ନନ୍ଦିଘୋଷ ବ୍ୟୁରୋ: ଲୋକପ୍ରିୟ ସିଙ୍ଗର ସିଦ୍ଧୁ ମୁଶାୱାଲାଙ୍କ ମା’ ଏବେ ପୁଣି ମା’ ହେବାକୁ ଯାଉଛନ୍ତି । ସେ ଆଗାମୀ ମାର୍ଚ୍ଚ ମାସରେ ଏକ ଶିଶୁକୁ ଜନ୍ମ ଦେବେ । ଚରଣକୌର ଆଇଭିଏଫ ଜ୍ଞାନକୌଶଳ ବ୍ୟବହାର କରି ଏହି ସନ୍ତାନକୁ ଜନ୍ମ ଦେବେ । ସିଦ୍ଧୁ ମୁଶାଓ୍ବାଲାଙ୍କ ମୃତ୍ୟୁ ପରେ ପୁଣି ତାଙ୍କ ଘରେ ଖୁସି ଲହରୀ ଖେଳିବାକୁ ଯାଉଛି ।

୨୦୨୨ ମସିହାରେ ଗୁଳି କରି ସିଦ୍ଧୁ ମୁଶାଓ୍ବାଲାଙ୍କୁ ହତ୍ୟା କରାଯାଇଥିଲା । ସେ ତାଙ୍କ ବାପା ମାଆଙ୍କର ଗୋଟିଏ ବୋଲି ପୁଅ ଥିଲେ । ଏବେ ଆଇଭିଏଫ ଟେକନିକ ବ୍ୟବହାର କରି ତାଙ୍କ ମା’ ସନ୍ତାନ ଜନ୍ମ ଦେବାକୁ ଯାଉଛନ୍ତି । ସୁରକ୍ଷା କାରଣରୁ ସିଦ୍ଧୁଙ୍କ ବାପା ଏ ନେଇ କିଛି ସୂଚନା ଦେଇ ନାହାନ୍ତି । ତାଙ୍କ ମାମୁଁ ଚମକୌର ସିଂହ କିନ୍ତୁ ସନ୍ତାନ ହେବା ନେଇ ସୂଚନା ଦେଇଛନ୍ତି । ସିଦ୍ଧୁଙ୍କ ପରିବାର ପାଇଁ ଜଣେ ଉତ୍ତରାଧିକାରୀ ଭାବେ ଶିଶୁ ପାଇଁ ସମସ୍ତେ ପ୍ରାର୍ଥନା କରୁଥିଲେ । ଏହି ଖବର ତାଙ୍କ ପ୍ରଶଂସକ ପାଇବା ପରେ ବେଶ ଖୁସି ଅନୁଭବ କରିଛନ୍ତି ।

ଭୁବନେଶ୍ବର: ଆସନ୍ତାକାଲିଠୁ ୪ ଦିନିଆ ଓଡ଼ିଶା ଗସ୍ତରେ ଆସୁଛନ୍ତି ରାଷ୍ଟ୍ରପତି। ମହାମହିମଙ୍କ ଗସ୍ତ ପାଇଁ ଟୁଇନ ସିଟିରେ ହାଇ ଆଲର୍ଟ । ବ୍ଲୁ ବୁକ ଗାଇଡଲାଇନ ମୁତାବକ ରହିବ ସୁରକ୍ଷା । ଏହା ପୂର୍ବରୁ ହେବ ରାଷ୍ଟ୍ରପତିଙ୍କ କାରକେଡ଼ ରିହାର୍ସାଲ । ମୟୂରଭଞ୍ଜ, କେନ୍ଦୁଝର, ବ୍ରହ୍ମପୁର, କଟକ, ସମ୍ବଲପୁର ଗସ୍ତ କରିବେ ରାଷ୍ଟ୍ରପତି। କଟକ ଭୁବନେଶ୍ୱରରେ ସୁରକ୍ଷା ପାଇଁ ଜୋରଦାର ହୋଇଛି ପ୍ରସ୍ତୁତି । ଟୁଇନସିଟିରେ ମୁତୟନ ହେବେ ୫୦ ପ୍ଲାଟୁନ ପୋଲିସ ଫୋର୍ସ । ୨୯ ତାରିଖ ଭୁବନେଶ୍ୱର ଉତ୍କଳ ବିଶ୍ୱବିଦ୍ୟାଳୟରେ କାର୍ଯ୍ୟକ୍ରମ ରହିଛି । ସେହିପରି ଭୁବନେଶ୍ୱର ପାଇଁ 30 ପ୍ଲାଟୁନ ପୋଲିସ ଫୋର୍ସ ମୁତୟନ ହେବେ । ଜଣେ ଡିସିପିଙ୍କ ସହ ୧୦ଜଣ ଅତିରିକ୍ତ ଡିସିପି, ୨୦ ଜଣ ଏସିପି, ୩୮ଜଣ ଇନ୍ସପେକ୍ଟର, ୧୬୦ ଜଣ ଏସଆଇ, ଏଏସଆ, ୨ ୟୁନିଟ STU ମୁତୟନ ହେବେ । ବ୍ଲୁ ବୁକ ଗାଇଡଲାଇନ ମୁତାବକ ପୁରା ସହର ପୋଲିସ ଛାଉଣୀ ହେବ ବୋଲି କହିଛନ୍ତି ପୋଲିସ କମିଶନର । କଟକରେ ୧ ତାରିଖ ରାଷ୍ଟ୍ରପତିଙ୍କ କାର୍ଯ୍ୟକ୍ରମ ରହିଛି ।