ଇସଲାମାବାଦ: ପାକିସ୍ତାନରେ ଚାଲିଛି ଭୋଟିଂ । ଇମ୍ରାନ ଖାନ୍ ଜେଲରେ ଥିବାରୁ ପୂର୍ବତନ ପ୍ରଧାନମନ୍ତ୍ରୀ ନଓ୍ବାଜ୍ ସରିଫ ରେସରେ ଆଗରେ ରହିଛନ୍ତି । ଭୋଟ ଜାରି ରହିଥିଲାବେଳେ ପାକିସ୍ତାନରେ କିନ୍ତୁ ହାହାକାର ଦେଖାଯାଇଛି । ପାକିସ୍ତାନର ଲୋକମାନେ ଚାହିଁଲେ ବି ମୋବାଇଲ୍ ବ୍ୟବହାର କରିପାରୁ ନାହାନ୍ତି। ଏହାର କାରଣ ହେଉଛି ସେଠାରେ ମୋବାଇଲ୍ ସେବାରେ ପ୍ରତିବନ୍ଧକ ଲଗାଯାଇଛି ।
ସୂଚନା ଅନୁସାରେ, ସୁରକ୍ଷା ବ୍ୟବସ୍ଥାକୁ ଦୃଷ୍ଟିରେ ରଖି ପାକିସ୍ତାନ ମନ୍ତ୍ରଣାଳୟ ସାମୟିକ ଭାବେ ମୋବାଇଲ୍ ସେବା ବନ୍ଦ ରଖିଛି । ମନ୍ତ୍ରଣାଳୟର କହିବା ଅନୁସାରେ, ନିର୍ବାଚନ ପୂର୍ବରୁ ଆତଙ୍କବାଦୀ ଆକ୍ରମଣ ହେବା ଆଶଙ୍କା କରି ସରକାର ଏହି ନିଷ୍ପତ୍ତି ନେଇଛନ୍ତି । କେବଳ ଏତିକି ନୁହେଁ ଜେଲରେ ଥିବା ପୂର୍ବତନ ପ୍ରଧାନମନ୍ତ୍ରୀ ଇମ୍ରାନ ଖାନ ତାଙ୍କ ସମର୍ଥନଙ୍କୁ ନିର୍ବାଚନ ଫଳାଫଳ ଘୋଷଣା ନ ହେଲା ଯାଏ ମତଦାନ କେନ୍ଦ୍ର ଆଗରେ ଠିଆ ହେବାକୁ କହିଥିଲେ । ଏହି କାରଣରୁ ମୋବାଇଲ ସେବା ବନ୍ଦ ରଖାଯାଇଛି ।
ଗତକାଲି ପାକିସ୍ତାନରେ ଦୁଇଟି ବିସ୍ଫୋରଣ ହୋଇ ୨୬ ଜଣଙ୍କର ମୃତ୍ୟୁ ହୋଇଥିଲା । ଏଥିପାଇଁ ନେଟଓ୍ବର୍କ ବନ୍ଦ ରହିଛି । ଲୋକମାନେ ବାହାର ଦୁନିଆ ସହ କୌଣସି ବି ସମ୍ପର୍କରେ ନାହାନ୍ତି । ଆଜି ସକାଳ ୮ଟାରୁ ପାକିସ୍ତାନରେ ଆରମ୍ଭ ହୋଇଛି ମତଦାନ । ପୂର୍ବତନ ପ୍ରଧାନମନ୍ତ୍ରୀଙ୍କ ଦଳ ଏ ଥର ବହୁମତରେ ଜିତିବା ଆଶଙ୍କା କରାଯାଉଛି ।
