spot_img
Home Blog Page 5807

ମୃତ ସାମ୍ବାଦିକଙ୍କ ପରିବାରକୁ ୪ ଲକ୍ଷ ଲେଖାଏଁ ସହାୟତା

ଭୁବନେଶ୍ୱର: କାର୍ଯ୍ୟରତ ସାମ୍ବାଦିକଙ୍କ କଲ୍ୟାଣ ପାଣ୍ଠିରୁ ୨ ମୃତ ସାମ୍ବାଦିକଙ୍କ ପରିବାରକୁ ଆର୍ଥିକ ସହାୟତା । ଏନେଇ ରାଜ୍ୟ ଗଣମାଧ୍ୟମ ଓ ଲୋକ ସମ୍ପର୍କ ବିଭାଗ ପୃଥକ ପୃଥକ ଚିଠିରେ ଅନୁମତି ଦେଇଛି । ୨ ମୃତ ସାମ୍ବାଦିକଙ୍କ ପତ୍ନୀଙ୍କୁ ୪ ଲକ୍ଷ ଟଙ୍କା ଲେଖାଏଁ ଅନୁକମ୍ପା ମୂଳକ ସହାୟତା ଦେଇଛନ୍ତି ରାଜ୍ୟ ସରକାର ।

ଦୈନିକ ଖବର କାଗଜ ପ୍ରତିଦିନର ପୂର୍ବତନ ସାମ୍ବାଦିକ ପ୍ରଭାତ କୁମାର ଦାସଙ୍କ ପତ୍ନୀ କଳ୍ପନା ଦାସଙ୍କୁ ୪ ଲକ୍ଷ ଟଙ୍କା ସହାୟତା ଦିଆଯାଇଛି । ଏହି ଅର୍ଥ କଳ୍ପନାଙ୍କ ଆକାଉଣ୍ଟରେ ଡିପୋଜିଟ୍ କରାଯାଇଛି । ସେହିଭଳି ଦୈନିକ ଖବରକାଗଜ ନିତିଦିନର ପୂର୍ବତନ ସାମ୍ବାଦିକ ରାଧାନାଥ ମହାପାତ୍ରଙ୍କ ପତ୍ନୀ ମନ୍ଦାକିନୀ ମହାପାତ୍ରଙ୍କୁ ୪ ଲକ୍ଷ ଟଙ୍କା ସହାୟତା ମିଳିଛି । ଏନେଇ ରାଜ୍ୟ ଗଣମାଧ୍ୟମ ଓ ଲୋକ ସମ୍ପର୍କ ବିଭାଗ ନିର୍ଦ୍ଦେଶନାମା ଜାରି କରିଛି ।

ଡମ୍ପର ପଛେ ପଛେ ଯାଉଥିଲେ, ଅଚାନକ ଆକାଶରୁ ଖସିଲା ମୃତ୍ୟୁ

ବରଗଡ଼: ମୃତ୍ୟୁ କେଉଁଠି, କେତେବେଳେ, କେମିତି ହେବ କହିବା ମୁସ୍କିଲ୍ । ଏମିତି ହୃଦୟ ବିଦାରକ ମୃତ୍ୟୁ ହୋଇଛି ବରଗଡ଼ ଜିଲ୍ଲା ବରପାଲି ବ୍ଲକରେ । ଏକ ଡମ୍ପର ପଛେ ପଛେ ବାଇକ୍ ଯୋଗେ ୨ ଜଣ ଯାଉଥିଲେ । ବରପାଲି କେନାଲ ଛକ ଦେଇ ଭଟିଗାଁ-ମହଦା କେନାଲ ଛକ ଆଡ଼କୁ ଯାଉଥିବା ବେଳେ ହଠାତ୍ ଡମ୍ପରଟି ଏକ ଗଛକୁ ଧକ୍କା ଦେଇଥିଲା । ଫଳରେ ଗଛର କିଛି ଅଂଶ ରାସ୍ତା ଉପରେ ପଡ଼ି ଯାଇଥିଲା ।

