spot_img
Home Blog Page 5260

ନମାଜ ବେଳେ ମସଜିଦରେ ଆତ୍ମଘାତି ବିସ୍ଫୋରଣ; ନିଜକୁ ଦାୟୀ କଲା ଆଇଏସ୍-କେ

କାବୁଲ: ଆଫଗାନିସ୍ତାନର କୁନ୍ଦୁଜ ମସଜିଦ ବିସ୍ଫୋରଣ ଘଟଣା ପାଇଁ ନିଜକୁ ଦାୟୀ କରିଛି ଆଇଏସ-କେ ଅର୍ଥାତ୍ ଆଇଏସ୍-ଖୁରାସାନ। ଯେଉଁଥିରେ ୧୦୦ ଜଣ ମୃତ୍ୟୁବରଣ କରିଥିବା ବେଳେ ବହୁ ଆହତ ହୋଇଥିଲେ ।

ଆଫଗାନିସ୍ତାନରୁ ଆମେରିକା ବିଦାୟ ନେବା ଏବଂ ତାଲିବାନର ଶାସନ ଭାର ଗ୍ରହଣ ପରଠାରୁ ଏହି ବିସ୍ଫୋରଣ ସବୁଠାରୁ ବଡ ବିସ୍ଫୋରଣ। ସ୍ଥାନୀୟ ସୟଦ ଆବାଦ ମସଜିଦରେ ଏହି ବିସ୍ଫୋରଣ ଘଟିଥିଲା । ଉକ୍ତ ମସଜିଦ ସଂଖ୍ୟାଲଘୁ ସିହା ମୁସଲମାନ ସମ୍ପ୍ରଦାୟ ଦ୍ବାରା ପରିଚାଳିତ ହେଉଥିଲା ।

ବିସ୍ଫୋରଣରେ ୭୦ରୁ ଅଧିକ ଲୋକ ପ୍ରାଣ ହରାଇଥିବାବେଳେ ୧୦୦ରୁ ଅଧିକ ଲୋକ ଗୁରୁତର ଆହତ ହୋଇଥିଲେ। ବର୍ତ୍ତମାନ ଆଫଗାନିସ୍ତାନରେ ସଂଖ୍ୟାଲଘୁ ସିହାମାନଙ୍କୁ ସୁନ୍ନୀ ସମ୍ପ୍ରଦାୟ ଟାର୍ଗେଟ କରୁଛନ୍ତି। ଏହି ମସଜିଦରେ ଧର୍ମାବଲମ୍ବୀମାନେ ପ୍ରାର୍ଥନାରତ ଥିବାବେଳେ ସେଠାରେ ବିସ୍ଫୋରଣ ଘଟିଥିଲା। ପ୍ରାର୍ଥନା ପୂର୍ବରୁ ବିସ୍ଫୋରଣ ଘଟାଇବା ଲାଗି ସମସ୍ତ ଯୋଜନା ହୋଇଥିଲା । ବିସ୍ଫୋରଣରେ ମସଜିଦ୍‌ ବ୍ୟାପକ କ୍ଷୟକ୍ଷତି ହୋଇଥିଲା ।

 

ଅପରପକ୍ଷେ କୁନ୍ଦୁଜ ପ୍ରାନ୍ତରେ ତାଲିବାନର ଉପ ପୋଲିସ ମୁଖ୍ୟ କହିଛନ୍ତି ଯେ, ଶୁକ୍ରବାର ଦିନ ହୋଇଥିବା ବିସ୍ଫୋରଣ ଆତ୍ମଘାତି ଆକ୍ରମଣକାରୀ ଦ୍ୱାରା ହୋଇ ଥାଇପାରେ । ତାଲିବାନ ସେମାନଙ୍କ ସୁରକ୍ଷା ଲାଗି ପ୍ରସ୍ତୁତ ଥିବା ନେଇ ମୁଁ ଆଶ୍ୱାସନା ଦେଉଛି ବୋଲି ସେ କହିଛନ୍ତି ।

ତେବେ ଏହା ପୂର୍ବରୁ କାବୁଲର ଏକ ମସଜିଦର ମୁଖ୍ୟ ଦ୍ୱାର ନିକଟରେ ଅକ୍ଟୋବର ୩ ତାରିଖରେ ଭୟଙ୍କର ବିସ୍ଫାରଣ ହୋଇଥିଲା । ଏଥିରେ ବହୁ ଲୋକଙ୍କର ଜୀବନ ଯାଇଥିଲା । ସେହିପରି ଆଇଏସଆଇଏସ୍-କେ ଅଗଷ୍ଟ ୨୬ ତାରିଖରେ କାବୁଲର ହମିଦ୍ କରଜଇ ଆନ୍ତର୍ଜାତୀୟ ବିମାନ ବନ୍ଦରରେ ଆତ୍ମଘାତି ଆକ୍ରମଣ କରିଥିଲା ।

