଶେଷ ସୁଦ୍ଦା ଇଂଲଣ୍ଡର ସବୁ ଲୋକଙ୍କୁ ଟିକା ପ୍ରଦାନ କରିଦିଆଯିବ । ଏଯାବତ୍ ଇଂଲଣ୍ଡର ୫୧ ନିୟୁତରୁ ଅଧିକ ଡୋଜ୍ ଟିକା ସେଠାକାର ଜନତାଙ୍କୁ ମିଳିସାରିଲାଣି । ଦେଶର ମୋଟ ପ୍ରାପ୍ତ ବୟସ୍କ ଜନତାଙ୍କ ଭିତରୁ ଅଧିକାଂଶ ଜନତାଙ୍କୁ ଟିକା ଦିଆସରିଲାଣି । ଏହି ଦିଗରେ ଇଂଲଣ୍ଡ ବିଶ୍ୱର ଦ୍ୱିତୀୟ ତ୍ୱରିତ ଦେଶ । ବ୍ରିଟିଶ ସରକାରଙ୍କ କର୍ତ୍ତୁପକ୍ଷଙ୍କ କହିବା ଅନୁସାରେ ରକ୍ତ ଜମାଟ ବାନ୍ଧିବାର ସାମାନ୍ୟ ଆଶଙ୍କା ଥିବାରୁ ୪୦ବର୍ଷରୁ କମ୍ ବୟସ୍କ ବ୍ୟକ୍ତି ବିଶେଷଙ୍କୁ ଅକ୍ସୋଫଡ ଆଷ୍ଟ୍ରାଜେନିକା କୋଭିଡ୍‌-୧୯ ଟିକାର ବିକଳ୍ପ ଦିଆଯିବ । ହେଲେ ଅନ୍ୟପଟେ କିଛି ବିଶେଷଜ୍ଞଙ୍କ ରିପୋର୍ଟ ଅନୁସାରେ କରୋନା ଏହିଭଳି ଭାବେ ଆମ ମାନଙ୍କ ଗହଣରେ ରହିବ ।

 

ଡାକ୍ତରଙ୍କୁ ନେଇ ରାଜ୍ୟ ସ୍ୱାସ୍ଥ୍ୟ ବିଭାଗର ନୂଆ ନିର୍ଦ୍ଦେଶନାମା

ଭୁବନେଶ୍ୱର: ରାଜ୍ୟରେ କରୋନା ସଂକ୍ରମଣ ମାମଲା ବଢ଼ି ଚାଲିଥିବା ବେଳେ ଗୁରୁତ୍ୱପୂର୍ଣ୍ଣ ନିଷ୍ପତ୍ତି ନେଇଛନ୍ତି ସରକାର । କୋଭିଡର ସୁପରିଚାଳନା ଲାଗି OHMS, OMES କ୍ୟାଡର, ଆୟୁଷ, ଡେଣ୍ଟାଲ୍ ସର୍ଜନ, ସମସ୍ତ ପିଜି ଡକ୍ଟର୍ସ, ପୋଷ୍ଟ ପିଜି ଡକ୍ଟର, ଇଣ୍ଟର୍ନ୍ସ, ସମସ୍ତ ଶେଷ ବର୍ଷର ଛାତ୍ର (ନର୍ସିଂ ଓ ପାରାମେଡିକାଲ୍ ଷ୍ଟାଫ)ଙ୍କୁ ସାମୟିକ ଭାବେ ରାଜ୍ୟ ସରକାର ନିଜ ଅଧୀନକୁ ଆଣିଛନ୍ତି ।

 Odisha Brought All Doctor And Nursing Staff To State Pool For Covid

ଏନେଇ ସ୍ୱାସ୍ଥ୍ୟ ଓ ପରିବାର କଲ୍ୟାଣ ବିଭାଗ ନିର୍ଦ୍ଦେଶନାମା ଜାରି କରିଛି । ମହାମାରୀ କୋଭିଡ୍ ପରିଚାଳନା ପାଇଁ ଆବଶ୍ୟକତା ଅନୁସାରେ ସରକାର ଡାକ୍ତରଙ୍କୁ ବିଭିନ୍ନ ସ୍ଥାନରେ ମୁତୟନ କରିବେ । ରାଜ୍ୟରେ ଦୈନିକ ସଂକ୍ରମଣ ୧୨ ହଜାର ଟପିଥିବା ବେଳେ ବିଭିନ୍ନ ଜିଲ୍ଲାରେ ବେଡ୍ ବୃଦ୍ଧି କରାଯାଉଛି । ଏଭଳି ସ୍ଥଳେ କରୋନା ରୋଗୀଙ୍କୁ ଉତ୍ତମ ଚିକିତ୍ସା ପାଇଁ ସରକାର ଏଭଳି ବଡ଼ ପଦକ୍ଷେପ ନେଇଛନ୍ତି ।

