ସାନଖେମୁଣ୍ଡି: ବ୍ରହ୍ମପୁର ପରେ ସାନଖେମୁଣ୍ଡିରେ 5T ସଚିବଙ୍କ ବିକାଶ କାର୍ଯ୍ୟର ସମୀକ୍ଷା । ଲୋକଙ୍କ ହାତରୁ ଅଭିଯୋଗପତ୍ର ନେବା ସହ ସମସ୍ୟାର ସମାଧାନ ପାଇଁ ଦେଉଛନ୍ତି ପ୍ରତିଶ୍ରୁତି । ସାନଖେମୁଣ୍ଡିରେ ଘୋଡାହାଡ ଡ୍ୟାମ୍ ଜଳ ପ୍ରକଳ୍ପ ପାଇଁ ୧୭୦ କୋଟି ଖର୍ଚ୍ଚ ହେବ । ଏହାଦ୍ବାରା ୮ଟି ପଞ୍ଚାୟତ ଉପକୃତ ହେବେ । ଋଷିକୂଲ୍ୟା ଜାନିବିଲି ପ୍ରକଳ୍ପ ପାଇଁ ୧୦୩ କୋଟି ଟଙ୍କା ଖର୍ଚ୍ଚ ହେବ । ଧରାକୋଟ କୁକୁଡ଼ାଖଣ୍ଡି ସାନଖେମୁଣ୍ଡି ୧ ଲକ୍ଷ ୩୦ ହଜାର ଏକର ଚାଷ ଜମିକୁ ପାଣି ଯୋଗାଯିବ । ପଲାସପୁର ଡେଙ୍ଗାଉସ୍ତା ମୁଖ୍ୟ ରାସ୍ତା ମରାମତି ପାଇଁ ୨୧ କୋଟି ଟଙ୍କା ଖର୍ଚ୍ଚ ହେବ । ପାଟପୁର କଙ୍କରଡ଼ା ଆମ୍ବଗାଁ ତିତିଖଣ୍ଡି ସେଟେଲ ମେଣ୍ଟ ସର୍ଭେ କାମ ଆରମ୍ଭ ହେବ । ୧୦୦ ବର୍ଷର ଜମି ଘର ସମସ୍ୟା ଦୂର ହେବ । ରାସ୍ତାର ଉନ୍ନତି କରଣ ପାଇଁ ୧୬ କୋଟି ଟଙ୍କା ଖର୍ଚ୍ଚ ହେବ । ମିଶନ ଶକ୍ତି କେମିତି ଟଙ୍କା ପାଇବେ ସେ ଚିନ୍ତା କରିଛନ୍ତି ମୁଖ୍ୟମନ୍ତ୍ରୀ । ମା’ ମାନଙ୍କୁ ବିନା ସୁଧରେ ୧ ଲକ୍ଷ ଟଙ୍କା ବିନା ସୁଧରେ ଦେଇଛନ୍ତି। । ବିଜୁ ସ୍ବାସ୍ଥ୍ୟ କଲ୍ୟାଣ ଯୋଜନା ଯାହା ମୁଖ୍ୟମନ୍ତ୍ରୀଙ୍କ ଯୁଗାନ୍ତ କାରି ପଦକ୍ଷେପ ବୋଲି କହିଛନ୍ତି 5T ସଚିବ ।
5T ସଚିବଙ୍କ ପ୍ରତିଶୃତି, ୨ଦିନ ମଧ୍ୟରେ ପିଇବା ପାଣି ସମସ୍ୟାର ହେବ ସମାଧାନ
ଦିଗପହଣ୍ଡି: ଦିଗପହଣ୍ଡିରେ ଜନଅଭିଯୋଗ ଶୁଣାଣି କାର୍ଯ୍ୟକ୍ରମରେ ଯୋଗଦେଇଛନ୍ତି 5T ସଚିବ ଭିକେ ପାଣ୍ଡିଆନ । ଲୋକଙ୍କଠାରୁ ଅଭିଯୋଗ ଗ୍ରହଣ କରି ସମସ୍ୟାର ସମାଧାନ ପାଇଁ ପ୍ରତିଶ୍ରୁତି ଦେଇଛନ୍ତି 5T ସଚିବ । ସପ୍ତାହକରେ ମନ୍ଦିର, ଚର୍ଚ୍ଚ, ମସଜିଦ, କମ୍ୟୁନିଟି