ପୋଲିସ ଏସଆଇ ପରୀକ୍ଷା ସ୍କାମ । ଆନ୍ତଃ ରାଜ୍ୟ ଲିଙ୍କ ନେଇ ଆଉ ଜଣଙ୍କୁ ଗିରଫ କଲା ସିବିଆଇ । ବାହାର ରାଜ୍ୟରୁ ନୀତୁ ଆରୋରାଙ୍କୁ ଗିରଫ କରିବା ପରେ ଟ୍ରାଞ୍ଜିଟ ରିମାଣ୍ଡରେ ଆଣିଛି ସିବିଆଇ । ସେପଟେ ୨ ଦିନିଆ ରିମାଣ୍ଡ ଶେଷ ହେବା ପରେ ଅଭିଯୁକ୍ତ ମୁନା ମହାନ୍ତି, ଟି. ଅଭିମନ୍ୟୁ ଦୋରା , ଶ୍ରୀକାନ୍ତ ମହାରଣା ଓ ପ୍ରିୟଦର୍ଶିନୀ ସାମଲଙ୍କୁ କୋର୍ଟରେ ହାଜର କରିଛି ସିବିଆଇ । ପୂର୍ବରୁ ବିହାରରୁ ନୀତୀଶକୁ ଗିରଫ କରାଯାଇଥିଲା । ରିମାଣ୍ଡ ଅବଧି ସମୟରେ ବଡ଼ବଡ଼ିଆଙ୍କ ସମ୍ପୃକ୍ତି ପଦାକୁ ଆସିବା ନେଇ ଚର୍ଚ୍ଚା ଜୋର ଧରିଛି । ୨୫ ଲକ୍ଷ ଟଙ୍କା ବିନିମୟରେ କିଭଳି ମିଳୁଥିଲା ଚାକିରୀ ? ପାୱାର କରିଡରରେ କିଏ ଦେଉଥିଲା ବ୍ୟାକ୍ ସପୋର୍ଟ ? କାହା ଛତ୍ରଛାୟାରେ ରହି କ୍ରାଇମ ସିଣ୍ଡିକେଟ ଚଳାଉଥିଲେ ଅଭିଯୁକ୍ତ ? ସେ ନେଇ ସିବିଆଇକୁ ମିଳିଛି ନେକ ତଥ୍ୟ।
ବିଧାୟକଙ୍କ ଦରମା ବୃଦ୍ଧି ସଂଶୋଧନ ବିଲକୁ ଖାରଜ କରାଯାଉ ବୋଲି ଯୁବ କଂଗ୍ରେସର ଦାବି
ମନଇଛା ବିଧାୟକଙ୍କ ଦରମା ବୃଦ୍ଧିକୁ ସାରା ରାଜ୍ୟରୁ ପ୍ରତିବାଦ ଆରମ୍ଭ ହୋଇଗଲାଣି । ତୁରନ୍ତ ବିଧାୟକଙ୍କ ଦରମା ବୃଦ୍ଧି ସଂଶୋଧନ ବିଲକୁ ଖାରଜ କରାଯାଉ ବୋଲି ଯୁବ କଂଗ୍ରେସ ଦାବି କରିଛି । ଖୁବ ଶୀଘ୍ର ଏନେଇ ରାଜ୍ୟପାଳଙ୍କୁ ଭେଟି ଦାବି ପତ୍ର ଦେବ ଯୁବ କଂଗ୍ରେସ । ଦେଶରେ କାହିଁକି ଓଡ଼ିଶାର ବିଧାୟକଙ୍କ ଦରମା ସର୍ବାଧିକ ହେବ ? ବିଧାୟକ ଫୋନ ବିଲ ୧୫ ହଜାର କାହିଁକି କରାଯାଇଛି ? ଯେତେବେଳେ କି ମାସକୁ ଏକ ହଜାର ଟଙ୍କାରେ ମାଗଣାରେ ଏକ ମାସ କଥା ହୋଇହେବ ସେଠି ଏତେ ଟଙ୍କା ଭତ୍ତା ଆକାରରେ ଦେବା କି ଆବଶ୍ୟକ ବୋଲି ପ୍ରଶ୍ନ କରିଛି ଯୁବ କଂଗ୍ରେସ ।
