ଭୁବନେଶ୍ବର : ଆସନ୍ତାକାଲି ଠାରୁ ଆରମ୍ଭ ହେବାକୁ ଯାଉଛି CBSE ଦଶମ ଓ ଦ୍ୱାଦଶ ଶ୍ରେଣୀ ପରୀକ୍ଷା । ସମୟରେ ପରୀକ୍ଷା କେନ୍ଦ୍ରକୁ ଆସିବା ପାଇଁ CBSE ଡେଡଲାଇନ ସ୍ଥିର କଲା । ଏହି ପରୀକ୍ଷା ସକାଳ ୧୦ଟା ୩୦ରେ ଆରମ୍ଭ ହେବ । ହେଲେ ୧୦ଟା ସୁଦ୍ଧା ପରୀକ୍ଷା କେନ୍ଦ୍ର ନ ପହଁଚିଲେ, ଆଉ ଗେଟ ଖୋଲିବ ନାହିଁ । ତେଣୁ ପରୀକ୍ଷା ଦେବାରୁ ବଞ୍ଚିତ ହେବା ଆଶଂକାରେ ମାର୍ଗଦର୍ଶିକା ଜାରି କରିଛି CBSE । ପାଣିପାଗ, ଟ୍ରାଫିକ ଭିଡ଼ ସମେତ ଜାତୀୟ ଓ ଅନ୍ତର୍ଜାତୀୟ ସମିଟକୁ ଦୃଷ୍ଟିରେ ରଖି ନିର୍ଦ୍ଧାରିତ ସମୟର ଢେର ପୂର୍ବରୁ ଘରୁ ବାହାରିବାକୁ ସ୍କୁଲ ଅଧ୍ୟକ୍ଷମାନଙ୍କୁ ମାର୍ଗଦର୍ଶିକା ଜାରି କରିଛି CBSE. ଏ ନେଇ ସ୍କୁଲ ପକ୍ଷରୁ ଅଭିଭାବକମାନଙ୍କୁ ଅବଗତ କରାଯାଇଛି
କାଲିଠୁ ବିଧାନସଭାର ବଜେଟ ଅଧିବେଶନ, କମିଶନରେଟ ପୋଲିସ ପକ୍ଷରୁ ସୁରକ୍ଷା ବ୍ୟବସ୍ଥା କଡ଼ାକଡ଼ି…
ଭୁବନେଶ୍ବର : ଆସନ୍ତାକାଲି ଠାରୁ ଆରମ୍ଭ ହେବାକୁ ଯାଉଛି ବିଧାନସଭାର ବଜେଟ ଅଧିବେଶନ । ଏଥିପାଇଁ କମିଶନରେଟ ପୋଲିସ ପକ୍ଷରୁ ସୁରକ୍ଷା ବ୍ୟବସ୍ଥାକୁ କଡ଼ାକଡ଼ି କରାଯାଇଛି । ପୋଲିସ କମିଶନର୍ ଏସ୍ ଦେବଦତ୍ତ ସିଂ ଏ ନେଇ ସୁରକ୍ଷା ବ୍ୟବସ୍ଥାର ଯାଞ୍ଚ କରିଛନ୍ତି। ଅଧିବେଶନ ସମୟରେ ୩ ଥାକିଆ ସୁରକ୍ଷା ବ୍ୟବସ୍ଥା ରହିବ। ଏଥିପାଇଁ ୩୪ ପ୍ଲାଟୁନ୍ ପୋଲିସ ଫୋର୍ସ ମୁତୟନ କରାଯିବା ସହ ଷ୍ଟ୍ରାଇକିଂ ଫୋର୍ସ, ଏସ୍ଟିୟୁ, ବୋମା ନିଷ୍କ୍ରିୟକାରୀ ଦଳ, ଡଗ୍ ସ୍ପାଇଡ୍ ଓ ଅଗ୍ନିଶମ ବିଭାଗ ମଧ୍ୟ ଦାୟିତ୍ଵରେ ରହିବେ । ଡିସିପି ସୁରକ୍ଷା ତଦାରଖ ଦାୟିତ୍ବରେ ଥିବା ବେଳେ ତାଙ୍କ ଅଧୀନରେ ୮ ଜଣ ଅତିରିକ୍ତ ଡିସିପି, ୨୪ ଜଣ ଏସିପି, ୨୭ ଜଣ ଇନ୍ସପେକ୍ଟର, ୧୧୦ ଜଣ ଏସଆଇ ଓ ଏଏସଆଇ ଦାୟିତ୍ୱରେ ରହିବେ । ସେହିପରି ସୁରକ୍ଷା ବ୍ୟବସ୍ଥାକୁ ଅଧିକ କଡ଼ାକଡ଼ି କରିବା