ମୋଦିଙ୍କ ପରେ ଜିନପିଙ୍ଗଙ୍କୁ ଲୁଲାଙ୍କ ଫୋନ୍ କଲ୍, ଆମେରିକା ବିରୋଧରେ ଚାଲିଛି କି ବଡ଼ ଯୋଜନା ?

ନନ୍ଦିଘୋଷ ବ୍ୟୁରୋ: ଆମେରିକାକୁ ତା’ର ଔକାତ ଦେଖାଇବାକୁ ଚାଲିଛି କି ବଡ଼ ଯୋଜନା ? ପରଦା ପଛରେ ଆମେରିକାକୁ ଘେରିବାକୁ ପ୍ରସ୍ତୁତ ହେଉଛି କି ବ୍ଲୁ ପ୍ରିଣ୍ଟ ? ବ୍ରାଜିଲ ରାଷ୍ଟ୍ରପତିଙ୍କ ମନରେ କ’ଣ ଚାଲିଛି ? ଭାରତର ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କୁ ଫୋନ କରିବା ପରେ କାହିଁକି ଚୀନ ରାଷ୍ଟ୍ରପତି ସି ଜିନପିଙ୍ଗଙ୍କୁ ଲଗାଇଲେ ଫୋନ୍ ?

ଏମିତି କିଛି ପ୍ରଶ୍ନ ଏବେ ଜିଓ ପଲିଟିକ୍ସରେ ଚର୍ଚ୍ଚାର କେନ୍ଦ୍ର ପାଲଟିଛି । ମିଳିଥିବା ସୂଚନା ଅନୁସାରେ ବ୍ରାଜିଲ ରାଷ୍ଟ୍ରପତି ଲୁଲା ଡି ସିଲଭା ଶୁକ୍ରବାର ୧୨ ଘଣ୍ଟା ଅନ୍ତରରେ ଭାରତର ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଏବଂ ଚୀନ ରାଷ୍ଟ୍ରପତି ସି ଜିନପିଙ୍ଗଙ୍କ ସହ ଫୋନରେ କଥା ହୋଇଛନ୍ତି । ସାରା ଦୁନିଆ ଡାଭୋସ ଉପରେ ନଜର ରଖିଥିବା ବେଳେ ଲୁଲାଙ୍କ ଫୋନ କଲ୍ ଚର୍ଚ୍ଚାକୁ ଆସିଛି ।

ଶୁକ୍ରବାର ଡାଭୋସରେ ଓ୍ବାଲ୍ଡ ଇକୋନୋମିକ ଫୋରମର ୫ ଦିନିଆ ବୈଠକ ଶୁକ୍ରବାର ସମାପ୍ତ ହୋଇଛି । ବୈଠକରେ ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ, ଫ୍ରାନ୍ସ ରାଷ୍ଟ୍ରପତି ଇମାନୁଏଲ ମାକ୍ରମ, ନାଟୋ ପ୍ରମୁଖ ମାର୍କ ରୁଟଙ୍କ ପରି ବଡ଼ ନେତା ସାମିଲ ହୋଇଥିଲେ । ଏଥିରେ ଗାଜା ସିପ୍ ବୋର୍ଡର ସ୍ଥାପନା ହୋଇଛି ।

ଭାରତ ଓ ଚୀନକୁ କାହିଁକି ଫୋନ କଲେ ଲୁଲା ?

ଲୁଲା ଡି ସେଲଭା ମୋଦିଙ୍କ ସହ ଫୋନରେ କଥା ହୋଇଚନ୍ତି । ୬ ମାସ ମଧ୍ୟରେ ମୋଦିଙ୍କ ସହ ଏହା ତାଙ୍କର ତୃତୀୟ ଆଲୋଚନା । ଉଭୟ ନେତା ଭାରତ-ବ୍ରାଜିଲ ରଣନୈତିକ ସମ୍ପର୍କକୁ ଆହୁରି ଦୃଢ଼ କରିବାକୁ ଆଲୋଚନା କରିଛନ୍ତି । ଆଲୋଚନା ବେଳେ ଦୁଇ ନେତା ବ୍ୟବସାୟ ଓ ନିବେଶ, ପ୍ରଯୁକ୍ତିବିଦ୍ୟା, ପ୍ରତିରକ୍ଷା, ଶକ୍ତି, ସ୍ବାସ୍ଥ୍ୟ ଓ କୃଷି କ୍ଷେତ୍ରରେ ହୋଇଥିବା ପ୍ରଜତିକୁ ନେଇ ଆଲୋଚନା କରିଥିଲେ ।

କେବଳ ମୋଦି ନୁହଁନ୍ତି, ଲୁଲା ଡି ସିଲଭା ଚୀନ ରାଷ୍ଟ୍ରପତି ସି ଜିନପିଙ୍ଗଙ୍କୁ ବି ଫୋନ କରି କଥା ହୋଇଛନ୍ତି । ଉଭୟ ନେତା ଏକାଧିକ ପ୍ରସଙ୍ଗକୁ ନେଇ ଆଲୋଚନା କରିଛନ୍ତି । ଚୀନ ବୈଦେଶିକ ମନ୍ତ୍ରାଳୟ ଅନୁସାରେ ଜଟିଳ ସ୍ଥିତିରେ ବି ସମର୍ଥନ ଦେବାକୁ ଜିନିପଙ୍ଗ ଲୁଲାଙ୍କୁ ପ୍ରତିଶ୍ରୁତି ଦେଇଛନ୍ତି ।

ଲୁଲାଙ୍କ ମନରେ କ’ଣ ଚାଲିଛି ?

ମୋଦି ଓ ଜିନପିଙ୍ଗଙ୍କ ସହ ଲୁଲାଙ୍କ ଅଧିକାରିକ ବୟାନ ଯାହା ବି ହୋଇ ଥାଉନା କାହିଁକି, ଆଲୋଚନର ସମୟକୁ ନେଇ ପ୍ରଶ୍ନ ଉଠିବାରେ ଲାଗିଛି । କାରଣ ଆମେରିକା ଏହି ଏବେ ବ୍ରିକ୍ସ ଦେଶଙ୍କ ଉପରେ ନଜର ରଖିଛି । ନିଜେ ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ, ନିଜ ବୟାନରେ ବ୍ରିକ୍ସ ଦେଶଙ୍କୁ ଟାର୍ଗେଟ କରୁଛନ୍ତି ।

ଲୁଲା ଡି ସିଲଭା ଜିନପିଙ୍ଗଙ୍କ ସହ ଆଲୋଚନା ବେଳେ ବୈଶ୍ବିକ ସ୍ଥିତିକୁ ନେଇ ଆଲୋଚନା କରିଛନ୍ତି । ବିଶ୍ବରେ ଶାନ୍ତି ଆଣିବା ଓ ସୂଚାରୁ ରୂପେ ପରିଚାଳନା ନେଇ ଦୁଇ ନେତା ଆଲୋଚନା କରିଛନ୍ତି । ଏହାକୁ ଆଧାର କରି ଗୋଟିଏ ଦିନ ପୂର୍ବରୁ ଚୀନ ଗାଜା ପିସ ବୋର୍ଡରେ ସାମିଲ ହେବାକୁ ମନା କରିଥିଲା । କୁହାଯାଉଛି, ଏହି ତଥ୍ୟକୁ ଆଧାର କରି ବ୍ରାଜିଲ ଆମେରିକାକୁ ବ୍ୟାକଫୁଟକୁ ନେବାକୁ ଚେଷ୍ଟା କରୁଛି ।

ବ୍ରିକ୍ସକୁ ଦୃଢ଼ କରିବାକୁ ପୂରା ଦମ୍ ଲଗାଇ ଦେଇଛନ୍ତି ଲୁଲା । ବ୍ରିକ୍ସର ସ୍ଥାପନାରେ ବ୍ରରଜିଲର ପ୍ରମୁଖ ଭୂମିକା ରହିଛି । ଏହି କାରଣରୁ ବ୍ରାଜିଲ ସବୁବେଳେ ଆମେରିକାର ଟାର୍ଗେଟରେ ରହି ଆସିଛି । ନିକଟରେ ଭାରତ ଏକ ପ୍ରସ୍ତାବ ଦେଇଥିଲା ଯେଉଁଥିରେ ସବୁ ଦେଶଙ୍କ ଡିଜିଟାଲ କରେନ୍ସିକୁ ଯୋଡ଼ିବାକୁ କୁହାଯାଇଥିଲା ।

ଲାଟିନ ଆମେରିକା ନିକୋଲସ ମାଦୁରୋଙ୍କ ମାମଲାକୁ ନେଇ ଲୁଲାଙ୍କ ଉପରେ ଚାପ ବଢ଼ାଇବାରେ ଲାଗିଛନ୍ତି । ଭେନେଜୁଆଲା ଉପରେ ଆମେରିକାର ସମ୍ପୂର୍ଣ୍ଣ ନିୟନ୍ତ୍ରଣ ପରେ ବ୍ରାଜିଲ ସୀମା ବିପଦକୁ ଆସିଯାଇଛି । ଆଉ ଏହି କାରଣରୁ ଲୁଲା ଏବେଠାରୁ ନିଜକୁ ସୁରକ୍ଷିତ କରିବାକୁ ଚେଷ୍ଟା କରୁଛନ୍ତି ।