ସେଣ୍ଟର ସମ୍ପର୍କିତ ଅଭିଯୋଗର ବିଚାର କରାଯାଇ ମୁଖ୍ୟମନ୍ତ୍ରୀ ଖୁସି ଖବର ଦେବେ ବୋଲି 5T ସଚିବ ପ୍ରତିଶ୍ରୁତି ଦେଇଛନ୍ତି । ମୁଖ୍ୟମନ୍ତ୍ରୀ ଦେଉଥିବା ଅନୁଦାନକୁ ସ୍ବଚ୍ଛତାର ସହିତ ଉପଯୋଗ କରିବାକୁ ଆହ୍ବାନ ଦେଇଛନ୍ତି 5T ସଚିବ । ଆସନ୍ତା ୨ଦିନ ମଧ୍ୟରେ ପିଇବା ପାଣି ସମସ୍ୟାର ସମାଧାନ କରାଯିବ । ଲୋକଙ୍କ ଅଭିଯୋଗ ଅନୁସାରେ ସନ୍ଧ୍ୟା ସୁଦ୍ଧା ଗାଁର ଇଞ୍ଜିନିୟର ପହଞ୍ଚି ଅନୁଧ୍ୟାନ କରିବେ । ପାନୀୟ ଜଳ ପ୍ରକଳ୍ପ ପାଇଁ ଦିଗପହଣ୍ଡି ବ୍ଲକରେ ୧୭୦ କୋଟି ଟଙ୍କା ଖର୍ଚ୍ଚ ହେଉଥିବାବେଳେ ଜମିକୁ ଜଳସେଚନ ପାଇଁ ୫୦ କୋଟି ଟଙ୍କାରେ ଇନଷ୍ଟ୍ରିମ ଷ୍ଟୋରେଜ ନିର୍ମାଣ ଚାଲିଛି । ମିଶନ ଶକ୍ତି ମାଆ ଓ ଚାଷୀଙ୍କ ପାଇଁ ରାଜ୍ୟ ସରକାର ଅନେକ ଯୋଜନା ପ୍ରଣୟନ କରିଛନ୍ତି । ବିଜୁ ସ୍ବାସ୍ଥ୍ୟ କଲ୍ୟାଣ ଯୋଜନାରେ ଗରିବ କିଭଳି ମାଗଣାରେ ଚିକିତ୍ସିତ ହେଉଛନ୍ତି ସେନେଇ ଲୋକଙ୍କ ଅବଗତ କରିଥିଲେ ଫାଇଭ-ଟି ସଚିବ ।
ସୌମ୍ୟଙ୍କୁ ସୁରଙ୍କ ସମାଲୋଚନା
ଭୁବନେଶ୍ବର: ଖଣ୍ଡପଡ଼ା ବିଧାୟକଙ୍କ ଆଲେଖ୍ୟକୁ ନେଇ ସାରା ରାଜ୍ୟରେ ତାଙ୍କୁ ସମାଲୋଚନା କରାଯାଉଛି । ନିଜର ବ୍ୟକ୍ତିଗତ ସ୍ବାର୍ଥ ପାଇଁ ଏଭଳି ଲେଖିବା ଏବଂ ମନ୍ତ୍ରୀ ପଦ ନମିଳିବାରୁ ସୌମ୍ୟ ବାରମ୍ବାର ବିକାଶ କାର୍ଯ୍ୟରେ ବାଧା ସୃଷ୍ଟି କରୁଥିବା କୁହାଯାଉଛି । ଏହାରି ଭିତରେ ସୌମ୍ୟ ରଞ୍ଜନ ପଟ୍ଟନାୟକଙ୍କୁ ସ୍ଥାନୀୟ ଲୋକ ଆଉ ଖଣ୍ଡପଡ଼ାରେ ପୂରାଇ ଦେଉନାହାନ୍ତି । ସୌମ୍ୟ ଅତିଷ୍ଠ ହୋଇ ପଡ଼ିଲେଣି ବୋଲି କଂଗ୍ରେସ ବିଧାୟକ ସୁରେଶ ରାଉତରାୟ କହିଛନ୍ତି । ଯେଉଁ ଦଳରୁ ଟିକେଟ ନେଲେ ଓ ଜିତିଲେ, ଶେଷଆଡ଼କୁ ଏସବୁ କଥା କାହିଁକି କହୁଛନ୍ତି ? ଚାରି ବର୍ଷ ଧରି ସୌମ୍ୟ ପଟ୍ଟନାୟକ କୁଆଡ଼େ ଯାଇଥିଲେ ବୋଲି କଂଗ୍ରେସ ବିଧାୟକ ସୁରେଶ ରାଉତରାୟ ପ୍ରଶ୍ନ କରିଛନ୍ତି ।