ପାଇଁ ବିଭିନ୍ନ ସ୍ଥାନରେ ସିଟିଟିଭି ଖଞ୍ଜା ଯାଇଛି । ବିଭିନ୍ନ ସ୍ଥାନରେ ଅସ୍ଥାୟୀ ପୁଲିସ କଣ୍ଟ୍ରୋଲ୍ ରୁମ୍ ମଧ୍ୟ ଖୋଲାଯାଇଛି । କଣ୍ଟ୍ରୋଲ୍ରୁମ୍ରେ ପ୍ରତିଟି ଦିଗ ଉପରେ ନଜର ରଖାଯାଇ ସ୍ଥିତି ନିୟନ୍ତ୍ରଣ କରାଯିବ । ଅଧିବେଶନ ଆରମ୍ଭ ପୂର୍ବରୁ ଏବେଠାରୁ ବିଧାନସଭା ଓ ଆଖପାଖ ଅଞ୍ଚଳକୁ ପୋଲିସ ଛାଉଣି କରାଯିବା ସହ ବ୍ୟାରିକେଡିଂ କରାଯାଇଛି । ତ୍ରିସ୍ତରୀୟ ସୁରକ୍ଷା ବଳୟ ଭିତରେ ରହିବ ବିଧାନସଭା । ଲୋୟର ପିଏମଜି ରେ ୧୪୪ ଧାରା ଜାରି କରାଯିବ । ସିସିଟିଭି ସରଭେଲାନସ ଦ୍ବାରା ବିଧାନସଭା ଓ ତାକୁ ଲାଗି ରହିଥିବା ସଂଲଗ୍ନ ସ୍ଥାନଗୁଡିକୁ ରଖାଯିବ । ଏହା ସହିତ ସମ୍ପୁର୍ଣ୍ଣ ପୋଲିସ୍ ପ୍ରଶାସନର କଡ଼ା ନଜରରେ ରହିବ ବିଧାନସଭା।
ବିଶିଷ୍ଟ ଭୃଗୁ ଜ୍ଯୋତିଷ ପଣ୍ଡିତ ଶ୍ରୀଧର ଆଚାର୍ଯ୍ୟଙ୍କ ପରଲୋକ
ଭୁବନେଶ୍ବର : ବିଶିଷ୍ଟ ଭୃଗୁ ଜ୍ଯୋତିଷ ପଣ୍ଡିତ ଶ୍ରୀଧର ଆଚାର୍ଯ୍ୟଙ୍କ ପରଲୋକ ହୋଇଛି । ମାତ୍ର ୫୧ ବର୍ଷ ବୟସରେ ଆଜି ସକାଳେ ହୃଦଘାତ ଯୋଗୁଁ ଭୁବନେଶ୍ବରର ଏକ ଘରୋଇ ହସପିଟାଲରେ ତାଙ୍କର ପରଲୋକ ହୋଇଛି । ମୃତ୍ୟୁବେଳକୁ ପତ୍ନୀ ଓ ଦୁଇ ପୁଅ ଉପସ୍ଥିତ ଥିଲେ । ଭୁବନେଶ୍ବରରେ ଭୃଗୁ ଜ୍ଯୋତିଷର ପ୍ରଚାର ପ୍ରସାର କ୍ଷେତ୍ରରେ ସେ ବିଶେଷ ଭୂମିକା ଗ୍ରହଣ କରିଥିଲେ । ଗତ ୧୮ ବର୍ଷ ଧରି ଭୁବନେଶ୍ବରରେ ଏସୀୟ ଜ୍ଯୋତିଷ ସମ୍ମିଳନୀ ଆୟୋଜନ କରିଆସୁଥିଲେ । ଭୃଗୁ କଲେଜ ଅଫ ଆଷ୍ଟ୍ରୋଲଜି ମଧ୍ୟ ପ୍ରତିଷ୍ଠା କରିଥିଲେ । ବିଭିନ୍ନ ଟିଭି ଓ ଖବରକାଗଜରେ ବାର୍ଷିକ ରାଶିଫଳ, ଗ୍ରହଚଳନ ଏବଂ ଅନ୍ୟାନ୍ୟ ପୌରାଣିକ ପ୍ରସଙ୍ଗରେ ସେ ଆଲୋଚନା କରି ସେ ବେଶ ଆଦୃତି ଲାଭ କରିଥିଲେ । ସ୍ବର୍ଗତ ଆଚାର୍ଯ୍ୟଙ୍କ ଘର କଟକ ଜିଲ୍ଲାର ବଡ଼ମ୍ବା ନରସିଂହପୁର ଅଞ୍ଚଳରେ ।
ରାସାୟନିକ କାରଖାନାରେ ଭୟଙ୍କର ବିସ୍ଫୋରଣ; ୮ ଜଣ ଜୀବନ୍ତ ଦଗ୍ଧ….
