କାସଗଞ୍ଜ: ଗଙ୍ଗାରେ ଗାଧୋଇବାକୁ ଯାଉଥିବା ବେଳେ ଘଟିଲା ଅଘଟଣ। ଭକ୍ତଙ୍କୁ ନେଇ ଯାଉଥିବା ଏକ ଟ୍ରାକ୍ଟର ଉତ୍ତରପ୍ରଦେଶର ଦରିଆବଗଞ୍ଜ ପଟିଆଲି ରାସ୍ତାରେ ଥିବା ଗଡଇ ଗାଁ ନିକଟ ପୋଖରୀରେ ଓଲଟି ପଡିଛି। ପାଣିରେ ବୁଡ଼ିଯାଇ ୭ ଶିଶୁଙ୍କ ସମେତ ୧୫ ଜଣଙ୍କ ମୃତ୍ୟୁ ଘଟିଛି।
ଜିଲ୍ଲାପାଳଙ୍କ ସୂଚନା ଅନୁଯାୟୀ, ୭ ଶିଶୁ ଏବଂ ୮ ମହିଳାଙ୍କ ସମେତ ମୋଟ୍ ୧୫ ମୃତଦେହ ଉଦ୍ଧାର କରାଯାଇଛି। ଏଥିରେ ତିନି ଜଣ ଆହତ ହୋଇଥିବା କୁହାଯାଉଛି। ତେବେ ଚିତ୍କାର ଶୁଣି ଗ୍ରାମବାସୀ ଘଟଣାସ୍ଥଳକୁ ଦୌଡିଯାଇ ଲୋକଙ୍କୁ ଉଦ୍ଧାର କରିବାରେ ଲାଗିଥିଲେ । ପରେ ଖବର ପାଇ ଘଟଣାସ୍ଥଳରେ ପହଞ୍ଚିଥିଲେ ଉଦ୍ଧାରକାରୀ ଦଳ। ପୋଖରୀରୁ ଉଦ୍ଧାର ହୋଇଥିବା ଭକ୍ତମାନଙ୍କୁ ପଟିଆଲିସ୍ଥିତ ସ୍ୱାସ୍ଥ୍ୟକେନ୍ଦ୍ରକୁ ପଠାଯାଇଛି।
ତେବେ ପୂର୍ଣ୍ଣିମା ପାଇଁ ଗଙ୍ଗାରେ ବୁଡ଼ ପକାଇବାକୁ ଲୋକମାନେ କସଗଞ୍ଜର ପାଟିଆଲି ତହସିଲ ଅଞ୍ଚଳର କାଦରଗଞ୍ଜ ଗଙ୍ଗା ଘାଟକୁ ଯାଉଥିଲେ। ପରେ ଦରିଆବଗଞ୍ଜ ଅଞ୍ଚଳର ଗଡଇ ଗାଁ ନିକଟରେ ଦୁର୍ଘଟଣାରୁ ବଞ୍ଚିବାକୁ ଯାଇ ଚେଷ୍ଟା ନିୟନ୍ତ୍ରଣ ହରାଇଦେଇଥିଲା ଡ୍ରାଇଭର୍ । ଫଳରେ ଟ୍ରଲି ପୋଖରୀକୁ ଖସିପଡିଥିଲା।
ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥ ଶୋକସନ୍ତପ୍ତ ପରିବାରକୁ ସମବେଦନା ଜଣାଇଛନ୍ତି। ମୃତକଙ୍କ ପରିବାରକୁ ତୁରନ୍ତ ୨ ଲକ୍ଷ ଟଙ୍କାର ଆର୍ଥିକ ସହାୟତା ପ୍ରଦାନ କରିବାକୁ ନିର୍ଦ୍ଦେଶ ମଧ୍ୟ ଦେଇଛନ୍ତି। ଏହାବ୍ୟତୀତ ସମସ୍ତ ଗୁରୁତର ଆହତଙ୍କୁ ୫୦ ହଜାର ଟଙ୍କା ଦେବାକୁ ନିର୍ଦ୍ଦେଶ ଦିଆଯାଇଛି।