ମୁମ୍ବାଇରେ ୧୦୦ ଟପିଲା ତୖେଳ ଦର, ଚିନ୍ତାରେ ଗ୍ରାହକ

ମୁମ୍ବାଇ: ଦରଦାମ୍ ହୁ ହୁ ହୋଇ ବଢୁଥିବାରୁ ଚିନ୍ତାରେ ପଡିଛନ୍ତି ଗ୍ରାହକ। ଗତ ୫ଦିନ ହେବ କ୍ରମାଗତ ଭାବେ ପେଟ୍ରେଲ୍ ଓ ଡିଜେଲ୍ ଦର ବଢୁଥିବା ବେଳେ ଶନିବାର ଦିନ ପୁଣି ବଢିଛି ତେଲ ଦର। ଆଜି ପେଟ୍ରୋଲ ୩୦ ପଇସା ଓ ଡିଜେଲରେ ୩୫ ପଇସା ବୃଦ୍ଧି ଘଟିଛି। ଫଳରେ ଦିଲ୍ଲୀରେ ପଟ୍ରୋଲ ଦର ୧୦୩ ଟଙ୍କା ୫୪ ପଇସାରୁ ବଢି ୧୦୩ ଟଙ୍କା ୮୪ ପଇସାରେ ପହଞ୍ଚିଛି । ସେହିଭଳି ଡିଜେଲ ୯୨ ଟଙ୍କା ୧୨ ପଇସାରୁ ବୃଦ୍ଧି ଘଟି ୯୨ ଟଙ୍କା ୪୭ ପଇସାରେ ପହଞ୍ଚିଛି।

ଅନ୍ତଃରାଷ୍ଟ୍ରୀୟ ବଜାରରେ ତେଲ ଦର ବଢିବା ଯୋଗୁ ଘରୋଇ ବଜାରରେ ମଧ୍ୟ ତେଲ ଦର ସର୍ବକାଳୀନ ରେକର୍ଡ ଭାଙ୍ଗୁଥିବା ଆଇଓସିଏଲ ପକ୍ଷରୁ କୁହାଯାଇଛି । ସେହିଭଳି ମୁମ୍ବାଇରେ ମଧ୍ୟ ତେଲ ଦର ଆକାଶ ଛୁଆଁ ହୋଇଛି । ଏଠି ପେଟ୍ରୋଲ ଦର ୧୦୯ ଟଙ୍କା ୮୩ ପଇସାରେ ପହଞ୍ଚିଥିବା ବେଳେ ଡିଜେଲ ଦର ୧୦୦ ଟଙ୍କା ୨୯ ପଇସାରେ ପହଞ୍ଚିଛି । କୋଲକାତାରେ ପେଟ୍ରୋଲ୍ ଦର ଲି. ପିଛା ୧୦୪ ଟଙ୍କା ୫୨ ପ. ପହଞ୍ଚିଥିବା ବେଳେ ଡିଜେଲ୍ ଦର ୯୫.୯୩ ଛୁଇଁଛି।

ଅପରପକ୍ଷେ  ଚେନ୍ନାଇରେ ପେଟ୍ରୋଲ୍ ଦର ଲି. ପିଛା ୧୦୧ ଟଙ୍କା ୨୭ ପ.ରେ ପହଞ୍ଚିଥିବା ବେଳେ ଡିଜେଲ୍ ଦର ୯୬.୯୩ ଛୁଇଁଛି। ଓଡ଼ିଶାରେ ମଧ୍ୟ ପେଟ୍ରୋଲ ଦର ୧୦୪ ପାର କରିଥିବା ବେଳେ ଡିଜେଲ ୧୦୦ ପାର କରିଛି । ରାଜ୍ୟର ସବୁ ସ୍ଥାନଠାରୁ ମାଲକାନଗିରିରେ ତେଲଦର ଅଧିକା ରହିଥିବା ସୂଚନା ମିଳିଛି।

ଚଣ୍ଡିଖୋଲରେ ମିଶ୍ରଣ ପର୍ବ: ବିଜେଡିରେ ସାମିଲ ହେଲେ ବିଜେପି ଓ କଂଗ୍ରେସର ବହୁ କର୍ମୀ

ଚଣ୍ଡିଖୋଲ: ବଢୁଛି ବିଜେଡିର ବଳ । ଯାଜପୁର ଜିଲ୍ଲା ବଡ଼ଚଣା ବିଜେଡିର ମିଶ୍ରଣ ପର୍ବ ଅନୁଷ୍ଠିତ ହୋଇଛି । ବହୁ କଂଗ୍ରେସ ଓ ବିଜେପି କର୍ମୀ ବିଜେଡିରେ ସାମିଲ ହୋଇଛନ୍ତି । ବଡ଼ଚଣା ନିର୍ବାଚନ ମଣ୍ଡଳୀର ସୁଙ୍ଗୁଡ଼ା ଓ ଧାନମଣ୍ଡଳ ପଞ୍ଚାୟତର ବହୁ ବିଜେପି ଓ କଂଗ୍ରେସ କର୍ମୀ ଦଳରେ ସାମିଲ ହୋଇଛନ୍ତି । ଚଣ୍ଡିଖୋଲରେ ବଡ଼ଚଣା ବ୍ଲକ ବିଜେଡି ସଭାପତି ଅରବିନ୍ଦ ସାମଲଙ୍କ ଅଧକ୍ଷତାରେ ଅନୁଷ୍ଠିତ ହୋଇଥିବା ଏହି ମିଶ୍ରଣ ପର୍ବରେ ବଡ଼ଚଣା ବିଧାୟକ ଅମର ପ୍ରସାଦ ଶତପଥୀ ଯୋଗ ଦେଇଥିଲେ । ମୁଖ୍ୟମନ୍ତ୍ରୀଙ୍କ ନୀତି ଆଦର୍ଶରେ ଅନୁପ୍ରାଣିତ ହୋଇ ବହୁ କଂଗ୍ରେସ ଓ ବିଜେପି କର୍ମୀ ଦଳରେ ସାମିଲ ହୋଇଛନ୍ତି । ଆଗାମୀ ଦିନରେ ଏହା ଦଳକୁ ଆହୁରି ମଜବୁତ କରିବ ବୋଲି ବଡ଼ଚଣା ବିଧାୟକ କହିଛନ୍ତି ।

କ୍ରାଇମବ୍ରାଞ୍ଚ ଅଫିସରେ ପହଞ୍ଚିଲେ କେନ୍ଦ୍ରମନ୍ତ୍ରୀଙ୍କ ପୁଅ ଆଶିଷ ମିଶ୍ର

ଲକ୍ଷ୍ନୗେ: କ୍ରାଇମବ୍ରାଞ୍ଚ ନିକଟରେ ଶନିବାର ଦିନ ହାଜର ହୋଇଛନ୍ତି କେନ୍ଦ୍ର ଗୃହ ରାଷ୍ଟ୍ରମନ୍ତ୍ରୀ ଅଜୟ ମିଶ୍ରଙ୍କ ପୁଅ ଆଶିଷ ମିଶ୍ର। ନିର୍ଦ୍ଧାରିତ ସମୟର ୧୫ ମିନଟ ପୂର୍ବରୁ ହାଜର ହୋଇଛନ୍ତି ଆଶିଷ । ଉତ୍ତରପ୍ରଦେଶର ଲଖିମପୁର-ଖେରି ଚାଷୀ ମୃତ୍ୟୁ ମାମଲାରେ ତାଙ୍କୁ ସମନ କରିଥିଲା ପୋଲିସ।

ଜେରା ସମୟରେ ଡିଜିପି ଓ ଡିଏସପି ମଧ୍ୟ ଉପସ୍ଥିତ ଅଛନ୍ତି । ସମ୍ଭାବ୍ୟ ଉତ୍ତେଜନା ଆଶଙ୍କାରେ ଲଖିମପୁର ଜିଲ୍ଲାରେ ଇଣ୍ଟରନେଟ ସେବା ବନ୍ଦ କରାଯାଇଛି । ଗତକାଲି ତାଙ୍କୁ ସମନ କରାଯାଇଥିଲେ ମଧ୍ୟ ସେ ହାଜର ହୋଇନଥିଲେ । ଯାହା ପରେ ତାଙ୍କୁ ଆଉ ଥରେ ସମନ କରାଯାଇଥିଲା ।

ଗତକାଲି ସୁପ୍ରିମକୋର୍ଟରେ ୟୁପି ସରକାର ମାମଲାର ଷ୍ଟାଟସ ରିପୋର୍ଟ ରଖିଥିବା ବେଳେ ତଦନ୍ତରେ ଅବହେଳା ନେଇ ପ୍ରବଳ ବର୍ଷିଥିଲେ କୋର୍ଟ । ମାମଲାରେ ସରକାରଙ୍କ କାର୍ଯ୍ୟାନୁଷ୍ଠାନ ଆଦୌ ସନ୍ତୋଷଜନକ ନୁହେଁ । ହତ୍ୟା ଅଭିଯୁକ୍ତଙ୍କୁ ଧରିବା ପାଇଁ ଏମିତି ସମନ କରାଯାଏ କି ବୋଲି ପ୍ରଶ୍ନ ପଚାରିଥିଲେ ସର୍ବୋଚ୍ଚ ଅଦାଲତ ।

