ଭଦ୍ରକ : ଶିକ୍ଷା ବିଭାଗରେ ସାଂଘାତିକ ତ୍ରୁଟି। ପିଲାଙ୍କୁ ପଢ଼ାଯାଉଛି ଭୁଲ ପାଠ। ଦଶମ ଶ୍ରେଣୀ ଇତିହାସ ବହିରେ ରହିଛି ଭୁଲ ତଥ୍ୟ । ୨୦୨୩ରୁ ଭୁଲ ତଥ୍ୟ ଆଧାରରେ ପାଠ ପଢ଼ୁଛନ୍ତି ଛାତ୍ରଛାତ୍ରୀ । ପିଲାଙ୍କୁ ଭୁଲ ଇତିହାସ ଶିଖାଉଛି ଶିକ୍ଷା ବିଭାଗ । ଓଡ଼ିଶା ମାଧ୍ୟମିକ ଶିକ୍ଷା ପରିଷଦ ଦ୍ବାରା ଅନୁମୋଦିତ ଓ ପ୍ରକାଶିତ ହୋଇଥିବା ଦଶମ ଶ୍ରେଣୀର ଇତିହାସ ଓ ରାଜନୀତି ବିଜ୍ଞାନ ବହି ୨୦୨୩ ମସିହାରେ ଶେଷ ପାରିମାର୍ଜିତ ମୁଦ୍ରଣ ହୋଇଥିଲା । ଏହି ପରିମାର୍ଜିତ ସଂସ୍କରଣରେ ୨ ଲକ୍ଷ ବହି ଛପା ଯାଇଥିଲା । ବହିର ୩୧ ନମ୍ୱର୍ ପୃଷ୍ଠାରେ ଭାରତ ଛାଡ ଆନ୍ଦୋଳନ ଓ ଏଥିରେ ଓଡ଼ିଶାର ଭୂମିକା ବିଷୟ ଲେଖାଯାଇଛି । ତେବେ ବହିରେ ଥିବା ଅନେକ ତଥ୍ୟ ଭୁଲ ରହିଛି । ଭଦ୍ରକ ଜିଲ୍ଲା ବାସୁଦେବପୁର ବ୍ଲକ ରକ୍ତତୀର୍ଥ ଇରମ ଠାରେ ୧୯୪୨ ମସିହା ସେପ୍ଟେମ୍ବର ୨୮ରେ ହୋଇଥିବା ଗୁଳିକାଣ୍ଡରେ ଓଡ଼ିଶାର ପ୍ରଥମ ମହିଳା ପରି ବେୱାଙ୍କ ସମେତ ୨୮ ଜଣ ସହିଦ ହୋଇଥିବା ଲେଖାଯାଇଛି । କିନ୍ତୁ ପ୍ରକୃତରେ ଇଂରେଜ ଆକ୍ରମଣରେ ୨୯ ଜଣ ସହିଦ ହୋଇଥିଲେ। ସେହିଭଳି ଭଦ୍ରକ ଧାମନଗର ବ୍ଲକ ଲୁଣିଆ ଠାରେ ଭାରତ ଛାଡ ଆନ୍ଦୋଳନ ବେଳେ ଶ୍ରୀଗଙ୍ଗା ଗାଁରେ ଚୌକିଦାର ପୋଷାକ ପୋଡ଼ି ହୋଇଥିଲା । କିନ୍ତୁ ବହିରେ ଶ୍ରୀଜଙ୍ଗ ବୋଲି ଲେଖାଅଛି । ଏମିତି କି ସହିଦ ଦିବସ ୧୯୪୨ ମସିହା ସେପ୍ଟେମ୍ବର ୨୨ ତାରିଖରେ ପାଳନ ହେଉଥିବା ବେଳେ ବହି କହୁଛି ସେପ୍ଟେମ୍ବର ୨୧ରେ ହୋଇଥିଲା ଗୁଳିକାଣ୍ଡ । ଏହି ଘଟଣାରେ ୯ ଜଣ ସହିଦ ହୋଇଥିବା ବେଳେ ପିଲା କିନ୍ତୁ ପଢୁଛନ୍ତି ୧୦ ବା ୧୧ ଜଣ ବ୍ୟକ୍ତି ପ୍ରାଣ ହରାଇଥିଲେ । ଘଟଣାକୁ ନେଇ ସ୍ଥାନୀୟ ଅଞ୍ଚଳବାସୀ ଓ ବୁଦ୍ଧିଜୀବୀ ଚିନ୍ତା ପ୍ରକଟ କରିଛନ୍ତି।ସମସ୍ତ ତଥ୍ୟକୁ ଆଧାର ନକରି କିଭଳି ଭୁଲ ତଥ୍ୟ ପ୍ରକାଶିତ ହେଲା ଓ ଶିକ୍ଷକ ଶିକ୍ଷୟିତ୍ରୀ କିଭଳି ଜାଣିପାରିଲେ ନାହିଁ ତାକୁ ନେଇ ଉଠିଛି ପ୍ରଶ୍ନ । ଯାହାକୁ ନେଇ ବିଭିନ୍ନ ମହଲରେ ପ୍ରତିବାଦ ହୋଇଛି। ତୁରନ୍ତ ଶିକ୍ଷା ବିଭାଗ ଏଥିପ୍ରତି ଧ୍ୟାନ ଦେବାକୁ ଦାବି ହୋଇଛି।
ଅନୈତିକ ସମ୍ପର୍କ ପାଇଁ ସାଙ୍ଗକୁ ହତ୍ୟା କରିଥିଲା ସାଙ୍ଗ ଓ ତା’ର ପ୍ରେମିକା…
ବାଲେଶ୍ବର : ବନ୍ଧୁ ସାଜିଲା ବଇରୀ । ଅବୈଧ ସମ୍ପର୍କ ପାଇଁ ସାଙ୍ଗର ଜୀବନ ନେଲା ସାଙ୍ଗ । ବାଲେଶ୍ବର ହୋଟେଲରେ ଯୁବକଙ୍କ ମୃତ୍ଯୁ ଘଟଣାରୁ ହଟିଲା ପରଦା । ନିଶାଗ୍ରସ୍ତ ଅବସ୍ଥାରେ ସାଙ୍ଗକୁ ପ୍ରେମିକା ସହ ମିଶି ହତ୍ଯା କରିଥିଲା ସାଙ୍ଗ । ଅଭିଯୁକ୍ତ ସହ ପ୍ରେମିକାକୁ ବାନ୍ଧିଲା ପୋଲିସ୍ । ବାଲେଶ୍ଵର ଜିଲ୍ଲା ସହଦେବଖୁଣ୍ଟା ଥାନା ଅଞ୍ଚଳରେ ଗତ ୨୫ ତାରିଖ ରାତିରେ ହତ୍ୟା କରାଯାଇଥିବା ବେଳେ ୨୭ ତାରିଖରେ ମୃତଦେହ ଉଦ୍ଧାର କରିଥିଲା ପୋଲିସ । ମୟୂରଭଞ୍ଜ ଜିଲ୍ଲା ବେତନଟୀ ଥାନା ଜାମବଣୀ ଅଞ୍ଚଳର ଆକାଶ ମହାନ୍ତ ତାଙ୍କ ବନ୍ଧୁ ରାମଚନ୍ଦ୍ର ସିଂ ଓ ତାଙ୍କ ପ୍ରେମିକା ସହ ମିଶି ସୁରଜ ହୋଟେଲରେ ରହିଥିଲେ । ମହିଳା ଜଣକ ବିବାହିତ ହୋଇଥିବାବେଳେ ରାମଚନ୍ଦ୍ରଙ୍କ ସହ ତାଙ୍କର ପ୍ରେମ ସମ୍ପର୍କ ଥିଲା । ଆକାଶ ନିଜ ସ୍ତ୍ରୀର ପରିଚୟ ପତ୍ର ଓ ସାନ ଭାଇର ପରିଚୟ ପତ୍ର ଦେଖାଇ ହୋଟେଲ୍ ରୁମ ବୁକ୍ କରିଥିଲେ । ୩ ଜଣ ମିଶି ସେଦିନ ରାତିରେ ପ୍ରଚୁର ମଦ୍ୟପାନ କରିଥିଲେ । ନିଶାଗ୍ରସ୍ତ ଅବସ୍ଥାରେ ମୃତ ଆକାଶ ମହିଳାଙ୍କୁ ଅସଦାଚରଣ କରିଥିଲେ । ଏଥିରେ ଉତକ୍ଷିପ୍ତ ହୋଇ ରାମଚନ୍ଦ୍ର ଓ ତାଙ୍କ ପ୍ରେମିକା ତାଙ୍କୁ ହତ୍ଯା କରିଥିବା କହିଛନ୍ତି ସିଟି ଡିଏସପି ।
୩ ଦିନ ଧରି ରୁମ ବନ୍ଦ ଥିବା ଦେଖି ପୋଲିସକୁ ଖବର ଦେଇଥିଲେ ହୋଟେଲ କର୍ତ୍ତୃପକ୍ଷ ପୋଲିସକୁ ଖବର ଦେଇଥିଲେ । ପୋଲିସ କବାଟ ଭାଙ୍ଗି ଖଟ ଉପରେ ପଡ଼ିଥିବା ଆକାଶଙ୍କ ମୃତଦେହ ଉଦ୍ଧାର କରିଥିଲା । ଘଟଣା ପରେ ସାଙ୍ଗ ରାମଚନ୍ଦ୍ରକୁ ବେତନଟୀ ଅଞ୍ଚଳରୁ କାବୁକରି ରଖି ପଚରାଉଚରା ପରେ ପ୍ରକୃତ ତଥ୍ଯ ପଦାକୁ ଆସିଛି । ସେପଟେ ଫେରାର ପ୍ରେମିକାକୁ ଯାଜପୁର ଜାରକା ଅଞ୍ଚଳରୁ ଗିରଫ କରିଛି ପୋଲିସ । ସେପଟେ ପୁଅର ଏପରି କାମକୁ ନିନ୍ଦା କରିଛନ୍ତି ଅଭିଯୁକ୍ତ ରାମଚନ୍ଦ୍ରଙ୍କ ବାପା । ଏପରି କାମ ପାଇଁ ପୁଅକୁ ଦଣ୍ଡ ମିଳୁ ବୋଲି ସେ ଅପିଲ କରିଛନ୍ତି । ଆବଶ୍ଯକ ହେଲେ ୮୦ ବର୍ଷ ବୟସରେ ବି ସେ ଘର ଚଳାଇବେ ବୋଲି କହିଛନ୍ତି ରାମଚନ୍ଦ୍ରଙ୍କ ବାପା । ମୃତ ଆକାଶଙ୍କ ପଡ଼ୋଶୀ ଥିଲେ ଅଭିଯୁକ୍ତ ରାମଚନ୍ଦ୍ର । ମହିଳାଙ୍କ ସହ ୩ ଜଣ ବିବାହିତ ଥିବାବେଳେ ଅନୈତିକ ସମ୍ପର୍କ ସମ୍ପର୍କକୁ ନେଇ ଏପରି ଜଘନ୍ଯ କାଣ୍ଡ ଘଟିଥିବା ପୋଲିସ ସ୍ପଷ୍ଟ କରିଛି ।
ପୁରୀରେ ଜମିଲାଣି ପର୍ଯ୍ଯଟକଙ୍କ ଭିଡ଼, ପୋଲିସ ଓ ରେଲୱେ ପକ୍ଷରୁ ବ୍ଯାପକ ବ୍ଯବସ୍ଥା
ପୁରୀ : ନୂଆବର୍ଷ ପାଇଁ ଏବେଠାରୁ ପୁରୀରେ ବଢ଼ିବାରେ ଲାଗିଛି ଭିଡ଼ । ଆସନ୍ତା ୩୧ ଓ ୧ ତାରିଖରେ ଭିଡ଼କୁ ଦୃଷ୍ଟିରେ ରଖି ପୁରୀ ପୋଲିସ ପକ୍ଷରୁ କରାଯାଇଛି ବ୍ଯାପକ ବ୍ଯବସ୍ଥା । ସହର ମୁଖ୍ୟ ପ୍ରବେଶ ପଥରେ ଚେକିଂକୁ କଡାକଡି କରାଯିବ । ଭୁବନେଶ୍ୱରରୁ ଆସୁଥିବା ଗାଡ଼ି ଜେଲ୍ ରୋଡ ପାର୍କିଂ କରିବେ, କୋଣାର୍କରୁ ଆସୁଥିବା ଚାରିଚକିଆ ତାଳବଣିଆ ପାର୍କିଂରେ ରହିବ ଓ ବ୍ରହ୍ମଗିରିରୁ ଆସୁଥିବା ଯାନ ଷ୍ଟର୍ଲିନ କିମ୍ବା ଯାତ୍ରୀକା ପାର୍କିଂରେ ରହିବ । ୩୧ ତାରିଖ ଠାରୁ ୧ ତାରିଖ ପର୍ଯ୍ୟନ୍ତ ମାର୍କେଟ ଛକଠାରୁ ନୋ ଭହିକିଲ ଜୋନ ହେବ । ବେଳାଭୂମିରେ ପର୍ଯ୍ୟାପ୍ତ ଲାଇଫଗାର୍ଡ ମୁତୟନ ରହିବେ । ଜିରୋ ନାଇଟ୍ ସେଲିବ୍ରେସନ ବେଳେ ପାଟ୍ରୋଲିଂକୁ କଡାକଡି କରାଯିବ । ମଦ୍ଯପ ଡ୍ରାଇଭର ଓ ଅପରାଧ ଉପରେ ରହିବ ନଜର । ସୁରକ୍ଷା ଦୃଷ୍ଟିରୁ ସହରରେ ୬୦ ପ୍ଲାଟୁନ ପୋଲିସ ମୁତୟନ ରହିବେ । ଟ୍ରେନ ଯାତ୍ରୀଙ୍କ ପାଇଁ GRP, RPF ଓ ଷ୍ଟେସନ କର୍ତ୍ତୃପକ୍ଷଙ୍କ ପକ୍ଷରୁ ସମସ୍ତ ବ୍ୟବସ୍ଥା ଗ୍ରହଣ କରାଯାଇଛି ।