ଆଉ ଡମ୍ପର ପଛରେ ଯାଉଥିବା ବାଇକରେ ଯାଉଥିବା ୨ ଜଣ ଗଛର ଭାଙ୍ଗି ପଡ଼ିଥିବା ଅଂଶରେ ଚାପି ହୋଇ ଯାଇଥିଲେ । ସ୍ଥାନୀୟ ଲୋକ ଆମ୍ବୁଲାନ୍ସରେ ଉଭୟଙ୍କୁ ବରପାଲି ଡାକ୍ତରଖାନାରେ ଭର୍ତ୍ତି କରିଥିବା ବେଳେ ଡାକ୍ତର ମୃତ ଘୋଷଣା କରିଛନ୍ତି । ମୃତ ଯୁବକଙ୍କ ମଧ୍ୟରୁ ଜଣେ ବରପାଲି ବ୍ଲକ ଓ ଅନ୍ୟଜଣେ ସୋନପୁର ଜିଲ୍ଲା ରାମପୁର ଥାନା ସାହାଯବାହାଲର ବୋଲି ଜଣାପଡ଼ିଛି । ବାଇକ ଚଳାଇବା ବେଳେ ଉଭୟ ହେଲମେଟ୍ ପିନ୍ଧିନଥିଲେ । ହେଲମେଟ୍ ପିନ୍ଧିଥିଲେ ହୁଏତ ଜୀବନ ବଞ୍ଚି ଯାଇଥାନ୍ତା ।

ମୃତଦେହ ନେଲେନି ପରିବାର, ଶବ ସତ୍କାର କଲେ ଉପଜିଲ୍ଲାପାଳ

ଭଞ୍ଜନଗର: ମହାମାରୀ କରୋନା ସଂକ୍ରମଣ ଭିତରେ ଦୂରେଇ ଯାଉଛି ପରିବାର । ଭୂତାଣୁ ପାଇଁ ପର ପାଲଟୁଛନ୍ତି ନିକଟ ସମ୍ପର୍କୀୟ । ଗଞ୍ଜାମ ଜିଲ୍ଲା ଭଞ୍ଜନଗରରେ ଦେଖିବାକୁ ମିଳିଛି ଏଭଳି ଘଟଣା । ଭଞ୍ଜନଗର କୋଭିଡ୍ କେୟାର୍ ସେଣ୍ଟରରେ ଲଣ୍ଡେଇ ସାହିର କାଳିଚରଣ ସାହୁଙ୍କ ମୃତ୍ୟୁ ହୋଇଥିଲା । ହେଲେ ଶବ ନେବାକୁ ମନା କରି ଦେଇଥିଲେ ପରିବାର ଲୋକ ।

Bhanjanagar Sub Collector Done Funeral Of Covid Suspect Body

ଭଞ୍ଜନଗର ଉପଜିଲ୍ଲାପାଳ ରାଜେନ୍ଦ୍ର କୁମାର ମିଞ୍ଜି ଏକଥା ଜାଣିବା ପରେ ନିଜେ ଶବ ସତ୍କାର ପାଇଁ ଆଗେଇ ଆସିଥିଲେ । ଉପଜିଲ୍ଲାପାଳ ଏବଂ ଉପଖଣ୍ଡ ସୂଚନା ଓ ଲୋକ ସମ୍ପର୍କ ଅଧିକାରୀ ଫକୀର ମୋହନ ମାଝୀ, ପହଞ୍ଚି ମୃତଦେହକୁ ସହରର ଶେଷ ଭାଗରେ ଥିବା ଶ୍ମଶାନକୁ ନେଇଥିଲେ । ସେଠାରେ ଅନ୍ତିମ ସତ୍କାର କରି ଦେଇଛନ୍ତି ମାନବିକତାର ପରିଚୟ । ପରିବାର ବର୍ଗ କରୋନା ସନ୍ଦେହ କରି ଶବ ପାଖକୁ ଯାଇ ନଥିବା ବେଳେ ଉପଜିଲ୍ଲାପାଳଙ୍କ ଉଦ୍ୟମକୁ ପ୍ରଶଂସନୀୟ ଲୋକେ ପ୍ରଶଂସା କରିଛନ୍ତି ।

