ଭୁବନେଶ୍ବର: ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ଅଧ୍ୟକ୍ଷତାରେ ବସିଥିବା ରାଜ୍ୟ କ୍ୟାବିନେଟ୍ ବୈଠକ ଶେଷ ହୋଇଛି । ୧୨ ପ୍ରସ୍ତାବକୁ ମିଳିଛି କ୍ୟାବିନେଟ୍ ମଞ୍ଜୁରୀ । ରାଜ୍ୟର ସହରାଞ୍ଚଳରେ ଉତ୍ତମ ବିଦ୍ୟୁତ ସେବା ପାଇଁ ସରକାରଙ୍କ ନୂଆ ଯୋଜନା। ମୁଖ୍ୟମନ୍ତ୍ରୀ ଶକ୍ତି ବିକାଶ କାର୍ଯ୍ୟକ୍ରମ ଅଧୀନରେ କାମ କରିବ ନୂଆ ଯୋଜନା SCRIPS। ଶକ୍ତି ବିଭାଗର ଏହି ପ୍ରସ୍ତାବକୁ ରାଜ୍ୟ କ୍ୟାବିନେଟ୍ ଅନୁମୋଦନ କରିଛି । ସେହିପରି ଭୁବନେଶ୍ବର ମେଟ୍ରୋ ରେଳ ପ୍ରକଳ୍ପର ବିସ୍ତୃତ ପ୍ରକଳ୍ପ ରିପୋର୍ଟକୁ କ୍ୟାବିନେଟ୍ ମୋହର ମାରିବା ସହ ୫ହଜାର ୯୨୯ କୋଟି ୩୮ ଲକ୍ଷ ଟଙ୍କାର ବ୍ୟୟ ଅଟକଳକୁ ମଂଜୁରୀ ମିଳିଛି। ଗଞ୍ଜାମ ଜିଲ୍ଲା ଧରାକୋଟ ବ୍ଲକ ଜାନିବିଲି ଗାଁ ନିକଟ ଋଶିକୁଲ୍ୟା ନଦୀରେ ହେବ ବ୍ୟାରେଜ୍। ୫ବର୍ଷ ଭିତରେ ଏହି ବହୁମୁଖୀ ପ୍ରକଳ୍ପ ନିର୍ମାଣ ହେବ। ଏଥିରେ ବିଦ୍ୟୁତ ଶକ୍ତି ଉତ୍ପାଦନ ସହିତ ରାସ୍ତା ସଂଯୋଗୀକରଣ ପାଇଁ ଲକ୍ଷ୍ୟ ରଖାଯାଇଛି । ସେହିପରି ବ୍ରହ୍ମପୁରରେ ପ୍ରସ୍ତାବିତ ରିଂ ରୋଡକୁ କ୍ୟାବିନେଟ୍ ଗ୍ରୀନ୍ ସିଗନାଲ ଦେଇଛି। ସ୍ବାସ୍ଥ୍ୟସେବା କ୍ଷେତ୍ରରେ ବୈପ୍ଳବିକ ପରିବର୍ତ୍ତନ ପାଇଁ 5T ଉପକ୍ରମରେ ଆରମ୍ଭ ହୋଇଥିବା ଆମ ହସପିଟାଲ୍ ଯୋଜନାରେ ଲାଗିଛି କ୍ୟାବିନେଟ୍ ମୋହର।
ପୋଟଳ ଚାଷ କରିଛି ଲକ୍ଷପତି, ବର୍ଷକୁ ଆୟ ୬୦ ଲକ୍ଷ ଟଙ୍କା
ସୁନ୍ଦରଗଡ଼: ପୋଟଳ ଚାଷରୁ ବର୍ଷକୁ ୬୦ ଲକ୍ଷ ଆୟ । ଏହା ଅବିଶ୍ବାସ ହେଲେ ମଧ୍ୟ ଏହାକୁ ସତ କରି ଦେଖାଇଛନ୍ତି ସୁନ୍ଦରଗଡ ବୁଡାବାହାଲ ଗାଁର ଏସଏଚଜି ମହିଳା । ମିଶନ ଶକ୍ତି ସହାୟତାରେ ଏବେ ଗାଁର ପ୍ରତିଟି ମହିଳା ଜଣେ ଜଣେ ସଫଳ ଚାଷୀ । ଏହି ଚାଷୀ ମାନେ କେବଳ ପୋଟଳ ଫଳାଉନାହାନ୍ତି ପ୍ରତି ୩ବର୍ଷରେ ଥରେ ଏହାର କନ୍ଦା ରାଜ୍ୟର ବିଭିନ୍ନ ଅଚଂଳକୁ ରପ୍ତାନୀ କରି ଭଲ ଦୁଇ ପଇସା ରୋଜଗାର କରୁଛନ୍ତି ।
ସଫଳ ଚାଷୀ ପାଲଟିଲେ ମହିଳା । ପଡିଆ ପଡୁଥିବା ଜମି ଆଜି ଶସ୍ୟ ଶ୍ୟାମଳା । ଆତ୍ମବିଶ୍ବାସ ଭରିଲା ମିଶନ ଶକ୍ତିର ସହାୟତା । ସବୁଜ ଲତା ଭଳି ଦେଖାଯାଉଥିବା ଏହି ଗୁଡିକ ହେଉଛି ପୋଟଳ ଚାଷ । ସୁନ୍ଦରଗଡ ଜିଲ୍ଲା ମେଘଡେଗା ପଞ୍ଚାୟତ ବୁଡାବାହାଲ ଗାଁର ପ୍ରତିଟି ମହିଳା ଆଜି ପୋଟ ଚାଷରେ ନିମଗ୍ନ । ଦିନଥିଲା ଜମିରେ ବର୍ଷକୁ କେବଳ ଗୋଟିଏ ଥର ଧାନ ଚାଷ ହେଉଥିଲା । ଫଳରେ ଧାନ ଚାଷ ପରେ ପ୍ରତିବର୍ଷ ୬୦ ଏକର ଜମି ପଡିଆ ପଡୁଥିଲା । ହେଲେ ମିଶନ ଶକ୍ତି ସହୟତାରେ ଗାଁର ୧୪ଟି ସ୍ବୟଂସହାୟକ ଗୋଷ୍ଠୀ ଗଠନ କରାଯାଇ ଋଣ ପ୍ରଦାନ କରାଯାଇଥିଲା । ଏହି ଅର୍ଥରେ ୪ବର୍ଷ ପୂର୍ବେ ସମସ୍ତେ ଆରମ୍ଭ କରିଥିଲେ ପୋଟଳ ଚାଷ । ଏବେ ଏସଏଚଜି ମହିଳା ମାନେ ପ୍ରତିବର୍ଷ ପୋଟଳ ଚାଷ ମାଧ୍ୟମରେ ୬୦ ଲକ୍ଷରୁ ଅଧିକ ଟଙ୍କା ରୋଜଗାର କରିପାରୁଛନ୍ତି ।
ରାଜ୍ୟ ସରକାରଙ୍କ ବନାଞ୍ଚଳ ଉନ୍ନୟନ ପ୍ରକଳ୍ପ ମାଧ୍ୟମରେ ଏହି ପୋଟଳ ଚାଷୀଙ୍କୁ ପ୍ରଥମେ ଋଣ ପ୍ରଦାନ କରାଯାଇଥିଲା । ପରେ ଉଦ୍ୟାନ ବିଭାଗ ସହାୟତାରେ ୯ଜଣ ମୁଖ୍ୟ ଚାଷୀଙ୍କୁ ତାଲିମ ଦିଆଯିବା ସହ ବିଭିନ୍ନ ଯନ୍ତ୍ରାଶଂ ଦିଆଯାଇଥିଲା । ଏବେ ପ୍ରତିଟି ଚାଷୀଙ୍କ ଠାରୁ ଅମଳ ହେଉଥିବା ଫସଲ ବିକ୍ରି ପାଇଁ ମଧ୍ୟ ବ୍ୟବସ୍ଥା କରାଯାଇଛି । ତେବେ ଏହି ଚାଷୀ କେବଳ ପୋଟଳ ଫଳାଉନାହାନ୍ତି ପ୍ରତି ୩ବର୍ଷରେ ଥରେ ଏହାର କନ୍ଦା ରାଜ୍ୟର ବିଭିନ୍ନ ଅଚଂଳକୁ ରପ୍ତାନୀ କରି ଭଲ ଦୁଇ ପଇସା ରୋଜଗାର କରୁଛନ୍ତି ।
କାହିଁକି ବିଶ୍ବକପରେ ଭୂତ ସାଜି ଡରାଉଛି ନ୍ୟୁଜିଲାଣ୍ଡ ? ଏହି ୫ ଘଟଣା ଭାଙ୍ଗି ଦେଇଥିଲା ହୃଦୟ
ବିଶ୍ବକପରେ ଲଗାତର ୯ଟି ମୁକାବଲା ଜିତି ସେମିଫାଇନାଲରେ ନ୍ୟୁଜିଲାଣ୍ଡକୁ ଭେଟିବ ଟିମ ଇଣ୍ଡିଆ । ସେପଟେ ଭାରତୀୟ ଫ୍ୟାନ୍ସଙ୍କ ଛାତିରେ ଛନକା ପଶିଛି । ଏକାଧିକ ଥର ସେମିରେ ନିରାଶ ହେବା ପରେ ଏଥର ବି ଆଶା ଆଶଙ୍କାରେ ଭାରତୀୟ ଟିମ୍ । କେବଳ ୨୦୧୯ ବିଶ୍ବକପ ସେମିଫାଇନାଲ ନୁହେଁ ଅନେକ ଥର କିୱି ଟିମ୍ ଠୁ ହାରି ପ୍ରଶଂସକଙ୍କ ହୃଦୟ ଭାଙ୍ଗିଛି ଇଣ୍ଡିଆ । ଏଥର ପୁଣି ଥରେ କିୱି ଟିମ୍ ସହ ମୁହାଁମୁହିଁ ହେବ ମେନ୍ ଇନ ବ୍ଲୁ ।
୨୦୨୧ ଟି ୨୦ ବିଶ୍ବକପ
ଦୁବାଇରେ ସୁପର ୧୨ ମୁକାବିଲାରେ ପ୍ରଥମେ ବୋଲିଂ କରିବାକୁ ନିଷ୍ପତ୍ତି ନେଇଥିଲା ଟିମ୍ ଇଣ୍ଡିଆ । ନ୍ୟୁଜିଲାଣ୍ଡର ଘାତକ ବୋଲିଂ ଭାରତୀୟ ଟିମ୍କୁ ମାତ୍ର ୧୧୦ ରନ୍ରେ ଅଟକାଇ ଦେଇଥିଲା । କେଏଲ ରାହୁଲ ମାତ୍ର ୧୮ ରନ୍ କରି ପାଭିଲିଅନ ଫେରିଥିବା ବେଳେ ୧୪ ରନ୍ କରି ସୋଢୀଙ୍କ ଶିକାର ହୋଇଥିଲେ ରୋହିତ ଶର୍ମା । ଏହାର ଜବାବରେ ଡେରିଲ ମିସେଲ ଓ ଅଧିନାୟକ ୱିଲିୟମସନ୍ଙ୍କ ଯୋଡି ୭୨ ରନ ସଂଗ୍ରହ କରିଥିଲେ । ଅତି ଦୟନୀୟ ଭାବେ କିୱି ଟିମ୍ ଠୁ ହାରି ସେମିଫାଇନାଲ ରେସ୍ରୁ ବିଦା ହୋଇଥିଲା ଭାରତୀୟ ଟିମ ।
୨୦୨୧ ବିଶ୍ବ ଟେଷ୍ଟ ଚାମ୍ପିଅନସିପ୍ ଫାଇନାଲ