ବିଦାୟ ନେବ ୨୦୨୫ । ନୂଆ ଆଶା ନେଇ ଆସିବ ୨୦୨୬ । ମହାପ୍ରଭୁଙ୍କ ଆଶିଷ ନେଇ ନୂଆବର୍ଷକୁ ଆରମ୍ଭ କରିବେ ଶ୍ରଦ୍ଧାଳୁ । ତେଣୁ ଶ୍ରୀମନ୍ଦିରରେ ମହାପ୍ରଭୁଙ୍କ ଦର୍ଶନ ସହିତ ଆଶିଷ ଲାଭ କରିବା ପାଇଁ ହଜାର ହଜାର ଭକ୍ତଙ୍କ ଆଗମନ ଜାରି ରହିଛି । ଶ୍ରଦ୍ଧାଳୁଙ୍କ ଶୃଙ୍ଖଳିତ ଦର୍ଶନ ପାଇଁ ଶ୍ରୀମନ୍ଦିର ବାହାରେ ଓ ଶ୍ରୀମନ୍ଦିର ଭିତରେ ବ୍ୟବସ୍ଥା କରାଯାଇଛି । ନୂଆବର୍ଷ ପାଇଁ ସମୁଦ୍ର ବେଳାଭୂମି ଠାରୁ ଆରମ୍ଭ କରି ଶ୍ରୀମନ୍ଦିର ଓ ବଡ଼ ଦାଣ୍ଡରେ ପ୍ରବଳ ଗହଳି ଦେଖିବାକୁ ମିଳିଛି । ଏଥିପାଇଁ ଜାରି ହୋଇଛି ଟ୍ରାଫିକ କଟକଣା ।
ଜିରୋ ନାଇଟ, ନୂଆବର୍ଷ ପାଇଁ ଆକ୍ସନ ମୋଡରେ ପୋଲିସ
ଭୁବନେଶ୍ୱର : ଜିରୋ ନାଇଟରେ ପୋଲିସର ଜିରୋ ଟଲରାନ୍ସ । ରୋଡ଼ ରୋମିଓଙ୍କୁ ଜଗିବେ କ୍ବିକ୍ ରିଆକ୍ସନ ଟିମ୍ । ୨୯ ଟି ସ୍ଥାନରେ ୱାଚ୍ ଟିମ୍ ରଖିବ ନଜର । ଧୁମଧାମରେ କଟିବ ଜିରୋ ନାଇଟ ଓ ନୂଆବର୍ଷ । ଏହାପୂର୍ବରୁ ସହରବାସୀଙ୍କୁ ସତର୍କ କରିଛି କମିଶନରେଟ ପୋଲିସ । ମତୁଆଲା ହୁଅ କିନ୍ତୁ କ୍ରାଇମ କରନି ବୋଲି କହିଛନ୍ତି ପୋଲିସ କମିଶନର। କମିଶନରେଟ ପୋଲିସ ପକ୍ଷରୁ ଜାରି ହୋଇଥିବା ନିର୍ଦ୍ଦେଶାବଳୀ ମୁତାବକ ରାଜଧାନୀରେ ୧୮ ଟି ସ୍ଥାନରେ ନାକାବନ୍ଦୀ ରହିବ । ୧୮ ପ୍ଲାଟୁନ ଅତିରିକ୍ତ ଫୋର୍ସ ସାରା ଭୁବନେଶ୍ୱର ଦାୟିତ୍ୱରେ ରହିବେ। ୨୯ ଟି ଛକରେ ୱାଚ୍ ଟିମ୍ ପକ୍ଷରୁ ଚେକିଂ କରାଯିବ। ଜିରୋ ନାଇଟରେ ୧୨ ଟା ପରେ ନଜର ରଖିବ କ୍ବିକ୍ ରିଆକ୍ସନ ଟିମ୍ । ହୋଟେଲ, ବାର ପବ କୁ ୧୨ ଯାଏଁ ପ୍ରୋଗ୍ରାମ ନିମନ୍ତେ ଅନୁମତି ମିଳିଛି । ଯେଉଁମାନେ ନିଜ କ୍ୟାମ୍ପସ ଯେପରିକି ଆପାର୍ଟମେଣ୍ଟ ବା କଲୋନୀ ଭିତରେ ସେଲିବ୍ରେସନ କରିବାକୁ ଚାହୁଁଛନ୍ତି, ସେମାନେ ନିୟମାବଳୀ ମାନିବାକୁ ବାଧ୍ୟ । ଡିଜେ ବଜାଇବାକୁ କାହାରିକୁ ମଧ୍ୟ ଅନୁମତି ମିଳିନାହିଁ ବୋଲି କହିଛନ୍ତି ପୋଲିସ କମିଶନର।
ସେହିପରି ସହରରେ ଥିବା ୪ ପ୍ରମୁଖ ପର୍ଯ୍ୟଟନସ୍ଥଳୀ ନନ୍ଦନକାନନ, ଧଉଳି, ଲିଙ୍ଗରାଜ ମନ୍ଦିର ଓ ଖଣ୍ଡଗିରି ରେ ପର୍ଯ୍ୟଟକଙ୍କ ଭିଡକୁ ଦୃଷ୍ଟିରେ ରଖି ବ୍ୟାପକ ସୁରକ୍ଷା ବ୍ୟବସ୍ଥା ଗ୍ରହଣ କରାଯିବ । ମହିଳାଙ୍କ ସୁରକ୍ଷାକୁ ପ୍ରାଥମିକତା ଦିଆଯିବ । ଅସୁରକ୍ଷିତ ସ୍ଥାନକୁ ନଯିବା ପାଇଁ ପରାମର୍ଶ ଦେଇଛନ୍ତି କମିଶନର । କିନ୍ତୁ ଏହାରି ଭିତରେ ଭୋଜିଭାତ ଆଳରେ ନିଶାସକ୍ତ ଅବସ୍ଥାରେ ଆଇନକୁ ହାତକୁ ନେଇଛନ୍ତି କିଛି ଦୁର୍ବୁତ୍ତ । ଭରତପୁର ଥାନା ଅଞ୍ଚଳରେ କମେଣ୍ଟମରାକୁ କେନ୍ଦ୍ର କରି ୮ ଜଣଙ୍କୁ କାବୁ କରାଯାଇଥିବା ବେଳେ ଗତକାଲି ଖାରବେଳନଗର ଥାନା ଅଞ୍ଚଳରେ ଭୋଜି ବେଳେ ଦୁଇ ଯୁବକଙ୍କୁ ପଡିଛି ଖଣ୍ଡାଚୋଟ । ରକ୍ତାକ୍ତ ଅବସ୍ଥାରେ ଆହତ ଯୁବକ କ୍ୟାପିଟାଲ ହସ୍ପିଟାଲରେ ଭର୍ତ୍ତି ହୋଇଥିବା ବେଳେ ସ୍ଥାନୀୟ ଲୋକେ ଆଜି କରିଛନ୍ତି ଥାନା ଘେରାଉ । ଅନ୍ୟପଟେ ମୁଖ୍ୟ ଅଭିଯୁକ୍ତ ରାଜରାସ୍ତାରେ ଖଣ୍ଡା ଧରି ବୁଲୁଥିବା ଭିଜୁଆଲ ସୋସିଆଲ ମିଡିଆରେ ହୋଇଛି ଭାଇରାଲ । ନୂତନବର୍ଷ ସଭିଙ୍କ ପାଇଁ ଶାନ୍ତି ଆଣୁ । କିନ୍ତୁ ସେଲିବ୍ରେସନ ଆଳରେ ଆଇନକୁ ହାତକୁ ନେଲେ, ନୂଆବର୍ଷ ଜେଲରେ କଟିବ ବୋଲି କଡ଼ା ଚେତାବନି ଦେଇଛନ୍ତି କମିଶନର ।
ବିଜୟ ହଜାରେ ଟ୍ରଫିରେ ଆଉ ଏକ ମ୍ୟାଚ୍ ଖେଳିବେ ବିରାଟ
ବିଜୟ ହଜାରେ ଟ୍ରଫିରେ ଆଉ ଏକ ମ୍ୟାଚ୍ ଖେଳିବେ ବିରାଟ
ନନ୍ଦିଘୋଷ ବ୍ୟୁରୋ: ବିରାଟ ଫ୍ୟାନଙ୍କ ପାଇଁ ଖୁସି ଖବର । ପୁଣି ଦେଖିବାକୁ ମିଳିବ ବିରାଟଙ୍କ ବ୍ୟାଟିଂ ଯାଦୁ । କାରଣ ଘରୋଇ ଟୁର୍ଣ୍ଣାମେଣ୍ଟ ବିଜୟ ହଜାରେ ଟ୍ରଫିରେ ଆଉ ଏକ ମ୍ୟାଚ୍ ଖେଳିବାକୁ ଯାଉଛନ୍ତି କିଙ୍ଗ କୋହଲି । ୨୦୨୫-୨୬ ପାଇଁ ଦିଲ୍ଲୀ ତରଫରୁ ବିରାଟ ଦୁଇଟି ମ୍ୟାଚ୍ ଖେଳି ସାରିଛନ୍ତି । ଆଉ ଏହି ଦୁଇଟି ମ୍ୟାଚରେ ୨୦୦ରୁ ଅଧିକ ରନ୍ କରି ସେ ତାଙ୍କ ପ୍ରଶଂସକଙ୍କୁ ଖୁସ କରି ଦେଇଛନ୍ତି । ସୂଚନାଯୋଗ୍ୟ, ବିସିସିଆଇ ସମସ୍ତ ସେଣ୍ଟ୍ରାଲ କଣ୍ଟ୍ରାକ୍ଟ ଖେଳାଳିଙ୍କୁ ବିଜୟ ହଜାରେ ଟ୍ରଫିରେ ଅତି କମରେ ଦୁଇଟି ଟୁର୍ଣ୍ଣାମେଣ୍ଟ ଖେଳିବାକୁ ନିର୍ଦ୍ଦେଶ ଦେଇଥିଲା । ତେବେ ଦିଲ୍ଲୀ ଆଣ୍ଡ ଡିଷ୍ଟ୍ରିକ୍ଟ କ୍ରିକେଟ ଆସୋସିଏସନ ଅଧ୍ୟକ୍ଷ ରୋହନ ଜେଟଲି ଏହା ସ୍ପଷ୍ଟ କରିଛନ୍ତି କି ବିରାଟ ଏହି ଟୁର୍ଣ୍ଣାମେଣ୍ଟରେ ଆଉ ଏକ ମ୍ୟାଚ ଖେଳିବାକୁ ଯାଉଛନ୍ତି ।
ରୋହନ ଜେଟଲି କହିଛନ୍ତି, ଜାନୁଆରୀ ୬ ତାରିଖରେ ବେଙ୍ଗାଲୁରୁର ବିସିସିଆଇ ସେଣ୍ଟର ଅଫ ଏକ୍ସିଲେନ୍ସରେ ରେଲଓ୍ବେ ବିପକ୍ଷରେ ବିରାଟ ଫିଲ୍ଡକୁ ଓହ୍ଲାଇବେ । ସୂଚନାଯୋଗ୍ୟ, ନ୍ୟୁଜିଲାଣ୍ଡ ବିପକ୍ଷ ଦିନିକିଆ ସିରିଜ ପୂର୍ବରୁ ଅଭ୍ୟାସ ପାଇଁ ବିରାଟ ବିଜୟ ହଜାରେ ଟ୍ରଫିରେ ଆଉ ଏକ ମ୍ୟାଚ୍ ଖେଳିବାକୁ ଚାହୁଁଛନ୍ତି । ଯାହା ଜାନୁଆରୀ ୧୧ରୁ ଆରମ୍ଭ ହେବ । ବର୍ତ୍ତମାନ ସୁଦ୍ଧା ବିରାଟ ଖେଳିଥିବା ମ୍ୟାଚରେ ୧୩୧ ଓ ୭୭ ରନ କରିଛନ୍ତି । ଯାହା ଦିଲ୍ଲୀ ପାଇଁ ବହୁତ ଗୁରୁତ୍ବପୂର୍ଣ୍ଣ ଥିଲା । ରୋହନ କହିଛନ୍ତି, ବର୍ତ୍ତମାନ ସେ ଖେଳୁଛନ୍ତି । ଟୁର୍ଣ୍ଣାମେଣ୍ଟରେ ତିନୋଟି ମ୍ୟାଚ ଖେଳିବାକୁ ସେ ସହମତ ହୋଇଛନ୍ତି ।
ରେଲଓ୍ବେ ପାଖରୁ ପ୍ରତିଶୋଧ ନେବାର ସୁଯୋଗ
ଏହା ପୂର୍ବରୁ ବିରାଟ ରଣଜୀ ଟ୍ରଫିରେ ରେଲଓ୍ବେ ବିପକ୍ଷରେ ଗୋଟିଏ ମ୍ୟାଚ୍ ଖେଳିଥିଲେ । ୨୦୨୫ ଜାନୁଆରୀରେ ଏହି ମ୍ୟାଚ୍ ଖେଳା ଯାଇଥିଲା । ୧୨ ବର୍ଷ ପରେ କୋହଲି ପ୍ରଥମ ଘରୋଇ ଫାଷ୍ଟ କ୍ଲାସ ମ୍ୟାଚ୍ ଖେଳୁଥିଲେ । ହେଲେ ଏହି ମ୍ୟାଚରେ ସେ ମାତ୍ର ୬ ରନ୍ କରିବାକୁ ସକ୍ଷମ ହୋଇଥିଲେ । ଆଉ ବିଜୟ ହଜାରେ ଟ୍ରଫିରେ ଦିଲ୍ଲୀରେ ଖେଳାଯାଇଥିବା ଏହି ମ୍ୟାଚର ପ୍ରତିଶୋଧ ନେବାକୁ ବିରାଟଙ୍କ ପାଖରେ ସୁଯୋଗ ରହିଛି ।