ଆଇନ୍ ମନ୍ତ୍ରୀ ପ୍ରତାପ ଜେନା କରୋନା ସଂକ୍ରମିତ

ଭୁବନେଶ୍ୱର: ମନ୍ତ୍ରୀଙ୍କୁ କରୋନା । ରାଜ୍ୟ ସରକାରଙ୍କ ଆଇନ୍ ମନ୍ତ୍ରୀ ପ୍ରତାପ ଜେନା କରୋନା ସଂକ୍ରମିତ ହୋଇଥିବା ଜଣାପଡ଼ିଛି । ତାଙ୍କ ସ୍ୱାସ୍ଥ୍ୟାବସ୍ଥା ବର୍ତ୍ତମାନ ସ୍ଥିର ରହିଛି । ନିକଟରେ ତାଙ୍କ ସମ୍ପର୍କରେ ଆସିଥିବା ଲୋକଙ୍କୁ କରୋନା ଟେଷ୍ଟିଂ ପାଇଁ ସେ ନିବେଦନ କରିଛନ୍ତି ।

କରୋନା କାଳରେ ମନ୍ତ୍ରୀ ପ୍ରତାପ ଜେନା ଅସହାୟଙ୍କ ନିକଟରେ ଛିଡ଼ା ହେଉଥିଲେ । ଲୋକ ମୃତଦେହକୁ ଛୁଇଁବାକୁ ଡରୁଥିବା ବେଳେ ଶବକୁ କାନ୍ଧ ଦେଉଥିଲେ ମନ୍ତ୍ରୀ । ଏବେ ରାଜ୍ୟରେ ସଂକ୍ରମଣ ମାମଲା ବଢ଼ିଥିବା ବେଳେ ପ୍ରତାପ ଜେନାଙ୍କ ରିପୋର୍ଟ କୋଭିଡ୍ ପଜିଟିଭ୍ ଆସିଛି ।

ଅନ୍ୟପଟେ ବିରୋଧୀ ଦଳ ନେତା ପ୍ରଦୀପ୍ତ ନାଏକ କୋଭିଡ୍ ସଂକ୍ରମିତ ହୋଇ ଭୁବନେଶ୍ୱର ଏମ୍ସରେ ଭର୍ତ୍ତି ହୋଇଛନ୍ତି । ସେ ଭେଣ୍ଟିଲେଟରରେ ଥିବାବେଳେ ତାଙ୍କ ସ୍ୱାସ୍ଥ୍ୟାବସ୍ଥା ସ୍ଥିର ଥିବା ଜଣାପଡ଼ିଛି ।

କରୋନା ଆକ୍ରାନ୍ତ ସ୍ୱାମୀଙ୍କ ମୃତ୍ୟୁ ଶୁଣି ସ୍ତ୍ରୀଙ୍କ ଦେହାନ୍ତ

ବରଗଡ଼: କରୋନା ଆକ୍ରାନ୍ତ ସ୍ୱାମୀଙ୍କ ଆତ୍ମହତ୍ୟା ଖବର ଶୁଣି ଉଡ଼ିଗଲା ସ୍ତ୍ରୀଙ୍କ ପ୍ରାଣ ବାୟୁ । ଏଭଳି ଘଟଣା ଘଟିଛି ବରଗଡ଼ ଜିଲ୍ଲା ବିଜେପୁର ବ୍ଲକ ଲାଉମୁଣ୍ଡା ପଞ୍ଚାୟତ ସାତବନ୍ଧ ଗାଁରେ । ସୂଚନା ଅନୁସାରେ ସାତବନ୍ଧ ଗାଁର ଜଣେ ୬୫ ବର୍ଷୀଅ ବୃଦ୍ଧ ଗତକିଛି ଦିନ ହେଲା ଜରରେ ପୀଡ଼ିତ ଥିଲେ । କରୋନା ଟେଷ୍ଟ ପରେ ତାଙ୍କ ରିପୋର୍ଟ ପଜିଟିଭ୍ ଆସିଥିଲା ।