ନନ୍ଦିଘୋଷ ବ୍ୟୁରୋ : ରାଜସ୍ଥାନର ଭିୱାଡିରେ ଏକ ରାସାୟନିକ କାରଖାନାରେ ଭୟଙ୍କର ବିସ୍ଫୋରଣ । ଦମକଳ ଗାଡ଼ି ଘଟଣାସ୍ଥଳରେ ପହଞ୍ଚି ନିଆଁ ଲିଭା କାର୍ଯ୍ୟରେ ନିୟୋଜିତ ଅଛନ୍ତି । ଏହି ଅଗ୍ନିକାଣ୍ଡରେ ଆଠ ଜଣଙ୍କର ମୃତ୍ୟୁ ହୋଇସାରିଥିଲା। ଅଗ୍ନିଶମ କର୍ମଚାରୀମାନେ ସମୟ ମଧ୍ୟରେ ସେମାନଙ୍କୁ ଉଦ୍ଧାର କରିବାରେ ବିଫଳ ହୋଇଥିଲେ ଏବଂ ଆଠ ଜଣ ଲୋକ ନିଆଁରେ ଜୀବନ୍ତ ଦଗ୍ଧ ହୋଇଯାଇଥିଲେ।
ରାସାୟନିକ ପଦାର୍ଥ ଥିବାରୁ ନିଆଁ ଦ୍ରୁତ ଗତିରେ ବ୍ୟାପିଥିଲା। ସୋମବାର ସକାଳେ, ଖୁଶଖେଡା ଶିଳ୍ପାଞ୍ଚଳରେ ଥିବା ଏକ କାରଖାନାରେ ଜୋରଦାର ବିସ୍ଫୋରଣ ହୋଇଥିଲା। କିଛି ମୁହୂର୍ତ୍ତ ମଧ୍ୟରେ କାରଖାନାଟି ନିଆଁରେ ପୋଡ଼ି ଯାଇଥିଲା। ଦୁର୍ଘଟଣାଟି ସକାଳ ପ୍ରାୟ ୯.୩୦ ସମୟରେ ଘଟିଥିବା ଜଣାପଡ଼ିଛି। ପ୍ରତ୍ୟକ୍ଷଦର୍ଶୀଙ୍କ ଅନୁଯାୟୀ, ଅଗ୍ନିକାଣ୍ଡ ସମୟରେ ତିନିରୁ ଚାରୋଟି ଜୋରରେ ବିସ୍ଫୋରଣ ହୋଇଥିଲା, ଯାହା ଫଳରେ ଲୋକଙ୍କ ମଧ୍ୟରେ ଆତଙ୍କ ଖେଳିଯାଇଥିଲା। ବିସ୍ଫୋରଣର ଶବ୍ଦ ବହୁତ ଦୂରରୁ ଶୁଣାଯାଇଥିଲା।
ଖୁଶଖେଡା ଶିଳ୍ପ ଅଞ୍ଚଳର ଜି-୧, ୧୧୮ଅଞ୍ଚଳଟି କିଛି ମାସ ଧରି ବନ୍ଦ ଥିଲା। ସେଠାରେ ଅଗ୍ନିକାଣ୍ଡ ଘଟିଥିଲା। କାରଖାନାରେ ପ୍ରଚୁର ପରିମାଣର କାର୍ଡବୋର୍ଡ ଗଚ୍ଛିତ ଥିଲା। ଏହି ସ୍ଥାନରେ ତିନିରୁ ଚାରୋଟି ଜୋରଦାର ବିସ୍ଫୋରଣ ହୋଇଥିଲା, ଯାହା ନିଆଁକୁ ବ୍ୟାପିଥିଲା। ସନ୍ଦେହ କରାଯାଉଛି ଯେ ଏକ ଗ୍ୟାସ ସିଲିଣ୍ଡର ବିସ୍ଫୋରଣ ହୋଇଥିଲା, ଯାହା ବିସ୍ଫୋରଣରେ ସେଠାରେ ଉପସ୍ଥିତ ଥିବା ଲୋକମାନଙ୍କୁ ଗ୍ରାସ କରିଥିଲା।
ସୋମବାର ସକାଳେ କାରଖାନାରେ ଏକ ବିସ୍ଫୋରଣ ହୋଇଥିଲା, ତା’ପରେ ଚିତ୍କାର ଏବଂ କ୍ରନ୍ଦନ ଶୁଭିଥିଲା। ଲୋକମାନେ ଭୟଭୀତ ହୋଇ ଦୌଡ଼ି ପଳାଇଥିଲେ, ଚାରିପାଖରୁ ଚିତ୍କାର ଶୁଭିଥିଲା। ହଠାତ୍, ସମଗ୍ର ଅଞ୍ଚଳ ଜଳନ୍ତା ନିଆଁରେ ପୋଡ଼ି ଯାଇଥିଲା। ରିପୋର୍ଟ ଅନୁସାରେ, ଘଟଣାସ୍ଥଳରେ ପ୍ରାୟ୨୫ ଜଣ ଶ୍ରମିକ ଉପସ୍ଥିତ ଥିଲେ।