ଚାଷୀଙ୍କ ପାଇଁ କାଳ ସାଜିଛନ୍ତି କାଳୀମୁଖୀ ପୋକ
ବରୀ : ଚାଷୀଙ୍କ ପାଇଁ କାଳ ସାଜିଛନ୍ତି କାଳିମୁଖୀ ପୋକ । ରାତାରାତି ନଷ୍ଟ କରୁଛନ୍ତି ଏକର ଏକର ଫସଲ । କାମ କରୁନି କୀଟନାଶକ । ଯାଜପୁର ଜିଲ୍ଲା ବରୀ ଅଞ୍ଚଳରେ ଚାଷୀଙ୍କ ନିଦ ହଜାଇ ଦେଲାଣି କାଳିମୁଖୀ ପୋକ । ପୋଟଳ, ଚିନାବାଦାମ, ବିରି, କୋଳଥ ସହ ପନିପରିବା ଫସଲରେ ପୋକ ମାଡିଯିବାରୁ ଗଛ ସବୁ ନଷ୍ଟ ହୋଇଗଲାଣି । ଯାହାକୁ ନେଇ ଚିନ୍ତାରେ ଚାଷୀ ।
ବରୀ ବ୍ଲକ ଫୁଲୁପୁର ଗାଁ ନିକଟରେ ଚଳିତ ବର୍ଷ ଏକର ଏକର ଜମିରେ ବାଦାମ, ବିରି, କୋଳଥ, ପୋଟଳ ଚାଷ ହୋଇଛି । ହେଲେ ସମସ୍ତ ଚାଷ ଜମିରେ ପୋକ ଲାଗିଯିବାରୁ ଗଛ ନଷ୍ଟ ହୋଇଗଲାଣି । ଏପରି ସ୍ଥିତିରେ ମହାଜନ ଠାରୁ ହାତ ଉଦ୍ଧାର କରି ଚାଷ କରିଥିବା ଚାଷୀ କିପରି ଋଣ ସୁଝିବେ ସେଇ ଚିନ୍ତା ଖାଇଯାଉଛି । କିପରି ପରିବାର ପ୍ରତିପୋଷଣ କରିବେ ? ତାକୁ ନେଇ ଚିନ୍ତାରେ ପଡିଥିବା ବେଳେ କୃଷି ବିଭାଗ ଅଧିକାରୀ ନୀରବଦ୍ରଷ୍ଟା ସାଜିଥିବା ଚାଷୀ ଅଭିଯୋଗ କରିଛନ୍ତି । କାଳିମୁଖୀ ପୋକ ଚାଷୀଙ୍କ ନିଦ ହଜାଇଦେଇଥିବା ବେଳେ ସରକାର ଦୃଷ୍ଟି ଦେଇ ସହାୟତା ଯୋଗାଇ ଦେବାକୁ ଦାବି ହୋଇଛି ।
ମିଳୁନି ଆବାସ : ଭଙ୍ଗାଦଦରା ଘରେ କାଳ କାଟୁଛନ୍ତି ୩ ପ୍ରାଣୀ କୁଟୁମ୍ବ
ଆସିକା : ବାଟବଣା ସରକାରଙ୍କ ଆବାସ ଯୋଜନା । ଗରିବ ମୁଣ୍ଡକୁ ମିଳୁନି ଛାତ । ଭଙ୍ଗାଦଦରା ଘରେ ବିତୁଛି ୩ ପ୍ରାଣୀଙ୍କ ଜୀବନ । ଗଞ୍ଜାମ ଧରାକୋଟ ବ୍ଲକ ବାହାଁରପୁର ପଞ୍ଚାୟତ କାଠଗଡା ଗାଁର ୬୫ ବର୍ଷୀୟ ନାରାୟଣ ଜେନାଙ୍କ ପାଖେ ଆଜି ବି ପହଞ୍ଚିନି ପକ୍କା ଘର । ଚାଳ ଛପର ଘରେ ପାଲ ଟାଣି ବହୁ କଷ୍ଟରେ ନାରାୟଣ ତାଙ୍କ ସ୍ତ୍ରୀ ଓ ଅବିବାହିତା ଝିଅକୁ ଧରି ଚଳୁଛନ୍ତି । ଘରର କାନ୍ଥ ସବୁ ଫାଟି ଆଁ କରିଥିବା ବେଳେ ଘର ଭିତରୁ ସୂର୍ଯ୍ୟ ଜଳଜଳ ହୋଇ ଦିଶୁଛନ୍ତି । ଅନେକ ସମୟରେ ଘରେ ସାପ ବେଙ୍ଗ ମଧ୍ୟ ପଶୁଛନ୍ତି । କେତେବେଳେ ଘର ଭୁଶୁଡି ପଡିବ ତାହା କହିବା ବି ମୁସ୍କିଲ । ସେସବୁ ମଧ୍ୟରେ ଜୀବନକୁ ବାଜି ଲଗାଇ ଭଙ୍ଗା ଘରେ ଆଶ୍ରୟ ନେଉଛନ୍ତି ନାରାୟଣଙ୍କ ପରିବାର ।
ନାରାୟଣଙ୍କୁ ରାସନ ଚାଉଳ ସାଙ୍ଗକୁ ମାସିକ ଭତ୍ତା ଆକାରରେ ଏକ ହଜାର ଟଙ୍କା ମିଳୁଛି । ଯେଉଁଥିରେ ପରିବାର ଚଳାଇବା ସମ୍ଭବ ହେଉନଥିବାରୁ ଅବିବାହିତ ଝିଅ ଅନ୍ୟର ମୂଲ ଲାଗି ଓ କାଠ ବିକ୍ରି କରି ପରିବାର ଚଳାଉଛନ୍ତି । ନାରାୟଣ ଘର ଖଣ୍ଡେ ପାଇଁ ସ୍ଥାନୀୟ ନେତାଙ୍କ ଠାରୁ ଆରମ୍ଭ କରି ବ୍ଲକ ପର୍ଯ୍ୟନ୍ତ ଦୌଡିଲେଣି । ହେଲେ ଗରିବଙ୍କ ଗୁହାରୀ ଶୁଣୁଛି କିଏ ? ଅନ୍ୟପଟେ ନାରାୟଣ ଘର ପାଇବାକୁ ଯୋଗ୍ୟ ଥିଲେ ତୁରନ୍ତ ତାଙ୍କୁ ଆବାସ ଯୋଜନାରେ ସାମିଲ କରାଯିବ ବୋଲି ପ୍ରତିଶୃତି ଦେଇଛନ୍ତି ଧରାକୋଟ ବିଡିଓ । ନାରାୟଣଙ୍କ ପରିବାରକୁ ଦେଖିଲେ ପ୍ରଶ୍ନ ଉଠେ- ଆବାସ ଯୋଜନା କାହା ପାଇଁ ? ଯୋଜନା କେତେଦୂର କାର୍ଯ୍ୟକାରୀ ହେଉଛି ? ଗରିବ ଲୋକଙ୍କ ପାଖେ ଘର ପହଞ୍ଚିପାରୁନି କାହିଁକି ? ନା ପ୍ରଶାସନର ଦାୟିତ୍ଵହୀନତାରୁ ଯୋଜନା ପଥଭ୍ରଷ୍ଟ ହେଉଛି ।
ଜମୁଛି ଧନୁଯାତ୍ରା : ଶ୍ରୀକୃଷ୍ଣଙ୍କୁ ମାରିବାକୁ ଫେଲ ମାରୁଛି କଂସଙ୍କ ସବୁ ପ୍ଲାନ
ବରଗଡ : ଧନୁଯାତ୍ରା ପାଇଁ କମ୍ପୁଛି ବରଗଡ଼ ଓ ଅମ୍ବାପାଲ୍ଲୀ । ଚାଲିଛି ମହାପ୍ରତାପୀ କଂସଙ୍କ ରାଜୁତି । ବିଶ୍ଵ ପ୍ରସିଦ୍ଧ ଧନୁଯାତ୍ରାର ପଞ୍ଚମ ଦିନରେ ଗୋପପୁରରେ ଶ୍ରୀକୃଷ୍ଣଙ୍କ ଲୀଳାଖେଳା ଦୃଶ୍ୟ ଥିଲା ଅତ୍ୟନ୍ତ ମନରୋମ । କେତେବେଳେ କଳାକାହ୍ନୁ ଲହୁଣୀ ଚୋରି କରୁଥିଲେ ତ କେତେବେଳେ ଗୋପାଳ ବାଳକଙ୍କ ସହ ବଣ ଭୋଜି କରୁଥିଲେ । ଏମିତି ଦିନେ ଲହୁଣୀ ଚୋରି କରି ଖାଉଥିବା ବେଳେ ମାଆ ଯଶୋଦାଙ୍କ ହାତରେ ଧରାପଡିଥିଲେ କୃଷ୍ଣ । ମାଆ ଯଶୋଦା ଦଉଡ଼ିରେ ବାନ୍ଧି ଦେଇଥିବା ବେଳେ ନଟଖଟିଆ କାହ୍ନା ଯାମଳାର୍ଜ୍ଜୁନ ଭଞ୍ଜନ କରି ଶ୍ରାପ ଗ୍ରସ୍ତ ଦୁଇଭାଇଙ୍କୁ ଉଦ୍ଧାର କରିଥିଲେ । ଏହି ଅବସରରେ ସୃଷ୍ଟିକର୍ତ୍ତା ବ୍ରହ୍ମା ଗୋପୀ ତଥା ରାଧାଙ୍କୁ ବିମୋହିତ କରିବା ପାଇଁ କୃଷ୍ଣଙ୍କୁ ମୋହନ ବଂଶୀ ପ୍ରଦାନ କରିଛନ୍ତି । ଏହାପରେ କାଳୀୟ ନାଗ ଦଳନ ହୋଇଥିଲା ।
ଅନ୍ୟପଟେ ମହାରାଜ କଂସ ଦିଗବିଜୟରେ ବାହାରି ମଗଧ ରାଜ୍ୟ ଉପରେ ଆକ୍ରମଣ କରିଥିବା ବେଳେ ମଗଧ ରାଜା ଜରାସନ୍ଧକୁ ପରାସ୍ତ କରିଛନ୍ତି । ତାଙ୍କର ଦୁଇ ଝିଅ ହେତୀ ଓ ପ୍ରହେତୀଙ୍କୁ ବିବାହ କରିଛନ୍ତି । ଠିକ ଏତିକି ବେଳେ କାଳୀୟ ନାଗର ଦର୍ପଦଳନ ଖବର ଆସିଥିଲା ଗୋପପୁରରୁ । ସେଥିରେ ବ୍ୟଥିତ ନହୋଇ କଳେବଳେ କୌଶଳେ କେମିତି କୃଷ୍ଣ ବଳରାମଙ୍କୁ ହତ୍ୟା କରିବେ ସେନେଇ ଷଡଯନ୍ତ୍ର କରିଛନ୍ତି ପ୍ରବଳପ୍ରତାପୀ କଂସ ଏବଂ ରଂଗସଭାର ଆୟୋଜନ କରିବା ପାଇଁ ନିର୍ଦ୍ଦେଶ ଦେଇଛନ୍ତି । ଆଜି ଯାତ୍ରାର ଷଷ୍ଠ ଦିନରେ କୃଷ୍ଣଙ୍କୁ ମାରିବାକୁ ଶଙ୍ଖଚୂଡ଼କୁ ପ୍ରେରଣ କରିବେ ମହାରାଜା କଂସ। ମଥୁରାରେ ଆସନ୍ନ ଯୁଦ୍ଧ ପ୍ରସ୍ତୁତି ନେଇ ପାତ୍ରମନ୍ତ୍ରୀଙ୍କ ସହ କରିବେ ମନ୍ତ୍ରଣା । ଏହାସହ ପ୍ରଶାସନିକ ଅଧିକାରୀଙ୍କ ସହ ହେବ ଜନତା ଦରବାର । ସେପଟେ ଗୋପପୁର ସାଜିଥିବା ଅମ୍ବାପାଲ୍ଲୀରେ ଦେଖିବାକୁ ମିଳିବ ଗୋପୀଙ୍କ ଦହି ବିକା ଦୃଶ୍ଯ । ଯମୁନା ପାଲଟିଥିବା ଜିରା ନଦୀରେ ଗୋପୀଙ୍କ ବସ୍ତ୍ର ହରଣ କରିବେ ଶ୍ରୀକୃଷ୍ଣ ।
ହାଦି ହତ୍ୟାକାରୀ ଭାରତରେ ଅନୁପ୍ରବେଶ କରିବା ନେଇ ବାଂଲାଦେଶର ମିଛ ଆରୋପ, ସୀମାନ୍ତ ମେଘାଳୟରେ ଆଲର୍ଟ
ହାଦି ହତ୍ୟାକାରୀ ଭାରତରେ ଅନୁପ୍ରବେଶ କରିବା ନେଇ ବାଂଲାଦେଶର ମିଛ ଆରୋପ, ସୀମାନ୍ତ ମେଘାଳୟରେ ଆଲର୍ଟ