କରୋନା ପଜିଟିଭ୍ ଚିହ୍ନଟ ପରେ ଭାଙ୍ଗି ପଡ଼ି ସେ ଆତ୍ମହତ୍ୟା କରିଥିଲେ । ସ୍ୱାମୀଙ୍କ ମୃତ୍ୟୁ ଖବର ଶୁଣି ସ୍ତ୍ରୀଙ୍କ ମୃତ୍ୟୁ ହୋଇ ଯାଇଛି । ବିଜେପୁର ପୋଲିସ ଘଟଣା ସ୍ଥଳରେ ପହଞ୍ଚି ତଦନ୍ତ କରୁଛି ।

ଆକଟ କରିବାରୁ ଆକ୍ରମଣ, ବିବାହରେ ଜନସମାଗମ ରୋକିବାକୁ ଯାଇ ମାଡ଼ ଖାଇଲେ ତହସିଲଦାର

ମୋହନା: ସଂକ୍ରମଣ ବଢ଼ୁଛି, କଡ଼ା କଟକଣା ଲାଗୁ ହୋଇଛି । ତଥାପି କିଛି ଅମାନିଆ ନିୟମ ମାନୁନାହାଁନ୍ତି । ପ୍ରଶାସନ ଠାରୁ ଅନୁମତି ନେଇ ସର୍ବାଧିକ ୫୦ ଜଣରେ ବିବାହ ଉତ୍ସବ ପାଇଁ ରହିଛି ସରକାରୀ ନିର୍ଦ୍ଦେଶନାମା । ହେଲେ ଲୋକ ଏହାକୁ ମାନୁନାହାଁନ୍ତି । ସରକାରୀ କଟକଣାକୁ ଉଲ୍ଲଂଘନ କରି ଶତାଧିକ ଲୋକଙ୍କୁ ନେଇ ଗଜପତି ଜିଲ୍ଲା ଆର୍.ଉଦୟଗିରି ଥାନା ଛେଳିଗଡ଼ ଖ୍ରୀଷ୍ଟିଆନ୍ ସାହିରେ ବାହାଘର ଚାଲିଥିଲା ।

People Attacked Tahasildar For Opposing Gathering During Covid-19

କୋଭିଡ୍ କଟକଣା ଉଲ୍ଲଂଘନ କରି ଏକାଧିକ ଲୋକ ବାହାଘର ପ୍ରୋସେସନରେ ସାମିଲ୍ ହୋଇଥିଲେ । ବାଣ ସହ ଜମିଥିଲା ଭୋଜିଭାତର ଆସର । ଘଟଣା ସ୍ଥଳରେ ପହଞ୍ଚି ଆର୍.ଉଦୟଗିରି ତହସିଲଦାର ସ୍ମୃତିରଞ୍ଜନ ଶତପଥି କାର୍ଯ୍ୟକ୍ରମକୁ ବାରଣ କରିଥିଲେ । ଲୋକେ ତହସିଲଦାରଙ୍କ କଥାକୁ ନ ଶୁଣିବା ସହ ଓଲଟା ଆକ୍ରମଣ କରିଥିଲେ ।

People Attacked Tahasildar For Opposing Gathering During Covid-19

ରକ୍ତ ଜୁଡୁବୁଡୁ ଅବସ୍ଥାରେ ତହସିଲଦାର ପ୍ରାଣ ବିକଳରେ ଦୌଡ଼ି ପଳାଇଥିଲେ । ଆହତ ତହସିଲଦାରଙ୍କୁ ଆର୍. ଉଦୟଗିରି ସ୍ୱାସ୍ଥ୍ୟକେନ୍ଦ୍ରରେ ଚିକିତ୍ସା କରାଯାଉଛି । ତହସିଲଦାରଙ୍କ ସହ ଗାଁକୁ ଯାଇଥିବା ପୋଲିସ ଏସ୍ଆଇ ମୁକେଶ ଲାକ୍ରା ମଧ୍ୟ ଆହତ ହୋଇଛନ୍ତି ।