ସେହିପରି ଆଇସିସି ବିଶ୍ବଟେଷ୍ଟ ଚାମ୍ପିଅନସିପର ଉଦଘାଟନ ସଂସ୍କରଣର ଫାଇନାଲରେ ବି ଏଭଳି କିଛି ଦେଖିବାକୁ ମିଳିଥିଲା । ନ୍ୟୁଜିଲାଣ୍ଡ ଠୁ ହାରି କୋଟି ପ୍ରଶଂସକଙ୍କ ହୃଦୟ ଭାଙ୍ଗିଥିଲେ ଭାରତୀୟ କ୍ରିକେଟର । ଭାରତ ଟସ ହାରି ପ୍ରଥମେ ବ୍ୟାଟିଂ କରିଥିଲା । ହେଲେ ମାତ୍ର ୨୧୭ ରନ ସଂଗ୍ରହ କରଥିଲା ଟିମ୍ । କିୱିର ଦ୍ରୁତ ବୋଲର ସାଉଦି, ଟ୍ରେଟ ବୋଲ୍ଟ, ଜେମିସନ ଓ ନୀଲ ବେଗନରଙ୍କ ସାମନାରେ ତିଷ୍ଠି ପାରିନଥିଲେ ଭାରତୀୟ ଖେଳାଳୀ । ୱିଲିୟମସନ ଓ ଟେଲରଙ୍କ ଶକ୍ତିଶାଳୀ ପାର୍ଟନରସିପ ବଳରେ ବିଜୟୀ ହୋଇଥିଲା ନ୍ୟୁଜିଲାଣ୍ଡ ।
୨୦୧୯ ଦିନିକିଆ ବିଶ୍ବକପ ସେମିଫାଇନାଲ
ୱିଲିୟମସନ ଓ ରସ୍ ଟେଲରଙ୍କ ପାର୍ଟନରସିପ ମଧ୍ୟରେ ନ୍ୟୁଜିଲାଣ୍ଡ ଟିମ ୮ ୱିକେଟ ହରାଇ ୨୩୯ ରନ ସଂଗ୍ରହ କରିବାରେ ସକ୍ଷମ ହୋଇଥିଲା । ମଜାଦାର କଥା ହେଉଛି ଯେ ବର୍ଷା କାରଣରୁ ୪୬.୧ ଓଭର ପରେ ଖେଳ ବାତିଲ ହୋଇଯାଇଥିଲା । ଏହାର ପରଦିନ ଭାରତ ସହଜରେ ଟାର୍ଗେଟ ହାସଲ କରିବ ବୋଲି ଅନୁମାନ କରାଯାଉଥିଲା । କିନ୍ତୁ ଭାରତର ବ୍ୟାଟିଂ ସମୟରେ ପାଗ ଖରାପ ଯୋଗୁଁ ଏହାର ଫାଇଦା ନେଇଥିଲେ କିୱି ବୋଲର ।ଜଣକ ପରେ ଜଣେ ବ୍ୟାଟସମ୍ୟାନ୍ ପାଭିଲିଅନକୁ ଫେରି ଭାରତୀୟ ଟିମ୍କୁ ଦୁର୍ବଳ କରି ଦେଇଥିଲେ । ଭାରତ ୪୯.୩ ଓବରରେ ୨୨୧ ରନ୍ କରି ଅଲଆଉଟ୍ ହୋଇଯାଇଥିଲା । ଧୋନିଙ୍କ ରନ୍ ଆଉଟ ମ୍ୟାଚର ଟର୍ଣ୍ଣି୍ଂ ପଏଣ୍ଟ ରହିଥିଲା ।
୨୦୧୬ ଟି ୨୦ ବିଶ୍ବକପ
ନ୍ୟୁଜିଲାଣ୍ଡ ଟସ ଜିତି ପ୍ରଥମେ ବ୍ୟାଟିଂ କରିବାର ନିଷ୍ପତ୍ତି ନେଇଥିଲା । ଭାରତୀୟ ଟିମର ଘାତକ ବୋଲିଂରେ ମାତ୍ର ୧୨୬ ରନ କରି ୭ ୱିକେଟ ହରାଇଥିଲା । ଭାରତ ପାଇଁ ଏହା ଏକ ସହଜ ଲକ୍ଷ୍ୟ ବୋଲି ମନେ ହେଉଥିଲା । କିନ୍ତୁ ଆଶାନୁରୂପ ଫଳ ପାଇନଥିଲା ଭାରତୀୟ ଟିମ୍ । ଅଧିନାୟକ ମହେନ୍ଦ୍ର ସିଂ ଧୋନି, ବିକାଟ କୋହଲି ଓ ଅଶ୍ବିନୀଙ୍କୁ ବାଦ୍ ଦେଲେ ଭାରତୀୟ ବ୍ୟାଟସମ୍ୟାନ ଦୁଇ ଅଙ୍କ ରନ୍ ଛୁଇଁ ପାରିନଥିଲେ । ୧୮ ଓଭରରେ ମାତ୍ର ୭୯ ରନ ସଂଗ୍ରହ କରି ଲଜ୍ୟାଜନକ ପରାଜୟର ସାମନା କରିଥିଲା ଟିମ ଇଣ୍ଡିଆ ।
୨୦୦୦ ଆଇସିସି ନକଆଉଟ ଫାଇନାଲ
ଦମଦାର ବ୍ୟାଟିଂରୁ ଓପନର ସୌରଭ ଗାଙ୍ଗୁଲି ଓ ସଚିନ ତେନ୍ଦୁଲକର ଭାରତର ବିଜୟ ଏକ ପ୍ରକାର ସୁନିଶ୍ଚିତ କରିଥିଲେ । ଅଧିନାୟକ ୧୧୭ ରନ କରିଥିବାବେଳେ ଦୁହିଁଙ୍କ ପାର୍ଟନରସିପ୍ ୧୪୧ ରନ ସଂଗ୍ରହ କରିଥିଲା ।