ଅଧନକ ପଢନ୍ତୁ- ଲଖିମପୁର-ଖେରି ହିଂସା; ପୋଲିସ ନିକଟରେ ହାଜର ହେବେ କେନ୍ଦ୍ର ମନ୍ତ୍ରୀଙ୍କ ପୁଅ ଆଶିଷ ମିଶ୍ର

ରାଜସ୍ଥାନରୁ ନନ୍ଦନକାନନକୁ ଆସିଲେ ନୂଆ ଅତିଥି

ମେଣ୍ଢାଶାଳ: ନନ୍ଦନକାନନକୁ ଆସିଲେ ରାଜସ୍ଥାନ ଅତିଥି । ରାଜସ୍ଥାନ ନହରଘର ବାୟୋଲୋଜିକାଲ ପାର୍କରୁ ନନ୍ଦନକାନନକୁ ଆସିଲେ ୮ଟି ନୂଆ ଅତିଥି । ଏମାନଙ୍କ ମଧ୍ୟରେ ଦୁଇଟି ଗଧିଆ, ଦୁଇଟି ଘଡିଆଳ, ଦୁଇଟି କଲରାପତରିଆ ବାଘ , ଦୁଇଟି ଚିଙ୍କାରା ହରିଣ ରହିଛନ୍ତି । ଏମାନେ ଗତ କାଲି ବିଳମ୍ବିତ ରାତିରେ ନନ୍ଦନକାନରେ ପହଞ୍ଚିଛନ୍ତି । ସେମାନଙ୍କର ସ୍ୱାସ୍ଥ୍ୟପରୀକ୍ଷା କରାଯାଇ ନନ୍ଦନକାନ କ୍ୱାରେଣ୍ଟାଇନ୍‌ରେ ରଖାଯାଇଛି । କେନ୍ଦ୍ରୀୟ ଚିଡିଆଖାନା କର୍ତ୍ତୃପକ୍ଷଙ୍କ ଅନୁମୋଦନ କ୍ରମେ ଗତ ମାର୍ଚ୍ଚ ମାସ ୧୭ରେ ଏଠାରୁ ଦୁଇଟି ମହାବଳ ବାଘ ସମେତ ୪୮ଟି ଜୀବଜନ୍ତୁ ରାଜସ୍ତାନର ନହରଘର ବାୟୋଲୋଜିକାଲା ପାର୍କ ପଠାଯାଇଥିଲା । ଜନ୍ତୁ ଅଦଳ ବଦଳ ପ୍ରକିୟା ସମୟ ଅବଧି ୬ମାସ ଭିତରେ ଥିବା ବେଳେ କିଛି ସମସ୍ୟା ଯୋଗୁ ଏହା ବିଳମ୍ବ ହୋଇଥିଲା ।

ଏଥି ଜୀବନ୍ତ ବଜ୍ରକାପ୍ତା ଉଦ୍ଧାର: ଡିଲ୍ ବେଳେ ମାଡ଼ିବସିଲା ବନ ବିଭାଗ

 

କୋଲକାତାରେ ବିଶ୍ୱର ସବୁଠୁ ଉଚ୍ଚ ଅଟାଳିକା ‘ବୁର୍ଜ ଖଲିଫା’; ଶୋଭା ପାଇବେ ମା’ ଦୁର୍ଗା

କୋଲକାତା: କୋଲକାତାର ଦୁର୍ଗା ପୂଜା ମଣ୍ଡପରେ ଦୁନିଆର ସବୁଠୁ ଉଚ୍ଚ ଅଟାଳିକା ବୁର୍ଜ ଖଲିଫାର ଝଲକ ଦେଖିବାକୁ ମିଳିଛି। ଯେଉଁମାନେ ଦୁବାଇ ଯାଇ ବୁର୍ଜ ଖଲିଫା ଦେଖି ପାରିବେ ନାହିଁ ସେମାନେ କୋଲକାତାରେ ଏହାକୁ ଦେଖିପାରିବେ। କୋଲକାତାର ଶ୍ରୀଭୁମି ସ୍ପୋର୍ଟିଂ କ୍ଲବରେ ୧୫୦ ଫୁଟ ଉଚ୍ଚର ବୁର୍ଜ ଖଲିଫାର ପ୍ରତିକୃତି ତିଆରି ହୋଇଛି, ଯେଉଁଠି ବିରାଜମାନ କରିବେ ୪୦ କିଲୋ ଅଳଙ୍କାରରେ ସୁସଜ୍ଜିତ ମା’ ଦୁର୍ଗା ।