ବିସ୍ଫୋରଣ ପରେ କିଛି ଲୋକ ବାହାରକୁ ବାହାରି ଆସିବାରେ ସଫଳ ହୋଇଥିଲେ, ଯେତେବେଳେ ୮ ଜଣ ଲୋକ ଭିତରେ ଫସି ଯାଇଥିଲେ ଏବଂ ନିଆଁରେ ଫସି ଯାଇଥିଲେ। ନିଆଁ ଏତେ ଭୟଙ୍କର ଥିଲା ଯେ ଅନେକ ଅଗ୍ନିଶମ ବାହିନୀ ଗାଡ଼ି ଦେଢ଼ ଘଣ୍ଟା ପରିଶ୍ରମ ପରେ ନିଆଁକୁ ଆୟତ୍ତ କରିଥିଲା।
ରିପୋର୍ଟ ଅନୁଯାୟୀ, ରାସାୟନିକ କାରଖାନାରେ ରାସାୟନିକ ପଦାର୍ଥ ସହିତ ବାଣ ମଧ୍ୟ ପ୍ରସ୍ତୁତ ହେଉଥିଲା। ପୋଲିସ ଅଧିକାରୀମାନେ କହିଛନ୍ତି ଯେ ପାଟ୍ରୋଲିଂ ଡ୍ୟୁଟି ସମୟରେ ପୋଲିସ ଏହି ଘଟଣା ଜାଣିପାରିଥିଲା। ପରେ ଉଦ୍ଧାର କାର୍ଯ୍ୟ ଆରମ୍ଭ କରାଯାଇଥିଲା। ଏବେ ବି ଉଦ୍ଧାର କାର୍ଯ୍ୟ ଜାରି ରହିଛି।
ପ୍ରେମିକାଙ୍କୁ ପାଇବା ପାଇଁ ୪ କିମି ରାସ୍ତାରେ ଗଡି ମନ୍ଦିରରେ ପହଁଚିଲେ ଯୁବକ
ରାୟଗଡା : ପ୍ରେମିକାଙ୍କୁ ପାଇବା ପାଇଁ ୪ କିମି ରାସ୍ତାରେ ଗଡି ମନ୍ଦିରରେ ପହଁଚିଲେ ଯୁବକ । ଏଭଳି ଘଟଣା ଦେଖିବାକୁ ମିଳିଛି ରାୟଗଡା ଜିଲ୍ଲା ମୁନିଗୁଡା ବ୍ଲକ ଅମ୍ଳାଭଟା କପିଳେଶ୍ୱର ମନ୍ଦିରରେ । ମୁନିଗୁଡା ଡାଙ୍ଗବାଡ଼ି ଗ୍ରାମର ଲୋକନାଥ ଡ଼ଙ୍ଗରି ଜଣେ ଯୁବତିଙ୍କୁ ପ୍ରେମ କରୁଛନ୍ତି ଏବଂ ଅଜଣାରେ ଗୋଟିଏ ଭୁଲ କରିଦେଇଛନ୍ତି। ସେହି ଭୁଲକୁ ସୁଧାରିବା ପାଇଁ ଲୋକନାଥ ଏଭଳି ପଦକ୍ଷେପ ନେଇଥିବା ଚର୍ଚ୍ଚା ହେଉଛି । ଲୋକନାଥ ନିଜ ପ୍ରେମକୁ ପାଇବା ପାଇଁ ଡାଙ୍ଗବାଡ଼ି ଠାରୁ ଅମ୍ଳାଭଟା ଶିବ ମନ୍ଦିରକୁ ପ୍ରାୟ ୪ କିଲୋମିଟର ରାସ୍ତା ଗଡି ଗଡି ଆସି ପ୍ରଭୁ ଶିବଙ୍କୁ ଦର୍ଶନ କରିଛନ୍ତି । ଆଜି ଭୋର ୩ଟାରୁ ଲୋକନାଥ ରାସ୍ତାରେ ପ୍ରାୟ ୮ ଘଣ୍ଟା ଗଡି ଗଡି ମନ୍ଦିରରେ ପହଁଚିଥିଲେ । ପୁଅର ଶାଶ୍ଵତ ପ୍ରେମକୁ ସାର୍ଥକ କରିବା ପାଇଁ ଉଭୟ ପିତା ମାତା ଓ ସଂପର୍କିୟ ରାସ୍ତାରେ ଗଡି ଗଡି ଯାଉଥିବା ସମୟରେ ବସ୍ତ୍ର ପକାଇ ସହାୟତା କରୁଥିବା ଦେଖିବାକୁ ମିଳିଥିଲା ।
ଚାରି ଦିନିଆ ଭାରତ ଗସ୍ତରେ ଆସୁଛନ୍ତି ମାକ୍ରନ
ନନ୍ଦିଘୋଷ ବ୍ୟୁରୋ : ଫ୍ରାନ୍ସ ରାଷ୍ଟ୍ରପତି ଇମାନୁଏଲ ମାକ୍ରନଙ୍କ ଭାରତ ଗସ୍ତ। ଚାରି ଦିନିଆ ଭାରତ ଗସ୍ତରେ ଆସୁଥିବା ମାକ୍ରନଙ୍କ ଏହି ଗସ୍ତବେଳେ ଭାରତ ଓ ଫ୍ରାନ୍ସ ମଧ୍ୟରେ ପ୍ରତିରକ୍ଷା ସହଯୋଗ ନେଇ ହେବ ଆଲୋଚନା। ହେଲିକପ୍ଟର ଓ ହାମର ଲକ୍ଷଭେଦୀ ମିସାଇଲ ନିର୍ମାଣ ନେଇ ଦୁଇ ଦେଶ ମଧ୍ଯରେ ଆଲୋଚନା ହେବ। ଏହା ସହ ପ୍ରତିରକ୍ଷା ମନ୍ତ୍ରୀ ରାଜନାଥ ସିଂଙ୍କ ଅଧ୍ୟକ୍ଷତାରେ ବସିବ ଭାରତ-ଫ୍ରାନ୍ସ ବାର୍ଷିକ ପ୍ରତିରକ୍ଷା ବୈଠକ। ଏଥିରେ ଫ୍ରାନ୍ସର ପ୍ରତିରକ୍ଷା ମନ୍ତ୍ରୀ କାଥେରିନି ଭାଉଟ୍ରିନ ଯୋଗଦେବେ। ଏହି ବୈଠକରେ ଭର୍ଚୁଆଲ ଭାବେ H125 ଲଢୁଆ ହେଲିକପ୍ଟରକୁ ଉନ୍ମୋଚନ କରାଯିବ। ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଓ ମାକ୍ରନଙ୍କ ମଧ୍ୟରେ ୧୧୪ଟି ରାଫେଲ ଲଢୁଆ ବିମାନ କ୍ରୟ ଚୁକ୍ତି ସମ୍ପର୍କରେ ବଡ଼ ଘୋଷଣା କରାଯିବ। ଗତ ସପ୍ତାହରେ ଫ୍ରାନ୍ସଠାରୁ ଭାରତ ୪୦ ବିଲିୟନ ଡଲାରର ରାଫେଲ ସମେତ ବିପୁଳ ଅସ୍ତ୍ରଶସ୍ତ୍ର କ୍ରୟ ପ୍ରସ୍ତାବକୁ ମଞ୍ଜୁରି ଦେଇଥିଲା।
ଗଛରେ ପିଟି ହେଲା ବାଇକ୍, ଜଣେ ମୃତ
ଚମ୍ପୁଆ : ଚମ୍ପୁଆ ନିକଟସ୍ଥ ଝାଡ଼ଖଣ୍ଡ ଜଗନ୍ନାଥ ପୁର ଥାନା ଅନ୍ତର୍ଗତ ସିଆଲଯୋଡାରେ ଗଛରେ ପିଟି ହେଲା ବାଇକ୍। ଜଣେ ମୃତ ଜଣେ ଗୁରୁତର। ମୃତକ ଚମ୍ପୁଆ ଧଳାଡିହର ପ୍ରଶାନ୍ତ ଗିରି। ଆହତ ଚମ୍ପୁଆ ଏଲଆଇସି କୋଲୋନୀର ରଜତ ରଜକ । ଦୁହେଁ ଗତକାଲି ନିକଟସ୍ଥ ରାମତୀର୍ଥ ଶିବମନ୍ଦିର