କିନ୍ତୁ ଦୁଇ ଖେଳାଳୀ ଆଉଟ୍ ହେବା ପରେ ଭାରତର ମିଡିଲ ଅର୍ଡର ବିପର୍ଯ୍ୟସ୍ତ ହୋଇପଡିଥିଲା । ୫୦ ଓଭରରେ ୬ ୱିକେଟ ହରାଇ ଭାରତୀୟ ଟିମ ୨୬୪ ରନ ସଂଗ୍ରହ କରିଥିଲା । ଏହାର ଜବାବରେ ନ୍ୟୁଜିଲାଣ୍ଡ ୫ ୱିକେଟ ହରାଇ ୧୩୨ ରନରେ ସଂଘର୍ଷ କରୁଥିଲା କିନ୍ତୁ ଅଲରାଉଣ୍ଡର କ୍ରିସ କେନର୍ସ ୧୧୩ ବଲରେ ୧୦୨ ରନ କରି କିୱିଟିମକୁ ବିଜୟ ଉପହାର ଦେଇଥିଲେ ।
ସେମିଫାଇନାଲ ମୁକାବିଲା ପୂର୍ବରୁ ଭାରତୀୟ ଟିମକୁ ନେଇ ଏମିତି କହିଲେ ନ୍ୟୁଜିଲାଣ୍ଡ ଅଧିନାୟକ
ମୁମ୍ବାଇ: ବୁଧବାର ବିଶ୍ବକପ ସେମିଫାଇନାଲ ମୁକାବିଲାରେ ଭେଟାଭେଟି ହେବେ ଭାରତ ଏବଂ ନ୍ୟୁଜିଲାଣ୍ଡ । ମୁମ୍ବାଇର ଓ୍ବାଖଡେ ଷ୍ଟାଡିୟମରେ ଏହି ହାଇଭୋଲଟେଜ ମ୍ୟାଚ ଅନୁଷ୍ଠିତ ହେବାକୁ ଯାଉଛି । ଏହା ପୂର୍ବରୁ ପ୍ରେସମିଟରେ ନିଜର ପ୍ରତିକ୍ରିୟା ରଖିଛନ୍ତି ନ୍ୟୁଜିଲାଣ୍ଡର ଅଧିନାୟକ କେନ୍ ଓ୍ବିଲିୟମସନ । ସେ କହିଛନ୍ତି କି, ଭାରତ ଏକ ଶକ୍ତିଶାଳି ଦେଶ । ଚଳିତ ବିଶ୍ବକପରେ ଦଳ ଦମଦାର ପ୍ରଦର୍ଶନ ଜାରି ରଖିଛି । ଲାଗୁଥିଲା କି, ହାର୍ଦ୍ଧିକ ପାଣ୍ଡ୍ୟାଙ୍କ ଆହତ ଦଳ ପାଇଁ ମହଙ୍ଗା ସାବ୍ୟସ୍ତ ହେବ । ମାତ୍ର ସେମତି କୌଣସି ପରିସ୍ଥିତି ଦେଖିବାକୁ ମିଳିଲାନି । ଭାରତ ଏବେ ଏକ ସନ୍ତୁଳିତ ଟିମ ରହିଛି । ଦଳ ଭଲ ପ୍ରଦର୍ଶନ କରୁଥିବାବେଳେ ସୂର୍ସ୍ୟକୁମାର ଯାଜବ ଜଣେ ଉଚ୍ଚେକାଟିର ବ୍ୟାଟ୍ସମ୍ୟାନ ବୋଲି କହିଛନ୍ତି । ସୂର୍ଯ୍ୟଙ୍କ ସଟ ଗୁଡ଼ିକ ବେଶ ଆକର୍ଷଣୀୟ ହୋଇଥିବାବେଳେ ପଡ଼ିଆର ଚତୁରଦ୍ଦିଗକୁ ସେ ମାରିପାରନ୍ତି ।
ସେପଟେ ନ୍ୟୁଜିଲାଣ୍ଡ ଅଲରାଉଣ୍ଡର ରଚିନ ରବିନ୍ଦ୍ରଙ୍କ ସମ୍ପର୍କରେ ଓ୍ବିଲିୟମସନ କହିଛନ୍ତି କି, ସେ ମଧ୍ୟ ଜଣେ ଭଲ ଖେଳାଳି । ବ୍ୟାଟିଂରେ ଜଲଓ୍ବା ଦେଖାଉଥିବାବେଳେ ଆମ ଦଳ ପାଇଁ ସଙ୍କଟମୋଚକ ମଧ୍ୟ ସାଜିଛନ୍ତି । ପୁରା ଟୁର୍ଣ୍ଣାମେଣ୍ଟରେ ସେ ଉଚ୍ଚକୋଟିର ବ୍ୟାଟିଂ କରୁଛନ୍ତି । ଆାଗାମୀ ଦିନରେ ଆମ ଟିମ ପାଇଁ ସେ ଗୁରୁତ୍ବପୂର୍ଣ୍ଣ ଭୂମିକା ଗ୍ରହଣ କରିବେ । ଭାରତରେ ବିଶ୍ବକପ ଅନୁଷ୍ଠିତ ହେଉଥିବା ବେଳେ ଖେଳିବାକୁ ବେଶ ଖୁସି ଲାଗୁଛି । ଭାରତ ଏବେ ଦମଦାର ପ୍ରଦର୍ଶନ କରୁଥିବାବେଳେ ସେମିଫାଇନାଲରେ କଡ଼ା ଟକ୍କର ହେବ । ଯଦିଓ ଆମେ ପୂର୍ବରୁ ଭାରତକୁ ଆଇସିସିର ବଡ଼ ଟୁର୍ଣ୍ଣାମେଣ୍ଟରେ ହରାଇଛୁ ତଥାପି ଏଥରକ ଭାରତ ଭଲ ଫର୍ମରେ ରହିଛି ।
ଆଜି ରଣବୀର- ଦୀପିକାଙ୍କ ପଞ୍ଚମ ବିବାହ ବାର୍ଷିକୀ, ଜାଣନ୍ତୁ ବିବାହରେ କେତେ ଟଙ୍କା କରିଥିଲେ ଖର୍ଚ୍ଚ?