ଖାସ୍ କଥା ହେଉଛି ୩୦୦ଟି ଭିନ୍ନ ଭିନ୍ନ ପ୍ରକାରର ଆଲୋକରେ ସଜ୍ଜିତ ହୋଇଛି ଏହି ବୁର୍ଜ ଖଲିଫା । ଯାହାରାତି ସମୟରେ ଏହାର ସୗେନ୍ଦର୍ଯ୍ୟକୁ ଦ୍ୱିଗୁଣିତ କରିଦେବ । ୧୫୦ ଫୁଟର ଉଚ୍ଚତା ଏବଂ ବିଶାଳ ମୋଟେଇ ଦର୍ଶକଙ୍କ ପାଇଁ ଆକର୍ଷଣର କେନ୍ଦ୍ର ପାଲଟିବ|

ମୁଖ୍ୟମନ୍ତ୍ରୀ ମମତା ବାନାର୍ଜୀଙ୍କ କ୍ୟାବିନେଟରେ ଅଗ୍ନିଶମ ମନ୍ତ୍ରୀ ସୁଜିତ ବସୁ ଏହି କ୍ଲବର ମୁଖ୍ୟ। ଏହାକୁ ନେଇ ସେ କହିଛନ୍ତି ଯେ ଦୁବାଇରେ ବିଶ୍ୱର ଉଚ୍ଚତମ କୋଠା ନିର୍ମାଣ ପାଇଁ ୬ ବର୍ଷ ସମୟ ଲାଗିଥିଲା ବେଳେ କୋଲକାତାରେ ଏହାର ପ୍ରତିକୃତି ତିଆରି ପାଇଁ ମାତ୍ର ଦୁଇ ମାସ ଲାଗିଥିଲା । ଯାହାର ପ୍ରସ୍ତୁତିରେ ଲାଗିଥିଲେ ୨୫୦ ଜଣ ଶ୍ରମିକ ।

ଏସିଏଫ୍ ସୌମ୍ୟରଞ୍ଜନଙ୍କ ମୃତ୍ୟୁ ମାମଲା: ଡିଏଫ୍‌ଓ ଓ ରୋଷେୟାଙ୍କୁ କ୍ଳିନ୍‌ଚିଟ୍

ପାରଳାଖେମୁଣ୍ଡି: ସୌମ୍ୟ ମୃତ୍ୟୁ ମାମଲାରେ ଡିଏଫଓ ଓ ରୋଷେୟାଙ୍କୁ କ୍ଲିନ୍‌ଚିଟ୍ । ବିଦ୍ୟାଭାରତୀଙ୍କ ନାଁରେ ଦୁଇଟି ଦଫା ଲାଗିଛି । ଏଥିସହ ବିଦ୍ୟାଭାରତୀଙ୍କ ବିରୋଧରେ ଚାର୍ଜସିଟ୍ ଦାଖଲ କରିଛି କ୍ରାଇମବ୍ରାଞ୍ଚ । ଏସିଏଫ୍‌ ସୌମ୍ୟରଞ୍ଜନଙ୍କ ମୃତ୍ୟୁ ଏକ ଦୁର୍ଘଟଣା ବୋଲି କ୍ରାଇମବ୍ରାଞ୍ଚ ଏଡିଜି ସଞ୍ଜୀବ ପଣ୍ଡା କହିଛନ୍ତି । ସେଦିନ ସୌମ୍ୟଙ୍କ ଦେହରେ ନିଆଁ ଲାଗିବା ଆକସ୍ମିକ ଦୁର୍ଘଟଣା ଥିଲା । ତେବେ ବିଦ୍ୟାଭାରତୀ ନିଆଁ ଲିଭାଇବା ପାଇଁ ଯଥେଷ୍ଟ ଚେଷ୍ଟା କରିନଥିଲେ । ଏଭଳିକି ସହାୟତା ପାଇଁ ଲୋକଙ୍କୁ ବି ଡାକିନଥିଲେ । ସ୍ୱାମୀ ନିଆଁରେ ପୋଡ଼ି ହେଉଥିବା ବେଳେ କୌଣସି ତତ୍ପରତା ଦେଖାଇନଥିଲେ ପତ୍ନୀ ବିଦ୍ୟାଭାରତୀ ।