କୁ ଜାଗର ଜାଳିବାକୁ ଯାଇ ରାତିରେ ଆଉ ଫେରିନଥିଲେ। ଆଜି ସକାଳୁ ସିଆଲଯୋଡା ନିକଟରେ ରାସ୍ତା କଡ଼ରେ ପଡିଥିବା ସିଆଲଯୋଡାର ମର୍ଣିଙ୍ଗ ଓ୍ବାକରେ ଯାଇଥିବା କିଛି ବ୍ୟକ୍ତି ଦେଖି ଖବର ଦେବା ପରେ ତାଙ୍କୁ ଚମ୍ପୁଆ ଡାକ୍ତର ଖାନା ଅଣାଯାଇଛି। ଏଠାରେ ପ୍ରଶାନ୍ତ କୁ ମୃତ୍ୟୁ ଘୋଷଣା କରିଛନ୍ତି ଡାକ୍ତର। ଗୁରୁତର ଅବସ୍ଥାରେ ରଜତକୁ କେନ୍ଦୁଝର ଜିଲ୍ଲା ଡାକ୍ତର ଖାନା ସ୍ଥାନାନ୍ତର କରାଯାଇଛି।
ନିଆଁରେ ପୋଡ଼ି ପାଉଁଶ ହୋଇଗଲା ୫୦୦ ଦୋକାନ…
ନନ୍ଦିଘୋଷ ବ୍ୟୁରୋ ; ବିହାରର କଟିହାର ଜିଲ୍ଲାରେ ଅଗ୍ନିକାଣ୍ଡ । ଏନଏଚ-୩୧ ପାର୍ଶ୍ୱରେ ଥିବା କୁର୍ସେଲା ବଜାର ଅଞ୍ଚଳରେ ଲାଗିଲା ନିଆଁ । ଫଳାରେ ୫୦୦ରୁ ଅଧିକ ଦୋକାନକୁ ପୋଡି ପାଉଁଶ ହୋଇଗଲା । ପ୍ରତ୍ୟକ୍ଷଦର୍ଶୀଙ୍କ ଅନୁସାରେ, ହଠାତ୍ ନିଆଁ ଲାଗିଯାଇଥିଲା ଏବଂ ପ୍ରବଳ ପବନ ହେତୁ ଏହା ବଜାରରେ ବ୍ୟାପିଯାଇଥିଲା। ଅଗ୍ନିକାଣ୍ଡର ସଠିକ୍ କାରଣ ବର୍ତ୍ତମାନ ସ୍ପଷ୍ଟ ନୁହେଁ, କିନ୍ତୁ ସର୍ଟ ସର୍କିଟ୍ କିମ୍ବା ଦୋକାନରୁ ବାହାରିଥିବା ସ୍ପାର୍କ ନିଆଁ ବ୍ୟାପିବା ପଛରେ ସହାୟକ ହୋଇଥିବା ସନ୍ଦେହ କରାଯାଉଛି।
ସୂଚନା ମିଳିବା ମାତ୍ରେ ଦମକଳ ଗାଡ଼ି ଘଟଣାସ୍ଥଳରେ ପହଞ୍ଚି ନିଆଁକୁ ଆୟତ୍ତ କରିଛି । ଦୋକାନୀଙ୍କ ଲକ୍ଷ ଲକ୍ଷ ଟଙ୍କାର ଜିନିଷପତ୍ର ନଷ୍ଟ ହୋଇଯାଇଛି। ପ୍ରଶାସନ ଘଟଣାସ୍ଥଳରେ ଡେରା ପକାଇ କ୍ଷୟକ୍ଷତି ଆକଳନ କରୁଛି।
ହଠାତ୍ ଅଗ୍ନିକାଣ୍ଡ ଯୋଗୁଁ କୁର୍ସେଲା ହାଟରେ ଦଳାଚକଟା ଭଳି ପରିସ୍ଥିତି ସୃଷ୍ଟି ହୋଇଥିଲା। ଦୋକାନୀ ଏବଂ ଗ୍ରାହକମାନେ ଭୟଙ୍କର ନିଆଁରୁ ରକ୍ଷା ପାଇପାରିଥିଲେ, କିନ୍ତୁ ସେମାନଙ୍କ ଜିନିଷପତ୍ର ରକ୍ଷା ହୋଇପାରିନଥିଲା। ଘଟଣା ପରେ ଘଟଣାସ୍ଥଳରେ ଭିଡ଼ ଜମିଥିଲା। ଉଦ୍ଧାରକାରୀ ଦଳ ବର୍ତ୍ତମାନ ରିଲିଫ୍ କାର୍ଯ୍ୟରେ ନିୟୋଜିତ ଅଛନ୍ତି। ବର୍ତ୍ତମାନ କୌଣସି ଆହତଙ୍କ ରିପୋର୍ଟ ନାହିଁ।