ମୁମ୍ବାଇ: ଦୀପିକା ଏବଂ ରଣବୀରଙ୍କ ଆଜି ହେଉଛି ପଞ୍ଚମ ମ୍ୟାରେଜ୍ ଆନିଭର୍ସରୀ । ବଲିଉଡର ବେଶ ଜଣାଶୁଣା ଏହି ଦମ୍ପତିଙ୍କ ବିବାହକୁ ପାଞ୍ଚ ବର୍ଷ ପୁରିଥିବାବେଳେ ବେଶ ହସଖୁସିରେ ଜୀବନ କଟୁଛି । ତେବେ ଏମାନଙ୍କ ବିବାହ ଏକ ରାଜକୀୟ ଶୈଳୀରେ ହୋଇଥିଲେ । ରୟାଲ ମ୍ୟାରେଜ କରିଥିବା ଏହି ଦମ୍ପତିଙ୍କ ବିବାହରେ କେତେ ଟଙ୍କା ହୋଇଛି? ତାକୁ ନେଇ ଆଜି ମଧ୍ୟ ଅନେକ ସମୟରେ ଚର୍ଚ୍ଚା ହୁଏ । ପୋଷାକଠାରୁ ଆରମ୍ଭ କରି ବିବାହ ମଣ୍ଡପ ପର୍ଯ୍ୟନ୍ତ । ସମସ୍ତ ଖର୍ଚ୍ଚ ମିଶି କେତେ ହୋଇଛି?
୨୦୧୮ ନଭେମ୍ବର ୧୪ ତାରିଖରେ ବିବାହ କରିଥିଲେ ଏହି ଷ୍ଟାର ଦମ୍ପତି । ଇଟାଲୀର ଲେକ କୋମାରେ ସେମାନଙ୍କ ବିବାହ ହୋଇଥିଲା । ଏକ ରାଜକୀୟ ଢ଼ଙ୍ଗରେ ବିବାହ ଉତ୍ସବ ଅନୁଷ୍ଠିତ ହୋଇଥିଲା । ଏହି ଲେକରେ ଥିବା ୭୬ ରୁମ ବୁକ କରିଥିଲେ । ତେବେ ଗୋଟିଏ ରୁମର ମୂଲ୍ୟ ରାତିକୁ ୩୩ ହଜାର ରହିଥିଲା । ୭୫ ରୁମ ୭ ଦିନ ପାଇଁ ବୁକ୍ କରିଥିଲେ । ଯାହାର ମୂଲ୍ୟ ହେଉଛି ୧ କୋଟି ୭୩ ଲକ୍ଷ୍ୟ ଟଙ୍କା । ଏହାସହ ଜାତୀୟ ଗଣମାଧ୍ୟମର ରିପୋର୍ଟ ମୁତାବକ ସମସ୍ତ ଖର୍ଚ୍ଚ ମିଶାଇ ୯୫ େକାଟି ଟଙ୍କାରୁ ଅଧିକ ହୋଇଥିବା କୁହାଯାଉଛି । ଯାହାକି ଶୁଣିଲେ ଆପଣଙ୍କୁ ମଧ୍ୟ ଆଶ୍ଚର୍ଯ୍ୟ ଲାଗିବ ନିଶ୍ଚୟ । ମାତ୍ର ରାଜକୀୟ ଢ଼ଙ୍ଗରେ ବିବାହ କରିଥିବାବେଳେ ବ୍ୟବୟବହୁଳ ବିବାହ ବୋଲି ମଧ୍ୟ କହିପାରିବା । ଯାହାକି ଗଣମାଧ୍ୟମରେ ମଧ୍ୟ ଖବର ପାଲଟିଥିଲା । ଦୀପିକା ପିନ୍ଧିଥିବା ମଙ୍ଗଳସୂତ୍ରର ଦାମ କେବଳ ୨୦ ଟଙ୍କା ଥିବା କୁହାଯାଉଛି ।
କୁକୁର କାମୁଡା ଓ ଗୋରୁଗାଈଙ୍କ ଆକ୍ରମଣ କ୍ଷେତ୍ରରେ କ୍ଷତିପୂରଣ ଦେବେ ସରକାର
ନୂଆଦିଲ୍ଲୀ: କୁକୁର କାମୁଡା କ୍ଷେତ୍ରରେ ପଞ୍ଜାବ ଓ ହରିଆଣା ହାଇକୋର୍ଟଙ୍କ ରାୟକୁ ନେଇ ହଲଚଲ। କୁକୁର କାମୁଡା ଓ ଗୋରୁଗାଈଙ୍କ ଆକ୍ରମଣ କ୍ଷେତ୍ରରେ ରାଜ୍ୟ ସରକାର କ୍ଷତିପୂରଣ ଦେବା ପାଇଁ ଦାୟୀ ବୋଲି କହିଛନ୍ତି ଅଦାଲତ। କୁକୁର କାମୁଡା କ୍ଷେତ୍ରରେ ଗୋଟିଏ ଦନ୍ତକ୍ଷତ ପାଇଁ ସର୍ବନିମ୍ନ ୧୦ ହଜାର ଟଙ୍କା ଏବଂ ୦ ଦଶମିକ ୨ ସେଣ୍ଟିମିଟରର କ୍ଷତ ଲାଗି ସର୍ବନିମ୍ନ ୨୦ ହଜାର ଟଙ୍କା ସହାୟତା ଦେବା ଜରୁରୀ ବୋଲି କହିଛନ୍ତି କୋର୍ଟ। କୁକୁର ଓ ଗାଈଗୋରୁଙ୍କ ଆକ୍ରମଣ ସଂକ୍ରାନ୍ତ ୧୯୩ଟି ପିଟିସନର ଶୁଣାଣି କରି ଏହା କହିଛନ୍ତି କୋର୍ଟ। ଦେଶରେ କୁକୁର କାମୁଡାକୁ ନେଇ ବିତର୍କ ଜାରି ରହିଥିବାବେଳେ ଅଦାଲତଙ୍କ ରାୟ ଗୁରୁତ୍ବପୂର୍ଣ୍ଣ ହୋଇଛି ।