ଠିକ୍ ସମୟରେ ବଞ୍ଚାଇବା ପାଇଁ ଚେଷ୍ଟା କରିଥିଲେ ଅଘଟଣକୁ ଏଡାଇ ଦିଆଯାଇ ପାରିଥାନ୍ତା । ଅବହେଳା ପାଇଁ ସୌମ୍ୟଙ୍କ ଜୀବନ ଯାଇଛି । ବିଦ୍ୟା ଓ ସୌମ୍ୟଙ୍କ ବୈବାହିକ ସମ୍ପର୍କ ଭଲ ନଥିଲା । ନିଆଁ ଲିଭାଇବାରେ ବିଦ୍ୟାଭାରତୀଙ୍କ ଅବହେଳା ପାଇଁ କାର୍ଯ୍ୟାନୁଷ୍ଠାନ ହୋଇପାରେ । ବିଦ୍ୟାଙ୍କ ବିରୋଧରେ ୨୮୫ ଓ ୩୦୪ (A) ଧାରାରେ ମାମଲା ରୁଜୁ ହୋଇଛି । ଦୋଷୀ ସାବ୍ୟସ୍ତ ହେଲେ ୭ବର୍ଷ ଜେଲ ଦଣ୍ଡ ହୋଇପାରେ । CRPC ୪୧ (A) ଆଧାରରେ ବିଦ୍ୟାଙ୍କୁ ନୋଟିସ୍ ପଠାଯାଇଛି । ଧାରା ୨୮୫ ହେଉଛି ନିଆଁ ଲିଭାଇବାରେ ଅବହେଳା ଓ ୩୦୪ (A) ହେଉଛି ଅବହେଳା ଯୋଗୁଁ ମୃତ୍ୟୁ । ଗତକାଲି କାରଳାଖେମୁଣ୍ଡି କୋର୍ଟରେ ଚାର୍ଜସିଯ୍ ଦାଖଲ କରିଛି କ୍ରାଇମବ୍ରାଞ୍ଚ । ଘଟଣାରେ ୮୦ ଜଣଙ୍କୁ ଜେରା ହୋଇଥିବା ବେଳେ, ସମସ୍ତଙ୍କ କଲ୍ ରେକର୍ଡ, ପୋଷ୍ଟମର୍ଟମ ରିପୋର୍ଟ, ଏସଏଫଏଲ ରିପୋର୍ଟ, ଲାଇ ଡିଟେକ୍ସନ ଟେଷ୍ଟ ରିପୋର୍ଟର ସମସ୍ତ ଦସ୍ତାବିଜ କୋର୍ଟରେ ଦାଖଲ କରିଛନ୍ତି ତଦନ୍ତକାରୀ ଅଧିକାରୀ ।

ଜୀବନ୍ତ ବଜ୍ରକାପ୍ତା ଉଦ୍ଧାର: ଡିଲ୍ ବେଳେ ମାଡ଼ିବସିଲା ବନ ବିଭାଗ

କଣ୍ଟାବାଞ୍ଜି: ପୁଣି ଜବତ ହେଲା ଜୀବନ୍ତ ବଜ୍ରକାପ୍ତା । ବଲାଙ୍ଗୀର ଖପ୍ରାଖୋଲରୁ ଗୋଟିଏ ଜୀବନ୍ତ ବଜ୍ରକାପ୍ତା ଉଦ୍ଧାର ହୋଇଛି । ବଜ୍ରକାପ୍ତା ଚାଲାଣ ନେଇ ମହରାପଦର ଗାଁ ଠାରେ ଡିଲ୍‌ ହେଇଥିବା ବେଳେ ଜବତ କରିଛି ବନ ବିଭାଗ । ଲାଠୋର ଓ ଖପ୍ରାଖୋଲ ବନ ବିଭାଗ ମିଳିତ ଭାବେ ଗ୍ରାହକ ବେଶରେ ଯାଇ ଅଭିଯୁକ୍ତଙ୍କୁ ଗିରଫ କରିଛି ।