INS ଚିଲିକାରେ ଉଦଘାଟିତ୍ ହେଲା ୧୫୦ ଶଯ୍ୟାର କୋଭିଡ୍ କେୟାର ସେଣ୍ଟର

 ଟାଙ୍ଗୀ: କରୋନା ସଂକ୍ରମଣର ଦ୍ୱିତୀୟ ଲହରୀରେ ରାଜ୍ୟ ଅସ୍ତବ୍ୟସ୍ତ ହୋଇ ପଡ଼ିଛି । ଖୋର୍ଦ୍ଧା ଜିଲ୍ଲାରୁ ସର୍ବାଧିକ ଦୈନିକ ଆକ୍ରାନ୍ତ ଚିହ୍ନଟ ହେଉଛନ୍ତି । ଦିନକୁ ଦିନ ସଂକ୍ରମିତଙ୍କ ସଂଖ୍ୟା ବଢ଼ୁଥିବା ବେଳେ ଅଧିକ ବେଡର ଆବଶ୍ୟକତା ପଡ଼ୁଛି । ଏସବୁକୁ ଦୃଷ୍ଟିରେ ରଖି ଭାରତୀୟ ନୌସେନାର ପ୍ରାରମ୍ଭିକ ପ୍ରଶିକ୍ଷଣ ପ୍ରତିଷ୍ଠାନ ଆଇଏନ୍‌ଏସ୍ ଚିଲିକା ଓ ଖୋରଧା ଜିଲ୍ଲା ପ୍ରଶାସନ ମିଳିତ ସହଯୋଗରେ ଜିଲ୍ଲାପାଳ ସନତ କୁମାର ମହାନ୍ତି ୧୫୦ ଶଯ୍ୟା ବିଶିଷ୍ଟ କୋଭିଡ୍ କେୟାର ସେଣ୍ଟର ଲୋକାର୍ପଣ କରିଛନ୍ତି ।

 150-bed Covid Care Centre established by Indian Navy INS Chilika

ଆଇଏନ୍‌ଏସ୍ ଚିଲିକା ବେସ ମଧ୍ୟ କରୋନା ଆକ୍ରାନ୍ତଙ୍କ ପାଇଁ ୧୫୦ ଶଯ୍ୟା ବିଶିଷ୍ଟ ଅସ୍ଥାୟୀ କୋଭିଡ୍ କେୟାର ସେଣ୍ଟର କରାଯାଇଛି । ଏଥିସହ ଆଇଏନ୍‌ଏସ୍ ଚିଲିକା ବେସ୍ ମଧ୍ୟରେ ଥିବା ନିଭାରିଣୀ ହସ୍ପିଟାଲ ଠାରେ ଅତିରିକ୍ତ ୧୫ ଶଯ୍ୟାର ଅକ୍ସିଜେନ୍ ବେଡ୍ ବ୍ୟବସ୍ଥା କରାଯାଇଛି । ଜିଲ୍ଲା ମେଡିକାଲ ତରଫରୁ ୩ ଜଣ ଡାକ୍ତର ୫ଜଣ ପାରାମେଡିକାଲ୍ ଷ୍ଟାଫଙ୍କ ମିଳିତ ସ୍ୱତନ୍ତ୍ର ଟିମ ତତ୍ତ୍ୱାବଧାନରେ ଚିକିତ୍ସା ଯୋଗାଇ ଦିଆଯିବ ।

ଏହି କୋଭିଡ୍ କେୟାର ସେଣ୍ଟର ୨୪ ଘଣ୍ଟିଆ କାମ କରିବ । ଏଠାରେ ଟାଙ୍ଗୀ ବ୍ଲକ୍, ଚିଲିକା ବ୍ଲକ୍, ବାଣପୁର ବ୍ଲକ୍ ଏବଂ ବାଲୁଗାଁ ଓ ବାଣପୁର ଏନଏସି ଅଞ୍ଚଳର ସମସ୍ତ କରୋନା ଆକ୍ରାନ୍ତଙ୍କୁ ଚିକିତ୍ସା ସେବା ଯୋଗାଇ ଦିଆଯିବ ।

କଡ଼ା କଟକଣାରେ ଅନୁଷ୍ଠିତ ହେବ ଲିଙ୍ଗରାଜଙ୍କ ଚନ୍ଦନ ଯାତ୍ରା

ଭୁବନେଶ୍ୱର: ରାଜଧାନୀରେ କରୋନା ସଂକ୍ରମଣ ପିକରେ ରହିଛି । ଧାର୍ମିକ ସମ୍ମେଳନ ଉପରେ ବିଏମସି କଟକଣା ଜାରି କରିଛି । ଧାର୍ମିକ ଦୃଷ୍ଟିରୁ ଲିଙ୍ଗରାଜ ମନ୍ଦିର କର୍ତ୍ତୃପକ୍ଷଙ୍କ ଆବେଦନକୁ ବିଚାର କରି ବିଏମସି ଚନ୍ଦନ ଯାତ୍ରା ଲାଗି ଅନୁମତି ପ୍ରଦାନ କରିଛି । କୋଭିଡ୍ କଟକଣା ଭିତରେ ୨୨ ଦିନିଆ ଚନ୍ଦନ ଯାତ୍ରା ମେ’ ୧୫ ଅକ୍ଷୟ ତୃତୀୟା ଠାରୁ ଆରମ୍ଭ ହେବ । ଏନେଇ ବିଏମସି ପକ୍ଷରୁ ଗାଇଡଲାଇନ୍ ଜାରି କରିଛି ।