ଗତ ଅକ୍ଟୋବରରେ ଓ୍ବାଘା ବକ୍ରି ଟି ଗ୍ରୁପର କାର୍ଯ୍ୟନିର୍ବାହୀ ନିର୍ଦ୍ଦେଶକ ପରାଗ ଦେଶାଇଙ୍କ ମୃତ୍ୟୁ ପରେ ସାରା ଦେଶରେ କୁକୁର କାମୁଡାକୁ ନେଇ ଝଡ ସୃଷ୍ଟି ହୋଇଥିଲା। ବୁଲାକୁକୁରଙ୍କଠାରୁ ରକ୍ଷା ପାଇବା ଲାଗି ଦୌଡିବା ବେଳେ ତଳେ ପଡିଯିବାରୁ ଦେଶାଇଙ୍କ ରକ୍ତକ୍ଷରଣ ହୋଇଥିଲା ଏବଂ ସେହି କାରଣରୁ ତାଙ୍କର ମୃତ୍ୟୁ ଘଟିଥିଲା ବୋଲି ହସ୍ପିଟାଲ ପକ୍ଷରୁ କୁହାଯାଇଥିଲା । ବୁଲା ଜୀବଜନ୍ତୁଙ୍କ ଆକ୍ରମଣ ଓ ସେମାନଙ୍କ ଯୋଗୁ ଘଟୁଥିବା ଦୁର୍ଘଟଣାରେ କ୍ଷତିଗ୍ରସ୍ତ ଲୋକଙ୍କୁ କ୍ଷତିପୂରଣ ଦେବା ସଂକ୍ରାନ୍ତରେ ଏକ କମିଟି ଗଠନ ଲାଗି ପଞ୍ଜାବ, ହରିଆଣା ଓ ଚଣ୍ଡୀଗଡ଼କୁ ନିର୍ଦ୍ଦେଶ ଦେଇଛନ୍ତି କୋର୍ଟ। ଏହି ପ୍ରାଣୀମାନଙ୍କ ମଧ୍ୟରେ ଅଛନ୍ତି ଗାଈ, ଷଣ୍ଢ, ବଳଦ, ଗଧ, କୁକୁର, ନୀଳଗାଈ, ପୋଢ଼ ଓ ଅନ୍ୟାନ୍ୟ ପୋଷା ପ୍ରାଣୀ ।
ସେମିଫାଇନାଲ ପାଇଁ ଏହି ନିୟମମାନ ଜାରି କରିଛି ମୁମ୍ବାଇ ପୋଲିସ
ମୁମ୍ବାଇ: ବୁଧବାର ବିଶ୍ବକପରେ ପ୍ରଥମ ସେମିଫାଇନାଲ ମ୍ୟାଚ ଖେଳାଯିବାକୁ ଯାଉଛି । ଏହି ହାଇଭୋଲଟେଜ ମ୍ୟାଚରେ ନ୍ୟୁଜିଲାଣ୍ଡ ଏବଂ ଭାରତ ମଧ୍ୟରେ ଅନୁଷ୍ଠିତ ହେବାକୁ ଯାଉଛି । ଭାରତରେ ବିଶ୍ବକପ ଅନୁଷ୍ଟିତ ହେଉଥିବାବେଳେ ଖେଳ ଦେଖିବା ପାଇଁ ଦର୍ଶକଙ୍କ ଭିଡ଼ ଜମୁଛି । ଗୋଟିଏ ଦିନରେ ସବୁ ଟିକେଟ ବିକ୍ରି ହୋଇଯାଇଛି । ଭିଡ଼କୁ ଦୃଷ୍ଟିରେ ରଖି ମୁମ୍ବାଇ ପୋଲିସ ପକ୍ଷରୁ କଡ଼ା ସୁରକ୍ଷା ବ୍ୟବସ୍ଥା କରାଯାଇଛି । ସେମିଫାଇନାଲ ମୁକାବିଲା ଦେଖିବା ପାଇଁ ଦର୍ଶକଙ୍କ ନାହିଁ ନଥିବା ଭିଡ଼ ଦେଖିବାକୁ ମିଳିଥିବାବେଳେ ଟିକେଟ କଳାବଜାରୀ ହେଉଥିବା ଅଭିଯୋଗ ଆସିଥିଲା । ମୁମ୍ବାଇ ପୋଲିସ କଡ଼ା ସୁରକ୍ଷା ବ୍ୟବସ୍ଥା କରିଥିବାବେଳେ କଳା ବଜାରି କରୁଥିବା ଜଣେ ବ୍ୟକ୍ତିଙ୍କୁ ଗିରଫ ମଧ୍ୟ କରିଛି ।
ଡିସିପି ପ୍ରବୀଣ ମୁଣ୍ଡେ କହିଛନ୍ତି କି, ଏହି ମ୍ୟାଚ ସମୟରେ ଷ୍ଟାଡିୟମରେ ପୋଲିସ ଛାଉଣି କରାଯିବ । ୬ଶହରୁ ଅଧିକ ପୋଲିସ ଅଧିକାରୀ ନିୟୋଜିତ ହେବେ । ଯେଭଳି ଖେଳ ସମୟରେ ଦର୍ଶକମାନେ କିଛି ବିଭ୍ରାନ୍ତ ନଉପୁଜାନ୍ତି ସେ ଉପରେ ଗୁରୁତ୍ବ ଦିଆଯିବ । ବିନା ଟିକେଟରେ ଯେଭଳି କେହି ପ୍ରବେଶ ନକରନ୍ତି ଏବଂ ଅପ୍ରିତିକର ପରିସ୍ଥିତି ସୃଷ୍ଟି ନହୁଏ ସେ ଉପରେ ଗୁରୁତ୍ବ ଦିଆଯିବ । ମ୍ୟାଚ ଅପରାହ୍ନ ୨ଟାରୁ ଆରମ୍ଭ ହେବାକୁ ଥିବାବେଳେ ୧୧ଟା୩୦ରୁ ଷ୍ଟାଡିୟମକୁ ଦର୍ଶକମାନେ ଯାଇପାରିବେ । ନିଷିଦ୍ଧ ସାମଗ୍ରୀ ନନେବାକୁ ଅନୁରୋଧ କରାଯାଇଥିବାବେଳେ ଶୀଘ୍ର ଯିବାକୁ କୁହାଯାଇଛି । ଅନେକ ସମୟରେ ଶେଷ ସମୟରେ ଦର୍ଶକମାନେ ଭିଡ଼ ଜମାଉଥିବାବେଳେ ସିଟ ପାଇଁ ଅସୁବିଧା ଉପୁଜିଥାଏ । ଏଣୁ ଶୀଘ୍ର ଯିବା ସହ ନିଜର ସିଟରେ ବସିବାକୁ କୁହାଯାଇଛି ।