୭ମ ଶ୍ରେଣୀର ଛାତ୍ରୀଙ୍କୁ ଶିକ୍ଷକଙ୍କ ଅସଦାଚରଣ: ବିଦ୍ୟାଳୟ ପରିସରରେ ଉତ୍ତେଜନା
ଛାତ୍ରୀଙ୍କୁ ଶିକ୍ଷକଙ୍କ ଅସଦାଚରଣ। ବିଦ୍ୟାଳୟ ପରିସରରେ ଉତ୍ତେଜନା ପରେ ଥାନାରେ ମାମଲା। ବାଲେଶ୍ଵର ଜିଲ୍ଲା ଟାଉନଥାନା ଅଞ୍ଚଳର ଏକ ସ୍କୁଲରୁ ୭ମ ଶ୍ରେଣୀର ଛାତ୍ରୀଙ୍କୁ ଗଣିତ ଶିକ୍ଷକ ଅସଦାଚରଣ କରିଥିବା ଅଭିଯୋଗ ହୋଇଛି । ବିଦ୍ୟାଳୟର ଛାତକୁ ଏକୁଟିଆ ଡ଼ାକି ପ୍ରାଇଭେଟ୍ ଅଙ୍ଗକୁ ଟଚ୍ କରିବା ନେଇ ଘରେ ମାଆଙ୍କୁ ଜଣାଇଥିଲେ ଛାତ୍ରୀ । ଏନେଇ ଆଜି ଛାତ୍ରୀର ପରିବାର ବିଦ୍ୟାଳୟକୁ ଆସି ପଚାରିବାରୁ ଉତ୍ତେଜନା ଦେଖାଦେଇଥିଲା । ବିଦ୍ୟାଳୟ ପରିସରରେ ଟାଉନ ଥାନା ପୋଲିସ ପହଁଚି ବୁଝାସୁଝା କରିଥିଲା । ଏନେଇ ପରିବାର ପକ୍ଷରୁ ଟାଉନ ଥାନାରେ ଏକ ଲିଖିତ ଅଭିଯୋଗ ଦିଆଯାଇଛି।
ବିଗିଡ଼ିଲା ଦିଲ୍ଲୀ ବାୟୁ ଗୁଣବତ୍ତା: ଅଧିକାଂଶ ସ୍ଥାନରେ AQI ପ୍ରାୟ ୪୦୦
ବିଗିଡ଼ିଲା ଦିଲ୍ଲୀ ବାୟୁ ଗୁଣବତ୍ତା। ଅଧିକାଂଶ ସ୍ଥାନରେ AQI ପ୍ରାୟ ୪୦୦ ରହିଛି। ଏକ୍ଯୁଆଇ ସିଭିୟର କାଟେଗୋରୀ ସ୍ଥରରେ ପହଞ୍ଚିଥିବା ଯୋଗୁ ଜନଜୀବନ ବିପର୍ଯ୍ୟସ୍ତ ହୋଇଛି। ଏହା ସହ ଦୃଶ୍ୟମାନ ଦୂରତା ବି ହ୍ରାସ ପାଇଛି। ଗତ ମଙ୍ଗଳବାରପରଠାରୁ ସ୍ଥିତି କ୍ରମାଗତ ଭାବେ ବିପର୍ଯ୍ୟସ୍ତ ହେବାରେ ଲାଗିଛି। ଗତ ମଙ୍ଗଳବାର ଏକ୍ଯୁଆଇ ୨୮୨ ଥିବାବେଳେ ବୁଧବାର ୨୫୯, ଗୁରୁବାର ୩୦୭ ଓ ଶୁକ୍ରବାର ୩୪୯ ଥିଲା। ଆଜି ଦିଲ୍ଲୀର ଅଧିକାଂଶ ସ୍ଥାନରେ ଏକ୍ୟୁଆଇ ୪୦୦ ପାଖାପାଖି ରହିଥିବାରୁ ଆସନ୍ତାଦିନରେ ଯେ ଅଧିକ ସମସ୍ୟା ସୃଷ୍ଟି ହେବାକୁ ଯାଉଛି ଏହା ସ୍ପଷ୍ଟ ହୋଇଛି। ୱାଜିରପୁରରେ ୪୪୩, ଜାହାଙ୍ଗିରପୁରୀରେ ୪୩୯, ବିବେକ ବିହାରରେ ୪୩୭, ରୋହିଣୀରେ ୪୩୪, ଆନନ୍ଦ ବିହାରରେ ୪୩୪, ଅଶୋକ ବିହାରରେ ୪୩୧, ସୋନିଆ ବିହାରରେ ୪୨୭ ଥିବା ସୂଚନା ମିଳିଛି