ଆଜି ବି ୧୦ ହଜାର ପାର୍, ଦୈନିକ ସଂକ୍ରମଣରେ ସୁନ୍ଦରଗଡ଼କୁ ଟପିଲା କଟକ

ଭୁବନେଶ୍ୱର: ରାଜ୍ୟରେ ଥମୁନି କରୋନା ସଂକ୍ରମଣ ମାମଲା । ଆଜି ବୁଧବାର ଗୋଟିଏ ଦିନରେ ରାଜ୍ୟରୁ ଆଉ ୧୦ ହଜାର ୬୪୯ ଜଣ ସଂକ୍ରମିତ ଚିହ୍ନଟ ହୋଇଛନ୍ତି । ଖୋର୍ଦ୍ଧାରୁ ସର୍ବାଧିକ ୧୫୫୭ ସଂକ୍ରମିତ ଚିହ୍ନଟ ହୋଇଥିବା ବେଳେ ସଂକ୍ରମଣ ମାମଲାରେ ସୁନ୍ଦରଗଡ଼ ଜିଲ୍ଲାକୁ କଟକ ଟପିଛି । ରାଜ୍ୟର ୫ ଜିଲ୍ଲାରେ ଦିନକରେ ୫ ଶହରୁ ଅଧିକ ସଂକ୍ରମିତ ଚିହ୍ନଟ ହୋଇଛନ୍ତି ।

ଅନୁଗୁଳରୁ ୫୫୭ ଜଣ କରୋନା ଆକ୍ରାନ୍ତ ଚିହ୍ନଟ ହୋଇଥିବା ବେଳେ ବାଲେଶ୍ୱରରୁ ୫୦୩ ଜଣ, ବରଗଡ଼ରୁ ୩୯୧ ଜଣ, ଭଦ୍ରକରୁ ୨୧୬ ଜଣ, ବଲାଙ୍ଗିରରୁ ୧୯୮ ଜଣ, ବୌଦ୍ଧରୁ ୨୩୨ ଜଣ, କଟକରୁ ୯୩୦ ଜଣ, ଦେବଗଡ଼ରୁ ୧୧୨ ଜଣ, ଢେଙ୍କାନାଳରୁ ୨୨୦ ଜଣ, ଗଜପତିରୁ ୧୦୪ ଜଣ, ଗଞ୍ଜାମରୁ ୨୪୫ ଜଣ, ଜଗତସିଂହପୁରରୁ ୨୭୮ ଜଣ, ଯାଜପୁରରୁ ୩୦୭ ଜଣ, ଝାରସୁଗୁଡ଼ାରୁ ୩୬୮ ଜଣ ସଂକ୍ରମିତ ଅଛନ୍ତି ।

ସେହିଭଳି କଳାହାଣ୍ଡିରୁ ୨୬୩ ଜଣ, କନ୍ଧମାଳରୁ ୬୯ ଜଣ, କେନ୍ଦ୍ରାପଡ଼ାରୁ ୧୮୫ ଜଣ, କେନ୍ଦୁଝରରୁ ୧୭୫ ଜଣ, ଖୋର୍ଦ୍ଧାରୁ ୧୫୫୭ ଜଣ, କୋରାପୁଟରୁ ୧୬୪ ଜଣ, ମାଲକାନଗିରିରୁ ୪୮ ଜଣ, ମୟୂରଭଞ୍ଜରୁ ୪୦୪ ଜଣ, ନବରଙ୍ଗପୁରରୁ ୨୦୭ ଜଣ, ନୟାଗଡ଼ରୁ ୩୫୭ ଜଣ, ନୂଆପଡ଼ାରୁ ୩୩୧ ଜଣ, ପୁରୀରୁ ୩୩୫ ଜଣ, ରାୟଗଡ଼ାରୁ ୧୬୩ ଜଣ, ସମ୍ବଲପୁରରୁ ୪୯୪ ଜଣ, ସୋନପୁରରୁ ୧୯୫ ଜଣ, ସୁନ୍ଦରଗଡ଼ରୁ ୭୭୪ ଜଣ, ଷ୍ଟେଟ ପୁଲରୁ ୨୬୭ ଜଣ ସଂକ୍ରମିତ ଚିହ୍ନଟ ହୋଇଛନ୍ତି ।