ସୂଚନା ଥାଉକି, ଚଳିତ ବିଶ୍ବକପରେ ଭାରତ ୯ଟି ଯାକ ଲିଗ ମ୍ୟାଚ ଜିତିଥିବାବେଳେ ପଏଣ୍ଟ ଟେବୁଲର ଶୀର୍ଷରେ ରହିବା ସହ ସେମିରେ ପ୍ରବେଶ କରିଛି । ଚତୁର୍ଥ ସ୍ଥାନରେ ରହିଥିବା ନ୍ୟୁଜିଲାଣ୍ଡକୁ ଭାରତ ଭେଟୁଥିବାବେଳେ ଏହି ନକଆଉଟ ମ୍ୟାଚରେ ଭାରତର ପ୍ରଦର୍ଶନ କିଭଳି ହେବ ତାକୁ ନେଇ କ୍ରିକେଟପ୍ରେମୀମାନେ ଚିନ୍ତାରେ ରହିଛନ୍ତି । ପୂର୍ବରୁ ଆଇସିସିର ବଡ଼ ଟୁର୍ଣ୍ଣାମେଣ୍ଟରେ ଭାରତ ନ୍ୟୁଜିଲାଣ୍ଡଠାରୁ ହାରିବାର ରେକର୍ଡ ରହିଛି । ସେ ୨୦୧୯ ଦିନିକିଆ ବିଶ୍ବକପର ସେମିଫାଇନାଲ ହେଉ ବା ଟେଷ୍ଟ ଚାମ୍ପିୟନସିପ୍ ।
ବଦ୍ରିନାଥ ଯାଇଥିବା ବେଳେ ବରିଷ୍ଠ ନାଗରିକଙ୍କ ଘରୁ ଚୋରି
ଭୁବନେଶ୍ବର: ବଦ୍ରିନାଥ ଯାଇଥିବା ବେଳେ ବରିଷ୍ଠ ନାଗରିକଙ୍କ ଘରୁ ଚୋରି । ପୁଣି ଥରେ ହାଇ ସିକ୍ୟୁରିଟି ଜୋନ ଆପାର୍ଟମେଣ୍ଟରେ କଳାକନା ବୁଲାଇଛନ୍ତି ଲୁଟେରା । ଭୁବନେଶ୍ବର ଭରତପୁର ନିକଟ ଏକ ଆପାର୍ଟମେଣ୍ଟର ତ୍ରିଲୋଚନ ଦାସଙ୍କ ଘରୁ ଚୋରି ହୋଇଥିବା ଅଭିଯୋଗ ହୋଇଛି । ଘରେ କେହି ନଥିବାବେଳେ ୫ ଲକ୍ଷ ଟଙ୍କାର ସୁନା ଗହଣା ଓ ଆସବାବପତ୍ର ନେଇଯାଇଛନ୍ତି ଲୁଟେରା । ଚୋରିବେଳର ଦୃଶ୍ୟ ସିସିଟିଭିରେ କଏଦ ହୋଇଛି । ଏନେଇ ଭରତପୁର ଥାନାରେ ଅଭିଯୋଗ ପରେ ପୋଲିସ ତଦନ୍ତ ଆରମ୍ଭ ଆରମ୍ଭ କରିଛି । ମାସେ ଭିତରେ ରାଜଧାନୀର ୨୨ଟି ଆପାର୍ଟମେଣ୍ଟରେ କଳାକନା ବୁଲାଇ ସାରିଲେଣି ଲୁଟେରା ।
ଶିଶୁ ଦିବସରେ ଶୁଭାରମ୍ଭ ହେଲା ନୂଆ ଯୋଜନା ’ଆମ କୁନିପିଲା’
ଭୁବନେଶ୍ବର: ଶିଶୁ ଦିବସରେ ଶୁଭାରମ୍ଭ ହେଲା ନୂଆ ଯୋଜନା ଆମ କୁନିପିଲା । ଯୋଜନାରେ ଶିଶୁମାନଙ୍କୁ ଘରେ ହିଁ ମିଳିବ ଆନନ୍ଦଦାୟକ ବନ୍ଧୁତ୍ଵପୂର୍ଣ୍ଣ ଅନୁକୂଳ ପରିବେଶ । ଘରର ପୁରୁଷ ସଦସ୍ୟମାନଙ୍କୁ କରାଯିବ ଶିଶୁ ଯତ୍ନରେ ସମ୍ପୃକ୍ତି । ପ୍ରତି ଶିଶୁର ପ୍ରଥମ ହଜାର ଦିନ ହେଉଛି ଗଭୀର ସମ୍ବେଦନଶୀଳ ସମୟ । ଏହି ଦିନରେ ଶିଶୁଙ୍କ ମସ୍ତିଷ୍କର ବିକାଶ ଓ ଶାରୀରିକ ବିକାଶ ଆରମ୍ଭ ହୋଇଥାଏ ଓ ଜୀବନବ୍ୟାପୀ ସ୍ବାସ୍ଥ୍ୟର ମୂଳଦୁଆ ପଡିଥାଏ । ଏହି ସମୟ ମଧ୍ୟରେ ଉଭୟ ମାଆ ଓ ଶିଶୁର ଯତ୍ନ ଏବଂ ପୁଷ୍ଟିକର ପୋଷଣ ଉପରେ ଶିଶୁର ବୃଦ୍ଧି ନିର୍ଭର କରିଥାଏ ।
