ଡାଉନ ହେଲା ହ୍ୱାଟ୍ସଆପ୍, ଚିନ୍ତାରେ ୟୁଜର୍ସ

ନୂଆଦିଲ୍ଲୀ: ଅଧା ଘଣ୍ଟା ଧରି ଡାଉନ୍ ରହିଛି ହ୍ବାଟ୍ସ ଆପ୍ । ନା ମେସେଜ୍ ଯାଉଛି, ନା ଆସିପାରୁଛି । ଗ୍ରୁପ ଏବଂ ବ୍ୟକ୍ତିଗତ ମେସେଜ୍ ସେବା ଠପ୍ । ହ୍ବାଟ୍ସ ଆପ୍ ସର୍ଭର ଠପ୍, ସିଷ୍ଟମ ମଧ୍ୟ କ୍ରାସ୍ ହୋଇଥିବା ଜଣାପଡିଛି ।

ସୂଚନା ଅନୁଯାୟୀ, ଭାରତରେ ଅଧା ଘଣ୍ଟା ଧରି ଡାଉନ୍ ରହିଛି ହ୍ବାଟ୍ସ ଆପ୍  ଓ ଫେସବୁକ୍ ଭଳି ସୋସିଆଲ୍ ମିଡ଼ିଆ ପ୍ଲାଟଫର୍ମ।ସେପଟେ ମେସେଜିଂ ଆପ୍ ଡାଉନ ନେଇ ସ୍ପଷ୍ଟୀକରଣ ରଖିଛି ମୂଳ କମ୍ପାନୀ ମେଟା । କମ୍ପାନୀ ପକ୍ଷରୁ ସିଷ୍ଟମ କ୍ରାସର କାରଣ କୁହାଯାଇ ନଥିବା ବେଳେ ୟୁଜର୍ସ ସାମନା କରୁଥିବା ସମସ୍ୟା ସମ୍ପର୍କରେ ଅବଗତ ଅଛୁ ବୋଲି କୁହାଯାଇଛି । ଯଥାଶୀଘ୍ର ସମସ୍ୟା ସମାଧାନ ପାଇଁ ଚେଷ୍ଟା ଜାରି ରହିଛି ବୋଲି ମେଟା କହିଛି । ସିଷ୍ଟମରେ ବି ହ୍ବାଟସଆପ୍ କ୍ୟୁ-ଆର କୋର୍ଡ ସ୍କାନ ହେଉ ନଥିବା ଅନେକ ୟୁଜର୍ସ ଅଭିଯୋଗ କରିଛନ୍ତି । ହ୍ବଟସଆପ୍ କାମ କରୁନଥିବା ଖବର ଟ୍ବିଟରରେ ଟ୍ରେଣ୍ଡ କରୁଛି ।

WhatsApp services have been down for the last 30 minutes. pic.twitter.com/9WL4mMFTRO

— ANI (@ANI) October 25, 2022