ଏସିଆ କପରେ ରୋହିତଙ୍କ ସହ କିଏ କରିବ ଓପନିଂ
ନନ୍ଦିଘୋଷ ବ୍ୟୁରୋ: ଏସିଆ କପରେ ରୋହିତ ଶର୍ମାଙ୍କ ସହ କରିବ ପାଳି ଆରମ୍ଭ । ଶୁଭମନ ଗିଲ ଏବଂ ଇଶାନ କିଶାନଙ୍କ ମଧ୍ୟରୁ କିଏ ଓପନିଂ କରିବ ତାକୁ ନେଇ ଏବେ କ୍ରିଡାପ୍ରେମୀଙ୍କ ମଧ୍ୟରେ ଦ୍ବନ୍ଦ ଲାଗି ରହିଛି । ଯଦି ଉଭୟଙ୍କ ରେକର୍ଡ ଦେଖିବା ତାହେଲେ ଓପନିଂରେ ଇଶାନ ଏବଂ ଗିଲ୍ ଦମଦାର ପ୍ରଦର୍ଶନ କରିଛନ୍ତି । ଶୁଭମନ ଗିଲ କିନ୍ତୁ ଇଶାନଙ୍କ ଅପେକ୍ଷା ଓପନିଂରେ ଭଲ ରେକର୍ଡ ରହିଛି । ଚଳିତ ଆଇପିଏଲରେ ଉଭୟ ଉଚ୍ଚ କୋଟିର ଖେଳ ପ୍ରଦର୍ଶନ କରିଛନ୍ତି । ଗିଲ କିନ୍ତୁ ଇଶାନଙ୍କ ଅପେକ୍ଷା ଚଳିତ ଆଇପିଏଲରେ ଅଧିକ ଶତକ ହାସଲ କରିଛନ୍ତି । ପାକିସ୍ତାନ ବିପକ୍ଷରେ ଭାରତ ନିଜର ଅଭିଯାନ ଆରମ୍ଭ କରିବାକୁ ଯାଉଥିବାବେଳେ ଏମାନଙ୍କ ମଧ୍ୟରୁ ଦଳ କାହାକୁ ରୋହିତଙ୍କ ସହ ଓପନିଂ କରାଇବ ତାହା ଉପରେ ରହିଛି ସମସ୍ତଙ୍କ ନଜର ।
ମଧ୍ୟପ୍ରଦେଶରେ ପୁଣି ଦଳିତ ବିରୋଧୀ ହିଂସା, ଯୁବକଙ୍କୁ ପିଟି ପିଟି ହତ୍ୟା ପରେ ତାଙ୍କ ମାଆଙ୍କୁ ଉଲଗ୍ନ କଲେ ଦୁର୍ବୃତ୍ତ
ଭୋପାଳ: ମଧ୍ୟପ୍ରଦେଶରେ ପୁଣି ଦଳିତ ବିରୋଧୀ ହିଂସା । ଯୁବକଙ୍କୁ ପିଟି ପିଟି ହତ୍ୟା ପରେ ତାଙ୍କ ମାଆଙ୍କୁ ଉଲଗ୍ନ କରିଛନ୍ତି ଦୁର୍ବୃତ୍ତ । ଘଟଣା ଘଟିଛି ମଧ୍ୟପ୍ରଦେଶ ସାତନା ଜିଲ୍ଲାରେ । ୧୮ ବର୍ଷୀୟ ଦଳିତ ଯୁବକଙ୍କୁ ପିଟି ପିଟି ହତ୍ୟା କରାଯାଇଛି । ୨୦୧୯ରେ ଅଭିଯୁକ୍ତ ବିରୋଧରେ ମୃତକଙ୍କ ଭଉଣୀ ଯୌନ ନିର୍ଯାତନା ଅଭିଯୋଗ ଆଣିଥିଲେ । ଥାନାରୁ ଯୌନ ନିର୍ଯାତନା କେସ୍ ଉଠାଇବାକୁ ଅଭିଯୁକ୍ତଜଣଙ୍କ ଯୁବକଙ୍କ ଉପରେ ଚାପ ପକାଉଥିଲେ । ମାତ୍ର କେସ୍ ଉଠାଇବାକୁ ରାଜି ନହେବାରୁ ଦଳିତ ଯୁବକଙ୍କ ଘର ଭାଙ୍ଗି ଦେବା ପରେ ଯୁବକଙ୍କୁ ପିଟି ପିଟି ହତ୍ୟା କରିଛନ୍ତି ଦୁର୍ବୃତ୍ତ । ଘଟଣାରେ ପୋଲିସ ମୁଖ୍ୟ ଅଭିଯୁକ୍ତ ସହ ୮ଜଣଙ୍କୁ ଗିରଫ କରିଛି । ଅଭିଯୁକ୍ତଙ୍କ ମଧ୍ୟରେ ସରପଞ୍ଚଙ୍କ ସ୍ବାମୀ ମଧ୍ୟ ରହିଛନ୍ତି । ଅନ୍ୟ ଅଭିଯୁକ୍ତଙ୍କୁ ଗିରଫ କରିବାକୁ ପୋଲିସ ସର୍ଚ୍ଚ ଅପରେସନ ଜାରି ରଖିଛି ।
୧୪ଜଣଙ୍କ ନାଁରେ ହତ୍ୟ ମାମଲା ରୁଜୁ କରିବା ସହ ଏସସି, ଏସସି ଆକ୍ଟରେ ପୋଲିସ ତଦନ୍ତ କରୁଛି । ଘଟଣାକୁ ନେଇ ମଧ୍ୟପ୍ରଦେଶ ରାଜ୍ୟ ସରକାରଙ୍କୁ ଟାର୍ଗେଟ କରିଛି କଂଗ୍ରେସ । ରାଜ୍ୟରେ ଦଳିତ ବିରୋଧୀ ହିଂସା ବଢୁଥିବା ବେଳେ ସରକାର ନିରବଦ୍ରଷ୍ଟା ସାଜିଛନ୍ତି ବୋଲି କଂଗ୍ରେସ ଅଧ୍ୟକ୍ଷ ମଲ୍ଲିକାର୍ଜୁନ ଖଡଗେ କହିଛନ୍ତି । କ୍ୟାମେରା ଆଗରେ ଦଳିତଙ୍କ ପାଦ ଧୋଇ ପାପ ଲୁଚାଇବାକୁ ଚେଷ୍ଟା କରୁଛି ବୋଲି କଂଗ୍ରେସ କହିଛି ।
କ୍ରିପ୍ଟୋ ପଞ୍ଜି ସ୍କାମ ମାମଲାରେ ୩ ଜଣଙ୍କ ବିରୋଧରେ ଲୁକଆଉଟ ସର୍କୁଲାର
ଭୁବନେଶ୍ୱର: କ୍ରିପ୍ଟୋ ପଞ୍ଜି ସ୍କାମ ମାମଲାରେ ୩ ଜଣଙ୍କ ବିରୋଧରେ ଲୁକଆଉଟ ସର୍କୁଲାର । ଲୁକଆଉଟ୍ ସର୍କୁଲାର ଜାରି କଲା ବ୍ୟୁରୋ ଅଫ୍ ଇମିଗ୍ରେସନ । STAର ଏହି ୩ ଟପ୍ ଅଫଲାଇନ ମେମ୍ବର ହେଲେ କ୍ରିଷ୍ଣ କୁମାର, ଅନୀଲ କୁମାର ଓ ଭୁରା ରାମ । ଏମାନେ ରାଜସ୍ଥାନ ଅଞ୍ଚଳର ବୋଲି ଜଣାପଡିଛି । ମାମଲାରେ ପୂର୍ବରୁ ଗିରଫ ହୋଇଥିବା ଗୁରୁତେଜ ସିଂହର ଏମାନେ ମୁଖ୍ୟ ସହଯୋଗୀ । ପୂର୍ବରୁ ଇଣ୍ଟରନ୍ୟାସନଲ ମୁଖ୍ୟ ଡେଭିଡ କେଜ୍ ନାଁରେ ମଧ୍ୟ ଲୁକଆଉଟ୍ ସର୍କୁଲାର ଜାରି କରାଯାଇଥିଲା ।