ଶିଶୁ ଦିବସରେ ଶିଶୁ ମାନଙ୍କୁ ଶୁଭେଚ୍ଛା ଜଣାଇ ମୁଖ୍ୟମନ୍ତ୍ରୀ କହିଛନ୍ତି, ଶିଶୁମାନେ ଦେଶର ଶକ୍ତି ଓ ପ୍ରଗତିର ସୂତ୍ରଧର । ଶୈଶବ କାଳରୁ ଶିଶୁମାନଙ୍କୁ ଉଚିତ ଶିକ୍ଷା, ସ୍ୱାସ୍ଥ୍ୟସେବା ଓ ପରିବେଶ ପ୍ରଦାନ କରାଗଲେ ସେମାନେ ଜଣେ ଜଣେ ସୁନାଗରିକ ହୋଇପାରିବେ । ମହିଳା ଓ ଶିଶୁ ବିକାଶ ବିଭାଗ ପକ୍ଷରୁ ଆମ କୁନିପିଲା କାର୍ଯ୍ୟକ୍ରମର ଶୁଭାରମ୍ଭ କରାଯାଇଛି । ଏହି କାର୍ଯ୍ୟକ୍ରମରେ ନିଜ ପରିବାରରେ ଶିଶୁର ଯତ୍ନ, ତିନି ବର୍ଷରୁ କମ ପିଲାମାନଙ୍କ ପାଳନରେ ଉଭୟ ପିତାମାତା ହାୟିତ୍ବ ସହ ସେମାନଙ୍କ ଶିଶୁ ଯତ୍ନ ଭିଭିକ ଦକ୍ଷତା ବୃଦ୍ଧି ଓ କମ୍ ମୂଲ୍ୟରେ ତିଆରି ଖେଳଣା ମାଧ୍ୟମରେ ଶିଶୁମାନଙ୍କ ମସ୍ତିଷ୍କ ବିକାଶ ଉପରେ ଗୁରୁତ୍ବ ଦିଆଯାଇଛି ।
ପିତାମାତା ଓ ପରିବାରର ଅନ୍ୟ ଯତ୍ନ ପ୍ରଦାନକାରୀଙ୍କୁ ଶିଶୁର ପ୍ରାରମ୍ଭିକ ବର୍ଷ ପ୍ରତି ସମ୍ବେଦନଶୀଳ କରାଇବା, ପରିବାରର ପୁରୁଷ ମାନଙ୍କୁ ଶିଶୁ ଯତ୍ନରେ ସମ୍ପୃକ୍ତି କରିବା, ପିତାମାତା ଓ ପରିବାର ଅନ୍ୟ ଯତ୍ନ ପ୍ରଦାନକାରୀଙ୍କ ଦ୍ବାରା କମ୍ ମୂଲ୍ୟର ପରିବେଶ ଅନୁକୁଳ ସାମଗ୍ରୀ ଓ ଖେଳଣା ସହିତ ଶିଶୁ ମାନଙ୍କୁ ନିଯୋଜିତ କରିବା, ଅଙ୍ଗନବାଡିକର୍ମୀଙ୍କ ଦ୍ଵାରା ଖେଳଣା, ଗପ ଏବଂ ସ୍ନେହଭରା କଥା,ଭଲ ପାଇବା, ସ୍ପର୍ଶ ଓ ଖେଳ ଦ୍ଵାରା ଶିଶୁମାନଙ୍କୁ ଏକ ସକରାତ୍ମକ ପରିବେଶ ଦେବା ସହ ସେମାନଙ୍କୁ ସକ୍ରିୟ କରେଇବା ଆଦି ଏହି କାର୍ଯ୍ୟକ୍ରମର ମୂଳ ଲକ୍ଷ୍ୟ ।
ଏକ ଉତ୍ସାହଜନକ ପରିବେଶ ସୃଷ୍ଟି କରି ପିତାମାତାଙ୍କ ନେତୃତ୍ଵାଧୀନରେ ଘରେ ହିଁ ଆନନ୍ଦଦାୟକ ଶିଶୁ ବନ୍ଧୁତ୍ବପୂର୍ଣ୍ଣ ଶିକ୍ଷଣକୁ ପ୍ରୋତ୍ସାହିତ କରିବା ପାଇଁ ଆମ କୁନି ପିଲା କାର୍ଯ୍ୟକଳାପ ଧାର୍ଯ୍ୟ କରାଯାଇଛି । ଏହି କାର୍ଯ୍ୟକ୍ରମକୁ ସୁଦୃଢ କରିବା ପାଇଁ ବିଭିନ୍ନ ସୂଚନାତ୍ମକ ସାମଗ୍ରୀ ଯଥା ମୋ ବିକାଶ ପତ୍ର, କୁନି କାଲେଣ୍ଡର, ଆମ କୁନି ପିଲା ଫିଲ୍ମ୍ ବୁକ୍, ସୁଖଦ ଲାଳନ ପାଳନ ହାଣ୍ଡ ବୁକ୍ ଓ ଆମ କୁନି ପିଲା ଟିଏ କିଟ୍ ଆଦିକୁ ମଧ୍ୟ ପ୍ରସ୍ତୁତ କରାଯାଇଛି ।
ନଭେମ୍ବର ୨୧ରେ ଓଡ଼ିଶା ବିଧାନସଭା ଉପବାଚସ୍ପତି ନିର୍ବାଚନ
ଭୁବନେଶ୍ବର: ନଭେମ୍ବର ୨୧ରେ ଉପବାଚସ୍ପତି ନିର୍ବାଚନ । ଓଡ଼ିଶା ବିଧାନସଭାର ଉପବାଚସ୍ପତି ନିର୍ବାଚନ ନେଇ ବିଧାନସଭାର ସମସ୍ତ ସଦସ୍ୟଙ୍କୁ ଚିଠି ପଠାଯାଇଛି । ୨୧ତାରିଖ ସକାଳ ୯ଟା ୩୦ରେ ନିର୍ବାଚନ ହେବ। ଏ ନେଇ ବିଧାନସଭାର ସମସ୍ତ ସଦସ୍ୟଙ୍କୁ ବିଧାନସଭା ସଚିବ ଚିଠି ଲେଖିଛନ୍ତି।
୨୦ ତାରିଖ ମଧ୍ୟାହ୍ନ ୧୨ଟା ସୁ୍ଦ୍ଧା ନାମାଙ୍କନ ଦାଖଲ କରିବେ ସଦସ୍ୟ । ୨୧ ତାରିଖ ନିର୍ବାଚନ ହେବ । ଉପ ବାଚସ୍ପତି ରଜନୀକାନ୍ତ ସିଂଙ୍କ ଇସ୍ତଫା ପରେ ଖାଲିପଡ଼ିଛି ଏହି ପଦ ।