ପଶ୍ଚିମ ଓଡ଼ିଶାରେ ସ୍ୱାସ୍ଥ୍ୟସେବା ପାଇଁ ୨୫ କୋଟି ସହାୟତା

ଭୁବନେଶ୍ୱର: ରାଜ୍ୟରେ କୋଭିଡ୍ ଦ୍ୱିତୀୟ ପ୍ରବାହରେ ବେଶି ପ୍ରଭାବିତ ହୋଇଛି ପଶ୍ଚିମ ଓଡ଼ିଶା । ଏହି ସମୟରେ ପଶ୍ଚିମ ଓଡ଼ିଶାରେ ସ୍ୱାସ୍ଥ୍ୟସେବାକୁ ଆହୁରି ମଜଭୁତ୍ କରିବାକୁ ପ୍ରୟାସ କରୁଛନ୍ତି ସରକାର । ଏହି କ୍ରମରେ ପଶ୍ଚିମ ଓଡ଼ିଶା ବିକାଶ ପରିଷଦ ପକ୍ଷରୁ ୨୫ କୋଟି ଟଙ୍କା ସହାୟତା ଦିଆଯାଇଛି । ଏହି ଅର୍ଥରୁ ଜିଲ୍ଲା ପ୍ରଶାସନ ଆବଶ୍ୟକ ଅନୁସାରେ ସ୍ୱାସ୍ଥ୍ୟ ଉପକରଣ କିଣି ପାରିବେ ।

କୋଭିଡ୍ ସ୍ଥିତି ମୁକାବିଲା ପାଇଁ ଆବଶ୍ୟକ ଅତିରିକ୍ତ ଆଇସିୟୁ, ଏଚଡିୟୁ ବେଡ୍, ଅତ୍ୟାବଶ୍ୟକୀୟ ସ୍ୱାସ୍ଥ୍ୟ ସାମଗ୍ରୀ ସହ କରୋନା ପରୀକ୍ଷା ପାଇଁ ଆବଶ୍ୟକ ଯନ୍ତ୍ରପାତି, ଅକ୍ସିଜେନ୍ ପାଇପ୍, ପଲ୍ସ ଅକ୍ସିମିଟର ଇତ୍ୟାଦି କିଣାଯାଇ ପାରିବ ।

ଅତ୍ୟାବଶ୍ୟକ ମେଡିକାଲ ଉପକରଣ ଜିଲ୍ଲା ପ୍ରଶାସନ ଜରୁରୀ ଅନୁଯାୟୀ କିଣିପାରିବେ । ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ଦୂରଦୃଷ୍ଟି ସମ୍ପନ୍ନ ନେତୃତ୍ୱରେ ଓଡ଼ିଶା କରୋନା ବିରୋଧୀ ଯୁଦ୍ଧ ଲଢ଼ୁଛି । କରୋନା ବିରୋଧରେ ଲମ୍ବା ଲଢ଼େଇ ପାଇଁ ପଶ୍ଚିମ ଓଡ଼ିଶାର ବିଭିନ୍ନ ଜିଲ୍ଲାକୁ ସହାୟତାର ହାତ ବଢ଼ାଇଛି ପଶ୍ଚିମ ଓଡ଼ିଶା ବିକାଶ ପରିଷଦ ।

ନର୍ସମାନଙ୍କ ସହ କଥା ହୋଇ ଶୁଭେଚ୍ଛା ଜଣାଇଲେ ମୁଖ୍ୟମନ୍ତ୍ରୀ

ଭୁବନେଶ୍ୱର: ଆଜି ବିଶ୍ବ ନର୍ସିଂ ଦିବସ । ଏହି ଅବସରରେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ରାଜ୍ୟର ବିଭିନ୍ନ ଡାକ୍ତରଖାନା ମାନଙ୍କରେ କାର୍ଯ୍ୟରତ ନର୍ସ ମାନଙ୍କ ସହ ଫୋନ ଯୋଗେ କଥା ହୋଇ ସେମାନଙ୍କୂ ଶୁଭେଚ୍ଛା ଜଣାଇଛନ୍ତି ।