ଗଞ୍ଜାମରେ 5T ସଚିବଙ୍କ ସମୀକ୍ଷା ଡେ’ ଥ୍ରୀ, ବ୍ରହ୍ମପୁରରେ ନେଲେ ଅଭିଯୋଗପତ୍ର
ଗଞ୍ଜାମ: ଗଞ୍ଜାମ ଗସ୍ତର ତୃତୀୟ ଦିନରେ ବିକାଶ କାର୍ଯ୍ୟର ସମୀକ୍ଷା କରୁଛନ୍ତି 5T ସଚିବ । ଆଜି ବ୍ରହ୍ମପୁରରେ ପହଞ୍ଚି ଅଭିଯୋଗ ପତ୍ର ଗ୍ରହଣ କରିଛନ୍ତି 5T ସଚିବ । ଲୋକଙ୍କୁ ସମସ୍ୟା ସମାଧାନର ପ୍ରତିଶ୍ରୁତି ଦେଇଛନ୍ତି । ଟାଟା ଏସଇଜେଡରେ ୪୦ ହଜାର କୋଟି ଟଙ୍କା ପୁଞ୍ଜିନିବେଶ ପାଇଁ ଚୁକ୍ତିନାମା ହୋଇଛି । ଯାହାଦ୍ବାରା ୧୦ ହଜାର ନିଯୁକ୍ତି ମିଳିବ । ମନ୍ଦିର, ମସଜିଦ, ଚର୍ଚ୍ଚ ଓ କମ୍ୟୁନିଟି ସେଣ୍ଟର ପାଇଁ ଯେଉଁ ଦରଖାସ୍ତ ଆସିଛି, ତାହା ସେପ୍ଟେମ୍ବର ୪ ତାରିଖ ମଧ୍ୟରେ ପୂରଣ ହେବ । ଯାହା ବି ଅନୁଦାନ ମିଳିବ, ତାକୁ ଭଲ ଭାବେ କାମ କରିବାକୁ ପରାମର୍ଶ ଦେଇଛନ୍ତି 5T ସଚିବ । ପିଇବା ପାଣି ନେଇ ଯାହା ସମସ୍ୟା ଅଛି, ତାହା ୨ ଦିନ ମଧ୍ୟରେ ସମାଧାନ ହେବ । ଆଜି ସନ୍ଧ୍ୟା ସୁଦ୍ଧା ଗାଁରେ ଇଞ୍ଜିନିୟର ପହଞ୍ଚିବେ । ଆପଣମାନଙ୍କ ସମସ୍ତ ଅଭିଯୋଗ ମାସକ ଭିତରେ ସମାଧାନ ହେବ ବୋଲି କହିଛନ୍ତି 5T ସଚିବ ।
ସେହିପରି ମହାତ୍ମା ଗାନ୍ଧୀ ନରେଗା ଯୋଜନାରେ ଶ୍ରମିକମାନଙ୍କ ମଜୁରୀ ସିଧାସଳଖ ବ୍ୟାଙ୍କ ଆକାଉଣ୍ଟରେ ୧୦୦ କୋଟି ଟଙ୍କା ଦେଇଥିବାରୁ ପ୍ରଧାନମନ୍ତ୍ରୀଙ୍କ ଠାରୁ ଜାତୀୟ ପୁରସ୍କାର ଗଞ୍ଜାମ ପାଇଛି । ଦିବ୍ୟାଙ୍ଗ ଚିହ୍ନଟରେ ରେକର୍ଡ କରି ରାଷ୍ଟ୍ରପତିଙ୍କଠାରୁ ଜାତୀୟ ପୁରସ୍କାର ମିଳିଛି । ଏହା ସହ ଏଚଆଇଭି କମାଇବାରେ ଗଞ୍ଜାମ ଜିଲ୍ଲା ରେକର୍ଡ କରି ଜାତୀୟ ପୁରସ୍କାର ପାଇଛି । ସାରା ଦେଶରେ ପ୍ରଥମ ଜିଲ୍ଲା ଭବେ ଗଞ୍ଜାମରେ ଏଚଆଇଭି ସଂକ୍ରମିତଙ୍କୁ ଭତ୍ତା ଦିଆଯାଉଛି । ଗିରିସୋଲା ଚେକ୍ ଗେଟକୁ ଦୁର୍ନୀତି ମୁକ୍ତ କରିଛନ୍ତି ମୁଖ୍ୟମନ୍ତ୍ରୀ । ଗ୍ରାମାଞ୍ଚଳ ମେଧାବୀ ପିଲାଙ୍କୁ ସହରରେ ମାଗଣା ପଢ଼ିବାର ଯୋଜନା ଅନ୍ୱେସା ପାଇଁ ଗଞ୍ଜାମରୁ ପ୍ରେରଣା ମିଳିଥିଲା । ସାରା ରାଜ୍ୟ ଓ ସାରା ଦେଶ ପାଇଁ ଗଞ୍ଜାମ ଉଦାହରଣ ସାଜିଛି ବୋଲି କହିଛନ୍ତି 5T ସଚିବ । ସେହିପରି ମିଶନ ଶକ୍ତି ମା’ମାନଙ୍କ ସହ ଆଲୋଚନା କରିଛନ୍ତି । ସ୍ୱାସ୍ଥ୍ୟ ସେବା ପାଇଁ ମୁଖ୍ୟମନ୍ତ୍ରୀ ବିଜୁ ସ୍ୱାସ୍ଥ୍ୟ କଲ୍ୟାଣ ଯୋଜନାରେ ମା ମାନଙ୍କ ପାଇଁ ୧୦ ଲକ୍ଷ ଓ ପୁରୁଷ ମାନଙ୍କ ପାଇଁ ୫ ଲକ୍ଷ ରଖିଛନ୍ତି । ପ୍ରତି ବର୍ଷ ସ୍ୱାସ୍ଥ୍ୟ ସୁରକ୍ଷା ପାଇଁ ମହିଳାଙ୍କ କ୍ଷେତ୍ରରେ ୧୦ ଲକ୍ଷ ଓ ପୁରୁଷଙ୍କ ପାଇଁ ୫ ଲକ୍ଷ ଟଙ୍କା ମିଳିବ । ପ୍ରତି ମାସ ସରକାର ୨୨୦ କୋଟି ଟଙ୍କା ଖର୍ଚ୍ଚ କରୁଛନ୍ତି । ଏହା ଅନ୍ୟ କୌଣସି ରାଜ୍ୟରେ ନାହିଁ ବୋଲି କହିଛନ୍ତି 5T ସଚିବ । ଚାଷୀମାନଙ୍କୁ ଲକ୍ଷେ ଟଙ୍କାର ଋଣ ବିନା ସୁଧରେ ଦିଆଯାଉଛି । ତା’ସହ ବୀମା ରାଶିର ପ୍ରିମୀୟମ ବି ସରକାର ଦେଉଛନ୍ତି । ଗଞ୍ଜାମ ଜିଲ୍ଲାର ୧ ଲକ୍ଷ ୨୫ ହଜାର ଚାଷୀ ପଞ୍ଜିକରଣ କରିଛନ୍ତି ବୋଲି ସେ କହିଛନ୍ତି ।
ବେଆଇନ ବାଣ କାରଖାନାରେ ବିସ୍ଫୋରଣ, ୮ମୃତ
କୋଲକାତା: ବେଆଇନ ବାଣ କାରଖାନାରେ ବିସ୍ଫୋରଣ । ୮ମୃତ, ୧୨ରୁ ଅଧିକ ଗୁରୁତର । ଘଟଣା ଘଟିଛି ପଶ୍ଚିମବଙ୍ଗ ଉତ୍ତର ୨୪ ପ୍ରଗଣା ଜିଲ୍ଲା ନିଲଗଞ୍ଜ ଗ୍ରାମରେ । ଦିନ ପ୍ରାୟ ୧୦ଟା ବେଳେ ଗ୍ରାମରେ ଥିବା ଏକ ବେଆଇନ ବାଣ ଗୋଦାମରେ ଭୟଙ୍କର ବିସ୍ଫୋରଣ ହୋଇଥିଲା । ଫ୍ୟାକ୍ଟ୍ରିରେ କାମ କରୁଥିବା ୮ଜଣ ଶ୍ରମିକଙ୍କ ମୃତ୍ୟୁ ହୋଇଥିବା ବେଳେ ୧୨ଜଣଙ୍କୁ ଗୁରୁତର ଅବସ୍ଥାରେ ଉଦ୍ଧାର କରାଯାଇଛି । ନିକଟସ୍ଥ ହସ୍ପିଟାଲରେ ଗୁରୁତରଙ୍କ ଚିକିତ୍ସା ଚାଲିଛି । ପୋଲିସ ଓ ସ୍ଥାନୀୟ ପ୍ରଶାସନ ଘଟଣାସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଛି । ବିସ୍ଫୋରଣ ଯୋଗୁ ଆଖପାଖରେ ଥିବା କିଛି ଘର ମଧ୍ୟ କ୍ଷତିଗ୍ରସ୍ତ ହୋଇଛି ।