ବଲାଙ୍ଗୀର ଡିଏଫଓ ନୀତିଶ କୁମାରଙ୍କ ନିର୍ଦ୍ଦେଶ କ୍ରମେ ଏକ ସ୍ୱତନ୍ତ୍ର ଟିମ୍ ଗ୍ରାହକ ସାଜି ଅଭିଯୁକ୍ତ ମାନଙ୍କୁ ଧରିଥିଲେ । ତିନି ଜଣ ଅଭିଯୁକ୍ତ ଡିଲରେ ସାମିଲ ଥିବା ବେଳେ ବନ ବିଭାଗର ଦୁଇ ଜଣକୁ କାବୁ କରିବାକୁ ସକ୍ଷମ ହୋଇଥିଲା । ଗିରଫ ଦୁଇ ଅଭିଯୁକ୍ତ ମହରାପଦରର ସୁଶୀଲ ଧାରୁଆ ଓ ସର୍ଗୀପାଳି ଗାଁର ବଜରଙ୍ଗ ଧରୁଆ ବୋଲି ସୂଚନା ଦେଇଛି ବନ ବିଭାଗ। ତେବେ ଏହି ଘଟଣାରେ ଆଉ କିଏ କିଏ ସାମିଲ ରହିଛନ୍ତି ଏନେଇ ତଦନ୍ତ ଚାଲିଛି । ଘଟଣାସ୍ଥଳରୁ ମୁଖ୍ୟ ଅଭିଯୁକ୍ତ ଫେରାର ହୋଇଯାଇଛି । ଉଦ୍ଧାର ବଜ୍ରକାପ୍ତା କେଉଁ ସ୍ଥାନକୁ ଚାଲାଣ ହୋଇଥାନ୍ତା ଜଣାପଡ଼ିନାହିଁ ।

ଏଥିସହିତ ପଢ଼ନ୍ତୁ: ଉତ୍ତର ଆଣ୍ଡାମାନ ସାଗରରେ ସୃଷ୍ଟି ହେବ ଲଘୁଚାପ: ପାଗ ଅନୁକୂଳ ରହିଲେ ବାତ୍ୟାରେ ପରିଣତ ହେବ

ମୋଲନୁପିରାଭିରର ଫେଜ୍-୩ ଟ୍ରାଏଲ୍ ରୋକିବାକୁ ଅନୁମତି ମାଗିଲା କମ୍ପାନୀ

ନୂଆଦିଲ୍ଲୀ: ଆମେରିକୀୟ କମ୍ପାନୀ ମର୍କର କୋଭିଡ ଔଷଧ ମୋଲନୁପିରାଭିରର ତୃତୀୟ ପର୍ଯ୍ୟାୟ ଟ୍ରାଏଲ ରୋକିବାକୁ ଡ୍ରଗ୍ସ କଣ୍ଟ୍ରୋଲର୍ ଜେନେରାଲ୍ ଅଫ୍ ଇଣ୍ଡିଆ (DCGI)କୁ  ଅନୁମତି ମାଗିଛନ୍ତି ଭାରତର ଦୁଇଟି ଫାର୍ମାସ୍ୟୁଟିକାଲ କମ୍ପାନୀ। ମଧ୍ୟମ ଧରଣର କୋଭିଡ ସଂକ୍ରମଣ କ୍ଷେତ୍ରରେ ଏହି ଔଷଧ ସମ୍ପୂର୍ଣ୍ଣ ସଫଳ ହୋଇଛି ବୋଲି ଦର୍ଶାଇଛି କମ୍ପାନି । କମ୍ପାନୀଗୁଡିକ ଏହି ଔଷଧକୁ ‘ସାମାନ୍ୟ ଗୁରୁତର’ ଅର୍ଥାତ୍ ମଧ୍ୟମ ଏବଂ ସାମାନ୍ୟ ଲକ୍ଷଣ ଥିବା ରୋଗୀଙ୍କ କ୍ଷେତ୍ରରେ ଟ୍ରାଏଲ୍ କରୁଛନ୍ତି । କିନ୍ତୁ ବର୍ତ୍ତମାନ ମଧ୍ୟମ ଲକ୍ଷଣ ଥିବା ରୋଗୀମାନଙ୍କ ପାଇଁ ଫେଜ୍-୩ ଟ୍ରାଏଲ୍ ରୋକିବାକୁ ଦାବି କରାଯାଇଛି।

ବଟିକା ଭାବେ ସେବନ କରାଯାଇପାରୁଥିବା ଏହି ଔଷଧକୁ ଯଦି ଅନୁମତି ମିଳେ, ତେବେ ଏହା ଏକ ଗେମ୍ ଚେଞ୍ଜର ହେବ ଏଂବ ପ୍ରଥମ ଭୂତାଣୁନାଶକ ଔଷଧ ଭାବେ ସାବ୍ୟସ୍ତ ହେବ । ଅବବିନ୍ଦ ଫାର୍ମା ଓ ଏମଏସଏନ ଲାବରେଟୋରି ପକ୍ଷରୁ ଏହି ଔଷଧ ପ୍ରସ୍ତୁତ ହୋଇଛି । ଏହାର ଅନ୍ତରୀଣ ଫେଜ-୩ ଟ୍ରାଏଲ ରିପୋର୍ଟ ବିଷୟଗତ ବିଶେଷଜ୍ଞ କମିଟି ବା ଏସଇସି ନିକଟରେ ଦାଖଲ କରାଯାଇଛି। ନିୟମ ଅନୁସାରେ ନୂଆ ଔଷଧ, ଟିକା ଓ କ୍ଲିନିକାଲ ଟ୍ରାଏଲ ସମ୍ପର୍କିତ ରିପୋର୍ଟ ଡିସିଜିଆଇଙ୍କ ନିକଟରେ ଏସଇସି ଦାଖଲ କରିବା ପରେ ଚୂଡାନ୍ତ ନିଷ୍ପତ୍ତି ନିଆଯାଇଥାଏ ।