ନର୍ସମାନେ ନିଜର ବ୍ୟକ୍ତିଗତ ସୁଖ ଦୁଃଖକୁ ପଛରେ ପକାଇ ସେମାନେ ଯେପରି ରୋଗୀଙ୍କୁ ନିଷ୍ଠାର ସହ ସେବା ଯୋଗାଇ ଚାଲିଛନ୍ତି । ଏଥିପାଇଁ ମୁଖ୍ୟମନ୍ତ୍ରୀ ନବୀନ ପଟ୍ଟନାକ ନର୍ସମାନଙ୍କୁ ଉଚ୍ଚ ପ୍ରଶଂସା କରିଛନ୍ତି ।

ଝାରପଡ଼ା ଜେଲରେ ଦୁର୍ଦ୍ଦାନ୍ତ ଅପରାଧୀଙ୍କ ଠାରୁ ୨ଟି ମୋବାଇଲ୍ ସିଜ୍

ଭୁବନେଶ୍ୱର: ଜେଲର ସେଲରେ ମୋବାଇଲ୍ ଫୋନ୍ । ଝାରପଡ଼ା ସ୍ୱତନ୍ତ୍ର ଜେଲରୁ ପୁଣି ଥରେ ମୋବାଇଲ୍ ଜବତ ହୋଇଛି । ଦୁର୍ଦ୍ଦାନ୍ତ ଅପରାଧୀଙ୍କ ନିକଟରୁ ୨ଟି ମୋବାଇଲ୍ ମିଳିଛି । ଡିଜିଙ୍କ ନେତୃତ୍ୱରେ ଜେଲରେ ଚଢ଼ାଉ ହୋଇଥିବା ବେଳେ ମୋବାଇଲ୍ ମିଳିଛି । ମାଟି ତଳେ ଓ ସିମେଣ୍ଟ ଖୋଳି ଅପରାଧୀ ମୋବାଇଲ ଲୁଚାଇ ରଖିଥିବା ସୂଚନା ମିଳିଛି ।

Two Mobile Seized From Hardcore Criminals In Jharapada Jail

ଦୁର୍ଦ୍ଦାନ୍ତ ଅପରାଧୀଙ୍କ ଠାରୁ ମୋବାଇଲ୍ ଜବତ ପରେ ୨ ଜଣଙ୍କ ବିରୋଧରେ ଲକ୍ଷ୍ମୀସାଗର ଥାନାରେ ଏତଲା ଦିଆଯାଇଛି । ମୋବାଇଲ୍ ରଖିଥିବା ଅନ୍ତେବାସୀଙ୍କୁ ଅନ୍ୟତ୍ର ବଦଳି କରାଯିବ ବୋଲି ସୂଚନା ଦେଇଛନ୍ତି ଜେଲ୍ ଡିଜି ସନ୍ତୋଷ ଉପାଧ୍ୟାୟ । ହାର୍ଡକୋରଙ୍କ ଏରିଆ ଅଫ୍ ଅପରେସନରେ ପରିବର୍ତ୍ତନ ହେବ । ଆଗାମୀ ଦିନରେ ଜେଲରେ ଚଢ଼ାଉ ବ୍ୟାପକ କରାଯିବ ବୋଲି କହିଛନ୍ତି ଜେଲ ଡିଜି । ୨ ଦିନ ପୂର୍ବେ ୯ଟି ମୋବାଇଲ ଜବତ ହୋଇଥିଲା ।

ପ୍ଲାଜମା ବ୍ୟବହାର ପରେ ଆହୁରି ଶକ୍ତିଶାଳୀ ହେଉଛି କରୋନା ଭ୍ୟାରିଏଣ୍ଟ !

ନୂଆଦିଲ୍ଲୀ: କୋଭିଡ ରୋଗୀଙ୍କ କ୍ଷେତ୍ରରେ ପ୍ଲାଜ୍‌ମାର ବ୍ୟବହାର ଘାତକ ହୋଇପାରେ । ପ୍ଲାଜମା ବ୍ୟବହାର ପରେ ଆହୁରି ଶକ୍ତିଶାଳୀ ହେଉଛି କୋଭିଡ୍ ଭ୍ୟାରିଏଣ୍ଟ । ତେଣୁ ଅନାବଶ୍ୟକ ଭାବେ କୋଭିଡ୍ ରୋଗୀଙ୍କ କ୍ଷେତ୍ରରେ ପ୍ଲାଜମା ବ୍ୟବହାର କରନ୍ତୁ ନାହିଁ । ଏଭଳି ପରାମର୍ଶ ଦେଇଛନ୍ତି ଆଇସିଏମଆର ଏବଂ ଏମ୍ସ । ପ୍ରଥମ ଲହର ପରେ କରୋନାରୁ ଭଲ ହୋଇଥିବା ବ୍ୟକ୍ତିଙ୍କ ଠାରୁ ପ୍ଲାଜମା ଆଣି ଗୁରୁତର ସଂକ୍ରମିତ କ୍ଷେତ୍ରରେ ବ୍ୟବହାର କଲେ ସେମାନେ ଭଲ ହୋଇଯାଆନ୍ତି ବୋଲି କୁହାଯାଉଥିଲା ।

 ICMR to Deliberate on Plasma Therapy for Covid-19 Patients

ଅନେକ କ୍ଷେତ୍ରରେ ଏହା ସତ ମଧ୍ୟ ପ୍ରମାଣିତ ହେଉଛି । କିନ୍ତୁ ଏବେ ଏକ ଗବେଷଣାରୁ ସ୍ପଷ୍ଟ ହୋଇଛି ଯେ, ପ୍ଲାଜମା ବ୍ୟବହାର ଦ୍ବାରା କରୋନା ଭାଇରସର ଭିନ୍ନ ଭିନ୍ନ ରୂପ ସୃଷ୍ଟି ହେଉଛି । ପ୍ଲାଜମା ଭାଇରସ ଉପରେ ନକାରାତ୍ମକ ପ୍ରଭାବ ପକାଉଛି । ତେଣୁ ତୁରନ୍ତ ଏହାର ବ୍ୟବହାର ଉପରେ କଟକଣା ଲଗାଯିବା ଦରକାର  । ଅନେକ ସ୍ଥାନରେ ଏବେ ବି ପ୍ଲାଜମା ସନ୍ଧାନରେ ଲୋକେ ମେଡିକାଲରେ ଭିଡ଼ ଜମାଉଛନ୍ତି ।

ମେ’ ୩୧ ଯାଏ ଲକଡାଉନ୍ ବଢ଼ାଇଲେ ମହାରାଷ୍ଟ୍ର ସରକାର

ମୁମ୍ବାଇ: ଲକଡାଉନ୍ ସତ୍ତ୍ୱେ ସଂକ୍ରମଣରେ ଲାଗୁନି ବ୍ରେକ୍ । ପୁଣି ଲକଡାଉନ୍ ବଢ଼ାଇଲେ ମହାରାଷ୍ଟ୍ର ସରକାର । ମହାରାଷ୍ଟ୍ରରେ ଲକଡାଉନ୍ ଅବଧିକୁ ପୁଣି ବୃଦ୍ଧି କରିଛନ୍ତି ରାଜ୍ୟ ସରକାର । ମେ ୩୧ ଯାଏ ମହରାଷ୍ଟ୍ରରେ ଲକଡାଉନ୍ ବଳବତ୍ତର ରହିବ । ଏହି ସମୟରେ କେବଳ ଅତ୍ୟାବଶ୍ୟକ ସେବା ଜାରି ରହିବ ।

ଅନ୍ୟପଟେ ମହାରାଷ୍ଟ୍ରରେ ୧୮ ବର୍ଷରୁ ଅଧିକ ବୟସ୍କଙ୍କ ଟିକାକରଣ ଆରମ୍ଭ ହୋଇ ପାରିନାହିଁ । ସେଥିରେ ଏବେ ରୋକ୍ ଲଗାଇ ଦିଆଯାଇଛି । ମେ ୨୦ ସୁଦ୍ଧା ସେରମ୍ କୋଭିସିଲ୍ଡ ଭ୍ୟାକ୍ସିନ୍ ଯୋଗାଇ ବୋଲି ଜଣାଇଛି । ଟିକା ମିଳିବା ପରେ ୧୮ରୁ ୪୪ ବର୍ଷ ବୟସ୍କଙ୍କ ଲାଗି ଟିକାକରଣ ଆରମ୍ଭ ହେବ ବୋଲି ସୂଚନା ଦେଇଛନ୍ତି ରାଜ୍ୟ ସ୍ୱାସ୍ଥ୍ୟମନ୍ତ୍ରୀ ।