ସପ୍ତାହେ ପରେ ଇସ୍ରୋର ସୂର୍ଯ୍ୟ ମିଶନ, ସେପ୍ଟେମ୍ବର ୨ତାରିଖରେ ଭାରତ ଆରମ୍ଭ କରିବ ସୂର୍ଯ୍ୟ ମିଶନ
ନୂଆଦିଲ୍ଲୀ: ସପ୍ତାହେ ପରେ ଇସ୍ରୋର ସୂର୍ଯ୍ୟ ମିଶନ । ଲୁନାର ସାଉଥ ପୋଲରେ ସଫ୍ଟ ଲ୍ୟାଣ୍ଡିଂ ପରେ ସୌରକ୍ଷେତ୍ରରେ ଗବେଷଣା ପାଇଁ ସନ୍ ମିଶନ ଲଞ୍ଚ କରିବ ଭାରତୀୟ ମହାକାଶ ବିଜ୍ଞାନ ସଂସ୍ଥା । ପୂର୍ବରୁ ସେପ୍ଟେମ୍ବରରେ ମିଶନ ଆରମ୍ଭ ନେଇ ଘୋଷଣା କରାଯାଇଥବା ବେଳେ ଏବେ ଇସ୍ରୋ ମିଶନର ତାରିଖ ଘୋଷଣା କରିଛି । ସେପ୍ଟେମ୍ବର ୨ତାରିଖରେ ଭାରତ ଆରମ୍ଭ କରିବ ସୂର୍ଯ୍ୟ ମିଶନ । ସୌରକ୍ଷେତ୍ର ଉପରେ ତଥ୍ୟ ହାସଲ କରିବାକୁ ସ୍ପେସ ମେସିନ ପଠାଇବ ଇସ୍ରୋ । ସୂର୍ଯ୍ୟ-ପୃଥିବୀର ଲାଗରେଞ୍ଜ ପଏଣ୍ଟ-୧ ଚାରିପାଖରେ ଅର୍ଥାତ ପୃଥିବୀଠାରୁ ପ୍ରାୟ ୧୫ ଲକ୍ଷ କିଲୋମିଟର ଦୂରରେ ହାଲୋ ଅରବିଟରେ ଅବସ୍ଥାପିତ ହେବ ଆଦିତ୍ୟ-L1 । ଏଲ ଓ୍ବାନ ପଏଣ୍ଟରେ ପହଞ୍ଚିବା ଲାଗି ଆଦିତ୍ୟ ଏଲ ଓ୍ବାନକୁ ଲାଗିବ ପ୍ରାୟ ୪ ମାସ ।
ବିଭିନ୍ନ ଗବେଷଣା ଲାଗି ଆଦିତ୍ୟ L1 ସହ ପଠାଯିବ ୭ଟି ପେ-ଲୋଡ । ସେମାନେ ଅଲଗା ଅଲଗା ୱେଭ ବ୍ୟାଣ୍ଡରେ ଫୋଟୋ ସ୍ପେୟର, କ୍ରୋମୋ ସ୍ପେୟର ଏବଂ ସୂ୍ର୍ଯ୍ୟର ସବୁଠାରୁ ବାହାର ସ୍ତର କରୋନାର ପର୍ଯ୍ୟବେକ୍ଷଣ କରିବାରେ ସାହାଯ୍ୟ କରିବ । ଆଦିତ୍ୟ ଏଲ-୧ ସମ୍ପୂର୍ଣ ସ୍ୱଦେଶୀ ମିଶନ ବୋଲି ଇସ୍ରୋର ପକ୍ଷରୁ କୁହାଯାଇଛି । ବେଙ୍ଗାଲୁରୁର ଇଣ୍ଡିଆନ ଇନଷ୍ଟିଚ୍ୟୁଟ ଅଫ ଏଷ୍ଟ୍ରୋ ଫିଜିକ୍ସର