ମୋଲନୁପିରାଭିରର ୨୦୦ ମିଲିଗ୍ରାମ ଓ ୪୦୦ ମିଲିଗ୍ରାମ କ୍ୟାପସୁଲର ଟ୍ରାଏଲ କରାଯାଇଛି । ଗତ ଅକ୍ଟୋବର ୪ ତାରିଖରେ ଏହି ଦୁଇ କମ୍ପାନୀ ଦର୍ଶାଇଥିଲା ଯେ, ମଧ୍ୟମ ଧରଣର କୋଭିଡ କ୍ଷେତ୍ରରେ ସେମାନଙ୍କ ଫେଜ ୩ ଟ୍ରାଏଲ ବନ୍ଦ କରିବା ସହ ସାମାନ୍ୟ ଧରଣର କୋଭିଡ କ୍ଷେତ୍ରରେ ଫେଜ-୩ ଟ୍ରାଏଲ ଲାଗି ଅନୁମତି ଦିଆଯାଉ ।

ସେହିପରି ଗତ ଅକ୍ଟୋବର ୧ ତାରିଖରେ ମର୍କ ପକ୍ଷରୁ ଘୋଷଣା କରାଯାଇଥିଲା ମୃତ୍ୟୁ ବା ହସ୍ପିଟାଲରେ ଭର୍ତ୍ତି ହେବାର ରିସ୍କକୁ ଏହି ଔଷଧ ୫୦ ପ୍ରତିଶତ ହ୍ରାସ କରିବାକୁ ସକ୍ଷମ । ଏହି ଔଷଧ ପ୍ରସ୍ତୁତି ଲାଗି ସିପଲା, ଡକ୍ଟର ରେଡିସ, ସନ ଫାର୍ମା, ହେଟେରୋ, ଏମକ୍ୟୁୟର, ଅରବିନ୍ଦ ଫାର୍ମା ଓ ଏମଏସଏନ ଲାବରେଟୋରି ସହ ମର୍କ କମ୍ପାନୀ ସ୍ବେଚ୍ଛାକୃତ ଲାଇସେନସିଂ ରାଜିନାମା ସ୍ବାକ୍ଷର କରିଛି । ମର୍କ ପକ୍ଷରୁ ବି କୁହାଯାଇଛି ମୋଲନୁପିରାଭିର ସେବନ ପରେ ରୋଗୀଙ୍କ ମୃତ୍ୟୁ ଘଟିବା ଦେଖାଯାଇନାହିଁ ।

ପୋଖରୀକୁ ଖସିପଡ଼ିଲା କାର୍: ଜଣେ ମୃତ

କେନ୍ଦୁଝର: କେନ୍ଦୁଝର ଜିଲ୍ଲା ସଦର ଥାନା ୪୯ ନମ୍ବର ଜାତୀୟ ରାଜପଥ ଜାମୁଡିହା ନିକଟରେ ଦୁର୍ଘଟଣା । ପୋଖରୀରେ ପଶିଗଲା କାର୍ । ଜଣେ ମୃତ । ବିଳମ୍ବିତ ରାତିରେ କାରଟି ରାସ୍ତାରେ ଯାଉଥିବା ସମୟରେ ଭାରସାମ୍ୟ ହରାଇ ୪୦ ଫୁଟ ତଳେ ଥିବା ପୋଖରୀ ମଧ୍ୟକୁ ଖସି ପଡ଼ିଥିବା ଅନୁମାନ କରାଯାଉଛି । ଖବର ପାଇ ଘଟଣାସ୍ଥଳରେ ଅଗ୍ନିଶମ ବିଭାଗ ପହଞ୍ଚି କାର୍ ପାଣିରୁ ବାହାର କରିବା ସହ ପୋଖରୀରୁ ଜଣେ ବ୍ୟକ୍ତିଙ୍କର ମୃତଦେହ ଉଦ୍ଧାର କରିଛନ୍ତି । ମୃତକ କେନ୍ଦ୍ରାପଡା ଜିଲ୍ଲାର ବୋଲି ସୂଚନା ମିଳିଛି ।