ଗତ ୨୪ ଘଣ୍ଟାରେ ମହାରାଷ୍ଟ୍ରରେ ୪୬ ହଜାର ୭୮୧ ଜଣ ସଂକ୍ରମିତ ଚିହ୍ନଟ ହୋଇଥିବା ବେଳେ ୮୧୬ ଜଣଙ୍କ ମୃତ୍ୟୁ ହୋଇଛି । ସେହିଭଳି ୮୫ ହଜାର ୮୦୫ ଜଣ ସୁସ୍ଥ ହୋଇଥିବା ଜଣାପଡ଼ିଛି । ମହାରାଷ୍ଟ୍ରରେ ଏଯାବତ୍ ୫୨ ଲକ୍ଷ ୨୬ ହଜାର ୭୧୦ ଜଣ ସଂକ୍ରମିତ ଚିହ୍ନଟ ହୋଇଥିବା ବେଳେ ୪୬ ଲକ୍ଷ ୧୯୬ ଜଣ ସୁସ୍ଥ ହୋଇଛନ୍ତି । ଏବେ ରାଜ୍ୟରେ ୫ ଲକ୍ଷ ୪୬ ହଜାର ୧୨୯ଟି ସକ୍ରିୟ ସଂକ୍ରମଣ ମାମଲା ରହିଛି ।

କୋଭିଡ୍‌ ସମୟରେ ୭୮୬ ଜଣ ଡାକ୍ତରଙ୍କ ନାମ ନିଯୁକ୍ତି ପାଇଁ ସୁପାରିସ୍

ଭୁବନେଶ୍ୱର: ରାଜ୍ୟରେ ପୂରଣ ହେବ ୭୮୬ ଡାକ୍ତର ପଦବୀ । ଅନଲାଇନ ଯୋଗେ ନିଯୁକ୍ତି ପରୀକ୍ଷା ସରିଥିବା ବେଳେ କୃତକାର୍ଯ୍ୟ ହୋଇଥିବା ୭୮୬ ଡାକ୍ତରଙ୍କୁ ନିଯୁକ୍ତି ଦେବାକୁ ସୁପାରିସ୍ କରିଛି OPSC ବା ଓଡ଼ିଶା ଲୋକସେବା ଆୟୋଗ । କରୋନା ସଙ୍କଟ ଯୋଗୁଁ ଡାକ୍ତର ପଦବୀ ପାଇଁ ତୁରନ୍ତ ନିଯୁକ୍ତି ପରୀକ୍ଷା କରିବାକୁ ପ୍ରସ୍ତାବ ଦେଇଥିଲା ସ୍ବାସ୍ଥ୍ୟ ଓ ପରିବାର କଲ୍ୟାଣ ବିଭାଗ । ଗତ ୨୮ ତାରିଖରେ OPSC ପକ୍ଷରୁ କରାଯାଇଥିବା ପରୀକ୍ଷାରେ ୧୪୯୧ ପରୀକ୍ଷାର୍ଥୀ ଭାଗ ନେଇଥିଲେ ।

OPSC Recommends 786 Doctors Name For Appointment During Covid

ପରୀକ୍ଷା ହେବାର ମାତ୍ର ୧୫ ଦିନ ମଧ୍ୟରେ ଫଳ ପ୍ରକାଶ କରି ପରୀକ୍ଷା ପଦ୍ଧତିରେ ଅଣାଯାଇଥିବା ସଂସ୍କାରମୂଳକ ପଦକ୍ଷେପର ନମୂନା ପ୍ରଦର୍ଶନ କରିଛି ଓଡ଼ିଶା ଲୋକସେବା ଆୟୋଗ । ଅନଲାଇନ ଯୋଗେ ହୋଇଥିବା ଏହି ପରୀକ୍ଷା ପଦ୍ଧତିକୁ ତ୍ରୁଟିଶୂନ୍ୟ ଓ କମ୍ ସମୟ ସାପେକ୍ଷରେ କରିପାରିଛି OPSC । ଚୂଡ଼ାନ୍ତ ଫଳ OPSC ଓ୍ବେବସାଇଟ୍ opsc.gov.inରେ ପରୀକ୍ଷାର୍ଥୀମାନେ ଦେଖିପାରିବେ ।