ଉଦ୍ଧାର ହେବ ସବୁଠାରୁ ବଡ ଓ ପୁରାତନ ହାତୀ ରାମୁର କଙ୍କାଳ
ଉଦ୍ଧାର ହେବ ରାମୁର କଂକାଳ । ଚନ୍ଦକା ଜଙ୍ଗଲର ସବୁଠାରୁ ବଡ ଓ ପୁରାତନ ହାତୀ ହେଉଛି ରାମୁ । ଗତ ବର୍ଷ ବିଦ୍ୟୁତ ଆଘାତରେ ରାମୁର ମୃତ୍ୟୁ ଘଟିଥିଲା। ଆଜି ଉଦ୍ଧାର ଟିମରେ ବନବିଭାଗ, ଏମ୍ସର ଫରେନସିକ ଟିମ, ସ୍ନେକ ହେଲ୍ପ ଲାଇନ ସଦସ୍ୟ ଓ ଡାକ୍ତରୀ ଟିମ ରହିଛନ୍ତି।
ମେସିଙ୍କ ଗସ୍ତକୁ ନେଇ ହଙ୍ଗାମା: ଚେୟାର ଫିଙ୍ଗା ଫୋପଡ଼ା କଲେ ଦର୍ଶକ
କୋଲକାତା ସଲ୍ଟ ଲେକ୍ ଷ୍ଟାଡିଅମରେ ହଙ୍ଗାମା । ମେସିଙ୍କ ଗସ୍ତକୁ ନେଇ ହଙ୍ଗାମା । ଚେୟାର ଫିଙ୍ଗା ଫୋପଡ଼ା କଲେ ଦର୍ଶକ । ମାତ୍ର ୧୦ ମିନିଟରେ ପଳାଇଲେ ମେସି । ଏହାକୁ ନେଇ କ୍ଷୁବ୍ଧ ହେଲେ ଦର୍ଶକ । ଆୟୋଜନକୁ ନେଇ ବର୍ଷିଲେ ଦର୍ଶକ । ଠିକରେ ମେସିଙ୍କୁ ଦେଖି ନ ପାରି କ୍ଷୁବ୍ଧ । ବୋତଲି ଫିଙ୍ଗା ଫୋପଡ଼ା କଲେ ।
ବିଳମ୍ୱିତ ରାତିରେ ଦମ୍ପତିଙ୍କୁ ତାଲା ପକାଇ ଦେଢ଼ଲକ୍ଷ ଟଙ୍କା ଲୁଟ୍
ବିଳମ୍ୱିତ ରାତିରେ ଦମ୍ପତିଙ୍କୁ ତାଲା ପକାଇ ଦେଢ଼ଲକ୍ଷ ଟଙ୍କା ଲୁଟି ନେଲେ ଲୁଟେରା । ଅନୁଗୋଳ ଜିଲ୍ଲା ବାଗଡିଆ ଥାନା ସାପୋଇନାଳି ଗ୍ରାମ ବେହେରା ସାହିରେ ଏଭଳି ଦୃଶ୍ୟ ଦେଖିବାକୁ ମିଳିଛି । ଏହି ଗାଁର କଲ୍ୟାଣ ବେହେରା ଏବଂ ତାଙ୍କ ସ୍ତ୍ରୀ ଛବି ବେହେରା ଖାଇ ପିଇ ଶୋଇଥିଲେ । ବିଳମ୍ବିତ ରାତିରେ ଘରର ଲାଇଟ ଜଳିବା ଏବଂ ବନ୍ଦ ହେବାରୁ ଛବିଙ୍କ ନିଦ ଭାଙ୍ଗି ଯାଇଥିଲା l ତାଙ୍କ ସ୍ବାମୀଙ୍କୁ ଉଠାଇ କବାଟ ଖୋଲିବାରୁ କବାଟ ବାହାରୁ ବନ୍ଦ ଥିବା ଦେଖି ପଡିଶା ଘର ଲୋକଙ୍କୁ ଡାକ ପକାଇଥିଲେ l ପଡୋଶୀ କବାଟ ଖୋଲିବା ପରେ ଅନ୍ୟ ଏକ ରୁମର ତାଳ ଭଙ୍ଗା ଯାଇ ଘର ଭିତରେ ଥିବା ୪ଟି ଆଟାଚ ଏବଂ ୨ଟି ବାକ୍ସ ନଥିବା ଦେଖିବାକୁ ପାଇଥିଲେ । ଏକ ଆଟାଚରେ ଦେଢ଼ ଲକ୍ଷଟଙ୍କା ଥିଲା । ଲୁଟେରା ମାନେ ବାକ୍ସ ଏବଂ ଆଟାଚକୁ ଭାଙ୍ଗି ଘର ଠାରୁ ୫ଶହ ମିଟର ଦୂରରେ ଫିଙ୍ଗି ଚମ୍ପଟ ମାରିଛନ୍ତି । ଏନେଇ ନେଇ କଲ୍ୟାଣ ବାଗଡିଆ ଥାନାରେ ଲିଖିତ ଅଭିଯୋଗ କରିବା ପରେ ପୋଲିସ ଘଟଣାସ୍ଥଳରେ ପହଁଚି ଛାନବିନ କରୁଛି ।
ଶିକାରୀଙ୍କୁ ଧରାଇଦେଲା AI କ୍ୟାମେରା: ୩ ଜଣ ଶିକାରୀ ଓ ୫ ଦେଶୀ ବନ୍ଧୁକ ଜବତ
ଶିକାରୀଙ୍କୁ ଧରାଇଦେଲା AI କ୍ୟାମେରା । ୩ ଜଣ ଶିକାରୀ ଓ ୫ ଦେଶୀ ବନ୍ଧୁକ ଜବତ l କିଛି ଦିନ ତଳେ ବାଘ ଗଣନା ପାଇଁ କୁଳଡିହା ଅଭାୟରଣ୍ୟ ଅଧୀନ ବେତେଇ ଜଙ୍ଗଲରେ ବନବିଭାଗ ପକ୍ଷରୁ ଗଛ ଉପରେ AI କ୍ୟାମେରା ଲଗାଯାଇଥିଲା । କ୍ୟାମେରାରେ ୩ ଜଣ ଶିକାରୀ ବନ୍ଧୁକ ଧରି ଜଙ୍ଗଲରେ ବୁଲୁଥିବା ନେଇ କଏଦ ହୋଇଥିଲା । ସୋର ବନାଞ୍ଚଳ ଅଧିକାରୀ ହରିହର ମାଝୀ ଓ କୁଲଡିହା ରେଞ୍ଜ ଅଧିକାରୀ ମିଳିତ ଭାବେ ଉକ୍ତ ଫଟୋକୁ ଆଧାର କରି ଔପଦା ବ୍ଲକ ବେତେଇ ଗାଁରୁ ଜଣେ ଓ ନରସିଂସିଲା ଗାଁରୁ ଦୁଇ ଜଣଙ୍କ ଘରେ ଚଢ଼ାଉ କରି ସେମାନଙ୍କୁ ଗିରଫ କରିଛନ୍ତି । ଏଥିସହ ସେମାନେ ଜଙ୍ଗଲରେ ଲୁଚାଇ ରଖିଥିବା ୫ଗୋଟି ବନ୍ଧୁକକୁ ଜବତ କରିଛନ୍ତି । ଆଜି ୩ ଶିକାରୀଙ୍କୁ କୋର୍ଟ ଚାଲାଣ କରାଯିବ ।
ନବମ ଶ୍ରେଣୀ ଛାତ୍ରର ପକେଟରୁ ବାହାରିଲା ବନ୍ଧୁକ
