ବିବେକାନନ୍ଦ ଶିକ୍ଷା କେନ୍ଦ୍ର ଓ ବିବେକାନନ୍ଦ ପବ୍ଲିକ ସ୍କୁଲର ୨୬ ତମ ବାର୍ଷିକ କ୍ରୀଡା ପ୍ରତିଯୋଗିତା ଅନୁଷ୍ଠିତ

ଭୁବନେଶ୍ୱର : ବିବେକାନନ୍ଦ ଶିକ୍ଷା କେନ୍ଦ୍ର ଓ ବିବେକାନନ୍ଦ ପବ୍ଲିକ ସ୍କୁଲର ୨୬ ତମ ବାର୍ଷିକ କ୍ରୀଡା ପ୍ରତିଯୋଗିତା ଅନୁଷ୍ଠିତ ହୋଇଯାଇଛି । ଏଥିରେ ମୁଖ୍ୟ ଅତିଥି ଭାବରେ ମହିଳା ଗ୍ରାଣ୍ଡ ମାଷ୍ଟର କିରଣ ମନୀଷା ମହାନ୍ତି ଯୋଗଦେଇ ଏହାକୁ ଉଦଘାଟନ କରିଛନ୍ତି । ସମ୍ମାନିତ ଅତିଥି ଭାଵରେ ନନ୍ଦିଘୋଷ ଟିଭି ମୁଖ୍ୟ ସମ୍ପାଦକ ଶିଶିର ଭଟ୍ଟ ମିଶ୍ର, ବାଲଭବନର ଅଧ୍ୟକ୍ଷ ବୀରେନ୍ଦ୍ର କୁମାର ମିଶ୍ର, ବିବେକାନନ୍ଦ ପବ୍ଲିକ ସ୍କୁଲର ପ୍ରିନ୍ସିପାଲ ବିଜୟ ଲଷ୍ମୀ ଦାଶ, କର୍ପୋରେଟର ଯଶୋଧାରା ପ୍ରଧାନ, ବ୍ୟାଙ୍କ ଅଫ ଇଣ୍ଡିଆର ମ୍ୟାନେଜର, ବିବେକାନନ୍ଦ ଶିକ୍ଷା କେନ୍ଦ୍ରର ପୂର୍ବତନ ଉପସଭାପତି ଚକ୍ରଧର ମିଶ୍ର ପ୍ରମୁଖ ଯୋଗ ଦେଇଥିଲେ।

ଓଡିଶା ହେଉଛି ଖେଳର ରାଜଧାନୀ। ବିଶ୍ୱ ଦରବାରରେ ଓଡ଼ିଶା ସ୍ୱତନ୍ତ୍ର ପରିଚୟ ସୃଷ୍ଟି କରିଛି। ସ୍କୁଲରେ ଛାତ୍ର ଛାତ୍ରୀ ମାନଙ୍କ ମଧ୍ୟରେ ଖେଳୁଆଡ଼ ମନୋଭାବ ଓ ପ୍ରତିଭାକୁ ଦେଖି ଉତ୍ସାହିତ ଲାଗୁଛି ବୋଲି କହିଛନ୍ତି କିରଣ ମନୀଷା । ସ୍କୁଲ ସମୟରେ ଛୋଟ ବେଳୁ ଛାତ୍ର ଛାତ୍ରୀଙ୍କ ମଧ୍ୟରେ ଖେଳକୁଦରେ ଭାଗ ନେଲେ ସେମାନଙ୍କ ଶିକ୍ଷା ସହିତ ସମାଜ ଶୃଙ୍ଖଳିତ ହେବା ସହିତ ଭବିଷ୍ୟତ ଉଜ୍ଜ୍ୱଳ ହେବ। ରାଜ୍ୟ ସରକାର ଖେଳକୁ ଏବେ ଗୁରୁତ୍ୱ ଦେଉଛନ୍ତି ବୋଲି କହିଛନ୍ତି କିରଣ ମନୀଷା ।

ସେହିପରି ବିବେକାନନ୍ଦ ହେଉଛନ୍ତି ସକରାତ୍ମକ ଉର୍ଜ୍ଜା ଓ ଯୁବଶକ୍ତିର ପ୍ରତୀକ। କ୍ରୀଡ଼ା କ୍ଷେତ୍ରରେ ସମଗ୍ର ଦେଶରେ ଓଡିଶା ଏକ ସ୍ୱତନ୍ତ୍ର ସ୍ଥାନ ସୃଷ୍ଟି କରିଛି । ଆଜିର ଦିନରେ ଭଲ ପଠା ପଢା ସହିତ ଖେଳକୁଦ ନିହାତି ଜରୁରୀ ବୋଲି ଅନ୍ୟତମ ଅତିଥି ତଥା ନନ୍ଦିଘୋଷ ଟିଭି ମୁଖ୍ୟ ସମ୍ପାଦକ ଶିଶିର ଭଟ୍ଟ ମିଶ୍ର କହିଛନ୍ତି । ଅନ୍ୟ ଅତିଥି ମଧ୍ୟ ବାର୍ଷିକ କ୍ରୀଡା ଉତ୍ସବରେ ଛାତ୍ର ଛାତ୍ରୀଙ୍କ ଶୁଭେଚ୍ଛା ଜଣାଇବା ସହ ଶିକ୍ଷା ସହି ଖେଳକୁଦ ଅଵଶ୍ୟକ ବୋଲି ମତ ରଖିଥିଲେ। ଶେଷରେ ଅତିଥି ମାନେ ସ୍ପୋର୍ଟସ ଫ୍ଲାଗ ଓ ମଶାଲ ଧରି ବୁଲିବା ପରେ ବାର୍ଷିକ ପ୍ରତିଯୋଗିତା ଆରମ୍ଭ ହୋଇଥିଲା ।