୧) ଚନ୍ଦନ ଯାତ୍ରାରେ କୌଣସି ଶ୍ରଦ୍ଧାଳୁ ସାମିଲ୍ ହେବେ ନାହିଁ ।

୨) ମାତ୍ର ୧୫ ଜଣ ସେବାୟତଙ୍କୁ ନେଇ ଅନୁଷ୍ଠିତ ହେବ ଚନ୍ଦନ ଯାତ୍ରା ।

୩) ବିଏମସିକୁ ୧୫ ଜଣ ସେବାୟତଙ୍କ ତାଲିକା ଦେବେ ମନ୍ଦିର କର୍ତ୍ତୃପକ୍ଷ । ଚନ୍ଦନ ଯାତ୍ରାରେ ସାମିଲ୍ ସେବାୟତ ୪୮ ଘଣ୍ଟା ମଧ୍ୟର କୋଭିଡ୍ ଆରଟି-ପିସିଆର୍ ନେଗେଟିଭ୍ ରିପୋର୍ଟ ଦେବେ ।

୪) ଚନ୍ଦନ ଯାତ୍ରାରେ ବ୍ୟବହାର ହେବାକୁ ଥିବା ବୋଟକୁ ବିଏମସି ସହଯୋଗରେ ସାନିଟାଇଜ୍ କରିବେ ।

୫) ସମସ୍ତ ସେବାୟତ ଚନ୍ଦନ ଯାତ୍ରା ସମୟରେ ବାଧ୍ୟତାମୂଳକ ଭାବେ ମାସ୍କ ପିନ୍ଧିବେ ।

୬) ସେବାୟଙ୍କ ମଧ୍ୟରେ ୬ ଫୁଟର ସାମାଜିକ ଦୂରତା ବଜାୟ ରହିବ ।

୭) ପାନ, ଗୁଟଖା ଛେପ ଥୁଙ୍କିବା/ ପକାଇବା ସମ୍ପୂର୍ଣ୍ଣ ବାରଣ ।

୮) ସମସ୍ତ ସେବାୟତ ନିୟମିତ ବ୍ୟବଧାନରେ ହାତକୁ ସାନିଟାଇଜ୍ କରିବେ ।

୯) ପ୍ରତିଦିନ ଯାତ୍ରାରେ ଭାଗ ନେବା ପୂର୍ବରୁ ସେବାୟତଙ୍କ ଥର୍ମାଲ ସ୍କ୍ରିନି ବ୍ୟବସ୍ଥା କରିବେ ମନ୍ଦିର କର୍ତ୍ତୃପକ୍ଷ ।

୧୦) ଅସୁସ୍ଥ ସେବାୟତ ଚନ୍ଦନ ଯାତ୍ରାରେ ସାମିଲ୍ ହୋଇ ପାରିବେନି ।

୧୧) ଯାତ୍ରା ସମୟରେ ସମସ୍ତ ପ୍ରକାର ଜରି ପାଣି ପାଉଚ ନିଷିଦ୍ଧ ।

୧୨) ନୀତିକାନ୍ତି ବ୍ୟତୀତ ଅନ୍ୟ କୌଣସି ସାଂସ୍କୃତିକ କାର୍ଯ୍ୟକ୍ରମ, ମେଳା ହୋଇପାରିବ ନାହିଁ ।

୧୩) ଚନ୍ଦନ ଯାତ୍ରା ସମୟରେ କୌଣସି ପ୍ରକାର ବାଣ ବା ଆତସବାଜୀ ବ୍ୟବହାର ହେବ ନାହିଁ ।

୧୪) ସମସ୍ତେ ଗାଇଡଲାଇନକୁ କଡ଼ାକଡ଼ି ଭାବେ ପାଳନ କରିବେ, ନଚେତ୍ ଅନୁମତି ପ୍ରତ୍ୟାହାର କରାଯିବ ।