ନବମ ଶ୍ରେଣୀ ଛାତ୍ରର ପକେଟରୁ ବାହାରିଲା ବନ୍ଧୁକ । କେନ୍ଦ୍ରାପଡ଼ା ଜିଲ୍ଲା କୁଦାନଗରି ଥାନା କୋରୁଆ ସରକାରୀ ଉଚ୍ଚ ବିଦ୍ୟାଳୟରେ ଏଭଳି ଘଟଣା ଦେଖିବାକୁ ମିଳିଛି । ସ୍କୁଲରେ ଗଣିତ କ୍ଲାସ ଚାଲିଥିବା ସମୟରେ ଶ୍ରେଣୀ ଗୃହରେ ଛାତ୍ରର ପକେଟ ଉଚା ଦେଖାଯିବାରୁ ଗଣିତ ସାର ନୃସିଂହ ସ୍ବାଇ ଚେକିଂ କରିଥିଲେ । ଚେକିଂ ସମୟରେ ଛାତ୍ର ପକେଟରୁ ଏକ ବନ୍ଧୁକ ବାହାରିଥିଲା । ପ୍ରଧାନ ଶିକ୍ଷକ ଥାନାରେ ଅଭିଯୋଗ କରିବା ପରେ ବନ୍ଧୁକ ଜବତ ସହ ଛାତ୍ରକୁ କୋରୁଆ ସ୍ବଧାର ଗୃହରେ ରଖି ଅଧିକ ତଦନ୍ତ କରୁଛି ପୋଲିସ ।
ଭାରତୀୟ କ୍ରିକେଟରେ ମ୍ୟାଚ ଫିକ୍ସିଂ ! ୪ ଜଣ ଖେଳାଳି ସସପେଣ୍ଡ
କ୍ରୀଡ଼ା ଜଗତରୁ ଆସିଛି ଏକ ବଡ଼ ଖବର । ଭାରତୀୟ କ୍ରିକେଟରେ ମ୍ୟାଚ ଫିକ୍ସିଂ ନେଇ ଏକ ଖବର ସାମ୍ନାକୁ ଆସିଛି । ଏହି ଅଭିଯୋଗରେ ୪ ଜଣ ଖେଳାଳିଙ୍କୁ ସସପେଣ୍ଡ କରାଯାଇଛି । ସୟଦ ମୁସ୍ତାକ ଅଲୀ ଟ୍ରଫିର ଚଳିତ ସିଜିନ ମଧ୍ୟରେ ଏହି ଖବର ଏବେ ଘରୋଇ କ୍ରିକେଟକୁ ହଲଚଲ କରିଦେଇଛି । ଆସାମର ୪ ଜଣ ଖେଳାଳିଙ୍କୁ ଭ୍ରଷ୍ଟାଚାର କାର୍ଯ୍ୟକଳାପ ଅଭିଯୋଗରେ ନିଲମ୍ବନ କରାଯାଇଛି । ଆସାମ କ୍ରିକେଟ ଆସୋସିଏସନ (ACA) ପକ୍ଷରୁ ଏହି କାର୍ଯ୍ୟାନୁଷ୍ଠାନ ଗ୍ରହଣ କରାଯାଇଛି ।
ନିଲମ୍ବିତ ହୋଇଥିବା ଖେଳାଳିଙ୍କ ମଧ୍ୟରେ ଅମିତ ସିହ୍ନା, ଈଶାନ ଅହମଦ, ଅମନ ତ୍ରିପାଠୀ ଓ ଅଭିଷେକ ଠକୁରୀ ରହିଛନ୍ତି । ଆସାମ ଖେଳାଳିଙ୍କୁ ପ୍ରଭାବିତ କରିବା ଓ ଖଳାପ କାର୍ଯ୍ୟ ନେଇ ଉସୁକାଇବା ନେଇ ଏହି ଖେଳାଳିଙ୍କ ବିରୋଧରେ ଅଭିଯୋଗ ଆସିଛି । ଏନେଇ ACA ପକ୍ଷର ଏ ଅଫିସିଆଲ ବୟାନ ଜାରି କରାଯାଇଛି । ମାମଲାର ଗମ୍ଭୀରତାକୁ ଦୃଷ୍ଟିରେ ରଖି ଗ୍ବାହାଟୀ କ୍ରାଇମବ୍ରାଞ୍ଚରେ ଏଆଆଇଆର ଦାୟର କରାଯାଇଛି ।