ପାକିସ୍ତାନ ସୀମାରେ ପଶି ଆକ୍ରମଣ କଲା ଇରାନ ସେନା
ଲାହୋର: ପାକିସ୍ତାନ ସୀମାରେ ପଶି ଆକ୍ରମଣ କରିଛି ଇରାନ ସେନା। ସୀମାରେ ପଶି ବହୁ ଆତଙ୍କବାଦୀଙ୍କୁ ନିପାତ କରିଛି ଇରାନ ସେନା। ଜୈସ ଅଲ ଅଦଲର ଠିକଣା ଉପରେ ଆକ୍ରମଣ କରିଛି। ଆକ୍ରମଣରେ ଆତଙ୍କବାଦୀ ସଂଗଠନ ଜୈସ ଅଲ ଅଦଲର କମାଣ୍ଡର ନିପାତ ହୋଇଥିବା ସୂଚନା ମିଳିଛି।
ଜୈସ ଅଲ ଅଦଲର କମାଣ୍ଡର ଇସ୍ମାଇଲ ଶାହବକ୍ସ ନିପାତ ହୋଇଥିବା ଜଣାପଡ଼ିଛି। ଜୈସ ଅଲ ଅଦଲକୁ ଆତଙ୍କବାଦୀ ସଂଗଠନ ଘୋଷଣା କରିଥିଲା ଇରାନ। ୨୦୧୨ ରେ ଗଠନ ହୋଇଥିଲା ଏହି ଆତଙ୍କବାଦୀ ସଂଗଠନ ଜୈସ ଅଲ ଅଦଲ। ମାସକ ପୂର୍ବରୁ ପାକିସ୍ତାନ ଓ ଇରାନ ମଧ୍ୟରେ ଆକାଶମାର୍ଗରୁ ହମଲା ହୋଇଥିବା ଖବର ସାମ୍ନାକୁ ଆସିଥିବାବେଳେ ଆଜି ପାକିସ୍ତାନ ସୀମାରେ ପଶି ଆକ୍ରମଣ କରିଛି ଇରାନ।