ତଥାପି, ପ୍ରାୟ ୭ କୋଟିର ସାମଗ୍ରୀ ନଷ୍ଟ ହୋଇଥିବା ଆଶଙ୍କା କରାଯାଉଛି। ବଜାରରେ ଅଗ୍ନିକାଣ୍ଡ ଯୋଗୁଁ ଦୋକାନୀମାନେ ସ୍ପଷ୍ଟ ଭାବରେ ବ୍ୟଥିତ, କାରଣ ସେମାନଙ୍କର ସାମଗ୍ରୀ ସମ୍ପୂର୍ଣ୍ଣ ନଷ୍ଟ ହୋଇଯାଇଛି।
ପଶ୍ଚିମବଙ୍ଗରେ ECI କାର୍ଯ୍ୟାନୁଷ୍ଠାନ, ୭ ଜଣ ଅଧିକାରୀ ନିଲମ୍ବିତ…
ନନ୍ଦିଘୋଷ ବ୍ୟୁରୋ ; ପଶ୍ଚିମବଙ୍ଗରେ ଅଧିକାରୀଙ୍କ ସ୍ୱେଚ୍ଛାଚାରିତା ଉପରେ କଠୋର କାର୍ଯ୍ୟାନୁଷ୍ଠାନ ଗ୍ରହଣ କରିବା ଆରମ୍ଭ କରିଛି ଭାରତୀୟ ନିର୍ବାଚନ କମିଶନ। ସାତ ଜଣ ଅଧିକାରୀଙ୍କୁ କମିଶନ ନିଲମ୍ବନ କରିଛନ୍ତି। SIR ସମୟରେ ଏହି ଅଧିକାରୀ କରିଥଇବା ଜଣାପଡିଛି । ଏହାକୁ ନେଇ ନିର୍ବାଚନ କମିଶନ କାର୍ଯ୍ୟାନୁଷ୍ଠାନ ଗ୍ରହଣ କରିଛନ୍ତି। ଆଗାମୀ ଦିନରେ ଆହୁରି ଅନେକ ଅଧିକାରୀ ମଧ୍ୟ କାର୍ଯ୍ୟାନୁଷ୍ଠାନର ସମ୍ମୁଖୀନ ହୋଇପାରନ୍ତି ବୋଲି ବିଶ୍ୱାସ କରାଯାଉଛି। ପଶ୍ଚିମବଙ୍ଗରେ ନିର୍ବାଚନ ମାତ୍ର କିଛି ସପ୍ତାହ ମଧ୍ୟରେ ଘୋଷଣା ହେବାକୁ ଯାଉଛି। ଏଥିପାଇଁ ନିର୍ବାଚନ କମିଶନ ପ୍ରସ୍ତୁତି ଜୋରଦାର କରିଛି। ଏହି ସମୟରେ, ନିର୍ବାଚନ କମିଶନ ବଙ୍ଗଳାରେ ସାତ ଜଣ ଅଧିକାରୀଙ୍କୁ ନିଲମ୍ବନ କରିଛନ୍ତି। ଅଧିକାରୀଙ୍କ ବିରୁଦ୍ଧରେ ଶୃଙ୍ଖଳାଗତ କାର୍ଯ୍ୟାନୁଷ୍ଠାନ ଆରମ୍ଭ କରିବାକୁ ମଧ୍ୟ ମୁଖ୍ୟ ସଚିବଙ୍କୁ ନିର୍ଦ୍ଦେଶ ଦିଆଯାଇଛି।
ନିର୍ବାଚନ କମିଶନଙ୍କ ଅନୁଯାୟୀ, ପଶ୍ଚିମବଙ୍ଗର ସାତ ଜଣ ଅଧିକାରୀ ସେମାନଙ୍କ କ୍ଷମତାର ଅପବ୍ୟବହାର କରିଛନ୍ତି। ସେମାନେ ନିର୍ବାଚନ କମିଶନ ଆଇନ, ୧୯୫୦ର ଧାରା ୧୩ସିସି ଉଲ୍ଲଂଘନ କରିଛନ୍ତି ଏବଂ SIR ସମୟରେ ଅବହେଳା କରିଛନ୍ତି। ଏହା ବ୍ୟତୀତ, ସେମାନେ ସମ୍ପୂର୍ଣ୍ଣ ପ୍ରକ୍ରିୟାରେ ସେମାନଙ୍କର ଆଇନଗତ କ୍ଷମତାର ଅପବ୍ୟବହାର କରି ସେମାନଙ୍କର କର୍ତ୍ତବ୍ୟ ସଠିକ୍ ଭାବରେ ପାଳନ କରିବାରେ ବିଫଳ ହୋଇଛନ୍ତି। କମିଶନଙ୍କ ଅନୁଯାୟୀ, ତଦନ୍ତରେ ଅଭିଯୋଗ ସତ୍ୟ ବୋଲି ଜଣାପଡ଼ିବା ପରେ ସମସ୍ତ ସାତ ଜଣ ଅଧିକାରୀଙ୍କୁ ନିଲମ୍ବନ କରାଯାଇଛି।
ନିର୍ବାଚନ କମିଶନ ପଶ୍ଚିମବଙ୍ଗର ମୁଖ୍ୟ ସଚିବଙ୍କୁ ମଧ୍ୟ ନିର୍ଦ୍ଦିଷ୍ଟ ନିର୍ଦ୍ଦେଶ ଜାରି କରିଛନ୍ତି। ତାଙ୍କୁ ବିଳମ୍ବ ନକରି ନିଲମ୍ବିତ ଅଧିକାରୀଙ୍କ ବିରୁଦ୍ଧରେ ଶୃଙ୍ଖଳାଗତ କାର୍ଯ୍ୟାନୁଷ୍ଠାନ ଆରମ୍ଭ କରିବାକୁ କୁହାଯାଇଛି। ଏହି କାର୍ଯ୍ୟାନୁଷ୍ଠାନ ସେମାନଙ୍କ ସମ୍ପୃକ୍ତ କ୍ୟାଡର ନିୟନ୍ତ୍ରଣକାରୀ କର୍ତ୍ତୃପକ୍ଷଙ୍କ ଦ୍ୱାରା ନିଆଯିବା ଉଚିତ ଏବଂ ନିର୍ବାଚନ କମିଶନଙ୍କୁ ଯଥାଶୀଘ୍ର ଏ ବିଷୟରେ ଜଣାଇବା ପାଇଁ କୁହାଯାଇଛି ।
ବଲିଉଡ ଅଭିନେତା ରାଜପାଲ ଯାଦବଙ୍କ ଜାମିନ ଅଗ୍ରାହ୍ୟ ପ୍ରସଙ୍ଗ : ଆଜି ମାମଲାର ପୁଣି ଶୁଣାଣି କରିବେ ଦିଲ୍ଲୀ ହାଇକୋର୍ଟ
ନନ୍ଦିଘୋଷ ବ୍ୟୁରୋ : ବଲିଉଡ ଅଭିନେତା ରାଜପାଲ ଯାଦବଙ୍କ ଜାମିନ ଅଗ୍ରାହ୍ୟ ପ୍ରସଙ୍ଗ। ଆଜି ମାମଲାର ପୁଣି ଶୁଣାଣି କରିବେ ଦିଲ୍ଲୀ ହାଇକୋର୍ଟ। ଚେକ ବାଉନ୍ସ ମାମଲାରେ ଗତ ୧୨ରେ ଜାମିନ ଆବେଦନ ଖାରଜ କରିଥିଲେ ଦିଲ୍ଲୀ ହାଇକୋର୍ଟ। ଚେକ ଦେଇଥିବା ସତ୍ତ୍ବେ ନିଜ ପ୍ରତିଶ୍ରୁତି ପୂରଣ କରି ନଥିବାରୁ କୋର୍ଟ ହୋଇଥିଲେ କ୍ଷୁବ୍ଧ। ୨୦୧୦ରେ ସେ ମୁରଲି ପ୍ରୋଜେକ୍ଟସ କମ୍ପାନୀରୁ ୫ କୋଟି ଟଙ୍କା ଲୋନ ଆଣି ଶୁଝି ନଥିଲେ। ପରେ ତାହା ୯ କୋଟି ଟଙ୍କା ହୋଇଥିଲା। ଗତ ୫ ତାରିଖରେ- ଆତ୍ମସମର୍ପଣ ପରେ ତିହାର ଜେଲ ଯାଇଥିଲେ ରାଜପାଲ। ସେହିଦିନଠାରୁ ତିହାର ଜେଲରେ ଅଛନ୍ତି ରାଜପାଲ। ତେବେ ତାଙ୍କୁ ସହାୟତା କରିବା ଲାଗି ବଲିଉଡ ଜଗତ ଆଗେଇ ଆସିଛି।