କେନ୍ଦୁଝର : ଟ୍ରକ ଧକ୍କାରେ ବାପା ଓ ପୁଅ ମୃତ। ଖବର ପାଇ ହୃଦଘାତରେ ଦାଦାଙ୍କ ମୃତ୍ୟୁ ହୋଇଛି। ଏପରି ମର୍ମନ୍ତୁଦ ଘଟଣା ଘଟିଛି କେନ୍ଦୁଝର ଘଟଗାଁରେ। ଆଜି ସକାଳ ୯ଟାରେ ବାରିଗାଁରୁ ବାପା କାଣ୍ଡେ ମୁଣ୍ଡା ଓ ପୁଅ ଲକ୍ଷ୍ମଣ ମୁଣ୍ଡା ଏକ ସ୍କୁଟି ଯୋଗେ ବାଙ୍କପାଟୁଳୀ ସାପ୍ତାହିକ ହାଟକୁ ଆସୁଥିବା ବେଳେ ପିପିଳିଆ ଛକ ନିକଟରେ କେନ୍ଦୁଝର ପଟକୁ ଆସୁଥିବା ଏକ ରଡ଼ ବୋଝେଇ ଆଇଚର ଗାଡ଼ି ସ୍କୁଟିକୁ ଧକ୍କା ଦେଇଥିଲା। ଘଟଣାସ୍ଥଳରେ ବାପ ପୁଅ ଦୁଇ ଜଣଙ୍କ ମୃତ୍ଯୁ ଘଟିଥିଲା।
ଅପରପଟେ ଏହି ଖବର ଗାଁରେ ପହଞ୍ଚିବା ପରେ ପୁଅର ଦାଦା ସମରା ମୁଣ୍ଡାଙ୍କ ହୃଦଘାତରେ ମୃତ୍ଯୁ ଘଟିଥିଲା। ଦୁର୍ଘଟଣା ପରେ ଉତ୍ତ୍ଯକ୍ତ ଲୋକେ କ୍ଷତିପୂରଣ ଦାବିରେ NH-20କୁ ଅବରୋଧ କରିଛନ୍ତି। ଖବର ପାଇ ପୋଲିସ ଘଟଣାସ୍ଥଳରେ ପହଞ୍ଚି ଲୋକଙ୍କୁ ବୁଝାସୁଝା କରୁଛି ।