ନନ୍ଦିଘୋଷ ବ୍ୟୁରୋ: ଅଶାନ୍ତ ବାଂଲାଦେଶ । ଶେଖ ହସିନା କ୍ଷମତାଚ୍ୟୁତ ହୋଇ ନିର୍ବାସନରେ ଯିବା ପରେ ଲାଗୁଥିଲା ଶାନ୍ତି ଫେରି ଆସିବ । ହେଲେ ଯୁବ ନେତା ଶରିଫ ଉସମାନ ହାଦିଙ୍କ ହତ୍ୟା ପରେ ପୁଣି ଜଳୁଛି ବାଂଲାଦେଶ । ଆଉ ଏହି ନିଆଁର ଧାସ ସୀମାନ୍ତ ଭାରତରେ ବି ଦେଖିବାକୁ ମିଳୁଛି । ଦୁଇ ଦେଶ ମଧ୍ୟରେ ସ୍ଥିତି ଗମ୍ଭୀର ଥିବା ବେଳେ ହାଦି ହତ୍ୟାକାରୀଙ୍କୁ ନେଇ ବାଂଲାଦେଶର ମିଛ ଅଭିଯୋଗ ଏହାକୁ ଆହୁରି ସଙ୍ଗୀନ କରିଦେଇଛି । ଆଉ ଏମିତି ଅଭିଯୋଗ ମେଘାଳୟ ସମେତ ଭାରତ-ବାଂଲାଦେଶ ସୀମାକୁ ନେଇ ଏକାଧିକ ପ୍ରଶ୍ନ ଛିଡ଼ା କରିଛି । ବାଂଲାଦେଶ ପୋଲିସର ଦାବିକୁ ଭାରତୀୟ ସୁରକ୍ଷା ଏଜେନ୍ସି ମିଛ ବୋଲି କହିଛନ୍ତି । ହେଲେ ବାଂଲାଦେଶ ପୋଲିସର ଏମିତି ଅଭିଯୋଗ ଏବେ ସାରା ବିଶ୍ବରେ ଚର୍ଚ୍ଚାର କାରଣ ପାଲଟି ଥିବା ବେଳେ ଦୁଇ ଦେଶ ମଧ୍ୟରେ ତିକ୍ତତାକୁ ଆହୁରି ବଢ଼ାଇ ଦେଇଛି ।
ବାଂଲାଦେଶ ପୋଲିସର ଦାବି
ହାଦିଙ୍କ ହତ୍ୟା ପରେ ବଂଲାଦେଶ ପୋଲିସ ତଦନ୍ତ ଆରମ୍ଭ କରିଥିଲା । କିଛି ସମୟ ମଧ୍ୟରେ ଢାକା ପୋଲିସର ଜଣେ ବରିଷ୍ଠ ଅଧିକାରୀ ଦାବି କରିଥିଲେ କି ହତ୍ୟାକାଣ୍ଡରେ ଜଡିତ ଦୁଇ ଅଭିଯୁକ୍ତ ଦେଶ ଛାଡି ପଳାଇଛନ୍ତି ଏବଂ ସେମାନେ ଅନ୍ତରାଷ୍ଟ୍ରୀୟ ସୀମା ପାର ଭାରତର ମେଘାଳୟ ଭିତରେ ପ୍ରବେଶ କରିଛନ୍ତି । ଅଧିକାରୀ ଜଣଙ୍କ ଏହା ବି କହିଛନ୍ତି ଯେ ଅଭିଯୁକ୍ତମାନେ ହୁଲୁଆଘାଟ ସୀମା ରାସ୍ତାରେ ଭାରତରେ ପ୍ରବେଶ କରିଛନ୍ତି । ଆଉ ଏଥିପାଇଁ ସେମାନେ ସ୍ଥାନୀୟ ଲୋକଙ୍କ ସହାଯ୍ୟ ନେଇଛନ୍ତି ।
ବିନା ପ୍ରମାଣରେ ବାଂଲାଦେଶ ଅଭିଯୋଗ ଆଣିଛି: ବିଏସଏଫ
ବାଂଲାଦେଶ ପୋଲିସର ଦାବି ପରେ ଭାରତ ତରଫରୁ ତୁରନ୍ତ ପ୍ରତିକ୍ରିୟା ଆସିଥିଲା । ମେଘାଳୟରେ ମୁତୟନ ସୁରକ୍ଷା ଏଜେନ୍ସି ଓ ରାଜ୍ୟ ପୋଲିସ ସ୍ପଷ୍ଟ କରିଛନ୍ତି କି ସେମାନଙ୍କ ପାଖରେ ଅନୁପ୍ରବେଶ ନେଇ କୌଣସି ସୂଚନା ନାହିଁ । ଯାହା ପ୍ରମାଣିତ କରି ପାରିବ କି ଅଭିଯୁକ୍ତମାନେ ଭାରତରେ ପ୍ରବେଶ କରିଛନ୍ତି । ଅନ୍ତରାଷ୍ଟ୍ରୀୟ ସୀମା ଉପରେ ନିୟମତି ନଜର ରଖାଯାଇଛି । ସୀମାରେ ଯବନା ମୁତୟନ ଅଛନ୍ତି । ପ୍ରତିଟି ସନ୍ଦିଗ୍ଧ ଗତିବିଧି ଉପରେ ନଜର ରଖାଯାଇଛି । ଏମିତି ସ୍ଥିତିରେ ବିନା ପ୍ରମାଣରେ ଅଭିଯୁକ୍ତ ଭାରତୀୟ ସୀମାରେ ପ୍ରବେଶ କରିଛନ୍ତି କହିବା ଠିକ ନୁହେଁ । ମେଘାଳୟ ପୋଲିସର ଜଣେ ବରିଷ୍ଠ ଅଧିକାରୀ ବାଂଲାଦେଶର ଅଭିଯୋଗକୁ ଖଣ୍ଡନ କରିଦେଇଛନ୍ତି । ସେ କହିଛନ୍ତି ହୁଲୁଆଘାଟ ସୀମାରେ କୌଣସି ସନ୍ଦିଗ୍ଧ ବ୍ୟକ୍ତି ଥିବା ନେଇ କୌଣସି ସୂଚନା ନାହିଁ । ନା ସ୍ଥାନୀୟ ଥାନାରେ ଏମିତି କିଛି ରିପୋର୍ଟ ହୋଇଛି, ନା ସୁରକ୍ଷା ଏଜେନ୍ସିଙ୍କୁ ଏମିତି କୌଣସି ସୂଚନା ମିଳିଛି । ତେବେ ପୋଲିସ ଏହା ବି କହିଛି କି ସୁରକ୍ଷାକୁ ନେଇ ସମସ୍ତ ପ୍ରକାର ସତର୍କତା ଅବଲମ୍ବନ କରାଯାଉଛି । କେନ୍ଦ୍ରୀୟ ଏଜେନ୍ସିଙ୍କ ସହ ସମ୍ପର୍କ ରଖାଯାଇଛି । ଯଦି ଏମିତି କିଛି ପ୍ରମାଣ ମିଳିଲା ଦେବେ ତୁରନ୍ତ ପଦକ୍ଷେପ ନିଆଯିବ ।
ହୁଲୁଆଘାଟ ସୀମା କାହିଁକି ସମ୍ବେଦନଶୀଳ ?
ମେଘାଳୟର ପଶ୍ଚିମରେ ଥିବା ହୁଲିଆଘାଟ ବାଂଲାଦେଶ ସୀମାକୁ ସଂଯୋଗ କରୁଛି । ଏହା କେବଳ ପ୍ରାକୃତିକ ସୌନ୍ଦର୍ଯ୍ୟରେ ଭରପୁର ନୁହେଁ ସୁରକ୍ଷା ଦୃଷ୍ଟିରୁ ମଧ୍ୟ ଗୁରୁତ୍ବପୂର୍ଣ୍ଣ । ଘଞ୍ଚ ଜଙ୍ଗଳ ଓ ପାହାଡ଼ିଆ ଅଞ୍ଚଳ ହୋଇଥିବାରୁ ଏହା ଉପରେ ନଜର ରଖିବା ବି ବହୁତ କାଠିକର ପାଠ ହୋଇଥାଏ । ଏହା ସୀମାକୁ ଲାଗି ରହିଥିବାରୁ ପ୍ରତିଟି ସ୍ଥିତି ଉପରେ ନଜର ରଖାଯାଇଥାଏ ।
ସୀମାରେ ସୁରକ୍ଷା ବ୍ୟବସ୍ଥା କଡ଼ାକଡ଼ି
ବାଂଲାଦେଶରେ ରାଜନୈତିକ ଅସ୍ଥିରତା ନଜରରେ ରଖି ସୁରକ୍ଷା ଏଜେନ୍ସି ସୀମା ଉପରେ ସତର୍କ ନଜର ରଖିଛନ୍ତି । ସୁରକ୍ଷା ଅଧିକାରୀଙ୍କ ଅନୁସାରେ ପଡ଼ୋଶୀ ରାଜ୍ୟର ଅସ୍ଥିରତାର ପ୍ରଭାବ ସୀମାନ୍ତ ଅଞ୍ଚଳରେ ପଡ଼ିପାରେ । ଏଥିପାଇଁ ଯେକୌଣସି ସ୍ଥିତିର ମୁକାବିଲା କରିବା ପାଇଁ ପ୍ରସ୍ତୁତି ରଖଇବାକୁ ପଡୁଛି । ଏହାସହ ସେ ଏହା ମଧ୍ୟ କହିଛନ୍ତି କି ଏହାର ମାନେ ନୁହେଁ ଯେ ବିନା କୌଣସି ପ୍ରମାଣରେ ଆପଣ କିଛି ବି ଅଭିଯୋଗ ଆଣିବେ ଓ ଏହାକୁ ଠିକ ବୋଲି ଧରି ନିଆଯିବ । ପ୍ରତି ମାମଲାରେ ଯାଞ୍ଚ ଓ ତଥ୍ୟ ଆଧାରରେ କୌଣସି ନିଷ୍ପତ୍ତି ନିଆଯାଇ ପାରିବ ।
ମାଆକୁ ମୃତ ଦର୍ଶାଇ ଲକ୍ଷ ଲକ୍ଷ ଟଙ୍କାର ସମ୍ପତ୍ତି ବିକିଦେଲା ପୁଅ, ୪ ଜଣଙ୍କୁ ଗିରଫ କଲା ପୋଲିସ
ନନ୍ଦିଘୋଷ ବ୍ୟୁରୋ : ଜଣେ ପୁଅ ସମ୍ପତ୍ତି ପାଇଁ ନିଜ ମାଆକୁ ମୃତ ଦର୍ଶାଇ ଦେଲା । ଆଉ ଲକ୍ଷ ଲକ୍ଷ ଟଙ୍କାର ସମ୍ପତ୍ତି ମଧ୍ୟ ବିକ୍ରି କରିଦେଲା । ଏଭଳି ଏକ ଘଟଣା ବିହାରରେ ଦେଖିବାକୁ ମିଳିଛି । ବିହାର ବୈଶାଳୀ ଜିଲ୍ଲାର ହଜିପୁରରେ ଜଣେ ପୁଅ ଏଭଳି କରିଛି । ପୁଅ ବିରୋଧରେ ଅଭିଯୋଗ କରିଛନ୍ତି ମାଆ କୈଳାଶ ଦେବୀ । ଜାଲ ପ୍ରମାଶ ପତ୍ର କରି ସମ୍ପତ୍ତି ବିକିଥିବା ସେ ଅଭିଯୋଗ କରିଛନ୍ତି । ପ୍ରଥମେ ସେ ନିକଟସ୍ଥ ଥାନାରେ ଅଭିଯୋଗ କରିଥିଲେ । କିଛି କାର୍ଯ୍ୟାନୁଷ୍ଠାନ ନ ହେବାରୁ ପରେ ହାଜିପୁର କୋର୍ଟରେ ପହଞ୍ଚିଥିଲେ ।
କୋର୍ଟ ମାମଲାକୁ ଗମ୍ଭୀରତାର ସହ ନେଇ ବୈଶଳୀ ପୋଲିସ ଅଧିକ୍ଷକଙ୍କୁ ପ୍ରାଥମିକ ତଦନ୍ତ ପାଇଁ ନିର୍ଦ୍ଦେଣ ଦେଇଥିଲେ । ଏହାପରେ ହଜିପୁର ନଗର ଥାନାରେ ମାମଲା ରୁଜୁ କରାଯାଇଥିଲା । ପୋଲିସ ଏହି ମାମଲାରେ ୪ ଜଣଙ୍କୁ ଗିରଫ କରି କୋର୍ଟ ଚାଲାଣ କରିଛି ।
ଅଭିଯୋଗ କରିଥିବା କୈଳାଶ ଦେବୀଙ୍କ ବଡ଼ ପୁଅ ନବଲ କିଶୋର ସିଂହ ଗାଁର ଅରୁଣ କୁମାର ସିହ୍ନାଙ୍କ ସହ ମିଶି ଏହି କାରନାମା କରିଥିଲା । ସେ ୩ ଜୁଲାଇ ୨୦୨୩ ମସିହାରେ ଏକ ଜାଲ ବିକ୍ରି ଦଳିଲ ପ୍ରସ୍ତୁତ କରିଥିଲା । ଯେଉଁଥିରେ କୈଳାଶ ଦେବୀଙ୍କୁ ମୃତ ଦର୍ଶାଯାଇଥିଲା । ଯେତେବେଳେ କି ସେ ଜୀବିତ ଥିଲେ । ଏହି ମାମଲାରେ ହାଜିପୁର ଜିଲ୍ଲା ପଞ୍ଜୀକରଣ କାର୍ଯ୍ୟାଳୟର ଜଣେ କିରାଣୀଙ୍କ ଭୂମିକାକୁ ମଧ୍ୟ ସନ୍ଦେହଜନକ ବୋଲି ବିବେଚନା କରାଯାଉଛି। ପୋଲିସ ଚାରି ଜଣ ଅଭିଯୁକ୍ତଙ୍କୁ ଗିରଫ କରିଛି, ଯେତେବେଳେ କିରାଣୀଙ୍କୁ ଗିରଫ କରିବା ପାଇଁ ଚଢାଉ ଜାରି ରହିଛି ।
ନଗର ପୋଲିସ ଷ୍ଟେସନ ଦ୍ୱାରା ଗିରଫ ହୋଇଥିବା ଚାରି ଅଭିଯୁକ୍ତଙ୍କ ମଧ୍ୟରେ କୈଳାସ ଦେବୀଙ୍କ ବଡ଼ ପୁଅ ଏବଂ ବିକ୍ରେତା ନବଲ କିଶୋର ସିଂହ, କ୍ରେତା ଅରୁଣ କୁମାର ସିହ୍ନା, ମୌଧା ବୁଜୁର୍ଗର ବାସିନ୍ଦା ସୁନୀଲ ଭଗତ ଏବଂ ସାକ୍ଷୀ ରାମବାବୁ ସାହାଣୀ ମଧ୍ୟ ଅଛନ୍ତି ।