ଗୁରୁତ୍ୱପୂ୍ର୍ଣ୍ଣ ଭୂମିକା ରହିଛି । ଏଥିସହିତ ପୁଣେର ଇଣ୍ଟର ୟୁନିଭର୍ସିଟି ସେଣ୍ଟର ଫର ଏଷ୍ଟ୍ରୋନମି ଆଣ୍ଡ ଏଷ୍ଟ୍ରୋଫିଜିକ୍ସର ଭୂମିକା ରହିଛି । ଏହି ଦୁଇ ସଂସ୍ଥା ବିଭିନ୍ନ ପେଲୋଡ ବିକଶିତ କରିବାରେ ସାହାଯ୍ୟ କରିଛନ୍ତି । ଆଦିତ୍ୟ ଏଲ ୧ ଅଲ୍ଟ୍ରାଭାୟୋଲେଟ ପେଲୋଡକୁ ବ୍ୟବହାର କରି ସୂର୍ଯ୍ୟର ସବୁଠାରୁ ବାହ୍ୟ ଅଂଶ କରୋନା ଏବଂ ଏକ୍ସରେ ପେଲୋଡର ବ୍ୟବହାର କରି ସୋଲାର କ୍ରୋମୋସ୍ପେୟରର ସ୍ତରର ପର୍ଯ୍ୟବେକ୍ଷଣ କରିପାରିବ । ସାଟେଲାଇଟର ଓଜନ ୧୫ ଶହ କେଜି ହୋଇଥିବାବେଳେ ଏହାକୁ ଶ୍ରୀହରିକୋଟାରୁ ପିଏସଏଲଭି ଜରିଆରେ ଉତକ୍ଷେପଣ କରାଯିବ । ଦୁଇ ସପ୍ତାହ ପୂର୍ବରୁ ଶ୍ରୀହରିକୋଟାସ୍ଥିତ ଇସ୍ରୋର ସ୍ପେସ ସେଣ୍ଟରରେ ସାଟେଲାଇଟ ରଖାଯାଇଛି ।
ପୂରଣ ହେବ ଦୀର୍ଘ ଦଶନ୍ଧିର ସ୍ବପ୍ନ, ଆସନ୍ତା ୩୧ ତାରିଖରେ ଉଦଘାଟନ ହେବ କଳାହାଣ୍ଡି ଜିଲ୍ଲାର ଉତ୍କେଲା ବିମାନବନ୍ଦର
ଭୁବନେଶ୍ୱର: ଆସନ୍ତା ୩୧ ତାରିଖରେ ଉଦଘାଟନ ହେବ କଳାହାଣ୍ଡିର ଉତ୍କେଲା ବିମାନ ବନ୍ଦର। ପୂରଣ ହେବ ଦୀର୍ଘ ଦଶନ୍ଧିର ସ୍ବପ୍ନ । ୩୧ ତାରିଖ ସକାଳ ସାଢେ ୧୦ରେ ଉତ୍କେଲା ବିମାନ ବନ୍ଦରକୁ ଉଡ଼ିବ ବିମାନ । ଶୁଭାରମ୍ଭ କରିବେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ । କେନ୍ଦ୍ର ବେସାମରିକ ବିମାନଚଳାଚଳ ମନ୍ତ୍ରୀ ଜ୍ୟୋତିରାଦିତ୍ୟ ସିନ୍ଧିଆ ଓ ବିଭାଗୀୟ ରାଷ୍ଟ୍ରମନ୍ତ୍ରୀ ଭି.କେ ସିଂ ଓ ପରିବହନ ମନ୍ତ୍ରୀ ଟୁକୁନି ସାହୁ ମଧ୍ୟ ଯୋଗଦେବେ । ୧୦ଟା ୩୦ରେ ଭୁବନେଶ୍ବର ବିମାନ ବନ୍ଦରରୁ ଉତ୍କେଲାକୁ ପ୍ରଥମ ବିମାନ ସେବା ଉଦଘାଟନ କରିବେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ।